عاجل: الكونغرس الأمريكي يرفض حصانة السودان

04:28 PM December, 03 2020

سودانيز اون لاين
عمر التاج-KHT
مكتبتى
رابط مختصر

على ذمة الجزيرة
..
..
المختصين بالشأن الخارجي يشرحوا
أنا مختص في مرارة خضر الطيب وبس (وجه باسم)

متوقع
بشريات الديمقراطيين
والجاي العن

امريكا لن تتسامح فيما تعتقد
انه اضرار بمصالحها ومواطنيها

عقيدتهماي تعرض او اذي لاي امريكي
غير مسموح به ، رغم ان من أذاهم ليس
الشعب السوداني الذي سرقت ديمقراطيته
بواسطة المتأسلمين وبموافقة مخابرات امريكا.

لماذا لا يسألوا مخابراتهم عن خقيقة انقلاب
البشير ومن أيده

Quote: متوقع بشريات الديمقراطيين والجاي العن

ترامب الله لا غزا فيه بركة يا جعفر
كمل قروشنا وحيلنا وفي الاخر عايز يجدعنا بايظ
..
..

Quote: امريكا لن تتسامح فيما تعتقد انه اضرار بمصالحها ومواطنيها

المشكلة انهم عارفننا ما بتاعين مشاكل
وحتى الكيزان طبعوا معاهم ورفعوا منهم ثلاثة ارباع غضبه
بعد ان عرفوا واقتنعوا من هو الارهابي الحقيقي الفجر لهم مدمراتهم وسفاراتهم وإبراجهم
كل الحكومة والاستخبارات وحتى القضاء يعرف ان السودان برئ من اتهاماتهم براءة الذئب من دم يعقوب
ولكنهم شغالين بمبدأ الاصغر منك دوسو ..
وطالما كنا صغار أو حقراء أو انهزاميين في نظرهم ..
حايدوسونا ..

اذا الكونجرس رفض حصانة السودان فمعنى ذلك حتى اذا اراد بايدن،الرئيس
الجديد للولايات المتحدة، ان يقبل حصانة السودان ،فسوف لن يستطيع في حالة
فاز الجمهوريون بمقعدي الكونجرس في جورجيا، والانتخابات للمقعدين ستجرى الشهر
القادم...لان الجمهوريين ستكون لهم الاغلبية مرة اخرى وسيصوت الكونجرس مرة ثانية
ضد قبول حصانة السودان...
اما اذا فاز الديمقراطيون بمقعدي الكونجرس فمبروك للسودان، اولا بايدن حيرجع للسودان
مبلغ ال ٣٣٥ مليون دولار اللغفهم ترامب بدون وجه حق..ويرفع اسم السودان من قائمة الارهاب
ويشجع الشركات الامريكية للاستثمار في السودان ،ويرسل شركات النفط لاستخراج النفط من السودان
وفي خلال سنة واحدة فقط حتكون في تنمية حقيقية وازدهار في السودان لان السودان.سوف
يكتفي ذاتيا من البترول ويصدر ٥ مليون برميل نفط يوميا. والدولار سعره حيكون ٣ جنيه فقط...
وعشرة رغيفات بجنيه واحد فقط وكيلو اللحم بي ٣ جنيه والمواصلات بجنيه واحد فقط وللاطفال اقل
من ٧ سنوات مجانا وللكبار من عمر ٦٥ سنة مجانا ...
لكن المشكلة ان ناس الحكومة الانتقالية حيقولوا انهم هم الذين حققوا التنمية وهذا الازدهار
ويطالبوا انهم يحكموا مدى الحياة ....بلا انتخابات بلا كلام فاضي!!!!!!
..لكن اذا هم حققوا لينا الخلم ده في ظرف سنة..فنقول ليهم مبروك عليكم حكم
السودان مدى الحياة.....ونقول شكرا حمدوك...شكرا بايدن...وبالصوت العالي...

Quote: لكن المشكلة ان ناس الحكومة الانتقالية حيقولوا انهم هم الذين حققوا التنمية وهذا الازدهار ويطالبوا انهم يحكموا مدى الحياة ....بلا انتخابات بلا كلام فاضي!!!!!!

حلم كبير يا دكتورة. ولو اتحقق، إن شاء الله يقعدوا فيها إلى يوم يبعثون. يا رب يتحقق. لكن الملايين اللغفها مولانا ترمب ما بترجع تاني، ومانا دايرنها ما دام البلد ببقى بالرفاه القلتيه دا.

الحلم سمح.

ومالك فرحان كدا يا عمر التاج
انت مختص في فقع مرارة خضر الطيب ولا فقع مرارة الشعب الفضل؟

Quote: اما اذا فاز الديمقراطيون بمقعدي الكونجرس فمبروك للسودان، اولا بايدن حيرجع للسودان مبلغ ال ٣٣٥ مليون دولار اللغفهم ترامب بدون وجه حق..ويرفع اسم السودان من قائمة الارهاب ويشجع الشركات الامريكية للاستثمار في السودان ،ويرسل شركات النفط لاستخراج النفط من السودان

يا ريت يا امتثال .. يسمع منك ربنا
بس مش العقوبات دي فرضوها الديمقراطييبن ..
فترة أوباما مش هي الفترة الكانت فيها الوعود والأماني السندسية ؟
السودان ده ماحاينعم بنعيم الا اذا جاء فيه رئيس منتخب و بتاع شغل ..
يلتفت لتنمية موارده الذاتية ويشجع على الانتاج والاستثمار
ويحول الحكومة والجيش من مؤسسات مستهلكة عاطلة الى مدخلات انتاج مثمرة..
غير كده لا بايدن ولا الجن الأحمر حا يرجع لنا مليم
والبدخل كرش أمريكا تأني في الولادة مابطلع..
..

Quote: ومالك فرحان كدا

أبدا يا أخ نصر الدين
لو فرحان كنت عملت أيقونة فرح في راس البوست ، زي بوست "حمدوك يرهن" المجاور
أنا هنا مجرد ناقل للكفر .. ولست بسافر
ومتمني أحلام امتثال ديك تتحقق بالطابق
ولكني لست متفائلا في الظرف الحالي ..
وربنا يصلح الحال .. ويستبدله بخير حال

بالغت يا عمر
كأنك تمد لسانك لنا جميعا شامتا
سؤال
دة خبر ولا توقع ؟

ليس في الموت شماتة يا عبد الحفيظ..
ده مجرد خبر منقول من الجزيرة قالت ناقلاه عن البوست واشنطون عن الكونغرس، رضي الله عنهم أجمعين..
ولكن ده ما الخبر..
الخبر الجد هو ماكتبه زميلنا تحت..

Quote: سيف جبار ((ولا يزالون يقاتلونكم حتى يردوكم عن دينكم إن استطاعوا)) *** ستدفعون [تعويضات يهود يثرب] يا ذاري المسلمين الذين رفضوا دين العزة الحنيفية واعتنقوا دين الذلة الديمغراطية .. دين عبدة الشيطان الأمريكان الذي قادوكم من خطامكم إلى سجن الجزية، فدفعتم من أموالنا حراماً للكافرين وستدفعون يا أهل الصياح ولا سلاح ستدفعون [تعويضات يهود يثرب] عما قريب. أعجبني · رد · تمييز كمحتوى غير مهم أو احتيالي · منذ ١٤ س

أنا مختص في مرارة خضر الطيب وبس (وجه باسم
انا رديت علي دة يا عمر
بس ما تقول لي كتبت وش باسم

Quote: الكونغرس الأمريكي يرفض حصانة السودان

يا عمر الجزيرة متعوده تمسك الناس ضنب الككو ...
الموضوع لم يتم اتخاذ قرار بشأنه ولازال قيد البحث ...
حا نعرف في او بعد ١١ ديسمبر وهي نهاية مهلة ٤٥ يوم
للبت في توصية طرمبه برفع الحظر ...

Quote: الجزيرة قالت ناقلاه عن البوست واشنطون عن الكونغرس

البوست واشنطن دي ما سمعت بيها قبل كدا
لكن من كلامك يا عمر التاج فهمت إنها ياها ذاتها نيويورك تايمز كما ظهرت في الصورة على صدر البوست.

قلنا يا حافظ نخلي ليكم ثغرة تتدخلوا منها وكدة
المهم الواشنطون بوست والبوست واشنطن والنيويورك تايمز والسي ان ان
كلها وكالات أجنبية فالعب بها كما تشاء
خلينا في جزيرتنا دي وتامل منها هذا الخبر ..

حقيقة لا بعرف بلومبيرغ لابيرغ بلوم ..لكن طالما جابته الجزيرة فهو موضوع ممكن نحتفي به معا ..
الغريبة قالوا في التقرير ان السودان مازال من اكثر الدول فقرا ..الا ان رئيس السودان كان مؤثرا جدا في اقتصاده..
فا شنو .. عايزك تفهمني الكلام ده عشان احتفل معاك بطريقة نادر التحتاني.

حبابك ..اخونا صلاح الزبير
وشكرا لك، لقد بشرتنا
طيب رأيك شنو في الكلام النحت ده ..

Quote: الخرطوم : النورس نيوز تقدم 4 أعضاء بمجلس الشيوخ الأميركي، بمشروعي قرار جديدين يعطلان رفع اسم السودان من القائمة الأميركية للدول الراعية للإرهاب، والأعضاء الأربعة هم بوب مينينديز عضو لجنة العلاقات الخارجية، وتشاك شومر زعيم الأقلية الديمقراطية، إضافة إلى كريز كونز وديان فاينستين. ويربط المشروعان شطب اسم السودان من القائمة ومنحه حصانة ضد الملاحقة القانونية، بتقديم تعهدات وتعويضات لضحايا تفجيرات برجي مركز التجارة العالمي في نيويورك يوم 11 سبتمبر 2001، وهو ما رفضته لجنة التفاوض السودانية التي اعتبرت البنود الواردة في مشروعي القرار “مشوهة”. ورفض المشرعون الأربعة الطلب المرفوع من وزارة الخارجية الأميركية الخاص بـ”حصانة السودان” ورفع اسمه من قائمة الإرهاب. وقال خطاب صادر عن مكتب شومر، حصل موقع “سكاي نيوز عربية” على نسخة منه، إن مشروعي القرار سيخضعان للتصويت داخل الكونغرس ليتم اختيار أحدهما كبديل للقرار الذي بعث به البيت الأبيض للكونغرس قبل أكثر من شهر، بشأن شطب السودان من قائمة الإرهاب. وبسبب إيوائه مجموعات وشخصيات إرهابية على رأسها زعيم تنظيم القاعدة السابق أسامة بن لادن، أدرج السودان عام 1993 في القائمة التي تضم إيران وكوريا الشمالية وسوريا، مما تسبب في خسائر بنحو 300 مليار دولار للبلد الذي يعيش أوضاعا اقتصادية بالغة التعقيد بعد إطاحة نظام عمر البشير في أبريل 2019. لكن بعد تشكيل الحكومة الانتقالية في ديسمبر 2019، حدث تحسن ملحوظ في العلاقة بين الخرطوم وواشنطن، وقاد رئيس الوزراء عبد الله حمدوك جهودا دبلوماسية كبيرة من أجل التوصل لحل. وفي أكتوبر 2020، قررت الإدارة الأميركية شطب السودان من قائمة الدول الراعية للإرهاب بناء على اتفاق تم بين الخرطوم وواشنطن في أغسطس الماضي، يقضي بدفع 335 مليون دولار كتعويضات لأسر ضحايا تفجيرات سفارتي الولايات المتحدة في كينيا وتنزانيا عام 1998، والبارجة “يو إس كول” في اليمن في عام 2000. وبموجب الاتفاق طلبت وزارة الخارجية من الكونغرس تمرير تشريع يضمن ما يعرف بـ”حصانة السودان السيادية”. لكن خبيرا سودانيا على صلة بلجنة التفاوض في واشنطن، اعتبر المشروعين الجديدين بمثابة عقبة جديدة أمام شطب السودان من قائمة الإرهاب. وتوقع المصدر في تصريحات عبر الهاتف لموقع “سكاي نيوز عربية”، أن يطرح مشروع القرار للتصويت رسميا في العاشر من ديسمبر الجاري، وقال إنه “من دون الاتفاق وموافقة السناتور شومر زعيم الأقلية بمجلس الشيوخ سيصبح تمرير مشروع القرار في مجلس النواب صعبا، حيث الأغلبية هناك للحزب الجمهوري”. وفي حين تعهد شومر في خطابه بمحاولة إقناع السلطات الأميركية بدعم التحول الديمقراطي في السودان، فإنه أشار إلى أن اعتراضه وزملائه على مشروع قرار الحصانة “يأتي انطلاقا من الحرص على حقوق الضحايا”.

ومالك فرحان كدا يا عمر التاج
انت مختص في فقع مرارة خضر الطيب ولا فقع مرارة الشعب الفضل؟
---------------------------------------------------------------------
الاخ نصر الدين سلام
المدعو عمر التاج كوز حتى النخاع مشبع بالحقد على الشعب السودانى وطبيعى ان يفرح لاى خبر يفقع مرارة الناس
هذه هى طبيعتهم

عندك دليل يا حسن والطير ولا دي من بنات هواجسك؟
وبعدين تعال يا اخ انا مش مطالبك بباقي في البوست ده ..
الرئيس الألماني في فتيل
وين محطاتك بتاعة الكهرباء ووين اراضيك ..
انت قايلنا بننسى؟