محمد ناجي الأصم عضواً في مجلس شركاء الحكم

10:57 PM December, 01 2020

سودانيز اون لاين
عبدالعظيم عثمان-
مكتبتى
رابط مختصر

دي توقعات قوية

الجداد الإلكتروني حيدور
وصراخ وجعيير
ومعاهم شيوعين بائسيين حيشتركوا في الجعيير

وعشان الشيوعين ما يشبكونا واك وييك
في شيوعي في سكرتارية مجلس الشركاء
من قراصنة تجمع المهنيين

يا عظمة
دا ما محل الاصم...محلو تجمع المهنيبن قائد
الثورة و ملهمها...دي خطوة لتصفية الثورة.
الشيوعيين سلموا الثورة بطبق من ذهب للعسكر
باستلام عناصرهم الباهتة و الما عارفها سوداني
لتجمع المهنيين و بخروجهم من ق ح ت.
اتحدى من يقرا هذه المداخلة أن يذكر اسماء رئيس
و اعضاء تجمع المهنيين الجديد بعد استيلاء الجماعة له؟!!

https://top4top.io/
البكا والزغاريد والجنازة كلب
دخلت نملة وخرجت نملة

قال ثورة قال
امشي اقرا رسالة منعم منصور وفكنا من ايتام بابكر عوض الله وايتام الترابي ديل
كدي عد القرود في السيارة ديل 20 ولا عايزين زيادة

اتفق معاك يا ناصر
الأصم مكانه تجمع المهنيين حارس للثورة
وليس ضمن مؤسسات الحكم
لكن وين مع مؤامرات وحفر الشيوعين.. خطفوا قلب الثورة واضعفوها
حتى اليوم لم أجد أي تفسير لمواقف الحزب الشيوعي الرسمية
ولا حتي لمواقف لبعض المواقف المتطرفة لعضويته

ما عديت القرود ليه ياعظموت في العربية 20 قرد
ثورة شنو ياخ
عندنا عساكر تايهين في اليمن لحدي هسة
الثورة بالوادي الجايت جبريل والكيزان مرة تانية ولي حاجة تانية
مش قلتو الانتخابات تجيب الكيزان
المحاصصة بتجيب شنو
https://top4top.io/
والله الترابي ده بقى اصر في عنق السودان ما قدرنا نتفكا منو كلو كلو

السلام عليكم، وشكراً أخانا ناصر أمين:

Quote: يا عظمة دا ما محل الاصم...محلو تجمع المهنيبن قائد الثورة و ملهمها...دي خطوة لتصفية الثورة. الشيوعيين سلموا الثورة بطبق من ذهب للعسكر باستلام عناصرهم الباهتة و الما عارفها سوداني لتجمع المهنيين و بخروجهم من ق ح ت. اتحدى من يقرا هذه المداخلة أن يذكر اسماء رئيس و اعضاء تجمع المهنيين الجديد بعد استيلاء الجماعة له؟!!

كلام فيهو من المنطق، الكثير، وإن كان ينقصه شيء بسيط!
ومن ضمن هذا البسيط، أن أمثال الأخ د. الأصم، هم الذين فرررررطوا
في " تجمع المهنيين" ثم جاءوا عشاءً يبكوووووون

كان من مخرجات مؤتمر جوبا للسلام تكوين مجلس شركاء الحكم وتضمينه فى الوثيقة الدستورية وأهم شئ : قرارات المجلس ملزمة لجميع اطرافه :
باى باى يا حرية ويا تغيير ويا عك فى كل القرارات الهامة .

Quote: تكوين مجلس شركاء الفترة الانتقالية وفقا لمنطوق المادة (80) والتي أضيفت للوثيقة الدستورية بعد تضمين اتفاق جوبا للسلام الذي وقع في الثالث من اكتوبر2020 في جوبا حاضرة دولة جنوب السودان وتنص المادة (80)على تأسيس مجلس شركاء المرحلة الانتقالية الذي يضم المكون العسكري والحرية والتغيير قوى الكفاح المسلح الموقعة على اتفاق السلام بجوبا ، ونصت المادة على انشاء مجلس شركاء الفترة الانتقالية من :رئيس مجلس الوزراءو2 من الوزراء تختارهم مجلس الوزراء و5 ممثلين من المكون العسكري و12 من قوى اعلان الحرية والتغييرو5 تختارهم اطراف عملية السلام (اتفاق جوبا )و2 من مجلس السيادة وحددت المادة (10)من اللائحة مهام واختصاصات المجلس في: تنسيق الرؤى والمواقف بين اطراف الوثيقة الدستورية والسلطة الانتقالية وحل التباينات التي تنشأ بينها. التوافق على السياسات الوطنية العليا ومتابعة القضايا الاستراتيجية. العمل على ضمان نجاح المرحلة الانتقالية وتنفيذ الوثيقة الدستورية واتفاق السلام . للمجلس سلطات في وضع الخطط والبرامج وانشاء اللجان وتحديد اختصاصاتها وسلطاتها و اصدار اللوائح الداخلية التي تظم اعمال المجلس ولجانه المتخصصة وتكون قرارات المجلس ملزمة لجميع اطرافه.

فاعلية قوى الحرية والتغيير انتهت لانهم كانوا كالاخوة الاعداء وفى كل القرارات المصيرية مثل السلام مع الكيان الصهيونى
وكل القرارات الاقتصادية وغيرها من القرارات المهمة .
عدم تناغم قوى الحرية والتغيير هى التى اتت بمجلس شركاء الحكم .ويمكن تمرير قرارات لا تُرضى الشعب عبرهم .
قوى الحرية والتغيير كانت وبالاً على الثورة وعلى حكومة الثورة .

اها بعد يجي يا ناس لالا فى الكمونية الجديدة
what else
سنة ونص ولافين صينية

عادل أمين أخبارك شنو
لسه شغال تهطرق
قرود شنو يا زول
الناس عملت ثورة.. الفلول والعساكر شغالين يعطلوا فيها
ما تم إنجازه من الشارع والثوار والمدنين جهد يشكرون عليه
نساعدهم عشان تتحقق أهداف الثورة ولا كل شوية
نقعد نتشمت ونقول العساكر سجلوا هدف
الثورة إتسرقت
القرود ساقوا العربية

ولا شنو يا عادل
إتحركوا من مربع القنع ودق الجرس
لي مربع الفعل والثورة

Quote: ولا شنو يا عادل إتحركوا من مربع القنع ودق الجرس لي مربع الفعل والثورة

صفر العداد اول حاجة
زول ما بحترم وعيك مباريه ليه ومصر علي قصة العسكر
والله حمدوك وايتام بابكر عوض الله وايتام الترابي كلهم تحت جذم المصريين السعودية والامارات وقطر وتركيا
وفضحهم ابراهم منعم منصور
وانا ثورتك ما وصلتني ولا بتنفع معاي
مات الجنود السودانيين في ميدي بي الالاف
وبرنامجي ما عنده علاقة بي ناسك ديل اطلاقا
وانت عايز تعمل من موية الفيسخ شربات ليه
اتواضع عشان تشوف
هسة بس الما مقتنع بي الكمونية دي
بس يرفع لينا علم الاستقلال الاصلي في كل بيوت السودان
وخلي الباقي علينا بس
هسة صعب نرفع علم الاستقلال البهيج في كل بيوت السودان من 16 ديسمبر ولي عايزين نباري بعاعت مايو ونولول تحت جذم المخابرات المصرية ؟؟

يا عبدالعظيم تقول الروب نرجع ليك أكرم ولا كو؟

القطاع الصحي منهار تماماً
الموضوع أكبر من وزير يمشي أو يرجع
القصة معقدة جداً يا محمد الأمين

أكرم إجتهد في الجانب الصحي
وفشل في الجانب الإداري وكان لازم يمشي
دي كل القصة

سلام محمد جودة البكاي ما الأصم البكاي عظمة ده أكتر من ماما أميرة 😂

Quote: أكرم إجتهد في الجانب الصحي وفشل في الجانب الإداري وكان لازم يمشي

هسة ان شاء الله الجمبات الإدارية والصحية اتصلحت؟

قال الموضوع أكبر من وزير قال!
زمان أيام اكرم بصبحها بي بوست ويمسيها بي بوست كلها في شخص دكتور اكرم
أول ما فات يقول ليك الموضوع أكبر من شخص !!

محمد ناجي الأصم دة يطلع مظاهرات .. يعمل خطب نارية
لكن من ناحية سياسة معلم الله
السياسة عاوزة واحد مؤمن بالديمقراطية موش يدخل الانتخابات ويصوت ويقعد فيها لحدي آخر دقيقة وأول ما يسقط يقول تتندكّ!
هو ومجموعته المسيراهو دمروا تجمع المهنيين وأعتقد إنه مؤهل لإفشال المجلس الجديد برضو

غايتو انيق ووجيه ولبيس
ينفع ايقونة للهبوط الناعم

بعد أكرم تأتي مافي زول حيتجرأ يفكر يعمل تمكين حزبي
لا أكرم ولا غيره حيقدر يعمل حاجة مع القطاع الصحي المنهار دا

Quote: ينفع ايقونة للهبوط الناعم

هلا حفيظ ...
كتلوك ولا جوك جوك ...
مصطلح الهبوط الناعم لسع valid ...
على حسب علمي في ١١ أبريل١٩ هبط الكيزان
هبوط ناعم ولا خشن الله اعلم ... بس المؤكد
من كان يحكم منهم في قبضة وزنازين من كان
يرفض الهبوط الناعم إلى اليوم ... لجنة البشير
الأمنية عمليا هي من مكنت رافضي الهبوط
الناعم من رقاب الكيزان ... وحكام اليوم من
لجنة البشير الأمنية حكمو بفضل اتفاق مشهود
مع رافضي الهبوط الناعم ... وتحت تحت
قالو رافضي الهبوط الناعم في اتفاق تام مع
الكيزان وما بعيد يكون متحالفين معاهم ...
لامتين نحنا يسوقونا الناس ديل بالمعلبآت
والمصطلحات دي كأنها منزلا من السماء ...

حبابك صلاح
الهبوط الناعم والثورة المخملية وغيرها مصطلحات لوضع محدد جدا

Quote: سلام محمد جودة البكاي ما الأصم البكاي عظمة ده أكتر من ماما أميرة 😂..

وعليكم السلام حبيبنا المنتصر،
والله صدقتا
هو بكى نصااااح لكين! خللي بالك دي "قِطاعة" أخونا الدكتور أكرم،
ربنا يطراه بالخير، ويعيدوا لينا سالماً غانماً وليي ناس عظمة و"بروف اتهم"
آل.بكّائين (ههه) مُعَزّياً مؤنساً مُصحّحا مُعالِجا ..

Quote: الهبوط الناعم والثورة المخملية

هههههه الكوت زاغ مني ...
ياخي اهو تقول لي دي مصطلحات عامة ...
غايتو ثورة مخمليه دي يطرشني ما سمعت بيها
لكن هبوط ناعم دي حقت ل م امكن سمعتا بيها
قبل سنتين أو تلاته من سقوط الكيزان ...
غايتو مخمليه دي فيها شاور وشامبو ولوشن* وبشكير
لكن الهبوط الناعم دا عكسو طوال الهبوط الخشن
ينزلوك ويدوك كفين ويسوقوك لي الدروه ...
لوشن = أهل العوض يمتنعون ...

الخبر صحيح
الطبيب الشاب محمد ناجي الأصم عضواً في مجلس شركاء الحكم
للفترة الإنتقالية

قبل كم يوم في مناسبة لاقيت طبيب اتحادي ودفعة الأصم واشتغلوا سوا في تجمع المهنيين
كان بدافع بضراوة عن موقفهم في تجمع المهنيين أنا قلت ليه ياخي سؤال ناسكم ديل دخلوا انتخابات التجمع وصوتوا وحضروها للنهاية؟
شغال يكورك ياخي هم كانوا عاوزين ينسحبوا
بعد كواريك 10 دقايق حتى يدينا فرصة نتكلم .. يا شاب أنا ما سألتك عما دار في خواطرهم هل انسحبوا ولا كملوها للنهاية
قال لي كملوها
قلت ليها يبقى يقبلوا نتيجتها
قال لي أها موقفهم من البداية غلط وما مفروض يقبلوا بي انتخابات قبل اعتماد الأجسام النقابية واستبعاد الحزبية و ... طيب أها قول غلطانين الغلط دة يستمر ولا يعالجوه؟ نحن غلطنا يتحمل غلطنا الشعب السوداني كلو ولا نحاول نصلح؟
طبعاً هو ما بديني فرصة أتكلم وانا على الطبيعة هادئ ومسكين .. شيطان الكيبورد بتاعي براهو أنا ما معاو :)
المهم بعد لقيت لي فرصة قلت ليه انت عندك مشاكل كتيرة أولها عدم قناعتك بالديمقراطية والاقتراع كوسيلة ديمقراطية للاحتكام في أي نزاع
ثانياً بتمارس وصاية على الشعب وبتعمم مفهوم الغلط عندك على الشعب كلو وبتعتبر الحاجة الانت ما مقتنع بيها هي غلط ومفروض تتحارب بغض النظر عن رأي الباقين
طبعاً ما خلاني أواصل قعد يجوط تاني
المهم في النهاية في طبيب اخصائي كدة قدر يحسم ليه الموضوع قال ليه يا ولدنا الديمقراطية دي حاااااارة وانتو ما بتستحملوها كان عادوا ليكم الانتخابات 20 مرة وسقطتوا فيها بتتجرسوا وتقولوا عيدوها عشان انت في فهمك إنه الديمقراطية دي وسيلة تديك السلطة لكن متفهم إنه نفس الديمقراطية دي ممكن تدي السلطة لي غيرك

يا احمد محمد عمر قصص بيوت العزابة دي
ما عندها معنى
الأصم عضو مجلس شركاء الحكم
ممثلاً لتجمع المهنيين مع طه عثمان
الإنقلابيين الخطفوا التجمع خليهم يعملوا بيه حلة عدس

المجد للشهداء
التجلة لامهات الشهداء
العزة للوطن

تحولت الثورة الي محاصصة بين العسكر
والدعم والاحزاب والحركات .

لا انتخابات تلوح في الافق ولا ديمقراطية
غيب الشعب وحضرت المطامع ، وما اشبه
صبحنا بليل البشير

يا إخلاص ياخ حشيتو مصطلح ال محاصصة دا حش
وريني آلية للتوافق غير المحاصصة في ظل غياب الإنتخابات
اي صيغة توافق تعني محاصصة.. مافي سكة تانية

وين لجان المقاومة ؟!!!
وين اسر الشهداء
وين النساء
29 وما فيهم الشباب
ال طلعوا وماتو ، حتي التوم
والزول الشتم في عز الثورة
وزار الترابي و نسيتو النساء
ونسيتو لجان المقاومة

وارجأتم الانتخابات ، منو الناقص غير
البشير !!!!!

لجان المقاومة الدخلها شنو في هياكل الحكم والسلطة؟
ويمثلوها كيف لجان المقاومة دي؟
ويفرزوها كيف
حتى تمثيل لجان المقاومة في المجلس التشريعي غير منطقي
أسر الشهداء برضه كيان غير سياسي

إنتوا يا إخلاص عاوزين كلام السياسة ولا الكلام الهبوب المقطوع من الرأس

وين النساء
وين لجان المقاومة
يا زول كلام نمثلهم كيف دي
ما بتخارج

كلام السياسة ده ما غير البشير
غيروا النساء ( ساعة البنيان وضرب الرصاص
كان الشباب ) و لا نزل الفيديوهات

الا لعنة الله علي المنافقين المتحزبين
يا زول حميدتي واخو كان يدقو الناس
ولجنتك بي برهانها كان يا مشاركين
يا متفرجين
مستهبلين

Quote: أسر الشهداء برضه كيان غير سياسي إنتوا يا إخلاص عاوزين كلام السياسة ولا الكلام الهبوب المقطوع من الرأس

هو نعلو الحاصل دا كلام سياسة يا عبدالعظيم؟
وقلت لي الشلليات دي إسمها كيانات سياسية؟

حسب الاسافير والواتساب
حمدوك رفض المجلس رفضاً مسبباً
اربعة اسباب
1- عدم تمثيل النساء بعدد لائق
2- عدم تمثيل مجلس الوزراء ( تعطيل السلطة
المدنية تقرأ)
3- عدم تسمية رئيس الوزراء نائباً اول ( تقرأ
اولاد دقلو والجيش ما يخمونا)
4- عدم النص صراحة علي عدم تدخل
المجلس في عمل الحكومة .

لجان المقاومة برضو ( حسب نواحي التسافير)
اعلنت انها لا تريد اسقاط حمدوك ولكن عاوزه
75 % من السلطة

يا لجان المقومة لكم 20% مفترض ( حسب نسبة
الشباب ) لا تكونوا بيدق بيد من لايحترم الشعب
وعايز يحكم بالاستهبال .

ناس اعلنوا عدم اشتراكهم وعندهم ممثل وعايزين
يوظفوا لجان المقاومة عندهم ، هذا لا يليق

Quote: حسب الاسافير والواتسابحمدوك رفض المجلس رفضاً مسبباًاربعة اسباب1- عدم تمثيل النساء بعدد لائق2- عدم تمثيل مجلس الوزراء ( تعطيل السلطةالمدنية تقرأ)3- عدم تسمية رئيس الوزراء نائباً اول ( تقرأاولاد دقلو والجيش ما يخمونا)4- عدم النص صراحة علي عدم تدخلالمجلس في عمل الحكومة .لجان المقاومة برضو ( حسب نواحي التسافير)اعلنت انها لا تريد اسقاط حمدوك ولكن عاوزهز75 % من السلطةيا لجان المقومة لكم 20% مفترض ( حسب نسبةالشباب ) لا تكونوا بيدق بيد من لايحترم الشعبوعايز يحكم بالاستهبال .ناس اعلنوا عدم اشتراكهم وعندهم ممثل وعايزينيوظفوا لجان المقاومة عندهم ، هذا لا يليقفي ناس مفتكرين هم شطاااار والاخرين اغبياء

يا دكتورة برضوا تفكيرك مثل عبدالعظيم اصبتي بلوثة العداء للشيوعية من هم الذين قالوا لم يشاركوا ولهم ممثل , تاريخيا لا نعمل وسط الايادي الخفية التى عبث بالوثيقة من اجل المحاصصات وبل تعيين شخصيات دون كيانات نفس الملامح والشبهة لسياسة الكيزان والتزوير الفاضح والخروقات الدستورية وتعيين اشخاص دون كيانات اذ اردتم ان تغيروا الوثيقة لماذا لم تصبروا بتعيين التشريعي ومن ثم عدلوا ما شئتم لان الوثيقة تقول ذلك لتعديلها انه انقلاب كامل الدسم قالوا هددوا بالانسحاب لان الاتفاق لكم ثلاثة لا اثنين وحصل البيع , عوسوا عوساتكم بعيدا من مسرحياتكم الهزيلة الفاشلة , نتذكركم بكلمات شهيد الثورة وشهيد بحري وليد عندما خاطب الجنجويد فى كلماته الاخيرة قال لهم انتوا شوفوا شغلكم ونحن نشوف شغلنا

اهلاً الشريف
ما ممكن اكون اكن عداء للشيوعي أبداً
ولكن لو رأيت خطأ انبه ولو اخطأت اعتذر.

السودان وضعه صعب ، صعب
30 سنة من الدمار واحزاب ضعيفة
وبعضها مخترقة والشعب رغم الصبر
ضاقت علي شديد ، رأئي وقد قلته الجميع
يشترك ويصحح ده السبيل الوحيد.

الانتخابات المبكرة والثورة لا زالت في بهاءها
وآلق يجبر علي الاحترام والكيزان مفزوعين كانت
ستأتي بممثلي الثورة ، الان بعد الاختلافات لا اضمن
ولكن تظل هي الحل، موسكو فيها انتخابات وحتي الصين
بقت فيها بعض من نفحات التعددية

Quote: ناس اعلنوا عدم اشتراكهم وعندهم ممثل وعايزين يوظفوا لجان المقاومة عندهم ، هذا لا يليق

ديل منو

الشيوعيين يا الشريف
بعد الثورة العم العزيز صديق
يوسف اشترك في كل الاجتماعات
وصديق كان ولا زال من الشيوعيين
دكتور اكرم ما شيوعي حسب كلام الحزب
بس صار بسبب الحملة المصاحبة محسوب

الان بوست عبدالعظيم عثمان المعنون ب
ناجي الاصم ذكر ان الشيوعيين ممثلين

هذا ما يرأه اي متابع ، ما ممكن تفاوضوا
العسكر مع الجميع ( وجود العم يوسف كان
يطمئن كثر وانا منهم ان الامر بيد الثوار )
وتقولوا ما مشتركين

معقولة يا دكتورة تصدقي عبدالعظيم كتاباتوا هنا تعري افكاره الضحلة ، وهل الحزب له خلافات مع الاشخاص اين تكمن خطورة الاصم عبدالعظيم مصاب بمرض لوثة العداء للشيوعية ، عبدالعظيم يا دكتورة تفكيروا قصير النظر فى محيط حزبه فقط والاصم اذ توفرت له كوته شكرا حمدوك واذ نقصت يسقط حمودك كم بوست كتب هنا من عبدالعظيم في اليوم الاول شكرا حمدوك واليوم الثاني يسقط حمدوك ، ايضا لاحظي كتاباته السابقة وصف حمدوك ومجموعتهم امثال امجد فريد بالانتماء للحزب مع العلم ناس امجد فريد نشروا استقالاتهم في الجرائد قبل ما ان تصل الى مركز الحزب ، حملة دكتور اكرم والاتهام بالشيوعية لتمرير مخطط مافيا الدواء والمستشفيات الخاصة كشفت عورتهم وهاهي الكورونا تحصد ارواح اهلنا وانعدام الدواء تبا لهم ، نتشرف بالانتماء دكتور اكرم للحزب وصفه بالانتماء للحزب هو تمرير هذا المخطط لانخجل من عضويتنا لكن دكتور غير منتمي لعضوية الحزب ونفس سياسة الكيزان مش بداية الحراك قالوا تجمع المهنيين تجمع شيوعيين شوفتي امثال عبدالعظيم بطبقوا سياسة الكيزان بحذافيرها حتي كتاباتهم نفس كتابات الكيزان ، اقالة دكتور اكرم كشفت عورة اعداء الثورة بمافيهم رئيس الوزراء مش دكتور اكرم رشح من قبل كل اجسام الاطباء ، صديق يوسف فاوض العسكر للتسليم والتسلم ونشرنا ذلك جماهيريا مبكرا منذ التآمر من قبل مريم الصادق وعمر الدقير والمواعيد المضروبة لممثلي قوى الاجماع الوطني واتفقوا مع العساكر بالتفاوض وراء ظهر قحت ، ومنذ ١١ ابريل قلنا دا انقلاب اللجنة الامنية للنظام المباد ، لم نوقع في الوثيقة الكارثية وجودنا في قحت برغم نقد الحزب لهذا الموقف لمدة عام كان التبرير علاج الوثيقة المعيبة من داخل التشريعي وخاصة ما نصت عليه الوثيقة من نسبة قحت في التشريعي ، خرجنا بعد ما دخلت الايادي الخفية والتي عبثت بالوثيقة للمحاصصات الحزبية تزوير فاضح وخروقات وتعيين اشخاص دون كيانات ماهو الفرق بينهم وبين الكيزان

اها وبعدين؟؟

Quote: الناس زعلو ليه من البوست ده الناس البتجي من الخارج بعناوين مختلفة ويورجغو في الخرطوم في الجبهة الثورية امشو والاياتكم وابرزو مواهبكم التنموية هناك ***** الجبهة الثورية دي فيها ناس من الاقاليم الخمسة كلامي ما عنده علاقة بي الجهة والكلام ده نصيحة مهددات السودان كبيرة جاية اذا ما اتحركنا في اتجاه الفدرالية الحقيقية السودان مطالب باطعام مليار شخص في العالم بعد جائحة الكرونة من تقرير الامم المتحدة ولديه 40000 ميقا واط يوميا طاقة شمسية وانهار ووديان 2000000 فدان في الاقاليم الخمسة وليس في الخرطوم... الصين تطعم مليار وهم ما قادرين ياكلو ناس الخرطوم الفايدة شنو يجو يتكومو كلهم في الخرطوم؟؟؟ قاعدين في الخرطوم في ده وزير وده خفير لي شنو ؟؟

اللورد كتشنر× الصاغ صلاح سالم
للورد كتشنر لقا ناس اميين نظيفين وبلد خام صنع دولة حديثة بي اقل سودانيين متعلمين في مؤتمر الخريجين ورجالات قبائل اذكياء في الادارة الاهلية
وكان سودان وست منستر المزدهر
مجانية السكن والسفر والعلاج والتعليم
الصاغ صلاح سالم لقى حثالة متعلمة في المركز صنع منهم مجرمين وانقلابيين وفرضو مشاريع الصرف الصحي المصرية بالانقلابات ولازالو تحت احذية المخابرات المصرية
يمارسون نضال الذباب
لماذا عجز السودان عن اطعام مليار شخص في العالم ذي الصين؟
العلة في الاصول الموارد ولي في العقول.؟
كلاب الحر الخمسة فى بلاد شعب الله المحتار
كلب يعاني من الجرب الاخوان المسلمين
كلب كثير الصخب السلفيين
كلب يلهث من فرط التعب الناصريين
كلب في حالة عجب البعثيين
كلب بين صحوة وغفوة يهر دون سبب الشيوعيين

Quote: الأصم عضو مجلس شركاء الحكم ممثلاً لتجمع المهنيين مع طه عثمان

ممثلاً لتجمع المهنيين دي ياداب شفتها
الفوضو منو لتمثيل تجمع المهنيين؟
ولا هو بقى (كل تجمع المهنيين) براهو كدة؟

الناس بقت واعية وما بمشي فيها شغل الكيزان بتاعكم دة

ذكرنى الجزولى دفع الله بالعراقى فى ابريل 85 قدام مارقين بيهو من كوبر
-------------
بمناسبه الكلام عن الهبوط الناعم
من يوم 11 ابريل هبوط ناعم
مابنعرف ثوره جد جد الا قوش وباقى الشله دوا السجن ومع القاعدين جوا هسى ويتحاكمو جد جد مش شغل المماحكه البيحصل الان

يا دكتورة اخلاص ان شاء تكوني فهمت كذب ومرض عبدالعظيم حشر اسم الحزب لتمرير مخططهم و تامرهم مع المكون العسكري لضرب الثورة عبر ابنهم المدلل الاصم ياتوا تجمع مهنيين رشحهم هو وطه , جسم كسيح هزيل تم ولادتة قصريا مشوها ليموت فى خلال 24 ساعة مايسمي شركاء الدم وتم تعريتهم وكشفهم من داخل عضويتهم بيان مجلس الوزراء وتصريح ابراهيم الشيخ تبا لهم لكل من يعمل لاجهاض الثورة وبيع دماء الشهداء وتبيض وجوه القتلة

اهلاً يا الشريف
أولاً نتواضع علي احترام بعضنا
ونشوف وين اخطأ كل منا ،نبدأ
ونقول الجميع شارك في نجاح الثورة
المشكلة حصلت في مفترق طريق بين
استلام الجماهير للثورة وخلع الكيزان
البعض رضا بالعسكر ( راجع حديث
المرحوم علي محمود حسنين ) كان مفروض
تسليم وتسلم ، استعجال الشيوعيين للتمكين
كما حدث في الصحة وفي تجمع المهنيين خطأ
قاتل يجب الاعتراف به ، لو اردتم الحكم لا
يصح ان يكون الا عن طريق الانتخابات العامة
وليس انتخابات النقابات ، الحقيقة مرات صعبة
اما كان تذهبوا لانتخابات عامة او تواصلوا في صيغة
التحالفات ، ما حدث خطأ.

العسكر وحميدتي قرروا التوسع ، من دون
تردد انتهز الفرصة وعزز القبلية واللا مؤسسية
وادخل عبدالرحيم وابعد المرأة والشباب.
وهمش الجهاز التنفيذي ، لمستوي وكلاء وزارة.

الرفض لمجلس التشاور يأتي لمحاولة سرقة الثورة
وتهميش القوي التي فجرتها

تحية طيبة يا دكتورة

هنالك فرق كبير مابين الاخطاء ولوثة العداء والتامر جوهر هذا البوست اساسه اللوثة والكذب , ثانيا هل اطلعت على أول تصريح للحزب بعد اسقاط رأس النظام عندما ملك الشعب تامر احزاب الهبوط الناعم على الثورة وسمها انقلاب اللجنة الامنية , هل اطلعت على بوست مهم هنا فى سودانيزاونلاين لدكتور عثمان الامام لا علاقة له بالشيوعيين وانما قريب من الاحداث حول موضوع دكتور اكرم, متمنيا ان تواصلي نقاش في ذلك البوست المهم لمعرفة الحقيقة متكاملة للاسف يا دكتورة تعتمدي على معلومات عبدالعظيم فقط المغلوطة باعترافك امس وما كتب اليوم من قلمك حول تمكين الشيوعيين , الشيوعيين الاطباء الذين عملوا مع دكتور اكرم تتدرجوا من خلال الخدمة المدنية ولا الشيوعيين ممنوعيين فى العمل في الخدمة المدنية عملوا مع دكتور اكرم بعد ما غادروا اطباء المتحالفين مع مافياء الدواء والمستشفيات الخاصة قدموا استقالتهم وذلك الافشال وزارة الصحة وبالضرورة افشال دكتور اكرم حاولى اطلعى على عددة مصادر لا عبدالعظيم فقط, ثانيا تجمع المهنيين هل تعلمي السكرتارية القديمة الاصم ومجموعته هم الذين اصروا على الانتخابات وبل اشرفوا علي كل العملية الانتخابية حتى ظهور النتيجة هل تمتلكي معلومة بان هنالك تزوير ام سمعتي هنالك تزوير ام فازوا الشيوعيون بالشكل الديمقراطي ام انتم ضد الديمقراطية هل تمتلكى معلومة الشيوعيون كم فى تجمع المهنيين الشرعي , عشان كدا قلنا اساليب الكيزان الفاشلة بستخدمها عبدالعظيم هل تتذكري السكرتارية القديمة لتجمع المهنيين ناس الاصم ايام الحراك الكيزان كانوا بقولوا شنو مش كان بقولوا ديل تجمع الشيوعيين الموضوع كلوا فبركة و دعاية قديمة منذ قانون النشاط الهدام بحيث اي تجمع لو فيه عضو واحد شيوعي النفوس المريضة ولوثة العداء تطلق عليه تجمع شيوعيين وذلك لابتعاد الناس منه

طبعاً ما ممكن تكون معلوماتي عن طريق
عبدالعظيم وانا طبيبة اعلم ما يدور ، المهم
اصلاح المسار والا سيقول كل اكلت يوم
اكل الثور الابيض
. لو استمر التناحر السودان ذاتو ح يؤكل

سؤال واقف في الزور
ناس جوبا ديل في مجلس السياده
وح يجو في مجلس الوزراء
وعندهم 75 في التشريعي
عاملين البند ده له ( زي ال كانو
عاوزين يتقاسموها هم والعسكر
ويسيطروا ويخبرنا طراطير ولا شنو)

زول يوريني البند ده ادخل لماذا؟
هم في كل المجالس تاني في شنو؟!!!!!

محمد ناجي الاصم
وعشاري محمد احمد قد تلقي ضوء
علي ما استغلق

https://www.dabangasudan.org/ar/all-news/article/%D8%AF-%D8%B9%D8%B4%D8%A7%D8%B1%D9%8A-%D8%A3%D8%AD%D9%85%D8%AF-%D9%85%D8%AD%D9%85%D9%88%D8%...86%D9%8A%D9%8A%D9%86

لجنة البشير الامنية هي من غيرت أولاً
وهي من ادخلت التعديل الان

Quote: سؤال واقف في الزور ناس جوبا ديل في مجلس السياده وح يجو في مجلس الوزراء وعندهم 75 في التشريعي عاملين البند ده له ( زي ال كانو عاوزين يتقاسموها هم والعسكر ويسيطروا ويخبرنا طراطير ولا شنو)

ناس جوبا دييل مجموعة إنتهازية وأنا ما عارف ليه أصلا كان التفاوض معاوهم
لا عندهم أي قوة في الارض ولا سقف جماهيري، والمشكلة فاكرين إنو هم اللي عملوا التغيير
مع إنهم كلهم جزء لا يتجزء من المؤتمر الوطني والشعبي، ده سلام مزيف مع من لم يكن لهم أي وزن
جماهيري أو سياسي ، القصة لعب عيال وإستهبال من اللجنة الامنية للبشير