مهزلة و استهتار ال المهدي و السلطات و الشعب

08:50 AM December, 01 2020

سودانيز اون لاين
عمر نملة-
مكتبتى
رابط مختصر

الجميع متابع مرض الصادق المهدي بالكورونا و النتيجة الايجابية
تقريبا لكل من حوله..و من لم تكون نتيجة ايجابية فهو مخالط..و الاجراء
المتبع هو العزل..
استهتار و انانية من ال المهدي..من السلطات السودانية...الامارتية..و كل من
شارك في هذه الجريمة و ما زال..ساهمت هذه الأسرة بنرجسيتها و انانيتها
في تفشي الكورونا و موت كثيرين
اطالب بمحاكمة كل من له دور في هذه الجريمة

سلامات يا عمر

لاحظت أن البعض يضعون الكمامة ولكنهم يصافحون بالأيدي ومرات بالعناق.

حدث استهتار كبير في هذا التشييع من كل الأطراف التي ذكرتها.

السلام عليكم
الحزب اصدر بيان قبل التشييع
من السهل رمي آل المهدي والحزب بالتهم

سلام د ياسر
اللعب بالموت بداء منذ النتايج الايجابية للسيد
الصادق..اولادة..المحيطين به...ما في غير
العزل...او العناية المكثفة داخل السودان...اي اجراء غير
ذلك يعتبر لعب بالموت مع من يخالطهم. هذا فيما يخص
ال المهدي...السلطات السودانية عليها منع اين من كان
من المغادرة...السلطات الاماراتية عليها من اين من كان
من دخول اراضيها..لا كمان هي من تقوم بكل شي...دا
كلو كوم..و دفن الصادق في السودان قمة الانتحار

في جهل شديد والحمد لله وسط الشعب السوداني ومن كنا نظن انهم قاده ،، لو قلنا الحكومه غلبا تقفل الدوله علي الاقل تعمل اضعف الايمان توعي الناس وتكون هي غدوه لشعبها

ماعارف الاقنع الشعب السوداني انو الكمامه دي هي الحل السحري للوقايه من الكرونا ،،، كل الببتهبشهو او تناقشو او تلومو علي مخالطه الماس يقول ليك ( كنت لابس الكمامه ياخ) والكمامه دي بيكون معلقا في رقبتو ولافي ،، ولو ما كان لبسا من ظهور كرونا بيكون لابسا ليهو اسبوعين

سلام معاوية
اتفهم الحب و الولاء و الاعتقاد..كلمة واحدة
من الامام او مريم في لغة امرية كفيلة بإيقاف
ما حصل..في حاجات لايمكن التنازل عنها و لو
كان ثمنها الموت الجماعي...و التاريخ يعيد نفسه

سلام د اخلاص
في كان طريقة واحدة لكبح و تقليل
تدافع المؤيدين هو ان يدفن السيد الصادق
في الامارات...صعب التنازل دا...حتى الان
سمعت وفيات خمس ممن شاركو العزاء...
شي مخيف لانه اي شخص مصاب غير
معزول يتسبب في نقل المرض لعدد غير
متناهي..الله يستر. .من اثار هذه الجريمة

المشكلة الشعب لا يثق في الحكومة وكذلك
دوافع بعض الاحزاب والشخصيات.
ما اظن العدد المات بسبب النشييع يتعدي
العدد ال مات من غيرهم.
ال بعرفهم كلهم ختمية وما مشو التشييع
وبرضو كثيرين، في امريكا برضو الناس
ال راكبه راس و مشو حضروا التجمعات
كثيرين ، المشكلة اختلاط السياسة بالطب
مما افقد التوعية الصحية القدرة علي الاقناع.

دفن السيد الامام في الامارات غير وارد

يا خوي عمر قدح الدم الله يرحمها الاسرائيلين
جابو لها طيارة برضو ، السودان الوضع معروف
في جهل و كيد لبعض ، ما تم من البعض لم يجعل
للانصار واحباب الامامطريق غير الذي سلكوه

دكتورة إخلاص كيفك
البيان بتاع الحزب عزومة مراكبية، دي ما اللغة التخاطب بيها الأنصار في ظروف أو مناسبة زي ذي ابدا. بعدين نصح الأنصار
بأنهم يتلقو العزاء في أماكنهم، يعني الفرق شنو طيب طالما انهم حيتجمعوا؟
زي ما بخموهم باللغة العاطفية البنعرفا كلنا، مفروض كان يستخدمو نفس اللغة عشان يمنعوهم من التجمع، أسى لو قالوا ليهم الإمام
الصادق وصى بانو ما يتعمل ليهو عزا خالص وانو ما حيرضي من زول يجي يعزي تفتكري التشييع كان حيكون بالضخامة دي؟
اعتقد ان أسرة المهدي قصرت تماما وما بعيد يكونو عايزين الموضوع يتحول لعرض قوة أو استفتاء جماهيري على شعبية الإمام.

حاكمت النوايا
كيف عزومة مراكبية ، وبعدين اقول لك شئ
السودانيين رأسهم قوي ، المهم الناس الان
تبدأ توعية من اول لعل وعسي

الحبيب عمر تحياتي
أنا المستغرب له الامريكان والاوروبيين مجتمعات علم وتكنولوجيا وتقدم
رغم ذلك اكثر استهتاراً من شعوب العالم الثالث
حجم الاصابات عندهم مبالغة ..
أنا اكتشفت ان اقناع الناس صعب جداً .. والحكاية لا تتم إلا بالقوة المفرطة
كما في الخليج .. قرارات حاسمة وغرامات .. أما المناشدة والتوعية اشياء لم
تنجح في اكثر المجتمعات المتقدمة في العالم ..
التجمعات في عيد الشكر ، الحملات الانتخابية ، المظاهرات في فرنسا ... إلخ

من تجربة السعودية عرفت أن الأمر يحتاج الى قرارات امنية حاسمة
انخفضت الاصابات من 6 الف يومياً الى حدود 300-400 وفي انخفاض مستمر
أي واحد بدون كمام تصوير الاقامة أو الهوية ثم الغرامة مباشرة أو عدم التجديد
==================

حتى لو دفن الامام رحمه الله في الامارات .. تخيل كم كان تجمع العزاء ..

أكرر استغرابي لعدم التزام المجتمعات الغربية .. وهي قمة التطور والفهم ..

مودتي

ي نملة
اسرة الإمام السيد الصادق المهدي.
عليه رحمة الله تعالي
بعيدة كل البعد عن الحاق الضرر
بالناس وبالمحبين للإمام.
اضف الي هذا وذاك .
العشيرة والحزب والسودان
يكفيها حزنها الغاتم العميق
في فراق الوالد
والراس والإمام .
في زمن السودان .
الي هاوية سحيقة
لا فرار منها
.










عزالدين عباس الفحل
ابوظبي

يا فحل يا قريبي..ممكن اخطي و ممكن اصيب
لكن في هذه الدراما لقد رايت الله جهره...
ابعد كل الشخوص و انظر للقصة..ليس لي اي
مارب اخرى..

فعلا عمنا علي يحتاج قرارات امنية حاسمة
الكورونا لا تقل عن سلاح مصوب مباشرة

.

يعني هم ذاتهم ما يمرضوا وتجئهم الكورونا؟!!!
الجميع مهدد ، آل المهدي وغيرهم
كلهم ممكن يصابوا ، والامام صنعها مثلاً
ما برضو الله يرحمه نقلها له زول ، استهدوا
بالله وابدأوا التوعية

عمر نملة كان قبل ان تكتب هذا البوست تسال السلطة الحاكمة لماذا لم تعلن ان السودان منطقة كوارث وتقفل البلد وايضا مفروض تسأل دكتور حمدوك لماذا طرد دكتور اكرم بدلا ان تلقى اللوم على ال المهدى وهيئة شئون الانصار ولعلمك هيئة شئون الانصار عملت العليها وطلبت من الانصار عدم الحضور وفعلا الانصار فى كل ولايات السودان التزموا بهذا الكلام وعملوا عزاء
فى ولايتهم وانت بعينك شاهدت التشيع حتى قوات الامن لم تستطيع ان تفعل شيئا وخليك من دا حتى داخل المطار كل قوات الامن لم تستطيع تدفق الناس عبر صالة كبار الزوار

سلام عليكم
البيان فعلا يبدو عومه مراكبيه .وكان ممكن موعد وصول الجثمان والدفن يتم فى هدوء وتكتم دون اعلان ويصدر البيان الصدر دا لكن بعد الدفن ويلزم الناس انها تتقبل العزاء فى اماكنها زى ماذكره وممكن (وماصعب) كان الاسره او الحزب يعمل موقع فى النت اوصفحه على الفيس لتقبل العزاء من الجميع عبرها )ويشكر بشكل مقدم الناس على مشاعرها
.
لكن الحصل انو كان شكل اعلام متواصل من المشرحه بالمساء ووصورلاجتماع الناس استعداد لصلاه الجنازه هناك ليلا قبل التحرك للمطار يعنى القصه كانت كانها حشد ودعوه للناس بموعد الدفن وضروره حضورهم

عاصم على انتوا ارهبكم التشيع ولا شنو؟ ههههها موتوا بغيظكم
ملحوظة:-
التشيع تم يوم الجمعة واليوم الثلاثاء لم تعلن اى حالة اصابة فى الناس الذين حضروا التشيع وبعدين ما تتبعوا الاهبل عمر نملة دا مزمهر وبعدين ما عندوا موضوع ههههها

أسرة المهدي من واجبها ستر ميتهم ومن شارك يتحمل تبعات استهتاره
مالكم كيف تحكمون هل نسيتم احتفالات استقبال قادة الحركات الانتهازية بساحة الحرية!!
هل كانت الكرونا في إجازة.

القصه ماقصه تشييع او استقبال فى حد ذاتو وانما تسيب الشعب يشكل عام واستهتارو اضف لذلك انو الدوله ماقادره تبدى حزم واضح فى ضبط الناس فى اماكن التجمعات خليك من المناسبين ديل
لو الناس كانت حاسه بجديه من الدوله
كان ممكن يحصل التزام عفوى فى المناسبات دى

تسلم يا عارف اولى مرة تكتب كلام مفيد وبعدين يا عارف بينى وبينك صاحبك عمر نملة اليوم جعبته فارغة وبعدين فى جعبته الجيم مضمومة ما مفتوحة انا عارفك يا عارف بتاع تأويل هههها

.
ما غريب على آل المهدي هذا الاستهتار بأرواح البسطاء فقد فعلوها بالأمس القريب عندما علموا بموعد فض الاعتصام حيث قاموا بالانسحاب بسرية تامة وتركوا الثوار يواجهون الموت وحدهم ..
ما يحدث لهم الآن هو اقتصاص رباني لشهداء فض الاعتصام.
(أين ما تكونوا يدرككم الموت ولو كنتم في بروج مشيدة) ..

آها والإتلموا الأعمى شايل المكسر في حفلة النصري كانوا تبع ياتو طائفة من المؤمنين

تصوير الانصار كرعاع وتصوير حزب الام كحزب
مستغل لهم يدل علي أولاً عدم احترام لهم
وثانياً تشجيع لاستغلال الجماهير وقهرها
( يعني يا ربي التعاميم الداخلية عند باقي
الاحزاب شكلها كده ولا شنو الفهم )
عدم احترام الاخر واضح.

السيد الامام ( له الرحمة وضع لبنة لمؤسسات
عصرية تحترم الانصار ولا تزج بهم في معارك
تودي لقتلهم وتستعملهم بيادق كما حدث من
بعض الاحزاب.
كلام الانصار شالو خيمتهم والحنك البيش
بدل ما تقولوا حاسبوا الناس ال اتصلت
وقالت لناسها اطلعوا الان .

رمي الاتهامات جزافاً سهل .

العجيب في الموضوع دا يانملة
تفاخر البعض بأن تشييع الصادق الناس ملأت الساحات
والعميان شايل المكسر بدون إستنكار التجمهر
في ظل كارثة تضرب البلاد
الجهل في بلدنا يمشي بين الناس

معقولة يا قسم !!!!

اللهم ارحم الجميع وارفع البلاء والوباء
والطف بعبادك.

ما عندنا غير التوعية ونشر المعلومات وزرع
الثقة في المعلومات العلمية، المشكلة واجهت
حتي اعني الدول واكثرها تقدماً وديمقراطية

الاحباب الكرام
الكنترول صعب إلا بالقوة القاهرة كما في السعودية ( مثال)
يا جماعة في أمريكا أم الدنيا بلد الفهم والتقدم والعلم والوعي
تجمعات بالاف في الانتخابات وعيد الشكر وفي فرنسا مظاهرات
في اسبانيا بريطاني المانيا .. مجتمعات متقدمة عننا بسنوات ضوئية
تمارس نفس السلوك ..

ماذا نقول ,, هل هو ما يسمى بالعقل الجمعي الذي يقود الناس كالقطيع
ويتساوى فيه النخب والعامه تحت القيادة الجمعية

Quote: تفاخر البعض بأن تشييع الصادق الناس ملأت الساحات والعميان شايل المكسر بدون إستنكار التجمهر في ظل كارثة تضرب البلاد الجهل في بلدنا يمشي بين الناس

الموضوع شكلو فيهو استغلال سياسى من الكيزان بالترويج لانو التشييع استفتاء لشعبيه وقاعده الحزب العريضه للتبرير لمساحه اكبر ليهو فى التشريعى
تحليل حسب اعتقادى انو الحوب حصان طرواده الكيزان فى المرحله دى

كيفك يا عاصم
جبريل ابراهيم هو من سينضم له الكيزان

حسب ما اري والله اعلم

Quote: جبريل ابراهيم هو من سينضم له الكيزان حسب ما اري والله اعلم

مرحب اخت اخلاص
اتفق معاك لكن الكيزان ثعالب لايضعو البيض كلو فى سله واحده
بتذكر مره عرفونى على دباب وحتى عندو اعاقه جزئيه فى العمليات وتفاجاءت بعد فتره انو مرشح فى البرلمان الولائى عن الحزب !!!

معقولة جداً
علي كل اخزابنا زي الغربال
كلها مخترقة ، 30 سنة تمكنوا
وعملوا العايزينو.

الوضع كارثي بجد كورونا محتاجين
لوقف انتشارها لوعي ، البلد بقت بيت عزاء
كبير كل ركن وكل بيت اصابته كورونا

Quote: الوضع كارثي بجد كورونا محتاجين لوقف انتشارها لوعي ، البلد بقت بيت عزاء كبير كل ركن وكل بيت اصابته كورونا

الاستهتار شعبى ورسمى
اليوم مشيت الجامعه بعد تعليق الدراسه وبعد كان الخول بالكمامه والكاشف الحرارى عند الباب لقيت لقيت الباب الكبير فاتح دخول وخروج نمن غير اى تنيه او استهدام كاشف حرارى مشيت دخلت الحسابات لقيت الشغله مافيها اى احترازات رغم وجود اعداد تحتاج الزام باخترازات صحيه
فى الشارع والمواصلات حدث ولاحرج والادهى تلقى ناس ملتمين فى لعبه الليدو (على الموبايل) ورؤوسهم تقريبا ملامسه بعض
واحده ركبت معانا فى المواصلات قالت ممرضه فى احمد قاسم وناكره انو فى كورونا مدعيه ومصره انها كذبه سياسيه
الواحد بقى يدهل الفيس او تويتر يلقى التايملاين تقريبا صفحه وفيات
ربنا يلطف

كان يعلم جيدا مدي جهل هذا الشعب .
الجاهلين تكالبوا عليه .

لك التحيه والتجله . د. اكرم التوم . فقد صدقت ، وهاهم الان يدفعون الثمن ، وسيدفعون .

نشوف ركبان الراس حدوا وين .

يا عظمة

ما جهل...الراحل..د مريم..كل قياداتهم عارفين كل صغيرة و كبيرة
عن الكورونا لكن البرستيج...

Quote: تصوير الانصار كرعاع وتصوير حزب الام كحزب مستغل لهم يدل علي أولاً عدم احترام لهم وثانياً تشجيع لاستغلال الجماهير وقهرها ( يعني يا ربي التعاميم الداخلية عند باقي الاحزاب شكلها كده ولا شنو الفهم ) عدم احترام الاخر واضح. السيد الامام ( له الرحمة وضع لبنة لمؤسسات عصرية تحترم الانصار ولا تزج بهم في معارك تودي لقتلهم وتستعملهم بيادق كما حدث من بعض الاحزاب. كلام الانصار شالو خيمتهم والحنك البيش بدل ما تقولوا حاسبوا الناس ال اتصلت وقالت لناسها اطلعوا الان . رمي الاتهامات جزافاً سهل .

الردح في حزب الامة تحت غطاء الكرونة
ده اسمو
المثقف المعر.ص
ديل الشالو عربية عبدالناصر الساقط لمن جا الخرطوم
ولمن مات قعدو يجعرووو كده ده ابوعيسي
https://top4top.io/
مالم ما خافو من الكرونة
اصلو الاوبئة جاتنا من مصر دي
وعندهم حرااق روح من جدوعو اكرم من وزارة الصحة
والدنيا بعدك ما بتسر يا الصادق المهدي
وحمد الريح
خليهم يتفشو
مالم ومال الانصار
ان شاء الله يشربو الكرونة دي بالزنجبل
مش هم ما عايزين انصار وسبق ابادوهم في الجزيرة ابا
خلونا نموت مالكم ومالنا
نحن قوى رجعية مرتبطة بي الاستعمار
د اخلاص امشي شوفي فرانسين دينق الراقي نعي السيد الصادق كيف
ديل رجرجة ما ضيعي وقتك معاهم
رزالة الشيوعيين دي بقت ما جايبة جقها لا في البورد ولا في السودان

يا ناشد..الحد الأدنى للشيعة اربعه اشخاص
لكن عمليا لمكانة الامام يستحيل الكلام دا
ما يحسب على ال المهدي لم يصدر
اوامر صارمة...على كل حال كلهم بيلعبو
بالموت...

اوامر الشيخ للمريدين يا عاصم لا تناقش
لا الوم المريديين..اتمنى ان يستر الله

يا صديق يا صديق يا صديق
انا مريد و اتفهم كلام المريد
و البوست دا ما تحين فرصة
للهجوم..دواء مر..تربطني صلات
دم ب ال المهدي و صداقات بلا حدود
لكن للاسف يسال ال المهدي هنا و هناك
عن ما حصل و سوف يحصل...و هدفي
الاساسي كيف ما يتكرر الحصل..
كلهم لعبو بالموت..و مازالو..

كل الوفيات بالعشرات يومياً هذه الأيام يتحمل وزرها الحكومة وأسرة السيد الصادق. وبالله خلونا من تكره حزب الأمة وما عارف شنو.. مافى سياسـة هنا.


بكل تأكيد...البعرفو انا اوامر الشيخ للمريدين لا تناقش..لكن د مريم لخصت القصة
و قالت ابوها كلما يشوف كثرة المشيعين لاي ميت يتمناها و قد حصل ..انا الموجود في اخر الدنيا عارف متى يصل الجثمان و متى و اين يقبر....السؤال من يحاسب من
اقصد قانونييا

اعتقد ان أسرة المهدي قصرت تماما وما بعيد يكونو عايزين
الموضوع يتحول لعرض قوة أو استفتاء جماهيري على شعبية الإمام.

فعلا دا الحصل..و ما في احتمال تاني..

مالم ومال الانصار
ان شاء الله يشربو الكرونة دي بالزنجبل

يا عادل انت فاكره الكورونا دي لقيمات
بيوزعوها مع الشاي و الجبنة للانصار
الموضوع اكبر من احزاب و سياسة..

تعرف يا عمر سؤال سألته لروحي
لو كنت في السودان كنت مشيت ؟

غايتو بكيت علي الامام بحرقة
ومن قبلها لي اسبوع ببكي اعزاء
برضو انت فيك بركة .

صدقني ما في زول بعد السيد
الامام بنسمع كلامو ( وحب المريد
محصور للامام )

فى مداخلتى أعلاه، الرجاء إستبدال كلمة "الأسرة" بكلمة "المنظمون" أينما وجدت.، وسأقوم بتصحيحها أيضاً