Post: #13 Title: Re: قال شنو بروف حسن ابراهيم ... بيتاسف عليهو ا� Author: Asim Ali Date: 11-29-2020, 09:25 PM Parent: #4
سلامات جعفر فعلا القصه كانت مباشر امس -بحضور ابراهيم الامين وجبريل ابراهيم وشخص رابع اضافه للقمان مدير التلفزيون وفعلا الواحد اتصدم لحظه لكن بينى وبينك فى كلمات بقت فى المجتمع والميديا ساريه واصبحت تسمعها من صغير وكبير من غير حرج لكن تتقال فى التلفزيون ومن زول بمقام المتحدث صعبه شويه هايف بكره نسمع حاجه اصعب منها
حكايه على الهوا دى ذكرتنى ابواقاسم محمد ابراهيم (النائب الاول لنميرى) لما جا لاحق حلقه لبرنامج بتاع سبدرات مع بشير عباس وزين العابدين الزول جا ...... طينه ماقادر يتكلم كلنا قاعدين بين صدمه ودهشه واستغراب لما الرجل الاول فى البلد لحظتها (نميرى كان مسافر) يظهر بشكل زى دا على الهوا
Quote: بروف/ حسن أحمد أبراهيم أستاذ التاريخ بكلية الآداب: إعتبر الصادق المهدى (He was born well ahead of his time)، و أضاف بأن الإمام الصادق المهدي ظل يتعرض لنقد شديد ممن يُسمّون أنفسهَم بالمثقفين، وأضاف قائلا انه يسمي هؤلاء الناقدين ب(المثقفين المعر##ين).
Post: #14 Title: Re: قال شنو بروف حسن ابراهيم ... بيتاسف عليهو ا� Author: Asim Ali Date: 11-30-2020, 08:25 AM Parent: #13
اللقاء كامل االدقيقه 22:40
Post: #15 Title: Re: قال شنو بروف حسن ابراهيم ... بيتاسف عليهو ا� Author: قسم الفضيل مضوي محمد Date: 11-30-2020, 09:21 AM Parent: #14
. الكلمة الاتلفظ بيها حسن ابراهيم تعتبر غير فاحشة مقارنة مع يكتب بعض الأعضاء هنا من ألفاظ * لا تستطيع حتى اعادة كتابتها ... .
. * المقصود لفظة محمد البشرى الخضر القاعد يتنمر بيها على عاطف عمر .. * برضو عادل امين بوستاته عبارة عن (ادبخانة) رائحتها تفوح العفانة قبل فتحك للبوست تبعه ..
Post: #16 Title: Re: قال شنو بروف حسن ابراهيم ... بيتاسف عليهو ا� Author: محمد البشرى الخضر Date: 11-30-2020, 09:25 AM Parent: #15
تقصد "قنينيط" يا قسم الفضيل؟ بعدين شنو يتنمر دي انت بتستهبل ولا اصلك كدا
Post: #21 Title: Re: قال شنو بروف حسن ابراهيم ... بيتاسف عليهو ا� Author: Gafar Bashir Date: 11-30-2020, 11:15 AM Parent: #15
Quote: الكلمة الاتلفظ بيها حسن ابراهيم تعتبر غير فاحشة مقارنة مع يكتب بعض الأعضاء هنا من ألفاظ
صحيح يمكن درجة فحش الكلمة اقل من غيرها لكن الفكرة عدم استسهال امر اللغة عموما لانو بفتح باب لي لغة الواتسب والفيسبوك والمنتديات تدخل التلفزيون والصحافة وتكون عادية
Post: #17 Title: Re: قال شنو بروف حسن ابراهيم ... بيتاسف عليهو ا� Author: Asim Ali Date: 11-30-2020, 09:32 AM Parent: #14
الحصل على الهواء مباشر ربما لفت الانظار لظاهره موجوده ضمن ضمن طيف تغيرات كتيره فى الشخصيه السودانيه بشكل عام فانحطاط اللغه واستسهال الالفاظ غير الستسلغه اجتماعيا خاصه وغير المناسبه فى ظروف اجتماع معينه (الحديث بين الانداد تختلف عن الحديث لغه فى حضور الاقل /الاكبر سنا او مرؤوس او رئيس ...الخ) ويحتاج المجتمع فعلا لمناقشه ماحدث للشخصيه السودانيه فى عده جوانب فى اطار خلق توجه لنفخ الروح واعاده الشخصيه السودانيه الى سابق عهدها امثله
Quote: سلام عليكم للاسف تعرضت الشخصيه السودانيه (داخليا) لتشويه وهزات بفعل 40 عام من سعى الكيزان لاعاده تشكيل الانسان السودانى وخلال الاربعين عام كانت هزات منها الجفاف والتصحر فى اوائل الثمانينات وماصاحبها من ماسى اضف اليها الحروب وماصاحبها من فظائع كلها كانت احداث تصنع ندوب وتشوهات داخليه يصعب التخلص منها بين يوم وليله او تزول بزوال المؤثر . معاناه طوال عقود تحتاج ليستلقى الشعب على كنبه المعالج ....... حتى تتم معالجه اثار قد تتطاول وتمتد الى الى اجيال ان لم يجلس المثقفين وجماعه الحكم لبحث اعاده التاهيل لشعب بكامله حتى يستطيع يعيش بسلام مع نفسه ومحيطه ويتقبل الاخر بروح رياضيه تعطى وتاخذ.
Re: هل تغيرت اخلاقنا كسودانيينRe: هل تغيرت اخلاقنا كسودانيين . برضو شايف بوست للاخ سنارى مهم فى الاتجاه دا قد يسهم فى مناقشه حاله الشخصيه السودانيه
Post: #18 Title: Re: قال شنو بروف حسن ابراهيم ... بيتاسف عليهو ا� Author: علاء سيداحمد Date: 11-30-2020, 09:38 AM Parent: #17
فعلاً هناك تغييرات كبيرة وهائلة حصلت على الشخصية السودانية خلال ثلاثينية الكيزان ولكن تم تحميل الكلمة التى قالها الاستاذ الجامعى اكثر مما تحتمل وبحساسية عاليه جداً وهى معركة فى غير معترك .. يا جماعة الشعب السودانى من البشر وليسوا ملائكة .
معركة فى غير معترك .
Post: #19 Title: Re: قال شنو بروف حسن ابراهيم ... بيتاسف عليهو ا� Author: Gafar Bashir Date: 11-30-2020, 11:07 AM Parent: #18
Quote: الحصل على الهواء مباشر ربما لفت الانظار لظاهره موجوده ضمن ضمن طيف تغيرات كتيره فى الشخصيه السودانيه بشكل عام فانحطاط اللغه واستسهال الالفاظ غير الستسلغه اجتماعيا خاصه وغير المناسبه فى ظروف اجتماع معينه
تسلم يا عصام علي المصدر طبعا الموضوع مرتبط بالسوشيال ميدي علي الاغلب ( كم الكلام والالفاظ) اليومية في الفيس والتويتر والواتسب ، شوية موضوع الحساسية الناس جلوها ... من جانب تاني الموضوع في اطار النقاش فقدان الامام الصادق ما سهل وكمية الهتر والخصومة المتجاوزة للحدود المقبولة من بداية الثورة خلقت نوع من الغبن ده ما تبرير بقدر انو محاولة للفهم
Post: #20 Title: Re: قال شنو بروف حسن ابراهيم ... بيتاسف عليهو ا� Author: Gafar Bashir Date: 11-30-2020, 11:09 AM Parent: #19
Quote: يا هو زاتو كلام بشير مع الرصين
حبيبنا محجوب
ياهو زاتووووو قادر اقدر شعور البروف فقد الامام / وارتباط الموضوع بالعقيدة وكم اللؤم اللي واجهه عشان مواقفه المختلفة واظن ده بس الطفح من الغبن الكبير
Post: #22 Title: Re: قال شنو بروف حسن ابراهيم ... بيتاسف عليهو ا� Author: Gafar Bashir Date: 11-30-2020, 11:20 AM Parent: #20
Quote: يا جماعة الشعب السودانى من البشر وليسوا ملائكة . معركة فى غير معترك .
الموضوع طبعا اصلا ليهو يومين حتي انا ما سمعت بيهو الا بعد تم الاعتذار عنو بعنوان من العناوين الرئيسية لتلفزيون السودان مع فقرة كاملة من الاخبار الرئيسية وعميق الاسف والندم مافهمت اصلا الحاصل شنو
عموما معاك ماهي معركة ولا البروف عدو ورحم الله السيد الصادق المهدي والفقد كبير
Post: #23 Title: Re: قال شنو بروف حسن ابراهيم ... بيتاسف عليهو ا� Author: Ahmed Yassin Date: 11-30-2020, 01:03 PM Parent: #22
جعفر بشير وشركاه جميل بثينة قال وما يُبْكِيكَ من عَرَصَاتِ دَارٍ ... تَقَادَمَ عَهْدُهَا ودَنَا بِلاَهَا يقال هي خشبة توضع بالعرض على سقف البيت والكلمة طلعت معناها غير ما نحن فاكرين يمكن (البروف) دا مثقف شديد وبعرف اصل اللغة .. المشكلة لقمان ماقدر يرد
Post: #24 Title: Re: قال شنو بروف حسن ابراهيم ... بيتاسف عليهو ا� Author: Gafar Bashir Date: 12-01-2020, 11:49 AM
Quote: يمكن (البروف) دا مثقف شديد وبعرف اصل اللغة .. المشكلة لقمان ماقدر يرد
سلام احمدياسين طبعا اللغة مخرج واللغة العربية مخارجها ماليها حد لكنصاحبنا لقمان اظنو لحد الان مخلوع ... غلبتو عديل هو والمعاهو
