Post: #1
Title: وزير ذكرني بالانقاذ
Author: عبدالحفيظ ابوسن
Date: 11-24-2020, 04:41 AM
03:41 AM November, 23 2020 سودانيز اون لاين
عبدالحفيظ ابوسن-no where
مكتبتى
رابط مختصر
للاسف حضرت قبل قليل د اسامة في تلفزيون السودان و قال ان الاغلاق الذي قامت به وزارة الصحة ( يقصد على ايام د اكرم طبعاً) لصد الكورونا لن يكون خياراً الآن لآثاره السيئة اقتصاديا و صحيا و الدليل الذي زكره هو انه تسبب في ظهور شلل الاطفال في ١٣ ولاية من ولايات السودان!!!!!!!!!!.... عيب يا دكتور اسامة الكلام دة و انك تبرر حالات الشلل بذلك بمزاجك و بدون اي احترام لعقولنا و لا لمنظمة الصحة العالمية اللي قالت كلام تاني خالص و هو ان نوع الشلل الظهر ربما له علاقة بالتطعيم نفسه
vaccine derived polio type 2
و نحنا يا دكتور متابعين موضوع الشلل كاخصائيي اطفال و غارقين في قصة التطعيمات و عارفين انها كانت بتتم حتى ايام الكورونا و كنا بنشجع كل الاهل عليها برغم الكورونا للاسباب المعروفة و هي رفع مستوى المناعة للاطفال و الحفاظ على مناعة القطيع herd immunity الخ .
و كمان احنا من متابعتنا عارفين ان مصدر الشلل اللي ظهر في السودان دة كان تشاد ( الحالة الاولى) و احدى الحالات من اريتيريا و ان ١٤ بلد مجاورة ما لجأوا لاغلاق بلادهم كإجراء لصد الكورونا ايضا و بالرغم من ذلك ظهرت فيهم حالات الشلل و عارفين ان منظمة الصحة العالمية نسبت هذه الحالات الى التنقل و لم تزكر انخفاض نسبة التطعيم و للاسف السودان دائما بتدخله الحالات بسبب الحدود المفتوحة مع دول الجوار و ان ال WHO زكرت حتى ان الحالتين الاولتين كانوا تلقوا جرع تطعيمات الشلل و جابت تواريخها و الحاجة الاخيرة هي ان الولايات الظهرت فيها الحالات دي إبتداءً من ابريل ٢٠٢٠ ما كانت مغلقة و الاغلاق كان غالبا للخرطوم فقط. ارجوك يا د اسامة لازم تكون معقول و منطقي في كلامك عشان نثق فيك بشكل عام ففي المستقبل ما تجيب لينا كلام زي دة و تنسى ان المعلومات موجودة في الانترنيت حتى لمن لا علاقة لهم بالمجال دة.. استغفر الله و اتوب اليه
د اماني قنديل- استشاري اطفال
|
Post: #2
Title: Re: وزير ذكرني بالانقاذ
Author: عبدالحفيظ ابوسن
Date: 11-24-2020, 04:42 AM
Parent: #1
️ وزير الصحة الإتحادي :
لابد من ممارسة الحياة الطبيعية مع الإلتزام بالإجراءات والإشتراطات الصحية.
كيف دي ؟!
دحشة ووالدة 😆😆😆
|
Post: #3
Title: Re: وزير ذكرني بالانقاذ
Author: Asim Ali
Date: 11-24-2020, 05:20 AM
Parent: #2
سلام عليكم عبدالحفيظ
حياه طبيعيه كيف ؟ ربنا يستر الجامعات الزام بالكمامات وفحص حرارى عند الباب لكن دوا القاعات نفس الزحام خاصه للدفع كبيره العدد دى براها مشكله حلى من المشاكل التانيه المواصلات ووصفوف العيش من غير التزام بلالاحترازات و ....و....الخ الواحد يشتغل خاتى ايدو فى قلبو من العدوى
خاصه الخرطوم والجزيره ديل اقل شىء مفروض اغلاق جزئى رغم انى حاسى انو كلام الوزير امس تمهيد لاغلاق قادم خاصه مع مطالبات بتعليق الدراسه فى الجامعات وكلاب السنوات النهائيه فى المدارس
|
Post: #4
Title: Re: وزير ذكرني بالانقاذ
Author: عبدالحفيظ ابوسن
Date: 11-24-2020, 05:31 AM
Parent: #3
مرحب عاصم
انا في تصريحاتو الهوجا دي وسواقة الخلا
|
Post: #8
Title: Re: وزير ذكرني بالانقاذ
Author: Asim Ali
Date: 11-24-2020, 06:12 AM
Parent: #4
| Quote: انا في تصريحاتو الهوجا دي وسواقة الخلا |
تتصور جانى احساس فى لحظه انو ركب مكنه امام مسجد وبيخطب فى خطبه الجمعه
ماقدم شىء يذكر ومافتح باب اسئله للصحفيين
|
Post: #5
Title: Re: وزير ذكرني بالانقاذ
Author: جلالدونا
Date: 11-24-2020, 05:36 AM
Parent: #3
Quote: كيف دي ؟!
دحشة ووالدة |
لالا دى نجيب ليها هبنّقةعشان يحلّها
بالعدم ممكن الزول داك بتاع
كلنا حماميز الله
غايتو عبضولاى ما مستبعد يكون عندو رؤية فى الموضوع ده
و صاحبو بابكر خلجات برضو
____
سنّو مشتاقين والله
|
Post: #6
Title: Re: وزير ذكرني بالانقاذ
Author: عبدالحفيظ ابوسن
Date: 11-24-2020, 05:51 AM
Parent: #5
بالاكتر يا جلال والله
عبدولاي قال اعتزل السياسة وبقا زول موت ساي
|
Post: #7
Title: Re: وزير ذكرني بالانقاذ
Author: عبدالحفيظ ابوسن
Date: 11-24-2020, 06:01 AM
Parent: #6
تعديل
عبضولاي وليس عبدولاي
اه 😆😆
|
|