Post: #1 Title: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 07:54 AM Parent: #0
وبهذا أسحب طلبي السابق للانضمام للحزب الشيوعي حتى تتضح الرؤية أو تكتمل الصورة عايز أبقى شيوعي، بماذا تنصحون؟ وبالطبع لدي أسبابي وشروطي قبل الانضمام:
Post: #2 Title: Re: فكرت أبقى كوز ، بس ما عارف ابدأ من وين ؟ Author: Salah Zubeir Date: 11-21-2020, 08:07 AM Parent: #1
غايتو بتفقع ليك كلوة زول بي عمايلك دي ... بعدين العقائديين ديل عندهم أول شي حليفه ... ديل تحلف في الإريقط وتنال صك الجنه وبعداك تعمل السبعه وزمتا ... وديك بشترطو قبل الحليفه بي سيدم ماركس تكون اولريدي عامل السبعه وزمتا ... التعديل نزولن لرغبة التراث وأب سن
Post: #3 Title: Re: فكرت أبقى كوز ، بس ما عارف ابدأ من وين ؟ Author: muntasir Date: 11-21-2020, 08:11 AM Parent: #2
والله كان فكرت أبقى ما عارف 😂 إلا born again
Post: #4 Title: Re: فكرت أبقى كوز ، بس ما عارف ابدأ من وين ؟ Author: عبدالحفيظ ابوسن Date: 11-21-2020, 08:11 AM Parent: #2
الاريقط يا صلاح ما تخرب التراث 😆 يا عمر ذكرتني دفاع معاوية عن زياد بن ابيه
Post: #5 Title: Re: فكرت أبقى كوز ، بس ما عارف ابدأ من وين ؟ Author: علاء سيداحمد Date: 11-21-2020, 08:59 AM Parent: #4
Quote: فكرت أبقى كوز ، بس ما عارف ابدأ من وين ؟
يا ود التاج الموضوع ببساطة شديدة :
الكوزنة طبع وســلوك انسانى وليس بالضرورة عقيدة وانتماء . وقد قيل : الطبع يغلب التطبع.
Post: #6 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 09:19 AM Parent: #5
حا ابدأ بالشروط، لأن الأوله شرط آخره أيه؟ شرا في القندول. الشرط الاول ، لازم يتحاكم البشير في محاكم خاصة بالحركة الاسلامية ، يتحاكم على جريمتين فقط، هو والمشرفين معه، وبعد داك ممكن يترحل الى الدروة ويعدم فيها .. الجريمة الأولى ، فصل الجنوب .. لانه ما في انسان وطني عاقل في الدنيا دي بيرضى بتقسيم بلده وأن أدى الأمر إلى وقوفه تحت المقصلة .. ناهيك عن انه يقدم ثلث بلده للعملاء قربانا لحكم منتهي او سلطة زائلة .. الجريمة الثانية .. هي جريمة انشاء ودعم مليشيات قبلية (جنجويد) ومنحها صفة نظامية ودعمها بالمال والسلاح حتى طالت صلاحيتها وتفلتاتها وابتلعت كل البلد .. الشرط الثاني هو ، أن التحالف بيننا سيكون لفترة محدودة بالبقاء خارج السلطة، فاذا فكر الكيزان في السلطة من جديد انفض التحالف بيننا . الشرط الثالث والأخير ، هو ان الانضمام سيكون لأي من الاجنحة الخاصة بهم ، بخلاف المؤتمر الوطني .. .. .. أخونا علاء مرحبا ، ولتكن بداية الحوار من اخر مداخلة..
Quote: الكوزنة طبع وســلوك انسانى وليس بالضرورة عقيدة وانتماء .
بالطبع انا لا أؤمن بالعقيدة الحزبية والانتماء السياسي .. ولكن المعرفة بالسلوك شئ مهم .. فهلا تخبرنا عن سلوك الكيزان في نقاط حتى نحدد موقع ارجلنا منها ..
Post: #7 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 09:43 AM Parent: #6
اخونا في الانسانية صلاح ، حبابك والف مرحب..
Quote: غايتو بتفقع ليك كلوة زول بي عمايلك دي ... بعدين العقائديين ديل عندهم أول شي حليفه ... ديل تحلف في الإريقط وتنال صك الجنه وبعداك تعمل السبعه وزمتا ... وديك بشترطو قبل الحليفه بي سيدم ماركس تكون اولريدي عامل السبعه وزمتا ... التعديل نزولن لرغبة التراث وأب سن
أولن، ما عاش من يفقع كلاوي الزملاء الاعزاء .. ثاتيا، نحن مختصين في المرارات فحسب، ثالثا، أنا لا بحلف ولا بسطل .. مستعد أنفذ أنشطة أي حزب أو جماعة ، ولكن بطريقتي الخاصة يعني مثلا ممكن اذكر مع الصوفيين - وأنا كوز - لكن بعديها قيام ليل اثناء ماهم يرقصون. وممكن اخرج مع اهل الهجرة - وأنا كوز - لكن للسياحة والتعرف على اناس ومناطق جديدة وممكن اكل رز باللبن - وأنا كوز - لكن في رمضان فقط ، ندعو بعده بالبركة للمسحرين والمتسحرين وممكن اضرب الفتة وازور الضرائح ، جبرا للخواطر وطلبا لعلم التراث وممكن البس جلابية مقلوبة او حمراء - وأنا كوز - احتراما لتاريخ المهدي وكتب لينين.
Post: #8 Title: Re: فكرت أبقى كوز ، بس ما عارف ابدأ من وين ؟ Author: محمد البشرى الخضر Date: 11-21-2020, 10:10 AM Parent: #7
Quote: حا ابدأ بالشروط
تتشرط كيف و باي منطق يا ود التاج؟ البتشرط دا بكون عنده حاجة عايز يقدمها للحهةىالبتشرط عليها و هي محتاجه ليه لذا يتشرطّ انت الكيزان ما قصرت - ولا بتقصر - معاهم تب اديتهم اي شي وكل شي ممكن يحتاجوه منك! لا خليت تشكيك لفحي اكاذيب اي هراء تظن فيه نيل من الثورة وحكومتها الانتقالية يقع تحت يدّك ما بتقصر تنشره بل وكمان تتلببه وتنافح عنه كانك حاضره حتى يبين لك كذبه وأحيانا برضو بتكابر! تاني الكيزان عايزين منك شنو أكتر من كدا عشان تتشرط عليهم؟ من الذي يدفع قيمة ما تحصل عليه مجانا!
Post: #9 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 10:14 AM Parent: #7
Quote: إلا نborn agai
بالبوست ده بكون ريحت ناس كانوا شاركني انت كوز وكتاباتك ضد حكومة الثورة .. المواهيم ديل لسه فاكرين انه دي حكومة ثورة .. ومفتكرين حكومة على رأسها البرهان وحميدتي ومناوي وحكدوك حكومة بنت ستين ثورة وألف ثور .. ومفتكرين ان الحديث عن سلبيات النظام البائد حايغطي على أغلاطهم ويحجب قصورهم الفكري وعجزهم الأخلاقي والمهني وانه كلما تؤشر لهم على اخفاق حتي يعالجوه فان العلاج من شاكلة (نحن وجدنا البلد في حفرة)، و (والكيزان كانوا بعملوا كده) هو قمة إنجازهم أها .. زي المجموعة دي هي الحاتشوف ميلادا جديدا . وعليهم ان ينكربوا ويملوا القاش اللبسوه بالمقلوب ده ..
Post: #10 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 11:57 AM Parent: #9
اتصل بي ظهرا -وأنا خريج جديد- قريب لي يعمل في مؤسسة اقتصادية انقاذية كبرى ، وقال لي أن مؤسستهم تبحث عن خريجين جدد وعلي أن أقدم أوراقي اليوم قبل الغد .. ولم ينس أن يذكرني بألا أجيب سيرته عند التقديم لأنه من المغضوب عليهم لدى تنظيم المؤسسة. ترددت في البدء كثيرا نسبة لأنني كنت أفكر في الاغتراب، وقدمت أوراقي بالخارج لجهات عديدة ، وترددت ثانية لان طبيعة عمل المؤسسة لاتناسبني ولا تروق لي، الا أنني قررت أن أخوض التجربة .. ففي التجربة خبرات وفوائد. اقتربت من مبنى المؤسسة الضخم مساء ذلك اليوم، فاذا بأضواء خافتة وصمت مخيف يسود المكان، دفعني الفصول للاقتراب من باب الاستقبال الفخم ومحاولة دفعه بهدوء وتلصص، فاذا بي أشاهد بعض الشباب المهندمين يجلسون في هدوء ويتهامسون في قلق .. حاولت اقفل الباب وأزوغ، ولكن يد غليظة ضربت كتفي من الخلف وأمسكت بي بقوة قبل أن يخاطبني صاحبها بقسوة .. أنت منو يازول؟ - أنا عمر التاج - والجابك هنا شنو يا عمر التاج. - جابني الجاب الشباب الجوة ديل (قلتها بثقة حتى لا أتعرض لضربة ثانية في قفاي). نظر لي شذرا قبل ان يقول بجفوة .. - خش أندمس معاهم وما أشوفك تزازي برة تاني . أدخلت رجلي بحذر فاذا بالذي يجلس خلف كاونتر الاستقبال شاب أنيق يرتدي زي شركة الهدف، أشار لي بيده أن اقترب .. اقتربت بحذر فقال لي هامسا .. يعني انت في المتأخرين جاي متأخر وعايز تتعين هنا .. قلت له - والله ماسمعت بكم الا اليوم. صدرت منه ضحكة ساخرة قبل ان ينظر في كشف تحته ويقول لي : - رقمك كم؟ في الحقيقة ماعرفته بيتكلم عن اي رقم، ولكني حرصت علي أن لا أجيب عن سؤاله بسؤال من شاكلة رقم شنو ، فقلت له.. - ماعارفه والله . - كمان .. قالها بسخرية وامتعاض قبل ان يردف: - طيب اسمك منو؟ وعندما قلت اسمي للمرة الثانية لم ياخذ منه البحث في الورقة التي تقبع أمامه سوى ثلاث ثواني قبل أن يقول لي بلهجة آمرة: - اسمك مافي، يلا اتخارج. نظرت في وجهه بلا مبالاة وأعطيته ظهري ببطء ، وقبل أت أخطو خطوتين سمعت صوت حركة وجلبة خلفي، فالتفت الى مصدرها بسرعة فاذا بشاب مفتول العضلات ينهض من خلف رجل الاستقبال بهمة ونشاط، ويؤدي التحية العسكرية لرجل ظهرت ملامحه للتو خارج الباب الزجاجي الثقيل .. - تمام سعادتك ، الجلسة الفوق انتهت واللجنة منتظرة مراجعتك وتوقيعك. نظر الينا الرجل في هدوء وخاطب الشاب قائلا : - وديل منو ديل ؟ - ديل جو متأخرين ومالحقوا يقعدوا مع اللجنة . - طيب منتظرين شنو، الزول اذا بتاخر في المعاينة حايسوي شنو في الشغل؟ قالها وانطلق يصعد السلالم في خطوات رشيقة ويلحق باللجنة فوق ، يتبعه الشاب القوي صاحب اللبسة السفاري الزرقاء.
Post: #11 Title: Re: فكرت أبقى كوز ، بس ما عارف ابدأ من وين ؟ Author: Deng Date: 11-21-2020, 12:33 PM Parent: #10
بلاي انت ما من الجماعة اياهم!!!!! ما قصرت معاهم تب خاصة انو ناسم لابدين تحياتي
Post: #13 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 12:54 PM Parent: #10
بمجرد وصوله للقاعة الفوق والتي كانت بجوار السلم تماما سمعنا الرجل يصرخ فيهم بصوته الجهور .. - السلام عليكم، ما أكون اتاخرت عليكم صدرت همهمات خافتة تقول ان الامر عادي، ولا تعكس فترة انتظار أعضاء اللجنة وجلوسهم على كراسي العمل منذ صباح ذلك اليوم.. - كنت في اجتماع مهم مع الوزير وما طلعت منه الا عليكم جاي .. .. قالها معتذرا قبل ان يصيح فيهم مرة ثانية .. - أها ، رشحتو كم؟ - اتقدموا اكثر من ١٠٠ خريج واتصلنا على ٢٧ منهم كانت اوراقهم مستوفية، قابلناهم واخترنا منهم عشرة، وده الكشف النهائي حسب الترتيب وأولوية التعيين.. - عشرة ما كفاية، نحن عايزين ١٥ اقل شئ . - عندنا متقدمين تحت لسه ما خشوا معاينة .. - لو قصدك الجايين متأخرين ديك مابنفعوا .. وبعدين مش قلنا جيبوا اوائل الدفع في الجامعات؟ - أيوه اتصلنا بهم وجاء منهم زي ١٣ واخترنا منهم تسعة.. - طيب شوفوا اتنين تلاتة من التحت ديل وجيبو لي الكشف النهائي قبل صلاة العشاء.. كل هذا الحوار سمعناه بوضوح وكأننا نستخدم الات استشعار او قنوات التقاط .. نظرت في العيون الشاحبة وهي تتطلع نحو الشاب مفتول العضلات ينزل السلالم سريعا وهو يقول لرجل الاستقبال. - جيب الكشف التاني سريع، "حمزة" عايزه . رجل الاستقبال بمجرد ان اسم حمزة رمي بالورقة التي يحملها في وجه كأن بها جان ، وقبل ان يلتقطها الرجل القوي نزل المدير المرعب واجتاز الاستقبال نحو باب جانبي ، قبل ان يلتفت نحو الشاب ذو العضلات ويقول له بهرشة .. - انتو لسه حا تفتحوا الكشف وتنادوا واحد واحد، خم الناس ديل سريع ولحقهم اللجنة .. - حاضر حاضر سعادتك .. الان نرفعهم ونعمل معاهم الواجب .. قال ذلك ثم قفز سريعا وأغلق الباب وصاح في الشباب .. - قيام. قام الشباب ، وانا اصلا قائم اتابع الحوارات على أعتاب الباب .. أشار الشاب القوي نحو السلم الفخم وهتف : على السلم أصعد .. صعد الشباب كلهم وانا خلفهم اسمع نداءات رجل الاستقبال .. "انت ماشي وين يا شاب ، انت اسمك ما موجود معاهم ".. لم التفت اليه بل صعدت سريعا وانا أغمت اوراقي في لفافة بلاستيكية صغيرة ... اجتاز بنا ذو اللبسة الزرقاء قاعة اللجنة و التي جلس فيها اربعة رجال ضخام الجثة يلبسون أفخم الثياب ..ظلوا يتفرسون في وجوهنا ونحن نعبر أمامهم و ندخل لصالة صغيرة خلف القاعة .. الشاب القوي أوقفنا صفا، و وقف هو بجوار الباب الذي يفصلنا من اللجنة، ثم جلس خلف مائدة صغيرة تحمل ملفات الشباب .. أخذ واحد ونده على اسم "أحمد حسن الطاهر " .. وكان شابا نحيلا يلبس قميصا غير محشو في بنطاله، رأينا الشاب يحمل ملفه ويدخل من باب اللجنة، ومن الحائط الزجاجي رأينا أحدهم يشير اليه ان سلم ورقك و اخرج، فقد انتهت معاينتك.. نظرت لمن هم حولي فرايت البعض يحاول حشو القميص واعادة هندامه ، ولأول مرة انتبه لواحد بلدياتي محشور وسط الشباب .. اقتربت منه وسلمت عليه وهمست في اذنه .. - انت ورقك سلمته متين؟ قال لي : - قبل شهر تقريبا .. واتصلوا علي اليوم اجي الساعة ٤ ولكني اتاخرت ووصلت ٤ ونص ومن الوقت داك قاعدين تحت. في هذه اللحظة كان الشاب القوي يغلق الباب على الشاب الثاني الوجيه وهو يدخل على اللجنة ، قبل ان يقترب من الثالث ويسأله عن اسمه، ثم يقلب في الملفات ويستخرج ملفه ، وشاهدناه وهو يهمس في اذنه ويسمع رده ثم يكتب جملة بالقلم الأحمر في اول ورقة في ملف الخريج .. تكرر هذا المشهد وانا اسمع أحد الشباب يقول .. (صابر محمد الحسن)، وآخر يقول (نافع علي نافع)، وثالث يرد (اللواء الركابي) .. لم أتبين ما يقوله الشباب حتى وصل الشاب لبلدياتي الذي وقف معي في الخلف وسأله عن اسمه ثم قال له هامسا .. - واسطتك منو؟ - الزبير محمد الحسن .. كتبها الرجل بالاحمر وسلمه ملفه قبل ان ينهرني قائلا .. - وانت ملفك وين .. - هاداه معاي .. - معاك بسوي في شنو وشلتو متين ؟ قلت له : - في الحقيقة شهادتي استلمتها من الجامعة اليوم، عشان كده مالقيت فرصة اسلمها ليكم . عاين لي بشك وحذر قبل ان يقول لي .. - اقيف في اخر الصف، وما تتحرك او تتكلم الا أنده ليك .. فاهم . .. أومأت برأسي اشارة للايجاب، وراقبت صف الشباب وهو ينطلق سريعا .. البعض يدخل ويجلس لمدة دقيقة.. والبعض يمر مرور الكرام على اللجنة ثم يعبر من الباب الاخر، والبعض ترى دموعه تسيل امام أعضاء اللجنة دون أن يرحموا عقله وقلبه من الأسئلة الصعبة والمحرجة ، وسرعان ما بقيت لوحدي في الصالة، وذا بي أسمع صوت "حمزة" القوي يقول لحارسي الأمين: ( اب صلعة ده ماكان تدخله لينا ، شكله كان "عاول" في الجامعة) ادركت فورا أن بلدياتي هو آخر من دخل الى اللجنة، وكانت لديه جلحات لاتخطئها العين، فايقنت ان واسطته القوية لم تشفع له.. .. فجأة التفت "الحمزة" الى الصالة وانتبه لوجودي فيها فصرخ في الشاب الذي يقف بيني وبينهم سدا : وده قصته شنو؟ - ده جاي متأخر وقال ماقدر يسلم الورق بتاعه عشان شهادته طلعها اليوم.. نظر الرجل في ساعته ثم قال آمرا.. - خلاص دخله نتسلى بيه شوية .. لسه قدامنا نص ساعة على موعد المدير العام. وهنا حدثت قصة دخولي بأرجلي الى عرين "الحمزة" ..
Post: #14 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 01:08 PM Parent: #13
أشار الي الشاب القوي ان اقترب نحو الباب، وامسك بورقي ثم سألني بحدة .. - واسطتك منو؟ - شنو؟ - واسطتك منو؟ - واسطتي؟ - أيوة واسطتك .. انت اضانك تقيلة ولا شنو؟ الظاهر عندك مشكلة في السمع .. - لا أبدا سمعي كويس، بس واسطتي ... آ... آ ... الله. تذكرت كلام قريبي صباح اليوم وهو يقول لي محذرا :" أوعك تجيب سيرتي ، بنفضوك من المعاينات طوالي" قريبي ذاك كان أول دفعته في كلية العلوم الادارية جامعة الخرطوم، وكان وما زال عالما مثقفا خبيرا، وكان رائدا في علوم العلاقات الدولية والنقد الأجنبي، وكان فوق ذلك شيخا ورعا وماما وخطيبا لمسجد الحي .. ولذلك استدعوه ووظفوه في العلاقات الدولية، ولكنه لم يحظ بقبولهم فكريا ، فمنحوه أمر الشفرة الدولية في العلاقات الخارجية بالاضافة لامامة مسجد المؤسسة وخطيبها في الملمات، ولولا ذلك لما بقي معهم عاما واحدا. ظل الرجل ينظر الي بدهشة قبل أن يقول لي بغضب .. - نحن بنهظر ولا شنو؟ لو ماعندك واسطة قول ما عندي .. تردد قليلا وهممت أن أقول له ماعندي، ألا أن عقلي الداخلي تذكر اخر كلمة لصديقي وبلدياتي ابجلحات قبل قليل، فقلت للرجل : - الزبير . - الزبير منو؟ - في زول مابيعرف الزبير؟ د. الزبير محمد الحسن. كتبها الرجل وهو يتفرس في وجهي قبل ان يفتح الباب ويقول لي .. - خش.
Post: #16 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 02:09 PM Parent: #14
بمجرد ان ولجت قدماي الباب، وتقدمت بخطوة واحدة فاجأني صوت "حمزة" . - قف. وقفت متسمرا ونظرت في وجهه بقوة .. - انت كرعيك ديل ملولوات كده مالن ؟ حاولت ان أستعجل الرد فاذا باحد أعضاء اللجنة يجيبه بانجليزية ساخره .. - الظاهر عليه بمشي بالمقلوب هه هااااا. ورد ثالث : - ممكن يكون واقع من راس بيت أو مصاب عمليات .. - انت مصاب عمليات ولا واقع من شجرة؟ ، ساكت مالك يازول؟ .. وكمان أبكم .. كل هذا السيل مر علي في ظرف ثانية ، قبل أن استعيد رباط جأشي وأرد عليهم بهدوء.. - ربنا خلقني كده. -ربنا خلقك "ملول" كده .. - لا أبدا ، خلقني في أحسن تقويم . - وكمان "لديح" وفصيح، رد علي بتاع الانجليزي. - وعامل فيها بتاع دين.. عقب آخر . وأخيرا قال "حمزة" : - كدي أمشي لمولانا "ابراهيم" داك وعلمه اصول الدين بتاعك ده وتعال راجع لينا.. مولانا ابراهيم كان راجل طيب وساهم في استعادة رباط جأشي، قال لي حافظ كم جزء في القرآن يا ولدنا؟ فأجبته : - أنا ما بحفظ بالأجزاء، لكن بحفظ سور وآيات متفرقة .. - والحكمة شنو ما بتحفظ بالاجزاء؟ - أنا طالب حاسوب ما طالب علوم شرعية، وبحفظ من القرآن ماتيسر لي ويساعدني على أداء وفهم العبادات وتأويل علوم العصر. - ماشاء الله .. شكلك فيلسوف .. طيب في الحديث كيف ؟ المهم سألني كم سؤال، وطلب مني كم دليل في أصول الفقه والعبادات والاقتصاد، وأجبت بثقة .. عندها ابتسم وقال لي خلاص أنا مريت مني ، لكن البمررك من بتاع الانجليزي شنو؟ استاذ الانجليزي فتح الكمبيوتر القدامه وشغل فيديو صغير ثم سألني .. - فهمت شنو؟ ترجمتها له كاملة، ولحسن الحظ كان يتحدث عن موضوع قريب جدا من تخصصي وبحث تخرجي .. بعدها نظر الينا حمزة وقال لنا . - بتتراطنوا براكم في شنو؟ ، كدي تعال هنا وكلمني بالدارجي ، انت من وين ؟ - ساكن جبرة . - ماسالتك ساكن وين ، قلت لك أنت من وين ؟ - أصلا من نهر النيل .. - نهر النيل دي شنو؟ - ولاية طبعا .. - ولاية ولا محافظة ولا مديرية ولا اقليم ، ولماذا ؟ - ولاية .. وكانت فيها خمسة محافظات .. - طيب مادمت قلت ولاية أذكر حدودها ومحافظاتها .. - بتحدها الولاية الشمالية والبحر الاحمر وكسلا والقضارف والخرطوم . - وكردفان مابتحدها؟ - أبدا شمال كردفان مجاورة للولاية الشمالية وليست نهر النيل .. - طيب نهر النيل علاقتها شنو بمصر؟ - بتمتد في شكل شريط ضيق لحدي مصر وتفصل البحر الاحمر من الشمالية .. - يازول انت شغال في الحكم الفدرالي ولا شنو؟ طيب قول لي المحليات بتاعتها .. المهم مسكتها ليهو من الحدود المصرية، الى ان وصلت الخرطوم .. منطقة منطقة .. ومدينة مدينة ، ويحمد للرجل انه ماقاطعني ابدا ، الي ان قلت له .. انتهت، وعندها نظر في ورقي وقال لي: - انت ورقك ده مزور .. - أبدا ما مزور .. - ما مزور كيف وانت ما خاتمه في التعليم العالي؟ - ختم الشهادة في الوزارة مايباخد أكثر من يومين وخمسين جنيه. - وانت ماعندك الخمسين جنيه؟ - ماكانوا عندي اليومين .. لاني استخرجت الشهادة اليوم .. - يعني جايينا طازج .. - حديث. - والزبير ده بتعرفه من وين؟ - من نهر النيل؟ - من وين في نهر النيل؟ - من أم الطيور - من ياتو حتة في أم الطيور ؟ - أم الطيور كلها حتة واحدة .. - يازول انت من قبيل بتكضب في نهر النيل قابلني أنا من الحبشة؟ - لا أبدا.. لكني بعرف ولايتي أكثر من أي زول ولافيها حتة حتة .. - طيب لو عايز تمشي من عطبرة لكسلا بتمشي كيف؟ - بمشي بالطريق البري مع نهر عطبرة حتى حلفا الجديدة ومنها ساعتين لكسلا.. - وحصل انت مشيت بالطريق ده ولا عايز تعملوا لينا جديد ؟ - أيوة مشيت. - طيب لو عايز تمشي من شندي للقضارف تمشي بوين؟ - بمشي بالطريق القومي حتى الخرطوم ثم مدني ثم القضارف.. - ولو ما عايزك تجي الخرطوم؟ - بمشي بالبطانة واشق الساسريب .. - حصل مشيت بالساسريب . - أيوة ، كتير. ماشاء الله يا ابن بطوطة، طيب وغير نهر النيل بتعرف وين في السودان .. - الخرطوم .. عشت فيها. - وغير الخرطوم.. - كسلا ولدت واتربيت فيها .. - وغيرها .. زرت بورتسودان والقضارف والجزيرة والنيل الأبيض والدمازين وسنار والابيض .. و . - مافضل ليك الا تقول مشيت جوبا .. - أيوة مشيت .. - شفت جوبا - أيوة .. - طيب وصف لي الاحياء الفيها .. - ماقعدت فيها كتير لكن شفت حي كتور وملكية وجبل لادو و... - كفاية كضب يازول ، مزور الشهادة وكمان عايز تزور المدن الزرتها .. -لا أبدا والله .. أسألني من أي منطقة قلتها ليك .. - طيب خلينا من ده كله ، المدير العام بتاعنا أسمه منو؟ - "حمزة" . - هههه ، حمزة ده أنا يا برلوم .. انت شكلك ماعارف نفسك زاتو وين .. - في الحقيقة ما بعرف أسم المدير ، لكن أوعدك اذا اشتغلت معاكم أعرفهم واحد واحد .. - تشتغل معانا شنو يا زول .. انت موهوم ؟ قال الجملة الأخيرة ورمى الورق للشاب أب عضلات وقال له ، خلي البرلوم ده يمشي يقابل " الباشمهندس أحمد" يشوفوا كان بنفع معاهم في الحاسب ولا لا؟ نهضت من عندهم وخرجت ممتعضا من المعاملة ، فخورا بما قدمت ، واثقا من ردودي.. وفعلا بعد يومين اتصل بي احدهم وقال لي عندك امتحان في برج كذا .. تذهب اليه الساعة ٦ ص والا فاتت عليك الفرصة.. وفعلا كنت عندهم في تمام السادسة، وجدت اسمي ضمن ١٣ آخرين عند الاستقبال، ودخلت الاختبار التحريري والقدرات ، اجتازه منا ١٠ .. ثم تم عمل اختبار عملي لي اخر في قسم الحاسب كان بالنسبة لي أسهل مايكون، وبعد اسبوع تم الاتصال بي لاعمل الكشف الطبي.. ومن يومها وجدت نفسي ضمن طاقم مؤسسة انقاذية صرفة تعج بالكيزان .. قضيت فيها عدة سنوات من عمري واعتبرتها مطية لمرحلة أخرى، قبل أن انطلق لدنيا الاغتراب وأقضي فيه ردحا من عمري .. في المداخلات القادمة سأحكي باختصار أبرز محطات وجودي في هذه المؤسسة .. ولكن بعد فاصل من الردود.
Quote: أخونا علاء مرحبا ، ولتكن بداية الحوار من اخر مداخلة..
Quote: الكوزنة طبع وســلوك انسانى وليس بالضرورة عقيدة وانتماء .
بالطبع انا لا أؤمن بالعقيدة الحزبية والانتماء السياسي .. ولكن المعرفة بالسلوك شئ مهم .. فهلا تخبرنا عن سلوك الكيزان في نقاط حتى نحدد موقع ارجلنا منها ..
معقولة يا ود التاج تكون ماعارف السلوك الهمجى للكيزان !؟
سلـــوك الكيزان :
- انتاج العنف لارهاب الخصوم لتبرير بقائهم فى السلطة حتى تم دمغهم بالعنف وصاروا مشهورين بها اكثرمن اسمائهم مثال ( الطيب سيخة ) - معاداة الحريات وتكميم الافواه ونشر الاكاذيب . - الارهاب الفكرى والدينى وجعل أنفسهم أوصياء على الآخرين وعلى دين الله . - اغراء ذوى النفوس الضعيفة بالمال لكسبهم الى جانبهم . - الفساد الادارى فى احلال الطلاب الراسبين والاقل درجة فى النجاح بدل الطلاب الذين نالوا درجات عاليه تحت شعار ما يسمى بالدبابين وهؤلاء هم اكثرهم اخلاصاً للتنظيم وهناك عشرات المقالات التى كُتبت فى المسألة . - الفساد الادارى فى التمكين باحلال المتكلسين ومتواضعى القدرات والفاشلين وذوى العقول الضعيفة والقدرات المتواضعة بـدل الاكفاء أصحاب السيرة الذاتية العالية . - الفساد المالى الذى سار بذكره الركبان بعد ان لفظهم الشعب الى حيث يستحقون ولا زالت لجنة تفكيك التمكين تفاجأنا دوماً بالفساد الذى كان يسير على رجلين فى عهدهم المشئوم . - الفساد الاخلاقى حيث هناك عشرات بل مئات المخازى التى كانت تطالعنا بها الصحف عن هذا الفساد المنحط . - اشعال الحروب فى بعض اجزاء البلاد وخاصة فى الجنوب والغرب والشرق حيث انهم فى الجنوب عمدوا وفكروا وقرروا فصل الجنوب بناءا على حديث لوزير المالية الاسبق عبدالرحيم حمدى عن حتمية اقامة دولة المحور العروبى فى الشمال والمشهور ب ( مثلث حمدى ) فقد نجح الكيزان فى مسعاهم فى فصل الجنوب ولا زالت بعض اجزاء البلاد فى الغرب والشرق تعانى من تداعيات وويلات تلك الحروب . - تعذيب وقتل المواطنين "من الجنسين " على أتفه الاسباب لفرض ارهاب الدولة ( وهذه سياسة معروفة للتمكين فى السلطة ) - وصل الفساد قمته فى عهدهؤلاء الاوباش ان صارت الانتخابات مخجوجة وصار التزوير ماركة مسجلة باسمهم فى البلاد . - فقدان أهم سـمات الانسان السوي مثال احاسيس ومشاعر التعاطف والتعاضد والمحبة والعون والتواضع والاحسان وفعل الخيرات .
الكوز : ليس انساناً انما حيوان ناطف . قبحهم الله اينما كانوا .
Post: #17 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 04:14 PM Parent: #15
مرحبا محمد البشرى،
Quote: تتشرط كيف و باي منطق يا ود التاج؟ البتشرط دا بكون عنده حاجة عايز يقدمها للحهةىالبتشرط عليها و هي محتاجه ليه لذا يتشرطّ انت الكيزان ما قصرت - ولا بتقصر - معاهم تب اديتهم اي شي وكل شي ممكن يحتاجوه منك!
بالعكس يا ود البشرى ، انا الكيزان ما أديتهم أي حاجة بعد سقوطهم ، وقبل سقوطهم ماقصرت معاهم في نقد او معارضة، كشفت الاعيبهم وفسادهم وكتبت في ذلك العشرات بل المئات من البوستات، ويكفي ان لدي بوستات في مكتبة الفساد وبوستين باسم (أفسد من مشى على سطح الارض ١) و(أفسد من مشى على سطح الأرض ٢)، ومنذ ثورة ٢٠١٣ كنت أنادي بالتغيير وأقول أنه حتمية أي نظام شمولي، ويكفي أنني طوال ٣٠ عاما ما زرت صندوق انتخابات -غير الجامعة- وما منحت صوتي لاحد .. أما بعد السقوط فأشك أن خطي هو خطي الكيزان .. لأن الكيزان بعد سقوطهم لم يخرجوا ليحاربوا الحكومة الانتقالية بأقلامهم ولا أقوالهم ولا أفعالهم.. الكيزان بعد سقوط الانقاذ انقسمت قسمين .. قسم دخل في مؤسسات الثورة وبقى قحاطي أكثر من القحاته، بعضهم المخربون من الداخل وأغلبهم الانتهازيون.. وقسم رضي بالخروج بأقل الخسائر .. آثر مقاعد المتفرجين وظل يرتب في بيته المنهك من الداخل.. والقسم الاخير فيه اتجاهان، اتجاه يرى أن سقوطهم نتيجة حتمية لعملهم السيئ وعليهم الرضي بما قسم لهم والبعض الآخر يعتقد أن القحاتة مهما فعلوا سيفشلون .. وأن سقوطهم حتمي بأيدي الشعب لا بأيديهم .. وهم بذلك خطهم عدم اثارة البلابل ومعارضة النظام علنا، وهؤلاء أكثر المنزعجين من بوستاتي وتواجدك الضئيل في الاسافير ، ولو بودهم أن أسكت للابد حتى تقترب غنيمتهم دون اللجوء لخطهم الأخرى.. بقي جزء أخير من الكيزان لم نذكره ، وهم الذين فارقوا الانقاذ قبل سقوطها ، وأغلبهم المجاهدون والسائحون والدبابون والغاضبون من سلوك أخوتهم ..وهؤلاء قلة ولكنهم مؤثرين جدا اذا عادوا أو دخلوا حلبة الصراع . لكل هذا وذاك فانا ما زال خطي بعيدا عنهم ، والدليل على ذلك طريقتي في المنبر المختلفة من خط كوادرهم المتخفية .. أنا أعلم تماما أنهم يقولون عني مجنون ومقفل نافع في اجتماعاتم الداخلية .. ولكن ستثبت الأيام أنني العاقل الوحيد بينهم اذا انضممت لهم .. الان فقط استطيع الاجابة على سؤالك المهم..
Quote: من الذي يدفع قيمة ما تحصل عليه مجانا!
الوطن يا ود البشري .. المجتمع السياسي هو الذي يستفيد اذا ارتقت الحكومة بخدمات تجاه الشعب بعد نقد وازدراء .. والشعب هو الاكثر استفادة من وجود حكومة شفافة ومعارضة صاحية واعية..
Post: #18 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 04:52 PM Parent: #17
Quote: أي كوز ندوسو دوس
تدوس منو انت والله جرادة ما تدوسها .. العاجبني في الكيزان انهم كانوا دايسنكم لامن قلتوا الروب ويا امريكا ألحين ولما الجيش كان بدرش في جماعتك في اطراف نمولي وجوة حدود يوغندا وكيميا كانوا صغاركم هايمين في شوارع الخرطوم ، ياكلوا ويشربوا آمنين حتى اذا وجدوا كوتة سكر مطرفة ضربوها وركبوا السنبك.
Post: #19 Title: Re: فكرت أبقى كوز ، بس ما عارف ابدأ من وين ؟ Author: Deng Date: 11-21-2020, 05:25 PM
Quote: تدوس منو انت والله جرادة ما تدوسها .. العاجبني في الكيزان انهم كانوا دايسنكم لامن قلتوا الروب ويا امريكا ألحين ولما الجيش كان بدرش في جماعتك في اطراف نمولي وجوة حدود يوغندا وكيميا كانوا صغاركم هايمين في شوارع الخُرْطُوم ، يأكلوا ويشربوا آمنين حتى اذا وجدوا كوتة سكر مطرفة ضربوها وركبوا السنبك.
أين هم الكيزان الآن؟ لقد تم دوسهم ودهسهم بواسطة شباب صغار السن وعزل كمان، جماعتك الكيزان مرقوها في تركيا، حتى الذين كانوا يدعون للقتال وأرسلوا أبناء البلاد الابرياء الى أتون الحرب في الجنوب فهم هربوا أيضا الى تركيا. أكاذيبكم بتاعت أن القرود والأشجار كانت تقاتل معكم في الجَنُوب لم تحرز لكم أي أنتصارات، وفي النهاية تم أرغامكم على توقيع أتفاقية السلام الشامل وكان من ضمنها تقرير المصير، لقد وقعتوا يا كيزان على الاتفاقية وأنتم صاغرون.
بعدين لو داير دايرين نتكلم عن السرقة التي سرقوها جماعتك فسوف نتحدث عنها لعدة سنين ونكتب عنها كتب أيضا، أو كما قال كبيركم علي الحاج "خلوها مستورة"
شايف خلاص الجماعة في المنبر يا دوب أعترفوا بكوزنتك اللي كنت غاشيهم بيها هنا. هل تتزكر كيف كان يدافع عليك بعضهم؟ وكيف يوصفونك الان؟
Post: #21 Title: Re: فكرت أبقى كوز ، بس ما عارف ابدأ من وين ؟ Author: Arif Nashed Date: 11-21-2020, 06:10 PM Parent: #20
كوز موديل 21 - Full option
Post: #23 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 06:43 PM Parent: #19
Quote: سلـــوك الكيزان :
- انتاج العنف لارهاب الخصوم لتبرير بقائهم فى السلطة حتى تم دمغهم بالعنف وصاروا مشهورين بها اكثرمن اسمائهم مثال ( الطيب سيخة ) - معاداة الحريات وتكميم الافواه ونشر الاكاذيب . - الارهاب الفكرى والدينى وجعل أنفسهم أوصياء على الآخرين وعلى دين الله . - اغراء ذوى النفوس الضعيفة بالمال لكسبهم الى جانبهم . - الفساد الادارى فى احلال الطلاب الراسبين والاقل درجة فى النجاح بدل الطلاب الذين نالوا درجات عاليه تحت شعار ما يسمى بالدبابين وهؤلاء هم اكثرهم اخلاصاً للتنظيم وهناك عشرات المقالات التى كُتبت فى المسألة . - الفساد الادارى فى التمكين باحلال المتكلسين ومتواضعى القدرات والفاشلين وذوى العقول الضعيفة والقدرات المتواضعة بـدل الاكفاء أصحاب السيرة الذاتية العالية . - الفساد المالى الذى سار بذكره الركبان بعد ان لفظهم الشعب الى حيث يستحقون ولا زالت لجنة تفكيك التمكين تفاجأنا دوماً بالفساد الذى كان يسير على رجلين فى عهدهم المشئوم . - الفساد الاخلاقى حيث هناك عشرات بل مئات المخازى التى كانت تطالعنا بها الصحف عن هذا الفساد المنحط . - اشعال الحروب فى بعض اجزاء البلاد وخاصة فى الجنوب والغرب والشرق حيث انهم فى الجنوب عمدوا وفكروا وقرروا فصل الجنوب بناءا على حديث لوزير المالية الاسبق عبدالرحيم حمدى عن حتمية اقامة دولة المحور العروبى فى الشمال والمشهور ب ( مثلث حمدى ) فقد نجح الكيزان فى مسعاهم فى فصل الجنوب ولا زالت بعض اجزاء البلاد فى الغرب والشرق تعانى من تداعيات وويلات تلك الحروب . - تعذيب وقتل المواطنين "من الجنسين " على أتفه الاسباب لفرض ارهاب الدولة ( وهذه سياسة معروفة للتمكين فى السلطة ) - وصل الفساد قمته فى عهدهؤلاء الاوباش ان صارت الانتخابات مخجوجة وصار التزوير ماركة مسجلة باسمهم فى البلاد . - فقدان أهم سـمات الانسان السوي مثال احاسيس ومشاعر التعاطف والتعاضد والمحبة والعون والتواضع والاحسان وفعل الخيرات .
شكرا اخ علاء على هذا الوصف الضافي .. ولا أنكر أنني اتفق مع ما قلت بنسبة كبيرة ، قد تتجاوز ال ٧٠% .. ال20% لدي فيها رؤى خاصة متعلقة بالسلطة .. فالسطة العادية فيما أرى هي سبب فساد وانحراف اي كائن من كان .. أنا الكيزان لم أعرفهم قبل الانقاذ ، ولم أحتك بهم بعد سقوطهم .. ولكن بالرجوع للتاريخ استطيع أن أقول أن ٧٠% مما ذكرت عاليه هي سمة مثبتة للسلطة .. فالعنف مارسه الشيوعيون من وهم في السلطة، فصربوا الجزيرة أبا بالطائرات وود نوباوي بالرشاشات وجامعة الخرطوم بالدبابات وافتعلوا المجازر وماكان بيت الضيافة آخرها .. أما من حيث كبت الحريات فحكومتك الانتقالية هذه لم تتم عامين وهاهي تعتقل الناشطين وتعذبهم وتلفق ضدهم التهم ، أحمد الضي جبارة كان ناشطا ضد الكيزان واليوم يقبع في سجونك وهو لايملك غير لسانه .. الشاب الذي كان يصور في مقر لجنة التمكين ورفض مسح الصور اختفى من الدنيا تماما ولا احد يعرف مكانه، اسحق فضل الله دخل السجن مؤخرا ثم خرج دون توجيه تهمة، شباب كوستي تم الزج بهم في السجون حتى فاحت ريحة عفنهم لا لشئ الا لانهم قالوا لا لقحت.. أما في مجال الفساد ، فرائحة فسادكم ظهرت منذ عامها الأول .. فلوس تسرق من مكتب رئيسة الجمهورية عائشة موسى ، وزيرة التعليم العالي تعيين أغلب مدراء الجامعات من أسرتها .. البواخر ترجع في الشهر أربعة والنثريات والحوافز ماشة، البطاقات توزع على الفاسدين فياخذون العربات والوقود ويهربونه .. دعم الكورونا واسبيرات دانغوديو ومواد الإغاثة تدخل السوق على عينك ياتاجر .. أما تعيين غير أهل الكفاءة فلايحتاج لدليل أكثر من الفشل الموسسي الذي يعيشه الوطن .. أنها فتنة السلطة ياغلاي التي تجعل الحكومة العادية فاسدة وعنيفة وغيركفأة، فما بالك بسلطة نظام شمولي كنظام الكيزان.
Post: #22 Title: Re: فكرت أبقى كوز ، بس ما عارف ابدأ من وين ؟ Author: Asim Ali Date: 11-21-2020, 06:23 PM Parent: #15
Quote: سلـــوك الكيزان :
عندهم لغه جسد مختلفه ولعه ومصطلح تحليك تفرز الكوز/ ه حتى لو نكر كوزنتو
Post: #24 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-21-2020, 06:55 PM Parent: #22
مرحبا تسنيم..
Quote: ما قصرت معاهم تب خاصة انو ناسم لابدين
وانتو زادكم ماقصر معاكم وقت تنزنقوا .. بس أعرفوا تبعدوا من السلطة أو تخلوها لحظة عابرة
. . بالنسبة للنسبة الفوق ديك واضح انها ناقصة عشرة (٧٠+ ٢٠) أها النسبة دي عندي ثابتة وموجودة في كل حساباتي السياسية واسمها (معامل الشك)
Quote: أما من حيث كبت الحريات فحكومتك الانتقالية هذه لم تتم عامين وهاهي تعتقل الناشطين وتعذبهم وتلفق ضدهم التهم ، أحمد الضي جبارة كان ناشطا ضد الكيزان واليوم يقبع في سجونك
مشكلة احمد الضى مشكلة خاصة بينه وبين دقلو اخوان حيث انه اتهمهم بصريح العبارة انهم يخططون لعمل انقلاب وهو الآن فى سجون الدعم السريع وليس سجون الحكومة الانتقالية .
Quote: ولكن بالرجوع للتاريخ استطيع أن أقول أن ٧٠% مما ذكرت عاليه هي سمة مثبتة للسلطة
وأصلاً الكيزان لو لم يصلوا الى السلطة لما استطاعوا من تنفيذ ماورد فى حقهم من سلوك سلبي فى المشاركة السابقة .
Quote: فالعنف مارسه الشيوعيون من وهم في السلطة، فصربوا الجزيرة أبا بالطائرات وود نوباوي بالرشاشات وجامعة الخرطوم بالدبابات
ليس دفاعاً عن الحزب الشيوعي فالشيوعيون يستطيعون الدفاع عن أنفسهم ولكن دفاعاً عن الحق الرئيس المصرى حسنى مبارك اعترف بأنه كان احد الطيارين الذين شاركوا فى ضرب الجزيرة أبا وقد تم تداول مقطع الفيديو الذى يتحدث فيه حسنى مبارك هنا فى المنبر .
Post: #26 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-22-2020, 07:12 AM Parent: #25
Quote: عندهم لغه جسد مختلفه
في دي صدقت يا عاصم.. الكوز ممكن تعرفه من عنقرته أو من خلال حديثه المرئ وديل صفتين كانوا بتفاخروا بيهم اذكر كان في واحد عنده كرش ضخم فنصحه أحد الزملاء يعمل عملية ويزيله فكان رده عليه .. انت عارف الكرش دي كلفت كم موازنة ، وأهدرت كم نثرية ، وازهقت كم حافز.. وتجي بالساهل كده تقول لي شيلها ؟
Post: #27 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-22-2020, 07:12 AM Parent: #25
Quote: عندهم لغه جسد مختلفه
في دي صدقت يا عاصم.. الكوز ممكن تعرفه من عنقرته أو من خلال حديثه المرئ وديل صفتين كانوا بتفاخروا بيهم اذكر كان في واحد عنده كرش ضخم فنصحه أحد الزملاء يعمل عملية ويزيله فكان رده عليه .. انت عارف الكرش دي كلفت كم موازنة ، وأهدرت كم نثرية ، وازهقت كم حافز.. وتجي بالساهل كده تقول لي شيلها ؟
Post: #28 Title: Re: فكرت أبقى كوز ، بس ما عارف ابدأ من وين ؟ Author: adil amin Date: 11-22-2020, 07:25 AM Parent: #27
Quote: فكرت أبقى كوز ، بس ما عارف ابدأ من وين ؟
ساهل جدا انضم لللنسخة الجديدة بتاعة الزغاوة =العدل والمساواة 2021 خلاس وصلو الخرطوم وزارو ضريح الشيغ حسن الترابي وحق القبة علي نعمل ليكم قبة احسن من بتاعة الانصار نحن قلنا زول ما عنده كجور ولي قبة ولي مك ولي حواكير يختانا قال داير يبقى كوز قال حكمة بالغة وما تغني النذر بتفكو علي الحاج الالماني بتين بعد الانقلاب ولي قبلو هسة
Post: #29 Title: Re: فكرت أبقى كوز ، بس ما عارف ابدأ من وين ؟ Author: محمد أبوالعزائم أبوالريش Date: 11-22-2020, 08:08 AM Parent: #28
Quote: اغبى انواع الكيزان
هم الكيزان الما عارفين انهم كيزان
عارفين! .... عارفين!
Post: #30 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-22-2020, 11:35 AM Parent: #29
Quote: اغبى انواع الكيزان هم الكيزان الما عارفين انهم كيزان
ومافي أغبى منهم الا المفترض كل زول ما معاهم كوز .. الواحد فيهم ان تحمل عليه يلهث، وان تتركه يكاكي... كاااااك.
Post: #31 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-23-2020, 07:20 AM Parent: #30
Quote: ساهل جدا انضم لللنسخة الجديدة بتاعة الزغاوة =العدل والمساواة 2021
للمعلومية الزيارة ديل من اكثر الناس فراسة وطيبة عاشرتهم لمدة ثلاثة سنوات وعرفت من كريم أصلهم وفصلهم مالم أكن اتوقعه في أحد غير أهلي.. البقارة أيضا عاشرتهم وصاحبتهم في كسلا .. ووجدت فيهم سمح الخصال .. مجمل الكلام بيقول أن هؤلاء وأولئك والمساليت من أكثر الناس حبا وقدرة للدواس وهذه خصلة تشجع على الانضمام لاي كيان هم فيه. بقى أن نقيس الأمور بمقياس العقل والعدل.. لا العواطف والانجذاب ونعرف كيف نقييم شغل الكيزان من خلال انجازاتهم وممارساتهم ككيان لا من خلال اجسادهم ولا فساد أفراد منهم ..
Post: #37 Title: Re: فكرت أبقى كوز ، بس ما عارف ابدأ من وين ؟ Author: Haytham Ghaly Date: 11-24-2020, 09:19 AM Parent: #30
Post: #32 Title: Re: فكرت أبقى كوز ، بس ما عارف ابدأ من وين ؟ Author: عبدالله محمد أحمد Date: 11-23-2020, 05:18 PM Parent: #1
داير تبقى كوز، المسألة في غاية البساطة لوانت اصلا و خلقا غير سوي. اولا ما تكون عندك (قشة مرة). قشة مرة دي تعبير سوداني قح، بعني انك تدوس كل شئ، يعني: ما عندك فرق بين الولد و البنت. ما عندك فرق بين العرقي و الحليب. ما عندك فرق بين الفسيخ و الشربات. ما عندك فرق بين الحي و الميت. ما عندك فرق بين السرقة و النهب. و اخر الختام ما عندك فرق بين الحلال و الحرام.
Post: #33 Title: Re: فكرت أبقى كوز ، بس ما عارف ابدأ من وين ؟ Author: نصر الدين عشر Date: 11-23-2020, 07:48 PM Parent: #32
طريقة تعيينك في المؤسسة الكيزانية اياها مثيرة ولكنها وسخة!!! الم ينتابك اي احساس بالذنب وانت تقتات من الوظيفة اياها والتي حصلت عليها بطريقة ملتوية؟ هل تعتقد انك سوف تحصل عليها اذا كان التنافس فيها شريف وعلى حسب الكفاءة والقدرات دون ذكر اسم شيخ الحركة الزبير محمد الحسن؟ هل تعتقد انك سوف تحصل عليها ان لم تكن من ولاية نهر النيل؟
عموما اختيار صادف اهله خبث + عدم اخلاق + دهنسة = كوز
Post: #34 Title: Re: فكرت أبقى كوز ، بس ما عارف ابدأ من وين ؟ Author: صديق مهدى على Date: 11-23-2020, 08:01 PM Parent: #33
عمر التاج ابدأ بزيارة منزل الترابى هههها تحياتى يا بتاع كلو
Post: #35 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-23-2020, 09:48 PM Parent: #34
Quote: طريقة تعيينك في المؤسسة الكيزانية اياها مثيرة ولكنها وسخة!!! الم ينتابك اي احساس بالذنب وانت تقتات من الوظيفة اياها والتي حصلت عليها بطريقة ملتوية؟ هل تعتقد انك سوف تحصل عليها اذا كان التنافس فيها شريف وعلى حسب الكفاءة والقدرات دون ذكر اسم شيخ الحركة الزبير محمد الحسن؟ هل تعتقد انك سوف تحصل عليها ان لم تكن من ولاية نهر النيل؟
عموما اختيار صادف اهله خبث + عدم اخلاق + دهنسة = كوز
مرحبا نصر الدين .. أولا عايز أصحح مفهوم مركب في القحاته بالمقلوب .. وهو أن أي مؤسسة انقاذية بالضرورة كيزانية صرفة وكل من عمل فيها كوز تجب توبته ، والحقيقة أن مؤسسات الانقاذ لم تكن ولن تكون ملكا للكيزان ، بل هي ملك للشعب ومن حق أي مواطن التنافس فيها والاستفادة منها .. يعني مثلا الجامعات الكم وعشرين العملتها الانقاذ لم يقرأ فيها الكيزان وحدهم .. ولا يمكن لوم أحد لانه درس فيها .. ووزارة المالية لم تكن ملك الكيزان ، والذين عملوا فيها ليسوا بكيزان .. والتصنيع الحربي ومؤسسة النفط عملوهم الكيزان ، ولكنها تبقى في النهاية مؤسسات دولة لا يمكن أن نلوم من عمل بها أو نصنفه لمجرد أنه عمل فيها .. ولو ضربنا مثلا بقيادات القحاته الان وازواجهم لوحدنا جلهم خريجي مؤسسات الكيزان .تدرجوا فبها حتى أصبحوا قيادات مهنية ثم وزراء في هذه الحكومة .. وكذلك المؤسسة التي تحدثت عنها في هذا البوست.. عي مؤسسة أنشئت في عهد الكيزان ولكنها مؤسسة قومية تتبع لبنك السودان المركزي صحيح ترأسها عمالقة الكيزان وخدمت مؤسسات الاخرى ولكنها لم تخرج من كومها مؤسسة قومية خدمت البلد ومازالت تخدمه تحت حكم القحاته الى اليوم وعندما عملت بها وجدت فيها عشرات الموظفين غير كيزان .. أما كوني من نهر النيل فلا أعتقد انها شفعت لي بالدخول للمؤسسة، ولكن المعرفة بندر النيل ساعدتني في ذلك وكما قلت لك فوق فدرالي لهذه المؤسسة لم يكن عن رغبة صادقة . ورغم ذلك خضت اكثر من ثلاث معاينات لو لم أنجح في واحدة اما تعينت فيها .. معاينات قد تكون غير معلنة ولكن نافس فيها اكثر من ١٠٠ من كوز وغيره واجتزتها ومعي حوالي ٩ فقط .. فهل كل هذا الجهد كان عطية او فرصة سرقتها من أحد؟ اما حكاية الزبير فهي لم تسهم في الموضوع سوى في دخول ورقي ، وهي كما ذكرت في القصة غير مرتبة وغير مخطط لها لانها جاءت عرضا في لحظة معينة، ومثل هذا الزعم لم يكن محروما أو ممنوعا من أي مواطن شريف خاصة انه ليس متبوعا بتوصية أو كتاب أو حتى معرفة بصاحب الاسم .. ولك ان تعرف بعد ذلك كم مواطن من غير الكيزان كان يحمل توصيات كبار الكيزان ويطوف بها بين اللجان
Post: #36 Title: Re: فكرت أبقى كوز ، بس ما عارف ابدأ من وين ؟ Author: احمد عمر محمد Date: 11-23-2020, 10:04 PM Parent: #35
ليس بالضرورة ان احدهم عمل حتى في محل خاص لا يعمل فيه الا الكيزان الخلص في عهد الانقاذ يانه كوز. الكل عمل مع الكيزان وعلى جميع مستويات الحكم ومنهم من حاربهم قبل وبعد ومن حق اي مواطن ان يعمل في دواوين الدولة ولا يقدح ذلك في انه ليس منتميا للتنظيم وقتذاك. الان يا عمر التاج ليش باضرورة تفكر انت تنتمي للشيوعية او الكيزان ما تعمل ليك جسم براك وخلي اللي عاوز يجي ينضم ليك تراها الشغلة ساهلة
Post: #38 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-24-2020, 04:35 PM Parent: #36
دخلنا مرحلة الكشف الطبي عشرة وخرجنا تسعة، وانضم الينا خمسة من الشباب لا ادري من أين جاء (هؤلاء)، تم تقسيمنا لمجموعتين متساويتي العدد، وقع السبعة الاوائل على عقود العمل فورا وتم توزيعهم على فروع المؤسسة، وتم تأجيل قبولنا لفترة بلغت الشهرين .. خلال هذه الفترة قدمت لوزارة الخارجية وبنك فيصل وجامعة السودان ووزارة التعليم السعودية، في وزارة الخارجية ظهر اسمي ضمن المجتازين للاختبار التحريري ولكنه اختفى عند المقابلة الشفهية لسبب لايعلمه الا الله، في بنك فيصل تم تسليمي العقد النهائي ولكن لم تعجبني العوائد المادية فانسحبت قبل التوقيع، في وزارة التعليم السعودية وبعد ان اجتزت المعاينات تم تسليمي العقد المبدئي في سفارة المملكة للتوقيع وتكملة الإجراءات، الا ان قريب لي يعمل معلما في المملكة نصحني بعدم القدوم قبل اكمال الدراسات العليا، وفي تلك الفترة استلمت اوراق خدمتي الوطنية وتفاجأت أن الجهة التي خدمت فيها رشحتني للالتحاق بجهاز الامن الوطني (تعيين خاص)، وعندما شكرتهم واعتذرت رفضوا اعتذاري واتهموني بعدم الوطنية، ولم يشفع لي عندهم غير عقد وزارة التعليم السعودية ... وبعد يومين اتصلت بي المؤسسة وطلبت توقيع العقد فحضر سبعتنا ووقعنا على عجل دون أن ننتبه للتعديل المجحف في العقد .. اكتشفنا باختصار أنه تم الغاء امتياز التسكين في الدرجة السابعة بعد اجتياز فترة الاختبار في الدرجة التاسعة، كما تم الغاء امتياز الترقي للدرجة الاعلي بعد كل عامين كما في العقود السابقة، وتم استبدالها بخيار المنافسة في الترقي، وفعلا ظهر الظلم علينا في كل عام يتم فيه ترقية المرضي عليهم وتجاوزنا لمدة خمسة سنوات كاملة دون توضيح للاسباب .. ولهذا كان قرار المغادرة عادلا فنفذنا بجلودنا من هذا الظلم ورضينا بالاغتراب وكلنا أمل في هبوب رياح التغيير واستبدال هذا الظلم بعدل ينصف من تركناهم خلفنا .. صحيح أن المؤسسة كانت تمنحنا مرتبات عالية جدا وتحاول ترضيتنا بكل السبل -خلاف منحنا حق الترقي الذي يجعلنا في نظرهم أصحاب قرارات وليس توصيات- الا أنني خرجت بكرامتي ودعوت للمؤسسة بدوام التقدم دون أن أشكو أو أتذمر ... خرجت الى مستقبلي العادل راضيا مرضيا وغفرت حقي الدنيوي لكل من ظلمني ليعوضني الله عملا خيرا من عملي وزملاء خيرا من زملائي .. والان وبعد ثماني سنوات اغتراب ما زلنا نحن للوطن، ولكننا نتمناها عودة ظافرة لوطن قامة تسود فيه الرفاهية وقيم العدل، وننتظر من أي حكومة أو نظام حاكم ليجعل كل يوم يمر على الوطن أفضل من الأمس، وأن يستشعر الحاكم مسؤوليته كاملة في توفير سبل العيش الكريم للمواطن وتهيئة البلاد لنقلة حضارية تتوفر معها احتياجات الانسان كما تتوفر الشعوب المتحضرة الراقية .. لا صفوف، لا شح، لا عوز، لا فاقة وفقر .. .. انتهى السرد وبدأت الأمنيات والمقارنات.
Post: #39 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-24-2020, 05:01 PM Parent: #38
Quote: كوز موديل 21 - Full option
مكينة صغيرة وصرف قليل للوقود
Post: #40 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-24-2020, 05:09 PM Parent: #39
Quote: ليش باضرورة تفكر انت تنتمي للشيوعية او الكيزان ما تعمل ليك جسم براك وخلي اللي عاوز يجي ينضم ليك تراها الشغلة ساهلة
وحاتك كنت ومازلت عامل جسم لوحدي.. والجسم ده بخليني انظر لكل شئ نظره مغايرة لرؤية الناس في كل شى الا أولاد اللزينا مابخلوك تاخد راحتك وتصنف نفسك الكيزان كانوا شابكني شيعي وبعثي والشيوعيين والشياطين شايفني كوز .. فقلت أحسن أشوف لي حاضنة جاهزة تتلم فيني وما في أسهل من الكيزان الايام ديل.. معارضة ومساكين وعندهم قابلية للتوبة .. وغير كده المستقبل في ايدهم لانهم اصحاب فكر وشغل و(مجاهدات)
Post: #41 Title: Re: فكرت أبقى كوز ، بس ما عارف ابدأ من وين ؟ Author: علي عبدالوهاب عثمان Date: 11-24-2020, 05:16 PM Parent: #40
حبيبنا التاج .. تحياتي .. ملاحظ أن حركات الكفاح بعد عودتهم الى الخرطوم اصبح خطابهم فيه تصالح وتسامح لاحظت ذلك في تصريحات عرمان وعقار لا أعرف هل يريدون استقطاب جماعة المؤتمر الوطني أو يريدون احتواء المترددين
طبعا د جبريل موقفه ظاهر جدا ويريد استقطاب اصوات الاسلاميين
تحياتي التاج الحبيب
Post: #42 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-24-2020, 05:51 PM Parent: #40
قبل ما أكمل ردود حا أوضح أسبابي .. فأقول للقادحين والمادحين والشامتين والمشفقين .. الكيزان فعلا فيهم مفسدين وفيهم شواذ وفيهم منتفعين ومندسين كثر .. ولكن قد تزول أغلب هذه السلبيات بزوال المؤثر (السلطة) .. ونحن اذ نستكشف نسختهم الجديدة نعلم أن من بينهم رجال غير مايعرف الاخرين .. وفي بعضهم صفات قل أن توجد عند أحد .. فقد كان فيهم قريبي عوض عمر السماني أول الشهادة السودانية في عصره، والطبيب الجراح الفلتة والذي كان يمتطي ظهر (حماره) ليصل مرضاه في اطراف القرية ويعالجهم ويمنحهم الدواء من حر مرتبه .. وظل كهذا في دولة الكيزان حتي الله في احراش الجنوب لم يترك لاطفاله غير غرفة جالوص لاتكاد تمر من بابها القصير الا اذا احنيت رأسك احتراما وتقديرا .. وكان ومازال فيهم شيخي عبد الله خلف الله، التقيته ايام اتحاد الثانوي وزيرا، ثم خرج طائعا مختارا مهنة الزراعة، لايملك من من حق وزارته غير طورية ومنجل وبعض أفدنة يؤجرها ويزرعها بنفسه . وكان ومازال فيهم نسيبي الطيب حمد الزين، المعلم النحرير والاستاذ الجامعي الضليع، والذي تم ترشيحه اكثر من مرة لوزارات ولائية وقومية، الا أنه آثر تبليغ رسالة التعليم بين ليبيا واليمن ، وترك الجمل بما حمل لاخوته وانسحب من المشهد كاملا راضيا بكونه معلما تربالا .. وعرفت فيهم ضمن من عرفت رجالا بحق وحقيقة ، وفرسانا لا تنحني لهم جباه، سآتي على ذكر بعضهم ولكني لا استطيع تجاوز صديقي فخر الدين محمد خير ، والذي والله لو انضم لحزب (ماسون) لظننت أنه حزب الله الذي أمر الناس للانضمام به ، رجل بمعنى كلمة رجل وفخر للحركة الاسلامية التي مازال يتمسك بها .. ومنهم المرحوم القائد/ عثمان ويحي مختار و الباقر عثمان واسحق حسب الرسول .. وقلة من الأوفياء الأنقياء .. وعرفت فيهم رجال علم وخير وعمل، لو توفر عشرة منهم لدى القحاتة لما لحق بالبلاد ما لحق بها انهيار ودمار، منهم هذا الغندور الذي يقبع في سجون القحاتة ظلما، ومنهم احمد الشايقي الذي أنشأ زادنا من الصفر وجعلها مؤسسة تدر على السودان كل خير فكوفئ بالابعاد والطعن، ومنهم الفشاشوية الرجل القوي المتواضع، الذي - رغم عجرفته- لا يكاد ينام حتى يطمئن على أحوال البلاد والعباد -تحته- واحدا واحد، ومنهم عبد الاله كوكو، الرجل الذي كان يعمل ليرتاح غيره، وكثير من النماذج المشرقة التي قل أن تتوفر في احزاب العطالة والبطالة ، وسنأتي لذكرهم جملة وتفصيلا ان جعل الله في العمر بقية ..
Post: #43 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-24-2020, 07:31 PM Parent: #42
Quote: اولا ما تكون عندك (قشة مرة). قشة مرة دي تعبير سوداني قح،
الحمد لله سياسيا وفكريا ماعندي قشة مرة .. اي حزب او كيان او برنامج ممكن اشارك فيه واي كتاب او منهج أو رأي ممكن اقرأ واستمع له .. الا أن القشة المرة عندي في ناحية الاخلاق والسلوك .. ما بحب اتعامل مع فئات معينة .. السفهاء والصعاليك، وبتاعين الشراب ، وبتاعين البنات وحتى بتاعين الكيف العادي (السجائر والصعوت) عندي فيهم رأي .. والمستهبلين، و الحرامية، والاستغلاليين والمتسلقين، وعساكر النظم الشمولية عموما ..
Post: #44 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 11-25-2020, 08:11 AM Parent: #43
حبابك حبيبنا علي ..
Quote: ملاحظ أن حركات الكفاح بعد عودتهم الى الخرطوم اصبح خطابهم فيه تصالح وتسامح لاحظت ذلك في تصريحات عرمان وعقار لا أعرف هل يريدون استقطاب جماعة المؤتمر الوطني أو يريدون احتواء المترددين
طبعا د جبريل موقفه ظاهر جدا ويريد استقطاب اصوات الاسلاميين
لا شك أن الاسلاميين قوة لا يستهان بها .. بدليل أنهم حكموا البلاد لمدة ٣٠ عاما كاملة رغم الحصار الامريكي والتدخل الأوربي والعدوان الافريقي والاستهداف المصري الخليجي المدعوم بابناء الوطن .. عرمان وعقار وجبريل أحسب أنهم ارتضوا لصوت العقل .. ووعوا أن العمر لا يسمح بمزيد من النضال المزعوم .. ولا يوجد في الافق حل غير التسويات الشاملة ولذا اتوقع نداءاتهم قد تكون صادقة وجاذبة ..
Post: #45 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 01-09-2021, 09:43 PM Parent: #1
Quote: وكثير من النماذج المشرقة التي قل أن تتوفر في احزاب العطالة والبطالة ، وسنأتي لذكرهم جملة وتفصيلا ان جعل الله في العمر بقية ..
تاج الكيزان لو سمحت أدينا باقي (النماذج المشرقة) بدون تفاصيل أسماء فقط
Post: #46 Title: Re: فكرت أبقى كوز ، بس ما عارف ابدأ من وين ؟ Author: امتثال عبدالله Date: 01-10-2021, 00:40 AM Parent: #45
اسرق وانهب المال العام، مال الشعب، وحتبقى كوز ...
Post: #47 Title: Re: فكرت أبقى كوز ، بس ما عارف ابدأ من وين ؟ Author: معاوية المدير Date: 01-10-2021, 02:03 AM Parent: #46
Quote: فكرت أبقى كوز ، بس ما عارف ابدأ من وين ؟
أبدأ من حيث إنتهى ود الباوقة ...
Post: #48 Title: Re: فكرت أبقى كوز ، بس ما عارف ابدأ من وين ؟ Author: اخلاص عبدالرحمن المشرف Date: 01-10-2021, 04:52 AM Parent: #47
فكرك يا عمر مصر وامريكا والخليج كانوا ضد الكيزان ؟!!! نبدأ بمصر ، انتاج السودان كلو بقي حلالاً بلالاً لها وفوق البيعة حلايب وشلاتين.
الخليج صدروا لينا التراش البشري بتاعهم من بن لادن لكل حرامية السوق . والناس السمحة الفاهمة مننا بقوا شغالين عندهم عمالة من دون حقوق بنوا ونحن ما قادرين نرجع
امريكا امنت الخليج بناسنا وضمنت اختراق كل المجموعات ده غير تركيعنا لحدي ما وافقنا علي كل الشروط وايران تاني ما في زول بجيب سيرتها مش يزورها وبقينا حقل تجارب طبقوا فينا كل النظريات
اسوأ ما حدث للسودان هو حكم الكيزان تخلف فيه انسان السودان وتراجع حضارياً وثقافياً وفي مجال المعرفة
Post: #49 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 01-10-2021, 09:55 AM Parent: #48
البوست قديم و اكيد محمد القاضي رفعه لشئ في نفسه بس قبل ما اجي و أرد من جديد ، احب ارسخ مفهوم من خلال هذا الفيديو
Post: #50 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 01-10-2021, 01:52 PM Parent: #1
Quote: ومن يومها وجدت نفسي ضمن طاقم مؤسسة انقاذية صرفة تعج بالكيزان .. قضيت فيها عدة سنوات من عمري واعتبرتها مطية لمرحلة أخرى، قبل أن انطلق لدنيا الاغتراب وأقضي فيه ردحا من عمري .. في المداخلات القادمة سأحكي باختصار أبرز محطات وجودي في هذه المؤسسة
Quote: أنا أعلم تماما أنهم يقولون عني مجنون ومقفل نافع في اجتماعاتم الداخلية .. ولكن ستثبت الأيام أنني العاقل الوحيد بينهم اذا انضممت لهم
Quote: أنا الكيزان لم أعرفهم قبل الانقاذ ، ولم أحتك بهم بعد سقوطهم ..
Post: #51 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 01-10-2021, 04:35 PM Parent: #50
هل لديك اقوال أخرى يا محمد قاضي ولا انداح؟ اقتباساتك الثلاث لا تقدم ولا تؤخر ولا تفيد في شئ ولا تعكس اي تناقض ولا تحمل اي مغالطات او فبركة
Post: #52 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 01-12-2021, 05:27 AM Parent: #1
Quote: : وكثير من النماذج المشرقة التي قل أن تتوفر في احزاب العطالة والبطالة ، وسنأتي لذكرهم جملة وتفصيلا ان جعل الله في العمر بقية ..
تاج الكيزان لو سمحت أدينا باقي (النماذج المشرقة) بدون تفاصيل أسماء فقط
Quote: في المداخلات القادمة سأحكي باختصار أبرز محطات وجودي في هذه المؤسسة ( انقاذية صرفة تعج بالكيزان)(
Quote: هل لديك اقوال أخرى يا محمد قاضي ولا انداح؟
يلا إنداح هههههههه
Post: #53 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 01-21-2021, 06:27 AM Parent: #1
دكتورة آمنة والي ولاية نهر النيل
# تقعد بس#
Post: #54 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 01-21-2021, 01:21 PM Parent: #53
Quote: لو سمحت أدينا باقي (النماذج المشرقة) بدون تفاصيل أسماء فقط
بدون تفاصيل يا محمد القاضي .. الكيزان عندهم ناس بيعرفوا الشغل صاح.. وبخلصوا في الشغل بضمير، صحيح اغلبهم بخلطوا عملا صالحا واخر سيئا كنتاج للعملية السياسية الا ان بعض قياداتهم عندها بعد نظر واحلام عظام وطموحات كبار... مثال واحد، وفي ظل بلد ناشفة ومحاصرة من كل الجهات ، تبنى أحدهم مشروع زراعة القمح للاكتفاء الذاتي، ونجح في انتاج كميات من القمح مسخت على الناس طعم الكسرة بسبب كثرة القمح فيها.. وزي ده أكيد انسان ما عادي.. اكيد عرفتوه واتذكرتوا النفرة الزراعية في بداية الانقاذ.. ولعلكم لا تعلمون انه استقال لان البشير طلب منه زيادة الرقعة لغرض الصادر، وهو كان رأيه ان يكون التوسع رأسيا لغرض الاكتفاء والمخزون الاستراتيجي. ومثال ثاني وزير مالية في عهده وصل الدولارات لثلاث جنيهات، الراجل ده عصر مؤسسات الجيش والامن لامن عدمهم اسم الاستيراد، ولغى اي امتياز لشركة مما وحد السوق تماما ، ووصل ابعد من ذلك ان حرم كل مؤسسات حزبه من دعم الحكومة، وقال قولته الشهيرة (العايز قروش مرتبات او تسيير مايجيني هنا، يمشي يشتغلها) .. اخبرني صديق انهم في رابطة طلاب منطقة الوزير احضروا خطاب من الوالي ليدعم الوزير منشط اسبوع ثقافي، وعندما دخلوا عليه قال لهم " شوف يا زول ، انا مابعرف خرتوم ول دنقلا .. انا هنا وزير قومي، امشي لواليك خليه يدعمك" مثال ثالث ، وفي ظل أشد الحصار والمقاطعة الامريكية والحرب والخيانة من الداخل، ينجح السودان في استخراج البترول من داخل مناطق الحرب والنزاعات، ويبني خط انابيب في ٦ اشهر من هجيج وحتى بورتسودان ويصدر النفط الخام والمكرر ويعمل مصفاة تكفي حاجة البلد .. وده كله اكيد شغل عقليات جبارة وطموحة .. ومثال اخر لما جماعة من ثلاثة افراد تفكر تبني ثلاثة سدود بتمويل خارجي احدها في حجم سد مروي، ثم تنجح بامتياز .. فإن هذا العمل وغض النظر عن الاخطاء المصاحبة له عمل عظيم لا يقوم به بشر عاديين.. ومثال اخر نذكره مع أحداث الهجوم الشامل على السودان من ثلاثة محاور دولية ومدعوم من امريكا واسرائيل، وهو ما يسمى هجوم الأمطار الغزيرة، الدبابات تحركت من أوغندا مرصوصة بعرض متحرك كامل ، تمطر اللهب امامها حتى تحيل الارض لسواد ثم تتقدم ، وعلى مشارف جوبا تتصدى لها فئة قليلة وتسحقها وترجع ماتبقى منها خائبا لدرجة ان الغرب يستبدل اسلوب الحرب بخطة الحوار وتقرير المصير لاحقا .. فده اكيد شغل كبير ومنظم وما اي حكومة بتقدر عليه .. أيضا عندما يفكر احد في ظل ذاك الضيق والضغط الدولي بعمل تصنيع حربي ينتج اسلحة بحجم صواريخ عابرة للدول وراجمات معدلة وطائرات مسيرة، فده اكيد شغل ناس بيعرفوا يشتغلوا .. ولما تقوم أنت يا ود القاضي نص الليالي، او قبل صلاة الصبح .. وتشعر بحركة العربات الحكومية والشرطة والامن واجتماعات في المساجد والقاعات ودور الاحزاب .. فاكيد حا تعرف انه البلد كانت محروسة ومؤمنة .. وماحارسنها ناس بيسكروا في المزرعة.. اديك مثال بسيط من واقع شغلي في المؤسسة اعلاه .. وفي يوم وانا طالع من الشغل الساعة ٥ م ، شعرت بحركة تنظيمية كثيفة في المؤسسة .. وطبعا بالنسبة لي دي حاجة عادية ماكنت قاعد اشتغل بيها .. المهم عند الباب صادفت مدير الفرع وهو داخل منزعج ، ولما رآني تهلل وجهه قليلا وامسك بيدي وقال لي : على وين ياعمر؟ فقلت : على البيت طبعا .. قال: يا اخ انت كل يوم بتمشي وتخلي اخوانك شغالين وراك ليه .. قلت : شغلي انتهى ياريس ، ودوامي الساعة ٣ وانا قاعد اطلع يوميا بعد ٥ وماحصل طلبت منكم اجر اضافي .. قال: طيب.. نحن عايزنك بكرة في خدمة خاصة .. قلت له : خدمة خارج الشغل مابتلزمني، عندك ناسكم هنا كثيرون ومرات بجي القاهم بايتين في المكتب وما بسألهم يسووا في شنو؟ قال لي: محتاجين ليك في شغل فني يا خي ، لأنه موظف الكمبيوتر التاني مسافر بره البلد .. قلت له : خلاص ما مشكلة، المطلوب مني شنو؟ قال لي : كل المطلوب منك تجي المكتب بدري شوية.. قلت له: حاضر .. حاولت انصرف ، قام مسك يدي تاني وقال لي ، اها حا تجي متين،؟ قلت له : بدري زي ما انت قلت .. قال لي: بدري متين؟ فكرت شوية وضربت زمن حضوري العادي ونقصت منه ساعتين، وقلت له : - الساعة ستة باذن الله .. ضحك قليلا وقال لي : -الساعة ستة دي بدري يا ولدي؟ قلت له: طيب عايزني متين؟ قال لي: عايزنك تصلي معانا الصبح هنا ... وفعلا تحركت من البيت مع النباه الأول ، ووصلت المكتب الدغش .. تتخيل لقيت شنو؟ اولا صادفني واحد عمك كبير كده واقف خارج المبنى، وانا داخل قال لي : - بالله انت شغال هنا؟ قلت له: نعم عايز شنو؟ قال لي عايز أقابل فلان .. (ويقصد المدير) .. قلت له : لكن ياعمنا ده وقت تقابل فيه المدير.. ماتخلي الشمس تطلع شوية.. قال لي: والله ياولدي ما قدرت اقابله بالنهار، لي اسبوع بساسق ليه، الا امس لقيت ود حلال قال لي لو عايز تقابل المدير لغرض شخصي .. تعال اقنص ليه هنا قبل صلاة الصبح في اي يوم غير الجمعة والسبت، واسه لم جيت شايفه دخل قبالي ومعاه جماعة .. والحارس ما خلاني أدخل.. طيبت خاطر عمنا ، ووعدته ادخل ورقه للمدير واقابله به بعد فتح الباب للجمهور، وعرفت بعد كده انه المدير بيجي من البيت في منطقة الشجرة وحتى مكتبه في السوق العربي "جكة" مرتين في الاسبوع، احد وثلاثاء، يستحم في المكتب ويلبس لبس الشغل ويطلع لصلاة الصبح في مسجد القصر، ويرجع بعد الصلاة لمكتبه لمقابلة زوار الدغش قبل الدوم .. وفي يومي الاثنين والأربعاء بيصلي الصبح في مسجد الحي ، ويخرج للمكتب مباشرة، ويوم الجمعة عامله مفتوح للزوار بين الظهر والعصر ، وفيه وجبه جماعية لمن يحضر صالونه .ظ أخذت ورق عمنا واتجهت نحو البوابة الرئيسية ..فاذا بالحرس بكامل هندامه وسلاحه .. وبالداخل حرس اضافي. سلمت ودخلت على القاعة الكبرى، فوجدت المدير العام ونائبه مدير الفرع ونائبه مجتمعين مع مين؟ مع الوزير شخصيا.. القيت التحية وشغلت جهاز الكمبيوتر المركزي، وربطت أجهزة المجتمعين بالشبكة وعرضت ملفاتهم الجاهزة على الشاشة الكبيرة، ثم سجلت وقائع الاجتماع صورة وصوت حتى طلوع الشمس، بعدها شربنا الشاي بالزلابية وانصرفت لمكتبي كاني حاضر للتو .. تفتكر يا ود القاضي ده شغل ناس عاديين؟ ده شغل ناس بيسكروا بالليل عشان يجوا ويحكمونا الصباح؟
Post: #55 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 02-15-2021, 12:49 PM Parent: #1
Quote: القيت التحية وشغلت جهاز الكمبيوتر المركزي، وربطت أجهزة المجتمعين بالشبكة وعرضت ملفاتهم الجاهزة على الشاشة الكبيرة، ثم سجلت وقائع الاجتماع صورة وصوت حتى طلوع الشمس، بعدها شربنا الشاي بالزلابية وانصرفت لمكتبي كاني حاضر للتو .. تفتكر يا ود القاضي ده شغل ناس عاديين؟
بالجد شغلكم كان نضيف يا تاج الكيزان وفعلا ما شغل ناس عاديين
Post: #58 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 02-17-2021, 01:10 PM Parent: #1
.
Post: #59 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 02-17-2021, 03:43 PM Parent: #58
Quote: بالجد شغلكم كان نضيف يا تاج الكيزان وفعلا ما شغل ناس عاديين
عشان تعرفوا انفسكم بلدا يعني منتظر كوز يوريك طبيعة شغله وما يردمك بغطاء المعلومة ؟ اتعلموا يا اخي .. خمسين سنة شغل سري وما بتعرفوا شغل .. استلفوا ليكم كوز يعلمكم يا اخي وبطلوا تخلف ولو مالقيتوا كوز انا متبرع لوجه الله اديكم كورسات مجانية في الشغل التنظيمي
أما الكيزان ديل، فلا نحن ولا انتو بتحصلوهم .. والبوست ده فتحناه عشان نوسع افق الناس الضيقة زيك شغل الكيزان اتكلمت عنه اعتى استخبارات العالم واعترفت بيه كل المنظمات الدولية انتهى .. بوست جديد
Post: #61 Title: Re: فكرت أبقى كوز ، بس ما عارف ابدأ من وين ؟ Author: عمر التاج Date: 04-04-2021, 01:00 PM Parent: #60
غايتو البوست ده كان عاجبك ول حارقك ما عارف .. المهم ما تستعجل .. لسه سيقال فيه الكثير ولكن بعد أن تفك سكرتك أنت وود القاضي .
Post: #62 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 04-04-2021, 03:12 PM Parent: #1
اووو تاج الكيزان أمونة كيف هههههههه والله عفيت منها الكنداكة الدكتورة بت المكي دخلت ليك كيزان نهر النيل الفيران في جحورهم
شكرا حمدوك
Post: #63 Title: Re: فكرت أبقى كوز ، بس ما عارف ابدأ من وين ؟ Author: محمد محمد قاضي Date: 04-04-2021, 03:27 PM Parent: #1
Quote: ومن يومها وجدت نفسي ضمن طاقم مؤسسة انقاذية صرفة تعج بالكيزان .. قضيت فيها عدة سنوات من عمري واعتبرتها مطية لمرحلة أخرى، قبل أن انطلق لدنيا الاغتراب وأقضي فيه ردحا من عمري .. في المداخلات القادمة سأحكي باختصار أبرز محطات وجودي في هذه المؤسسة
عدة سنوات وتاج الكيزان ينفذ ويساعد ويمرر أجندات وفساد وأموال الكيزان من تحت يده وبصره ويترسوه شاي حليب بالزلابية بعد صلاة الفجر يقش خشمه ويمشي علي مكتبه لا من شاف ولا من دري خخخخخ
