Post: #2
Title: Re: هل عبر حمدوك ؟
Author: عبدالحفيظ ابوسن
Date: 11-21-2020, 08:06 AM
Parent: #1
البقولو حمدوك راقدلو فوق راي ، ذكرونى النكتة حقت المرة الشافت الحرامي في راس الحيطة 😆😆
|
Post: #3
Title: Re: هل عبر حمدوك ؟
Author: عبدالحفيظ ابوسن
Date: 11-21-2020, 08:34 AM
Parent: #2
قديما كان الجزولي وسوار الدهب
والآن حمدوك والبرهان
في تناغم وتنسيق عالي
|
Post: #4
Title: Re: هل عبر حمدوك ؟
Author: Mutasim Idris
Date: 11-21-2020, 03:15 PM
عبدالجفيظ سلامات..
Quote:
قديما كان الجزولي وسوار الدهب
والآن حمدوك والبرهان |
الجزولي وسوار الدهب ما كانوا داسنها ياااخ.. ناسهم..
اما الدلوكة حمدوك لقي ناس يركبوا في (الطود) حقه ويشكروا
ومنتظرين البعثة الاممية والرفع..
المراكب اتحرقت يا ابوسن..
غاااايتو.
|
Post: #5
Title: Re: هل عبر حمدوك ؟
Author: MOHAMMED ELSHEIKH
Date: 11-21-2020, 03:39 PM
Parent: #4
حفيظ سلام
لماذا نظلم حمدوك الذي قام بتحييد ٥٠٪ من حملة السلاح
ثم وضع لبنة الحل النهائي لمشكلة السودان مع العالم الخارجي
في موضوع رعاية الارهاب .
ساهمت حكومته في تعديل والغاء كثير من القوانين المقييدة للحريات
الاخفاقات واضحة في الموضوع الاقتصادي وهي الحيطة التي وجدت فيها الدولة الكيزانية الفرصة
وبذلت كل معاولها مما اكتنزته من ذهب ودولار لهد هذه الحيطة
حكومة جابهت جيش عرمرم من دولة عميقة عمرها ثلاثون عاما اوسعتها ضربا وتهديدا
جائحة عالمية
كوارث فيضان
وختامه جيوش من اللاجئين لحرب ليس لنا فيها يد
ماذ يفعل؟
|
Post: #6
Title: Re: هل عبر حمدوك ؟
Author: محمد البشرى الخضر
Date: 11-21-2020, 03:50 PM
Parent: #5
كيف ماذا يفعل يا ود الشيخ!
يطلع في التلفزيون يعلن اغاء اتفاقية جوبا ولجنة تفكيك التمكين والوثيقة الدستورية وحل مجلس السيادة وتتبيع الدعم السريع للجيش ثم حل الجيش ! و يوجه دعوة للثوار ان يمرقوا بكرة بنفس حجم مواكب 30 يونيو لمحاصرة القيادة العامة و القصر الجمهوري
و يشيل عكازه وفي اول اجتماع لمجلس السيادة يقول للمدنيين امرقوا برة خلوا لي العسكريين بس ولامن يمرقوا يطلع ليهم العكّاز ويقول ليهم أفعل لأماتكم جت, كلكم معاش و برتبة أقل كمان!
وبعد دا ان شا الله يعجب ثوار الفيس بووك ما تستبعد تطلع لايفات تقول ليه نزلهم برتبة واحدة بس أقل, ليه ما رتبتين! حمدوك عميل ومتفق مع العسكر على الرتبة الواحدة!
|
Post: #9
Title: Re: هل عبر حمدوك ؟
Author: Mutasim Idris
Date: 11-21-2020, 11:40 PM
Parent: #6
Quote: يطلع في التلفزيون يعلن اغاء اتفاقية جوبا ولجنة تفكيك التمكين والوثيقة الدستورية وحل مجلس السيادة وتتبيع الدعم السريع للجيش ثم حل الجيش ! و يوجه دعوة للثوار ان يمرقوا بكرة بنفس حجم مواكب 30 يونيو لمحاصرة القيادة العامة و القصر الجمهوري
و يشيل عكازه وفي اول اجتماع لمجلس السيادة يقول للمدنيين امرقوا برة خلوا لي العسكريين بس ولامن يمرقوا يطلع ليهم العكّاز ويقول ليهم أفعل لأماتكم جت, كلكم معاش و برتبة أقل كمان!
وبعد دا ان شا الله يعجب ثوار الفيس بووك ما تستبعد تطلع لايفات تقول ليه نزلهم برتبة واحدة بس أقل, ليه ما رتبتين! حمدوك عميل ومتفق مع العسكر على الرتبة الواحدة! |
غلبته يقدم استقالته.. بس..
في (شهيد ) طلع ليه عشان اتناغم؟ خل ثوار الفيس.
مدنيااااو دي غيروا معناها؟ في ثائر خاف من الموت؟
بعدين يااخ قلنا ليك عندنا اخواننا واخواتنا واولادهم
واسرنا اهلنا قريبين وبعيدين هناك حنك (ثوار الفيس)
مسخ جددوا يااخ. دولة اعتصام القيادة كانوا ممشنها
ثوار الفيس بالمناسبة.. مش؟
|
Post: #7
Title: Re: هل عبر حمدوك ؟
Author: عمر سعيد علي
Date: 11-21-2020, 03:53 PM
Parent: #5
الآمال كانت عالية لذلك كان الاحباط بقدر علو الاحلام . .
تحية عبد الحفيظ ايو سن . .
|
Post: #8
Title: Re: هل عبر حمدوك ؟
Author: Asim Ali
Date: 11-21-2020, 04:29 PM
Parent: #7
سلام عليكم
هو العبور دا كيف ؟
زول فى المركب لاماسك دركسونها والا الدفه
الناس بتقول عمل وعمل فى حاجات سواء مرتبطه بتغييرات داحليه او بالخارج زى التطبيع ؟
الكيزان وصلو لحظه تاريحيه كان من المستحيل النسخه الحاكمه (افرادوواجهات) تحكمرعم التمكين فى الدوله والاقتصاد والاعلام والمجتمع
كان لازم تحت الضغط الخارجى والداخلى ينسحبو من المشهد ويخلو مندوب قوى ك(شريك) يضبط الايقاع بحيث تتنفذ حاجات شكليه لكن غير جوهريه او مفصليه زى المحاكماتوتسليم البشير وجديه لجنه ازاله التمكين البقت صراعات وشمارات مع نادر العبيد.
فى النهايه الكيزان استجابو للضغوط ووهم فى الظل مع وجود شريكهم القوى حارس مصالحهم (المشى ليهو الناس قالو الحقنا وافزعنا وشيل البشير) ولسه فى تحديات مائله تسميه المجلس التشريعى وانفاذ سلام حقيقى واداره حقيقيه للدوله (المسئولين فى المكاتب ديل على مستوى دولهاتحادى او ولايه فاقدين السيطره والفعل الحقيقى ) واستكمال مطلوبات الثوره ضمن فتره انتقاليه مستقره
لكن هل حتكتمل الانتقاليه؟؟؟
هل ستخلو من الازمات المثقله للانتقاليه ومقيعه لدورها الثورى ؟؟؟
لو حصل واستمرت الانتقاليه مستقره مع قيام التشريعى واستكمال مهام ومطلوبات حكومه الثوره يخطوات جاده وثابته (حتى لو ما اكتملت خطوات عند نهايه الانتقاليه) فهنا مافى مشكله لكن مايحدث ماشى لانتخابات مبكره تعيد انتاج الانقاذ 2 ويبدو تماما انو حبريل وقوش وجوه النسخه الجديده رضى من رضى و ابى من ابى لانو الناسس للان بتتهرب من الحديث عن قوش ودورو ودوروفى كل البحصل ومدى خطوروتو على الثوره
لا اعتقد 2021 تمر بدون نهايه الانتقاليه وانتخابات مبكره وذخاب حمدوك بعد اعداد الوضع الجديد بدخول الحركات المسلحه (اللى فى حساباتى انها مجرد بيادق صنعها النظام البائد ويكفى ان نرى العدد الهائل ليها واستمرار سياسه التفتيت باضعاف (ق ح ت) مهما كان موقفنا منها
حمدوك كما وصفناه من بدايات وصولهم مكاتبهم مجرد موظفين عند الشريك القوى زلاحول لهم ولاقوع الملفات فعليا بيد الشريك القوى
الوضع الى انتاج نسحه الانقاذ 2 بعد انتحابات مهزله
او العبور الحقيقى بثوره تعيد الثوره الى اهلها مع دور محدود ومشروط للعسكر اذا( ارادو )
|
Post: #10
Title: Re: هل عبر حمدوك ؟
Author: tabaldy
Date: 11-21-2020, 11:51 PM
Parent: #8
بعض الفيسباكة بقولوا عبر لمن بي غادي
وكان حقيقة او مجرد شائعة الشق المدني والحاضنة السياسية مفروض تتحسس موطي أقدامها
تحياتي
|
Post: #11
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 05:53 AM
Parent: #10
تحياتي للجميع
سأعود لكم فردا فردا
نجحت العملية ، ولكن توفي المريض !
هي تعبر تماما عن وضع هذه الحكومة . العملية نجحت لأنو الجراح الحاذق أستطاع إستئصال الورم ببراعة وفنيات عالية . ولكن إستئصال الورم كان سببا في الوفاة . الهدف الاساسي انقاذ المريض وليس فنيات العملية
قتل روحا وانتزعها من وسط اهلها واحباؤها بجهل التشخيص وعدم تقدير المخاطر ودون ان يعلم ان استئصال هذا الورم بهذا المكان يحتاج لغير العملية
تباهى زملاؤه وهو ببراعته ونصب اهل المريض الميت صيوان العزاء يبكون شبابه
ملحوظة
كان قد استلم كامل مبلغ العملية بعد ان تم جمعه كدم الحجامة من اهل المريض الفقراء
|
Post: #12
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 06:02 AM
Parent: #11
لم نقم بهذه الثورة كراهة في الانقاذ . محض كراهة أقصد
الامر لا علاقة له بالكراهية والحب
بل
لأن الانقاذ افقرتنا . وجعلتنا عاجزين ان نحيا بكرامة وبقدر يوفر لنا حدا اقل من الرفاهية
ثم ظلمتنا وقتلتنا وجعلت مستقبلنا مظلما وحاضرنا أليما
لذا قمنا بهذه الثورة . ودفعنا ثمنها غاليا جدا ممهورا بالدم
من اجل واقع افضل للحياة
ولكن مايحدث الآن يفوق الوصف في سؤ الحال . وعنت الحياة والمعاش
الازمات تتراكم كل يوم ويزيد خناقها علينا
لم نقل ان المهمة سهلة وبسيطة . بل هي صعبة حد الاستحالة ومن ينبرى لها يجب ان يكون في مستوى التحدى
ان يفهم اولا ان الهدف هو المواطن والوطن
ويفترض ان تتم أي خطوة من اجل الوطن وكرامته ومعاشه
|
Post: #13
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 06:24 AM
Parent: #12
والله يا معتصم نحن في ضيق يومى
من ضيق لي ضيق وازمات
وانعدام خدمات
وشح في الدواء بشكل مزعج
ولم تنعدم الحلويات المستوردة ولا العربات اخر موديل .ولا لعبات الاطفال البلاستيكية
ازمة تلو ازمة
انعدم الانوسلين لمرضى السكرى وعلاج الملاريا
اما الاسعار فحدث ولا حرج
|
Post: #14
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 06:28 AM
Parent: #13
يا ود الشيخ حملة السلاح ديل اعلنو دعمهم للثورة قبل ان تنتصر زاتو
وزاد المليشيات داخل الخرطوم
المجد للشهداء والثوار ممن جعل العالم ينظر لنا مرة اخرى
كان في يده كل اسباب النجاح ولكنه اختار ما اختاره والذي ندفع ثمنه نحن الان داخل الوطن
|
Post: #15
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 06:52 AM
Parent: #14
ياريت يا ودو لو كان بطلع لينا في التلفزيون حينما نحتاجه
يطلع لينا لامن رفع الدعم كأخطر قرار تصدره الحكومة وشرح لينا
لأنو الغيرو شرحو لينا انو دة ما كان قرار سليم وبل قدمو له بديلا
ويطلع لينا لامن اكتشفو مقبرة الشهداء
وغيرها
ولا مكتبو الاعلامي يرد علي اهانة كباشي له مع انو المكتب الاعلامي طلع تصريح في القصر المهدى له
وأضيف ليك
نحن لسة ما قنعانين منو دايرنو يسمع صرخاتناويتفاعل معاها
دة حقنا عندو انو يسمعنا
|
Post: #16
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 07:24 AM
Parent: #15
يا صدقت يا معتصم
من يسخرون منهم ياهم القامو بالثورة
بشروا ودعو ليها بواسطة الفيس والواتس
ونسقو وعملو بالفيس
وطلعو حقيقة مش اسفيريا
وماتوا حقيقة مش اسفيريا
يا معتصم ما سمعت بي القال يخلو ناس الكتلة الحرجة بس هم الينضمو وعرفهم كمان من هم 😆😆😆😅😅😅
|
Post: #17
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 11:45 AM
Parent: #16
امال مشروعة يا عمران وبسيطة وما دايرة ميزانية
محاكمة رموز النظام
تحقيق مجزرة الاعتصام
ازالة التمكين
بالمناسبة قريت في الاسافير عبدالله مسار يطالب باطلاق سراح البشير وسيتم اطلاقة سراح مجموعة من المتهمين
دي ما دايرة قروش دايرة ارادة
عجزوا عنها وهم عن غيرها اعجز
|
Post: #18
Title: Re: هل عبر حمدوك ؟
Author: معاوية المدير
Date: 11-22-2020, 12:09 PM
Parent: #17
Quote: كيف ماذا يفعل يا ود الشيخ!
يطلع في التلفزيون يعلن اغاء اتفاقية جوبا ولجنة تفكيك التمكين والوثيقة الدستورية
وحل مجلس السيادة وتتبيع الدعم السريع للجيش ثم حل الجيش ! و يوجه دعوة للثوار
ان يمرقوا بكرة بنفس حجم مواكب 30 يونيو لمحاصرة القيادة العامة و القصر الجمهوري
و يشيل عكازه وفي اول اجتماع لمجلس السيادة يقول للمدنيين امرقوا برة خلوا لي
العسكريين بس ولامن يمرقوا يطلع ليهم العكّاز ويقول ليهم أفعل لأماتكم جت, كلكم
معاش و برتبة أقل كمان!
وبعد دا ان شا الله يعجب ثوار الفيس بووك ما تستبعد تطلع لايفات تقول ليه نزلهم
برتبة واحدة بس أقل, ليه ما رتبتين! حمدوك عميل ومتفق مع العسكر على الرتبة الواحدة! |
|
Post: #19
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 02:04 PM
Parent: #18
ديل يا عاصم جابوهم فزع بقو وجع
عمرهم كلو طالعين نازلين مابين الدوحة والخرطوم .
|
Post: #20
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 02:45 PM
Parent: #19
يا تبلدى بعض المدافعين عن حكومة حمودك ماخدين النقاش نقاش هلال مريخ
بعضهم بذكرني بدفاع الكيزان عن عمر البشير
لايمكن يكون الرئيس الملهم وكلو قراراتو صحيحة
نساعد الحكومة بنقدها وتوجيه النقد لامور محددة جدا ومعروفة
|
Post: #21
Title: Re: هل عبر حمدوك ؟
Author: عبدالحفيظ ابوسن
Date: 11-22-2020, 02:54 PM
Parent: #20
مرحب يا مدير
|
|