البائع المتجول الشفناهو دا ممكن يكون أخطر ناقل للكورونا

03:59 PM November, 20 2020

سودانيز اون لاين
Osman Musa-
مكتبتى
رابط مختصر

متجول في أكبر سوق في السودان .
وزول حريف في طريقة كيف يبيع .
البائع المقصود شغال
زيت .
زيت سمسم في كرستالات بلاستيك.
طبعا كرستالات كانت
مستعملة .
البائع دا يوقفك كان زبونة كان زبون ويمسكك يشممك
الكرستالة .
ويدقشك حنك انو دا سمسم منطقة الباجا المامحتاجة حاجة.
ادفع وشيل.
الزيت التقيل.
لا حدي هنا والحكاية مافيها خطر.
لكن الخطر في انو بشمم زيتو للسوق كلو في زمن الكورونا .
والكرستالة البتكون دبسك فيها بكون شموها بلتون من الشمامين.
وما في 14 يوم والا الشمام عليه الرحمة يكون في حمد النيل .
ربنا يسلم الجميع .
لكن بيني وبينكم البلاد هايصة في الزيت .

الاسبوع دا رائحة الكورونا فاحت.
التباعد الإجتماعي هو الحل .
وربنا يسلم الجميع .

وين يلعثمان مع حفله النصرى فى نادى الضباط الناس فى المدرجات تقول هلال مريخ والحفلات المدوره
حلى من موضوع المواصلات والصفوف دا مجبورين عليهو وربنا يلطف

يا عثمان
لازم تتاكد انه في السودان ما في كرونا وما اظن فيروس الكرونا يقدر يستحمل السخانة
بتاعة السودان والفيروسات الطايرة في الجو بتنجض وتقع هبود من شدة السخانة..
وانا لمن كنت في السودان ما لقيت لي زول لابس كمامة والناس زحمة في الشوارع وفي البصات
وفي المطاعم وحفلات الاعراس حدث ولا خرج....
عزمونا عشاء في مطعم صاج السمك في شارع ٤١ في العمارات ولقينا المطعم زحمة مبالغ فيها ومافي
زول لابس كمامة (لكن ده اجمل مطعم سمك قي افريقيا) واذا كان في كرونا في ابسودان ناس العاصمة
المثلثة ما كان فضل فيهم زول...كانوا اتقرضوا كلهم في اقل من اسبوع..

يا امتثال انتي جيتي السودان شهر كم ؟
وكيف عرفتي انو مافي كورونا ؟
يوم اول أمس ماتوا دكاترة في السودان بالكورونا .
يشهد الله الوضع مش كويس.
ربك يسلم الجميع .
تحياتي

يا عاصم البلد مطلوقة ساكت .
تعال شوف الكبسيبة في المخابز .
وفي الأسواق قدام ستات الزلابية .
تحياتي

جيت السودان شهر ٨...وما لبست كمامة الا في الطيارة...ولقيت الحياة في
السودان عادية جدا وكأنه مافي اي كرونا ...وما سمعنا بزول مات وكل يوم بقرأ
جميع الجرائد اليومية وكل الاخبار بتتكلم عن ::ده قتلو..ده سرقو ...ودي اغتصبوها
وعصابات المواتر عاملين رعب في الشارع وكأنه مافي قانون ولا شرطة...
يا ها دي كرونا السودان...لكن مافي فيروسات في اجواء السودان..
وهنا في امريكاو ومن الانتخابات بدأت كل يوم بيموتوا ١٨٠٠ شخص من الكرونا لان طرمبة
بقى ما فاضي للكرونا وهمه كله يفوز...بل بالعكس يشجع الناس ما تلبس كمامات ويقول ليهم
تعالوا اتظاهروا وايدوني...وما يهمه اذا الشعب الامريكي كله يموت...بس هو يفوز ويتلصق في
البيت الابيض....الزمان كان ابيض وهسع من فضائحه قرب ينقلب اسود...
والله انت ما سمعت انو عزم حكام الولايات الجمهوريين في البيت الابيض وهددهم وامرهم بتغيير نتائج الانتخابات
ولكنهم رفضوا وقالوا ليه لا..لا..لان بايدن هو الفائز في ولاياتهم ...

اها فتلت ليك البوست ولا لا...ههههههههه
زي ما قال ود الامير انا اذا دخلت اي بوست بفتله وبطلع
من الموضوع...
لكن الذنب ذنب الرئيس ترامب

هسع ترامب دخلو شنو ؟

Quote: جيت السودان شهر ٨...وما لبست كمامة الا في الطيارة...ولقيت الحياة في السودان عادية جدا وكأنه مافي اي كرونا ...وما سمعنا بزول مات وكل يوم بقرأ جميع الجرائد اليومية وكل الاخبار بتتكلم عن ::ده قتلو..ده سرقو ...ودي اغتصبوها وعصابات المواتر عاملين رعب في الشارع وكأنه مافي قانون ولا شرطة... يا ها دي كرونا السودان...لكن مافي فيروسات في اجواء السودان.. وهنا في امريكاو ومن الانتخابات بدأت كل يوم بيموتوا ١٨٠٠ شخص من الكرونا لان طرمبة بقى ما فاضي للكرونا وهمه كله يفوز...بل بالعكس يشجع الناس ما تلبس كمامات ويقول ليهم تعالوا اتظاهروا وايدوني...وما يهمه اذا الشعب الامريكي كله يموت...بس هو يفوز ويتلصق في البيت الابيض....الزمان كان ابيض وهسع من فضائحه قرب ينقلب اسود... والله انت ما سمعت انو عزم حكام الولايات الجمهوريين في البيت الابيض وهددهم وامرهم بتغيير نتائج الانتخابات ولكنهم رفضوا وقالوا ليه لا..لا..لان بايدن هو الفائز في ولاياتهم ...

مشكلتك بعيده عن واقع البلد حتى وانتى فيهو زائر
اطباء منهم مسئولين فى وزاره الصحه اتوفو من كورونا وتلاته اخصائيين واستشاريين فى العزل بسبب كورونا ووفيات موظفين كبار فى الدوله بكورونا والتيملاين والوول فى تويتر والفيس مليان تعازى ونعى بعضها يصرح كورونا وبعضها ينعى فقط
الوضع ساىء بالجد والصوره الحقيقيه (بالارقام) ماواضحه وغائبه عن الناس
خليك مع ترامب وكراهيتك ليهو السودان دا مشاكلو اكبر من الناس تحكم عليها من ونسات الواتساب واشاعاتو او حتى حركه محدوده لشائح فى البلد

الأخ عاصم
سلامات
ومشكور على دعم البوست بالحقايق .
اهو البوست بيحاول يلفت نظر موظفين محليات المدن عندنا
لمراقبة ما يتعلق بصحة الناس .
مراقبة استخراج التصاريح والشهادات الصحية للعاملين بالمطاعم والمخابز
وستات الشاي .

مافي مشكلة البشم بيشفط لا ينفخ

فحصت الكرونا خلال شهري اكتوبر و نوفمبر ثمانية مرات و كلها و الحمد لله سالبة و الفحوصات تمت في السعودية و السودان و دبي. آخر فحص كان يوم 6 نوفمبر بمركز علياء الطبي. لحسن الحظ من ضمن طاقم الفحص اثنين من اقربائي و من قريتي. سالتهم كم حالة تفحصوا في اليوم. اجابوا في حدود الاف . كم من هذا الاف كانت النتيجة ايجابيةز قالوا لا تتعدى الشخصين.

يا يا عاصم
اقرأ تعليق عبد الله محمد احمد
هو بيعرف السودان اكتر مني ...ونحن خلينا مع مشاكل ترامب لانه هو نفسه ايضا بيكره
السودان والسودانيين لان السودان بلد افريقي ..واظنك عارف رأيه في الافارقة..
ومنتظرين ردك لي عبد الله محمد احمد وعنده شهود عيان اطباء من اقاربه واسمعهم قالوا شنو!!!؟؟
نحن البنجي سواح خلينا ...

امتثال
ماعندى شغله بكلام ونسه اعل واقارب وانا قاعد جوا فى بلدى والحمدلله وشايف وعايش البحصل
بعدين لو متابعه على الاقل بوستات المنبر خليك من البموتو من الاطباء ذاتهم والمعزولين وخلافو شوفى بيان لجنه الاخصائيين والاستشاريين الصادر اليوم

يا عاصم و الله لو مشيت جهاز العاملين بالخارج او مجمع الشرطة السجانة، لن تستطيع الوصول الى شباك الا بعد ان تحتك بخمسين شخص و دا لو نجحت تعبر. بصات الوالي في الباب اكثر من ثمانية. حفلات الاعراس شغالة. البكيات شغالة. اسواقنا في الحصاحييصا و المحيريبا و ام دفسو ما فيها نفس. نادر تجد شخص لابس كمامة و المساجد فل. لو الكرونة تنتشر بالتقارب السودان كان عدم طافي النار. ما عندنا زول في الحلة و لا القرى القريبة مننا مات بالكرونة. المسالة تستحق الدراسة. الاحترازات التي عملتها امريكا مطبقة حرفيا في كل بقعة بامريكا و مع ذلك الاصابات لامست سقف ال 12 مليون و الموتى مرشح عددهم للوصول الى نصف المليون. قد يكون من اخذ دواء الملاريا شكل له وقاية و قد يكون البصل و قد تكون درجات الحرارة العالية. الثلاثة اشياء هذه متوفرة بكثرة في السودان. باختصار الموضوع يستحق الدراسة.

ياعبدالله فى فرق على الاقل فى انماط المبانىاوروبا وامريكا ونمط المبانى الكبيره المغلقه حتى المدن الكبيره والعواصم بالنسبه لينا اقليميا
نحمد ربنا على براح القرى فى السكن وطبيعه الحياه
اما المدن بالذات الخرطوم راجع التقارير اليوميه للصضحه والفئات المستهدفه فى الفحوصات مسفرين وحالات اشتباه وماخفى اعظم ونظره على الوسائط والتعازى فيها بشكل غريب
احتمال البصل والليمون وحاجات الوقايه الطبيعيه وارده وماتنسى البندول رغم ارتفاع سعرو

Quote: مواطنون يتحدون كورونا ويتجمعون بالآلاف في حفل فنان شهير 22 نوفمبر 2020 الخرطوم: منى رضوان تحدى مواطنون سودانيون الاجراءات الاحترازية للموجة الثانية لكورونا وتجمعوا بالآلاف في مساحة ضيقة لحضور حفل للفنان الشهير أحمد الصادق بنادي الضباط مساء السبت. وأثار الحفل جدلاً واسعاً في وسائط التواصل الاجتماعي وتباينت كثير من الآراء حوله ووصف بعض الأطباء التجمع بالخطير. في وقت دافع مجموعة من حضور الحفل عن التجمع وقاله بأنه لا يزيد في العدد عن الموجودين في صفوف الخبز وزحام المواصلات. ورصدت محررة (الانتباهة أون لاين) بعض التفاعلات على مواقع التواصل الاجتماعي حيث كتبت د. يسرا محمد عبر حسابها: (هذا خطير ربنا يستر). أما الطبيب محمد عادل فنشر صورة لحفلة أحمد الصادق بنادي الضُباط وقال: معلقاً عليها: (بعد يومين تجوا تتباڪوا .. أبوي متضايق ما لاقين ليهو مستشفى، وأمي ماتت عشان مافي أڪسجين، ودايرين سرير عناية مكثفة لحبوبتي، و… و… و…). بينما قالت هند محمد: (ممكن سؤال بسيط .. كورونا دي بس في الحفلات حتنتقل لي يعني ما ممكن تنتقل لي من صفوف العيش البنقيف فيهو ما يقارب 5 أو 3 ساعات؟ .. مش في تناقض)؟. فيما أكد آخرون: (صفوف العيش أمر مجبورين عليه وهي تقلصت من السابق بعد ظهور الكروت لصرف الخبز، أما تواجد شخص بإرادته في زحام يحوي الآلاف من الناس في وجود خطر يهدد العالم هذا هلاك للنفس والآخرين). وقالت الأستاذة رباب عثمان لـ (الانتباهة أون لاين): (يجب على وزارة الصحة والمسؤولين أن تتوحد في قراراتها كيف تأجل المدارس وتسمح بإقامة حفلات تضم الآلاف من المواطنين؟ أنا أرى الاكتظاظ واقع يعيشه المواطن السوداني يومياً وقرار قفل المدارس وتأجيل الدراسة ضياع للطالب).

دراسعلميه جدي\ه توضح عدم ارتفاع الاصابات فى المناطق الحاره (حزام الملاريا)

Quote: عدم الانتشار الكبير لكورونا في دول حزام الملاريا حيث وجدو ان هناك بروتين مشترك بين الملاريا وكورونا اسمه TRAP قد يكون للمصابين مسبقاً بالملاريا اجسام مضادة له في دماءهم اصلا"

SARS-COV2 and P. falciparum common immunodominant regions may explain low COVID-19 incidence in the malaria-endemic belt

Received 24 September 2020, Revised 10 November 2020, Accepted 12 November 2020, Available online 19 November 2020.

https://www.sciencedirect.comhttps://www.sciencedirect.com

أستاذو امتثال
تصريحك عن عدم وجود الكرونا تصريح غير مشئول و له عواقب وخيمة
على مجهودات المهتمين للتقليل من انتشارها و وقاية الناس منها

مالك الجاك
حقك على يا مالك وما تزعل نفسك...
فانا اقر واعترف بغلطي وان الكرونا منتشرة بصورة واسعة جدا في السودان
حتى ان امريكا وبعض الدول الاوربية بدأت تنصح مواطنيها بعدم السفر الى
السودان بسبب انتشار فيروس الكرونا...
وعلى الرغم من ان الكرونا تحصد الناس حصدا بالالاف في امريكا واوروبا...وكان من الاولى
ان السودان يحذر السودانيين من السفر الى تلك الدول...
...عاصم؛
وبما انك مقيم في الوطن الحبيب فعندنا سؤال لم نجد له اجابة حتى الان..
والسؤال هو:-
لماذا ترفض المستشفيات قبول المرضى وعلاجهم ،فتجد اقرباء المريض يهرولون بمريضهم
من مستشفى الى مستشفى في مدن العاصمة الثلاثة من الصباح حتى المساء ويتوفى المريض
بسبب ذلك..واظنك قرأت بوست زميل المنبر عبدالمنعم والذي توفى خاله حيث انهم كانوا يهرولون
مت مستشفى الى اخر لانقاذ حياته ولم يجدوا اي مستشفى يقبل علاجه...وتوفى بسبب ذلك..
وبعض المستشفيات تقول ان هناك اوامر من الوزير .
وسؤالنا لماذا لا تقبل المستشفيات الحكومية والخاصة علاج المرضى.!!!؟؟؟؟

بهذا اعلن شخصي كريس لاتحاد قراء اب عفان بالقوة كده!
غايتو حاسدك، انك عايش في السودان!
يابختك، والعقبة لينا يارب!

Quote: والسؤال هو:- لماذا ترفض المستشفيات قبول المرضى وعلاجهم ،فتجد اقرباء المريض يهرولون بمريضهم من مستشفى الى مستشفى في مدن العاصمة الثلاثة من الصباح حتى المساء ويتوفى المريض بسبب ذلك..واظنك قرأت بوست زميل المنبر عبدالمنعم والذي توفى خاله حيث انهم كانوا يهرولون مت مستشفى الى اخر لانقاذ حياته ولم يجدوا اي مستشفى يقبل علاجه...وتوفى بسبب ذلك.. وبعض المستشفيات تقول ان هناك اوامر من الوزير . وسؤالنا لماذا لا تقبل المستشفيات الحكومية والخاصة علاج المرضى.!!!؟؟؟؟

اغتقد الاولى توجهى السؤال هو البرهان رئيس محبس السياده اللى كنتى اول مؤيديه فى المنير بعد سقوط البشير وبدايات تلميع العسكر كحكام للسودان

أستاذ مالك
سلام .
هاك عضم البوست .
وربك يسلم البلاد .
مع التحية
...
متجول في أكبر سوق في السودان .
وزول حريف في طريقة كيف يبيع . 
البائع المقصود شغال
زيت . 
زيت سمسم في كرستالات بلاستيك.
طبعا كرستالات كانت
مستعملة .
البائع دا يوقفك كان زبونة كان زبون ويمسكك يشممك 
الكرستالة . 
ويدقشك حنك انو دا سمسم منطقة الباجا المامحتاجة حاجة.
ادفع وشيل.
الزيت التقيل. 
لا حدي هنا والحكاية مافيها خطر. 
لكن الخطر في انو بشمم زيتو للسوق كلو في زمن الكورونا .
والكرستالة البتكون دبسك فيها بكون شموها بلتون من الشمامين. 
وما في 14 يوم والا الشمام عليه الرحمة يكون في حمد النيل .
ربنا يسلم الجميع .
لكن بيني وبينكم البلاد هايصة في الزيت .






 

              

الأخ عبدالله محمد احمد
سلام
الوضع في السودان الآن أخطر من خطير .
ربك يسلم

وجل من لا يخطئ وخير الخطاؤون التوابون...كنت مفتكرة انه وما دام طردوا وزير الدفاع ابن عوف وجابوهو ،انه فيه خير
وانه وطني وثوري وما كنت مفتكرة انه كوز وانه مشارك في قتل الشباب الثوار مع حميدتي ...وبعد عرفت الحقائق كتبت اكثر
من بوست وتعليق وسميت فيه القوات المسلحة تحت قيادة البرهان بالقوات المشلعة والقوات المصلحة بدل القوات المسلحة
والان كل يوم بنبح وبكورك ان العساكر في المجلس السيادي وعلى رأسهم البرهان سوف لن يسلموا السلطة للشعب ولن يسمحوا باجراء
انتخابات حرة نزيهة الا بعد ٣٠ سنة....