التعليقات من نافذة الفيسبوك

04:11 PM November, 14 2020

سودانيز اون لاين
محمد أبوالعزائم أبوالريش-
مكتبتى
رابط مختصر

إقراراً من الأخ أمين الموقع، بكري أبوبكر بأنه لا يمكن منح كل الأعداد التي تتقدم للحصول على عضوية المنبر العام في سودانيزأونلاين وما يتبع ذلك من حمل مراقبة ما يُكتب ... وحتى يتيح فرصة أكبر لمن يريد المشاركة، فقد فتح – مشكوراً – نافذة للتعليقات من الفيسبوك وأذكر أنه حينها ثار جدل بين مؤيد ورافض وتم إيقافها في فترة ثم عادت.

رغم إنني متأكد أن هناك مشاركات مفيدة ومشاركين مفيدين ... لكني لاحظت وجود مشاركات وألفاظ مقززة شخصياً أرفض وجودها في المنبر حتى لو أتت من غير الأعضاء. هذه المشاركات تأتي حصرياً من واحد أو إثنين (بالنسبة لي تكرر إسم واحد) ... طبيعة البورد وجود إختلافات وأحياناً للأسف عداءات، لكن ما وجدته هنا تجاوز كل ذلك وأصبح إنحطاط.

ما رأيكم ... هل نطلب من بكري قفل هذه النافذة والإستغناء عن إيجابياتها أمام هذه السلبيات؟

سلام عليكم محمد ابوالعزايم
اعتقد فى حل .
مشاهده المواضيع وامكانيه الوصول ليها عبر صفحه المنبر فى الفيس بالتالى نوع الزول البيجى ينشر فوضى والفاظ ويحد بالمنبر عن رسالتو والمحافظه على مستواهو
اقتراح يتعمل ليهو بلوك من صفحه المنبر فى الفيس (دا اذا كان الوصول لنافذه الفيس هنا والتعليق متاح عبر صفحه الفيس)

ابو الريش

ازيك

أها جا واحد عملك ملحد وشيوعي

يا عاصم، هل مسألة البلوك دي ممكنة؟
معرفتي في الفيسبوك ضعيفة ... لكن إذا ممكن، نرجع تاني لي بكري وتكون دي مهمته أو من يكلفه بإدارة صفحة المنبر في الفيسبوك.

سلام عليكم
انا مع حرية الاراء...و مع وجود نافذة الفيس
الناس ما تبقى حساسة من النقد اذا كان حقيقي
أو عن طريق القصد و الترصد.
كلنا ثرنا ضد النظام السابق من اجل حرية الرأي و التعبير
ما نجي من اول ملف ننكر شعاراتنا.
اعلم في هجوم ضد اعضاء المنبر و لكنهم قادرين على الرد
وفي ناس موضوعيين كثر في الفيس لماذا نحرمهم؟
مسألة حرية التعبير حارة شديد بس الناس تستحمل ودا
مشروع وطن و لبس منبر.
المنبر لمن يكون مقفول على العضوية فقط بكون منبر صفوي
ودي منقصة كبيرة في دولة الحرية و السلام التي ننشدها.
شعارات الثورة يجب أن تطبق في منبر أنشئ اساسا من احل
تحقيقها ومن اجل ايصال اصوات(المهمشين حينها) لكل ارجاء
المعمورة.

استاذ نصري امين

سلامات

المسالة ليست ممارسة لكبت الاصوات،

أو وأد الديمقراطية، والدعوة لعدم ممارسة النقد،

أو الوقوف ضد حرية التعبير ....إلخ .

لماذا تجاهلت هذه الملاحظة المهمة من صاحب البوست ابوالريش:

Quote: لكني لاحظت وجود مشاركات وألفاظ مقززة

إنْ كنت تدعم "المشاركات والالفاظ المقززة"،

فهذا شان آخر.

مع تقديري.

مرحب دينق،

Quote: أها جا واحد عملك ملحد وشيوعي

زي ده ما عندي معاهو مشكلة ...
لكن والله يحيّر ... الإلحاد والشيوعية علاقتهم بموضوع البوست شنو؟

الاستاذ و الشاعر أسامة
اقتبست انو كاتب البوست "لاحظ وجود....." طبعا انا ما مع
الالفاظ المقززة اامزكورة ولكن يبدو انها حاجة
محصورة و لا يجب أن تعمم والا تكون سببا في
معاقبة "الاكثرية المحترمة".
مثلا انت تشتغل بالادب و أكيد تهتم بأن تنتشر
رؤاك و منتوجك على اوسع نطاق و لكن اذا اشتغل
الاديب أو السياسي بنظام صالونات زماااان و للنخبة فقط
ما أظن هذا يصلح لهذا الزمن، ممكن تصادف البذئ و
الحاسد و الحاقد و ذوي الغرض ولكن يجب بسط المعرفة
بين الناس بغض النظر عن جنوح البعض.
غايتو دا رأي و قابل للصاح أو الخطأ.
أنا مع فتح الابواب حتى لو اتنبذت و اتشتمت...

Quote: هل مسألة البلوك دي ممكنة؟

اغتقد لو كان الوصل لنافذه الفيس هنا عن طريق صفحه الموقع فى الفيس ممكن بلوك يحل المشكله
.
يا ناصر امين
ممكن زى ما اى زول بتجاوز لوائح المنبر هنا ويتوقف او تقليل الكوته
اعتقد انو ختى البشارك من الفيس (لو كان المشاركه بمتابعه صفحه المنبر فى الفيس) ويكون عارف لما تابع الصفحه هناك انو لاوم ينضبط بضوايط معينه لاتنتقص من حريه التعبير بالتالى الزول البتجاوز حدود التعبير للاساءه او ماشابه يتم حظرو
ولا كيف ؟؟؟

Quote: مثلا انت تشتغل بالادب و أكيد تهتم بأن تنتشر رؤاك و منتوجك على اوسع نطاق و لكن اذا اشتغل الاديب أو السياسي بنظام صالونات زماااان و للنخبة فقط ما أظن هذا يصلح لهذا الزمن، ممكن تصادف البذئ و الحاسد و الحاقد و ذوي الغرض ولكن يجب بسط المعرفة بين الناس بغض النظر عن جنوح البعض. غايتو دا رأي و قابل للصاح أو الخطأ. أنا مع فتح الابواب حتى لو اتنبذت و اتشتمت...

ليس بيننا خلاف حول حرية التعبير.

لكن هنالك اشباح يأتون لكي يتلفّظوا بما يشبهمهم.

وهم يستفيدون من مسالة الشبحية بحيث يحمون أنفسهم من الألفاظ البشعة المقززة.

وهذا ليس عدلاً، في سياق بشع طبعاً.

هويات واضحة بالسوية ، عدل بالرعية،

الاسفيرية.

لك الود والمحبة.

Quote: لكن هنالك اشباح يأتون لكي يتلفّظوا بما يشبهمهم. وهم يستفيدون من مسالة الشبحية بحيث يحمون أنفسهم من الألفاظ البشعة المقززة. وهذا ليس عدلاً، في سياق بشع طبعاً.

ردي للاستاذ اسامة و الاستاذ عاصم
انا متابع و متابع بوست فيهو حصار من المتنمر عليهم
ضد المتنمرين في الفيس و في ظني دا افضل من استسهال الحلول
اي بالقفل.
العندهم اراء في الفيس في بعض القضايا و ضد بعض الاشخاص
و الاحزاب يمكن أن يجدوا و بتضامن اعضاء المنبر عضوية كاملة
غير منقوصة للادلاء بارائهم في البورد و بكل حرية.
الذي يمتنع دا معناهو اما عضو هنا و متخفي أو زول جبان وفي كلتا
الحالتين لا يحتاج حتى لافراد بوست له.
العندو طرح محترم ممكن العضوية تساعدو يجي المنبر اما الرافض
الناس ما تشتغل بيهو.
الاخ عاصم حتى نظام تحديد الكوتات انا شايفو غلط...الشخص المفارق
الخط العام الناس اساسا ما بتتداخل معاهو...يعني العقوبة مفروض
تجي من عضوية المنبر و اظن دي أشد و أقسى من عقوبة يطبقها
المسؤول عن المنبر و حينها يتقمص الجاني دور البطل المهضوم حقوقه.
و لكم الود و ذات المحبة

Quote: الذي يمتنع دا معناهو اما عضو هنا و متخفي أو زول جبان وفي كلتا الحالتين لا يحتاج حتى لافراد بوست له.

انت تجرم في حق هؤلاء المرضى،

حين تساعدهم في التعبير عن لوثاتهم العقلية والنفسية.

الأخ ناصر أمين،
الحقيقة أنا ما عارف التوجه السياسي للزول المعني ... بمعنى إنه كلامي لا يعني إقصاء آراء من أختلف معهم سياسياً .... والحكاية دي وضحها ليك الأخ أسامة الخواض مشكور.
إنت شايف إنه نسكت على الألفاظ دي عشان ما تتحسب علينا تكميم أفواه؟
كلنا بنعرف إنه إذا مارس عضو مثل هذه الممارسة يتعرض لعقوبة تبدأ بتحديد مشاركاته وإيقافه مؤقتاً أو بشكل دائم. هل نعاقب العضو ونغض الطرف لأن المخالفة أتت من خارج العضوية؟

استاذ ابوالريش
سلامات
ناصر اصلا ضد فكرة العقوبة اللائحية ، ويقترح بدلا عنها العقوبة المعنوية من قبل العضوية حين قال:

Quote: العقوبة مفروض تجي من عضوية المنبر. و اظن دي أشد و أقسى من عقوبة يطبقها المسؤول عن المنبر و حينها يتقمص الجاني دور البطل المهضوم حقوقه.

طيّب هنالك اقتراح آخر أكثر رومانسية:

"من سبّك في بوست،

فأدخلْ في بوست آخر حتى يسبّك من جديد".

وهنا نكون قد طبّقنا اسفيرياً مقولة السيد المسيح:

Quote: مَنْ ضَرَبَكَ عَلَى خَدِّكَ فَاعْرِضْ لَهُ الآخَرَ أَيْضًا، وَمَنْ أَخَذَ رِدَاءَكَ فَلاَ تَمْنَعْهُ ثَوْبَكَ أَيْضًا.

الكلام المقزز ليس بالضرورة ان يكون الفاظ منبوذة
هن كلام مقزز يتجاوز معتثقدات الناس في المنبر
العام ويغض عنه الطرف فعلاما التحسس ممن ذكرت
ان الفاظهم نابيه او انهم يتلفظون الفاظ مقززة.
نحن مع حرية الكتابة في حدود الادب و احترام
الاخرين وليس بالضرورة المنع وكما يجب علينا
ان نكون قوامين بالقسط بين الفرقاء ونحاول ان
نكون جسر للاصلاح واعتقد معظم المهتمين
بالنافذة الفيبوكية عضوية قديمة فقدت حقها هنا
بأي طريقة راتها الادارة فتحولوا الى المتاح.

حسب ما فهمت يا أستاذ أسامة، الأخ ناصر عايز الناس يطنشوا/ يحردوا/ يقاطعوا مرتكبي المخالفة.
دي برضو طريقة، لكن الزول البيتلفظ بألفاظ زي دي ما أظن حيقيف لما تقاطعه ....

في مثال برضو لو الواحد عايز يتفاعل أو يطنش المداخلات .... شوف ده:

Quote: Abubakr Ahmed Abbas زول اسمو أبو "أبو العزائم" وداير يمنع الناس من العزائم العامة؟!! بعدين لعلمك يا بخيل، مداخلة من زول زيي أنا تعادل ما يُكتب في هذا المنبر لمدة شهرين. يا أخي، تواضعنا أذلّنا! انت نفر زيادة كنجوس

لو عايز أدخل معاه في جدل، ممكن أتكلم عن فهمه للإسم (أبوالعزائم) وهل زي ما قال هي (الولائم) أم جمع (عزيمة) زي ما ذكرها أبوالطيب المتنبي ... لكن ما دام قرر إنه ما يكتب (وهو بهذا الفهم) يعادل ما يُكتب في المنبر لمدة شهرين، لا أشغل نفسي به.

المقصودين في هذا البوست أصحاب الكتابات المتفلتة والتجاوزات الخارجة عن الأخلاق.

Quote: اعتقد معظم المهتمين بالنافذة الفيبوكية عضوية قديمة فقدت حقها هنا بأي طريقة راتها الادارة فتحولوا الى المتاح.

هؤلاء مرضى بلا كرامة .

الاسافير واسعة،

لماذا لا يهاجرون إلى اسفير آخر؟

Quote: اغتقد لو كان الوصل لنافذه الفيس هنا عن طريق صفحه الموقع فى الفيس ممكن بلوك يحل المشكله . يا ناصر امين ممكن زى ما اى زول بتجاوز لوائح المنبر هنا ويتوقف او تقليل الكوته اعتقد انو ختى البشارك من الفيس (لو كان المشاركه بمتابعه صفحه المنبر فى الفيس) ويكون عارف لما تابع الصفحه هناك انو لاوم ينضبط بضوايط معينه لاتنتقص من حريه التعبير بالتالى الزول البتجاوز حدود التعبير للاساءه او ماشابه يتم حظرو ولا كيف ؟؟؟

شكراً عاصم علي،
أفتكر بالحل ده بنكون حفظنا حق الجادين والمحترمين.

في رأي لا يتم منع المشاركات و لكن يتم الحد من استخدام العبارات النابية و التنمر..

حتى بعض الأعضاء داخل المنبر يستخدمون عبارات مشينة و يلجأون للتنمر و أنا أعتقد ده ضعف واضح في الشخصية و

ضعف في الطرح... لذلك يلجأ صاحبها للتدمير النفسي باستخدام العبارات الخارجة و تجاوز حدود النقاش ليصل لذات

الشخص(وهو مرض نفسي ليس إلا).

هؤلاء "المتمسّحون بالمنبر العام" ،

مرضى نفسيون كما قال محمد،

بلا..... كرامة،

ولا......كبرياء ،

ولا .......أنفة.

Quote: في رأي لا يتم منع المشاركات و لكن يتم الحد من استخدام العبارات النابية و التنمر..

بس الآلية للمسألة دي شنو يا محمد عبدالله الحسين؟

كلامك و اضح جدا يا سيدي ابوالريش:

Quote: لمقصودين في هذا البوست أصحاب الكتابات المتفلتة والتجاوزات الخارجة عن الأخلاق.

اي راي من نافذة الفيسبوك أو نافذه الجيران، كله مقبول:

المسالة ليست المكان يا سادتي،

وإنما الروائح النتنة التي "تفوح" عبر نافذة الفيسبوك.

من الهلوسات واللوثات العقلية :

Quote: سيف جبار أيها المدعو / اسامة الخواض التقراي الجعلي "وما ربك بظلامٍ للعبيد" ‘إذ صدق المنتقم القهار عندما وصف الشعراء فقال: "والشعراء يتبعهم الغاوون". هل أنت إلا نطفة في شنة؟ أتصف كلام الله وكلام رسوله (ص) وكلام حكماء المسلمين الذي أكتبه هنا رداً على كفركم وردتكم وطعنكم في الدين وتحقيركم للمسلمين .. هذا الملحد المدعو / اسامة الخواض .. يدعي الأنفة والكبرياء والكرامة ولا يدري هذا المسكين أنه في عداد الملاحدة والمرتدين - إلا أن يتوب الله عليه - يصف كلام الله وكلام رسوله (ص) وكلام حكماء المسلمين بمثل هذا الوصف والذين يكتبون في صدر المنبر العام صامتون؟ أمسلمون أنتم؟ أيها المدعو / اسامة الخواض التقراي الجع

لسع ما سمعنا رأي الناس البيكتبوا من نافذة الفيس بوك...
مافي تعليقات حتى الان من تلك النافذة...
ويا ريت نسمع رايهم كمان،،

Quote: لسع ما سمعنا رأي الناس البيكتبوا من نافذة الفيس بوك... مافي تعليقات حتى الان من تلك النافذة... ويا ريت نسمع رايهم كمان،،

كاتت في تعليقات و لكن أظن تم حذفها من قبل الادارة

صحيح ... يبدو إنه الإدارة قررت تحذف التعليقات ... بس في تعليقات جديدة بعد الحذف.

في الحقيقة هي مش كلها ألفاظ نابية ... لكن المستغرب ليهو كل التعليقات هجومية على كل من يكتب في البورد وكأن هناك عداء لأعضاء البورد.

Quote: اها يا مفترع البوست لو في زول كاتل رقبة بتحروا معاهوا وبسألوهوا !! والله صحي!! اول مرة اشوف (خياسة) زي دي.

هذه ليست المرة الاولى التي يطرح فيها موضوع النافذة .

ويبدو ان هنالك شكلين من التعامل مع تلك النافذة:

الشكل الاول : التجاهل ثم التجاهل ثم التجاهل.

الشكل الثاني: التفاعل مع ما يُكتب.

خيار ضبط اللغة هو خيار صاحب المنبر.

وأيضاً هو خيار قانوني إذا ما ارتقت اللغة الى التهديد بالقتل والتصفية.

قوموا إلى أعمالكم.

سلام عليكم
الحقيقه فى البدايه الواحد حس بامل من فتح النافذه فى عهد جديد والواحد كان منتظر دماء جديده من جيل الثوره ينجذب عبر النافذه ويحاور ويعبر مباشره عن جيلو فى كل مايظرح فى المنبر من قضايا مختلفه (ماضرورى السياسيه)
لكن اصبح تقريبا النتفذه كانها فاتحه على اربعه او خمسه شخصيات ثابته ومافى اى اضافه نوعيه عبر النافذه
واعتقد ربما حتى من يحاول الاطلال عبر النافذه قد يهرب من الاحتلال الحاصل من فئه محدوده هاصه اتنين وطريقه تعاطيهم مع المواضيع والتداخل فيها
اعتقد انو المنبر فعلا محتاج عبر منافذ الوسائط التانيه انو يتوسع ويكون مقروء بشكل اوسع وساحه تعبير وحوار من دماء جديده عبر المنافذ دى
لانو بصراحه -ويمكن دا خارج موضوع البوست - لكن المنبر يعيش حاله تكلس وخمول لاتتناسب مع الظرف البتمر بيهو البلد والتحديات الحاصله
محتاجين حجر كبير فى البركه الراكده
تحياتى

مداخلة باشمهندس عاصم ممتازة،

واقتراح انفتاح المنبر على الجيل الجديد في محلّه تماماً.

لكن الواقع يقول شيئاً آخر:

الغالبية العظمى من المساهمين والقرّاء على السواء، هم من المهاجر والمنافي.

اما حديثه التالي ففي محلّه كمان وكمان:

Quote: المنبر يعيش حاله تكلس وخمول لاتتناسب مع الظرف البتمر بيهو البلد والتحديات الحاصله محتاجين حجر كبير فى البركه الراكده

المعايشة تختلف تماماً عن المشاهدة او القراءة من على البعد.

افضل السيناريوهات هي :

"حزب الكنبة الاسفيري".

يتهمني الاستاذ عاطف من نافذة الفيسبوك بانني "معسم"،

أي أستخدم الفصحى في التعبير.

وقد ردّ عليه الاستاذ الشيخ سيد احمد بأنه أيضاً يستخدم العربية الفصحى.

أنتمي إلى تقليد أصيل ينحاز إلى لغة القران الكريم:

العربية الفصحى.

لا اعتراض لدي على استخدام العامية المثقّفة أو عامية المثقفين.

لكن استخدام "الراندوق" يهبط بمستوى النقاش،

ويصيبه في مقتل.

إضطريت أنكت البوست ده من الصفحة الرابعة والا الخامسة ما عارف ..... بس لأني ما عايز أشوه بوستات الناس.

الزول البيفرفر من الفيسبوك ده لقيتو واقف لي في أي بوست أتداخل فيهو أو أفتحه .....

قولوا ليهو العايز اقولو قلتو هنا وخلصنا. ..... سمح أبوي؟

Quote: قولوا ليهو العايز اقولو قلتو هنا وخلصنا. ..... سمح أبوي؟

عليك بالاستنجاء والاستجمار والاستبراء المعنوي.

دعاء الخروج من البوست:

حين "تكحلهما" من الأعالي، وثالثهما "رجل نوفمبر"،

عليك ب:

Quote: الحمد لله الذي أذهب عنّا الأذى المضاعف، وعافانا.

ثم تضغط ايقونة "أرسلْ".

Quote: المسالة ليست المكان يا سادتي، وإنما الروائح النتنة التي "تفوح" عبر نافذة الفيسبوك.

شكراً

سلامات ابوالريش



الراي والرأي الآخـر :)

Quote: Fiasal Osman معقول اسامة الخواض هذا عن المعلقين ؟ يا اخي في هذا الزمان مجرد قرأتنا لا حرفكم يفترض ان تشكرونا عليها ناهيك ان يحاول احدهم ان يشتمكم بالفاظ بذيئة -- هل تسألتم يوم عن اعداد من يقرأ لكم واعمارهم ؟ هل تعتقدون ان هناك حسناوات يقراأن لكم؟ يا عالم خلوها بالنية -- اي سخف هي الكتابة بعد كل المعرفة التي مللئت الدنيا وشغلت الشباب\ أعجبني · رد · منذ ١٤ س

Quote: الراي والرأي الآخـر :)

حيدر الزين،
في ترجمة للإقتباس الجبتو؟