لماذا هتفت الجماهير ضد ابراهيم الشيخ .. شيء غريب

09:15 AM November, 16 2020

سودانيز اون لاين
علي عبدالوهاب عثمان-جدة
مكتبتى
رابط مختصر

مع انه كان أحد صانعي السلام
وشخصية ابراهيم الشيخ غير عدوانية
يتحدث باللغة موزونة مقبولة حتى من الخصوم
كان موقفه صعب على المنصة

Quote: الجماهير التي استقبلت قادة السلام في ساحة الحرية قد هتفت ضد ممثل قوى الحرية والتغيير ابراهيم الشيخ ورفضت الصمت للاستماع لكلمته، وهتف عدد كبير من الجماهير ضد الحرية والتغيير “جوعتونا ، ضيعتونا” و” ما دايرنك اطلع بره” وتصاعدت الهتافات مع استمرار ابراهيم الشيخ في قراءة كلمته المكتوبة، معدداً مكاسب السلام التي سيجنيها الشعب السوداني، ورفعت الجماهير أياديها في إشارة للرفض القاطع لكلمة الشيخ.

فكانت شهادة حميدتي عقب خطاب ابراهيم الشيخ وهتاف الجماهير
انصفه حميدتي حتى دمعت عيونه .. أنا اعتبرته موقف جميل من حميدتي
ووفاء لهذا الرجل ..

Quote: ذرف نائب رئيس مجلس السيادة الفريق أول محمد حمدان دقلو الدموع وهو يدافع عن القيادي في قوى الحرية والتغيير ابراهيم الشيخ، وقال حميدتي إن الصفوف تمايزت وإن ابراهيم الشيخ كان من الداعمين للسلام وممن أدخلوه في الوثيقة الدستورية، وأضاف حميدتي قائلاً :” الظلم ظلمات وأنا ما بكسر تلج لي زول، الظلم مُر وما عايزين نظلم زول، الصفوف اتمايزت الآن، وابراهيم الشيخ يمثل الجناح المعتدل في الحرية والتغيير ومع السلام ووقفوا معناُ حقاً وحقيقة، ما تظلموا الناس، وابراهيم واجه الضرب عشان السلام”.

قالها حميدتي بكل عفوية

لماذا كل هذه العدوانية تجاه الحرية والتغيير ؟؟
بعد أن كانت أيقونة الثورة

ما السبب في هذا العداء ؟
ربما ابراهيم الشيخ لم يقرأ الواقع جيداً وإلا ما تعرض لهذا الهجوم

هل كانت في الساحة الخضراء ( جماعة الحزب البائد .. الكيزان )

سلام يا حبيبنا علي عبد الوهاب

إبراهيم الشيخ رجل وطني ومخلص ولا يستحق هذه المعاملة من جماهير الثورة، إن صح أنها فعلا جماهير الثورة وليس مندسين وأصحاب أجندة أو خضعوا للتضليل

Quote: إبراهيم الشيخ رجل وطني ومخلص ولا يستحق هذه المعاملة من جماهير الثورة، إن صح أنها فعلا جماهير الثورة وليس مندسين وأصحاب أجندة أو خضعوا للتضليل

حبيبنا ياسر تحياتي .. شكرا على الحضور
نعم الحبيب ياسر رجل وطني مخلص .. وكان له حضور رائع في جوبا
يبدو أنهم غاضبين من بعض مكونات الحرية والتغيير فكان حبيبنا ابراهيم الشيخ ضحية هذاالغضب

تحياتي الحبيب ياسر شكرا

Quote: أشاد رئيس حركة جيش تحرير السلام مني اركو مناوي في خطابه الذي قدمه نيابة عن قادة الحركات بابراهيم الشيخ مبيناً انه سعى للسلام وان السلام لم يكن لولا ابراهيم الشيخ .

وهذه فقرة من خطاب حبيبنا مناوي ما قصر انصف الرجل واعطاه حقه
صحيح كان ابراهيم الشيخ اكثر المتحمسين للسلام في جوبا

التحية

سلام استاذنا على
لو رجعنا لى ورا شوية ابراهيم الشيخ استقبل البرهان فى ارض الاعتصام
و هو اول من طرح الشراكة مع الجيش فى الحكم و فى ارض الاعتصام
و بعد سقوط ابنعوف مباشرة
الورطة الحاصلة الان سببها علاقات ابراهيم الشخصية مع حميدتى و البرهان

كلام جلالدونا ده ما ترمو الواطه ...

بكرة بتنكشف الاجندة
لم البوت الصهيوامريكي باقدام الجيش يدوس علي الرؤس


خبر التحقيق في مجزرة الاعتصام شنو

عمار امبس .. سيرناقمي ..
الظاهر الامور اختلطت وأنا لاحظت أن ناس الحركات ربما أقرب للعسكريين
ماعدا الحلو ..
اكيد الموضوع سوف يكون معقد جدا في المرحلة القادمة

الله يهون

Quote: و رجعنا لى ورا شوية ابراهيم الشيخ استقبل البرهان فى ارض الاعتصام و هو اول من طرح الشراكة مع الجيش فى الحكم و فى ارض الاعتصام و بعد سقوط ابنعوف مباشرة الورطة الحاصلة الان سببها علاقات ابراهيم الشخصية مع حميدتى و البرهان

حبيبنا جلالدونا .. تحياتي ..
دائما يا الحبيب جلال رجال الاعمال عندهم نوع من البراغماتية
في الظاهر سياسة وفي الباطن أرقام
أنا الصورة العندي كانت العكس
حقيقة رجال الاعمال عليهم الابتعاد عن السياسة لأن طريقتهم مختلفة جداً
عن الثائر العادي

تحياتي شكرا للمعلومة .. لدرجة حميدتي سال الدموع

Quote: الورطة الحاصلة الان سببها علاقات ابراهيم الشخصية مع حميدتى و البرهان

((علاقات شخصية)) هههههه .... يا رااااااقل ...
إنتا قاعد في ماريكوبا حا تسمع الشتائم (........)
البتوريك أسباب الورطه شنو ...
بالمناسبة جوز اللوز دا (كلهم) بفتشو لي علاقات
معاهم ... وواحدين بتمنو القرب منهم بس ...

حبيبنا صلاح .. شكرا للحضور

Quote: (كلهم) بفتشو لي علاقات معاهم ... وواحدين بتمنو القرب منهم بس ...

لأنهم مدعومين من الخارج وسند داخلي
والظاهر الجبهة الثورة وجماهيرها سوف تسيطر على الشارع

تحياتي الزبير

دي مسرحية يا عمك
عشرة خمسطاشر جنجويدي معاهم مصور يهتفوا حين يعتلي احد قادة الحرية و التغيير و يأتي حميدتي في دور المنقذ و البطل و صاحب الكلمة
حميديتي بدفع دفع الجن للمستشارين و شركات العلاقات العامة عشان اللحظة دي, وسعى بايديه ورجليه ليخلق حاضنة شعبية بديلة للحرية و التغيير وحاول بعد فض الاعتصام مع الادارات الاهلية و مجموعة معــــرصين حول حميدتي و اللايفاتية و غيرهم
لقاءاته التلفزيونية و الجماهيرية كلها نقد في الحرية و التغيير و الجماعة ديل جينا نساعدهم و سمعونا كلام وشنو وشنو
ومحاولته بناء تحالفات مع حركة مناوي خاصة قبل المفاوضات
كل سعيه دا بايديه ورجليه و محاولته الاحتماء بالجهوية تارة و العسكر تارة ليعوض ما يفتقده من سند شعبي او اي شكل من اشكال الشرعية فهو قيمته فقط في مليشياته و في الدعم الذي يلقاه من الخارج مقابل خدماته, ودا كلو مؤقت او مرتبط بظروف ممكن تتغير في اي لحظة وعادي يلتفت فلا يجد حوله سوى اشقاؤه و ابناؤهم و انفض الجميع من حوله
عشان كدا يعمل بكل جهد لشق التحالفات القائمة وزرع الفتنة بينها و بين الشارع - بعبعه الكبير , الدخلتها فيه 30 يونيو ما مرقت

حبيبنا البشري .. تحليل وقراءة للواقع بالنسبة لحميدتي
الحرية والتغيير .. انسحاب الشيوعي .. الجبهة الثورية لديها رأي غير واضح تجاههم
حميدتي والعسكر .. والامة كذلك ..
شخصياً تعاطفنا مع ابنائنا في قحت وهم الاصدق من الجميع
ولكن يبدو البشرى الموضوع ذاهب الى التعقيد
مصالح تجار ومصالح محاصصات وتحالفات عسكرية ومالية
والثوار اخوان واخوات الشهداء خارج المنظومة ..
قلبي على ابنائنا وبناتنا الكنداكات ..
الأمر خطير : الجبهة الثورية + العسكر + الدعم السريع ( سيطرة على كل شيء )
ماذا تبقى لعبدالواحد والحلو .. والجبهة الثورية تريد اوسع تحالف ..

شكرا حبيبنا البشرى على المداخلة
كان الله في عون الوطن

Quote: يبدو أنهم غاضبين من بعض مكونات الحرية والتغيير فكان حبيبنا ابراهيم الشيخ ضحية هذاالغضب

الله يديك العافيه أخى العزيز الأستاذ على عبدالوهاب
ومن يكون العاضبون على الحرية والتغير غير الثورة المضاده والباذلين
أقصى جهودهم لوضع العقبات والمعوِّقات أمام حكومة الثوره ؟
وللإنصاف لولا موقف حميدتى ضد السفاح عمر البشير لأصبح اليوم
لعبدالحى شأنٌ آخر .

Quote: لماذا هتفت الجماهير ضد ابراهيم الشيخ

سلام يا على امبس

الهتيفة ديل زواحف وأنصار الثورة المضادة .

حبيبنا علي امبس وضيوفه تحياتي.
هل كل مكونات الجماهير راضية عن أداء الحكومة؟.
هل كل من يهتف ضد الحكومة بالضرورة ان يكون من الزواحف؟
شماعة الزواحف والكيزان بقي حنك عاضي.

حبيبنا علي امبس وضيوفه تحياتي.
هل كل مكونات الجماهير راضية عن أداء الحكومة؟.
هل كل من يهتف ضد الحكومة بالضرورة ان يكون من الزواحف؟
شماعة الزواحف والكيزان بقي حنك عاضي.

Quote: هل كل مكونات الجماهير راضية عن أداء الحكومة؟. هل كل من يهتف ضد الحكومة بالضرورة ان يكون من الزواحف؟ شماعة الزواحف والكيزان بقي حنك عاضي.

الحبيب عارف .. تحياتي امبس
أنا ملاحظ أن التاييد لقحت بدأ ينحسر بصورة واضحة
انسحاب الشيوعيين
ومن قبل حزب الامة
وتقسيم في تجمع المهنيين
والجبهة الثورية ظاهر جداً تحالف مع العسكر والدعم السريع
وطبعا زياراتهم المتكررة الى الامارات (المحور دائما مهم في السياسة من أجل التمويل )
الله يكون في عون ابنائنا وبناتنا هكذا السودان يستشهد الصادقون ويرثهم الكاذبون

تحياتي عارف امبس

Quote: الهتيفة ديل زواحف وأنصار الثورة المضادة .

حبيبنا علاء تحياتي
اذا الزواحف بهذه القوة يبقى الموضوع كارثة
لكن الدعم السريع له موقف واضح من قحت
حميدتي قالها بكل وضوح من قبل
هم من انصار حميدتي تقريبا .. الكل بدأ يهرب من قحت

تحياتي الحبيب علاء

Quote: ومن يكون العاضبون على الحرية والتغير غير الثورة المضاده والباذلين أقصى جهودهم لوضع العقبات والمعوِّقات أمام حكومة الثوره ؟ وللإنصاف لولا موقف حميدتى ضد السفاح عمر البشير لأصبح اليوم لعبدالحى شأنٌ آخر .

حبيبنا عبدالله عبدالله .. شكرا لحضورك الجميل
يبدو لي أن بعض الكفاح المسلح لهم راي تجاه الحرية والتغيير
الجبهة الثورية أقرب للعسكر وحميدتي اكثر من الثوار
شيء محزن أن يخرج حبيبنا الشيخ بحراسة ..

المشكلة ان المهنيين لا أثر لهم .. والحرية والتغيير في نفس الاتجاه
اليوم العسكر وحميدتي والوجوة التي تجلب الملل قادة الحركات

اين شبابنا النواضر مفجري الثورة

تحياتي الحبيب عبدالله عبدالله .. شكرا مولانا على الحضور

العم علي سلامات..
ابراهيم الشيخ ما انستر بعد سقوط النظام..
لو ذاكرة الناس ضعيفة الشارع ما نسي.
صورته مع البرهان مرتين.. الاولي في مكتبه والتانية في
الاعتصام.. تبرئته للجنجويد من فض الاعتصام واتهامه
لهيئة العمليات ووصفوا حتي لكيف عرباتهم كانت بتتحرك
لفض الاعتصام!!. قبل لجنة اديب زاااتو..


موقفه من ثوار البراري ووصفه ليهم بالهمجية في حادثة
تانكر الجاز الشهيرة بتاعة ابنه..

Quote: و ذاكرة الناس ضعيفة الشارع ما نسي. صورته مع البرهان مرتين.. الاولي في مكتبه والتانية في الاعتصام

سلام عليكم عمنا الحبيب على وضيوفو
غايتو بس حامسك موضوع الصوره مع البرهان فى ارض الاعتصام .دى كانت واحده من المشاهد الخلتى احس بمستقبل مظلم للثوره
لو الناس بتذكر كلام (عمر زين العابدين) فى المؤتمر الصحفى الظهرت فيهو نوايا اللجنه الامنيه واللى الان حصل منها جزء كبير عن الاتصال بمكونات المجتمع والقوى الاخرى فى تلميح لما حصل الان من تفتيت لوحده حاضنه الثوره وخلق كيانات موازيه تنتظر الضوء الاخضر بعد الاجهاز على ( ق ح ت)
من ضمن ماذكر انو نحنا صل الشباب ونقعد معاهم فى ارض الاعتصام ونتحاور معاهم دا من ضمن كلام عمر زين العابدين اللى بعدها الناس اخدو موقف لغايه ماتم ازتحتو لكن بنظره كل ماذكره انو هم بصددو حصل واول مشهد كان ظهور فى ارض الاعتصام واستقبال ابراهيم الشيخ ليهو كان اول خطوه فى الوقوع فى فخ العسكر واعتقد انو لو ترك المجال للشباب وموقف حاد تجاه العسكر وتعليه سقف المطالب والتطلعات قبل الجلوس الفعلى . اعتقد كان الوضع ممكن يكون مختلف عن الان باى حيكون افضل من الشى الحاصل الان وتغول العسكر على السلطه بشكل مفضوح

الحبيب عاصم .. شكرا جزيلا
دائما كلامك في الصميم
يبدو أن العسكر سيطروا على الوضع وبدعم من الحركات
الجبهة الثورية + الدعم السريع ..
والجيش اتجه نحو مصر مناورات وتنسيق كاحتياط
مسلحي الحركة في العاصمة
تحياتي الحبيب عاصم

حبيبنا معتصم .. تحياتي ..
أنا عندي قناعة شخصية أن التجار لا يصلحون للعمل السياسي
كزعيم أو قائد حزب .. ممكن وزير معليش
لأن تعامل التاجر دائما مصلحي للمحافظة على موجوداته وغيرها
ويتعامل مع الآخر بسياسة النفع
أما الآخر فلا يملك شيء يخاف عليه وتكون مواقفه واضحة وظاهرة

تحياتي الحبيب معتصم .. شكرا للحضور

كلامك صح يا ودالبشري..
ودا اكبر الم############يــــــــــن.



عاين الله عاين ليه قاعد كيف في حفل التخريج..


الفلول قاعدييييييين يا ودالبشري ما محتاجين يغبروا كرعينهم
في (الساحة الخضراء) بدون البشير ههههههه.

Quote: إبراهيم الشيخ رجل وطني ومخلص ولا يستحق هذه المعاملة من جماهير الثورة، إن صح أنها فعلا جماهير الثورة وليس مندسين وأصحاب أجندة أو خضعوا للتضليل

دي ما جماهير الثورة ولا حاجة

Quote: يبدو لي أن بعض الكفاح المسلح لهم راي تجاه الحرية والتغيير الجبهة الثورية أقرب للعسكر وحميدتي اكثر من الثوار

بالضبط دا الحاصل،
يتخيل لي انه جاري الآن اعداد بديل لحاضنة الثورة المدنية (قوى الحرية والتغيير) واستبدالها بالحركات المسلحة
فالعسكر والجنجويد شغالين في بعثرة مكونات الثورة المدنية وإقامة نظام شبيه بالإنقاذ ولا يخفي على أحد شوقهم وتعطشهم للحكم والكلام دا بدأ من محاولة الانقلاب على الثورة في يوم المجزرة
بهدوء سوف يتم إزاحة الحرية والتغيير واستبدالها بالحركات المسلحة بعد أن باءت كل المحاولات السابقة بالفشل
تقريباً السيناريو دا قطع شوط كبير
ف قحت بقت منبوذة ومكروهة لدى قطاع كبير من الشعب
تجمع المهنيين برضو رقد شقق وأرباع
وانسحاب حزب الأمة والشيوعي
ماذا تبقى من قوى الثورة المدنية ؟؟؟
لو لاحظت الهجوم المنظم على قحت بدأ يتكثف بصورة كبيرة جداً بعد الأزمات الحاصلة في الوقود والخبز والغلاء الطاحن في كل شيء
شخصياً لا أفهم الندرة في الوقود بعد رفع الدعم وارتفاع الأسعار بهذه الصورة إلا اذا كان بفعل فاعل

يا ود ادريس حملك على حمدوك صار اشبه بالغبن الشخصي! ماكلين غزال فطيسة ولا شنو يا قول المرحوم كانتونا
المهم ستبين لك الايام مدى ظلمك له, الراجل سايق بحذر وسط حقل الغام و سيعبر بسلام إن شاء الله

حبيبنا البشرى .. تحياتي ..
حبيبنا حمدوك اتضح انه سياسي بارع .. ( فن الممكن )
توقيع تلك الوثيقة مع الحلو بخصوص العلمانية كان الوضع يتطلب ذلك
اسكات الفتنة في قمة حماسها ثم بعد ذلك التفكير والتكتيك .. حمدوك لديه قدرة
فائقة على اطفاء الحرائق .. وترك الأمر للتداول
أنا بدأت أفهم سياسة حمدوك .. لأن التصعيد اللحظي وتسجيل المواقف النضالية
لا يخدم الوطن بل يفجر الوضع ويطور الخصام الى الحرب

تحياتي الحبيب البشرى .. شكرا يا الحبيب حضورك جميل ..

الحبيب بدرالدين .. تحياتي ..
نعم صدقت .. وقد لاحظت ان الجبهة الثورية (الكفاح المسلح ) ليست لديهم
ميل نحو المدنية أو أي تحرك مدني يبدو لي انهم أهل سلاح وقوة
ووجدوا ان حميدتي من نفس الحاضنة ولديه قوة معتبرة ومدعوم من المحاور العربية
وكان الحشد في الساحة الخضراء .. استفتاء واتضح ان لديهم ايضاً قوى مدنية كافية

ما يحدث الآن هو أن الجيش في موقف حرج جداً .. وبدأ انتشار السلاح والمليشات في العاصمة
الآن فهمت لماذا المناورة مع مصر .. وفي مطار مروي

تحياتي الحبيب بدرالدين

Quote: قالت مصادر في الخرطوم ان جملة المبالغ التي صرفت من قبل قيادة الجنجويد في هذااليوم كانت خمسة مليارات جنيه وسوداني وكانت مكونات الحضور والمشاركة حسب تصنيف مركز أيضاح لقياس الراي بالسودان 35بالمائة عسكر الجنجويد بالزي المدني 31بالمائة من هذا الحشد هم سكان الاطراف بالعاصمة الذين تم توفير وجبات طعام ومياه لهم 17بالمائة هم مناصرين الحركات الكفاح المسلح 11بالمائة عناصر كيانات سياسية فاعلة بالخرطوم 1بالمائة عناصر لاجهزة أمنية وخاصة جهاز الامن والمخابرات 1 بالمائة عناصر الحركات المسلحة بقصد الحراسة والحماية والتامين للقيادات 3 بالمائة سكان العاصمة بقصد الفضول * ولقد رصد هذا المركز المتخصص نشاط سماسرة الحشود الذين عملوا مع العهد البائد

قال عبدالعزيز بركة ساكن تقدس سره في روايته الرائعة مسيح دارفور
لا يدخل الجنجويد ملكوت الله
وانا اعزي ذلك الي انه الة قتل امارتية مصرية سعودية امريكية فقط زيو زي الطائرة ف16 والاباتشي والكروز والجيم ثري
الة قتل امريكية فقط
واتفرج في السيرك والتمثليات دي
والان ظهرت مقبرة جماعية في ام درمان كشفت عورتهم كلهم في في قحت والمكون العسكري
وجو بادين في الطريق
عشان تتحرر
من قصة الحدوتة دي ثورة من الاساس
الثورة لم تبدا اطلاقا طال ما انت تعيش بلا كرامة في كل مكان وبلدك غني الموارد ويحكم بهؤلاء الاقزام
الخرطوم عاصمة المقابر الجماعية لا تصلح عاصمة للسودان الحضاري الحقيقي

Quote: الهتيفة ديل زواحف وأنصار الثورة المضادة . حبيبنا علاء تحياتي اذا الزواحف بهذه القوة يبقى الموضوع كارثة لكن الدعم السريع له موقف واضح من قحت حميدتي قالها بكل وضوح من قبل هم من انصار حميدتي تقريبا .. الكل بدأ يهرب من قحت تحياتي الحبيب علاء

تحياتى على امبس مرة اخرى
كلامك صحيح هم من انصار حميتى ..
وأنا ذكرت فى المشاركة السابقة ( وأيضاً انصار الثورة المضادة )
وانصار الثورة المضادة يشمل انصار حميتى وغيرهم من الذين لا يريدون استمرار المدنيين فى الحكم
ولا ننسى كلو كلو الكيزان هؤلاء لا يريدون اى استمرارية للفترة الانتقالية .
نعم هناك الكثيرون الذين لا يريدون هذه الحكومة حتى من ضمن الثوار ولكننى استبعد ان يكونوا من
ضمن من هتفوا ضد الشيخ بالامس .

حبيبنا عادل تحياتي .. شكرا لحضورك الرائع
دائما توثق بالارقام يا جميل
حشد كان ضخم جداً رغم الكورونا
حميدتي اصبح دولة لوحده اقتصاد وجيش ومالية

شكرا الحبيب عادل على المعلومات

Quote: وأنا ذكرت فى المشاركة السابقة ( وأيضاً انصار الثورة المضادة ) وانصار الثورة المضادة يشمل انصار حميتى وغيرهم من الذين لا يريدون استمرار المدنيين فى الحكم ولا ننسى كلو كلو الكيزان هؤلاء لا يريدون اى استمرارية للفترة الانتقالية . نعم هناك الكثيرون الذين لا يريدون هذه الحكومة حتى من ضمن الثوار ولكننى استبعد ان يكونوا من ضمن من هتفوا ضد الشيخ بالامس .

علاء امبس .. تحياتي
الحبيب علاء يبدو أن ابناءنا وبناتنا حراس الثورة السياسيين ادخلوهم في تيه
في كل ثوراتنا يثور الكادحين والعامة من الناس وبعد اجتثاث الديكتاتور يأتي الانتهازيين
من كل فج عميق من الداخل والخارج كل يحمل شعارات براقة .. من فنادق خمسة نجوم في الخارج
الى خمسة نجوم في الخرطوم .. ويذهب عامة الناس الكادحين الى منازلهم .. بعد تقديم الارواح وسكب الدماء
في انتظار نتيجة تضحياتهم وتكون الحاصلة ( زيرو) كما ظهر بجلاء في اكتوبر ونوعا ما في ابريل

تحياتي علاء امبس ..
اللهم هون على الوطن

Quote: الجماهير التي استقبلت قادة السلام

قادة سلام ، جملة مضحكة ، دييل تجار حرب انتهازيين مرتزقة ، لا ليهم قوة عسكرية ولا قاعدة جماهيرية
عن اي سلام يتحدثون ، واكبر قوتين الحلو وعبد الواحد ما في الصورة ، ده استهبال، العساكر عايزين يضحكوا
على الشعب السوداني ويقولوا حققنا سلام ماشين ورا اجندة إماراتية قذرة، دي اسوأ إتفاقية في تاريخ السودان ،
إتفاقية فرق تسد، وربنا يوفق الاخ حمدوك بانو يجتاز هذه الاسلاك الشائكة القذرة

Quote: دي مسرحية يا عمك

وبالظبط كده والمستفيد من المسرحية اكيد هو المخرج والمنتج والممول

حبيبنا حاتم .. تحياتي ..

الظاهر أن حميدتي والدعم السريع ..
حميدتي هو سيد الموقف لأنه الممول الأوحد

تحياتي الحبيب حاتم

حبينا علي عبدالوهاب مساء الخير ومشكور يا سيدي

اهلا بيك اخ ابوعلوة والمتداخلين
واضح انكم ناقشتم لا اقول القشور فهذا لا يصح
ولكنكم لم تناقشوا عمق المشكلة وكلمات الغضب التي خرجت من الجماهير غير المرحبة بابراهيم الشيخ
وهي تردد:

Quote: الجماهير التي استقبلت قادة السلام في ساحة الحرية قد هتفت ضد ممثل قوى الحرية والتغيير ابراهيم الشيخ ورفضت الصمت للاستماع لكلمته، وهتف عدد كبير من الجماهير ضد الحرية والتغيير “جوعتونا ، ضيعتونا” و” ما دايرنك اطلع بره”

وشدد على الهتافات التي تقول:


وهتف عدد كبير من الجماهير ضد الحرية والتغيير “جوعتونا ، ضيعتونا” و” ما دايرنك اطلع بره”
اذن من الهتافات نفهم أن المستهدف ليس ابراهيم وحده بل المستهدف هي الحرية والتغيير
وانتو يا ابوعلوة برة السودان
اليوم البنزين بالسعر التجاري غير متوفر
ووالله ذهبت لعزاء في سنار اشتيريت من الخرطوم من السوق الاسود
وفي سنار وفي محطة البنزين التجاري إلا بواسطة احد الرسميين في لباس عسكري
والناس ما لاقيا رغيف
ولو عايز الرغيف عليك بالصحيان قبل الفجر للتسجيل واستلامه بعد صلاة الفجر
النساء اصبحن يخرجن في الثلث الثاني من الليل للذهاب للافران وقد شاهدت ذلك بام عيني في قريتي ايوا قريتي
خرجت فجرا ووجدت نساء كثر في الشارع وظننت ان بالامر شئ وعندما سالت قالو لي ديل جايات من الفرن وما وجدوا خبز مدعوم
واسا برضو غاز مافي
والمدارس يوم الاحد لا اعلم كيف يصل الاولاد إلى مدارسهم خاصة في المدن
وكيف يحصلون على الفطور؟
لم اتكلم عن الاسعار التي تضاعفت حتى وصلت عشرة اضعاف سعرها قبل عام
طيب هل غريب لشعب كهذا ان يهتف ضد ابراهيم ووالحرية والتغيير؟
قائلين:

“جوعتونا ، ضيعتونا” و” ما دايرنك اطلع بره”
بالله امة اصبح غاية امرها ان تحصل على الخبز والوقود للمحركات والغاز ودابة تنقلهم في حركاتهم؟
أمة كهذه هل تريد منها ان تحقق نجاحات وتنافس غيرها من الامم؟

Quote: قادة سلام ، جملة مضحكة ، دييل تجار حرب انتهازيين مرتزقة ، لا ليهم قوة عسكرية ولا قاعدة جماهيرية عن اي سلام يتحدثون ، واكبر قوتين الحلو وعبد الواحد ما في الصورة ، ده استهبال، العساكر عايزين يضحكوا على الشعب السوداني ويقولوا حققنا سلام ماشين ورا اجندة إماراتية قذرة، دي اسوأ إتفاقية في تاريخ السودان ، إتفاقية فرق تسد، وربنا يوفق الاخ حمدوك بانو يجتاز هذه الاسلاك الشائكة القذرة

فنانا الجميل .. ترهاقا اننقا .. مسكاقمي ..
حمدوك لديه من الصبر ما يكفي كما ذكرت في مداخلة
أنا فهمت اسلوب حمدوك في المعاملة هو الاحتواء يقبل بشروط الآخر
ليستوعبه أو ليبعده عن السلاح والتطرف والضجيج ثم التفاهم والتهدئة
بدأت افهم اسلوب حمدوك حتى عندما وقع العلمانية مع الحلو وتواصل مع عبدالواحد
وقام بزيارة الى كاودة .. هو يستخدم سياسة النفس الطويل .. لاحظت أن المهم عنده التهدئة أولاً
ثم التفاهم ..

تحياتي الحبيب ترهاقا .. ما شاهدناه في الساحة الخضراء كان حشد حماسي فقط بدون أي برنامج
لاحظ في خطاب مناوي تعويض 2 مليون لاجيء فوراً والخزينة خاوية وعاجزة عن طباعة كتب المقرر المدرسي

فقط استعراض ..

تحياتي الحبيب ترهاقا .. شكرا على الحضور

Quote: وهتف عدد كبير من الجماهير ضد الحرية والتغيير “جوعتونا ، ضيعتونا” و” ما دايرنك اطلع بره” اذن من الهتافات نفهم أن المستهدف ليس ابراهيم وحده بل المستهدف هي الحرية والتغيير وانتو يا ابوعلوة برة السودان اليوم البنزين بالسعر التجاري غير متوفر ووالله ذهبت لعزاء في سنار اشتيريت من الخرطوم من السوق الاسود وفي سنار وفي محطة البنزين التجاري إلا بواسطة احد الرسميين في لباس عسكري والناس ما لاقيا رغيف ولو عايز الرغيف عليك بالصحيان قبل الفجر للتسجيل واستلامه بعد صلاة الفجر النساء اصبحن يخرجن في الثلث الثاني من الليل للذهاب للافران وقد شاهدت ذلك بام عيني في قريتي ايوا قريتي خرجت فجرا ووجدت نساء كثر في الشارع وظننت ان بالامر شئ وعندما سالت قالو لي ديل جايات من الفرن وما وجدوا خبز مدعوم واسا برضو غاز مافي والمدارس يوم الاحد لا اعلم كيف يصل الاولاد إلى مدارسهم خاصة في المدن وكيف يحصلون على الفطور؟ لم اتكلم عن الاسعار التي تضاعفت حتى وصلت عشرة اضعاف سعرها قبل عام طيب هل غريب لشعب كهذا ان يهتف ضد ابراهيم ووالحرية والتغيير؟ قائلين: “جوعتونا ، ضيعتونا” و” ما دايرنك اطلع بره” بالله امة اصبح غاية امرها ان تحصل على الخبز والوقود للمحركات والغاز ودابة تنقلهم في حركاتهم؟ أمة كهذه هل تريد منها ان تحقق نجاحات وتنافس غيرها من الامم؟

حبيبنا الكنزي .. شكرا لهذا الحضور
ونحن نستمع اليك بكل احساسنا لأنكم من تطأون الجمر
أنا شخصياً اتابع بكل دقة لأحبابنا من الداخل
الصورة التي رسمتها هنا قاتمة جداً وفيها من المعاناة الكثير
نعم حتى اكثر المؤديين للحرية والتغيير مثال الشيوعيين انسحبوا
لأن مقياس الحكومة وشعبيتها تقاس بمدى توفر المواد الحيوية في الاسواق
الى اين نحن ذاهبون

نقدر مدى معاناتكم اليومية ..

تحياتي الحبيب الكنزي ..

حبينبا عاطف عمر من الفيسبوك

Quote: tif Omer Mohamed Ali إن صح أنها فعلا جماهير الثورة وليس مندسين وأصحاب أجندة أو خضعوا للتضليل ____ وووين جهاز ال (ضميرو ميتر)؟ ما يكون قُبر مع محمودكم؟ ههههههههههههههههههههههههه أعجبني · رد · يوم واحد Atif Omer Mohamed Ali يبدو أنهم غاضبين من بعض مكونات الحرية والتغيير فكان حبيبنا ابراهيم الشيخ ضحية هذاالغضب ____ حمدوك عرفا! فآثر الفرار من (السوار)!! هههههههههه

حبيبنا سيف جبار ( فيسبوك)

لو مسحت المداخلة تكون أفضل
لم استطيع أن انقلها الى هنا

بالغت يا الحبيب الاسلوب قاسي
كل السودان أرض السود .. يا ريت تجي الخليج عشان تصدق

ود البشري انت عاوز تتونس سااااي..

Quote: حميديتي بدفع دفع الجن للمستشارين و شركات العلاقات العامة عشان اللحظة دي, وسعى بايديه ورجليه ليخلق حاضنة شعبية بديلة للحرية و التغيير وحاول بعد فض الاعتصام مع الادارات الاهلية و مجموعة معــــرصين حول حميدتي و اللايفاتية و غيرهم لقاءاته التلفزيونية و الجماهيرية كلها نقد في الحرية و التغيير و الجماعة ديل جينا نساعدهم و سمعونا كلام وشنو وشنو ومحاولته بناء تحالفات مع حركة مناوي خاصة قبل المفاوضات كل سعيه دا بايديه ورجليه و محاولته الاحتماء بالجهوية تارة و العسكر تارة ليعوض ما يفتقده من سند شعبي او اي شكل من اشكال الشرعية فهو قيمته فقط في مليشياته و في الدعم الذي يلقاه من الخارج مقابل خدماته, ودا كلو مؤقت او مرتبط بظروف ممكن تتغير في اي لحظة وعادي يلتفت فلا يجد حوله سوى اشقاؤه و ابناؤهم و انفض الجميع من حوله

دا كلامك.. جبت ليك منو اللي (مكّن) و اوجد شرعية لفريق
الخلاء الامي ببلاااااش ومعاها انبطاحه وركبوا في رأسنا
وسلمه ملف السلام والاقتصاد والامن وفي كل خطاباته بطالبنا
(نسمع) للمنقذ حميدتي تجي انت مرة تصف بالتخوين وتارة
بالكذب واتحديتك تجيب كذبي واخيرا بالموقف الشخصي!!
كورتك فكت يااااخ.
دا الضل ودا الفيل.. وداك كوم الرملة. ادفنوا..
اجيب ليك فيديو (الفلول) بتاع كضابة يا مريم هههههههههه
ولة حق الامام ربنا يواليه بعافيه في لقاءه الجماهيري؟
الفلول شماعة العاجز واولهم قزم الثورة حمدوك.

اول حاجة يا معتصم اعتذر عن تخوينك ووصفك بالكذب وارجو صادقا ان تقبله
قصة الشخصنة مع حمدوك مجازية بالطبع لكثرة تحاملك عليه بالحق و الباطل
زي قصة تحميله وزر ما يحدث من فشل و مثالب الوثيقة وغيرها من تمدد للعسكر
ودا كله حصل وتاسس قبل وصوله حتى, هو جا ووجد الوضع كما هو حاضنة متشاكسة و عسكر يعملون بأيديهم وكرعينهم لافشال الانتقال سايرهم في بعض الامور لكن وجه لطموحاتهم ضربات قاضية و حاسمة في الوقت المناسب
زي تفاهمه مع الحلو و زي البعثة الدولية و حتى اتفاقية السلام له اسهام كبير فيها و ان كان لم يجد التركيز الاعلامي, كدي انت قول خير و اصبر شوية و انتظر المحصلة.

الأحباب معاوية والبشرى ,, تحياتي ومودتي
شكراً لكما على النقاش الهاديء .. هي الاخوانية
احيانا قليل من الشطح في النقاش ثم استدراك الأمر
حمدوك موضوع جدل دائم وصمته يزيد من التأويلات مع وضد
وطبعا نحن ناس كلام كثير وواسع الصمت نادر في السياسة السودانية

تحياتي الاحباب ..

يا ودالبشري سلامات..
من اصلك يا حبيب وتقدير كبير ليك مع معزّة..
كلنا في الهم شرق..

Quote: اول حاجة يا معتصم اعتذر عن تخوينك ووصفك بالكذب وارجو صادقا ان تقبله قصة الشخصنة مع حمدوك مجازية بالطبع لكثرة تحاملك عليه بالحق و الباطل

وحمدوك دا والله بالباطل ابدااااا ما اتحاملت
عليه..

الحبيب معتصم .. تحياتي
شكرا معتصم والبشرى الاحباب الكرام على الروح الطيبة
حمدوك احتاروا فيه الناس من مؤيد بلاحدود ومنتقد بلاحدود
القليل في الوسط ..

تحياتي الحبيب معتصم وحضورك الجميل