مقترح مشروع إستثماري .. تشاركي!

07:39 AM November, 14 2020

سودانيز اون لاين
Biraima M Adam-أمريكا الشمالية
مكتبتى
رابط مختصر

انا صاحب المشروع .. وليس لدي أي تفاصيل أقدمها لك لكي أقنعك .. وليس لدي ضمانه أن يكون المشروع ناجح ويأتيك منه ريع كبير.

المشروع:
مشروع إستثماري ب 50$ .. خمسون دولار فقط! أو حسب أستطاعتك وحتى 500 ألف دولار.

ما أضمنه لك الأتي:
1. أن أتصرف في المبلغ كأنه ملكي .. بكامل الحرض والمسؤولية.
2. أجزم لك .. لن أخون زبون في سنت من ماله.
3. أجزم لك أن أتحين أي فرصة أن تزداد أرباحك.
4. يصلك أيميل منى كل أسبوعين .. يحدد لك سير المشروع والأرباح.
5. لا تصلك منى أي مقترحات ..أو ما أنوي القيام به .. محلك سر.
6. لا أقبل أتصال تلفوني أو مراجعات ..
7. يمكنك سحب راس مالك في أي وقت تريد، ما لم يكن هناك أجل .. زائد أرباحك.

8. نصيب أرباحي من المشروع هو نصف الأرباح + 1$ واحد رسوم العمولة .. ولك نصف الأرباح - ناقص دولار واحد ... لو ربح المشروع .. 10 دولار، بكون رأس مالك 54$
9. أنت تتحمل الخسارة لوحدك + 1$ واحد رسوم .. إذا خسر المشروع 5 دولار يكون رأس مالك 44$ (وأنا لا أعلو جهداً في أن أمنع خسارة أي سنت).
10. لا أقبل أي مال حرام ما لم يأت بالقنوات الرسمية .. منعاً للفساد.
11. لا أقبل من أي شخص مشبوه تحوم حوله شبهة فساد مالي.

10. يمكنك أن تشارك ب 50$ - وحتى 500000$ (500 ألف دولار).

القصد من المشروع: أن نفتح حساب للسودانيون من خارج أمريكا .. ومن في السودان .. لكي يستثمروا في السوق الأمريكي ..

طرق أرسال القروش ..
1. بالوسترن يونيون Western Union
2. أي وسيلة أخري مثل التحويل عن طريق البنوك ..

نمرة الحساب البنكي لإيداع المبلغ عند الطلب .. عن طريق الأيميل [email protected]

سؤال: محرم: (لا أقبل أي سؤال ماذا تريد أن تعمل بالقروش .. مع الألتزام الصارم بالبنود المرفقة أعلاها).

فترة أنجاز المشروع 2 -5 سنوات ..

وهنا قسم الأمانة والشرف: والله العظيم لو الواحد فيكم أرسل 500 ألف .. وصار مليونير في أقل من سنة .. فليكن له كل حقوقه وليس لي منها إلا حددته في العقد السابق.


والله من وراء القصد يهدي السبيل ..

الكلام لو عجبكم .. أرسلوا أيميلي .. وإذا عجبكم أرموه البحر .. ولا ضرر ولا ضرار.
صاحب المشروع ..
Biraima M Adam
إيميل
[email protected]

لا أقبل أي مسألة رهان .. أمشي شوف لقروشك محلة أخري غيري (وهذا ليس إخلال بمبدأ الرهان في الأسلام .. لكن هذا شرط ضمن شوط العقد).

Biraima M Adam



سلاااااااااام أخوي بريما ،
معاااااااااااااااااااااااااك ،
ح أتصل ع Deng
يخش معااااااااااانا ،
،،،،








عزالدين عباس الفحل
ابوظبي

عليك النبي ادينا كفين تلاتة معاك!
ذالي المستثمرين المحتملين كدا ليه؟

العبار بريمة بلل.

خلاس أفلست قلت أحسن تعمل لك سوق مواسير؟

يا جماعة هووي

أنا بنصحكم

العاوز يضيع ماله ووقته يدخل في شراكة مع العبار بريمة.

العبار بريمة على خطى المحتال الكبير في أمريكا (Bernard L. Madoff) والريان أخوان في مصر.

ابينا ....
الفلس ولا الرفيق الفسل
من جرب المجرب حاقت به الندامة
هسة ده موقع للحوار لا استثمار ادفع لي بكوري حق الاعلان ده
https://top4top.io/

هسة فرقك من حمدوك شنو

لو مثلا قلت في شركة طيران أو سفن نقل
مثلا مثلا على نية اعلان فلسها
وبيع اصولها وكنت انت أحد
العاملين فيها ولك من القوة في
المؤسسة ما يعطيك الحق في
التصرف في الأصول ولخبرتك
الأكيدة انك قادر على تحويل ربحها
لخسارة وقتها كان الراغبين
تدفقوا لانه على الأقل هناك شئ
مقنع ربما تكون وراءه فائدة يا باشمهندس
ولكن بما انا الموضوع فقط دفع أسهم
من دون معرفة اين وكيف وفيما
يتم استثمارها فالعمرك نادرا ما
تجد من يجازف في مثل هذه
المشاريع حتى لو كان عنده مال
مجنب للاستثمار المستقبلي.
عليه كرب الموضوع وسيأتي الراغبون
فرداى وجماعات وعلى رأسهم
Osman musa.
ونحن معه

Quote: سلاااااااااام أخوي بريما ، معاااااااااااااااااااااااااك ، ح أتصل ع Deng يخش معااااااااااانا ،

سلام فارس دار جعل،
جاهزين يا ول أبا الفحل

وعلي بركة المولي ..

بريمة

Quote: عليك النبي ادينا كفين تلاتة معاك! ذالي المستثمرين المحتملين كدا ليه؟

ود البشري،
ههههاي! .. تسلم يا أخي من الكفوف ..

أها بعدين لما يأتي جني الثمار .. لا تعض أصابع الندم ..

بريمة

العبار دينق،

Quote: العبار بريمة بلل. خلاس أفلست قلت أحسن تعمل لك سوق مواسير؟ يا جماعة هووي أنا بنصحكم العاوز يضيع ماله ووقته يدخل في شراكة مع العبار بريمة.

شايفين .. العبار دينق إقتنع .. وعايز يشتتكم من السوق ..!

أنت وين الأن .. لو في فرجينيا .. بشيل اللابتوب .. وبجيك في البيت.
حلفت أنت ح تكون أول من يأتي جاكي للمشروع ..

المشروع قائم .. وعايز تراكم لرؤوس الأموال .. كل ما في الأمر ..

بريمة

Quote: العبار بريمة على خطى المحتال الكبير في أمريكا (Bernard L. Madoff) والريان أخوان في مصر.

ميدوف حرامي، جمع قروش الناس وتلاعب فيها ..
أقرأ .. هل ميدوف يقول ليك تأخذ نصف أرباح رأس مالك ..؟

بالمناسبة المشروع قائم .. ورهيب .. عايز فقط رأس مال كبير ..
وأي زول يدخل بمبلغ محترم .. سوف يعيش علي ظهر العبار بريمة ..
وأنا ح أكتب لأي شخص ال Will .. الوصية الأمريكية وتكون موثقة ومن قبل محامي ..
لا قدر الله لو حصل القدر، والعبار صار في أمر الله .. ما علي الشخص إلا أن يطالب البنك من خلال شخصه أو ووكيله.
وأنت عارف ال Will دا حق ورثة شرعي لا ينتقد بعد الوفاة.

بريمة

Quote: ابينا ....

يا الحوثي الأرهابي .. أنت قايل أمريكا ما فيها حكومة ؟!!
أنت أول زول مشبوه .. وح نبحث مصدر مالك من مصدره.
أنت قايل الموضوع حامل ساكت ..؟

أحسن ليك يا الحوثي، يا أخي دي فرصة العمر، و مساعدة ليك أن تستثمر في أعظم أقتصاد في العالم ..
لو أبيت .. نقول ليك .. بي بوجك*

-----------------------------
بوجك: كلمة بقارية تعني علي وجهك .. يعنى أمشي علي أتجاه وجهك ..
وكلمة "بوجك" .. من الكلمات المربكة لدي البقارة في الوصف ..
القصد منها أنك علي الطريق الصحيح .. وواصل حسب وجهتك .. أي جهة وجهك.

بريمة

أشكر ربنا لأنني خارج فرجينيا، ولن أتعرض الى مثل هذا النوع من الإحتيال.

لكن لو بتقدر أتصل بي كوستاوي

علشان ح يبلغ عليك الجماعة بتاعين التلاتة حروف.

ول أبا أحمد عمر
سلام ..

Quote: لو مثلا قلت في شركة طيران أو سفن نقل مثلا مثلا على نية اعلان فلسها وبيع اصولها وكنت انت أحد العاملين فيها ولك من القوة في المؤسسة ما يعطيك الحق في التصرف في الأصول ولخبرتك الأكيدة انك قادر على تحويل ربحها لخسارة وقتها كان الراغبين تدفقوا لانه على الأقل هناك شئ مقنع ربما تكون وراءه فائدة يا باشمهندس ولكن بما انا الموضوع فقط دفع أسهم من دون معرفة اين وكيف وفيما يتم استثمارها فالعمرك نادرا ما تجد من يجازف في مثل هذه المشاريع حتى لو كان عنده مال مجنب للاستثمار المستقبلي. عليه كرب الموضوع وسيأتي الراغبون فرداى وجماعات وعلى رأسهم Osman musa. ونحن معه

كل المشاريع التى فشلت بعدم وجود الشفافية اللازمة .. والضمانات الكفيلة برد الحقوق.
ح اوفر ليكم كل الحسابات البنكية .. في كل المعاملات التجارية .. وكل زول يمكنه إجراء ال accounting
والذين يصدقون .. ويكتفون ب الحسابات من جانبي .. ح أديهم معلومات أقل .. وأنا أتحمل المسؤولية عنهم أمام الله والناس.

لكن ما تتوقعوا من العبار بريمة .. يقعد ينظر ليكم هنا في الهواء الطلق ..
ممكن في المستقبل بعد ما تظهر ليكم الجدوي ..وتشوفوا حجم التعامل اليومي بعد داك نفكروا جماعياً .. وأنا لا أحبذ الجماعية .. فيها تراخي .. وعدم مسؤولية ..
خلوني أنا نقرط ليكم الموضوع مع الأمريكان .. يا مرقتكم بغادي حازمنها .. يا غرقت بيكم وأنتم علي يقين ما حصل قدر مقدور.

بريمة

Quote: أشكر ربنا لأنني خارج فرجينيا، ولن أتعرض الى مثل هذا النوع من الإحتيال. لكن لو بتقدر أتصل بي كوستاوي علشان ح يبلغ عليك الجماعة بتاعين التلاتة حروف.

ههههاي! .. أول مرة دينق يخاف .. ما قلت عامل فيها جدع !
بريمة محمد أدم، ولله العظيم .. لو لقيت زول في كل الدنيا .. يقول ليك عايز من بريمة سنت واحد .. تعال قول بريمة محتال بالفم المليان.
لكن ساكت بدون سبب تجئ تطلعنى محتال ..؟!

السبب الأساسي من المشروع .. مساعدة بعضنا بعد ما رفع إسم السودان من القائمة ..
الأقتصاد السوداني في حالة أنهيار .. يضيع جهد الناس .. ولا يسد لهم رمق ..
ثانياً البنوك لا تعطيك أرباح .. تأخذ أموالك وتصير حق من حقوقها ..
مع العبار بريمة .. بإذن الله ح تضوق طعم جهدك ..

بريمة

Quote: لكن لو بتقدر أتصل بي كوستاوي

قرقرقر .. كما يقول عابد آمون راع ..
العبار صبأ ..
أنت عارف يا دينق أنا عندي فيش في كم جهة حكومية ..؟
7 جهات حكومية .. بما فيها ناس ال 3 حروف ..
والله ثقة من نواحي أقتصادية من كل الجهات ال 7 .. لم يجدوا ولا بالخطأ أنني أخذت أموال ولم أردها ..
وأنا عايش إلا علي مصداقيتي .. وهذه جاءتكم الفرصة تمشي الهوينا .. عشان تستفيدوا أنتم منها ..

بريمة

لو أنت فعلا عندك فيش(SC) من الحكومة فنصيحتي لك أن تبتعد من مثل هذه الاعمال المشبوهة.

العبار دينق،

Quote: لو أنت فعلا عندك فيش(SC) من الحكومة فنصيحتي لك أن تبتعد من مثل هذه الاعمال المشبوهة.

لا يؤثر يا العبار دينق .. لأني ح أسلم قائمة بالأصول الأقتصادية والمالية التى أمتلكها .. لشركات التأمين حتى إذا حصل طارئ .. أفلس البنك مثلاً، تظل هناك جهات تأمينية تقوم بالتغطية .. وهذا يعنى أنني أدفع ضرائب أرباح .. وهذا هو المهم في الأمن الأقتصادي الأمريكي.

الأقتصاد الأمريكي سهل في هذا الجانب .. الأصعب أنك تحقق أختراق في السوق الأمريكي ..

والتجربة .. ماشة آل العال . الواقف لي في طريقي حجم التداول المالي ...

بريمة

بريمة مثلا لو الواحد ساهم بي 100 دولار (مسمار جحا)😊

و بعد داك الزول عايز يشوف استثماراته في امريكا اها

موضوع الزيارة و الدعوة كيف؟ ما انا مستثمر وكدا😉

خاصة بعد فوز بايدن اللي قال ح يسهّل المواضيع From day one

ول أبا ناصر،
سلامات ..

Quote: بريمة مثلا لو الواحد ساهم بي 100 دولار (مسمار جحا)😊 و بعد داك الزول عايز يشوف استثماراته في امريكا اها موضوع الزيارة و الدعوة كيف؟ ما انا مستثمر وكدا😉 خاصة بعد فوز بايدن اللي قال ح يسهّل المواضيع From day one

لم أبحث موضوع زيارة المستثمر .. لأني أنا ح أكون الواجهة .. أي أنا المستثمر .. لأن المشروع قائم ..
لكن سوف أبحث الشراكة الأقتصادية .. بمعنى هل يسمح الأقتصاد الأمريكي أن يكون ال stakeholders من غير الجنسية الأمريكية؟

من وجهة نظري المتواضعة .. لا أظن .. لأنك في حالة أنت مستشمر مباشر في الأقتصاد الأمركي .. يعنى أنت دافع ضرائب ..
ومتى ما دفعت ضرائب لك كل حقوق الأمريكي في التملك والتأمين الأجتماعي وغيرها ..و دي غير ممكنة لزول لا يحمل الجنسية الأمريكية.

لكن من يدري يا ول أبا .. سؤال جميل ..

-----------------------------------------------
بالله من يعرف إجابة لهذا السؤال لا يبخل علينا ..

بريمة

ي بريما اخوي
شروط الزيارة الي USA
معروفة في كل السفارات الأمريكية
لكن ال
stakeholders
عندو فرصة الزيارة .
إذا تستوفي الشروط تلكم.
مش لانو شريك اقتصادي .
لكن السؤال الملح .
ملكية الشركاء من الأصول الثابتة.
كييف ؟.
البزنس للاذكياء







عزالدين عباس الفحل
ابوظبي

ول أبا الفحل،

Quote: ملكية الشركاء من الأصول الثابتة. كييف ؟. البزنس للاذكياء

أنا لا أتوقع أصول ثابتة في هذه التجربة .. أنا ح أنفذ كل شيئ من كمبيوتراتي في المنزل ..
ولا أحتاج أن أقحم أي زبون في الأيجاز والأجهزة .. كل شيئ قايم به أنا ..

والأهم مبدأ الحلال والحرام .. والله ما يدخل علي أي زبون قرش يأتي من خمور أو تجارة ماريوانا وما شابه ..

لو عندك مقترح أو رأي يا ول أبا .. أرسله لي في الأيميل .. وبرد عليك

بريمة

تحياتي ود عمي ،

Quote: 9. أنت تتحمل الخسارة لوحدك + 1$ واحد رسوم

دي اسمها مضاربة بالاحوال وليست مشروع استثماري
ولا تقوم بها الا مؤسسات ذات ملاءة عالية كالبنوك
وحتي البنوك لاتحمل المضارب اي خسارة فوق رأسماله ولا حتى +1$.
ومع البند ادناه تصبح المضاربة مطلقة ..

Quote: سؤال: محرم: (لا أقبل أي سؤال ماذا تريد أن تعمل بالقروش)

والمواطن العادي يستحيل يدخل في عملية كهذه مالم تتوفر الضمانات..
المشروع الناجح في السودان هو مشروع مؤسسات عقارية، تقوم الشراكة بشراء الاراضي البيضاء وتعمرها (ابراج)
وتوزع ارباحها لاطول فترة مع بقاء الاصل كضمان.

ول أبا عمر التاج،

ألف شكر، لا أفهم اللغة الأقتصادية التى تتحدث بها .. الملاءة؟ .. مضاربة بالأحوال؟ .. المضاربة المطلقة ..؟

Quote: وحتي البنوك لاتحمل المضارب اي خسارة فوق رأسماله ولا حتى +1$

أنت شكلك تفترض أنا أتحدث عن شيئ وهمي وغير قائم .. أنا أتحدث عن تجربة أنا غاطس فيها جوه ..

الأصول الثابتة في السودان ليس لها جدوي .. بدليل أنا أمتلك عقار في السودان .. كل ما حصل تخضم في قيمة راس المال دون أي أرباح تذكر ..
الربح الصافي لأي إستثمار في السودان .. net profit يساوي صفر كبير .. إلا تكون حرامي وتلعب علي الضرائب والحق العام ..

أنا كفرت بالتجربة السودانية .. نقطة وسطر جديد.

بريمة

ول أبا عمر التاج،

يا أخي، قريت مبحث كامل عن المضاربة في الأسلام .. وقريت رأي الفقهاء والأدلة الوارده في جوازها .. وأنواعها .. ولم أجد محرم فيها .. سواء مطلقة أو مقيدة.

أفندني .. لو لديك غير ذلك.

بريمة

رايك شنو تمشي لي بومبيو تقول ليه جقود قال ليك رجع قروش الشعب السوداني وانا بكتب ليك توكيل يا بريمة بعد يسقط ترامب ويبدا يوم الحساب
شالو 300 مليون بي تهمة سياسية مفضوحة استهجنا بايدين
واتبرع بي 80 مليون للفيضان
نحن اقتصاد البلطجة ما بنفع معانا
https://top4top.io/
بعدين حنشوف منو انا ولي انت بياخيذ جائزة نوبل في الاقتصاد
انت بتسهين باالحوثيين واليمن وجقود
وما بتعرف اقتصاد اعادة لاعمار ما بعد الحرب حيكون ضخم كيف
ونحن جاينيز وامريكا دي عودنا فيها عود مرة
عاش ابو هاشم

الحوثي، الأرهابي،

Quote: وما بتعرف اقتصاد اعادة لاعمار ما بعد الحرب حيكون ضخم كيف ونحن جاينيز وامريكا دي عودنا فيها عود مرة عاش ابو هاشم

أنا ما زول تنظير، لو عايز التنظير أمشي شوف مقترح مشروع الخبير أمبابي، أنزله الأخ Nasr ..

أنا زول أكشن .. فعل .. ونتائج .. بيان عيان .. وقدام أهل المنبر من جموع مثقفي الشعب السوداني إذا النتائج ما كانت مرضية .. في ظرف شهر، شرين 6 أشهر، سنة .. أرسل وأطلب حقك وأرباحك ..
وإذا العبار بريمة تلكأ وعنعن .. تعال المنبر وأكتب هنا .. وأفضح جد عرق العبار بريمة ..

لكن أنا لا أنظّر ولا عندي وقت .. وقتي المعاكم هنا 14 سنة .. لو ما عرفتم معدن العبار شنو؟ وما عندكم ثقة فيه .. يبقي يا أخوي لا تقربوا مني لا أقرب منكم .. مسألة التجارة ثقة في معدن الشخص قبل التعامل المالي.

لو ربنا أطال في العمر، برجع ليكم .. وح أكشف لكم عن نجاحات المشروع ..

والله الموفق .. والمستعان ..

بريمة

Quote: Atif Omer Mohamed Ali 9. أنت تتحمل الخسارة لوحدك ____ ما هذا يا بريمة؟ Atif Omer Mohamed Ali البوست دا يا بريمة ياهو مشروع حكومة حمدوك بي ضبانته!!

والله فكرة وجاتني .. وقلت نساعد الناس ..
إذا ما فيها مساعدة أعتبروه كلام خارم بارم والسلام يا ول ابا عاطف .. ودار ما دخلك شر.


أنا شخصياً حسمت أمري .. ووضعت رأس المال الذي أختبر به التجربة .. حالياً نسبة الأرباح 10% من رأس المال ..
أكبر البنوك الأمريكية وبأعلي أسعار فائدة لا تعطيك 0.25%.

بريمة

سلام بريمة سؤال اذا ده إستثمار في الأسهم هل تحتاج انت رخصة لانشاءhedgfund والمضاربة نيابة عن الآخرين وهل اديك اي خبرات أو عملت في هذا المجال في شركات المضاربة او اذا كانت خبرات شخصية ليك كم من الزمن في هذا المجال

الأخ منتصر،
ما قلنا ما في أسئلة تعسفية ..!!

بأختصار .. لا .. ليس مسألة Hedge Fund .. المسعي الذي أنا ذاهب إليه هو أقرب لل Mutual Fund وال Private Equity .. ودي مصطلحات في الأقتصاد الأمريكي الناس لا تعرفها خارج أمريكا ..


عشان كده أنا قلت العبرة بالنتائج .. وتمليك المعلومة للزبون أول بأول (وأقصد نائج العملية التجارية) .. حتى يقرر الأنسحاب من التجربة متي شعر الواحد أرجله أرتجفت من شيئ ما أو يواصل ..مثل العبار دينق .. رجف قبل ما يختبر الفكرة ..

حالياً .. التجربة كما قلت ناجحة .. وعائدها مجزئ ..
بريمة

Quote: لو أنت فعلا عندك فيش(SC) من الحكومة فنصيحتي لك أن تبتعد من مثل هذه الاعمال المشبوهة.

أنا مع دينق يا هندسة.. ما كفاية أنو ملفك المالى نضيف أو الأمنى..الخ. ولغاية ما تثبت إنك نضيف عيييك. والاخطر من دا إنو ملفك تضاف اليه ورقة أنهم حققوا معاك ووجدوك نضيف.. فهمتها؟!!
خذ العبرة من حديث أبو هريرة.. قال قال رسول الله صلى الله عليه وسلم.. وأنا هنا أقول فيما معنى الحديث لأن لا أحفظه.. قال يوم القيامة أى زول يطلع يقيف تحت الشمس
والشمس تكون قريبة من الأرض.. ثم يسأل عن أمواله.. لو أموالك مليون دولار وكلها أنفقتها فى سبيل الله.. لا زم تورى أديت منو ومنو ومنو.. ومتين.. لغاية ما تفقط المليون كلها
وإنت تحت الشمس.. ثم التفت الرسول الى أبى هريرة وقال له: وأنت يا أبا هريرة ماذا تقول لو سؤلت كم كنت تملك؟ فقال هرتى وعصاتى يا رسول الله ثم أدخل الظل!!

الباشمهندس أبو الريش
سلامات ..

أحسنت، كلام جميل .. دي ملفات سهلة ليه الناس تخاف من أجراءت وطن هى أختارته بنفسها؟ ..أمريكا ما فيها خوف لو أنت إنسان نظيف
وللعلم يا أبو الريش .. لو الأنسان يأنس في نفسه الكفاءة والنزاهة والنظافة وما متورط في حياة "الهلس" .. فوراً يذهب ويطلب أنه يريد يعمل فيش ..
يختار الوظيفة التى تؤهله لذلك .. عن تجربة حياة تقارب 22 سنة في العمل كمستشار .. وجدت حماية اشكر عليها كل الأجهزة الأمنية الأمريكية .. وحالياً أشعر بأطمئنان كبير في حياتي ..
لكن ما تسألني عن العنصرية في عهد ترامب .. وجعتنى وجع ..

ليه أنا اقترحت المشروع .. أو أتجهت هذا الأتجاه .. تجربة كورونا .. تجربة جديرة بالمراجعة علي المستوي الشخصي .. وأنا وجدت أنني بسبب عملي من المنزل ..
وجدت التعامل مع المدراء فيه صعوبة كبيرة .. لو مشيت الحمام يسألونك .. لو عملت قهوة أو صليت .. كل شيئ مراقب بالكمبيوتر ويسجل لحظات صمت حركة الكيبورد ..

ما دام أنا شغال بمفردي .. وأستطيع أدير جميع ملفات العمل سواء من جانب الخبرات البرمجية أو الخبرات الإدارية .. ليه ما أشتغل لنفسي وحدي .. وأدير عملي؟

واحدة من الأشياء هى تأسيس شركة .. والمدافرة .. الثاني سحب مدخراتي مع ناس العمل وتحوليها لأصول أدخل بها السوق الأمريكي ..
التجربة الأولي جربتها .. ح أنجح فيها .. لكن تدخلني في نفس الدوامة السابقة بتاعت العمل .. أنا عايز أبقي مدير نفسي ..

التجربة حتى اللحظة لا تقدر بثمن .. وأنا أدعوك أن تخوض مع أخوك .. أنا أثق في كلمتك ..

بريمة

معقولة يا ناس؟
زول طارح ليكم مشروع إستثماري وعمل ليكم البحر طحين وحتكونوا مستثمرين في بلاد العم سام وبلاد الفرص ....
حتى الآن مافي زول دخل معاهو غير الفحل؟

Quote: ولم أجد محرم فيها .. سواء مطلقة أو مقيدة.

لا يوجد ما يحرمها في الشرع
بل تعتبر هي والمشاركة من امثل الادوات الإسلامية المتاحة للتجارة والانتاج
الا ان المطلقة منها تتطلب وضعا ماليا معينا لايتوفر الا لدي الموسسات الاقتصادية القوية
ومن أمثلتها ودائع العملاء لدي البنوك ..
الاستثمار العقاري عائده ضعيف في السودان بحكم التضخم والظروف الاقتصادية في السودان
ولكنه الاستثمار الوحيد -بخلاف الاتجار في العملة- الذي يحفظ راسماله ويدر عائدة مضمونا .
وهي محظورة علي التنفيذ - لأمر العملاء- وفقا لسياسات البنك المركزي في السودان

من المؤيدين لمشروع التشاركي لول ابا بريمة.. فهو ثقة
والحياة اصلا مغامرة..

ول أبا دكتور محمد عبد الله،

Quote: من المؤيدين لمشروع التشاركي لول ابا بريمة.. فهو ثقة والحياة اصلا مغامرة..

المغامرة في الحياة صعبة ... لكن المؤمن لديه أدواته الأحترازية .. الزول يستخير الله .. ثم يتوكل علي الواحد الأحد.
لنا في تأريخنا الأسلامي عبرة .. سيدنا موسي لما الرب أمره و قال له أدخلوا الباب علي العماليق .. بنو أسرائيل جروا واطي .. قالوا يا موسي أن فيها قوم جبارين ..
ولن ندخلها ما داموا فيها .. إذهب أنت وربك قاتلا .. إنا هاهنا قاعدون .. ! هوووي الموضوع مغامرة .. مينو البقدر عليه ..

أنا في حياتي، قاعد أقرأ وأمحص وأدقق .. لكن في خاتمة أمري .. هو توكل علي الله ..
زول ما متوكل .. ويقعد يزهلل .. ما يقرب من هذه التجربة ..
دي تجربة يا غرقة، يا مرقة ..

بريمة

Quote: لا يوجد ما يحرمها في الشرع بل تعتبر هي والمشاركة من امثل الادوات الإسلامية المتاحة للتجارة والانتاج

كلام جميل يا ول أبا التاج، في أخر عمرنا الواحد ما يقع في الحرمات.

بريمة

تحياتي الأخ بريمة..

وأتمنى لك التوفيق من كل قلبي في مسعاك..

لكن الشفافية (التامة) في الأنشطة التجارية والاقتصادية والبزنس في البلد دي مطلوبة بحكم (القانون)

على سبيل المثال لا يمكن بحكم القانون تأسيس شركة أو نشاط اقتصادي with hidden owners

ممنوع الكلام ده بالقانون

وعلى العموم أي أموال تتحرك - في الخفاء- ودون معرفة مصدرها ومدى مشروعية هذا المصدر

بيتم التعامل معاها على الأرجح على أنها money laundering

ول أبا الهادي،
ألف شكر ..

Quote: على سبيل المثال لا يمكن بحكم القانون تأسيس شركة أو نشاط اقتصادي with hidden owners ممنوع الكلام ده بالقانون

أنا صاحب النشاط الأقتصادي .. مثلاً لو انت حولت لي مبلغ من المال .. لحسابي .. كيف تكون أنت Hidden Owner في حسابي؟
في الشهر قبل الماضي .. صديق طلب منى أساعده في ال closing cost في شراء منزل .. وطلب مبلغ محدد .. وقال نحوله له .. نقول donation لشركة شراء المنزل .. أمورة مشت آل العال ..

Quote: وعلى العموم أي أموال تتحرك - في الخفاء- ودون معرفة مصدرها ومدى مشروعية هذا المصدر بيتم التعامل معاها على الأرجح على أنها money laundering

كلام غريب .. !!

التجربة خير برهان .. التجربة قائمة .. دق صدرك ..
الصعوبة كلها في فهم وقراءة السوق .. السوق الأمريكي ما مثل سوق السمسم في القضارف أو سوق الصمغ في الأبيض ..
دا سوق معقد جداً .. وتتغير مؤشرات السوق علي مدار الدقيقة والثانية .. وأنت محتاج تكون on the top of your game

لو لديك ال know how .. المعرفة الدقيقة .. بتفاصيل التفاصيل .. ممكن ان تحقق أختراق ودا المؤول عليه أن نهد كل الحواجز.

بريمة

Quote: من المؤيدين لمشروع التشاركي لول ابا بريمة.. فهو ثقة والحياة اصلا مغامرة.. محمد عبد الله الحسين

عزالدين عباس الفحل
ابوظبي

تحياتي الأخ بريمة..

باختصار أي شراكة في عمل تجاري أو نشاط اقتصادي (قانوني)، انت ملزم قانوناً بالإفصاح عن هوية كل الشركاء بدقة ( الاسم ـ العنوان ـ identification ـ الخ )..

غير كده أي أموال مستلمة من أي شخص بصفة الشراكة حا تدخلك في متاهات وأي زول تستلم منو أموال بهذه الصفة دون أن تفصح عنو هو hidden owner وده مخالف للقانون..

أو دي هي بالضبط بالضبط الممارسة البيسعى لمحاربتها القانون !

إنو تكون الحاجات واضحة والشركاء واضحين ومعروفين ومصدر الأموال (صغرت أو كبرت) معروف وواضح ويمكن تعقبه أو التثبت من مشروعيته !

كده وضحت ؟؟

شكرا يا هندسة وأنت الأكرم.

الفكرة جدية ولكن لا بد من إستشارة محامى ممارس فى الأمور التجارية والمالية. و الـ 401k خليها فى مطرحها ما تجيها عوجة!
يا باشمهندس لو الشركة أو الشراكة دى مسجلة فإن أهدافها ونشاطاتها ستكون مكشوفة فى إيداع الضرائب.. وفى المعاملات مع العالم الخارجى، وفى تقسيم الأرباح.
بل فى سجل الشركات الذى يمكن أن يطلع عليه كل من هب ودب. أهداف الشركة ومع من تتعامل ستكون مكشوفة.. فلماذا حجبها الان؟
وأنا ذكرت موضوع المحاسبة ليس من خوف من الحكومة، ولكن من تعقيد الإجراءات وتعيين المحامين..الخ. خصوصا الموضوع خاص بأموال من أجل تأسيس شركة ربحية.

Quote: لكن الشفافية (التامة) في الأنشطة التجارية والاقتصادية والبزنس في البلد دي مطلوبة بحكم (القانون) على سبيل المثال لا يمكن بحكم القانون تأسيس شركة أو نشاط اقتصادي with hidden owners

كيف Hidden owners ؟
الزول ده قال ليك جيب قروشك والشركة حتكون حقتو هو .... إنت إنتظر بعدين لما يقول ليك ربحتا وما تسأل ربحت في شنو ..... عايز تكون شريك كيف؟

ول أبا الهادي،
سلام

Quote: تحياتي الأخ بريمة.. باختصار أي شراكة في عمل تجاري أو نشاط اقتصادي (قانوني)، انت ملزم قانوناً بالإفصاح عن هوية كل الشركاء بدقة ( الاسم ـ العنوان ـ identification ـ الخ ).. غير كده أي أموال مستلمة من أي شخص بصفة الشراكة حا تدخلك في متاهات وأي زول تستلم منو أموال بهذه الصفة دون أن تفصح عنو هو hidden owner وده مخالف للقانون.. أو دي هي بالضبط بالضبط الممارسة البيسعى لمحاربتها القانون ! إنو تكون الحاجات واضحة والشركاء واضحين ومعروفين ومصدر الأموال (صغرت أو كبرت) معروف وواضح ويمكن تعقبه أو التثبت من مشروعيته ! كده وضحت ؟؟

أقول ليك حاجة .. أعتبر الموضوع زي صندوق نساء الحي ... أها المشلكة وين؟
في عام 2015م، جيم كومي، وأنت تعرفة رئيس شنو .. أب 3 حروف .. وجد أن المسلمين يقومون بصندوق مالي ويديرونه مع بعض ..
نحن مدورين بصناديقينا منذ عام 2009م .. ينتهى صندوق .. يقوم البعده .. الصندوق مرات كبير .. وتدخل حسب مقدرتك صرفة واحدة، صرفتين .. أنت وخيارك

وعندنا صندوق مقفول بتاع معاش .. وصاحبنا أمين الصندوق .. مشطرتين عليه ما يطلع قرش من الصندوق إلا ننزلوا المعاش .. وحسي الصندوق أنا حايم حوله .. وبحاحوا فيني يمين وشمال ..
الصندوق ملان .. وأنا أحاجج الأفكار تتبدل وتظهر بدائل في الحياة غير مرئية حينها .. الجماعة قالوا دت .. الموضوع فيه ربط لسان وحبة جعلنة .. وصاحبنا ملقبنه رضوان حافظ الجنان .. قال الجنة لا يدخلنها إلا زول معاشي .. هههاي!

أنتم مصعبنّها كده ليه
ما تلموا قروش ذي بتاعت صناديقنا دي وأنا أدورها ليكم، .. والسلام ..

بريمة

الباشمهندس أبو الريش

Quote: شكرا يا هندسة وأنت الأكرم. الفكرة جدية ولكن لا بد من إستشارة محامى ممارس فى الأمور التجارية والمالية. و الـ 401k خليها فى مطرحها ما تجيها عوجة! يا باشمهندس لو الشركة أو الشراكة دى مسجلة فإن أهدافها ونشاطاتها ستكون مكشوفة فى إيداع الضرائب.. وفى المعاملات مع العالم الخارجى، وفى تقسيم الأرباح. بل فى سجل الشركات الذى يمكن أن يطلع عليه كل من هب ودب. أهداف الشركة ومع من تتعامل ستكون مكشوفة.. فلماذا حجبها الان؟ وأنا ذكرت موضوع المحاسبة ليس من خوف من الحكومة، ولكن من تعقيد الإجراءات وتعيين المحامين..الخ. خصوصا الموضوع خاص بأموال من أجل تأسيس شركة ربحية.

خلوني نجك ليكم جكتي .. وح تقيموا النتائج ..
أنا مصر أنت تجرب معاي .. المشروع دا ح ينفع معاك .. بسبب أنت بقيت تحب العودة للسودان .. والمشروع دا بحررك من القيود .. تتواصل معي من أي مكان تصلك التفاصيل ..
لكن تبح كويس .. عشان تكبر كومك .. والباقي علي المولي ..

بريمة

أبو العزائم

Quote: كيف Hidden owners ؟ الزول ده قال ليك جيب قروشك والشركة حتكون حقتو هو .... إنت إنتظر بعدين لما يقول ليك ربحتا وما تسأل ربحت في شنو ..... عايز تكون شريك كيف؟

أنت أمشي الضل .. وكن داير ترقد في الحر أرقد .. زول شغال بيك ما في.

والله رجل أو أمرأة من أبناء شعبنا أأتمني علي ماله .. والله لا أدخل يدي في حقه إلا بالحق ..

بريمة

Quote: والله رجل أو أمرأة من أبناء شعبنا أأتمني علي ماله .. والله لا أدخل يدي في حقه إلا بالحق ..

ما هكذا تجري الأمور في عالم الأعمال.
إنت داعي الناس لي بيزينيس والا عشان يختبروا ذمتك؟

أبو العزائم،

Quote: ما هكذا تجري الأمور في عالم الأعمال. إنت داعي الناس لي بيزينيس والا عشان يختبروا ذمتك؟

ليه لا ما تختبروني ..؟

أنا طرحت كلام واضح، وأهمه تصلك المعلومة أول بأول .. والمعلومة فيها كل تفصايل العمل .. قروشك دخلت وين؟ وكم أستغرقت العملية التجارية؟ كم ربحت؟ كم خسرت؟

ثق أنت تقدر تعمل حساباتك بنفسك ..

ما طلبته منكم، ما تسألوني من ماذا ولماذا .. مسألة التنظير الكتير.. هى الى تفسد جهد السودانين.

وعندك الضمانة قدام كل أهل المنبر وقراءه .. المشروع لم يعجبك .. أطلب سحب حسابك ..

دا الموضوع .. لا أكثر ولا اقل ..

حسي لو دخلت في المشروع تكون راقد في الخليج .. ورأس مالك يدار في أمريكا .. تنوم بس .. تانى تسوي شنو!

بريمة

الرؤية واضحة كالشمس.
البزنس بيحب الخفية.
عالم واسع للشطار.
اخوي بريما
يملك كفاءة عالية.
وذكاء خارق .
في إدارة الاموال
straight ahead







عزالدين عباس الفحل
ابوظبي

Quote: الرؤية واضحة كالشمس. البزنس بيحب الخفية. عالم واسع للشطار. اخوي بريما يملك كفاءة عالية. وذكاء خارق . في إدارة الاموال straight ahead

ألف شكر ول ابا الفحل،

أها يا أخوانا .. شوفوا الشهادة دي .. مكتوبة بمداد من نور ..
ديل الناس الدايرهم أنا .. تكون الثقة متوفرة .. وبعد داك شوفوني .. وقيموا تجربتي ..

بريمة

يا باشمهندس فى ناس فى إيست نيويورك، ممكن يدوك أى مبلغ لغاية 200 الف دولار كاش.. أيه رأيك؟ ما عاوزين ضمانات ولا توقيعات حتى.. يسلموك الشنطة.. بس عاوزين 30% أرباح وبعد سنة يشيلوا رأسمالهم.. رأيك
شنو.. أرسلهم ليك؟ لو المشروع ما نجح هم يتصرفوا يعنى :)

الباشمهندس أبو الريش
سلام ..

Quote: يا باشمهندس فى ناس فى إيست نيويورك، ممكن يدوك أى مبلغ لغاية 200 الف دولار كاش.. أيه رأيك؟ ما عاوزين ضمانات ولا توقيعات حتى.. يسلموك الشنطة.. بس عاوزين 30% أرباح وبعد سنة يشيلوا رأسمالهم.. رأيك شنو.. أرسلهم ليك؟ لو المشروع ما نجح هم يتصرفوا يعنى :)

تمام يا ول أبا أبو الريش نتواصل ..

لكن أنت ما وقع ليك مغزي المشروع .. أنا عايز أبناء وطنا يستفيدوا من المشروع .. والحتة الخافية علي الناس .. أنت لما تدخل معاي بكون خاتي بالك معى وتعطيني نصائح قيمة .. يكون عندي pool من ناس ثقات ما بعطوني معلومة مغلوطة ..

أرسل أيميلك علي الماسنجر . والفيها الخير تبقي ..

بريمة

أبو الريش

دقيقة، في الشنطة ككيف؟ .. يعنى رؤوس أموال خارج النظام البنكي؟ .. طيب د ما غسيل الأموال ذاتو؟ ولا شنو؟

كدي بالله وضح الحتة دي شوية .. لما أرسل ليك أيميل ..

بريمة

Quote: أبو الريش دقيقة، في الشنطة ككيف؟ .. يعنى رؤوس أموال خارج النظام البنكي؟ .. طيب د ما غسيل الأموال ذاتو؟ ولا شنو؟ كدي بالله وضح الحتة دي شوية .. لما أرسل ليك أيميل ..

بمناسبة غسيل الأموال يا بريمة ..
سمعت بيFINTRAC
ما حتى داخل النظام البنكي اي مبلغ داخل و مارق اكتر من 10 الف دولار لازم تعمل ليهو تقرير و توصلو ليهم و توضح مصدره ..
بريمة .. موضوعك ده ما بيزنس .. مافي زول عنده راس مال و فهم بخت قروشه عمياني ..
انت قول المستعد و جادي حيعرف كل تفاصيل المشروع .. غير كده .. ده كلام هواه ساكت ..
تخريمة: ابوالريش ليو حق لامن قال ليك شنطة .. ماهو موضوعك كله مجغمس .. ههههه

ربنا يوفقك يا أخ بريمة في مسعاك..

أنا ابداً ما قاصد أحبط زول ولا أثبط من عزيمتو ـ

بقدر ما كان القصد إيضاح جزء من الجانب القانوني حول المسألة ( للفائدة العامة ) بحسب معرفتي المتواضعة..

بعد داك طبعاً الناس أحرار في انها تقرر لنفسها ما تشاء،

وبالعكس أنا بشجع أي زول انو يستثمر لو عندو فرصة للاستثمار

يا بريمة مع الامنيات لك بالتوفيق نوع شركتك دى اسمها " شركة توظيف اموال "
بالظبط زى شركة الريان لتوظيف الاموال فى مصر فى ثمانينات القرن الماضى " احمد الريان واخوانه "
(جمع الاموال من المودعين واستثمارها فى مشاريع مختلفه حسب معرفة صاحب الشركة وبفوائد معلومة )
وحتى تتجنب اخطاء شركات سابقة فى نفس المجال لا بد وان تعرف مثلاً اهم اسباب سقوط امبراطورية الريان :

اهم اسباب سقوط امبراطورية الريان يتمثل فى :
- اعطاء فوائد عاليه ( 30 % ) للمودعين وهى اعلى من أصول الاموال الموجودة فى خزينة الشركة ( اموال المودعين )
مع عدم وجود مشاريع كبيرة تستطيع تحقيق نسبة تلك الفوائدة الكبيرة التى يتم اعطائها للمودع ( حجم تلك الاموال كانت
فى حدود 3 مليارات دولار امريكى )
تلقى صفعات قاتلة فى :
- مضاربات البورصة
- التجارة فى الذهب
- التجارة فى العملة
سحب بعض كبار المودعين لارصدتهم .

التحرى والتدقيق فى المجال الاستثمارى الذى تريد الولوج فيه .

ول أبا يحيي قباني،
سلامات

Quote: بمناسبة غسيل الأموال يا بريمة .. سمعت بيFINTRAC ما حتى داخل النظام البنكي اي مبلغ داخل و مارق اكتر من 10 الف دولار لازم تعمل ليهو تقرير و توصلو ليهم و توضح مصدره .. بريمة .. موضوعك ده ما بيزنس .. مافي زول عنده راس مال و فهم بخت قروشه عمياني .. انت قول المستعد و جادي حيعرف كل تفاصيل المشروع .. غير كده .. ده كلام هواه ساكت .. تخريمة: ابوالريش ليو حق لامن قال ليك شنطة .. ماهو موضوعك كله مجغمس .. ههههه

سهلوها يا ول أبا .. التعقيدات ما بتفيد .. أنتم الموجودين في الغرب لديكم الفرصة للمجازفة لكن أخوتنا الذين لديهم القوة النقدية ولا يملكون السوق .. هؤلاء هم الذين يستفيدون من هذه الفرصة.

كل مرة قاعد اقول ليكم التجربة قائمة .. والناس تدخل فيها عشان تقدر تقيمها ..

بريمة

ول ابا الهادي،
سلام ..

Quote: وبالعكس أنا بشجع أي زول انو يستثمر لو عندو فرصة للاستثمار

دا الكلام يا ول أبا ..

بريمة

ول أبا علاء سيد أحمد
سلام ..

Quote: اهم اسباب سقوط امبراطورية الريان يتمثل فى : - اعطاء فوائد عاليه ( 30 % ) للمودعين وهى اعلى من أصول الاموال الموجودة فى خزينة الشركة ( اموال المودعين ) مع عدم وجود مشاريع كبيرة تستطيع تحقيق نسبة تلك الفوائدة الكبيرة التى يتم اعطائها للمودع ( حجم تلك الاموال كانت فى حدود 3 مليارات دولار امريكى ) تلقى صفعات قاتلة فى : - مضاربات البورصة - التجارة فى الذهب - التجارة فى العملة سحب بعض كبار المودعين لارصدتهم . التحرى والتدقيق فى المجال الاستثمارى الذى تريد الولوج فيه .

ألف شكر . أخوك مفتح ..

بريمة

شايف شرك العبار قبض

يا برمة لسه ما لقيت ليك فارات غير الفحل دا ؟

Quote: شايف شرك العبار قبض

أنا مازلت منتظرك .. كده بح 50 ألف دولار .. وشوف بعد سنة ح تكون وين؟

بريمة

،،، السلطان Deng ،،،
،،،، أركب معنا ،،،،






عزالدين عباس الفحل
ابوظبي

يا برمة بقروشك دي امش اشتري ليك بقرة و بي كده يبقى عندنا بقرتين :)

Quote: يا برمة بقروشك دي امش اشتري ليك بقرة و بي كده يبقى عندنا بقرتين :)

لولا أنتم أولاد أم زغم في المعارضة .. وفلولكم من قطاع الطرق في الحركات المسلحة .. ما كان هجرت وطني السودان ..
أعمامي كانوا أمراء في بواديهم، كانوا يمتلكون أكثر من 10 ألف راس من البقر . اليوم لا شيئ .. يعيش أبناءهم حياة الكفاف .. وأنا منهم معذب في الغرب!


ما تفتح المواجع . خلينا في الأسثمار والتجارة في السوق الأمريكية ..

بريمة

اليوم حدث تأريخي في سوق المال الأمريكي ..

شركة TSLA .. للسيارات الكهربائية .. تدخل ضمن S and P 500 في بورصة داو جونز.. وهذا حدث عالمي ..
وهذا الحدث العالمي . رفع كل مؤشرات السوق في العالم ..

وأخوكم، غاطس في عسل TSLA .. والله يجيب الصباح والسوق يفتح ...
(اليوم بإذنه تعالي .. الجرس يسوي تل تل تل . أخوكم ح يتشاف ليهو أخر ضرس من الفرحة).

ناس أبو العزائم أقعدوا للمناتلة ..!

هذا ما اتحدث عنه أختراق السوق الأمريكي .. الموضوع عايز متابعة ومثابرة ..


بريمة

Quote: ،،، السلطان Deng ،،، ،،،، أركب معنا ،،،،

ول أبا عز الدين .. مرمي الله ما بترفع ..

خليهو!

بريمة

ويستمر الحوار ..

بريمة

UP

بت فاطمة الحاج
شكراً لرفع البوست .. الفكرة لو أعجبتك .. نحن جاهزين ..
ولو عايز مزيد من المفاكرة إيميلي إلي أعلي ..

تسلمي

بريمة

خلال حقبتي سبعينات وثمانينات القرن الماضى انتشرت بصورة كبيرة شركات توظيف الاموال فى البلاد العربية
وخاصة فى مصروالسعودية والبحرين .
ومن المعلوم انّ الشر هو الذى يصنع الدراما والفن هو الذى يعكسه عبر الشاشة ( سينمائية كانت أم تلفزيونية ) او عبر
خشبة المسرح او عبر موجات الاثير .
والمعروف انّ الدراما لا تقدم حلولاً لمعالجة قضايا المجتمع انما الدراما تقوم بتسليط الضوء على القضايا التى تطرحها
وهناك جهات رسمية مختصة فى الدولة وبالتعاون مع المجتمع تقوم بمعالجة مثل تلك القضايا .
وهناك أعمال تلفزيونية مميزة وهادفة فى المسألة تم عرضها مثال :

- مسلسل " الخروج من المأزق " ( 1995م ) يحي الفخراني - اخراج صفوت القشيري .
- مسلسل " الريـــان " خالد صالح - اخراج شيرين عادل .

الشئ المحيرني : الكيزان ومع كل جرائمهم الا انهم لم يفكروا فى مثل هذه المشاريع الفتاكة .!!!
هل لانهم كانوا يعلمون انّهم لم يتركوا شئياً للشعب حتى يقوموا بتوظيفه فى شركاتهم !؟؟