أخيرا عودة مولاناالسيد محمدعثمان الميرغني للوطن!!!

10:49 PM November, 08 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

قرر مولانا السيد محمد عثمان الميرغني رئيس الحزب الإتحادي الديمقراطي الأصل و مرشد الطريقة الختمية العودة إلى أرض الوطن بعد غربة إمتدت لسبع سنوات حيث ذهب لعاصمة الضباب مستشفيا.
علمت مصادرنا بهذا الخبر السار ، حيث أن خليفة الخلفاء الخليفة يوسف الشيخ أبو عاقلة الترابي هاتفه مولانا في إتصال مطول ، نسق هذا الإتصال نجله السيد محمد الحسن . كما أرسل مولانا تحاياه لكل الشعب السوداني و بالأخص لجماهير الطريق و حثهم على تنشيط الطريقة و ذلك بالتواصل و إحياء الحضرات و الليالي و الإلتزام بالأوراد.
نبيل حديد
إعلام الحزب الإتحادي الديمقراطي الأصل

الله يجيب الديمقراطية ايضا ويكفنا من محاصصة الطين دي و بعاعيت مايو
https://top4top.io/

عاش ابو هاشم حوض العاشم
شعر: محمد الحسن سالم حميد
مرحبتين يا جايي وراسِم
فوق الشوق الفجر الباسم
خَفُّو المِزَن الزفُّّو مواسم
ودَّعنابَه الزمن الغاشم
غوث يا الخَتِم الجدُّو الخاتِم
أهلاً بيك يا زين يا طيِّب
يا حَبُّّوب للظن ما يخيِّب
يا المبروك كلْمَا اَنتَ قريِّب
فألنا مطيرة خير وهبيِّب
ندّت حالنا الأزمنْ كاتم....!!!!
يا عوّاض شعبك ما فاتو
يا روّاض للريح وشتاتو
يا بيّاض ظاهرو ونيّاتو
السودان عاد بك بي ذاتو
ضوُّوا ليالِي الهوُّوا عواتم...!!!!.
قابض جمرك وين ما رُحتَ
إتجرَّحْتَ جَدَع ما نُحتَ
بخت النار يا صندل فُحت
بي سر ألقك بُحْتَ ولُحْتَ
يا التخرجْتَنا راقي وعازِم....!!!!
نفسَك مِسْك الكلمة الطيْبَة
الكلمة الطيبة بخور الباطن
ياتو المدِّي رِفَيْقو الهيْبَة
وطنك ولاَّ نَقاك يا مواطن
أم برَّاك الحضْرة يناغم...!!!!
عاشِق عصَر أشجانُو وساطن
أم برَّاق القبلي يباطن
ضهر الغيم الدَرَّ العاطن
بَرَدو أشواق الدرَت الراطِن
شال شبَّال الزيفة نسايم...!!!!.
حلفا تزِف لي نمولي قدومك
بارا تبارِك لي سلُّومك
النيلين قلدَن خرطومك
يا تأريخ إتقيََّف يومك
يوم السعد أب موج متلاطم ...!!!!
جِيد بي جيْتك عودة وَفُودة
ياتو طيوراً تجفَى بلوده
زي ما مكّة إتلقُّوه وِفُوده
الخرطوم ازدانت قُوده
عديلة منفَّل زين وعفارِم ....!!!!
اض شعبك دي المريودة
البيك مورودة والآماله .ظلُم موؤدة
المرفودة غُبُن موقودة
ولسّه النار بين عنبر جودة
بينك وبين أحلامه ملاحم...!!!!!
شعبَك حُبّّك وربَّك عالم
قلْبَك حاني إنساني مسالم
دُغري وأماني مو صارِم وحازم
وكيف حقَّاني عليهو الظالم واليتفلْهَم
ْ خارم .. بارِم...!!!!!
يا سجّانة حنفضَل نفْتِلْ
في صنّانَة نصارع وننْتِلْ
غاية القيد ما يصدأ وينصِل
ْ غُوث ومَدد والحاصِل يحصِل
ْ للفي القلبِ منُو البيداهم ؟ !!
بالنبُّوت بالبوت بالطلقة
بالشلوت العلْقة الشنْقة
وكتم الصُوت الزنْقة الخنقة .أبينا نموت
يا آخر سرْقَة و آخِر هاكِم.... فَكَّ الباكِم!!!!
أصحَى ... يا نايم سَمَّ الدايم
الحياة أحقَّ .... أسرفنا ميآتم
رايمو جدار الحُزن الكاتم
خلُّوا يخشُّ على روضنا نسايم
طلْ وفراش والوردة تتايم....!!!!
عصفورين في الوطن اتْحَبُّو
عاشو سَوى ويوم حَكمت غبُّو
طاهِر أسمر سما لي ربُّو
وطائر أخضر همى لي شعبُو
أسمى السما ؟ولاَّ أهَمَى القادم
جانا أبو هاشم جانا الناهم
غيم الغيث للوادي الجاهم
جانا الراعي الواعي الفاهم
دَرب الصاح من زربَ الواهم
شَيْ لِلَهْ يا حوض العاشم
كتَّر خيركن .. سودانيّة
يُوت لي غيركن صافين نيَّة
قاشِر طيركن في حريَّة
عازمَ الدنيا ديموقراطية
ورادِم ..ثَمَر الجَدل الطاعم
وياتو وفاق سوداني بيبقى
طووين الوحدة بدونك تلقى
لونا الأسمر شفق الشرقة
وكونا الأخدر توب المرقة
يا مَشْهاد الوطنْ السالم....!!!!
أغلى سلام على فِكرة سلامك
أحلى كلام لي بُكرة كلامك