نصيحة للجان المقاومة

11:21 AM November, 05 2020

سودانيز اون لاين
النعمان اسحاق -السودان
مكتبتى
رابط مختصر

ليكم وحرصا على سلامتكم وحقكم في الحياة رغم إيماني بصدق نواياكم اتجاه وطنكم وثورتكم
والله بعض التنظيمات الحاكمة شغالة بيكم سياسة وعاملكم ورقة ضغط فقط
لا بجيبوا حكومة مدنية زى ما قالوا ليكم
ولا بحسنوا اقتصاد زى ما وعدكم
البموت فيكم حيفقد نفسه ...ربنا يرحمه وبس
والبنجرح منكم أو بفقد جزء من جسده ربنا يعوضه وبس
دحين هسه طالما وصلتوهم لكرسي السلطة خلوهم يأكلوا نارهم
يا نجحوا وقعدوا
يا فشلوا وسقطوا
لكن ما تدافعوا عنهم وتعرضوا نفسكم للخطر عشانهم
لا ود الفكي بستقيل عشان موت واحد فيكم
ولا مدني عباس بستقيل عشان جرح واحد فيكم
ولا نيكولا القبطية بتعزي أهلكم في وحد منكم
ولا حبوبتكم عائشة جايبة خبر ليكم
وبعد شوية ح يطلعوكم مخترقين ...
وفيكم مندسين
ثم يتم تخوينكم بالكامل
ودا حال السياسة كان ترضوا كان تابو