موقع إسرائيلي: اليهود السودانيون يحلمون بالعودة بعد التطبيع

03:39 PM November, 03 2020

سودانيز اون لاين
Hassan Farah-جمهورية استونيا
مكتبتى
رابط مختصر

كشف موقع تايمز اوف اسرائيل عن رغبة اليهود السودانيين في العودة بعد التطبيع مع إسرائيل، وقال إن صفقة التطبيع المدفوعة من قبل الرئيس دونالد ترمب أحيت آمالهم بالعودة للبلاد، وإنه رغم غيابهم الذي دام لأكثر من (50) عاماً لا يزالون يحلمون بالعودة لموطنهم الأصلي وهم يحملون جوازات سفر توضح هويتهم الحقيقية.

وأرجع الموقع بحسب صحيفة الصيحة، خروج اليهود من السودان لموجة معاداة السامية منتصف القرن الماضي، وقال “غادر عدد قليل جداً من أفراد المجتمع الفقراء بين عامي 1948 و1950م إلى إسرائيل من أجل تحسين أوضاعهم الاقتصادية، ولكن اليهود السودانيين غادروا السودان بشكل أساسي مع اندلاع موجة معاداة السامية في 1956م وبحلول 1958م غادر معظم اليهود البلاد”، وأضاف بأن معركة الأيام الستة التي وقعت في 1967م شكلت نقطة تحول جديدة، أدت لموجة جديدة من رحيل اليهود عن السودان، وأن آخر اليهود غادروا في أوائل السبعينات، حيث فعلت معظم الجاليات الأجنبية بالبلاد، وأوضح أن موجة المعاداة أدت لفقدان مرشحة ملكة جمال السودان لقبها وحرمها من المنافسة على ملكة جمال مصر.

فيما كشفت المؤرخة اليهودية السودانية ديزي العبودي للموقع أن تاريخ اليهود في السودان يعود إلى الإمبراطورية العثمانية، وأوضحت أن مجتمعهم توسع في أوائل القرن العشرين، حيث وصلت أعداد كبيرة منهم في 1907م وكان معظمهم تجاراً رأوا في السودان فرصاً اقتصادية مشجعة، وعزت غياب الآثار اليهودية في السودان إلى حملة الهدم والصيانة التي تعرضت لها المباني القديمة في ثمانينيات وتسعينيات القرن الماضي، وقالت إن المقابر كل ما تبقى من الآثار بعد أن بيعت الكنيسة ومنزل الحاخام منتصف الثمانينات وتم تحويلهما إلى بنك والذي بدوره هدم أيضاً.
الصيحة
https://images.app.goo.gl/2Xg7mfhDj6a25ExP6https://images.app.goo.gl/2Xg7mfhDj6a25ExP6

سلام عليكم
يقال انو من ضمن المسكوت عنو فى موضوع مابعد التطبيع توطين الفلاشا فى شمال السودان باعتبارها منخفضه الكثافه السكانيه وفى نفس الوقت عاش فيها يهود سودانيين .

Quote: عن رغبة اليهود السودانيين في العودة

السودانيين ال هاجروا في التسعينات وبداية الألفينات
أصبحت رغبتهم في العودة غير واقعية لإرتباطهم هم ببئة عمل وحياة مختلفة من السودان ولإرتباطهم بأسرهم التي تكونت ونشأت في بلاد المهجر وليس لها رابط بالسودان.
أصغر يهودي هاجر من السودان ويحتفظ له ببعض الذكريات عمره الآن جاوز الستين عاماً، فهل ستكون رغبته في العودة تعبر عن واقعية أم مجرد نوستالجيا إن وجدت؟
مافي يهودي هاجر من السودان حيجيهوا راجع.

خلي اليهود هو السودانيين البغتربو ما قاعدين يرجعو . .

Quote: Abubakr Ahmed Abbas يا حافظ، يا كيشة، السودان لو استقرت الأوضاع السياسية هو أحسن دولة للاعمال التجارية.

ما في شي في الدنيا دي بيعكر مزاجي قدر كياشة المستنيرين
لو الأوضاع في السودان إستقرت وأصبح جاذب للأعمال التجارية، حيكون جاذب لكثير من الناس بما فيهم بعض الإسرائيليين بدون خصوصية للكانوا عايشين منهم في السودان.
موقع تايمز اوف اسرائيل خصص حديثه عن رغبة اليهود للعودة للسودان بسبب حنينهم إلى موطنهم الأصلي وليس بسبب جاذبيته للأعمال التجارية.

وبعدين ياخي شوفت ليك اوضاع سياسية بتستقر تحت ظل حكومة إنتقالية؟
واحد من إتنين يا إما إنك ما فاهم يعني شنو حكومة إنتقالية او إنك ما فاهم يعني شنو إستقرار اوضاع سياسية.
في أقرب وقت ممكن يكون السودان حقق فيهو إستقرار سياسي يكون أصغر يهودي غادر السودان بعد تجاوزه مرحلة الطفولة عمره أكثر من ثمانين عام.
زي دا عمل تجاري شنو البيجيبو السودان؟

بك يا زنديق عرفناهم اليهود انتو الكفار راجين شنو ما تجو ياخ