Post: #1
Title: الناس في شنو والصفـوة في شنو .. !!
Author: HAIDER ALZAIN
Date: 11-02-2020, 07:50 AM
06:50 AM November, 02 2020 سودانيز اون لاين
HAIDER ALZAIN-
مكتبتى
رابط مختصر
Quote: بمبادرة كريمة تؤكد على صفوية شعب المريخ العظيم؛ أطلق قطب المريخ ومشجعه المعروف سنبل كتيابي نداءً لصفوة السعودية، للبدء في تجميع مبلغ التمديد للثنائي أحمد حامد التش، وأحمد آدم بيبو.. وسرعان ما تجاوبوا معها مساء أمس الأول ووصلت المساهمات إلى مبلغ خرافي لامس العشرة مليارات..
* هذا التجاوب أكد حب الصفوة الكبير لناديهم العظيم ..
* مجلس المريخ المكلف ورموزه باركوا المبادرة وأعلنوا وقفتهم معها بقوة..
* وستتواصل النفرة اليوم وغداً مع توقعات بأن تنجح في توفير مبلغ يكفي لقفل الباب أمام أي محاولة للتأثير على النجمين من قبل الأرزقية وتجار اللاعبين..
* سنبل كتيابي أكد أنهم يتوقعون نجاحاً كبيراً لهذه النفرة حتى تكون مساهمات التسجيلات من القاعدة قبل القيادة.. وحسب الوعود يتوقع أن تصل إلى محطة الختام خلال أيام..
* سنبل كتيابي صرح في حديث للزميل الكبير إبراهيم باترا، أن الخطوة الأولى لهذه المبادرة كانت بالاتصال بالثنائي أحمد حامد التش وأحمد آدم بيبو اللذين أعلنا تجاوبهما مع المبادرة، وجاهزيتهما للتجديد غير المشروط كوفاء لشعب المريخ العظيم وجماهيره الوفية .. وبعد ذلك تم الإعلان عن المبادرة كجزء من سند الزعيم .. وذكر سنبل أنهم كمريخاب سيواصلون مثل هكذا مبادرات في المستقبل ليحافظوا على سنة قديمة في المريخ .. وذكر أن مشاركة الصفوة في دعم النادي قاعدة قديمة نحاول الحفاظ عليها بإذن الله تعالى والمريخ قوي بجماهيره وفرسانه وأقطابه وإدارييه.. وذكر أن هذه المشاركات البسيطة تزيد من ترابط شعب المريخ ومجتمعه الكبير..
* وبالمقابل أعلنت مجموعة من قروبات المريخ بالداخل مشاركتها في نفرة التجديد للثنائي أحمد حامد التش وأحمد آدم بيبو.. وبدأ أعضاؤها في دفع مساهماتهم المالية للمساندة في إعادة قيد أفضل نجمين في كشف الأحمر الوهاج .. وهذا التفاعل مع المبادرة، أكد أن أهل المريخ على قلب رجل واحد .. وبإذن الله مساهمات الداخل مع مساهمات صفوة السعودية تحقق الهدف المنشود، وتحسم ملف أفضل ثنائي في الدوري السوداني الممتاز خلال هذا الأسبوع.. |
غايتو ..!
|
Post: #2
Title: Re: الناس في شنو والصفـوة في شنو .. !!
Author: HAIDER ALZAIN
Date: 11-02-2020, 07:56 AM
Parent: #1
قريبنا ناس فريق الحلة مشوا ليهو يتبرع للفريق لي جنس زي دا
قالولو دايرين نجيب لعيبة من اتبرا شان الفريق يطلع درجة تانية..
قالهم تجيبولكم زول يلعب وينبسط وياخد علي لعبه قروش وإنتو تزمبروا وتطمبروا من جيبي ؟
عاد انا خلوني .. أسمعوا نفسكم أكان طلبكم دا بينعقل ..
|
Post: #3
Title: Re: الناس في شنو والصفـوة في شنو .. !!
Author: عمر سعيد علي
Date: 11-02-2020, 09:03 AM
Parent: #2
يا حليلك يا حيدر
انت عارف انو في لاعب وصل سعرو 40 مليار . .؟
وفي رئيس نادي - براهو كده بدون اي نفير - صارف ما لا يقل عن 200 مليار حتى الان في تسجيل لعيبة . .
الكلام ده في السودان . .
|
Post: #4
Title: Re: الناس في شنو والصفـوة في شنو .. !!
Author: HAIDER ALZAIN
Date: 11-02-2020, 10:35 AM
Parent: #3
| Quote: انت عارف انو في لاعب وصل سعرو 40 مليار . .؟ |
اكان كدة يا عمر فعلاً يا حليلي.. وخشمي عندي :)
يآخي التراكتر مآسي فيرجسون يقول يا ليـل ب3 مليار بس
عاين ليهو دا ممكن يحرت ليك كم ملعب يزرع كم سنبلة ..
200 مليار ممكن أجازف بيها 700 لاعب زي دا اجيب بيهم كاس العالم
صحي رزق الهبل على المجانين
|
Post: #5
Title: Re: الناس في شنو والصفـوة في شنو .. !!
Author: HAIDER ALZAIN
Date: 11-02-2020, 01:16 PM
Parent: #4
نتوكل على الله ونرفع مداخلتك دي فوق يا شيخنا
بس اوع تكون مخالفة لقانون الإرهاب العالمي خخخخخخخخخخ
Quote: Atif Omer Mohamed Ali
بي مناسبة الصفوة والوالي رئيس طوااالي!!
القحاتة والثوار (الصفوة) الزمان شغالين بي صرفتين
صرفة مع الوالي(الكوز) وهاك يا مسيرات لحي ((الصفاء))
جمال الوالي رئيس طوووالي!!
وصرفة مع لجنة إزالة التمكين وهاك يا مسيرات
لتفكيك (الكيزان) صامولة صامولة!!
هههههههههههههه هههههههههههههههههه
أعجبني · رد · منذ ٤ س
المكون الإضافي للتعليقات من فيسبوك |
|
|