كضب اسمه المجلس الأعلى وتلفيق قبيلة باسم البجا..

05:55 AM October, 17 2020

سودانيز اون لاين
HAIDER ALZAIN-
مكتبتى
رابط مختصر

الموضوع بالمناسبة كله لعبة سياسية انتهازية تم توظيف ادواتها ببراعة وساعد على إنجاحها عنصرين
الأول ضعف وتردد حمدوك والإختراق الامني البتعانيه الحكومة..
التاني ركاب قطارات العمل النضالي والاتجاوزتهم محطات التعيينات ومتلهفي المحاصصات الثورية..
وديل يا حبيب مشكلة والله ..
لانه كالكرونا اصبحت منهم سلالات وإصدارات ..
لكن عموما ظاهرة لي منهم فئيتين .. مواصلين لآخر محطة ..
والمتلبين من القطر عساهم يلقوا مكتب فاضي في ايتها يا محطة خلوية او حضرية ..
وهؤلاء يتبين لي منهم نوعين برضو ..
واحدين بينحازوا لأقرب فئة رابحة وما مشكلة لو اتغيرت المبادئ أو شعيرة الولاء ويتعلموا المحركة والجرجرة والتبرير الفطير ..
لكنهم عموماً بيحاولوا يظهروا نضيفين وظريفين تعلوا وجوههم إبتسامة وحكمة ..
النوع التاني دا الأخطر لانه بيقلب عليك وممكن يتحالف مع الشيطان نفسه .. وبيركب وش طوالي ..
وممكن يعضي ويخربش ويبلع ..
وهو كالشيطان الحليف نفسه لا يعمل الا بوسيط متلبس..حاضنة فيزولوجية ...
يلبس وش ككو ديني ..يتلبس وعي أديلوجي.. يلبس علي الله طائفية.. يتور ليهو نفس عرق قبلي ..
يركب ليهو لوري حطب عنصري ..
المهم متلب وراكب وغازي عودو في نفس اللحظة ..

هسه عندك مثلاً .. لايوجد شئ اسمه المجلس الأعلى لنظارات البجا..ولا شئ اسمه رئيس البجا
لكنه تمت لواكته ومحركته ولولوته بإبتسامة راكبة لوري حطب حتى صدق الناس وجودها
وانها حقيقة ثابتة كثبوت قبيلة تتكلم باسم البجا او كانما للبجا قبيلة ..
مع انه لا في حاجة اسمها مجلس أعلى ولا نظارة بجا ولا بجا زاتو ..

لكنه القطـــر والله اعلم ..

المهم عشان ما اطول عليـك حا اديك مثالين للركاب من المتاحين لي في الكشف حاليا ..
واحد من الركاب اسمه عثمان اونان والا منو كدة بتاع مؤتمر البجا..
والراكبة امنة امنة مختار - دي ما بتاعت ولا حاجة..

وحا اجيك بالحيثيات في وقت متاح..

تحياتي ومودتي المعلومة..

بخلاف تزوير التاريخ والوقائع
يجيدون صناعة الفتن بين مكونات المجتمع.

نفس الشخص الذي يتجه الآن شرقاً للعبث بمكونات شرق البلاد هو من أساء للنوبيين من قبل.
انا والتـاريخ زمن كرونا - النوبــة مش مسالمين وشعب أميانا والتـاريخ زمن كرونا - النوبــة مش مسالمين وشعب أمي

انتبهوا للأسماء دائماً قبل قراءة المحتوى.

___
في الفترة القادمة ستكثر مثل هذه الأشياء.

Quote: نفس الشخص الذي يتجه الآن شرقاً للعبث بمكونات شرق البلاد هو من أساء للنوبيين من قبل.

يعني "حيدر" ولدنا المسكين ده ممكن يعبث بمكونات الشرق كلها؟؟
ويملك من الادوات ما يجعله سيدآ وقائدآ و "عابثآ" في غيرما مجتمعه؟؟
وصالحو شنو في انو يعمل كده؟؟ ح يستفيد شنو يعني؟؟

انت عاقل يا "حاتم موريتانيا"؟؟

الزول ودوهو الضل ورشوهو بي موية باردة.

الطريفي ......

Quote: كانما للبجا قبيلة .. مع انه لا في حاجة اسمها مجلس أعلى ولا نظارة بجا ولا بجا زاتو ..

قلت لي ما في بجا ذاته...كدة بجرة قلم؟؟؟
إنت شنو فهمك عن قبايل البجا؟؟؟؟
طبيعي هناك فرز للكيمان ....
بين قباائل البجا الأصلية وغيرها من المدعين...!

لكن إنت مالك, مجرد حشرة ولا فتنة؟؟؟

معليش يا بلال قفلت قبال احجز ليك مقعد في عربية المخصوص فوق ..
في الشفت التاني بشوف لك حتة في الفرملة أو رفقة في عربية البوستة ..
لو مستعجل ممكن نشحنك صحبة راكب من الفوق بس في الحال دي بنستفك في كرتونة..
وكتابة اسم وعنوان الراكب .. وتغليف طبعاً حرصاً على سلامتك ..

تحياتي ومودتي الاخوة ابوحسين والشيخ سيد احمد على تسجيل الحضور..
بعدين يا الشيخ انا قائد في مجالي العبثي ..وممكن ببساطة اعيد ليك كتابة التاريخ وتغيير قراءته..
وفي إمكانية اطبق ليك فيهو نظرية الـButterfly effect
حضرت فيلم باك تو فيوتشر .. :).
وطيب ما تستهين بي " عبثي " هههههههه

ثم و الشكر موصول لجمار التكارين العنصرى على رفد البوست وإيثاره بي قحته الوحيدة..

المهم ..
مع الاعتذار للزمن يا حبيب لكن زي ما قلت ليك حا اجي راجع لعدد من النقاط ..:

أولها حيثيات كضب حاجة اسمها المجلس الأعلى لنظارات البجا ..
ودور الركاب النضيفين المبتسمين في خلق الوهم دا ..
وتانيها حكاية التلفيـق والسلبطة ووهمة قبيلة او كيان باسم البجا في تزوير وتلتيــق وتكوييش فاضح ..
ودا يا الحبيب زي قصة فجأة كدة ينط ليـك محسي او حلفاوي أو واط ايفر زول زي بشاشا مثلاً و يخلق ليهو عمودية باسم كوش قرقرقرقر
والقصة دي في موضوع فلفلناهو في الرابط الجابو الحمـار في قُحته فوق ..
وهي واقعة وكائنة وحادثة بالمناسبة - قصة عمودية كوش دي من غير العزيز بشاشا - وحا يمر بيها القطر بعدين في مسار الشمال..
أو وليس عبثاً ان تكون جبهة لتحرير كوش..

والتالت يا ملك بيتعلق بأدب الرحلات ودا خاص بتسجيل بعض الملاحظات والانطباعات من حيثيات إفادات المتلبين من القطر بشقيهم
سواء كان متلب نضيف ومراعي لهندامه أو متلب فوق لوري حطب اول حطبة فيه شرطت سرواله وعرت سوءة شيطانه..

دا بالاضافة لنقطة خاضعة للمزاج إذا احتاجت النفس لترويح وانتيرمنت وسط هذا الجو المأزوم ..
ودي بتتعلق بحميــر السقايـة وجماعين الحطب وبياعة البيض الخايس وكلاب الضللة التي لا تخلو منهم محطة من المحطات ..
يترمرموا ويتلحوسو في ركاب القطر والمتلبيين على السواء ..
وامثال ديل بيخطر على بألي انمذجتهم في سيف بابكر البيـنبح تحت دا وحمــار السقايـة التكروري المذكور آنفاً والمدعو طـارق عنتر ..
النقطة دي لو فضينا والمزاج راق بنجيها لاحقاً ..

حتى ذلك الوقت تقبل مودتي ،،،

Quote: بعدين يا الشيخ انا قائد في مجالي العبثي ..وممكن ببساطة اعيد ليك كتابة التاريخ وتغيير قراءته.. وفي إمكانية اطبق ليك فيهو نظرية الـButterfly effect حضرت فيلم باك تو فيوتشر .. :). وطيب ما تستهين بي " عبثي " هههههههه

حلوة يا "حيدرنا"

ما فيش حد احسن من حد..
كل زول يكتب تاريخو زي ما عايز ويؤلف بدون مرعاة لمقولة:
"ووب علي من ناس النظام..طرمبة ورا والقاش قدام"
وطالما انو مافي نظام..فمن باب اولى انو الزول يكتب ويكون هو النظام.
اهم حاجة انو "الزوادة" ما يكون فيها بيض في السفرية دي:)
انصح ب"النواشف" لتجنب اي سيولة معوية.
انت بالمناسبة راكب في ياتو درجة..لأنو نحن وراك بي عربية "الدريسة" :)

Quote: Naser Osman 1-0باختصار البجا ارض و ليس قبيلة 2-اراهن كل من يدافع عن ترك انت يثرد عدد عشر نظار قبل ترك 3_اين كانت نظارة الهدندوه قبل 100سنه أعجبني · رد · منذ ١٦ س المكون الإضافي للتعليقات من فيسبوك

`

مشكور الاخ ناصر عثمان للإختصار المفيد والزبدة زي ما بيقولوا
لا اعتقد انه في راكب ممكن يقبل يراهنك لعلمه بإنه خاسر ومخروت ..
ومابيناتنا يا حبيب اذا كانت ارض او سكان المهم الفكرة وصلت..

والشكر موصول لي شيخنا الحبيب عاطف بن عمر حفظه الله ورعاه
ولو .. و مع انه الواحد الايامات دي متاورو ضرس يا شيخ عاطف وما بقدر على الورجغة الكتيرة اكان وريتك السايق التاتشر زاااتو .. ومنو الساكيهو القطر :) ؛)
لكن اهي فرصة لمن يهمد الضرس كل زول يعمل الهومويرك بتاعه وما يجي يقول ما قالوا لي او ما قريت ويطرشني ..
وعموماً نحنُ كقوم صدرنا الديمقراطي وسيع وممثلين للشفافية العالمية في هذه الاصقاع بندي فرصة للمتسيبين والمتلبين في المراجعة وما بنخلع الناس خُلعة اوكيـر ..
وأوكيـر يا عزيزي ان كنت لا تعلم هو بروف الـ drawing ومحور التحذير الاستهلالي ( Take care from O'care ) الذي كان سناير تكنو في الجزيرة يدشنون به استقبال البرالمة..
لكي لا يقعو في فخ تيستات اوكيـر الفجائية ..
وله تنسب معادلة ربط النجاح بالقدرة على تخيــل الفراغ..
هذا الفراغ الذي عجز خيــال سيف الدين بابكر عن تخيله بأرض النيلين فجلب جحافل بني صهيون وعبدة الشيطان لملئه ..

المهم تباً للسمكـ ،،،!

Quote: مع انه لا في حاجة اسمها مجلس أعلى ولا نظارة بجا ولا بجا زاتو

قبل ان تبدأ الكتابة تأكد ان الفرامل شغالة..