القط ابوسبعة ارواح الظلامى معتز القريش يدخل مستشفى القلب للمرة الثالثة مايتلحس

07:15 AM October, 17 2020

سودانيز اون لاين
بدر الدين الأمير-دولة قطر
مكتبتى
رابط مختصر

ماقلت لكم يادينق وخضر الطيب

الظلامى فى كل مرة
بحنك نكير ويطلب منه
التاجيل

https://top4top.io/

لا إله إلا الله الحليم الكريم،
لا إله إلا الله العلي العظيم،
لا إله الا الله رب السماوات السبع و رب العرش العظيم،
لا إله إلا الله وحده لا شريك له،
له الملك وله الحمد وهو على كل شيء قدير،
الحمد لله الذي لا إله إلا هو،
وهو للحمد أهل ،
وهو على كل شيء قدير،
سبحان الله ،
والحمد لله،
ولا إله إلا الله ،
والله أكبر ،
ولا حول ولا قوة إلا بالله،
اللهم اشفه اللهم اشفه اللهم اشفه،
اللّهم آمين

،،،،





عزالدين عباس الفحل
ابوظبي

الف الف حمد الله على السلامة يا معتز.

أتمنى لك الشفاء العاجل.

بدر الامير.

الظاهر الظلامي ده قروشو كترت وما قادر يعدها!

أمراض القلب دي بتجي للأغنياء وليس للفقراء من أمثالنا.

كفارة وسلامتك يا معتز والعربي ده عينه منقد بس شبكك مطاعم مطاعم كان داير يوديك التوج

يادينق
قروش شنو الظلامى مطاعمو دقت الدجلة
والخساير بالردوم لمن قلبو وقف

يامنتصر
ياخى انا من امس بحك فى راسى
عشان اعدد محاسن الظلامى على أمل
انه حايتلحس صدق مالقيت ليهو غير
حسنةواحدة وهى انه علمنى السكر

Quote: صدق مالقيت ليهو غير حسنةواحدة وهى انه علمنى السكر

هههههههههههههههههههههههه

دا شنو يا ود الامير ؟ بتاع العنكوليب ما سمعك ..

.....................................

معتز سلامات والف سلامة ليك وماتشوف شر

شفاك الله وعافاك

تقوم بالسلامة والمطاعم تدوّر تانى

كفارة وسلامة إن شاء الله

اللهم نسألك أن تنعم بالشفاء على عبدك معتز قريش

سلامات يا بدر

ألف سلامة على معتز ونسأل الله أن يشفيه ويعافيه.

أرجو أن تبلغه سلامنا ودعاءنا له بالشفاء.

عاجل الشفاء باذن الله

الف سلامة ان شاء الله، اللهم اشفه شفاء عاجلا
بس بعد كدة يسحب الجقاجق والعكو من قائمة المطعم

يا ود الأمير مهما كانت الصداقة بينكم لكن اللغة الكتبت بيها العنوان
تخلو من الحساسية

ألف سلامة للحبيب ود القريش و ان شاء الله كفارة و اجر و عافية
انت يا بدر الدين لو شلتو من دماغك ما بتجيهو عوجة تب :)
أمس ما جابو ليهو عشا في المستشفى قال ليهم عاوز اطلع اتعشى قال ليهو مافي طريقة
يجيبوهو ليك هنا بس
الظلامي دا ما عندو اي عوجة انصح مني و منك , مشكلتو بتشهى

الف سلامة يا معتز القريش، وكفارة إن شاء الله.. وبدر الدين عاوزك ترجع تشتغل فى شركته تانى.. دا الموضوع كله..

بالمناسبة هاك النصيحة دى:
1. لا تقبل أى عملية قلب مفتوح.
2. أبعد من الأقاشى وأى لحمة مطبوخة أو مقلية.. شية بس إن كان ولا بد.. والشية تكون على نار عشان الزيوت تنزل فى الفحم. وما يكون فيها شحم.
3. البعد عن الملح والسكر..
4. تناول الوجبات التى ليس فيها جلوتين مثل الذرة والدخن وأبعد من الخبز الأبيض. وفى أى دقيق جاهز فى السوق شوف كلمتين فقط Whole Grains الكلمتين ديل بالحرف
يعنى أى واحدة فيهم لوحدها أو مع كلمة تانية ما تنفع.
5. المشى نص ساعة فى اليوم حتى لو فى المول أو تلف داخل سيوبر ماركت بدعوى البحث عن حاجة تشتريها.

ومرة أخرى أجر وكفارة إن شاء الله.

الف سلامة ليك يا ودنيلنا الأبيض يامعتز القريش انشاء الله تقوم بالسلامه مكايدة فى ود الامير الداير ليك الشينة

خالص الدعوات بعاجل الشفاء للأخ معتز القريش
أجر وعافية وكفارة ...

ألف سلامة لمعتز القريش وعاجل الشفاء ان شاء الله

دعواتنا للاخ معتز بعاجل الشفاء

الحبيب بدرالدين .. تحياتي
اذكر ايضا لمواساة مرض الفنان المسرحي السني كان لك بوست بنفس الطريقة الاخوانية
مزاح جميل وونسة .. يومها كتبت لك بعض الكلمات .. واليوم أردد
أحسن شيء أن يكون تعامل الاخ أو الصديق المريض بنفس الاسلوب المعتاد دون أي تغيير
لأن الشخص اذا وقف امام المريض وعلى مسمع منه ورفع الدعوات بالشفاء وبإظهار الحزن الألم
عندها يشعر المريض بأنه في حالة خطرة .. حتى دعوات الشفاء من المفترض ان تكون سراً
ومن الافضل أن لا يعامل بأنه مريض بل بأسلوب عادي كما كان ( اخوانيات ، مزاح ، تعليق ... الخ)

ماذا لو كان العنوان ( دعواتكم للاخ معتز بالشفاء ) فيه تضخيم وتخوف ..


تحياتي الحبيب بدر..
وعاجل الشفاء لحبيبنا معتز

انور
اهو الواحد بحاول يشكر المحسنين له

جاكم كلامى
الظلامى طلع منها شديد ولضيض
وباشر اعماله وعد الريالات

ألف سلامة لمعتز القريش وعاجل الشفاء

Quote: أبعد من الأقاشى وأى لحمة مطبوخة أو مقلية.

والعرقي

Quote: والعرقي

ههههههههههههه

ألف سلامة لمعتز قريش ، بالرغم من هذا RBG كان يتأهب للذهاب لأبوهامور إلا أنه يحمل حباً ووداً للجميع وفعلا هو أمير وود أمير وابو أمير ( هذا الشكر لكم من الرطاني ) .

ياخي سلامات يا معتز

وان شاء الله ربنا يتم عليك نعمة الصحة والعافية.

شكرآ "بدر"

الف سلامة للفنان معتز وما يشوف شر

Quote: 5. المشى نص ساعة فى اليوم حتى لو فى المول أو تلف داخل سيوبر ماركت بدعوى البحث عن حاجة تشتريها.

6/ ابعد لمدة شهرين من خالنا دا لانو مفلس الايام دي وبنحاول انا وناس امريكا نلقط ليه

سلام با شمهندس ابو الريش

النصيحة دي لي معتز حقنا دا و لا شيتن تاني ؟

Quote: 2. أبعد من الأقاشى وأى لحمة مطبوخة أو مقلية.. شية بس إن كان ولا بد.. والشية تكون على نار عشان الزيوت تنزل فى الفحم. وما يكون فيها شحم. 3. البعد عن الملح والسكر.. 4. تناول الوجبات التى ليس فيها جلوتين مثل الذرة والدخن وأبعد من الخبز الأبيض. وفى أى دقيق جاهز فى السوق شوف كلمتين فقط Whole Grains الكلمتين ديل بالحرف يعنى أى واحدة فيهم لوحدها أو مع كلمة تانية ما تنفع. 5. المشى نص ساعة فى اليوم حتى لو فى المول أو تلف داخل سيوبر ماركت بدعوى البحث عن حاجة تشتريها.

طيب يا باشمهندس عشان تكون في الصورة ح اوضح ليك برنامج المرفعين الاسمو معتز دا :-
معتز بصحى بدري بودي العيال المدرسة بتصل على المطعم بجهزو ليهو كبدة ابل بالدكوة و الشطة و باقي البهارات و معاها ام فت فت الساعة ستة و نص صباحاً بكون انتهى منها
بشوف طلبات المطاعم و التجهيز للفطور مع العمال في سلسلة المطاعم بتاعتو :)
الساعة 10 صباحاً بجهزو ليهو الفطور عبارة عن شية جمر و شية بالطوة و فسيخ الدويم مع جبنة الدويم الممتازة و صحن فول
بعدها بكون وكت الفطور انتهى براجع الحسابات والتجهيز للغداء في المطاعم دي و بعدها بمشي بنوم القيلولة ذي الساعة اطناشر بعد يجيب الاولاد من المدارس
بصحى الساعة 5 بمشي المطعم بكونو جهزو ليهو صينية الغداء ودي مكونة من ملاحات تقلية او نعيمية او ام رقيقة او ملاح قرع و شية صاج و ضلع بالمكرونة
الساعة 10 مساء بطلب العشاء و هو مكون من صحن كمونية و فول و سمك نوعين مقلي و بالفرن و بحلي بي تقريباً كيلو الا ربع باسطة سودانية
الساعة واحدة بكون جرد الحسابات و اتخارج .. اها البرنامج دا مدور السنة كلها كوبي بيست
ملاحظ انو الوجبات التلاتة دي لا فيها فواكه و لا سلطات
اها نصيحتك شنو للمرفعين دا ؟ هههههه

باشمهندس خضـر الطيب،
أنت تعرف انى لا اضع أنفى فى مكان لا ينتمى اليه. أقترح ولا أنتقد. وإقتراحى أو قل نصيحتى الفوق واضحة ولو تعديتها أكون دخلت فى
منطقة لا عندى فيها ناقة ولا جمل.. فأنا لست nutritionist أما ما أقترحته فكان عن خلطة من تجربة شخصية ومن نصيحة أطباء لى شخصيا.
والتجربة الشخصية فيما يخص رفض عملية القلب المفتوح، فقد قررها لى أطباء فى مستشفى هنا.. ثم زارنى طبيب فى غرفة العنياة المركزة بالمستشفى
وقال لى لا تقبل العملية لا تحتاجها وسيعطونك أدوية.. وحين أخبرت الأطباء وليتنى لم أفعل.. نظروا الى بعضهم دون أن يتحدثوا وكأنهم أكتشفوا
طبيب مخلص خانهم وقال الحقيقة.. فإن العمليات الجراحية هنا بزنس تقيل للمستشفيات والأطباء، وأحسب فى كل العالم. الحادثة لها 4 سنوات
والحمد لله أنا بخير والتزم بتعليمات الأطباء فى الأكل بالذات. أما نصيحة الأكل فهى من طبيب سودانى وأخ عزيز يعمل فى الدوحة.

تحياتى يا كلس