العطش ... رواية للزميل محمد حيّدر المشرّف

09:41 PM October, 12 2020 سودانيز اون لاين
جلالدونا-USA
مكتبتى
رابط مختصر
قالها منعم و هو موغل فى لحظة حزن من ذلك الزمان
بدارجيته الجميلة يحدّث نسرين واهبنا عنوان للرواية
____
الخوف و الحزن ما زى العطش يا نسرين
الخوف بنتهى و الحزن بموت ألّا العطش بزيد
______
من مقدمة الرواية

حملت لنا الاسافير فى ايام ماضيات بشرى صدور باكورة انتاح الوميل محمد حيدر المشرف
الموسومة باسم
العطش حكاية سودانية
اهنئ اخانا المشرف على الاطرلة الادبية مع الامنيات له بالنجاح و المزيد من النجاح

Quote: صدور رواية (العطش – حكاية سودانية) للكاتب محمد حيدر المشرف مداميك 11 أكتوبر 2020 صدرت اليوم، عن (دار الريم) رواية (العطش – حكاية سودانية)، للكاتب محمد حيدر المشرف. والرواية تدخل في حيز (المفرج عنه) ما بعد اقتلاع الدولة الشمولية في السودان، والانعتاق من ربقة الحكم الإسلاموي البوليسي العنيف، والذي دام لثلاثة عقود حسوما. لا نجد حضوراً سابقاً للكاتب في المشهد الثقافي الأدبي السوداني إلا من خلال ما تناثر هنا وهناك في الأسافير الواسعة، وهذه هي تجربته الأولى في النشر. وهو بذلك, ربما, يمثل جزءاً من ظاهرة شيوع الإبداع ما بعد تعدد قنوات الكتابة في زمن الوسائط الالكترونية. فقد غادرت الكتابة بيوت طاعتها النخبوية القديمة، وانتشرت، وذاعت، بعد تضعضع أركان الكهنوت الثقافي، وارتخاء قبضته قليلاً عن أعناق العامة لو جاز التعبير، فكان أن ازداد عدد الذين يكتبون، ومن ثم ينشرون إبداعاتهم، ويجدون لذلك ألف سبيل. هي ظاهرة تستحق الرصد والتحليل والتقييم دونما شك، لمدى تأثيراتها على مستقبل الحراك الأدبي والفني في السودان. الرواية, كما يقول الكاتب, تتكون من (12) فصلاً، تدور أحداثها بين العام 1989 وإلى ما بعد الانفصال في السودان. وهي حكاية (عادية) لجيلنا – يستطرد الكاتب – بيد أنَّها تحمل شحنة ترميزية تتجاوز السرد والأحداث نحو الأفق الوطني الواسع، وكل ذاك الذي حدث في السودان ما بعد انقلاب 30 يونيو 1989 من تغيير سياسي واجتماعي، أُعملت فيه معاول الهدم السلطوي والديني العنيف التي تمَّ تكريسها لفرض ما كان يدعى بـ (المشروع الحضاري) للصوص الإسلام السياسي. وهي الوضعية التي أفرزت واقع الخروج Exodus ومن ثم إنتاج ما يدعى بالشتات الوطني العظيم من وجهة نظر الكاتب The Sudanese Diaspora. وهكذا تفرض المتناقضات نفسها على أحداث وشخوص الرواية في مداولات الذات بين ارتكاب الخلاص الفردي وبين النضال من أجل الخلاص الوطني, بين الحضور والغياب, الإقامة والاغتراب, الهزيمة والانتصار, وحلم الرجوع يراودهم بشراسة لا تنتهي. زمن الرواية متحرك نوعاً ما, يتميز بارتدادات سحيقة عند ذوات شخوصها تارة, وبامتدادات مستقبلية استشرافية تارة أخرى. كما أنَّ هناك الكثير من النوستاليجا المتداعية في تفاصيل الخط الزمني للرواية. وباعتبارها تجربة أولى للكاتب، فهي بالضرورة خاضعة للتقييم وهدف مقترح لعمليات النقد الذي نتمنى أن ينفتح على الفضاء الأدبي الآخذ حتماً في الاتساع، بعد تعرض الوجدان السوداني لحدث وطني مهيب كثورة ديسمبر.

جميل ان يتجه احدنا لطبع ونشر
عمل ادبي بعد ان كان اصدار كتاب
عمل به مشقة تقعد بالكاتب عن بسط
مجهوده.

محمد حيدر دوماً ينحو للانجاز وان يترك
بصمة وأثر ، ولعل هذا الكتاب يكون مقدمة
تتلوها كتب ، ونطمع في المزيد .
ورغم ان المسافات تباعدت بيننا الا انني دوماً
اتسقط اخباره ودوماً اجد مايفرح .

كل التشجيع ولحين قرأة ماجادت به قريحته
أحييه واتمني لروايته ان تجد ما تستحق من
اهتمام

Quote: كل التشجيع ولحين قرأة ماجادت به قريحته أحييه واتمني لروايته ان تجد ما تستحق من اهتمام

لك كل التحايا اخونا دكتور حيدر

على الدرب سير

وفقك الله وسدد خُطاك

لك الود كُلّه

أنور

الف مبروك دكتور المشرف

شكرا يا جلال على الأخبار الحلوة

كيف يمكننا الحصول على نسخة من الكتاب فى أمريكا

بالمناسبة، ويين اختفى أخونا دكتور المشرّف ؟
كنت بقرا مشاركاته هنا بعناية تامة ، شخص يضع النقاط فوق الحروف
اتمنى عودته قريبا

الف الف مبروك يا دكتور ..

كان لي عظيم الشرف على قراءة النص قبل الطباعه ..

انت رجل فنان بمعنى الكلمة ..

شوفو الشايقى الغتيت دا
وين ومتين طبع روايته فى
ظل هذه الكرونا
اتاريك ياود حيدر كنت مختفى
فوق راى

ألف رمبروك للصديق الكاتب والروائي الدكتور محمد حيدر

ألف مبروك باكورة الانتاج الأدبي ..
لحبيبنا وصديقنا الغالي محمد حيدر المشرف
فهو كاتب يتدفق صدقا ودهشة وصاحب كلمة آسره ..
تمنياتنا له بكل جميل على كافة الأصعده ..
ليته يترك كسله ويعود للكتابة لنا بسودانيز من جديد ..

مشكور جلال ..

تهانينا ومبروك لدكتور المشرف هذا الاصدار ..
كل الامنيات له بالتوفيق ..

شكرا الاخ جلالدونا على البوست

د. محمد المشرف صاحب حرف أنيق
يستاهل أن نحتفي بأي منجز إبداعي يصدره على خلاف الذين أصدروا روايات دون أن نلمس حتى في مشاركاتهم هنا أي لمسة إبداعية في كتاباتهم
تحية لود المشرف
-
كتبت منشور في الفيس بوك بهذا الخصوص .

مبروك الإصدراة يا محمد.

كيف الحصول عليها؟

مبروك يا دوك على الاصدارة
متين ح تكون فى الامازون !؟

جزيل الشكر والتقدير للاخ والصديق جلالدونا ...

ولسودانيزاونلاين فضل عظيم لا ينسى على الرواية اذ كتبت اول أمرها "لايف" على سبورة المنبر البيضاء .. اغلب الأجزاء الأولى من الرواية كتبت هنا .. على هذه المساحة البيضاء الاليفة لسودانيزاونلاين.


ثم للحضور الجميل في هذا البوست

د. اخلاص عبدالرحمن المشرف (اخلاص عمتي) .. اشواقي و مودتي وتقديري
الصديق والاخ حسن حماد (بصدد البحث عن طريقة لتوافر الرواية في المهاجر يا حسن)
الصديق والاخ ترهاقا (متواجد في المنبر يا صديقي من خلال القراءة والعودة للمشاركات عما قريب)
الصديق والاخ يحى قباني (يا أيها الزول الامدرماني الجميل)
الصديق والاخ بدرالدين الأمير ( شفت الكرونا دي عملت فينا كيف يا بدر؟)
الصديق والأخ عبدالصمد محمد (الله يبارك فيك يا عزيزي)
الصديق والاخ جمال ود القوز (مشتاقين يا جمال وعما قريب ننفض الكسل ونعود لمعافرات المنبر الجميلة)
الصديق والاخ حيدر الزين (دفعة المنبر والزول المكرب .. الله يبارك فيك)
الصديق والاخ حيدر حسن ميرغني ( يااااا .. وييين يا .. مشتاقين والله وطولنا منك .. كنت مختفي يا حيدر .. مودتي وتقديري وشكري)
الصديق والاخ ابوالريش (ازيك يا باشمهندس .. الله يبارك فيك وكل المودة والتقدير)
الصديق والاخ علاء سيد احمد (شكرا يا صديقي .. ساحاول مسألة أمازون هذه ونشوف)

لف مبروك للصديق الكاتب والروائي الدكتور محمد حيدر
ابداع والي الامام


بيرو

الرواية حاليا متوفرة في
- دار جامعة الخرطوم للنشر
- الدار السودانية للكتب
- دار الريم للنشر والتوزيع (شارع كونتو مخلص خلف برج التضامن بالقرب من صحيفة الوفاق
- مكتبة مروي بوكشب

والله انه شئ مفرح أن يسهم مثقفو السودان بكتاب مهما قل شأنه
فما بالكم برواية من دكتور المشرف
فإني احسبها تليق باسمه (شرف)
وهي شرف لسودانيزاونلاين واهلها ومبتدعها (الاخ بكري ابوبكر) أن تخرج كتابا بقامة ودالمشرف
وسنسعى للحصول عليها في المكتابات التي اشار إليها د ود المشرف
ومن بعدها سنعلق عليها هنا ان شاء الله.

Quote: الرواية حاليا متوفرة في - دار جامعة الخرطوم للنشر - الدار السودانية للكتب - دار الريم للنشر والتوزيع (شارع كونتو مخلص خلف برج التضامن بالقرب من صحيفة الوفاق - مكتبة مروي بوكشب

وكما قالت دكتورة انصاف
نتطلع للمزيد
فالثقافة والكتابة والتوثيق هي احدى راكائز نهضة السودان

الف الف مبروووك دكتور المشرف

و مزيد من الاصدارات و النجاح باذن الله وتوفيقه

شكرا الاخ جلال

شكرا
يامشرف
بيك نتشرف
عبر رواية
انشاء الله
اقيف عندها
حرف حرف

مليار مبروك بصدور باكورة المشرف.

وشكرا لجالب البشارة:
جلالدونا.

صاحبي ياخ
أقسم بالله حأقشر بيها بإعتباري صاحب المؤلف

المدعو جلالدونا،
شكراً يا أخ

مبروك للسودان و مبروك لدكتور محمد حيدر صاحب اللغة الرفيعة

و القلم الرصين المسكون بالهم الوطني.

معليش نسيت السلام يا أ. جلال، عقبالك أصدار رواية قريباً.

اسمحوا لى ان اعبر عن شكري للربس بكري
فى رفع البوست الى صدر العناوين
شكرا جزيل يا هندسة

الف مبروك الاصدارة و عقبال اخريات.

فوق لأجل الإبداع
مع الشكر لجلال

تحياتي جلال
وضيوفه
لم يخذلني الصديق العزيز مشرف
المثقف المهموم بالوطن صاحب العبارة الرصينة المؤدبة . مرتب الافكار والمنطق في احلك ظروف صراعاته
والمهموم بالوطن
لم يخذلني فلم يكتب الا عن الوطن بلغة اخرى
والتحية له والتهنئة كونه خرج من السجال اليومي المرهق والمتعجل لبراحات الكتابة المتمهلة والمثابرة
اقرأ هذه الايام في الرواية وسأعود

ألف مبروك .. يا دوك .. متشوقين لقراءة باكورة أنتاجك ..

وين نلقي الرواية ..

بريمة

Quote: جزيل الشكر والتقدير للاخ والصديق جلالدونا ... ولسودانيزاونلاين فضل عظيم لا ينسى على الرواية اذ كتبت اول أمرها "لايف" على سبورة المنبر البيضاء .. اغلب الأجزاء الأولى من الرواية كتبت هنا .. على هذه المساحة البيضاء الاليفة لسودانيزاونلاين. ثم للحضور الجميل في هذا البوست د. اخلاص عبدالرحمن المشرف (اخلاص عمتي) .. اشواقي و مودتي وتقديري الصديق والاخ حسن حماد (بصدد البحث عن طريقة لتوافر الرواية في المهاجر يا حسن) الصديق والاخ ترهاقا (متواجد في المنبر يا صديقي من خلال القراءة والعودة للمشاركات عما قريب) الصديق والاخ يحى قباني (يا أيها الزول الامدرماني الجميل) الصديق والاخ بدرالدين الأمير ( شفت الكرونا دي عملت فينا كيف يا بدر؟) الصديق والأخ عبدالصمد محمد (الله يبارك فيك يا عزيزي) الصديق والاخ جمال ود القوز (مشتاقين يا جمال وعما قريب ننفض الكسل ونعود لمعافرات المنبر الجميلة) الصديق والاخ حيدر الزين (دفعة المنبر والزول المكرب .. الله يبارك فيك) الصديق والاخ حيدر حسن ميرغني ( يااااا .. وييين يا .. مشتاقين والله وطولنا منك .. كنت مختفي يا حيدر .. مودتي وتقديري وشكري) الصديق والاخ ابوالريش (ازيك يا باشمهندس .. الله يبارك فيك وكل المودة والتقدير) الصديق والاخ علاء سيد احمد (شكرا يا صديقي .. ساحاول مسألة أمازون هذه ونشوف)

اختنا اخلاص و الاخوة المشمولين برد سيد العدة
بعد شكر الصديق محمد حيدر المشرّفنيكم
شكري ليكم اصبح من باب لزوم ما لا يلزم
غير انى اقتبس مكرمة المشرف بقوله

Quote: جزيل الشكر والتقدير للاخ والصديق جلالدونا ..

كيّة لى مولانا السلبطانا داك شنو كده ما عارف
الغريب لقيت برضو المدعو هيثم غالى يا حافظ
ياخى هيثم غالى داك ياخ الذى لا يسمن و لا يغنى حايم فى جخانين الاسافير
وقاشر بى صورة الغلاف و ماسك فى صديقى المشرّف
منتفخ الاوداج

الف مبروك صديقنا المشرف هذا الانتاج الفكري
وقعت الرواية في يدي بالصدفة عبر صديق
مشترك المحامي كمال عبدالرحمن زميل المشرف
بخور عمر الثانوية وسألته هل الرواية للصديق المشرف قال لي نعم
شكرًا جلالدونا لرفدنا بالبوست

فوجئت بالبوست معلقا في اعلى استار المنبر.
قلت: والله يا ود ما فضل ليك الا المكتبه :)

شكرا بكري ..

وشكرا جميلا للاصدقاء والصديقات هنا ..
كتر خيركم على الكلمات الطيبة والمهنئة والجميلة

حقيقة إحساس جميل جدا ..
هذا المكان وكائناته المدهشة القريبة من الخاطر الجميل وعلى بعد خطوة من القلب شكلوا معينا إنسانيا وثقافيا واجتماعيا لا ينضب او ينتهي .. هناك ما ادعوها بالمؤسسات الاجتماعية .. مؤسسة الاهل, مؤسسة الجيران, مؤسسة زملاء الدراسة الخ ... وهذا المنبر بهذا القياس احد اهم المؤسسات الاجتماعية في حياتي ..

اطالع الأسماء يمين الشاشة فيتداعى الحضور أمامي .. كل تلك الاتفاقات والاختلافات والتعاطي الإنساني منذ انضمامي لهذا المنبر في العام 2007, ولقد اتى على حين من الدهر كنت اصحو وانام على هذا المنبر ... هذه حياة حقيقية ووجود حي, لو بت في ليلتي هذه في كوستي لبت عند حفيظ .. اليس كذلك؟!!

وهكذا ..

فى المدخل للحكاية
عتبة اولى
عن ذلك الخيط الرفيع بين الحبيبة و الوطن
و فى وصف الكاتب له بالحزن الذى لا يتوارى
يكسر و لا ينكسر
لا تخفت له نار و ألّا و هو يرمى بك
فى حضن حزن موعود
لهث للارتواء من عطش
استطالت نهاراته و ليلاته
بامتداد نهارات و ليلات الوطن الموغلة فى رحم الحزن
و
يبقى العطش
حكاية وطن

الف مليون مبروك ياحبيب وبالتوفيق دائما

اتمني الحصول علي نسختي

مبروك مشرف
الواحد طوووول ما قرا رواية، اكيد حتكون تجربة شهية جدا بعد انقطاع..

الحضور الكريم والمحتفى به د.المشرف
والله شرف لينا نحن انه معانا انسان بهذا الجمال وهذا البهاء ،ياخ مرات لو طلبوا منك عمل خطاب صغير من كم سطر تقعد تتحير وتطير منك الكلمات والتعابير
فما بالك بى تاليف قصة ونشرها في كتاب ؟ اصعب شىء انك تألف وتنشر كتاب .. بالتوفيق يا دكتور واكيد حنستمتع بالقراءة اولا ولن تسلم من النقد (ان وجد)
مايدعو لذلك عشان ما تقول بنجاملك ..ياخ مرات المنبر دا بفرح الزول بصورة اصلا ما بتتوصف.. والله اسعدتنا يا المشرف ويا جلال

نبارك ونهنيء باكورة الانتاج وفي الانتظار لقرائتها

مبروك للوجيه المشرف صاحب المفردة الأنيقة

مبروك الاخ حيدر المشرف

نزف التهاني للاخ محمد حيدر المشرف
والى المزيد من الابداع

نزف التهاني للاخ محمد حيدر المشرف
والى المزيد من الابداع

السلام عليكم ورحمة الله تعالى وبركاته
مليارات التبريكات للصديق المشرف و نرجو أن نقرأ المزيد
وللعزيز جلال كل الود للأخبار المفرحة
____
الحليلة

الف مبروووك الاصدارة دكتورمحمد المشرف

واسلوبك الادبى الجميل الشيق كان يطل بقوة من خلال كتاباتك السياسية ...ويبدو انه اختار الانعتاق منفردا تحو عالم الروايات ...لك التحية

مليووووون مبروك يا مشرف يا (صديقي) كيتاً في جلال ههههه

وخطوة كانت متوقعة بل انها تأخرت من زول متلك يملك قلماً بارعاً وحساً مرهفاً وزوايا نظر متفردة لكل القضايا المطروحة في الساحة الان سواء ان ادب او سياسة او علم

تمنياتي لاديبنا المشرف بالتوفيق والاستمرار

Quote: الغريب لقيت برضو المدعو هيثم غالى يا حافظ ياخى هيثم غالى داك ياخ الذى لا يسمن و لا يغنى حايم فى جخانين الاسافير وقاشر بى صورة الغلاف و ماسك فى صديقى المشرّف منتفخ الاوداج

الحقيقة لله قاشر بيهو قشرة من امها

وصورة الغلاف مبالغة عجبتني بالجد

الكتابة شي صعب شدييد

زمان عملت فيها الود ممكن يألف قصة ولو قصيرة وكانت عندي فكرة معينة في رويسي دا

اها لمن كتبت المقدمة لقيت انو القصة انتهت ههههههههههههه اقسمبلاي جد

فااا صرفت النظر وانسحبت بكل هدوء

عقبال ما نقشر بيك انت زاتك وبي مولانا حافظ المكاجرك دا ههههههههههه

مبروك صديقي المعتق د. محمد المشرف هذا الميلاد المشرف للرواية

Quote: دكتور البندول كمان بقى أديب زيي؟! داير يحاكيني بس!!

هههههه
يا مستير كيفك ياخ
بالجد المشرّف فى الحتة دى ختّاك ورا
شن جاب لى جاب

Quote: Abubakr Ahmed Abbas يا جُلّة، ما ظنيت في زول في السودان ممكن ينافسني غير الطيب صالح مشكلتي الزهد في الأدب ومسيطرة علي فكرة عبثية الدنيا.

ههههههه
ياهن جك الفول و كرتونة البحاري و ما تمّيتن كمان
و رحلة اللورى و روعة النزول
ياخى اقرا الحكاية و ليك علىّ تلقى نفسك فى ليمون صيدلة
و عرديب هندسة و عصير سوبا و نونات سلمى
حكاية مبتداها بيئة ليك فيها ما ليك من حنين و خنان و حنيّة
انت بس امرق من احساس العدمية ده السمّيتو طلما عبثية عشان يكون عندنا
الديب صالح
ابوبكر عباس
محمد حيدر المشرّف
ابقى مارق نحنا فى رجاك

الأعزاء الواردة أسمائهم
العزيزات نواحي القلب

النذير بيرو ... الله يبارك فيك يا عزيزي
على الكنزي .. كلماتك اعلى من قامتي يا عزيزي .. أتمنى ان تجد في الرواية ما يليق بحسن ظنك
ناصر الأمين يا صاحبي .. كتر خيرك على التهنئة الرقيقة
صديق مهدي .. وأتمنى ان تقف عندها حرفا حرفا وأن تترك فيك اثرا طيبا
أسامة الخواض .. تسلم يا شاعرنا الجميل
حافظ بشير .. انا القاشر بيكم يا صاحبي .. قاشر بيكم شديد
نعمات عماد ... وافر شكري وتقديري ومحبتي
محجوب عبدالله .. تسلم كتير يا صاحبي
عبدالصمد محمد .. كل الود والتقدير وأتمنى ان تكون الرواية عند حسن ظن كلامك
ابوسن .. حفيظ الكائن نواحي القلب .. تسلم كتير يا صاحبي
بريمة آدم .. كابوي سوداني في براري أمريكا .. تسلم كتير يا صاحبي
حسن العالم .. تحياتي واحترامي الكبير ولكمال عبدالرحمن وتسلم كتير
هارون دياب .. سعدت بمطالعة اسمك في المنبر بعد غياب أيها الصفوة الجميل .. مودتي
عبدالله ادريس .. اووووو .. ازيك يا صاحبي ورفيق الصراعات المنبرية العالية .. تسلم كتير
احمد يس .. اخجلت كلماتك تواضعي يا صاحبي .. أتمنى ان أكون عند حسن الظن الجميل ده
جمال الباقر .. تسلم يا صاحبي وكتر خيرك على التهنئة الرقيقة
عثمان الامام .. شكري ومودتي وتقديري
عارف ناشد .. تسلم يا صاحبي
ابوجهينة .. تسلم كتير يا استاذنا
الحليلة .. الزول الجميل في الخاطر الجميل .. شكري وتقديري الذي تعلم
محمد الحسن .. ازيك يا شقيق واتمناك بالف خير .. مودتي
هيثم يا غالي .. انا والله من اتشرف بامثالك من رفقاء الهم النبيل يا صاحبي
عمر التاج .. تسلم كتير يا صاحبي وكتر خيرك

ما ظاهرة عندي مساحة تعليقات الفيسبوك ولكن ..
للمستنير كل الود والاحترام.