د. احمد القرشي د. شموس د .عاطف احمد عثمان د. مصطفي سنادة. د. إيهاب عبدالرحيم د. خالد ياسين د .ياسر ميرغني د. نادر خولي د. طارق حسن د . عبدالمنعم بانقا و عثمان عبدالرحيم موسي .. جات فكرة تحديد يوم الليلة من الأخ الجراح نادر خولي . بعد رجوع الأخ د. أحمد من الأبيض وقبل العودة إلي السلطنة. كانت ليلية بديعة تقاسم فيها الإخوان الاحزان مع الكلس احمد القرشي . وكان لابد من الوقوف في بعض المحطات القديمة . انتفاضة ابريل وأركان النقاش وقفشات شموس وبادي محمد الطيب و ود الفكي و كبوشية و المساح . كانت ليلية الوقوف في محطات الذكريات القديمة . والحاجات الحبيبة . والسمك بالشطة والبزيانوس. التحية للإخوان وتصحبك السلامة يا ود عبدالرحمن .
Post: #2 Title: Re: صور و وقفات وأحاديث في ليلية الترحاب بال� Author: Osman Musa Date: 10-07-2020, 07:11 AM Parent: #1
مالو أعياه النضال بدني وروحي ليه مشتهية ود مدني ليت حظي يسمح ويسعدني طوفة فد يوم في ربوع مدني كنت أزور ابويا ود مدني وأشكي ليه الحضري والمدني
وحنيني ولوعتي وشجني أه.. دار أبويا ومتعتي وعجني يا سعادتي وثروتي ومجني .
... كانت صدفة عجيبة لحظة انطلقت اغنية ود مدني بصوت بادي من داخل مكتبة المطعم الجميل . بعد ما انتهت الأغنية ورقد سمك البلطي شوك. أجمع جميع والإخوان انو ليلية واحدة لا تكفي في حضرة الباحث دكتور القرشي .
Post: #3 Title: Re: صور و وقفات وأحاديث في ليلية الترحاب بال� Author: Osman Musa Date: 10-07-2020, 08:09 AM Parent: #2
Post: #4 Title: Re: صور و وقفات وأحاديث في ليلية الترحاب بال� Author: خضر الطيب Date: 10-07-2020, 11:04 AM Parent: #3
سلام حبيبنا الفنان ود موسى و التحية عبرك لهذه الكوكبة الرائعة من الاصدقاء
Post: #5 Title: Re: صور و وقفات وأحاديث في ليلية الترحاب بال� Author: Osman Musa Date: 10-07-2020, 04:00 PM Parent: #4
يا سلام أخونا المهندس خضر كنت عارفك حتجيبها من ابوها الأغنية ذا اللحن السحري . الأغنية الأخدت نص الليلية نقاش وإعجاب. الف شكر أخ خضر .
Post: #6 Title: Re: صور و وقفات وأحاديث في ليلية الترحاب بال� Author: طه كروم Date: 10-07-2020, 08:55 PM Parent: #5
يا سلام عل هذا اللقاء الذى لا ينقصه سوى البث التلفزيونى لما اؤكد ان الحضور النوعى هذا
وأنا أعرفهم زملاء دراسة ومهنة ... فيهم من الرقة والذوق الكثير ..
ويا ليت كان معهم الصديق المشترك الفنان عاطف وهو صديق شخصى للدكتور خالد يس
لك ولهم عميق الحبة والتحــــــــــــــايا.
Post: #7 Title: Re: صور و وقفات وأحاديث في ليلية الترحاب بال� Author: Shinteer Date: 10-07-2020, 09:11 PM Parent: #6
شن حالك آشقي؟. ياخي أحمد القرشي رجل نادر حقيقة. عاصرناه في الجامعة لكن عرفتو بعد داك وزرتو في "صحار" في السلطنة مع صديق مشترك وكانت نعم الزيارة ومليانة بالحكاوي الما بتعمل وجع ضرس. زول عندو تقييم للناس وذوق وبالو واسع. عادةً بكون متضايق لما أزور زول في بيتو (الله خلقني كدي) لكن اليومين القضيناهن مع أحمد القرشي في السلطنة كانت غير، بل اتمنيت إنها تزيد لكن كان ورانا سفر آخر وطيارات. هذا الرجل أخو أخوان حقيقي ... وأنا زول عندي فراسة بدوية. أحمد القرشي أخو أخوان وإنسان بمعنى الكلمة. تحياتي ليه وانتو محظوظين يكون معاكم رجل زي أحمد القرشي.
أكلتوا لحم؟ بتعجبني سيرة اللحم. لازمن شية كاربة ومعاها حاجات تانية ... إن شاء الله شطة بدكوة لشيوخ الإسلام.
Post: #8 Title: Re: صور و وقفات وأحاديث في ليلية الترحاب بال� Author: tasneem Date: 10-08-2020, 00:46 AM Parent: #7
التحية والتقدير لابن عروس الرمال وحي البترول أحمد القرشي ،،وبرضو أصلا من بارا الركابية
Post: #10 Title: Re: صور و وقفات وأحاديث في ليلية الترحاب بال� Author: Osman Musa Date: 10-08-2020, 09:36 AM Parent: #7
أخونا شانتير سلام فاتتك اللمة العجيبة. الف شكر على المرور والترحيب . تحياتي
Post: #9 Title: Re: صور و وقفات وأحاديث في ليلية الترحاب بال� Author: Osman Musa Date: 10-08-2020, 05:32 AM Parent: #6
Post: #12 Title: Re: صور و وقفات وأحاديث في ليلية الترحاب بال� Author: Osman Musa Date: 10-11-2020, 04:06 AM Parent: #6
الأخ طه كروم سلامات أيام احمد القرشي في الخرطوم كانت أيام قلال وعدايد. زي ما قال عمنا المساح . وجد كانت تستحق النقل التلفزيوني . د. احمد القرشي مبدع شامل . الف شكر
Post: #13 Title: Re: صور و وقفات وأحاديث في ليلية الترحاب بال� Author: محمد المرتضى حامد Date: 10-12-2020, 04:33 PM Parent: #12
لقيتو الرغيف وين؟ سلامات ود موسى.. وين الصور؟ أنا دخلت أشوف صور الرغيف ثم أصحابنا بعد البانديميك.. وصورك انت في قندهار.. تحاياي للعزاز الفوق ديل بلا استثناء.. حمدالله على سلامة د. ياسر ميرغني.. .. عاين.. الصور..
Post: #14 Title: Re: صور و وقفات وأحاديث في ليلية الترحاب بال� Author: Osman Musa Date: 10-14-2020, 09:15 AM Parent: #13
حولا المستشار محمد المرتضى؟ ياخ سلامات . والله افتقدناك في بيتكم. قلت لقيتو الرغيف وين ؟ البركة في مستر نادر خوجلي . الرجل خبير بجخانين المدينة . وهو صاحب فكرة اللمة البديعة . اخوك د. ياسر ميرغني الحمد الله بخير . والصور في الطريق . اكيد . تحياتي للمعاك