الكوز وائل الزبير: شفت الثوار تحت السراير

08:13 AM October, 03 2020 سودانيز اون لاين
أحمد محمد عمر-
مكتبتى
رابط مختصر

Quote: لولا عملت الخونة امثال صلاح قوش كان ابات بناطلين ناصلة ديل عرفوا الله واحد ياخي قول بسم الله .. يا خي الناس تلبت حيط وشفناهم في ريسين البيوت وتحت السراير

كما قلت وسأقولها مراراً وتكراراً لا لثورة قامت على اكتاف الخونة المارقين.كما قلت وسأقولها مراراً وتكراراً لا لثورة قامت على اكتاف الخونة المارقين.
أنا متابع جيد للسوشيال ميديا ولم أشاهد فيديو لثوار متدسين تحت السراير
فرجاء يا أخ وائل يا إما تجيب لينا الفيديو الشفت فيه ما تحت السراير أو تورينا الصفة اللي خلتك تتطلع على ما تحت السراير
باختصار .. هل كنت أحد الأمنجية البقبضوا الثوار من تحت السراير؟

.

الزاحف القاتل دا ما حتصل معاهو لنتيجة

عارف يا شيخ احمد ..جدي الله يرحمه كلن بقول لا تناقش جبان
انت اذا اردت ان تناقش او تجادل فاختار رجلا لذلك النقاش او الجدال

سلامات خضر وأحمد

هنا مافي نقاش
هنا في سؤال اضح عاوز اجابة
يا وائل شفت الثوار تحت السراير وين؟
لو في فيديو ارفقه لينا هنا
لو شوف عين معناها انت من الأمنجية الكانوا بعتقلوا الثوار
ودي والله شهادة لجنة أديب محتاجة ليها شديد


.

في انتظار اجابة الكوز وائل حمزة الزبير
شفت الثوار تحت السراير كيف ووين ومتين؟

Quote: Atif Omer Mohamed Ali Haider Al Zain يا شيخنا سلامات.. خليك انت فيك الخير وأكفل اليتامى امثالي واكرمنا بالوزيرة دي وتويتاتها :) ...... سمح الصُرار عند بتاع الخرفان والعِتان! أعجبني · رد · منذ ٣ س

طيب يا بتاع الخرفان والعتان صرَ لينا ..

من ناحية تانية ياشيخ عاطف ..
الصرار هو عمليـاً بمعني الحبس والمنع عكس مرادك .. وما جيتكم انا إلا مغتبقاً ..:)
فالصرار هو ربط وشدَ شطر او ثدي الناقة عشان ما ترضع وليدها ومنعه من الحليب ..
فمرادك في استخدام هذه المناصصة الخواضيـة لتكون القافية خرفان وعتان لا تستقيم شرعاً ..
لتعارض الإفصاح مع المنع..ثم لحكمة ان الصرار لا يكون للخرفان والعتان لمانع الذكورة ..
والله تعالي اعلم ..

نرفع البوست عشان الحامد ما يعمل غمران و يقول ما شفتو

من حكم المستنيـر أحياناً :/

Quote: Abubakr Ahmed Abbas يا شبح، الزول دا قاعد يلعب بيكم، بكون قاعد في حتّة أمان قطر أو تركيا أو تكون معلوماته غير حقيقية داير يفور ليكم دمكم. يا أخي، المذلة الضاقوها الكيزان تاني ما بتطلع من نفوسهم، أيام كان يسكوهم بالشوارع ويا حرامي، يا حرامي ما حدث لهم يسمى السحل، الرجل يحاول ينتقم منكم ساكت أنسوهو أعجبني · رد · منذ ١٦ س المكون الإضافي للتعليقات من فيسبوك

Quote: ذكرت عبارة حسن موسى في سودان فور اول لما قال نحن ما فاتحين المنبر دة عشان نلعب حوار حوار مع القتلة والمجرمين زول زي دة ما عارف الناس ذاتو مستحملة الكلام معاهو كيف! ..... وووواي من الوااااي فاااااي! هههههههههههههههههههههه ابن عباس حاور القتلة والمجرمين من خوارج! ورب موسى أمرنبيه يمش للقوم المجرمين! والله صحي! دين العلمانية الجديد الحوار الداخلي بين عشوشة الكوشية وولاء البوشية! ههههههههههههههههههههههههههههه! منطق عدم محاورة القتلة والمجرمين زي منطق: تعال بي العندك بكري بسندك! وتعال بالباب

طبعاً كالعادة عاطف عمر يلاوي في ذراعات المنطق بي يدينو الاتنينن .. يوم بتكسرن بالملاواة دي
عارف يا سخل الله الإمام علي عليه السلام وصى أنصاره قائلاً: ( لا تؤذوا الخوارج من بعدي، أخطأوا في طلب الحق فلا تصيبوا في طلب الباطل)
الخوارج ما كانوا حرامية وقتلة بالسليقة وإنما تأولوا نصوص قرآنية بفهم مغاير عشان كدة كان في أمل في حوارهم
الخوارج ما كانوا أهل دنيا في الوقت داك بل كانوا أهل زهد وتقشف وحاربوا ظلم الأمويين بضراوة وما حادثة آسك ببعيدة عنك (أألفا مؤمن فيما زعتم ويهزمهم بآسِك أربعونا ! )
فالخوارج يا خلف الله أهل غلو وتكفير وتعصب وضلال وأي حاجة كعبة في الدين .. لكن ما سراق
الكيزان بسرقوا المال العام عينك عينك وبنالوا المناصب ويمكنوا لأهلهم وعضويتهم في نعيم الدنيا وبتاجروا بالدين عن قصد وليس سوء تأول كما الخوارج .. ما ممكن مدير منظمة الدعوة الاسلامية يلقوا عندو قريب 100 قطعة أرض في الخرطوم ويكون متأول آيات من القرآن! لا لا دة حرامي بالدرب العديل

وبمناسبة بكري جيب أضانك النكلمك بس احفظ السر وما توريهو زول
أول ما شفت بوست وائل ما رديت فيه، راسلت بكري بعنوان البوست وكتبت ليه إنه دة ما رأي وإنما طعن في الثوار وتسفيه للدماء السالت في الثورة
أنقر رده كان شنو؟
ولااااااا هبب لي ذاتو وحاة الله جد ولا اشتغل بي الشغلة :)
أها دي شماتة تكفي ليك دحكات شهرين لي قدام

يا مستنير الكوز دة غبي الغباء الواحد دة
أي حوار معاهو بفقع مرارة المحاور لأنه مافي أرضية نقاش بتاتاً
يعني مثلاً يسمي تجمع المهنيين تجمع المثليين ولما تقول ليه دي قلة أدب يقول ليك انتو موش بتدافعوا عن حقوق المثليين!
هنا مافي منطق بجمعنا بتاتاً زول بلصق حاجات ما عندها علاقة بي بعض عشان يتيح لي نفسه التنمر والإساءة
أنا ما من أنصار نظرية المؤامرة لكن لا أعتقد إنه كوز نصيح يجي داخل دخلته الشرامية دي وسط منبر داعم للثورة بالكامل عشان ينابزهم يمين شمال ويكون برضي في ذاته فقط!
ما واقع لي المنطق دة كلو كلو
الكيزان الحقيقيين بتكلموا على استحياء وهم عارفين فساد اخوانهم قبل الثوار
ورغم إني ما من ناس نظرية المؤامرة زي ما قلت فوق لكن دخلته دي باقية لي جزء من الحملة المنظمة اللي بيقودوها الاسلاميين حالياً مستغلين شظف المعيشة في السودان
واحدة من أهداف الحملة دي التشكيك في الثورة وتسفيه الجهات القامت بيها ومحاولة دس عبارات زي الثوار تحت السراير دي كأنها حقيقة مثبتة
لو فتح بوستات في ذم حمدوك وكل أفراد الحكومة الانتقالية ما كنت بشتغل بيه بل يمكن كان أجيب ليه الحجار .. لكن محاولة دس الكذبات دي لازم تترفع ليها بوستات مخصوصة عشان تاني يفكر عدة مرات قبل فك الكذبة القادمة، وإن لم يتعظ يكفي أن يكتب عند القراء كذابا

Quote: وبي هنا سؤال بدون نقاش ولا حوار!

نعم يا عاطف عمر
الكوز وائل ذكر (حقيقة) وهي إنه شاف الثوار تحت السراير
البوست بيسأل عن الحقيقة دي وما بناقش في رأيه في الثورة
هنا مافي حوار .. سؤال واضح أين ومتى وكيف رأى وائل الثوار تحت السراير بس عاوزه يجي يقول لي شفت فيديو وينشره لينا هنا
أو يقول شافهم بي عينه وخلاص
الحوار بكون في الرأي ما في الحقايق يعني لو قلت ليه ماله ما يتدسوا تحت السراير وهو يجي يقول لي دي ما رجالة .. يعني لما نتبادل وجهات نظرنا حول ما تحت السراير
لكن أنا هنا ما طالب وجهة نظره بل طالب التحقق من معلومة ذكرها صراحة دون مواربة

والله يا حيدر الزين استمتعت بمحاضرتك اللغوية حول الصرار
لكن أخشى ما أخشاه إنك تكون كتبتها ومتوقع عاطف يفهمها

انا وشيخ عاطف عمر كأصدقاء ملتزمين بإتفاقية حلف الفضول بنتفاهم ونتباصر انت بس امرق منها ..:)

السلام عليك ياهندسة .

فعلا لم اري قوة عين مثل هذا الشخص . فكلنا يعلم انه وفي فترة سابقة من هذا الزمان . كان هذا المنبر وغيره ( يعج ) بالكيزان ، ولسانهم طوله مترين . لكنهم بعد الثورة كلهم اختفوا
الثورة المجيدة التي اطاحت بهم ، وزجت بكبيرهم ، وزمرته في السجون . انبري لنا هذه الايام ( الوغد وائل ) . في بدايته كال لنا الشتائم ، ووصفنا بكلمات تشبهه .
والان ايقظ الكثيرين ، وسيسعون للايقاع به ، حتي لو عبر ال IP.
مافي شئ صعب الصعب شنو .
وزي مابقولو الفاره دقس ، خلي يشيل شيلتوا .


تحياتي ،،،

والله يا هاشم يا أخوي أنا من أنصار أخذ الحق بالضراع الكيبوردية
زي ما كتب بالكيبورد يتنجّم بالكيبورد
بصراحة لم أجد في التسجيل المنشور اعتراف له بالمشاركة في أحداث كجبار ولا أتمنى من أي عضو أو قارئ ارسال بياناته للسلطات السعودية - لكونه منتمي لجماعة محظورة - في حال كان لازال هناك
إذا ارتكب أي جريمة أفضل أن تتم محاكمته في السودان رغم أن قضاءنا بعافية شوية
لا أرى جريمة كجبار بالوضوح الذي ترونه. ربما بسبب عدم إلمامي بالقصة الكاملة
لكني أرى بوضوح أن اعترافه برؤية الثوار تحت السراير وإن لم يأتِ بالفيديو يكون من كتائب الظل وأمنجية النظام السابق لا محالة

"مارق من النيل والغبار
داخل على الزمن الصعب
مبلول وبنفض في الغُبار
مغبون من الكانوا السبب"

يا سلام .. أحسنت يا شيخ عاطف ..
امانة ما نميَت واحسنت النضم..

الشيوخ ديل وقت يُشعروا زائغتهم جميلة ..

عطفاً على زائغتي أنا كزول ديمقراطي وسيـع صدر :)
بقولك انت حاولت تعمل مزج ودمج لمقولات في باب الذم والتمسخر من بتاع العتَان اللي اظنه محمد احمد عمر ..:)
( ولا أمانع من باب الشمار ان أعرف سبب التسمية )

قيـل في الاثر .. سمح الغناء في خشم سيدو ..
وقال عنترة الرويعي لأبيه .. العبـد لا يحسن غير الحلب والصر ..

استخدامك للصرار بمضاهاة الغناء لا يستقيم مع مدلول طلبي البيهدف لاشباع ظمأ فضولي في معرفة الفيديو المصرور في شطور -سوشيال مديدتكم - انتو الاتنين !
فإذا كنت تصر مديدتك وبعدها تحث بتاع الخرفان والعتَان على الصرار وتقول عليهو سمح كمان .
.يبقى بترجمة حرفية لكلامك انا رحت فيها طحينة لا غبوق لا صبوح ..والشكية لي الله بس ههههه.

سلام يا هندسة
نعم لا حوار مع القتلة المجرمين الكـــوز يخاف ما بيختشى ..
وكمان جابت ليها كضبة قدر الليل والنهار ,
تعال يا كوز جيب صور الثوار تحت السرائر .

يا عاطف عمر بالله مرة واحدة خليك زول عندك منطق :

Quote: رب موسى امر نبيه يمشى للقوم المجرمين

دى ارادة ربانية خالصة فى اعطاء الفرعون الفرصة للرجوع الى الحق
وتحرير عبيد بنى اسرائيل من العبودية والذل يعنى الحوار لغاية
سامية فى مصلحة الفرعون ومصلحة بنى اسرائيل ولكن الفرعون
رفض العرض باذدراء وموسى حقق الهدف حيث قام بتحرير العبيد بعد 40 عاماً
(وَتِلْكَ نِعْمَةٌ تَمُنُّهَا عَلَيَّ أَنْ عَبَّدتَّ بَنِي إِسْرَائِيلَ (22) ) 22 الشعراء

{ فَأَرْسِلْ مَعَنَا بَنِي إِسْرَائِيلَ وَلَا تُعَذِّبْهُمْ ۖ قَدْ جِئْنَاكَ بِآيَةٍ مِنْ رَبِّكَ ۖ وَالسَّلَامُ عَلَىٰ مَنِ اتَّبَعَ الْهُدَىٰ}47 طه
بالمختصر المفيد يعنى : فك اسر بنى اسرائيل ودعهم يذهبوا معنا ( موسى وهارون )
" اى : تحرير بنى اسرائيل من عبودية الفرعون وقومه لان العبودية فى نظر الشارع الحكيم مرفوضه
لان الحرية هى القيمة الاسمى من قيم العبادة لان العبادة لاتكون فى ظل انتفائها .
ولايستطيع ان يعبد ربه وهو مكبل فى اغلال العبودية المُذلة لادميته :
{ ضَرَبَ اللَّهُ مَثَلًا عَبْدًا مَّمْلُوكًا لَّا يَقْدِرُ عَلَىٰ شَيْءٍ وَمَن رَّزَقْنَاهُ مِنَّا رِزْقًا حَسَنًا فَهُوَ يُنفِقُ مِنْهُ سِرًّا وَجَهْرًا ۖ هَلْ يَسْتَوُونَ ۚ الْحَمْدُ لِلَّهِ ۚ
بَلْ أَكْثَرُهُمْ لَا يَعْلَمُونَ (75) }75 النحل
الاله العظيم يعبر هنا عن الاهمية القصوى لقيمة الحـــــــريــــــة فى مـسـيـرة النـــاس والمثل المضروب هنا يتحدث عن : انه لاتساوى بين من
يتمتع بالحــــريـــة ويـعيـش بها وبين من ســــلـبـت مـنـه الـحـــريـــة

(وَلَقَدْ أَوْحَيْنَا إِلَى مُوسَى أَنْ أَسْرِ بِعِبَادِي فَاضْرِبْ لَهُمْ طَرِيقًا فِي الْبَحْرِ يَبَسًا لَا تَخَافُ دَرَكًا وَلَا تَخْشَى * فَأَتْبَعَهُمْ فِرْعَوْنُ بِجُنُودِهِ فَغَشِيَهُمْ
مِنَ الْيَمِّ مَا غَشِيَهُمْ ) 77-78 طه

ولكن !!؟؟ الكيزان لايعرفون للحوار طريقاً ولا للحق باباً ودونك ثلاثون عاماً عجافاً من التسفيه للحوار مع الآخر
فاقد الشئ لا يعطيه .

لابد من محاكمة هذا المجرم الكوز حامد .

Quote: ولكن !!؟؟ الكيزان لايعرفون للحوار طريقاً ولا للحق باباً ودونك ثلاثون عاماً عجافاً من التسفيه للحوار مع الآخر فاقد الشئ لا يعطيه

الحوار عندهم طريقة لاستغباء الآخر أو شراؤه
شوف كم مفاوضات عملوها مع المعارضة .. يودوهم البحر ويجيبوهم عطشانين

Quote: Omar Alameen السلام عليكم احمد عمر عاوز مشورتك ياخي، محتاج سريال وندوز10 برو ومحتاج اوفيس ومحتار في الاوفيس هل الافضل 365 ام 2019 عندي ثلاثة لابتوبات ودسكتوب واحد. ولو ممكن رابط موقع يكون كويس عشان اشتري منه. ولك شكري وتقديري. ولو في نصيحة اضافية ارجوك لا تبخل بها.

هلا عمر
أوفيس 365 هو الأفضل لأنه بيجي مع مساحة تخزين في الكلاود بتاعة مايكروسوفت onedrive تصل إلى 5 تيرا
بالإضافة إلى ميزات تانية .. في القوالب مثلاً لو بديت تكتب سيرة ذاتية بساعدك بقوالب جاهزة واقتراحات
اشتري من أمازون وابحث داخلها عن ( الشركة المصنعة : Microsoft Software ) أو حتى (مايكروسوفت ) بالعربي كدة
ملاحظتي إنه منتجات مايكروسوفت في أمازون السعودية أرخص بكتييييير من أمازون العالمي
المهم لو عاوز اكتب لي إيميلك وانا بديك سيريال ويندوز أصلي هدية
وانتبه لعدد الأجهزة المسموحة

Quote: وانتبه لعدد الأجهزة المسموحة

لما تجي تشتري الأوفيس

أنت يا بوحميد أبعاج
وكت المشورات الزي دي عندك ليها
فتاوى ما تفتيني في جهاز لا بشوف الفيس
ولا برفع فيديوهات .
شوف لي حل معقول ينوبك ثواب ويمسح قدر
من سيئاتك .
بدل نظل كدا تحت رحمة عتالتك ومنو ومنو
من العوام خخخخخخخ
.............
الفني قال لي تقنع من ملفاتك
والزول الجمبي دا قال لي اشترى واحد تاني
الحلين أسهلهما أصعب من الحالة الأنا فيها دي.

وحاتك المشكلة ما في الجهاز

عاطف عمر كالعادة داير يغالط وخلاص
هاك أبلع :)


بالهناء

Quote: Atif Omer Mohamed Ali الجهول صبي دينق عايزك تدفع سنوي ! وبالإمكان الدفع لمرة واحدة!

أهااااا يعني هي lifetime المكتوبة في الصورة الفوق ديك معناها سنوي؟
بالله شوف الخواجات ديل !



عمر الامين شيك على إيميلك

Quote: ههههههههههه الجهول المكمل الجهالة شوف ال365المقنطرة فوق! ههههههههههه

وااااااااااي يا بطني
وحاة الله خليتني أضحك زي المجنون
بالله انت قايل 365 دي عدد أيام الاستخدام؟

عاين يا حبة
انت تمشي موقع getintopc ولا منتديات زيزوم للحماية بتلقى البرامج كلها مفروشة مجان .. تفتش الكراكات والـ keygen بي مزاج تعزل النسخ الدايرها .. داير شغل الهنود بتلقى داير شغل الفريق الروسي بتلقى .. وتشيل المفتاح والهاش بتاعه وتوديهو مواقع فحص ملفات الهكر - اللي عاملينها الهكر - وتشوف أكتر واحد آمن وتشبع كمبيوترك برامج بالمجان .. مالك ومال رخص مايكروسوفت بزنيس واستخدام الأعمال وحاجات الرفاهية دي

أيوااا دقايق عشان ما أنسى
أوفيس 2019 بشتغل سنة 2020 عادي :) والله صحي

قلبتوها ونسة
انتو الكوز الكضاب قنعتو من نخوة فيهو للإجابة والا شنو ؟

البركة في خبير مايكروسوفت الجهبذ عاطف عمر الخلى لينا البوست فوق عشان الكوز ما يقول ما شايفو


جاء في الأثر إنه عاطف عمر أرجع صندوق الشاي أبو غزالتين للبقالة عشان ما لقى فيه غزالتين
قال ليك أوفيس 365 فيه عداد سرعة من يومك النزلته بس تكمل اليوم رقم 365 طوالي بقيف يقول ليك عفواً لقد استنفدت الباقة

قال ليك مرة لجان مقاومة كلورادو التقاطع عملو مليونية مقاطعة منتجات مايكروسوفت عشان أكلت الناس في 10 أيام من أيام استخدام مايكروسوفت 365 ووقفته بعد 355 يوم بس

Quote: قال ليك مرة لجان مقاومة كلورادو التقاطع عملو مليونية مقاطعة منتجات مايكروسوفت عشان أكلت الناس في 10 أيام من أيام استخدام مايكروسوفت 365 ووقفته بعد 355 يوم بس

البيضحك شنو هسه ..صراحة لجان مقاوم كلورادو بتاعين فوضى وبس .. مافاهمين جغرافيا لا علم التوقيـت الأزلي ..
فمايكروسوفت وعلى بابا وامازون في كلورادو وامريكا اللاتينية وشرق الأطلسي قاعد تحسب وفقاً للسنة الهجرية.. وهي 355 يوم
ودا لوضوح ظهور وصفاء القمر في تلك المناطق بصورة ادق من حركة الشمس البيأثر عليها المدار الفلكي المنخفض وخط تماسه مع التيارات الحارة لغرب المحيطات ..!

بالمناسبة دي برضك فيها بيان وتبين للإعجازات العلمية في السنة العمرية ..
والله اعلم ...

Quote: ودا لوضوح ظهور وصفاء القمر في تلك المناطق بصورة ادق من حركة الشمس البيأثر عليها المدار الفلكي المنخفض وخط تماسه مع التيارات الحارة لغرب المحيطات ..!

توصيف دغيغ جداً

الصنف دا بتلقاهو وين يا المبروك

نعم كلامك صحيح حيدر بدليل إنه الحبيب بل قيتس أعلن عن عروض تسري بأثر رجعي وهي أشتري اوفيس 365 واحصل على 27 يوم مجاناوفرح الثوار وصاحت كنداكة أمريكية شوووووبش

الناس الحاقدين ومحبي الفضائح أمثال هيثم الغالي
ما ترفعوا البوست واستروا الراجل
خلاص قال الروب وتاني ما بهابش العقرب من ضنبها


وعلى صعيد آخر جاء في الأخبار أن شركة مايكروسوفت وعدت عملائها بإضافة خاصية Freeze لأوفيس 365 التي تسمح بتجميد استهلاك الحزمة في حال قرر العميل عدم استخدامها لعدد من الأيام حتى لا تحتسب ضمن أيام صلاحية المنتج الـ 365
وجاء ذلك إثر تلويح ثوار ريدمونت الحلة بالاعتصام أمام مباني مايكروسوفت اعتراضاً على طريقة احتساب الصلاحية

هيثم غالي حاقد نعم لكن على العلماء .. بس مش لانه محب فضائح لكن لانه يخلو من العلم الشرعي ،،،
هسه كمثال اللغة العربية دي لغة شرعيـة ومكزن اساسي في الديـن ..
لكن كما نلاحظ لم يحذقها ويتقنها وأهمل تشذيبها سعياً خلف إتقان مايكروسفت ومايكل بيكر وهوتسبوت اتتاشد..
فكانت النتيجة عجز عن كتابة " دقيق " بصورة سليمة ..ودا بيوصلنا لنتيجة انه ثوار رديمونت ما كان ليهم ان يعتصموا قدام مايكرفست
لولا انه بيزوس فتح ليهم الباب عبر الاروقة الخلفية لApple الداعمة بصورة اساسية لمكافحة التمييز في ملاحقة قتلة شهداء كجبار ..
وده بيأكد تماماً انه وائل لم يهرب لكنه متحيز لفئة دافنة دقن تحت سرير ؛)

Quote: Atif Omer Mohamed Ali ((مقارنة اشتراك Microsoft 365 باشتراك Office 2019 (الشراء لمرة واحدة) 1/ التكلفة: ادفع تكلفة واحدة لمرة واحدة!))* هههههههههههههههههههههه الذكي الكاتلاهووو الذكاوة بعرف المقصود منو بالدفع مرة واااحدة! هههههههههههههههههههههههه * منقول من موقع الشركة! والله صحي! دحكة: الرابط موجود لاكين مفقود! ههههههههه

هو دة لسة بفرفر!!
أها شفت الخم من قوقل بلا فهم دة ياهو ذاتو البخليك تهابش ضنب العقرب
هاك اتثقف
مايكروسوفت اوفيس 365 برو باشتراك مدى الحياة ويندوز/ماك

Microsoft Office 365, Lifetime Subscription, 5 Devices + 5TB OneDrive

Microsoft Office 365 Professional Plus lifetime subscription for 5 devices

Quote: هسه كمثال اللغة العربية دي لغة شرعيـة ومكزن اساسي في الديـن .. لكن كما نلاحظ لم يحذقها ويتقنها وأهمل تشذيبها سعياً خلف إتقان مايكروسفت

ذكرتني المزنوق بي تحت دة كل دقيقتين يقول لي بس أرح طالعني في موضوع الخوارج
طيب ما كان من الأول
تعال ازنقني في الدين والسياسة وحاة الله بتزنق ليك عادي .. بس ابعد من الضنب

معليـش والله كنت عاوز اثقفكم واديكم فكرة عن شركات العولمة القتنية أكتر من كدة ..

لكن شيخ عاطف عمر قال لي ما ترفع البوست تاني ..!

فعفواً ياشباب فعلى عنقي بيعة







** شيخ عاطف لكن لو الكوز وائل جاء هنا أحللني من بيعتي لاقاتل الخارجي.. أوكي ؟

Quote: وحاتك المشكلة ما في الجهاز

ومال المشكلة فيك ؟؟
وريني المشكلة بشرح مبسط واللا قول يفتح الله
بدل عبارة التلات كلمات النصها حروف جر دي..
مش يزنقك عاطف عمر تفش غبينتك فيني خخخخخخ.

هي لكن يا طلحة انت لا وريتنا نوع الجهاز (موبايل، لابتوب، ديسكتوب، تابلت، ....)
لا وريتنا نظام التشغيل (ويندوز، ماك، اندرويد، IOS ، ...)
لا وريتنا المتصفح الحاولت بيه (فايرفوكس، كروم، اوبر، ايدج، ...)
نان يعرفولك المشكلة كيفن؟
دي عاوز فكي ما مهندس صيانة

Quote: ها يا ضنب العقرب ما بنفع تراسل الشركة وتسألهم: قاصدين شنو بي 365وفرقوو شنو من 2019؟

دي زي راسل هيئة الإرصاد الجوي قول ليهم الشمس بتشرق من الشرق ولا الغرب؟
وقتين ما بتعرف تقوقل عشان تصل لمعلومة بالبساطة طيب ماا كان تبلع من سكات!

Quote: هي لكن يا طلحة انت لا وريتنا نوع الجهاز (موبايل، لابتوب، ديسكتوب، تابلت، ....) لا وريتنا نظام التشغيل (ويندوز، ماك، اندرويد، IOS ، ...) لا وريتنا المتصفح الحاولت بيه (فايرفوكس، كروم، اوبر، ايدج، ...) نان يعرفولك المشكلة كيفن؟

الأخ الكريم أبوحميد
أعتقد والله أعلم تقوم تلف كدا واللا كدا
يعنى أنا لو عارف كدا بمد قرعتي ليك واللا حتى
بتواجد معاك في مكان واحد ؟؟؟

عشان كدة قلت ليك المشكلة ما في الجهاز

زمان نحن طلبة واقفين قدام أحد المرضى ومعانا الدكتور.
الدكتور قال لواحد زميلنا أكشف علي قلب المريض دا
زميلنا هبش جاي جاي ومسك السماعة هبش هنا وهنا
وقال للدكتور في شخشخة في القلب ووصف مكانها ونوعها وصف دغيغ (على قول هيثم غالي)
الدكتور مسك السماعة وكشف على الحتة القالها زميلنا وإحتياطياً كشف على كل الأماكن الممكن تتسمع فيها شخشخة
وبعدها رجع السماعة لزميلنا وقال ليهو خت لي السماعة في المكان السمعت فيهو الشخشخة، زميلنا عشوائياً إختار مكان وخت السماعة
الدكتور مسك السماعة وسمع وعاين لزميانا وقال ليهو هنا مافي شخشخة، زميلنا رد قال أيوا مافي شخشخة.
الدكتور قال ليهو طيب ليه قطعت من راسك وقلت في شخشخة؟
زميلنا من داخل الفتيل قال للدكتور "قصدي بس أثري النقاش".

شكراً أخونا عاطف عمر على إثراء النقاش.
😂😂😂

قريبنا مسكين كدة يا حافظ بقرأ طب الجزيرة
معاهم الدكتورة في المستشفى وسايقاهم فحص لي بنت بضة صفراء فاقع لونها تكسر الناظرين
دخلتهم الضروة بتاعة الفحص والبت قالعة قميصها ويدها عريانة بالكامل وقالت لي قريبنا شوف لينا النبض بتاعها
بقت مشغولة بتتكلم مع الباقين وصاحبنا يمد في يده ويرجع فيها .. يتراجف زي الجلي ما قادر يهبش اليد الصاقعة القدامه والجماعة يعاينوا فيه ويتضحكوا
لمن الدكتورة انتبهت نهرته قالت ليه يلا شوف النبض سريع
صاحبك من الخوفة مسك معصمها وسريع فكاهو وطوالي قال ليها مصطلح طبي كدة ما متذكرو لكن حاجة بتتقاس بالساعة
الدكتورة عاينت قالت ليه هسة ساعتك الاشتغلت بيها وينها؟
بي ثقة كدة ومعاها لوليحة راس وإصرار قال ليها وذذذذذذذاوت ووتش
الدكتورة قالت ليه لا لا بي حالتك الشايفاها دي بتجيبها انت بلا ساعة :)

Quote: بي مناسبة مواجبتك لاخيك في مصابه تفتكر الخواجة اختار رقم عشوائي في تسمية Microsoft 365 أم هناك رابط يربط بين الرقم أعلاه ومراد الخواجة من اختياره؟

عاطف عمر في فتيل 365

أوعك تفهم إنك حتكون في الفتيل لمدة 365 يوم بس.
المعنى إنك حتكون في الفتيل 365 يوم في السنة لعدد من السنوات يحددها عزيزك القارئ

Quote: بي ثقة كدة ومعاها لوليحة راس وإصرار قال ليها وذذذذذذذاوت ووتش

طيب إنت مالك شابك عاطف عمر دا عشان ما بيعرف يقوقل
ما ياهو دا جابها ليك وذذذذذذذاوت قوقل.
😜

تعال نكلمك يا عاطف عشان ما تكتر الفرفرة بي تحت
ولأنه قوقل ما بسوقك كل الأماكن
أنا عندي 6 رخص استخدام اوفيس 365 ما فيها أيييي تاريخ صلاحية
استخدمها لمن اقول بس .. وعندي النية أورثها لي أولادي كمان :)

انت يا القوقلابي مشيت طوالي لي مبيعات مايكروسوفت للأفراد
لكن يا سخل الله الببيعوا في أمازون ديل ما أفراد
في مليون طريقة للتعامل مع مايكروسوفت غير طريق الشراء المباشر الانت مشيت صفحته دة
قول مثلا Microsoft for nonprofit أو Microsoft for education
هسة انت لو داير ليك اوفيس 365 شوف ليك أي طالب بيقرأ في جامعة - ما سودانية عشان الحصار - يفتح جهازك يخش بي حسابه بتاع الجامعة ويعمل install office ويمشي
ببقى عندك اوفيس 365 بدون فترة محددة. علماً بي إنه ممكن يعمل الحركة دي لي 20 جهاز لو عاوز
مايكروسوفت 365 وليس أوفيس 365 فقط هي مصطلح لديمومة الاستخدام زي 24*7 لأنك هنا بتشتغل بنفس الحساب في كل الأجهزة وطوال العام وكمان بتعمل بيناتهم تزامن ومميزات كتيرة للمتخصصين داخل ويندوز بزنيس برو .. يعني معاك في أي مكان أي زمان

يعني يا سخل الله هل أي أوفيس 365 لازم يتجدد سنوياً؟ الإجابة لأ
البتجدد دة الوصلك ليه قوقل بس

غيرت العنوان تاني يا ابوحميد الزول دا وعد يجي يجاوبك والا شنو ؟!

لو وعد فمما عهدته من لولوة ودفن دقون وتنكر للعهود في الجنس الكيزاني ما ظنيته يجي ..
مع تضامني مع الصديق طلحتووف وانا الكنت قايله مثقف ريادي في عالم التقنية وزول ستيفجوبساوي طلع للأسف سواق طارة زينا واحد :)



هنا بعتقد ياشيخ عاطف عمر بإني لم انكث ببيعتي في قضية رفع البوست بتدوير العنوان لأصله ..
وهذا مما يدخل في باب مناسبة العلل لاحكامها وزوال الأحكام بزوال أسبابها او كما قال شيوخنا الزوول في تصنيف فن الادب وأركانه الأربعة ..

وجزيتم خيراً

بإعتبارنا استشاريون نظم المعلومات وحلول الخلافات التجارية وصلت لدينا نسختان من قضية فنية معقدة تخص مايكروسوفت اوفس

( 1)

Quote: مايكروسوفت 365 وليس أوفيس 365 فقط هي مصطلح لديمومة الاستخدام زي 24*7 لأنك هنا بتشتغل بنفس الحساب في كل الأجهزة وطوال العام وكمان بتعمل بيناتهم تزامن ومميزات كتيرة للمتخصصين داخل ويندوز بزنيس برو .. يعني معاك في أي مكان أي زمان يعني يا سخل الله هل أي أوفيس 365 لازم يتجدد سنوياً؟ الإجابة لأ

وفي مناقضتها النظرية التالية :

( 2 )

Quote: هذا المنتج يختلف عن نسخ الاوفيس الأُخرى في نقطة جوهرية! وهي رسومه متجددة! عكس نسخ الاوفيس الأخرى والتي تشترى مرة واحدة! 3/ المنتج يختلف عن النسخ الأخرى في إمكانية ترقيته بانتظام إذا واظب الزبون على الدفع المستمر! 4/ الحديث هنا يدور عن النسخ الأصلية المشتراة من الشركة!

ورغم انه يا سادتي قد تبدو لكم القضية ساهلة وبسيطة ببساطة تلخيصها في هذه البضعة سطور
لكنها من اعقد واعمق القضايا ذات الأوجه المتعددة التي يندر الإتفاق حولها بين الأطراف..
وقد اتضح التباين الحاد بين وجهات النظر اعلاه..

نحن في حيدراسوفت ورجبونت والاستشاريون العاملون بنشوف انه مفروض كل واحد وكل قِدرة حسب قُدرتها ..
وأي زول يتغطي بالأوفيس اللي على مقاسه وينوم على مايكروسفت اللي يريحه ..
ولا داعي للخلاف بين العربي والعبري فكلهم ابناء عم..
وتوصي لجنة اصلاح ذات البين بين النسخ الأصلية والمضروبة بتوحيد الكراك والمسارات لأجل هاردسك واحد فاعل..

ونسال الله الهداية للجميع

ههههههه دة الفرق بين القوقلة والشغل العملي
مفكر جادي أعمل ليه فيديو من داخل الورشة



العنوان غيرته عشان ما عندي حيل للولوة بتاعته .. خلاص دورته يوم واحد خليته يكتب زيادة من المية رد :)

يلا أديك مثال
لو عاوز رخصة ويندوز 10 برو مثلاً حتشتريها من مايكروسوفت بي كم ؟
200 دولار
دة لو قوقلت ومشيت موقع الشركة
نفس الرخصة دي ممكن تلقاها في أمازون بي 50 ريال سعودي .. وأصلية سينيه لمن موقعها بل جيتس :)
السبب شنو؟
السبب إنه في دروب تانية للشراء من مايكروسوفت
أنا هنا من داخل البوست دة وزعت مفاتيح ويندوز لعدد من الناس .. جبتهم من وين؟
الصورة أدناه للرخص اللي أملكها حلالاً بلالاً أهبها من أشاء وأمنعها عن عاطف عمر :)



ديل ألف رخصة
هل تتوقع إني دفعت فيهن 200 ألف دولار ؟
ببساطة لو عاوز بدل أديهن بالمجان ممكن أدفع أي زول 50 ريال على الرخصة وامرق لي بي 50 ألف ريال زي الما حاصل حاجة

نفس الشئ بالنسبة لاشتراك أوفيس 365
زي ما فيه المنشور على الموقع الرسمي والبوديك ليه قوقل في أول النتائج فيه برضو البتلقاهو في أماكن تانية وبي أسعار تانية ومواصفات تانية
زي ما قلت فوق رخص اوفيس 365 الشخصيات حقاتي أنا 6 رخص ما فيهن أي تاريخ نهاية ولا أي عداد خالص .. توموتيكي توموتيكي
التحت يدي بي نفس المواصفات دي وممكن أوزعهم - لكن ما بعملها عشان ما دافع قروشهم أنا - 5000 رخصة .. والله جد :)

Quote: Tayeb Abdalla Atif Omer Mohamed Ali مداخلاتك بقت أكتر من عدد أيام الأوفيس 365 قرقرقرقرقر

Quote: في مليون طريقة للتعامل مع مايكروسوفت غير طريق الشراء المباشر الانت مشيت صفحته دة ..... واسمها طرق شرائية؟ أم تسولية؟ أم احتيالية؟

ماهو دة الفرق بين الذين يقوقلون وأهل الجلد والراس

طيب هاك الغلوتية دي
في حاجة اسمها google for education بدوك حساب مدرسة باستخدام تقنيات قوقل بشرط إنك تكون مدرسة حقيقية وتجيب اعتماد رسمي من وزارة التعليم في بلدك .. والسودان طبعاً محظور
أنا عندي مدرسة في قوقل كاملة الدسم بعدد غير محدود من الايميلات والطلاب ومساحات التخزين والكلاسات وأي حاجة
حقتي سلك ملك أعمل فيها الدايره
وانا ما عندي مدرسة
تفتكر أقنعت قوقل يدوني المدرسة كيف؟

أها قوقل لحدي بعد بكرة وتعال لي حانف رقبتك بوريك كيف

نحن كدة نمشي المحكمة العامة للعدل الدولي للفصل في القضية دي ..

او الاستعانة ببريمة محمد آدم للحكم النهائي..


في عدم بريمة لا باس من ابوالريش

ههههههههه لا لا انت قايلني أنا بتناقش معاهو راس لي راس كدة وراجين زول يورينا الصاح منو؟
ياخي دة أنا بتسلى بيه ساي ولو ما انت رفعت البوست كنت بخليهو يهضرب بي تحت براهو
هسة عليك دينك شوف جنس سؤاله دة

Quote: يلا يا كضاب اتنين اسكرين شوت ورابطين لمنتج واحد في امازون السعودية و يكون عشرة اضعاف سعره في الشركة المصنعة! جاملتك في خمسة اضعاف ميتين دولار وخمسين ريال ههههههههههه

لو فتح اللنكات الفوق دي كان بلقى البفتش ليه
لكن يجيب ليكم مخ من وين حبايبي أنا :)

هسة عليك الله كلامه بتاع أنا داير اسمسر دة كلام زول واعي؟
هو أنا بوزع في الرخص مجان أكون داير اسمسر في المجان يا ربي؟


ما تنسى سؤالي الفوق يا عاطف بتاع google for education وريني أنا شلت رخصة مدرسة وانا ما عندي مدرسة كيف! يا ربي أكون احتلت عليهم؟ :)

ما بلقى لي عندك رخصة بار

انتوا لسة في غلاطكم الأكاديمي المسيخ
كملاح الرز دا ؟؟
والله حقو الواحد يجيب ليكم حاتم ابراهيم يوريكم ليهو
قولوا نكات واللا قصص قصيرة ياخ .

أنا عارفك قاصد الـ progress bar plugin لكن السعاليك ديل بكونوا قالينها حاجة تانية

الكدب خيبة والله الرصيتو انت ده ما عارفو شنو انا قاصد البار بتاع أرقد يا عيش شفتك توزع في الرخص زي مبارك الفاضل ايام الديمقراطية الثالثة قلت النحصل

Quote: بس ما وريتني النسخ اشتريتها من وين؟ هههههههههههههههههههههههههههههههه

ما بتزعل ؟

Quote: هل هذه مفاتيح اصلية؟ ههههههههههههههههه

نعم أجل بلا
وموجودات ضمن مركز المفاتيح في مايكروسوفت واشتريتهم بالدولار الحار من جيبي الخاص
أها شنو ليك! :)

يلا أمشي اكتب في قوقل كيف تشتري 1000 رخصة ويندوز بدون أن تسرق بنكاً
اضغط بحث وارجى الحلو

Quote: انتوا لسة في غلاطكم الأكاديمي

دقيقة يا طلحة ما تلخبط الكيمان
هنا الطرف الأكاديمي واحد بس .. التاني قوقلي :)

Quote: انا قاصد البار بتاع أرقد يا عيش

هازول ما تسوقنا ساي شمارك معانا
بدر الدين قال انت جلست بقيت ما بتقدره

Quote: Abubakr Ahmed Abbas كنت شاكي انو أحمد الشبح دا ممكن يكون حاتم، لكن بعد ثبوت موضوع الحلق دا، أعتذر للصديق حاتم أعتقد سبب البوست الحقيقي موضوع الحلق دا

الحلق ساكيهو عمر التاج بهناك

ياخي قريت ليك 20 رسالة تحت من الهضربة :)
هسة يعني انت افترضت إني مشتري الألف رخصة بالإجمالي عشان كدة وقعن معاي رخيصات؟
رخيصات قدر شنو يعني؟
بدل 200 ألف دولار دفعت 100 ألف؟ قول كه
انت بتسنتج يعني؟ قايلها مسألة رياضيات وغلوتية تضربها يمين شمال بتجيب الإجابة؟

تعال نختم ليك الدرس
دة اسمه ما لن تجده في قوقل
نفس الحكاية مدرسة قوقل .. بجيبها ليك بي نص واضح وصريح من الموقع الرسمي .. لكن براك كدة للسنة الجاية ما حتصل ليه
لأنك ما حتلقاهو في قوقل
كل الحتلقاهو شروط الورق الحكومي للمدارس الرسمية
ما حتلقى ديك ليه؟ لأنه دة ما مجالك ولا متخصص فيه
أول ما تبدأ تتعمق في المجال كمتخصص حتكتشف إنه الدنيا أوسع كتير من قوقل .. وإنه الحصول على الخدمات - ليك انت وليس للعامة - مسألة في غاية السهولة لما تكون بتعرف الدرب

يلا خلاص كفاك
أخدت اكتر من زمنك
واصل هضربتك بي تحت ونحن بنواصل ونسة بي فوق

حبيبنا احمد
تحياتي
رسلت ليك رسالة في الخاص

هلا عمدة
رديت ليك بي هناك


_____
المسكين عاطف اتذكرتك الاسبوع الفات بعد حليت مشكلة النت
منطقتي ما فيها فايبر مركب ADSL بي 230 ريال في الشهر وسرعته زي الزفت لمن تبالغ بتوصل 5 ميغا .. زهجتني شديد وبحبتّ مواقع كل الشركات ودرست عروضها قلبة وعدلة .. الظابط يا يكون ما بيوصلني يا يكون غالي شديد .. لحدي قبل اسبوع حكيت لي صاحبي المشكلة أداني شريحة زين وقال لي تحول للزول دة 150 ريال في الشهر وخلاص .. تحميل مفتوح وسرعة زيادة من 15 والله صحي
قلت ليه الغريبة ما لاقاني عرض زي دة قال لي لا لا دة ما بتلقاهو في الموقع دة عرض خاص من زين لشركة صاحبي أدوهو شريحتين فاتورتهن واحدة 300 واحدة عندو والتانية عندك
الشركة اسمها شنو؟ ما عارف .. صاحبه اسمه منو؟ برضو ما عارف .. غالباً حأعرفه بعد ما أحول ليه بنكياً .. رقم تلفونه كم؟ ما عارف .. الشريحة ذاتها رقمها كم؟ برضو ما عارف
المعلومات الفوق دي كلها لو عرفتها بتفيدني بشنو؟ ولا حاجة .. دي الحاجة الوحيدة العارفها

مش كان جبت تفاصيل قدر دي كان نزلت صورة الجواز و الاقامة ما بحلك
ياكا فلان

وانت قايلني ناكر؟
هسة مفكر جادي أخته صورة شخصية :)

زميل المنبر احمد عمر محمد

و الملخوخ دائما بسببك

شكلو مخندق مع سبق الاصرار

البوست باسمو عديييل و عمل رايح.

غايتو مشكلتك مشكلة ,عارف الناس تاني

لمن تلخبت بيناتكم يقوم يقول ليهم: لا لا دا ما انا

داك احمد اب زمام

مشكور حبيبنا احمد
رديت ليك بهناك

Quote: البوست باسمو عديييل و عمل رايح

عمل رايح وين يا ناصر!
دخل اتجرس
جاب لي السمعة

365


دي بدل فوق


الكوز دا ما جا لسة عشان يقيل عثرة بعضهم هنا