Post: #1
Title: Oxymbella كان زواج متعة ساي !!!
Author: يحي قباني
Date: 09-23-2020, 03:59 PM
03:59 PM September, 23 2020 سودانيز اون لاين
يحي قباني-فى الدنيا العجيبة
مكتبتى
رابط مختصر
خطرفة قصيرة جداً
______________
العنوان خليط بين اشياء جديده لنج و اشياء قديمة و أشياء أُخَر في الخاطر ..
أُخَر دي مسروقه من ابداع الحسين الحسن و كابلي حينما تلو علينا مقرئين:
ذكرتُ مكاناً .. عزيزاً عليّ .. و أنتِ بهِ و أنا و الأُخَر ..
و انا لما الخاطر سرح عني و انا ابحر في قراءة "سبنا" لود المرتضي ..
و حينما جاءتني وقتها رساله في الواتساب بكلمة Oxymbella
اذهبت النوستالجيا بعقلي و جعلت اقارن و افاضل بين بنات الامس و اليوم ..
بنات الامس و الخجل و عدم الجرأه و ( عدم السوشيال ميديا)
و بنات اليوم و الراندوك و الذي منه ..
رسالة الواتساب يا سادتي .. قال كتبت لي احداهما كلام جرىئ جدا و بعداك كتبت
Oxymbella
فقال ( باللوّل كنت قايل الكلمة دي مضاد حيوي .. )
بعد داك اكتشفت انها كانت بتقسم ..
فتذكرت بناتنا الزماااان ..
و جالت بالخاطر مواقف و قصص و روايات ..
فقلت .. يا الله .. هل نحمد الله على ما كنا فيه .. ( مع ناس هسي استفدته شنو ؟ )
ام نتندم اننا لم نعش ايام ال Oxymbella و ناس يا عمو انت ماشي وين ؟
و لكن الحق يقال ..
بعضهن من الدقة القديمة (يفترض) .. ما فاتهن شي .. فواكبو عصر الحريات و الجرأه ..
فسمعت ان صديقة قديمة (جداً) تزوجت من شخص و اشترطت حفاظها للعصمة بيدها ..
و بعد 3 اشهر او حولها .. قامت بتطليقه !!
فسألوها .. مالو ما نفع معاك ؟
قالت: ابدا .. هو اصلا كان زواج متعه ليس الا ..
|
Post: #2
Title: Re: Oxymbella كان زواج متعة ساي !!!
Author: ابو جهينة
Date: 09-24-2020, 12:28 PM
Parent: #1
سلام القباني
من باب حب الاستطلاع
قمت ادخلت الكلمة oxymbella في قوقل
شوف النطق بتاع البنت ال بتنطقها. زى ال زانقنها
|
|