الصادق المهدي يبدأ بإصدار صكوك الغفران للكيزان

07:14 PM September, 14 2020

سودانيز اون لاين
Arif Nashed-
مكتبتى
رابط مختصر

الصادق المهدي: خروجي بعجلة من أم درمان إلى الخرطوم تسبب في اعتقالي.
14 سبتمبر 2020
الخرطوم: علاء الدين موسى.
كشف رئيس حزب الأمة القومي الإمام الصادق المهدي عن أن خروجه من مخبئه  بأم درمان لمنزل شقيقته بالخرطوم  بـ(عجلة) أدى إلى اعتقاله في (5) يوليو 1989م وترحيله لسجن كوبر.
وقال المهدي في حوار مع (المواكب)، إن القوات التي وصلت منزله بأمدرمان طوقت المكان، “كأنما أغشي عليهم فلم يعترضني أحد”،
وأضاف : “ومشيت على طول الطريق حتى وصلت لاستراحتي بالقرب من دار الأمة، ثم اختفيت في منزل بأم درمان”، وأشار إلى أن الضابط الذي كان مكلفا باعتقاله،  قتل بعد أن عاد لسلاحه ليخفوا الجريمة مثل ما حصل في محاولة حسني مبارك، وأوضح أن انتقاله من أم درمان للخرطوم لمنزل أخته  بعجلة ليلاً،  وقال إن هناك شخصا أوشى للحكومة بذلك  ليتم اعتقاله.
وأكد رئيس حزب الأمة أن محاكمة الانقلابيين تحصيل حاصل .. لأن هؤلاء معترفين والاعتراف سيد الأدلة، وطالب بضروري الاستعجال في إدانة الذين قاموا بالانقلاب.
وأعلن المهدي عن الإدلاء بشهادة في المحكمة إذا طلب منه بذلك، وقال: “نعترف باستقلال القضاء وألا أحد أكبر من القانون”.
واستبعد أن يكون للإسلاميين مستقبل، وقال إن الإسلاموية ذات المرجعية الأخوانية ما عندها مستقبل، لأنها مدانة لأداء 30عاماً من التطبيق الإسلامي السيئ.
وشدد على  أن تحالف  الحزب الشيوعي مع الحلو  سيدخل فيه  الاستقطاب الإثني، ونوه إلى أن  موقف الحلو  سيجد سندا وتأييدا ودعما من اليمين المتطرف الأمريكي.
ونفي الصادق أن تكون مقابلته للمؤتمر الشعبي لها علاقة بأي تحالفات، وقال: “نحن لا نفكر أبداً في تحالف بيننا وبين المؤتمر الشعبي”، وتابع جماعة المؤتمر الشعبي طلبوا مقابلتي، ليؤكدوا على أمرين:
الأول أنهم تابوا توبة نصوحة من الانقلابات. 
وأنهم شعروا بأن المحاولة الانقلابية أتت بنتائج سيئة للغاية للإسلام.
المواكب

مرق بالباب ما شافوه، العجلة كشفت أمره.
احيييييييي يا بطني.

Quote: مرق بالباب ما شافوه، العجلة كشفت أمره.

يمكن كانت (عجلة فرن).. بيّض النية ياااخ. هههه
ازيك..

طيب وين صكوك الغفران؟ انت يا عارف يا خوي بتجيب العناوين دي من وين؟

Quote: الأول أنهم تابوا توبة نصوحة من الانقلابات. وأنهم شعروا بأن المحاولة الانقلابية أتت بنتائج سيئة للغاية للإسلام.

متين عرفوا الموضوع
قبل التلاتين سنة ولا بعد التلاتين سنة

Quote: يمكن كانت (عجلة فرن).. بيّض النية ياااخ. هههه ازيك..

معتصم انزيك.
عمك ركب عجلة إبليس 😂

Quote: الأول أنهم تابوا توبة نصوحة من الانقلابات. وأنهم شعروا بأن المحاولة الانقلابية أتت بنتائج سيئة للغاية للإسلام.

التوبة فيما يخص العبادات فأمرها لله.. أما فيما يخص ظلم الناس فلن تقبل حتى يعوض المظلومين و تعود الأموال العامة المنهوبة.

بعدين (المحاولة) الإنقلابية دى كانت متين؟ موش كان إنقلاب 100% وحكموا 30 سنة؟ خلينا من حكاية الشعور والأحاسيس دى..

الحقيقة التي اعلمها و شفتها عيانا لأكثر من مرة
و عندما كان اللمام في التحفظ المنزلي وقتها انا شغال في التلفزيون
و بيت اللمام قدام التلفزيون و التلفزيون مستأجر جزء من منزله
هو المكتب التجاري لإعلانات التلفزيون على جهة مشتل امدرمان
كان هناك ثلاثة افراد من الاستخبارات اعرف احدهم
يتبادلون الحراسة امام بوابة بيته الرئيسية
كان يخرج من بوابة خلفية بسيارته و يرجع بنفس البوابة
عجلة شنو كمان البسوقا لحدي الخرطوم
لما اكتشفت قوة الحراسة خروجه من باب خلفي طاردوه و مسكوهو
في صينية مظلات بحري و يبدو انو كان ماشي للميرغني
الزول دا خرف و انتهى و بقى ما قادر يجمع
غيرو ليهو الهاردوير كان عندكم فيهو امل لحدي هسي

صاحبي عارف بقيت تحب الاكشن 😄😄


القصة حكاها قبل مدة طويلة يعني ما في
احتمال خطأ ، انتو الإمام معصلج في نسب
التشريعي ولا شنو؟

Quote: طيب وين صكوك الغفران؟ انت يا عارف يا خوي بتجيب العناوين دي من وين؟

ود البشري انزيك
اللمام قال.
"جماعة المؤتمر الشعبي طلبوا مقابلتي، ليؤكدوا على أمرين:
الأول أنهم تابوا توبة نصوحة من الانقلابات".
لماذا أختار ناس الشعبي اللمام ليبلغوه بأنهم أعلنوا التوبة!
شيطان يعلن توبته لابليس.

Quote: متين عرفوا الموضوع قبل التلاتين سنة ولا بعد التلاتين سنة

بعد ما راح ليهم الدرب وقنعوا من البرهان وعصابته.

Quote: التوبة فيما يخص العبادات فأمرها لله.. أما فيما يخص ظلم الناس فلن تقبل حتى يعوض المظلومين و تعود الأموال العامة المنهوبة. بعدين (المحاولة) الإنقلابية دى كانت متين؟ موش كان إنقلاب 100% وحكموا 30 سنة؟ خلينا من حكاية الشعور والأحاسيس دى..

أبو الريش تحياتي.
كلامك صحيح 100%.
يظهر بان قادة الشعبي كان لديهم أمل بأن يقوم البرهان وعصابته بانقلاب وبمباركة إبليس الكبير

المؤتمر الشعبي وايتام الترابي
المكان الطبيعي للصادق المهدي وصديق بوسف وياسر عرمان
الكااااار واحد
https://top4top.io/

Quote: قال "جماعة المؤتمر الشعبي طلبوا مقابلتي، ليؤكدوا على أمرين: الأول أنهم تابوا توبة نصوحة من الانقلابات".

يا عارف هو حكى ما جرى زي ما هو وقولهم دا على لسانهم هم وليس رأيه الشخصي
كيف يبقى اصدر لهم صكوك غفران! هل مثلا وافقهم على كلامهم او قال ما يفيد بعفوه عنهم و عن وزر مشاركتهم في الانقلاب!

Quote: الحقيقة التي اعلمها و شفتها عيانا لأكثر من مرة و عندما كان اللمام في التحفظ المنزلي وقتها انا شغال في التلفزيون و بيت اللمام قدام التلفزيون و التلفزيون مستأجر جزء من منزله هو المكتب التجاري لإعلانات التلفزيون على جهة مشتل امدرمان كان هناك ثلاثة افراد من الاستخبارات اعرف احدهم يتبادلون الحراسة امام بوابة بيته الرئيسية كان يخرج من بوابة خلفية بسيارته و يرجع بنفس البوابة عجلة شنو كمان البسوقا لحدي الخرطوم لما اكتشفت قوة الحراسة خروجه من باب خلفي طاردوه و مسكوهو في صينية مظلات بحري و يبدو انو كان ماشي للميرغني الزول دا خرف و انتهى و بقى ما قادر يجمع غيرو ليهو الهاردوير كان عندكم فيهو امل لحدي هسي.

خضر تحياتي.
اللمام البخليهو ينجر قصة العجلة دي شنو!
الخازوق يكون برضو ناجر حكاية توبة الإخوان.
اللمام شكلوا حالتو متأخرة؛ يا ناس حزب الأمة الحقو اللمام.
ناس غندور لو مشو قابلوه ممكن يديهم مفاتيح الجنة 😂😂

Quote: صاحبي عارف بقيت تحب الاكشن 😄😄 القصة حكاها قبل مدة طويلة يعني ما في احتمال خطأ ، انتو الإمام معصلج في نسب التشريعي ولا شنو؟

بت المشرف انزيك. 
مع اللمام ما تقدر تغمض عينيك كل يوم يطلع بأكشن جديد (توم كروز) 😂😂

اللمام لو ادوه التشريعي كله برضو بعصلج.
في تعين الولاة ما لقي حاجة يعصلج فيها قام عصلج علي الولاة بتاعينو.

Quote: المؤتمر الشعبي وايتام الترابي المكان الطبيعي للصادق المهدي وصديق يوسف وياسر عرمان الكااااار واحد.

عادل تحياتي.
برميل الزبالة يحتوي علي كل أنواع المخلفات.
 استهلكوا كافة عمليات التدوير.

Quote: يا عارف هو حكى ما جرى زي ما هو وقولهم دا على لسانهم هم وليس رأيه الشخصي كيف يبقى اصدر لهم صكوك غفران! هل مثلا وافقهم على كلامهم او قال ما يفيد بعفوه عنهم و عن وزر مشاركتهم في الانقلاب!

يا ود البشري ما ممكن وفد من حزب يقوم يتجرجر عشان يمشي يقول مثل هذا الكلام الذي بإمكانهم نشره عبر وسائل الإعلام المتاحة لو كانوا صادقين. مجرد نشره لما دار بينهم يعتبر قبول وموافقة منه.

تحت تحت قالوا مجهز مفاتيح الجنة ليوزعها علي وفد غندور.

Quote: يا عارف هو حكى ما جرى زي ما هو وقولهم دا على لسانهم هم وليس رأيه الشخصي كيف يبقى اصدر لهم صكوك غفران! هل مثلا وافقهم على كلامهم او قال ما يفيد بعفوه عنهم و عن وزر مشاركتهم في الانقلاب!

يا ود البشري ما ممكن وفد من حزب يقوم يتجرجر عشان يمشي يقول مثل هذا الكلام الذي بإمكانهم نشره عبر وسائل الإعلام المتاحة لو كانوا صادقين. مجرد نشره لما دار بينهم يعتبر قبول وموافقة منه.

تحت تحت قالوا مجهز مفاتيح الجنة ليوزعها علي وفد غندور.