بنك التضامن الإسلامي يحصل على توكيل من "ويسترن يونيون" الأميركية

06:24 PM September, 14 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

الخرطوم 14 سبتمبر 2020-


حصل بنك التضامن الإسلامي في السودان على توكيل من شركة "ويسترن يونيون" الأميركية للتحاويل المالية.

وقال مدير البنك عباس عبد الله عباس لـ " سودان تربيون" الاثنين إنه وقع فعلياً عقداً مع الشركة لتنفيذ التحاويل المالية لجميع انحاء العالم.

وبحسب عباس فإن "ويسترن يونيون" أبلغتهم عزمها اجراء التحاويل الواردة الى السودان من السعودية والامارات العربية مجانا دون أي رسوم تضمانا مع المتأثرين لكارثة السيول والفيضانات في السودان.

وأوضح أن الاتفاق يتيح لجميع العملاء بمختلف فئاتهم من طلاب وتجار وغيرهم تحويل اموالهم من والي السودان من اي منطقة في العالم بكل يسر وسهولة.

كما ان العميل يستلم تحويله بالعملة الحرة ودون اي رسوم تذكر من أي من فروع البنك المنتشرة عبر ولايات السودان المختلفة.

وتابع "كما انه يسهل من عملية دخول تحويلات المغتربين الي السودان".

واعتبر مدير بنك التضامن الاتفاق اختراقاً كبيراً في اتجاه تخفيف وطأة العقوبات الاقتصادية على السودان وقيود الحظر المصرفي مشيرا الى أن لاتفاق استغرق قرابة العام نسبة للإجراءات الطويلة قبل السماح بالتحويلات.

واثني عباس علي مبادرة الشركة الاميركية وتفاعلها مع ظروف السيول والفيضانات وعلى قرارها الخاص بإجراء التحويلات الى السودان الواردة من الامارات والسعودية.

يا استاذ زهير
من مشاكلنا في السودان أننا نهلل قبل ظهور النتائج على واقع الحياة
ولكم في ازالة اسم السودان من قائمة الارهاب بعد دفع التعويضات الخاصة لضحايا المدمرة كول الامريكية والسفارتين عبرة وعظة
وعلى الناس ان تعلم ان الويسترن يونيون لا يحول النقود بذات العملة
ولكن ان قمت بتحويل مبلغ مثلا من سويسرا للرياض في السعودية فإن المستلم لا يتسلم التحويل بالفرنك السويسري بل بالريال السعودي
وكذاالامر إن انعكس الامر أي من السعودية إلى سويسرا
او قل من احدى دول الخليج لمستشفى في نيودلهي في الهند فالمبلغ يستلم بالروبيا الهندية وليس بالريال او الدولار
لهذا ليس من المتوقع ان يقوم العميل بتحويل مبلغ عبر الوسيترنيونين من الخليج ليستلم هنا بالدولار
هذا محض خيال
اللهم إلا اذا كان اتفاق خاص ولن يكون مفتوحا في السقف الزماني
وليعلم الجميع ان هناك سقف للتحويلات عبر الويسترنيونين
كما انه لا يقبل التحويل إلا بعد تدقيق في مصادر الاموال
للراسل والمرسل إليه
على كل ما علينا إلا الصبر لنرى النتائج

يا على ممكن تهجد شوية
الوسترن يونيون دى بحوّل سنين عن طريقا و من امريكا
دولار تسليم و استلام
لاحظ لى كلمة سنين دى
من امريكا للسودان و الاستلام دولار

Quote: كما انه لا يقبل التحويل إلا بعد تدقيق في مصادر الاموال

اللهم لا نسألك رد القضاء لكن نسألك اللطف فيهو
المعلومات البتطلبها الويستر كالاتى
الاسم الاول للمرسل اليه و الاسم الاخير
و المبلغ و بلد التسليم
اسم الراسل الاول و الاخير و المبلغ المرسل
و معلومات الفيزا كارد اذا كان داير تدفع من حساب البنك
وين التدقيق هنا
يا ريت ما تسرح بالناس
بالمناسبة عندهم موقع و عادى ممكن تشترك فيهو
يوزر و باص ويرد و من البيت تعمل تحاويلك
شكلو على ده عندو شركة تحويلات و ما عايز الزباين تشرد منّو

كلام الكنزى صاح 100% سؤال متى حولت من امريكا الى السودان واستلمت فى السودان دولار اذكر السنه ؟؟؟؟؟؟ معروف ان الوسترن بسلم المستلم بعمله بلده( بلد المستلم )

الكلام داسليم أقصد كلام جلالدونا
كنت أحول قبل سنوات من أمريكاالويسترن يونيون ويتم إستلام المبلغ بالدولار بعدها أجبرت الحكومة المؤسسات المالية بالتعامل إستلاما بالجنيه (أو إنتهز الوكيل الفرصة )قبل شهر حكي لي صديق أن ذويه إستلمو المبلغ بالدولار من فرع لويسترن يونيون ببنك الخرطوم =وعندها تأكد إن التسليم في فروع محددة يتم بالدولارفي ساعات الصباح إي أن البنك لايرفض التسليم بالعملة الصعبة وإنما يتعللبقلة رصيده منها ..* حقائق مايحدث الان هو-تغيير للوكيل وليس فتح فرع للويسترن يونيون بالسودان -وإن المعلومات عند التحويل هي كما ذكرها الأخ جلالدوناإسم المحول والمحول له والهويةوبعض المعلومات الإضافية الضرورية SSN رقم التأمين الإجتماعيإن كان المبلغ كبيرا -وهذه الإجراءات متبعة في كل البنوك ـ يعني ممكن يسألكمن رقم التأمين الإجتماعي من دون أن يطالب بالإطلاع عليه -

للذين يزعمون إن إستلام المبلغ بالعملة الوطنية للدول دا كلام غير دقيق حولت وأحول لعدة دول وتم إستلام المبلغ بالدولار

شكرا جلالدونا
من الواضح ان هناك وضع خاص لقاطنو امريكا
انا حولت من الويسترن يونين من سويسرا وغير سويسرا
لانجلترا
للهند
للسودان
للسعودية
للامارات
للباكستان
خلال سنوات اقامتي بسويسرا
وخلال تواجدي بلندن
وفي كل الحالات كان البنك يفرض علي الاستلام بعملة البلد المرسل اليها التحويل
وانا شخصيا لم ارفض التسليم بالدولار فقلت ربما هناك اتفاق خاص
وكما قلت علينا ان لا نهلل كثيرا قبل ان ينتقل الامر لواقع الحياة
والحي بشوف
على كل شكرا لمداخلتك
وعليك أن لا تنسى ان السودان خلال سنين طويلة كان مقاطعا وما زال في التعامل بالدولار
وشخصي اكتوى بهذه النار ولي مبلغ محجوز إلى يومنا هذا لأنني قمت بتحويله بالدولار
وصدق أو لا تصدق فقد كان التحويل
من بنك سويسري بجنيف لبنك سويسري في مدينة سويسرية اخرى
كل مصيبتي انني سوداني
حدث هذا في ابريل ٢٠١٨ وما زال المبلغ محجوزا

يا استاذ جلالدونا كلام الكنزي صاح
امريكا باين لأنها ست الشئ بتستلم بالدولار
وهنا المعضلة للسودان لو سلمني بالسوداني
سعر الصرف كيف، يا ناس نحن عقوبات امريكا
وسعر الصرف والدعم بركوا الاقتصاد وركعوا عديل

هل لهذا الخبر صلة بارتفاع الدولار الاسبوع تلسابق

انا كل شهر برسل للسودان بالويسترن يونيون و التسليم بالسوداني
و لو عاوز تستلم دولار تمشي بنك الخرطوم الفرع الرئيسي قبل السادسة
صباحا تسجل اسمك و المبلغ و تجي اليوم التاني تصرف بالدولار
علي هذا الحال اكثر من سنتين
لو المبلغ اكثر من الف دولار بيسالك عن سبب ارسال المبلغ و بيديك خيارات
و بيسال برضو من مصدر المبلغ هل هو من دخلك الشخصي
كل الكلام دا بيتم في ظرف دقيقتين من تطبيق علي التلفون
سمعت من بعض الاخوان ان التطبيق لم يسمح لهم بارسال مبالغ ضخمة متتالية
في مدة قليلة و جاتهم تلفونات تستفسر عن الاسباب
حتي في واحد طلب من الاخوان مساعدته في تحويل مبلغ كبير لتكاليف زواجه.

من السعودية والخليج التسليم بعملة البلد
ارسلت لدول اخري الاستلام برضو بعملاتهم
ح يستفيدوا ناس امريكا وديل يدققوا معاهم
خوفاً من تمويل الارهاب

قبل ان ارد على جلالدونا
ارجو ان يقرا ما جاء في الفيسبوك من تعليق للسيد احمد سليمان
جاء فيه:

Quote: كذب. WU شركة ملعونة وكاذبة ومابتحول الا بعملة البلد المرسل اليه وبالسعر الرسمي. عميكة عباس ده جاي ينطط كانه عمل اختراق في رفع اسم السودان من قائمة الارهاب الامريكية. ماتتغشو ياناس الخليج وابعدو من الشركة دي

وقبل ان اعود للرد على التعليق الخبيث للاخ جلالدونا ردا على مداخلتي
اقول له ان خدمات الويسترن يونين موجودة في السودان منذ زمن ولكنها توقفت

كما ارجو من اعضاء المنبر الذين تعاملوا مع الويسترن يونين خارج امريكا ان يحكوا لنا بتجاربهم

السلام عليكم جميعا

أولا الوسترن يونيون في السودان منذ سنوات
ثانيا الان ومن فترة يمكنك استلام اى تحويل من الخارج الى السودان سواء بالسودانى او بالدولار حسب تعليمات المرسل
انا عن نفسى أقوم بتحويلات الى جميع الدول عن طريق الوسترن يونيون من خلال اشتراكى بتطبيقهم والاستلام بالدولار او بعملة البلد المرسل اليه ولا نقاش في ذلك
احول من هنا ( الكويت ) الى السودان عن طريق شركة دبى ريمت في حدود 20 الف دولار والاستلام في السودان بالدولار عن طريق بنك فيصل
فروع الويسترن يونيون كثيرة في الخرطوم وحديثا بنك التضامن

ولكم الشكر

يا اخ جلالدونا
يبدو ان لك خبث هادئ وانت تقول:

Quote: شكلو على ده عندو شركة تحويلات و ما عايز الزباين تشرد منّو

يعني دي رسالة منك للجنة الاقتصادية الامنية عشان يرسلو لي الشرطة واتحبس عشرة سنوات ولا قصدك أيه ؟
على كل يمكن للشرطة ان تستدل على بهاتفي الجوال الموضح في ملفي الشخصي هنا بمنبر سودانيزاونلاين وصورتي تساعد في القبض علي
كما أني الان اسكن في حي الروضة امدرمان محلية كرري
بجوار اجزخانة (ارندا) شارع الظلظ الذي يربط الروضة مع القمائر والهجرة ومؤديا للازهري
ارهاب ناعم ممن ينادون حرية سلام وعدالة

( كما أني الان اسكن في حي الروضة امدرمان محلية كرري بجوار اجزخانة (ارندا) شارع الظلظ الذي يربط الروضة مع القمائر والهجرة ومؤديا للازهري ارهاب ناعم ممن ينادون حرية سلام وعدالة ) ,

بعد إذن الأخ الفاضل / زهير عثمان حمد
مع التحيات

الأخ الفاضل / Ali Alkanzi
التحيات لكم وللإخوة والأخوات الأفاضل

( الليلة والليلة !!! ) جهز عكازك وكمان جهز معاك شلة من الأصدقاء .. فسوف يزوركم في هذه الليلة أعداد كبيرة من اللصوص والحرامية وقطاع الطرق .. وخاصة وعنوانكم وهويتكم قد أصبحت معروفة بذلك القدر الذي يرشد الأعمى !! .. وكمان الموضوع فيه نغمات ( الدولار !!! ) والعملات الصعبة .. أما إذا كان الموضوع محصوراً فقط في ذلك الجنيه السوداني فنم قفا ولا تخاف إطلاقاً .. فهؤلاء اللصوص إذا وجدوا المليون جنيه سوداني واقعاً أمام داركم فلن يأخذوها !!!!!!!!

وفي الختام لكم خالص التحيات

السلام عليكم

الأخ الفاضل على الكنزى

على فترات متباعدة قمت بتحويلات الى أفراد من الأسرة او الأهل الى مصر .... كنت أدفع بالدرهم الأماراتى وأطلب تسليم

المستفيد بالدولار وكانوا بيحاسبونى على هذا الأساس وفعلا فى كل الحالات تم الأستلام بالدولار

المشكلة كلها في سعر صرف الدولار داخل السودان .. فإذا كان سعر الدولار في السودان موحداً بمعنى أن لايكون هناك سعر صرف رسمي وسعر صرفآخر تجاري .. وأن يكون السعر ثابتاً لا يتغير عندها لن يفرق الإستلام بالعملةالمحلية أو بالدولار .... سبق لي التحويل في ظرف إضطراري من الرياضللسودان عن طريق الوسترن يونيون وكان سعر الريال في السوق عشرون جنيهاًوتم تحويل المبلغ المرسل في فورم الوسترن يونيون إلى الدولار وتمت معادلة الدولار بالجنيه السوداني ليكون سعر الريال جنيهان فقط!!!! وأجريت التحويل للظرفالإضطراري ....

اظن الاجراء السليم

بعد استلام المبلغ بالدولار في السودان

يقوم المستلم بتحويله للجنيه السوداني في صرافة معتمدة

لكلام داسليم أقصد كلام جلالدونا
كنت أحول قبل سنوات من أمريكاالويسترن يونيون ويتم إستلام المبلغ بالدولار بعدها أجبرت الحكومة المؤسسات المالية بالتعامل إستلاما بالجنيه (أو إنتهز الوكيل الفرصة )قبل شهر حكي لي صديق أن ذويه إستلمو المبلغ بالدولار من فرع لويسترن يونيون ببنك الخرطوم =وعندها تأكد إن التسليم في فروع محددة يتم بالدولارفي ساعات الصباح إي أن البنك لايرفض التسليم بالعملة الصعبة وإنما يتعلل بقلة رصيده منها ..
* حقائق
مايحدث الان هو-تغيير للوكيل وليس فتح فرع للويسترن يونيون بالسودان -وإن المعلومات عند التحويل هي كما ذكرها الأخ جلالدوناإسم المحول والمحول له والهويةوبعض المعلومات الإضافية الضرورية SSN رقم التأمين الإجتماعيإن كان المبلغ كبيرا -وهذه الإجراءات متبعة في كل البنوك ـ يعني ممكن يسألك من رقم التأمين الإجتماعي من دون أن يطالب بالإطلاع عليه -

للذين يزعمون إن إستلام المبلغ بالعملة الوطنية للدول دا كلام غير دقيق حولت وأحول لعدة دول وتم إستلام المبلغ بالدولار

انتو يا ناس امريكا طوفو طوفكم
اصلو الدولار حقكم
والنكتة الشهيرة انو في واحد بلدياتنا مشى نيويورك
وعندو دولارات مطرة
مشى يغيرا في الصرافة
لقاء المسألة
دولار بدولار
غايتو كان مجبور
زي اخونا بابكر قدورة
فما كان من بد إلا يغير الدولار بدولار
الاجابة من ناس امريكا لا تصلح للرد
خلي اليردو ناس من دول اخرى حتى ولو غرب اوربا
ناس امريكا ما عندهم اشكال هم اهل الجلد والراس
الاخ عمر عيسى بجيك صادي
ولحسن الحظ اليوم في حراسة مشددة
جاني نفيرين من قريتنا الشوال وبايتين معاي
لمدة يومين تلاتة
يعني حراسة مجانية
شفتا الحظ كيف

وفي كل الحالات كان البنك يفرض علي الاستلام بعملة البلد المرسل اليها التحويل
--------------------------------------------------------------------------------------------
كلام اخينا الكنزى صحيح 100x100
حولت للسعودية باليورو استلموها بالريال وقد اخبرنى مكتب ويسترن يونيون بذلك قبل ان تتم عملية التحويل

عندنا حساب في الويسترن يونيون بنحول منه دايماً لأهلنا خاصة في مصر
ودايماً بيعطينا خيار تسليم الشخص المرسل إليه (في الموقع) بعملة البلد أو الدولار
ودائماً ما نختار الدولار ويستلم المستلم دولار
هسة دخلت الحساب قلت أعمل تجربة إرسال للسودان
ولقيت خيار واحد وهو إستلام بعملة سودانية ومبلغ منخفض عشرة الف وشوية للمية دولار
أكيد دا من ناس السودان حرامية ما عندهم رحمة
برضو إحتمال مشكلة فنية في الموقع
سؤال:
انتو بنك التضامن دا مش حق الكيزان؟

شخصيا
سبق أن حولت للسودان قبل سنوات وتم الإستلام بالدولار
وحولت للأمارات عدة مرات وتم الإستلام بالدولار
ولمصر تم الإستلام بالدولار
وأمس ١٤ سبتمبر كلفت بتحويل- لايخصني - لدولة قطر وتم الإستلام اليوم بالدولار
مفترض إنت كمحول تصر علي خيار الإستلام بالدولار --
وقبل شهر حول صديق أعرفه معرفة شخصية دولارات تم إستلامها من الوسترن يونيون بالخرطوم بالدولار -وقد ذكر إن هذا الخيارمتاح فقط لمن يحضر
للإستلام في الصباح الباكر !!

Quote: المعلومات البتطلبها الويستر كالاتى الاسم الاول للمرسل اليه و الاسم الاخير و المبلغ و بلد التسليم اسم الراسل الاول و الاخير و المبلغ المرسل و معلومات الفيزا كارد اذا كان داير تدفع من حساب البنك وين التدقيق هنا يا ريت ما تسرح بالناس بالمناسبة عندهم موقع و عادى ممكن تشترك فيهو يوزر و باص ويرد و من البيت تعمل تحاويلك

المعلومات التى اوردها الاخ جلال و الواردة اعلاه صحيحة ولى فترة طويلة بتعامل مع الويسترن يونيون
والمشكلة الوحيدة كانت فى ان فروعهم فى السودان قليلة ولكن وبعد تحديد مراسل لهم فى السودان
بنك التضامن الاسلامى وانا ماعارف فروعهم لو كثيرة مثل البنك الاسلامى وبنك الخرطوم ام لا ولكن اكيد
ح يكون هناك توسع فى اعمال الويسترن يونيون وبنك التضامن ( امريكا - اوربا - الخليج وبقية دول العالم )

Quote: هسة دخلت الحساب قلت أعمل تجربة إرسال للسودان ولقيت خيار واحد وهو إستلام بعملة سودانية ومبلغ منخفض عشرة الف وشوية للمية دولار

دا جرس انذار لبنك التضامن الاسلامي للانتباه والتنسيق مع الويسترن يونيون
وتحديد اسعار الصرف اوتوماتيكياً حسب نشرة اسعار العملات من بنك السودان .
شكراً صباح على المعلومة .

انا كل شهر برسل للسودان بالويسترن يونيون و التسليم بالسودانيو لو عاوز تستلم دولار تمشي بنك الخرطوم الفرع الرئيسي قبل السادسةصباحا تسجل اسمك و المبلغ و تجي اليوم التاني تصرف بالدولارعلي هذا الحال اكثر من سنتينلو المبلغ اكثر من الف دولار بيسالك عن سبب ارسال المبلغ و بيديك خياراتو بيسال برضو من مصدر المبلغ هل هو من دخلك الشخصيكل الكلام دا بيتم في ظرف دقيقتين من تطبيق علي التلفون سمعت من بعض الاخوان ان التطبيق لم يسمح لهم بارسال مبالغ ضخمة متتاليةفي مدة قليلة و جاتهم تلفونات تستفسر عن الاسبابحتي في واحد طلب من الاخوان مساعدته في تحويل مبلغ كبير لتكاليف زواجه.

يا ناس انتوا الظاهر بتحبوا الكلك الكتير
كتبت المداخلة اعلاه امس و وضحت فيها الحاصل
لكن يبدو مافي زول قراها كلكم جيتوا داقشين ساكت
حتي جلالدونا و كمال عباس ما علقوا رغم انو المداخلة
بتؤيد كلامهم و تدعمه شديد.
جلالدونا و كمال كلامهم صحيح 100%
و انا من واقع تجربيتي مع الويسترن يونيون بقول نعم
يمكنك الاستلام في السودان بالدولار حتي لو التطبيق حدد ليك بالعملة المحلية
ما تشتغل بالكلام دا
تمشي بنك الخرطوم الفرع الرئيسي من النجمة تسجل اسمك و تجي بكرة تصرق
اخر قروش رسلتها قبل 3 ايام و تم استلامها بالدولار و فكيناها في السوق

يا ناس المنطق بيقول طالما في فرق في اسعار الصرف لازم يكون في خيار استلام بالدولار
حتي و لو كان الخيار دا في اضيق الحدود و فيهو صفوف و صحيان بدري و سفر لناس الاقاليم
عشان الناس تستمر في استعمال الخدمة مع الويسترن يونيون

انا لو فرضوا علي بالعملة المحلية و الله ما ارسل بيني واحد لانو الفرق شاسع
بقع الصوماليين ديل علي الاقل بدفعوا قريب من سعر الشارع

بالنسبة للدول الفيها الصرق بالعملة المحلية بتلقي سعر الصرق ثابت عشان كدا ما حتفرق مع الزول
لانو اصلا حتتصرق و تروح

انا برسل قروش المغرب بتتصرف بالدرهم لكن سعر الصرق موحد

الناس مفروض تضغط علي ناس الويسترن يونيون انو يدفعوا دولار حار
لانو فرق السعر كبير و الشركات دي بتستجيب للزبائن لانهم دائما علي حق
اهروهم ايميلات لمن يعرفوا الله واحد

اديكم ما حصل معي
كنت بحول لدول كتيرة من التطبيق علي تلفوني لكن للسودان
كنت بضطر امشي المحلات و اقيف صف طويل عشان احول
لانو ببساطة اسم السودان ما كان موجود في القائمة عشان تستعمل التطبيق
رسلت ليهم ايميل انو انا زبون دائم عندكم و برسل كتير لكن للسودان بحتاج يوم اجازة
و بالنهار و صفوف عشان ارسل للسودان فحقو تنزلوا اسم القطر عشان نعرف نرسل
سفهوني و ما ردوا علي
نسخت الايميل و كبستهم ليك يوميا صباح مساء لمن السيرفر حقهم عرف حاجة
بعد اسبوعين ردوا علي و نزلوا السودان في القائمة

هسه الحاجة تقول دايرالها 100 دولار في الواتساب تقول ليها رسلتها ليك قبيل

سلام اخونا العزيز معاوية
كلامك في السليم وصحيح تماما -انا احول من الوسترن بمتجر الكنق سوبر والموضوع لايأخذالا دقايق بسيطة !
لو قريت كلامك النقلتو تاني ما كنت احتجت انا اكتب مداخلتي !لانه يعبر عني تماما

Quote: سلام اخونا العزيز معاوية كلامك في السليم وصحيح تماما -انا احول من الوسترن بمتجر الكنق سوبر والموضوع لايأخذالا دقايق بسيطة ! لو قريت كلامك النقلتو تاني ما كنت احتجت انا اكتب مداخلتي !لانه يعبر عني تماما

وينك يا حبيب
طولنا منك و الله مشتاقين
زمان بنتلاقي في المناسبات
هسه المناسبات بقت ذاتا بالتلفون
ان شاء الله نشوفك قريب
ربنا يرفع البلاء

ايوة يا معاوية. بس شايف الناس كانت كتيرة جدا يوم الأحد الماضي في دعوةً العرس بكوك بارك مشيت متاخر لقيت زي ٢٠٠ نفر

Quote: ايوة يا معاوية. بس شايف الناس كانت كتيرة جدا يوم الأحد الماضي في دعوةً العرس بكوك بارك مشيت متاخر لقيت زي ٢٠٠ نفر

أنا كنت شغال ما قدرت اجي
و رسلت الكنجالات مع الاخوان

معليش يا ناس التحويلات اعذرونا علي التخريمة
بس كان في شوق للأستاذ كمال عباس

,,