والله يا حبيبن ترهاقا كان كورونا ما عارف البنجح فيهم طوالي CIA اتذكرت امتحان MEN IN BLACK
Post: #4 Title: Re: دي امتحانات الشهادة؟ Author: Arif Nashed Date: 09-13-2020, 06:42 PM Parent: #3
أين هذه المنطقة. وزير التربية والتعليم ووالي هذه المنطقة يجب اعفائهم. ما ممكن طلبة ممتحنين شهادة يمتحنوا بهذه الطريقة. منظر مؤلم للغاية.
Post: #5 Title: Re: دي امتحانات الشهادة؟ Author: علي عبدالوهاب عثمان Date: 09-13-2020, 08:17 PM Parent: #4
الحبيب جعفر تحياتي كنا معلمين زمان .. لا يجوز عقد الامتحان في فضاء المفروض في صالة مغلقة حتى لا تسمع فيها صوت الرياح تكون النوافذ مغلقة حتى لا يشتت انتباه التلاميذ في مثل هذا الجو التلميذ يكون بنصف تركيزه لأنه يسمع الاصوات ويشاهد الفضاءات الواسعة حتى لو كانت اصوات حيوانات أو طيور ... الخ
المفروض الامتحان يعقد بدون اي شيء انصرافي للتلميذ
هكذا من ناحية تربوية الوزير فقط يريد أن يقول أنه انجز الامتحان رغم الظروف
بالنسبة لي كمعلم سابق .. كا رثة غير مسبوقة
شيء مؤلم ..
تحياتي جعفر ..
Post: #6 Title: Re: دي امتحانات الشهادة؟ Author: علي عبدالوهاب عثمان Date: 09-13-2020, 08:26 PM Parent: #5
الحبيب جعفر حتى داخل القاعة معلم خلف الصف ومعلم أمام الصف لا يتحرك المعلم إلا في حالة قصوى لا يتحدث من المفترض ان يكون في كرسي فوق التربيزة الكبيرة خاصة المعلم الموجود خلف الصف
كنت ألاحظ ان المسئولين يدخلوا داخل الصف ويتجولون داخل الفصل ومعهم كاميرا التلفزيون
آخ آخ زمن التربية والتعليم
Post: #7 Title: Re: دي امتحانات الشهادة؟ Author: Faisal Fadhlallah Date: 09-14-2020, 08:36 AM Parent: #6
الأخ العزيز جعفر بشير وضيوفه الكرام
بعد التحية،،،
يحدث كل هذا والمسئولين راكبين آخر موديلات اللاندكروزر والتي من المفترض ثمن واحدة منها ممكن أن يشيد مدرسة كاملة .. يا لبؤس سياسيي بلدنا المنكوبة.
Post: #8 Title: Re: دي امتحانات الشهادة؟ Author: عزالدين عباس الفحل Date: 09-14-2020, 09:15 AM Parent: #7
لا حول ولا قوة إلا بالله العلي العظيم ، إنا لله وإنا إليه راجعون ، ،،،،
عزالدين عباس الفحل ابوظبي
Post: #9 Title: Re: دي امتحانات الشهادة؟ Author: عمر التاج Date: 09-14-2020, 09:49 AM Parent: #8
يقال أن مرتب الوزير - من غير بدلات وحوافز- قد بلغ اليوم 150 مليونا من الجنيهات السودانية وأقل عربة يمتطيها وزير لا تقل عن ال5 مليارات ومكاتبهم الفخيمة اذا بيعت في الدلالة فانها تجلس كل هؤلاء المساكين في فصول راقية ومريحة .. ولكنها السلطة المطلوقة تجعل من المسؤول فوق مستوى الجميع وحدود مسؤوليته نفسه وحزبه والرفاق
Post: #10 Title: Re: دي امتحانات الشهادة؟ Author: أحمد محمد عمر Date: 09-14-2020, 10:40 AM Parent: #9
الصورة لاقتني زمان بس ما قدرت أجيبها هسة
لكن دي صورة مشابهة في نفس الظروف
Post: #11 Title: Re: دي امتحانات الشهادة؟ Author: أحمد محمد عمر Date: 09-14-2020, 10:44 AM Parent: #10
Post: #12 Title: Re: دي امتحانات الشهادة؟ Author: أحمد محمد عمر Date: 09-14-2020, 10:57 AM Parent: #11
فيما يبدو الصورة قديمة تم الترويج ليها الليلة من قبل الجداد
Post: #13 Title: Re: دي امتحانات الشهادة؟ Author: أحمد محمد عمر Date: 09-14-2020, 11:29 AM Parent: #12
Quote: الصورة ي أحمد محمد عمر واضح إنها في فصل الصيف
كل الصفحات الناشراها على فيسبوك ما ناشرة معاها أي معلومة فواضح جداً بالنسبة لي أنا على الأقل إنه ياهو شغل الجداد اليومي
Quote: Tayeb Abdalla ي عمر التاج شكلك بتحب القبقبة مصدرك شنو ل معلومة الوزير راتبو 150 مليون ؟
مثله لا يسأل عن مصدر من الواتساب للبورد مباشرة .. ما فاضي للاستيثاق من المعلومة والتأكد منها .. ليّس ليّس ببقى كويس
Post: #14 Title: Re: دي امتحانات الشهادة؟ Author: MOHAMMED ELSHEIKH Date: 09-14-2020, 12:01 PM Parent: #13
الصورة قديمة من زمن الكيزان وقدرن يقعدن يمتحنن هسي في زمن المدنية ١٣٨٢ ممتحن ما قدروا يصلوا زاااتو يحصلوا امتحاناتهم.. ديل ح يطلعن (بنات الوطن) العاملات.. مش؟؟ جعفر وضيوفه وسلام..
Quote: هسي في زمن المدنية ١٣٨٢ ممتحن ما قدروا يصلوا زاااتو
يعني الصورة بي حزنها سترة حال
Post: #19 Title: Re: دي امتحانات الشهادة؟ Author: علي عبدالوهاب عثمان Date: 09-14-2020, 09:18 PM Parent: #18
حبيبنا جعفر .. تحياتي بغض النظر عن تاريخ الصورة المهم هو اثارتك لموضوع الامتحانات أكثر شيء استغرب له وهو العرض ( الشو ) وسط الممتحنين داخل الصف الوالي يتجول بين الصفوف اثناء الامتحان وكاميرات تصوير صدقني الكلام ده قبل ربع ساعة تقريباً من المداخلة كنت أشاهد في التلفزيون ( ضغطي ارتفع )
لماذا لا يتم توعية هؤلاء المسئولين بأن هذه اللحظات بالنسبة للطلبة مهمة جداً واي حركة أو حتى إشارات تقلص من تركيز الطلبة
أذكر عندما كنا في التعليم في ذلك الزمان لابد اغلاق الشبابيك والأبواب ممنوع دخول اي فرد غير (2) مراقبين وهؤلاء المراقبين لديهم مواقع معينة داخل الفصل .. ممنوع التواجد في البرندة أمام الفصل حتى الفراشين كانوا واعين بالموضوع
لا أي انجاز يجنيه الوالي أو المسئول عندما يتجول بين الصفوف ويربك الطلبة ( بصحبه كاميرات )
وكذلك قرع جرس الامتحان .. الاجراس تقرع في بداية العام الدراسي وليس في الامتحانات فترة ما قبل الدخول الى الفصل مهمة جداً للطالب للاستحضار والتركيز
رحمك الله محمد التوم التيجاني .. ورحم الله بخت الرضا
تحياتي الحبيب جعفر .. انسى موضوع الصورة .. ونناقش الأهم في الأمر
Post: #20 Title: Re: دي امتحانات الشهادة؟ Author: عزالدين عباس الفحل Date: 09-15-2020, 06:27 AM Parent: #19
Quote: والي الخرطوم يقرع جرس بداية امتحانات الشهادة السودانية
يقرع جرس بداية امتحانات الشهادة السودانية الاستاذ / ايمن خالد نمر والي الخرطوم
2020-09-13 11:46:24.293 | مشاهدة 393 | مشاركة الخبر علي : | | whatsapp | طباعة : وكالة السودان للأنباء. الخرطوم - 13-9-2020 ( سونا ) .
قرع والي ولاية الخرطوم الأستاذ أيمن خالد نمر الجرس معلناً بداية الامتحان بمراكز ولاية الخرطوم بمدرسة العبيدان -بنات بمنطقة مايو حي النصر جنوب الخرطوم، ورافقه كل من وزير التربية والتعليم ومديرعام التعليم الثانوي بالولاية ومدير عام التعليم . وحيا الوالي الابناء والبنات الطلاب والطالبات الممتحنين للشهادة السودانية وأسرهم التي جاهدت في انتظار مثل هذا اليوم لتظفر بنجاحهم وتفوقهم. واشاد الأستاذ أيمن خالد نمر بدور المعلمين والمعلمات والطلاب والطالبات وأسرهم و جهدهم وصبرهم على المعاناة والصعاب والأحداث التي شهدتها البلاد هذا العام بدءًا من جائحة كرونا مروراً بالسيول والأمطار. وأكد الوالي متابعتهم ومواصلة سير امتحانات الشهادة السودانية بالصورة المطلوبة حتى نهايتها شاكراً كل المنظمات والمواطنين وهم يمدون يد العون والمساعدة للطلاب بما يعكس تماسك وتلاحم الشعب السوداني. وطمأن الأستاذ محمد إبراهيم علي مدير عام التعليم - ولاية الخرطوم أولياء الأمور بأن الامتحانات تسير في مناخ طبيعي وتوفير كل سبل الراحة للطلاب من معينات صحية وترحيل لنقلهم للمراكز. ونوه مدير عام التعليم إلى عدم الالتفات للشائعات، وأن المصدر الوحيد لأي معلومة وزارة التربية والتعليم وأجهزة الدولة الرسمية . واوضحت مديرة مدرسة العبيدان الأستاذة غادة حسن يوسف أن المركزيضم (421) طالبة من المساق(النظامي والاتحادي والمنازل والطوارئ) جلسن اليوم لامتحان مادة التربية الاسلامية والتربية المسيحية . وقالت لسونا أن هذا العام الدراسي هو الأطول في السودان، واضافت أن بداية الامتحانات اليوم هي نهاية لمعاناة المعلمين والطلاب. واعربت الطالبات عن رضائهن التام لاستعدادات المركز وأنهن متفائلات بالرغم من الظروف الراهنة التي تمر بها البلاد جراء فيضان نهر النيل. الجدير بالذكر أن عدد الممتحنين هذا العام من ولاية الخرطوم بلغ ١٥٤.٩٦٠ طالب وطالبة يؤدون الامتحانات في ٨٨٠ مركز بمحليات الولاية السبع. ويعتبر هذا العام الدراسي الأطول في السودان، حيث كان من المقرر جلوس الطلاب للامتحانات في موعدها في شهر أبريل إلا أن جائحة كرونا كانت سبباً في تاجيلها حتى شهر سبتمبرالحال . *** المصدر:- وكالة السودان للأنباء. 2020-09-13 11:46:24.293 | مشاهدة 393 | مشاركة الخبر علي : | | whatsapp | طباعة :
عزالدين عباس الفحل ابوظبي
Post: #21 Title: Re: دي امتحانات الشهادة؟ Author: محمد البشرى الخضر Date: 09-15-2020, 06:52 AM Parent: #20
تحياتي للجميع نعم الصورة قديمة لكن هذا ليس لب الموضوع, حتى لو كانت قديمة فالآن لو ذهبنا لنفس المكان سنجد نفس الحال بل وربما اسوأ كمان مع ظروف السيول و الامطار التي ربما حتى المساحة و الاحجار الجالسين فيها الطلاب ديل ما ح تتلقي المفارقة الحقيقية انه في نفس الوقت ربما مرت عليكم صورة لقاعة امتحانات مرتبة ويوجد ماء و حلوى على كل طاولة في انتظار الطلاب ومعاها تعليق انه دا انجاز لوالية نهر النيل! غض النظر عن صحة الصورة الثانية و المكان المنسوبة له لكن واقع الحال يقول انه توجد مفارقات غير عادية في السودان بين مختلف الولايات و بين حتى المدن و القرى في نفس الولاية من ناحية ظروف الدراسة و الامتحان التي يتعرض لها الطلاب و في النهاية يتنافسون عل نفس المقاعد في نفس الجامعات لذا النظرة الاشمل تتجاوز تاريخ ومكان الصورة لتتناول مشكلة عدم التوازن - حتى في الفقر- التي اورثت السودان ما نحن فيه من حروب و ضنك وتأخر هل تعلم المفارقة الغريبة ان هؤلاء الطلاب الجالسين على الارض نظريا الناتج المحلي لولايتهم - ايا كانت - ممكن وربما فعلا يفوق الناتج المحلي لولايات أخرى يجلس طلابها على مقاعد وفي فصول بها مراوح و اضاءة! الصورة دي عنوان لهذا الخلل الكبير و ارجو ان تكون ايضا مفتاحا للحلول الشاملة.
والله منذ ثلاثين عاماً ونحن نقوم بصيانة المدارس وحتى الاجلاس نرسله من السعودية عملنا رابطة اسمها رابطة أبناء ودربيعة لخدمات التعليم والصحة ومنذ عامين بدأنا في تشييد مدرستين بأسلوب حديث وبإذن الله في العام الدراسي الجديد سيدخل فيها التلاميذ ليس هناك أي مساعدات من الدولة وحيث أنني مهووس بحب الأمكنة وفي أزقة هذه القرية الأنثى دفنت معظم ذكرياتي الجميلة لهذا حينما ذهبت في عيد الأضحى 2020 كنت اتمشى بهذه الأزقة الضيقة علني اشتم فيها بعضاً من ذكرياتي التي تخصبت بانفاس الناس الجميلين هناك وتحولت ل آلاف السنابل طلبت من صديقي ثالث أيام عيد الأضحى أن نزور مدرستي الابتدائية والله الواحد ما يعرف يبكي وللا يضحك المدرسة كانت بها لوحة مكتوب بها مدرسة ودربيعة الابتدائية بنين تأسست عام 1947 طبعا انا الخلوة قريتها بنين والابتداي بنين والمتوسطة بنين والثانوي بنين والله الكلية كانت كلها بنين والختام بالسعودية بنين والله يستر ماتقوم المدام تعمل معاك مشكلة وتخليك بنين لي يوم الدين!!!! المهم القى ليك ناس هي لله لا للسلطة ولا للجاه غيروا اسم المدرسة ولو قلت عاوز تقرأ الاسم الا تمشي تتوضا وتغتسل غسل الجنابة!! قال أهل القبلة قال
هجمة مرتدة سريعة لم أنس أستاذ الكيمياء المصري حينما كنا بالداخلية وسكن المعلمين كان قريباً من الداخلية حيث اسقطته زوجته السمينة أرضا وجثت على ركبتيها وشرعت في خنقه وحينما سمعنا الكواريك ذهبنا لنجدة أستاذنا المغلوب على أمره لنتفاجا بأن التي تجثم عليه ليس أنثى بالمعنى المتعارف عليه للأنثى بل وجدنا بلدوزر كتربلر ضخم وكوم من اللحم المترهل والشحوم المنتشرة في كل اتجاهات الكرة الأرضية ورغم أننا بعدد أهل الكهف وكلبهم مرتين الا اننا بصعوبة ازحنا هذا الكابوس لكي يتنفس استاذنا ومن ثم نحاول مرة أخرى إبعاد جون سينا المهم اخرجناه من بين فكي تمساح دخلنا يوم غدٍ إمتحان التربية الإسلامية بالشهادة السودانية وكان المراقب هذا الأستاذ نفسه حملت ورقة الإمتحان سؤال عوير وغريب جدآ عدد مزايا الزوااااج؟؟؟ ونحن يادوب الواحد شنبو بدأ يقوووم ويقولوا ليك عدد مزايا الزواج وعلى بالطلاق السؤال لم يمر بنا لا في دين ولا في تاريخ اها اي واحد قعد يتلفت على الثاني وبقينا ممتحنين وممحنين والله وعمك المصري يضحك وكلنا احتجينا على السؤال وسالناه عن مزايا الزواج قال انتوا براكم شفتو المزايا اكتبوا ليهم ماليهوش مزايا
ههههه الله يهديك يا ابوحراز كل ما اقرا سطر اعمل عليهو كابشر اقرا السطر البعدو اخلي الاول واعمل كابشر تاني في النهاية غلبني
بس وقفت عند ماليهوش مزايا
Post: #24 Title: Re: دي امتحانات الشهادة؟ Author: علي عبدالوهاب عثمان Date: 09-15-2020, 07:32 PM Parent: #23
الحبيب جعفر البوست مهم جداً أنا كمعلم سابق في ذلك الزمان همي الأول ان تزول تلك الظاهرة السيئة اقتحام الفصول ايام الامتحانات الحكائة دي ظهرت مع الانقاذ تهليل وتكبير داخل سور المدارس ايام الامتحانات وعلي نفس النسق الآن .. انجازاتنا دائما هي المظاهر ( شو ) اتركوا الامر للمعلمين والمعلمات فهم أدرى بالموضوع أول يوم تشويش على الطلاب يا ريت لو كان بعد الامتحان .. اليوم الأول هو الأهم للطلاب لأن باقى الامتحانات تكون بناء على انجاز اليوم الأول دع التلميذ يراجع النقاط التي يحملها في ورقة ويستحضر ما يتوقعه من اسئلة
امتحان الشهادة مشكلته حساسيته عالية جدا واي دقيقة بتفرق كتير ، اي دقيقة ضايعة لاي سبب كان لانه ده امتحان علي مستوي السودان وما كل الظروف مشابهة يعني اصلا في الاساس الامتحان فيهو عدم عدالة بالنظر للمناطق الجغرافية ومستوي المدارس ووضع الطلاب، ناهيك عن يكون في امور تانية ثانوية بتاجي لي ضياع الوقت بالنسبة للطالب .... زيارة اي شخص او جهة اعلامية مفروض انها اما قبل او بعد الامتحان ...لانو حتي لو قالوا الوقت مضاف للاختبار ما بنفع لان الموضوع ماهي مدة عشرة دقايق حوامة الموضوع تشتيت ذهن (Distraction) مافي زول بيعرف تاثيره علي كل طالب
اذكر في امتحانا بتاع الرياضيات التخصص جات مسالة غلط المسالة دي استهلكت وقت وجهد وتشتيت تفكير كثير جدا النتيجة قالوا درجات المسالة تضاف لكل الطلاب والموضوع ما موضوع درجات ـ المسالة تاثيرها بيختلف من طالب لطالب جهد ووقت وتاثير نفسي
Post: #26 Title: Re: دي امتحانات الشهادة؟ Author: علي عبدالوهاب عثمان Date: 09-15-2020, 09:32 PM Parent: #25
الحبيب جعفر تحياتي اذكر عندما كنا معلمين في الثانوية العامة زمان أول التحذيرات في مركز الامتحان بالنسبة لنا عدم تشتيت انتباه التلاميذ .. ممنوع الكلام أو حتى حركة الكرسي ممنوع المشي في برندة الفصل .. اغلاق الشبابيك عدم الوقوف بالقرب من التلميذ اثناء الامتحان التجول بهدوء داخل الفصل إذا دعت الضرورة وشروط كثيرة .. لأن الامتحان ( تركيز واستحضار )
كان المفروض وزير التربية يصدر قرارات مركزية لوقف هذا الضجيج
Quote: يحدث كل هذا والمسئولين راكبين آخر موديلات اللاندكروزر والتي من المفترض ثمن واحدة منها
حبيبنا فيصل كيفك واخبارك وامورك أتمناها بخير
تعرف يا فيصل زي ما قال اخونا معتصم ادريس هسي الان لو في تقارير فعلية حقيقية وتحقيق مصور عن امتحان الشهادة في كل انحاء السودان ، اظن الوضع في الصورة افضل كثير طوال الفترة الماضية كل المجهود لحركة الطلاب مجهود شعبي ومبادرات تتوقف علي افراد ومافي شيئ ملزم مافي جهة حكومية مثلاً الزمت نفسها أوحكومته بالمسئولية تجاه كل الطلاب في جميع المناطق
طبعا بعد تلاتين سنة الواحد بيتامل خير لكن الوضع علي كل المستويات مشابه كتير للي قبله يعني لو انت ممتحن وطلعت ما قدرت تصل ده اسمو قدرك ما اسمه انعدام المسئولية والمحاسبة
Post: #31 Title: Re: دي امتحانات الشهادة؟ Author: Asim Ali Date: 09-16-2020, 02:07 PM Parent: #30
سلام عليكم مادخلت من بدايه البوست رغم علمى انو الصوره قديمه الشىء البنعانى منو الان مش تعليم بس اغلبو انو اتعاملنا مع الثوره اهازيج وفرح واتجاهلنا انو ثوره يعنى تغيير والتغيير يعنى شغل على جميع المستويات وحركه جماهيريه قبل ماتكون شغل و قرارات مسئولين . اقترحنا قبل كدا انو البلد تتقفل على نفسها وتعلن حمله وطنيه لبناء والتعمير تعيد تاهيل مايمكن تاهيلو من خدمات ومشاركه فى التنميه زراعه وحصاد بل وكتن ممكن حتى الاسهام فى عمليه مشاريع قيمه مضافه صغيره تتفادى اهدار محاصيل زى طماطم طوكر مثلا لكن للاسف الناس جرت للشحده عند الخواجات وربنا امتحن البلد والدوله بسنه قاسيه كان ممكن يكون الوضع افضل لو كان فى حمله تاهيل للبنى التحتيه الخدمه واهمها التعليم والصحه وبالمواد الاساسيه حسب كل منطقه بجالوص بقش او مهما كان المهم يتوفرمكان محترم وبسيط للخدمات مهمه زى الصحه والتعليم واحتياج الناس ليها فى الاطراف لكن للاسف الناس بقت فى زولى وزولك وصاحبى وصاحبك وحزبى وحزبك وحركتى وحركتك والعين على الكيكه فى الخرطوم وحيستمر دا حال البلد طالما نحنا ماعندنا اهتمام باهل البلد المسحوقين وقاعدين فاتحين خشمنا للصدقات الدولاريه والانبطاح بحث عن علاقات وتطبيع غير متكافىء https://sudaneseonline.com/board/500/msg/1566595577.html
