بالرغم من الصعوبات الكثيرة اقلها الكرونا والفيضانات ، ما زلت تدير الامور بحنكة ، سر وعين الله ترعاك ، فأنت من أتى بك هؤلاء الشباب الذين فقدوا أرواحهم ونكلوا وسحلوا وفقدوا من اجل حياة كريمة لي وطن اسمو السودان وهم سندك وعضدك ، الشباب دييل محتاجين لامخاخ متطورة وليست لنظارات وشيوخ وقبائل ، ديل عندهم كلام تاني وأنت أهل لها
Post: #2 Title: Re: الدكتور حــمــــدوك يـمـثلني Author: يحي قباني Date: 09-08-2020, 04:07 AM Parent: #1
شكرا ساطور ...
شكرا حمدوك ...
و لا نامت أعين المرجفين و المتخاذلين و اصحاب المصالح ...
Post: #3 Title: Re: الدكتور حــمــــدوك يـمـثلني Author: بدر الدين الأمير Date: 09-08-2020, 04:14 AM Parent: #2
الاخوة والاخوات الكرام ا النصري، الدكتورة إخلاص، ناصر أمين، قباني ، علاء سيداحمد ، جلالدونا، عبد الصمد، عثمان الامام ، عبد الله عبد الله، وابو الجعافر شكرا لمروركم الكريم ، مع تمنياتنا لجيل الثورة بوطن حدادي مدادي وطن خيًر ديمقراطي
Post: #19 Title: Re: الدكتور حــمــــدوك يـمـثلني Author: ترهاقا Date: 09-09-2020, 03:53 AM Parent: #18
*
Post: #20 Title: Re: الدكتور حــمــــدوك يـمـثلني Author: حسن ادم محمد العالم Date: 09-09-2020, 04:33 AM Parent: #19
حقا ما احوجنا لمفردة الامل صديقنا ترهاقا معا لدعم الثورة السودانية حقيقة السودان يحترق بعيدا عن نظرية المؤامرة الوضع الاقتصادي صار كارثيا وليس امامنا القتال ولسان حالنا حمدوك يمثلنا شباب الثورة الامل المرتجي وللإخوة في قحت ضيقوا لكي يتسع الطريق
Post: #21 Title: Re: الدكتور حــمــــدوك يـمـثلني Author: ترهاقا Date: 09-09-2020, 08:22 AM Parent: #20
Quote: ليس امامنا القتال ولسان حالنا حمدوك يمثلنا شباب الثورة الامل المرتجي
الاستاذ الاديب حسن همنا في هذا الجيل الجميل الذي يجب ان يعيش حياة كريمة ما يعيشوا الوضع المزري العشناهو ، جيل اختار احسن من يمثله
حملة مسعورة ضد حمدوك والحكومة الانتقالية من الفلول . أول حاجة بيبدوا بي نبذ سلسبيل الكيزان بعد عنوانهم المضاد عشان يقنعوا القارئ بحياديتهم التقول في راسنا قمبور ولو لاحظتم لم يفتح الله لهم بكلمة إنتقاد للجنة الامنية للبشير واللي هم ماسكين كل الخيوط و سبب كل المشاكل الاقتصادية الحاصلة في البلد بمحاولاتهم خنق حكومة حمدوك لإفشال الفترة الانتقالية أو بالاحرى إفشال الدولة المدنية وهذا لايخفى على طفل في الابتدائي، وكمان البرهان الذي لا يستحي ويستجدي التفويض وعلى عينك يا تاجر، تفويض مين يا ابو تفويض؟ ارعى بي قيدك، حكومة عسكرية تاني ما حتحكم السودان وبطلوا شغل العبط بتاع إرسال فلولكم لمواكب حمدوك عشان يهتفوا عسكرية عسكرية ، ده حلمكم الذي لن يتحقق بإذن الله ، ومكناتكم دي تاني ما بتقسّم مع شباب الثورة.
حملة مسعورة ضد حمدوك والحكومة الانتقالية من الفلول . أول حاجة بيبدوا بي نبذ سلسبيل الكيزان بعد عنوانهم المضاد عشان يقنعوا القارئ بحياديتهم التقول في راسنا قمبور ولو لاحظتم لم يفتح الله لهم بكلمة إنتقاد للجنة الامنية للبشير واللي هم ماسكين كل الخيوط و سبب كل المشاكل الاقتصادية الحاصلة في البلد بمحاولاتهم خنق حكومة حمدوك لإفشال الفترة الانتقالية أو بالاحرى إفشال الدولة المدنية وهذا لايخفى على طفل في الابتدائي، وكمان البرهان الذي لا يستحي ويستجدي التفويض وعلى عينك يا تاجر، تفويض مين يا ابو تفويض؟ ارعى بي قيدك، حكومة عسكرية تاني ما حتحكم السودان وبطلوا شغل العبط بتاع إرسال فلولكم لمواكب حمدوك عشان يهتفوا عسكرية عسكرية ، ده حلمكم الذي لن يتحقق بإذن الله ، ومكناتكم دي تاني ما بتقسّم مع شباب الثورة.
Post: #24 Title: Re: الدكتور حــمــــدوك يـمـثلني Author: ترهاقا Date: 09-14-2020, 04:03 AM Parent: #23
فلنقفل كل الابواب أمام فلول النظام البائد ، حمدوك ننتقده ونقومه لانه بيمثلنا الشق المدني، واللي هم نحن. والشق العسكري في مجلس السيادة يسعى سعيا جادا لتركيع المدنية عشان يجونا بوشهم القبيح ويأخرونا تاني مليون سنة ، اي زول بيطالب بتسليم السلطة للجيش ، ده جاهل ومسكين
Post: #25 Title: Re: الدكتور حــمــــدوك يـمـثلني Author: AMNA MUKHTAR Date: 09-14-2020, 06:03 AM Parent: #1
أنا كنت عايزة أقول حاجة مخالفة.. لكن غاظني الداعشي التحت ..عبر نافذة فيسبوك. وكمان عب عظيم ..البيأمر بوقاحة فلان داك يستقيل.. وعلان داك يمشي لانه بتاع محاصصات.. وهم كلهم بتوعين محاصصات..!!
فنكاية فيهم .. شكرا كرزاي .
Post: #26 Title: Re: الدكتور حــمــــدوك يـمـثلني Author: عمر التاج Date: 09-14-2020, 07:57 AM Parent: #25
أنا برضو حمدوك بمثلني لانه الشعب ود اللزينا ده مايستحق إلا الغلاء والجوع والندرة الفاقة والمرض البعيش فيها الان من لم تقتله الكورنا أو الإجراءات التي اتخذناها معها سيموت بالجوع أو يقتل في حادثة انفلات أمني عادي
التوقيع (جرادة منبرية)
Post: #27 Title: Re: الدكتور حــمــــدوك يـمـثلني Author: ترهاقا Date: 09-15-2020, 02:20 AM Parent: #26
Quote: أنا كنت عايزة أقول حاجة مخالفة.
مرحبا بالراكزة الاستاذة آمنة مختار ومالو نحن جايين نختلف ونتفق لمصلحة جيل الثورة ، اللي لازم يعيشوا حياة أكرم اما الدعشي بتع الفيسبوك فليس عليه حرج ودمتي
Post: #28 Title: Re: الدكتور حــمــــدوك يـمـثلني Author: ترهاقا Date: 09-15-2020, 02:29 AM Parent: #27
الاستاذ عمر التاج عريسنا الجديد أولا تمنياتي لك ولزوجتك المصونة بحياة زوجية عامرة بالسعادة انتو مفروض تعضوا بالنواجز لحياة مدنية ديمقراطية وما تضيعوا زينا زمنكم محكومين بالعساكر، أسوا مدني أفضل من أحسن عسكري في إدارة الدولة السودانية ، وخصوصا اشكال العساكر الحسع دييل اللي فرضو نفسهم على الثورة بس لانهم شايلين سلاح وهدييك حلايب
Post: #29 Title: Re: الدكتور حــمــــدوك يـمـثلني Author: ترهاقا Date: 09-15-2020, 05:12 AM Parent: #28
العسكر لهم مهمة كبيرة لا تقل عن السياسيين ، حفظ سيادة وحدود وامن البلد، وحماية انسان البلد تحت قضاء مستقل ، لكن عسكر اليوم ، حماة الكيزان ، اسألهم سؤال ويين المفقودين ؟ مسألة فض الاعتصام وسفككم للدماء ده شيء مفروغ منو والدليل خطاب الجهلول البرهان بعد فض الاعتصام ، والله حتى لو قعدنا بدون جيش ما بتلزمونا
Post: #30 Title: Re: الدكتور حــمــــدوك يـمـثلني Author: محمد أبوجودة Date: 09-15-2020, 08:04 PM Parent: #29
سلام أخانا أحمد ساطور "ترهاقا" وسلام للمتداخلين،، وعن أنّ السيد/ د. عبدالله حمدوك يمثّلك، أقول: هو كذلك، يمثــــلني .. مع شوية تحفظّات كدا على بعض طرائقه في الإدارة..! وقد قيل: الذي إيديه في النار، ليس كمَنْ إيديه في الماء.. وليت أخانا حمدوك يعي تماماً أن الفرصة لن تسنَح مرَتَين..! فَليعمَل حسابو شديد .. وإلّا ابتعله اليمّ التاريخي العُضال، هو وثلّته والزُّمَر المتحالفين ضده. ونعم إن التحديات كبيرة جداً، ولكن الموعود أسنى وأنضر، وبلادنا بي خيييييييرا.
Post: #31 Title: Re: الدكتور حــمــــدوك يـمـثلني Author: ترهاقا Date: 09-17-2020, 03:13 AM Parent: #30
الاستاذ الاديب محمد ابو جودة كنت ومازلت اتابع مداخلاتك العميقة في شتى المواضيع المتدواولة في هذا المنبر ودائما ومازلت تضع النقاط على الحروف، أما بخصوص التحفظات ، فلي مثلك تحفظات وحمدوك ليس معصوم من الخطأ ، ولكن هو خيارنا الآن كمدنيين، نصوب الخطأ وننتقده ولكن في اصوات نشاز جهلة بيشجعوا العسكر اللي دمروا السودان منذ الاستقلال لتولي السلطة ، يشموها قدحة
على بعض طرائقه في الإدارة..!