تأملات .. حاتم إبراهيم وكلماسوفت والأليكساندرية

06:03 PM September, 06 2020

سودانيز اون لاين
محمد صديق عبد الله-UK
مكتبتى
رابط مختصر

أها يا حاتم فتحنا ليك البوست ده عشان تدافع عن شركتك وهي فرصة
ليك تبرز قوة إنتاج شركة كلماسوفت. نرجو إنك تجاوب عن أسئلتنا بصدر رحب.

--

نبدأ الأسئلة ببرنامج التشكيل في موقعك.

إنت كاتب في مقدمة عن هذا البرنامج:

"إن واحدة من أكبر المشكلات التي تعيق تطبيقات هندسة اللغات (Language Engineering) هي عدم وضوح النص ويعني ذلك افتقاره لعلامات أو مؤشرات
أخرى تزيل اللبس وفي حالة اللغة العربية فإن المقصود بالغموض هو وجود احتمالات عدة لمعاني المفردة الواحدة فالقاريء لهذه الفقرة قد لا يلحظ أننا لم نستعمل أي من علامات التشكيل
ليقيننا بأنه لن يحتاج إليها، ولكن بالنسبة للتطبيقات المعتمدة على الحاسوب مثل تطبيقات الترجمة الآلية (Machine Translation) أو حتى تطبيقات محدودة مثل نقل الأسماء العربية إلى
اللغات الأعجمية (Arabic Proper Nouns Transcription) فإن علامات التشكيل لا غنى عنها."

وبعد داك جايب نَص بدون تشكيل وجايب نفس النص بعد تشكيله ببرنامج من تصميم
شركتك. وهذا هو النص قبل التشكيل:

"اعتمد صاحب السمو الشيخ الدكتور سلطان بن محمد القاسمي عضو المجلس الأعلى حاكم إمارة الشارقة والرئيس الأعلى لجامعة الشارقة أمس أسماء الطلاب
والطالبات المقبولين في جميع كليات الجامعة لفصل الخريف الدراسي القادم (2008-2009م)، وبلغ العدد الإجمالي للطلبة المقبولين إلى الآن 1960 طالبا وطالبة في جميع كليات
الجامعة عدا كلية المجتمع بمراكزها المختلفة والتي ستعلن نتائج القبول فيها في الأيام القليلة القادمة، وبلغ عدد الطلبة المقبولين في كليتي الطب
وطب الأسنان 150 طالب وطالبة في كل منها، بينما التحق 100 طالبا وطالبة في كلية الصيدلة، و564 طالبا وطالبة في كلية الهندسة، و80 طالبا وطالبة في
كلية الفنون الجميلة والتصميم، 220 طالبا وطالبة في كلية القانون، وما زال باب القبول مفتوحاً لبعض برامج الجامعة التي لا يزال بها
طاقة استيعابية لفصل الخريف القادم، ومنها البرامج المستحدثة أخيراً في كليتي العلوم والمجتمع."

بعديها ذكرتَ أن النص بعد بالتشكيل على هذا النحو:

"اعْتَمَدَ صَاحِبُ السُّمُوِّ الشَّيْخُ الدكتور سُلْطَان بنْ مُحَمَّد القَاسِمِيّ عُضْوِ المَجْلِسِ الأعْلَى حَاكِمِ إمَارَةِ الشَّارِقَةِ والرَّئِيسِ الأعْلَى لِجَامِعَةِ الشَّارِقَةِ أمْسَ أسْمَاءَ الطُّلابِ
والطَّالِبَاتِ المَقْبُولِينَ فِي جَمِيعِ كليات الجَامِعَةِ لِفَصْلِ الخَرِيفِ الدِّرَاسِيّ القَادِمِ (2008-2009م)، وَبَلَغَ العَدَدُ الإجْمَالِيُّ للطَّلَبَةِ المَقْبُولِينَ إلى الآن 1960 طَالِباً وَطَالِبَة
فِي جَمِيعِ كليات الجَامِعَةِ عَدَا كلية المُجْتَمَعِ بِمَرَاكِزِهَا المُخْتَلِفَةِ والتِي سَتُعْلَنْ نَتَائِجُ القَبُولِ فِيهَا فِي الأيَّامِ القَلِيلَةِ القَادِمَةِ، وَبَلَغَ عَدَدُ الطلبة المَقْبُولِينَ فِي كليتي الطِّبِ
وطِبِّ الأسْنَانِ 150 طَالِبٌ وَطَالِبَة فِي كُلٍّ مِنْهَا، بَيْنَمَا التَحَقَ 100 طَالِباً وَطَالِبَة فِي كلية الصيدلة، و564 طَالِباً وَطَالِبَة فِي كلية الهندسة، و80 طَالِباً وَطَالِبَة فِي
كلية الفُنُونِ الجَمِيلَةِ والتَّصْمِيمِ، 220 طَالِباً وَطَالِبَة فِي كلية القانون، وَمَا زَالَ بَابُ القَبُولِ مَفْتُوحَاً لِبَعْضِ برامج الجَامِعَةِ التي لا يَزَالُ بِهَا طَاقَةٌ اسْتِيعَابِيَّةٌ لِفَصْلِ
الخَّرِيفِ القَادِمِ، وَمِنْهَا البرامج المُسْتَحْدَثَةِ أخِيرَاً فِي كليتي العُلُومِ وَالمُجْتَمَعِ."

أها قمت أنا قمت عملت أقواس في النص المشكول للتوضيح وتسهيل المتابعة:

اعْتَمَدَ صَاحِبُ السُّمُوِّ الشَّيْخُ (الدكتور) سُلْطَان بنْ مُحَمَّد القَاسِمِيّ عُضْوِ المَجْلِسِ الأعْلَى حَاكِمِ إمَارَةِ الشَّارِقَةِ والرَّئِيسِ الأعْلَى لِجَامِعَةِ الشَّارِقَةِ أمْسَ أسْمَاءَ الطُّلابِ
والطَّالِبَاتِ المَقْبُولِينَ فِي جَمِيعِ (كليات) الجَامِعَةِ لِفَصْلِ الخَرِيفِ الدِّرَاسِيّ القَادِمِ (2008-2009م)، وَبَلَغَ العَدَدُ الإجْمَالِيُّ للطَّلَبَةِ المَقْبُولِينَ (إلى الآن) 1960 طَالِباً
وَطَالِبَة فِي جَمِيعِ (كليات) الجَامِعَةِ عَدَا (كلية) المُجْتَمَعِ بِمَرَاكِزِهَا المُخْتَلِفَةِ والتِي سَتُعْلَنْ نَتَائِجُ القَبُولِ فِيهَا فِي الأيَّامِ القَلِيلَةِ القَادِمَةِ، وَبَلَغَ عَدَدُ (الطلبة) المَقْبُولِينَ
فِي (كليتي) الطِّبِ وطِبِّ الأسْنَانِ 150 ]طَالِبٌ[ وَطَالِبَة فِي كُلٍّ مِنْهَا، بَيْنَمَا التَحَقَ 100 ]طَالِباً [وَطَالِبَة فِي (كلية الصيدلة)، و564 طَالِباً وَطَالِبَة فِي
(كلية الهندسة)، و80 طَالِباً وَطَالِبَة فِي (كلية) الفُنُونِ الجَمِيلَةِ والتَّصْمِيمِ، 220 طَالِباً وَطَالِبَة فِي (كلية القانون)، وَمَا زَالَ بَابُ القَبُولِ مَفْتُوحَاً لِبَعْضِ (برامج)
الجَامِعَةِ (التي) (لا) يَزَالُ بِهَا طَاقَةٌ اسْتِيعَابِيَّةٌ لِفَصْلِ الخَّرِيفِ القَادِمِ، وَمِنْهَا (البرامج) ]المُسْتَحْدَثَةِ[ أخِيرَاً فِي (كليتي) العُلُومِ وَالمُجْتَمَعِ.

1. طيب يا سيد حاتم: الكلمات بين الأقواس الهلالية كلها ما مشكّلة.
وكمان في كلمات بعض حروفها مشكّلة وبعضها ما مشكلة، فما هو السبب؟

2. البرنامج مصمم للتشكيل حسب كلامك، فهل ممكن تتفضّل وتوضح لينا
كيف البرنتمج بيتعامل مع أواخر الكلمات. يعني بالبلدي كده: هل البرنامج عنده قدرة على الإعراب؟

3. عايزين برضو تفسير لي ظهور الكلمات بين الأقواس المربعة: بهذا التشكيل في أواخرها:

1. كلمة]عضوِ[ في محل رفع وهو جاريّها بي سلَبة.
2. كلمة ]حاكمِ[ في محل رفع وهو جاريّها بي سلَبة.
3. كلمة ]الرئيسِ[ في محل رفع وهو جاريّها بي سلَبة.
4. كلمة ]طالبٌ[ في محل جر وهو رافعها بي وِنش.
5. كلمة ]طالباً[ في محل جر وهو ناصبها عنوةً.
6. كلمة ]المستحدثةِ[ في محل رفع وهو كاسرها بشاكوش.

أها دي 3 أسئلة بسيطة جدًا وواضحة ما بتاخد منك 3 سطور للتوضح. نرجو أن تتفضل وتجيب عن أسئلتنا.

وهذه دعوة إلى أهل البرمجة في البورد ليفتونا كيف لبرنامج تشكيل مطروح للبيع أن يشكّل كلمات ويفُط كلمات ويشكّل
حروف في كلمة ويفُط حروف آخرى في الكلمة نفسها؟

Quote: 1. كلمة]عضوِ[ في محل رفع وهو جاريّها بي سلَبة. 2. كلمة ]حاكمِ[ في محل رفع وهو جاريّها بي سلَبة. 3. كلمة ]الرئيسِ[ في محل رفع وهو جاريّها بي سلَبة. 4. كلمة ]طالبٌ[ في محل جر وهو رافعها بي وِنش. 5. كلمة ]طالباً[ في محل جر وهو ناصبها عنوةً. 6. كلمة ]المستحدثةِ[ في محل رفع وهو كاسرها بشاكوش.

أهلا د. محمد

هل هذا البرنامج المضروب للبيع؟؟؟؟

وكم سعره؟؟

بعدين معلومات الاتصال في موقع كلماسوفت، آخر تحديث لها هو في عام ٢٠١٥؟؟

هل هذا بزنس "شبحي" أيضاً؟؟

عنوان بزنس حاتم " كلماسوفت" أدناه غير صحيح.

رقما التليفون لا يعملان.

ما هوالغرض من تضليل الزبون المستهدف والمحتمل؟؟

Quote: . أنَامُ مِلْءَ جُفُوني عَنْ شَوَارِدِهَا ××× وَيَسْهَرُ الخَلْقُ جَرّاهَا وَيخْتَصِمُ — المُتَنبي شرح بيت الشعر: تقول العرب: فعلت هذا من جرى فلان، أي: من أجله. ثم قال: أنام ساكن النفس، متمكن النوم، لا أعجب بشوارد ما أبدع، ولا أحفل بنوادر ما أنظم، ويسهر الخلق في تحفظ ذلك وتعلمه، ويختصمون في تعرفه وتفهمه، فاستقل منه ما يستكثرونه، وأغفل عما يغتنمونه.

.
.
..
.

شكرًا يا قسم الفضيل على التعتيل. لقيتك بتاع آكشن ومديدة من الدرجة الأولى.

يا أخي ينوبك ثواب بما إنك من ناس الجلالات تشجع
زولكم اللي فضحكم ده يجي داخل هنا يرد على أسئلتنا البسيطة دي. غنّوا
ليهو (الراجل الحمش فوق الجمر بمش) يمكن يتحنفش ويجي داخل.

الراجل قال بتاع (computational linguistics) فجِنبا ليهو أسئلة بسيطة عن واحد من برامجه،
لكنه حالف ما يرد على الأسئلة، لا هنا ولا في البوست التاني.

عايزين نعرف: هل المخرجات المعروضة فوق دي اشتغلها برنامج
ولا شغل منفلة وضراع ساي؟

زولكم ده حتى في الشَتِل ما ناجح يا كافي البلاء. ههههههه

قولوا ليهو لما تجي تشتِل شتلة زي دي على الأقل تنجض شغلك وتعملها صاح. ما دام إنت قادّي لغة عربية
أدّيها لي زول متخصص يظبط ليك النحو ويقفّل ليك العراميس قبل ما تعرضها في موقعك المتخصص وتفضح نفسك وتكشف شتيلات ريدك.
عرفتوا الراجل ده ركبينو بيضاربو ليه من أليكساندر الرابع عشر؟

بعدين شوفوا كيف تأخذه العزة بالإثم. نبهناهو للأخطاء دي لا فنّدها ولا عايز يصلحها لغاية الآن ولا حا يصلحها. السبب
شنو يا ترى؟. يمكن عشان عارف أنه الموقع كله مكبشر وأي تصليح حا يكون اعتراف منه بخرمجاته وبينسف فكرة أنه في
برنامج من أساسه، وإذا البرنامج موجود فهو برنامج ما بيدور إلا بمنفلة. يعني برنامج سكَّة.

منتظرنك يا قسم الفضيل تقنع الراجل وتجيبوا داخل. قول ليهو البطاقات القشيبة بتحلّك.

المستنير جاء شايت ضفّاري وقال:

Quote: النسبة للكلمات الفطاها في التشكيل مثل دكتور، كلية، كليات... يعود السبب لأنها كلمات غير عربية

لكن كده ورّطوا زيادة يا مستنير. أضفت عليهو أسئلة هو ما بيتحملها وزدته همًا على هموم.
هسي ده استنتاج منك ولا رأي وصلك من اللغوي الهمام من وراء حجاب؟.إذا هو قال ليك كده، قول ليهو: كلمة (التي) دي مثلاً كلمة أجنبية؟

كتب المستنير:

Quote: التي تلزم شكل واحد مهما كان موقعها من الاعراب لذلك البرنامج يتركها بدون تشكيل

هههه أنا قلت ليك يا مستنير إنت بتغطس حجر الراجل زيادة بنيرانك الصديقة دي.

طيب ردًا على تعليقك: "التي" الموجودة في الجملة دي "والتِي سَتُعْلَنْ نَتَائِجُ القَبُولِ فِيهَا فِي الأيَّامِ القَلِيلَةِ القَادِمَةِ"
مالها محنّنة؟

والله يا دكتور أبو بكر الراجل ده ما بترفع مهما عملت ليهو. إنت قايلو عارِد من شوية؟
الراجل عارف أنه الموضوع بايظ تمامًا وأعظم سمكرجي ما بيقدر يلتّق ليهو خرمجاته
الفضيحة دي، عشان كده ماخِد ساتر وحارِن حرنة عدوك.

مولد وصاحبه غايب

تتر "النهاية":

أها قبل ما نستمر في موضوع البوست، خلونا نقتبس ليكم شوية من كلام العرّاد ده
لما قلت ليهو حا أفتح بوست مخصص عن شركتك وأنتقد إنتجها.

قال حاتم:

Quote: "أبقى راجل اتحمل، وافتح البوست الوعدت بيهو، أبقى مارق أعلمك التعليق بأدب".

وزاد على ذلك:

Quote: عليك تثبت أولاً أنها (خرمجات) في بوست مخصص

وكمان:

Quote: دي قلة أدب وحقد وحسد منك. لكن خير! لمها كلها واثبت بخلفيتك اللغوية أنها خطأ وفي بوست مخصص بالله، لأنو هنا الفجغ كتر عليك، تقوم تبق فينا.

أها بعد الجعجعة دي كلها والتظاهر بالشجاعة لستك ونفّس.

وينك يا تمساح الدميرة يا الفارس الجحجاح؟ أهو فتحنا ليك البوست وجيتك
مارِق. تعال علمني التعليق بأدب يا زي ما قلت في المقتبس
الأول!

ههههههه طلعت بندق في بحر ساي يا راجل!

البوست ده حا يكون دّمه خفيف لأنه أي زول ممكن يشارك فيهو. بوست ما للمتخصصين.
خلّونا نشوف ترجمات كلماسوفت دي مستواها كيف وإمكانية الاستفادة من برامج الشركة العملاقة دي.
وننتظر صاحب الشركة يجي يرد على تعليقاتنا واستفساراتنا، خاصة أنه الظاهر أنه الراجل ده عنده
متسع من الوقت للجداول القشيبة والغرِف من معين غوغل الذي لا ينضب.
---
أها كلماسوفت عندها (database) بتسميهو (Database of Non-Arabic Place Names).
وبتقول في الملخص العربي:

Quote: الملخص المعلومة الجغرافية من أهم أنواع المعلومات المرتبطة بالهيئات بل تعد أساسية في عالمنا اليوم، وقد بدأت كلماسوفت العمل في المجال الجغرافي منذ ما يزيد عن الخمس سنوات وذلك مع انتشار المنظومات الجغرافية الإلكترونية المعتمدة على الكمبيوتر، وتقدم كلماسوفت خدماتها في جانب التحليل الجغرافي وتنسيق المسارد الجغرافية (Gazetteers) باللغتين العربية ومنقولة بالحروف اللاتينية وإخراجها بأنواع مختلفة من التنسيقات التي تناسب التطبيقات المختلفة بدءاً من الخرائط الرقمية إلى نظم الملاحة الأرضية (Automated Vehicle Tracking) المستعمل للأغراض المدنية وكذلك الخرائط الرقمية المستعملة في الأجهزة المحمولة للتحديد الجغرافي (GPS Tracker).

وبالإنجليزي بتقول:

Quote: Toponyms "place names" listed below are a snapshot of our toponomy database that contains over [2,500,000] entries covers 200 countries around the world, the first group is assigned to Arabic place names.

أها بعد الجخ اللي شايفنه فوق ده كله، من مجموع 30 اسم مكان صاحبنا حاتم إبراهيم كاتب 7 أسماء خطأ.
Seol سول
Akra أكرا
Monako موناكو
Mogadisho مقديشو
Tahran طهران
Katmanduكاتماندو
Rio de Janero ريو دي جانيرو

شايفين المِحن دي؟ يعني بي معلومات شركةكلماسوفت تكون عايز بتفتش لي هلسنكي
براحة بتلقى نفسك في ميدان أبو جنزير.

قال ليكم (Akra) يا متعلمين يا بتوع المدارس ههههههههههههههههههههههههههههههه

نواصل هذا المسلسل الممتع.

الراجل ده عنده حاجة كده في موقعه مسمّيها (أسماء المشاهير والنجوم) وعامل ليها هذا الملخص:

Quote: الملخص قاعدة بيانات لمعظم أسماء المشاهير من 100 دولة حول العالم وتتجاوز الثمانية ملايين اسم مصنفة حسب الدولة ومكتوبة بأكثر من لغتين العربية واللغات المكتوبة بالحروف اللاتينية مع إيراد معلومات مهمة مثل التخصص لكل شخصية، التخصصات تشمل مجالات الفن مثل الموسيقى والرسم والتمثيل، ومجالات شهرة أخرى مثل السياسية والأعمال والرياضة وغيرها، القاعدة مصنفة كذلك إلى نوع الاسم من حيث استخدامه علماً لمذكر أو لمؤنث أو اسماً يصلح للنوعين، هذه القاعدة تناسب مطوري النظم المخصصة لمعالجة الأسماء وتصلح عينات لتدريب الأنظمة المبنية على الذكاء الاصطناعي، تطبيقات الترجمة الآلية لتصحيح البيانات المشابهة. مبين في الجدول التالي نماذج للأسماء مصنفة حسب ماذكرنا. يمكنكم إذا أردتم الاطلاع على النظام المطور من كلماسوفت لنقل الأسماء العربية للغة الإنجليزية عبر هذه الوصلة النقل للغة الإنجليزية أو النقل لمعظم اللغات عبر هذه الوصلة النقل للغات الأعجمية أو قاعدة بيانات الأسماء المميزة والأصلية.

أولاً، قال ليكم أكتر من 8 مليون اسم. لا حول ولا قوة إلا بالله ههههههههه

تخيلوا أكتر من 8 مليون زول مشهور في العالم؟ هههههه

دول العالم أقل من 200 دولة، لكن خلّونا نقول عددها 200 دولة.
لو افترضنا ساي بس أنه أي دولة صغيرة ولا كبيرة عدد المشاهير فيها 5000 ألف عديييييل.
5000 مشهور مضروبة في 200 دولة المجموع بيكون مليون مشهور. أها
زولكم ده عنده فرق 7 مليون مشهور هههههههه

بحسبة تانية معناها الراجل ده بيعرف 40 ألف مشهور في أي دولة من دول العالم بقسمة 8 مليون
مشهور على 200 دولة. تصدقوا!

بحسبة تالتة الراجل ده براهو قال الأسماء دي من 100 دولة زي ما ظاهر في الملخص.
يعني الراجل ده جايب 80 ألف مشهور من أي دولة في العالم. هههههه

شفتوا الراجل ده بيرمي قنابل كيف؟ دي حالة فريدة من نوعها.
--
طيب قولوا قبلنا بالشتلة الخطيرة دي. تعالوا شوفوا المنتوج بتاعه في موقعه.
الراجل جايب 100 شخصية بغرض الترويج للبرنامج. معناها عارض أفضل
إنتاجه. هل تصدقوا أنه 29 اسم من أسماء 100 مشهور الراجل ده كاتبهم غلط هههههه
شوفوا واستمتعوا بالعك الموجود في الصورة دي:

عشان تعرفوا أنه في حاجة ما ظابطة في تفكير هذا الرجل، المنطق بيقول إنك
إذا اكتشفت أخطاء زي دي أو نبهوك ليها، الطبيعي أنك طوالي تجري جري تصلحها لأنه
دي أخطاء ما فيها طريقة فرفرة وغلاط.

طيب لو سيدها ما عمل كده، وأصرّ يخليها في موقعه العلمي
التجاري زي ما هي، ده ممكن تسمّوه شنو يا ناس علم النفس؟

أبو الزفت !!!


في بدائع ترجمات "كلماسوفت":




*

Quote: hydrography the science of surveying and charting bodies of water, such as seas, lakes, and rivers.

عالم البحار ههههه

كويس يا أستاذ الخواض ما قال ليك "عالم الرياضة" ولا "عالم السينما"!

الراجل شكله شاف كلمة البحار في تعريف الكلمة طوالي ربطها ببرنامج "عالم البحار" بتاع الفرنسي جاك كوستو اللي كان بيعرض في تلفزيون السودان زمان. زولك طوالي راح قاشط ليك الترجمة دي ولا يلوي على أحد.

القراء على موعد مع المتعة والإثارة في هذا البوست للإبحار في "عالم" إبداعات هذا المترجم الفلتة.

خليكم قُراب!

هاك دي يا أستاذ الخواض.

المترجم الفلتة ده ترجم: Hispanic Dental Association

الاتحاد اليوناني لطب الأسنان

تصدقوا "اليوناني" عديييييل.

وما حا يصلحها.

أها يا المستنير بالله شوف لي دي تخريجة من تخريجاتك.

طيب شوفوا حاتم إبراهيم صاحب شركة كلماسوفت بيغلط في أسماء المدن كيف.
وضيفوا للمجموعة دي كاتب (Banha) بدلاً من (Benha) وهي التهجئة السائدة لمدينة (بنها) المصرية.

أها يا عالم زمانك تعال دافع عن هذا الصرح العلمي الشامخ "كلماسوفت".

من بكرة أنا حا أغيب 4 أيام وبعدها بجيب صادّي أشوفك عملت شنو.

ممكن تدّي ناس الجلالات لكزة يجوا يعملوا إسناد شوية ويرجعوا إلى سباتهم زي الطفل ده:

يقول المستنير من نافذة الفيسبوك"

Quote: يعني شنو يا دكتور التهجئة السائدة؟! بنها هكذا صحيحة

يعني يا مستنير ماحبكت معاك إلا "بنها" دي؟

إنت ما شفت الإبداعات الأخرى من صاحبك؟ مالك ما علّقت على فضايحه؟ ماسك ليك في قشّة.

الترجمة السائدة يعني المتداولة في وسائل الإعلام والمؤسسات الحكومية.

يعني مثلاً بيقولوا (Benha University).

زولكم ده ما بيتوب. براهو بيهابش ولما الفجخ يكتر عليهو طوالي بيفك البيرق زي ما حاصل هسي.
لازم تعملوا فك تسجيلات وتشطبوهو لأنه لعبه بقى مكشوف وثبت أنه مستواه ما بيتطور.
--
كدي خلينا من "بنها" الهينة دي وشوف ليهو طريقة مخارجة من "سجن كوبر" الواحد ده.

هل تصدق أنه زولكم ده كاتبه في موقعه (Kopper Prison) بكل قوة عين؟
هو عامل فيهاعالم أصوات وأنه بارع في النقل وشابكنا:

/g/ voiced velar stop
/v/ Voiced labiodental fricative
/dʒ/ Voiced postalveolar affricate

أها زولكم بتاع الصوتيات والمرئيات ده حماره برَك في أول ملف وراحقاشط ليك (P) زي الترتيب كأنه الإنجليزية ما فيها (b).
مش كده وبس، بل كمان أدّانا معاها (P) تانية هُوادة.

طبعًا ممكن يحاول يتزاوغ ويقول ليك أنا رجعت للاسم الأصلي. لكن للأسف
ما حا يستفيد كتير لأنه اسم الراجل اللي سمّوا عليهو السجن هو البريطاني (Cooper).
يعني حتى التهجئة حا تخذله. وبالنسبة للـ(P) تحولت بنطقنا السوداني إلى (b)،
ومن ينقل الاسم إلى الإنجليزية ينقله من النطق الشائع الآن وما محتاج يرجع للاسم الأصلي.
--
قال ليكم (Kopper Prison) هههههههه عفيت منك يا الكلس!

عاقبة الحراك الأعرج

سيرة النجم الهاوي

الشبح انتقل من الميكانيكا الى الترجمة عبر الكورسين اللي اخدهم.

وطبعًا مشروع جداً "الحراك الاجتماعي" من طبقة الى اخرى ومن مهنة الى اخرى.

لكنه لم يكن جاهزاً..

ليه؟
لان لغته العربية ضعيفة أولا، ومعرفته بقواعدها منعدمة ثانياً، وأخيراً علاقته بالكتب والمجلات المحكمة منعدمة..

هذه الشروط لا تخلق مترجماً جيدًا، ولا محاجّاً جيداً..

تنعدم لديه ثقافة الاختلاف وتقاليد الحوار الاكاديمي ، ولا يعرف مناهج البحث ، ولا طريقة كتابة المراجع والإحالات إلخ من الشروط التي تتطلب تأهيلاً مختلفًا، أو تكويناً ذاتياً عن طريق الكتب والمجلات المحكّمة..

وأفسده أكثر الاحتفاء العالي الاسفيري، واستفاد من "امتيازه " كشبح،

مما خلق لديه شعورا بضرورة تحطيم الجميع.

وهذا "طموح" لا يمكن أن يتمتّع به عالم أو مفكر أو كاتب أو باحث أو أكاديمي..

فها هو النجم يهوي ، وتنكشف عوراته الكثيرة.

ولا عزاء للأشباح ..

سلام صديق وأسامة
بي طريقتكم دي غايتو الواحد لازم يستشير "تنفيذية تجاوز" قبل ما ينزل أي جملة في البورد والساحات المجاورة.. فتَّشتَ ما لقيت وش يِقَرْقِر

بعيدا عن مرامي البوست وأهدافه وبعد التحية
فان تصميم برنامج للتشكيل والاعراب خطوة جبارة وفكرة ممتازة اتمني ان توفق كلماسوفست في انجازها علي الوجه الاكمل
وجود اخطاء في المخرجات امر مقدور عليه وقابل للمعالجة والتطوير مع تنقيح قواميس الاعراب
ويبقي ودنا السخيف وسجالنا القديم مع حاتم ابراهيم في محل اعرابه

Quote: سلام صديق وأسامة بي طريقتكم دي غايتو الواحد لازم يستشير "تنفيذية تجاوز" قبل ما ينزل أي جملة في البورد والساحات المجاورة.

اهلا شاعرنا محمد

هل سمعت ب:

Quote: قاتل مكثار

أضحك مع الشبح
ههههههه

Quote: عيدا عن مرامي البوست وأهدافه وبعد التحية فان تصميم برنامج للتشكيل والاعراب خطوة جبارة وفكرة ممتازة اتمني ان توفق كلماسوفست في انجازها علي الوجه الاكمل وجود اخطاء في المخرجات امر مقدور عليه وقابل للمعالجة والتطوير مع تنقيح قواميس الاعراب ويبقي ودنا السخيف وسجالنا القديم مع حاتم ابراهيم في محل اعرابه

مرحبًا أخي عمر التاج.

معقول يا عمر إنت مصدّق أنه القطعة دي ممكن تكون مشكّلة ببرنامج؟
أهمية الموضوع المفروض ما تبعدك من إعمال العقل لتتبيّن
أنه الشغل ده شغل ضراع ساي. للأسف إنت ما كلّفت نفسك
حتى تشوف القطعة وبالمنطق بس تفهم أنه المكتوب ده ما
ممكن باي حال من الأحوال يكون شغل برنامج من الأساس.

البرامج تتفوق على العقل البشري في الالتزام بما زوّدت به
من معلومات وأساليب وفي اتساق عملها (consistency).
وده أكيد ما حاصل في القطعة دي.

من يصدّق أنه الشغل ده معمول ببرنامج، ما أظن عندي
حاجة زيادة أقولها ليهو.

بَعيدَا عَنْ مَرَامِيِّ الْبُوسْتِ وَأَهْدَافِهِ وَبَعْدَ التَّحِيَّةِ
فَانٍ تَصْمِيمِ بَرْنَامَجٍ لِلتَّشْكِيلِ والاعراب خَطْوَةَ جُبَّارَةٍ وَفِكْرَةِ مُمْتَازَةِ اتمني انَّ تُوَفِّقُ كلماسوفست فِي انجازها عِلِّيَّ الْوَجْهِ الاكمل
وُجُودَ اخطاء فِي الْمُخْرِجَاتِ امر مَقْدُورٌ عَلَيْهِ وَقَابِلٌ لِلْمُعَالَجَةِ وَالتَّطْوِيرِ مَعَ تَنْقِيحِ قَوَامِيسِ الاعراب
وَيُبْقِي وَدُّنَا السَّخِيفُ وَسِجَالُنَا الْقَدِيمُ مَعَ حَاتِمِ ابراهيم فِي مَحَلِّ اعرابه
.......

مُرْحِبًا أَخِي عُمَرِ التَّاجِ.
مَعْقُولُ يَا عُمَرِ إِنْت مُصَدَّقٌ أَنَّهُ الْقَطْعَةُ دِي مُمْكِنَ تَكُونُ مُشْكِلَةٌ بِبَرْنَامَجٍ؟
أَهَمِّيَّةَ الْمَوْضُوعِ الْمَفْرُوضِ مَا تُبْعِدُكَ مِنْ إعْمَالِ الْعَقْلِ لِتَتَبَيَّنُ
أَنَّهُ الشُّغْلُ دَهٍ شُغْلِ ضُرَّاعَ ساي.
لِلْأَسَفِ إِنْت مَا كَلَّفَتْ نَفْسُكَ
حَتَّى تَشَوُّفِ الْقَطْعَةِ وَبِالْْمَنْطِقِ بَسّْ تَفَهُّمٍ أَنَّهُ الْمَكْتُوبُ دَهٍ مَا
مُمْكِنَ بَاي حَالٍ مِنَ الْأَحْوَالِ يَكُونُ شُغْلُ بَرْنَامَجٍ مِنَ الْأَسَاسِ.
الْبَرَامِجُ تَتَفَوَّقُ عَلَى الْعَقْلِ الْبَشَرِيِّ فِي الْاِلْتِزَامِ بِمَا زَوَّدَتْ بِهِ
مِنْ مَعْلُومَاتٍ وَأَسَالِيبِ وَفِي اِتِّسَاقِ عَمَلِهَا( consistency).
وَدَّهُ أكَيَدٍ مَا حَاصِلُ فِي الْقَطْعَةِ دِي.
مَنْ يُصَدِّقُ أَنَّهُ الشُّغْلُ دَهٍ مَعْمُولُ بِبَرْنَامَجٍ، مَا أَظَنَّ عُنَّدِيٌّ
حَاجَةَ زِيَادَةٍ أَقُولُهَا لِيَهْوِ.

Quote: " اِعْتَمَدَ صَاحِبُ السُّمُوِّ الشَّيْخَ الدُّكْتورَ سُلْطَانَ بْن مُحَمَّدُ الْقَاسِمِيِّ عُضْوَ الْمَجْلِسِ الْأعْلَى حَاكِمَ إمَارَةِ الشَّارِقَةِ وَالرَّئِيسِ الْأعْلَى لِجَامِعَةِ الشَّارِقَةِ أَمْسِ أَسْمَاءِ الطُّلَاَّبِ وَالطَّالِبَاتِ الْمَقْبُولِينَ فِي جَمِيعِ كُلِّيَّاتِ الْجَامِعَةِ لِفَصْلِ الْخَرِيفِ الدِّرَاسِيِّ الْقَادِمِ( 2008- 2009م)، وَبَلَغَ الْعَدَدُ الْإِجْمَالِيُّ لِلطِّلَبَةِ الْمَقْبُولِينَ إِلَى الْآنَ 1960 طَالِبًا وَطَالِبَةً فِي جَمِيعِ كُلِّيَّاتٍ الْجَامِعَةَ عَدَا كُلِّيَّةِ الْمُجْتَمَعِ بِمَرَاكِزِهَا الْمُخْتَلِفَةِ وَالَّتِي سَتُعْلِنُ نَتَائِجُ الْقَبُولِ فِيهَا فِي الْأيَّامِ الْقَلِيلَةِ الْقَادِمَةِ، وَبَلَغَ عَدَدُ الطِّلَبَةِ الْمَقْبُولِينَ فِي كُلِّيَّتِي الطِّبَّ وَطِبَّ الْأسْنَانِ 150 طَالِبٌ وَطَالِبَةٌ فِي كُلِّ مِنْهَا، بَيْنَمَا اِلْتَحَقَ 100 طَالِبًا وَطَالِبَةً فِي كُلِّيَّةِ الصَّيْدَلَةِ، و564 طَالِبًا وَطَالِبَةً فِي كُلِّيَّةِ الْهَنْدَسَةِ، و80 طَالِبًا وَطَالِبَةً فِي كُلِّيَّةَ الْفُنُونِ الْجَمِيلَةِ وَالتَّصْمِيمِ، 220 طَالِبًا وَطَالِبَةً فِي كُلِّيَّةِ الْقَانُونِ، وَمَا زَالَ بَابَ الْقَبُولِ مَفْتُوحًا لِبَعْضِ بَرَامِجِ الْجَامِعَةِ الَّتِي لَا يُزَالُ بِهَا طَاقَةَ اِسْتيعَابِيَّةَ لِفَصْلِ الْخَرِيفِ الْقَادِمِ، وَمِنْهَا الْبَرَامِجَ الْمُسْتَحْدَثَةَ أَخَيْرًا فِي كُلِّيَّتِي الْعُلُومَ وَالْمُجْتَمَعَ.

ما فهمت الغرض من تشكيل النصين أخي حيدر الزين.

وضّح لو سمحتّ
-------
من إبداعات كلماسوفت الخرافية أنه عندها حاجة كده دخّلوا فيها اسم (عثمان بشير فضل الله)
تصدقوا طلع لينا (Abdalla Bashyr Fadlalla)!

الحكاية ما مجرد خطأ في حرف ولا فتحة ولا كسرة بس، بل تغيير اسم بالكامل وبمزاج معدول.

عايزين صاحب الموقع يجي يوضح لينا كيف اسم (عثمان) تحوّل إلى (عبد الله) في
الاسم ده. أبو الزفت هههههههه

أها يا حاتم، مالك مسحت الاسم من الموقع؟ إنت قايلني ما متابع؟ هههههههه

ما فهمت الغرض من تشكيل النصين أخي حيدر الزين.

وضّح لو سمحتّ
-------
من إبداعات كلماسوفت الخرافية أنه عندها حاجة كده دخّلوا فيها اسم (عثمان بشير فضل الله)
تصدقوا طلع لينا (Abdalla Bashyr Fadlalla)!

الحكاية ما مجرد خطأ في حرف ولا فتحة ولا كسرة بس، بل تغيير اسم بالكامل وبمزاج معدول.

عايزين صاحب الموقع يجي يوضح لينا كيف اسم (عثمان) تحوّل إلى (عبد الله) في
الاسم ده. أبو الزفت هههههههه

أها يا حاتم، مالك مسحت الاسم من الموقع؟ إنت قايلني ما متابع؟ هههههههه

النصين مشكلهم ببرنامج على صفحة موقع واحد اسمه حمادة يا محمد صديق ..

بعد قريت مداخلة الاخ عمر التاج القال : فَانٍ تَصْمِيمِ بَرْنَامَجٍ لِلتَّشْكِيلِ والاعراب خَطْوَةَ جُبَّارَةٍ وَفِكْرَةِ مُمْتَازَةِ
إفتكرت البرنامج شئ مميز وجديد وفكرة ألمعية تُهنأ عليها كلماسوفت ..

لقيتها شئ قديمة وبرنامج بتاع شفع رياض أطفال لتجويد دروسهم ..

النسخ فقط لكي أقارن تشكيل حمادة مع تشكيل كلمة ..
لقيتهن نفس الشكل .. فقط حمادة شكل التي وحتى وكلية ودكترة و ما جلاهن :)


ودي ممكن تعتبرها مداخلة في إطار اللاموضوع وتوفر قوقل بينما أنا منتظر الفطور يجئ :)

تحياتي

Quote: النصين مشكلهم ببرنامج على صفحة موقع واحد اسمه حمادة يا محمد صديق .. بعد قريت مداخلة الاخ عمر التاج القال : فَانٍ تَصْمِيمِ بَرْنَامَجٍ لِلتَّشْكِيلِ والاعراب خَطْوَةَ جُبَّارَةٍ وَفِكْرَةِ مُمْتَازَةِ إفتكرت البرنامج شئ مميز وجديد وفكرة ألمعية تُهنأ عليها كلماسوفت .. لقيتها شئ قديمة وبرنامج بتاع شفع رياض أطفال لتجويد دروسهم .. النسخ فقط لكي أقارن تشكيل حمادة مع تشكيل كلمة .. لقيتهن نفس الشكل .. فقط حمادة شكل التي وحتى وكلية ودكترة و ما جلاهن :) ودي ممكن تعتبرها مداخلة في إطار اللاموضوع وتوفر قوقل بينما أنا منتظر الفطور يجئ :) تحياتي

هههههههه ميدو عديل يا حاتم! وافضيحتاه!

الغريبة في واحد اسمه حمادة عبيد أحمد إبراهيم برضو
عنده اهتمامات بالتشكيل والرومنة والحاجات دي. الواحد ممكن يتواصل معاهو يشوف الحاصل شنو.

تصدقوا هذا العالم كان زمان بيتوفشخ ويقول الكلام ده:



أها هسي لما وريتو مشكلتي شنو مع التشكيل فص ملح وداب.

وذات مرة من المرارير لما اتزنق زنقة كلب في طاحونة اتعصر جاب زيت فرملة عديييييل، وانبرش انبراشة
تاريخية وقال هو قاعد يدخل يده في برامجه عشان يصلحها، ويا ريت لو بيصلحها صاح ههههههه

عشان كده هو عارف أنه لو دخل هنا بتعوّق.

شوفوهو حتى وهو مزنوق عايز يتشوجع: "هل لديك أقوال أخرى؟" هههههههههههههه

Quote: هَسَّ الْمَدْعُوُّ حَيْدَرَ الشَّيْنِ دَا جَاءَ ورجغ هُنَا داير يَقُولُ شَنُّو ؟!

بُعْد قَرَيتَ مُداخَلَة الأَخ عَمَّرَ التاج القال : فَأَنَّ تَصْمِيم بَرْنامَج لِلتَشْكِيل وَالأَعْراب خَطْوَة جَبّارَة وَفِكْرَة مُمْتازَة
ٱِفْتَكَرتَ البَرْنامَج شَئْ مُمَيَّز وَجَدِيد وَفِكْرَة أَلْمَعِيَّة تَهَنَّأَ عَلَيها كلماسوفت ..

لُقْيتها شَئْ قَدِيمَة وَبَرْنامَج بتاع شَفْع رِياض أَطْفال لِتَجْوِيد دُرُوسهُم ..

النَسْخ فَقَطّ لَكَيّ أُقارَن تَشْكِيل حَمادَة مَعَ تَشْكِيل كَلَمَّة - سوفت
لَقِيَتهُنَّ نَفِسَ الشَكْل .. فَقَطّ حَمادَة شَكْل الَّتِي وَحَتَّى وَكُلْيَة وَدَكْتَرَة وَ ما جَلّاهُنَّ :)


...
أَخِي الحَبِيب المُسْتَنِير بِاللّٰه



بُعْد التَحِيَّة وَالٱِحْتِرام



أَرْجُو إِن يُكَوِّن تَشْكِيل النَصّ أَعْلاهُ قَد أَذْهَبَ أَشْكالكِ فِيما أُشَكِّل عَلِيّكَ مَن قَبْلُ ..



وَاللّٰه خَيْر هادِي وَهُو اللَطِيف



أَخْوكَ الشِين




ـــــــــــ
عفواً الاخ محمد صاحب البوست

يا عاطف عمر، الانبراشة التاريخية كانت في نظام (KATS) ما
عندها علاقة ببرنامج "ميدو" للتشكيل.

بعد ما اتنزق زنقة عدوك قال بعد ما تطلع "مخرجات" برامجه بيضطر يصلحها
بيده، وأردف قائلاً "هل لديك أقول أخرى؟" هههههه. عشان كده أنا بقول ليهو برامجك ما بتدوّر إلا بالمَنَفِلّة، والمنفلة للشباب في البورد هي آلة كانت تستعمل في غابر
الأيام لتشغيل العربات والموتورات، وتحتاج إلى قوة وعضلات.
الكلام ده قبل ما ينتشر نظام التدوير بالسوتش هههههههه

حاجة خفيفة من إبداعات كلماسوفت في الـ(Database of Famous Places):

الكوليزيوم = Coliseum

قلت أشوف ليهو مخارجة ويكون قاصد قاصد سينما كلوزيوم عليها الرحمة، لكن للأسف لقيتو كاتب البلد إيطاليا ههههههههههههههههههههههههههههههههههه

Quote: هل سمعت ب: Quote: قاتل مكثار أضحك مع الشبح ههههههه

الإبداع كمان يا أستاذ الخواض في الكلمة المترجمة نفسها.
بكل قوة عين كاتبها:

series killer

وبعد كده يجي أبو إنجليزي "أمبسلين سيجنال تو" ده يحاضرنا عن underneath ههههههههههههههههههه

Quote: الإبداع كمان يا أستاذ الخواض في الكلمة المترجمة نفسها .بكل قوة عين كاتبها:series killer

ماذا تتوقّع من "ميكانيكي" تحوّل دون استعداد كافٍ إلى "مترجم" بتاع كلو ؟؟؟

ومن هنا نوجّه التحية والإجلال لكل العصاميين الحقيقيين من امثال الراحل المقيم "الطيب محمد الطيب" والعقّاد وغيرهما ...

أكسح أمسح، جيبو فاضي!

زمان أخونا حاتم إبراهيم لما سألناهو ليه مسحت معجم (المصطلحات الخارجة والنابية)
من موقع كلماسوفت اللغوي التجاري، اتفوشخ بطريقته المعهودة وقال الكلام ده:

Quote: كدي خلاس كويس، النتعاطف مع الجبان وكضاب، طيب قووووول حاتم مسح حاجة بتخصه من موقعه! أنت المتابع والمصور كل حاجة كدي أعرض لينا سطر واحد من (الكان معروض)، اكتب سطر واحد بس ولا مصطلح ومعناه لأنو أنا ذاتي داير أعرف الحتة الفاضية ديك كان فيها شنو (أنت شفته بعيونك الاشتغلن بعنف مؤخراً ديل) صعبة دي؟

لا أبدًا ما صعبة.

الراجل قال عايز سطر واحد ولاّ مصطلح ومعناه من (الكان معروض). طيب حا نديك أمثلة بعد ما نستعرض
الملخص العربي للمعجم فريد عصره الما مِتْله شي:

Quote: الملخص مجموعة فريدة من نوعها من المصطلحات العامية (slang) الخاصة بالجنس وما يتصل به وتضم طائفة كبيرة جداً من المفردات تعرض لأول مرة بطريقة منظمة لغرض استعمالها في مجالات الترجمة الآلية وفي حجب البيانات من المواقع التي قد تحتوي نصوصاً غير لائقة من وجهة نظر جهات محددة في بلدان معينة، ولكنها تبقى حقيقة واقعة لا بد من التعامل معها بطريقة علمية، إذا لم تجد بغيتك من المصطلحات العلمية الخاصة بالجنس مثل السادية والعجز الجنسي فهي متوفرة في معجم المصطلحات الطبية هنا المصطلحات الطبية والصحية ،المعجم مفيد لأغراض متعددة من بينها محركات البحث.

ويقول عالم زمانه في الملخص الإنجليزي للمعجم كلام خارم بارم ما عنده أي علاقة بالموضوع. أهو مجرد كلام والسلام
ختّاهو للحمير أمثالنا الذين تبهرهم الجداول القشيبة:

Quote: Dictionary of Obscene Swear Words Synopsis A wide spectrum of bilingual (English>Arabic) dictionaries that covers almost every aspect of life, including science, toponomy, IT, medicine, media, politics, military, astronomy, geography, humanitarian, banking and insurance and even more. We have spared no effort to ensure that every piece of information is double-checked by our professional team of native proofreaders and lexicographers; the final product is by far a set of fine and meticulous lexical resources tailored to meet your specific needs.

طيب، ليه الراجل ده كسح ومسح المعجم كله من الموقع بعد الشجعنة الفارغة الموجودة فوق المقتبس الأول؟ السبب أنه
نبهناهو (أنا ومعي الأستاذ الخواض مشكورًا) لي خرمجاته العجيبة.

الزول ده خّنق فطّس ورجالة وحمرة عين ساي قال في معجمه أنه كلمات زي (الخصيتين)،
و(أثداء الأنثي، وكلمة أثداء دي طبعًا على أساس أنه الأنثي four-wheel drive)، و(زنا المحارم)،
و(الاغتصاب) مصطلحات نابية. مش كده وبس، ده كمان عامل توصيات في ملخص المعجم الفريد قال فيها:

Quote: بعض المحتويات في هذه الصفحة قد تكون خادشة للحياء أو مخالفة للتعاليم الدينية أو الآداب العامة للبعض، ننصح بعدم عرضها لمن هم دون سن الثامنة عشرة . كذلك نرجو أن نلفت انتباهكم أن المفردات هنا هي كل ما يمكننا نشره ولن تكون هناك أية مواد إضافية متعلقة بهذا الموضوع متاحة للتنزيل في هذه الصفحة أو في كل موقع كلماسوفت.

ألذّ حاجة الزول ده عامل لينا المعجم بتاعو زي نيتفلكس. قال:
"ننصح بعدم عرضه لمن هم دون سن الثامنة عشرة"

هههههههههههههههههههههه

هل لديك أقول أخرى؟

للذكرى!

في إحدى انبراشات حاتم التاريخية، قدرنا ننتزع منه اعتراف عن "ورقة علمية" ناشرها في موقع
كلماسوفت و(academia). الراجل ما لقى طريقة زوغان بعد ما عصرناهو بملاحظات ما قدر يفرفر منها.

ياها دي الورقة:

وهذا هو الاعتراف:

Quote: والله ملاحظاتك اطلعت عليها لماماً وما ركزت فيها ولسة ما بديت أفحصها عشان أرد عليك لكن الخطأ الإملائي وارد ونظراً لأن النسخة الإنجليزية اتعملت بالترجمة الآلية فالخطأ النحوي برضو وارد عشان كدة، كل ما ألقى فرصة بعاين في العشرين صفحة وبصلح سطر سطرين وبغير التاريخ وأرفعها Simply

قال ليكم simply زي الزبادي هههههههه
بالله عليكم هل ممكن الواحد يصدق أنه عالم لغويات في مقام حاتم إبراهيم بهذه الغزارة في إنتاج القواميس
والمسارد بيترجم ورقته العلمية ترجمة آلية؟ وبيقول بلا خجلة عادي أنه كل مرة بمشي أصلح
فيها شوية وأغيّر التاريخ وأرفعها. والله ختري يا معلّم! لكنه معذور لأنه ما بيقدر يكتب جملتين سليمتين بالإنجليزي فكيف
حا يقدر يكتب ليهو ورقة كاملة؟ حاتم ده من أكبر ضحايا الأساليب المعيبة في تعليم اللغة الإنجليزية في السودان.
تعليم "البريظنت كونتينيواس طينص".

قلت لينا يا حاتم بتدخل "الورقة العلمية" في فرن ترجمة غوغل وتستلمها
حارة وطوالي تروح شايتها في موقع كلماسوفت وacademia؟ ههههههههههه
عفيت منك يا "ود الحلال". إنت زيَّك منو؟ طيب شِن فايدة مديدة الحلبة (قواميسك)؟ ههههههه

السلام عليكم

انا كزول ل جربندي ساكت شايف انو التشكيل ما بيلزمني وضياع وقت

ولو كمان برضو شالوا النقاط برة يكونوا عملوا فينا خير ناس اللغات

Quote: السلام عليكم انا كزول ل جربندي ساكت شايف انو التشكيل ما بيلزمني وضياع وقت ولو كمان برضو شالوا النقاط برة يكونوا عملوا فينا خير ناس اللغات

إنت صدّقت يا محمد الشيخ أنه الراجل ده عنده نظام تشكيل للبيع؟ الراجل سايقنا بالدقداق
ساي. لا يغرّنك القلاصة والطنقعة الفارغة دي من الراجل ده.
الزول ده عايش أحلام يقظة وما بيحب الناس اللي بتصحيهو منها.

الحوار التالي ده بيوضح فكرة أنه حاتم إبراهيم ده لو
تابعت قوة عينه في التسويق للباطل، برّاحة بيقنعك. شوفوا في الحوار
ده كيف منفوخ وهو على خطأ، وشوفوا كيف بينفّس فسسسسسسس
بعد انكشاف تمثيله لكل هذه الجرأة وقوة العين وادعاء المعرفة.

بدأ صاحبنا بقول:

Quote: Quote: أها والاسم (بولسونارو) ما كان كافي (لتنبيهك) و إقلاقك؟ ولا بترش أي اسم مكتوب بالحروف اللاتينية بوشك سااااكت على أنه (إنجليزي)؟ ههههههه اسمه (بوسونارو) يا المترجم القلقان، اللام هنا "شمسية" لا تنطق ما شايف السين بعدها ههههه. ثقف نفسك ووسع مداركك، والمدخل للهيئة ما بيكون بطريقتك الفجة دي.

وأضاف قائلاً بكل قوة عين:

Quote: أها نجي لتعليمك: منو القال ليك Jair Messias Bolsonaro‏ (إنجليزية)؟ انت يا مخلوق مش وعيناك قبل كدة إنو ما أي حروف لاتينية تقوم (تفترض) أنها إنجليزي؟ https://pt.wikipedia.org/wiki/Jair_Bolsonaro ___ بتشوف بالبرتغالي؟

بعدها جاء المستنير عشان ينجده ويشوف ليهو مخارجة فقال:

Quote: Quote: تعبير لام شمسية الذي وضعه حاتم بين أقواس اقتباس واضح انو حاتم يقصد به تشبيه وضع اللام باللام الشمسية،

لكن صاحبنا استنكف قبول المساعدة وردّ على المستنير بكل ثقة:

Quote: مافي أي علاقة! برتغالية البرازيل لا تنطق اللام في الكثير من المفردات. بما فيها اسم الدولة ذاتها وينطقونها (برازيو). مافي علاقة للأعراض الصوتية في العربية بالبرتغالية لكن بعيشهم في المناخ البيتوهموا (التآلف) معاهو وما بتناخوا في غيره. ___ دي الطريقة (الاعتادوا) عليها.

بعد ما أثبتنا ليهو غلطة ومسكناهو بالثابتة وسألناهو السؤال ده:

Quote: أها يا حاتم بعد ما عارضت د. أبوبكر وقلت ما في علاقة، ورّينا علاقة اللام الشمسية باسم الزول ده شنو؟ عشان نستفيد من علمك.

صاحبنا simply نفّس وبلا خجلة وبعد الطنقعة دي كلها قال:

Quote: مافي أي علاقة! شلن وجدعتو في الهوا ونطيتوا ليهو أنت وبتاع المضارط كالعادة والناس بتعاين ليكم من تحت. ___ البعير الكبير بنيخوهوا بحبل صغير.

شفت كيف؟ شلن وحبل صغير؟ هههههههه

يعني بعد الجرجرة الطويلة دي واللغة البرتغالية وادعاء المعرفة يجي بكل بساطة يقول
ما في علاقة شلن وجدعتوا في الهوا.

عودة إلى خرمجات كلماسوفت لصاحبها اللغوي حاتم إبراهيم.

الراجل قال عنده حاجة مسّميها (قاعدة بيانات أسماء الهيئات والمؤسسات الصناعية) وبالإنجليزي مسّميها
(Database of Industrial Entities Acronyms).

ده الملخص العربي:

Quote: الملخص الصناعة أساس المال عصب الحياة، جمعنا في هذه القاعدة آلاف من الأسماء المتعلقة بكل ما يمكن تخيله لمعظم الاتحادات الصناعية والشركات بمختلف تخصصاتها باستثناء ما أفردنا له قاعدة بيانات متخصصة هنا، لدينا أيضاً معجم للمصطلحات الهندسية قد يفيدكم الاطلاع على بعض محتوياته إذا انتقلتم لهذه الوصلة المعاجم المتخصصة.

وده الملخص الإنجليزي:

Quote: Synopsis An organized bilingual database of industrial entities includes; all about [+20,000] entries from all over the world, very useful for industry related authorities, research centers, MT software developers, web based search engines and interested people. Please visit our codes page for a full list of codes of the "Type" and "Locale" fields.

بتاع اللام الشمسية ده قال ليكم الحاجة ما خمج و(organized) و(very useful). خلّونا نشوف الكلام ده كيف
في الجولة الترفيهية المختصرة دي.

1. الشركة العالمية للآلات المكتبية (International Business Machines).

تصدقوا زولنا قاصد شركة آي بي إم (IBM) الواحدة دي؟

2. شركة قطر للنفط (Qatar Petroleum)

اسمها (قطر للبترول) أيها اللغوي الهمام. دي المفروض تجيبها بالسمع ساي من إعلانات قناة الجزيرة.

3. الشركة البريطانية للنفط (British Petrolium)

خليكم من الخطأ الإملائي. دي بيسموها (بي بي) أو (بريتيش بتروليوم) يا عالم زمانك.

4. شركة أبوظبي الوطنية للنفط (Abu Dhabi National Oil Company (ADNOC)).

دي بيسموها شركة بترول أبوظبي الوطنية‎ (أدنوك). هههههههه

5. المصنع البافاري للسيارات (Bayerische Motoren Werke).

هههه عليك الله في زول حا يعرف ليك (المصنع البافاري للسيارات)؟

يا أخي قول شركة (بي إم دبليو) وخلاص. في ناس بيقولوا (شركة المحركات البافارية) لكن برضو
ما في زول حا يعرفها بالاسم ده.

6. المصنع الايطالي للسيارات في تورينو (Fabbrica Italiana Automobili Torino).

ودي قاصد بيها (مجموعة فيات) اللي بتصنِّع سيارات الفيات الإيطالية.

7. المعهد الأمريكي للنفط (American Petroleum Institute)

وده بيسموهو (معهد البترول الأمريكي).

8. مترجمنا الألمعي ترجم لينا (General Electric Corporation) بـ(شركة جنرال للأجهزة الكهربية).

ههههههههههههههههههه عجيب يا حاتم. ترجمتك دي ممكن تلقاها في يافطة في محلات الإلكترونيات
في شارع الحرية في الخرطوم. بعدين ما عارف من وين جبت كلمة (Corporation) دي.
الشركة دي بيسموها (جنرال إلكتريك) بس وخلااااااس "يا المترجم القلقان". هههههه

9. الزول ده كمان كسلان خالس خالس وما عنده صبر إلا لما يمشي يفتش لي معلومة يغالط بيها، لكن حاجة
من "إنتاجه" بيكلفتها جنس كلفتة. هسي (Saudi Telecom Company) دي عايزها ليها ذكاء؟ هو
طبعًا راح قاشطها (الشركة السعودية للاتصالات) وهي اسمها (شركة الاتصالات السعودية)
والاسم الشائع هو (إس تي سي).

أها ده كله كوم واللي جاي ده كوم.

طبعًا حاتم ده ما تشوفوهو كده بيحب العرب مووووووت وجاري وراهم جري.
لما كشفنا خرمجاته وجهله بالشركات والمؤسسات العربية في قاعدة البيانات دي راح ماسحهم "جت"
وعدمهم نفاخ النار. ههههه هو بالتحديد مسح خرمجات قطر والإمارات، ده شيء مبرّر لأنه زمان صاحبكم ده كان
بيتغزّل في تطور الدوحة ودبي وقاعد يكسّر تلج تقيل في المقارنة بينهما. وبعد ما انداح اندياح شديد
وتاه في دنيا الخيال، أنشد قائلاً: "والله كنا نتمنى أن نكون هناك" ههههه
وقصد الفتى بكلمة (هناك) دبي والدوحة. ههههه قاعد ينبذ في العرب وما خلّى ليهم صفحة
يرقدوا عليها وبعد ده جاري حفيان وراهم بلا خجلة.

عاطف عمر من نافذة الفيسبوك يكلمكم عن هيامه بالعرب وكيف قاعد يتمسح عشان يدّوهو فرَقة معاهم.

في كلام كتير لكن نكتفي بهذا القدر، لأنه والله أنا لو تابعت خزعبلاتك دي يا حاتم
10 سنين ما بتكفيني فيك يا بتاع "كنا نتمنى نكون هناك" ههههه

هههههههههههههههههههههههههههههههههههههههههههههههههههههههههههههههههههههههههههههههه

كبكبة السنين يا حاتم

هههههههههههههههههههههههههههههههههههههههههههههههههههههههههههههههههههههههههههههههه

كرت "رغم" البلاء

مأساة "الميكانيكي" الطموح

قلنا من قبل من حق اي انسان ان ينتقل من طبقة الى طبقة،

ومن حرفة الى اخرى،

ولكن بعد أن يجيدها ويتقيّد بتقاليد وآداب المهنة التي يطمح الى الانتقال اليها.

الميكانيكي حاتم طمح الى دخول باب اللغويات والترجمة بدون عتاد ما عدا كورسين او مثل ذلك.

متناسياً انك يمكن ان تدرس حول اللغة والترجمة،

ولكن ان تمارس الترجمة، فينبغي ان تكون ذا حصيلة معقولة من المعرفة مثلا باللغة العربية.

لغته العربية ضعيفة جدا،

ولا يقرأ الكتب ، والمجلات المحكّمة.

كما ان اتقان اللغة يستغرق وقتاً طويلاً ...

لم يصبر على ذلك ،

بل اصبح يحطّ من أقدار الآخرين الذين يتفوّقون عليه بسنين ضوئية.

أدناه مثال من لغته المكوجية ههههه:

Quote: فلماذا لم تكوي وتنضج وتمضغ بدقة مصطلحات المجال الذي زعمته لنفسك؟ وحتى لغتك ذاتها هل كنت تنتظر حتى تكويها وتنضجها وتمضغها أضراس أطفال غير الناطقين بها قبل أن تعتلفها؟

الخلاصة:

"يا مكوجي ...

أمسكْ قوي..

أوعكْ تقعْ "
ههههه

حاتم إبراهيم في فتيل مع الجنجويد!

خلونا نمشي نشوف حاج كده مسميها (المصطلحات المستحدثة).

يقول عالمنا الهمام في الملخص العربي:

Quote: الملخص يتم ابتداع العديد من المصطلحات الجديدة بصورة راتبة وبالذات من قبل عالمي الصحافة والسياسة فمصطلحات مثل (سياسة العصا والجزرة، الحرب على الإرهاب، ضربة استباقية) لم تكن معروفة حتى وقت قريب، هذا المعجم يحصر كماً هائلاً من هذه المصطلحات في جميع المهن المعروفة والتخصصات. يستفيد منه أهل الصحافة والمراكز الإعلامية والمؤسسات التعليمية البحثية، وبالطبع محركات البحث متعددة اللغة.

ويكرر في الملخص الإنجليزي كلام بيختّوا في كتير من "لغاويسو" وليس "قواميسو". كلام ما عنده علاقة بمحتوى القاموس المعني.
أهو كلام والسلام:

Quote: Dictionary of Neologisms Synopsis A wide spectrum of bilingual (English>Arabic) dictionaries that covers almost every aspect of life, including science, toponomy, IT, medicine, media, politics, military, astronomy, geography, humanitarian, banking and insurance and even more. We have spared no effort to ensure that every piece of information is double-checked by our professional team of native proofreaders and lexicographers; the final product is by far a set of fine and meticulous lexical resources tailored to meet your specific needs.

قال ليكم القاموس ده مفيد لأهل الصحافة والمراكز الإعلامية عديييييل كده. الترويج
والجخ ده ما إنت سيدهم لكن.

خلاص نبلغهم بإذن الله إنك بتترجم (suicide bomber) بـ(انتحاري تفجير).
شفتوا التركيبة الحاتمية العجيبة دي؟ ههههههه

بالله يا جماعة زول زي ده عايز يناقش رسالة دكتوراه وعامل ليهو
دشليون قاموس وفي الآخر دي ياخا مخرجاته!

الراجل كمان قال ليكم (Janjawid) معناها "رجل عصابات على ظهر دابة".

يا عيني على القواميس! هههه

أول حاجة، الواحد ما عارف القاموس ده من الإنجليزي إلى العربي أم العكس.

تاني حاجة، إنت يا كافي البلاء شارح معني الكلمة العربية المستحدثة بقولك "رجل عصابات على
ظهر دابة" ومستكتر تكتب الكلمة العربية الأصلية (جنجويد) في القاموس؟ هههههه وهل الشرح
يجزي عن ذكر المصطلح في اللغة التي استحدث فيها؟ مش المصطلح لازم يقابله مصطلح
في قاموس زي قاموسك ده، ولو عندك شرح مش المفروض يكون باللغتين؟ ومنو الأولى بالشرح؟
القارئ العربي ولا القارئ الإنجليزي؟ بعدين أنا لو بكتب في خبر عن الجنجويد
هل ممكن أكتب "هاجمت قوات رجال العصابات على ظهر دابة" استنادًا إلى قاموسك
العجيب ده؟ هههه

والله يا حاتم إنت زول بسيط وعلى نيّاتك خالص. وأظن البساطة اللي إنت حاسيها جواك
دي هي اللي بتخليك تعمل عمايلك دي.

بعدين إنت زول واضع قواميس المفروض تلتزم بالحياد وما تكتب "رجل عصابات"
لشرح معنى الكلمة في قاموس مطروح للكل. سيب القارئ يحكم براهو، خصوصًا إنه كلمة (جنجويد)
تختلف نظرة الناس وتفسيرها ليها. في ناس بيقبلوها على إنها مجرد اسم بيميز قوات
معينة عن غيرها، وفي غيرهم بيشوفوها بمنظور سلبي زي ما إنت فسرتها. عشان كده الأسلم ليك
بما إنك واضع قاموس ما تدخِّل نفسك في حتة زي دي. للأسف إنت بتفتقر لملكة الإحساس
بالمعاني وحس النقد لنفسك قبل نقدك للآخرين ودي من أهم صفات اللغوي.

كلامي ده قلته لي حاتم قبل ما الجنجويد يحكموا البلد. أها هسي بتقبّل وين يا حاتم بعد ما الجنجويد حكموا البلد؟

أجري سريع أكسح أمسح هههههه

بالمناسبة البوست دا لصالح ول أبا حاتم إبراهيم ..

وهناك شيئ أخر، ول أبا دكتور محمد صديق .. رجل مترجم .. وول أبا حاتم إبراهيم رجل مبرمج .. أنتم الأثنين مكملين لبعض ..
لو كان في الغرب، دا طوالي بزنس مشترك ..

أكثر شيئ أضر بنا كسودانين في الغربة هى أننا نحطم بعضنا البعض بدل المساعدة .. مثلاً كلام حيدروف بوجود برامج ترجمة وتشكيل للأحرف .. لا يلغي فكرة حاتم .. لأن المبرمجين يأتون ب algorithms وصفات برمجية مختلفة .. وتعدد مشارب الوصفات والخبرات التى تسندها دائماً محل ترهيب من قبل جموع المبرمجين.

حتى النقد هنا ليس بغرض الفائدة .. شيئ أبداً ما جميل فينا.

بريمة

سلام أخي بريمة.

طيب ليه يا بريمة ما قلت الكلام ده في البوست المجاور؟

إنت شايف أنه نقده كتابي للفائدة؟

البوست ده ما لصالحه ولا حاجة. البوست ده بيعريهو ويكشف
خمّه للناس بأنه عالم زمانه وهو يجهل أبسط الأشياء.

أنا طولت ليهو بالي سنتين ولما واصل غيرت
ليهو الشريحة طوالي. هو عامل فيها الولد شفت ومقطعها
وأنا حبيت أقطع ليهو شفاته. وأهو قاعد يزازي جنب البوست
ولما دخل سريع سريع مسح تعليقه بالبشاورة.

ما عندي حاجة بتجمعني بيهو لا علاقة ولا صداقة ولا قرابة
ولا زمالة ولا نسب عشان أسعى إلى ضرره. هو من بدأ والبادي أظلم.
طوالي ياخد بالحتة اللي فيها الحديدة. وهو ما شاف حاجة لسه. خليهو
يطلع من صومعته دي عشان أوريهو الطفا النور منه.

ول ابا دكتور محمد صديق
سلام ..

Quote: إنت شايف أنه نقده كتابي للفائدة؟

ما ياها المشكلة ذاتها .. كلكم، أنتم الأثنين تكسروا مجاديف بعض ..أنتم الأثنين خبراء في مجالاتكم والأثنين كان ممكن تقدمونا خطوات للأمام .. لكن الله غالب إستهلاك للطاقات والجهد في لا شيئ.
لو حاتم، لم يستطع النظر والخروج من أم فتتي التسووا فيها دي .. كان ممكن تكون أنت صاحب المبادرة ..

بالمناسبة القارئ أفطن منا جميعاً ويستطع تقيمنا .. ومعرفة الصالح من الطالح من الأراء ..

بريمة

Quote: أنتم الأثنين خبراء في مجالاتكم

حاتم علاقته بالترجمة شبه منعدمة،

ولا تؤهله معرفته لنقد رسالة دكتوراة ، كما هو واضح من بطاقاته..

البطاقات اصلا لجمع المعلومات كما هو في التقليد الاكاديمي.

الاخ محمد صديق سلام
لو ذاكرتي كويسة ، قبل فترة كنت بتكتب مقالات عن الترجمة
أو اللغة بصورة عامة ، أنا شخصيا كنت متابع جيد وكنت بستفيد
من المعلومات اللي فيها ، يا ريت تواصل
ولك الود

شكرًا أخي بريمة على النصيحة الغالية.

الراجل باقي ليهو شوية بطاقات خليهو يخلصها وبعدها
نشوف بيحصل شنو.


تحياتي
---

شكرًا الأخ ترهاقا على التعليق.

حتى البوست بتاع الترجمة اللي تفضلت بيهو حاتم دخل فيهو عشان يبوظوا.
في جماعة كانوا بيسمّعوهو أنه "مترجم عظيم" والمسكين كان مصدق لغاية ما
جينا صحيناهو من أحلام اليقظة بتاعتو وده زعلوا وخلاهو موتور
يريد الانتقام بأي وسيلة. عشان كده أي بوست من "الأعداء" هو بيدخل يسوطو.
لكن بإذن الله تتاح لنا الفرصة نتناول ما أشرت إليه ونتدارس مواضيع يستفيد من
طرحها الأعضاء والزوار.

بالمناسبة أنا عرفت أنك ساطور عازف الاورغ في فرقة عملاق السودان النوبي
العظيم محمد وردي. أنا من أشد معجبيه وكنت متابع رحلتكم الرائعة معاهو الله يرحمه
ويحسن إليه. سقى الله تلك الأيام!

تحياتي

هذه جولة سريعة في حاجة اسمها (قاعدة بيانات أسماء المؤسسات الإعلامية والصحفية) في موقع كلماسوفت.
ده الملخص بالعربي:

Quote: الملخص إنتشرت الهيئات الإعلامية مع التطور الكبير في وسائل الاتصال الحديثة ولا يكاد يمر يوم إلا وهناك هيئة جديدة للبث أو قناة في مكان ما من العالم تباشر في تقديم نوع متخصص من البرامج، نقدم هنا قاعدة بيانات متفردة من نوعها وتتزايد بشكل مطرد، تحوي آلاف الأسماء الخاصة بالقنوات الفضائية والاتحادات والشركات الإعلامية في كل دول العالم مع الشرح والتفسير لنوع الخدمة والموقع الأساسي لمقر الهيئة بالإضافة لأسماء الناشرين والصحف العالمية والمحلية وتخصصها في نظام فريد يفيد كثيراً الهيئات الإعلامية وشركات

وده الملخص بالإنجليزي:

Quote: Database of Media Entity Names Synopsis This is a comprehensive database of media entities, film makers, newspaper, broadcast corporations, publishing houses, theatres, art galleries, music halls, etc., it contains [+5,000] entries. Good for MT software developers, web based search engines. Please visit our codes page for a full list of codes of the "Type" and "Locale" fields.

هسي لو ما فاقة منك يا حاتم منو محتاج لي قاعدة البيانات بتاعتك الرمتانة دي في ظل وجود الحاج غوغل؟
كايس للعظمة ورسم الشخصية بطريقة مضحكة.
1. قناة الشرق الأوسط (Middle East Broadcasting Corporation).

هل سمعتم بحاجة اسمها (قناة الشرق الأوسط)؟ دي طبعًا قاصد بيها قناة (إم بي سي) أو (مجموعة إم بي سي)، وإذا
تشددنا خالص والموضوع فيهو أوراق رسمية وعقود هي اسمها (مركز تلفزيون الشرق الأوسط). العالم ده بيكتبها كده في موقعه
ولو جبت ناس المنبر ديل كلهم ممكن معظمهم يقيف قبل ما يعرف القناة المقصودة.

2. شبكة الأخبار المنقولة بالكبل (Cable News Network)

مبااااااالغة. قال ليكم "الكبل" ههههههه دي قاصد بيها سي إن إن (CNN) لو تصدقوا.

3. قناة المستهلك للأخبار والأعمال (Consumer News and Business Channel)

ههههه ناقل الترجمة دي من كتاب مترجم وراشيهو طوالي وكمان عامل حبة تغيير للتفرد. دي قاصد بيها قناة سي إن بي سي ( (CNBC) الواحدة دي.
جرّب يا حاتم أكتبها بدون مقابلها الإنجليزي ورشّها في الفيسبوك وأعمل استطلاع وشوف كم واحد حا يعرفها يا الكلس.

4. الإذاعة الألمانية (Deutsche Welle)

ودي قاصد بيها (إذاعة صوت ألمانيا) أو (دويتشه فيله).

5. راديو وتلفزيون العرب (Arab Radio and Television).

ما دام طلعت للحاجة أبقى نجِّضها.

اسمها (Arab Radio and Television Network)، أي (شبكة راديو وتلفزيون العرب).

6. قناة تيرنر للأفلام القديمة (Turner Classic Movies).

دي بيسموها قناة تيرنر كلاسيك، وإن شئت (قناة تيرنز كلاسيك موفيز).

غايتو يا حاتم إنت متشعبط في اللغة والترجمة واللغويات بالقوة ساي. ما عندك أي علاقة نهائيًا
بهذا المجال. إنت تمسك ليك جداول تنسقها وتقعد تعمل مونتاج ومكساج. ده ياهو حدّك.
حتى المنطق فاقده يا كافي البلاء. ههههههههه

قال ليكم "نظام فريد":

Quote: في نظام فريد يفيد كثيراً الهيئات الإعلامية وشركات

الجملة ما قادر يكملها في موقعه الفضيحة ده. بس بيعرف للجخ بتاع الكوابل ده هههههههه

العلاّمة حاتم إبراهيم عنده حاجة كده بيسميها (Database of Political, Military, and Legal Entities Acronyms).

الراجل فاكر نفسه بيتونس في عشرة كتشينة. منتهى الاستهتار والاستخفاف بعقول الناس.

هاكم أمثلة من شوبار هذا الرجل:

1. الحزب الديمقراطي الحر (Liberal Democratic Party).

أولاً، الاسم الكامل بالإنجليزي هو (The Liberal Democratic Party of Japan).

إنت ما دام مرقت للحاجة يبقى لازم تكرِّب شغلك.

تانيًا، الاسم الشائع في وسائل الإعلام الكبرى هو (الحزب الليبرالي الديمقراطي الياباني،
أو (الحزب الديمقراطي الليبرالي الياباني).

2. البوليس الدولي (International Criminal Police Organization).

البوليس الدولي دي تقولها في الصحافة أو في ونسة مع أصحابك جنب عمود الكهرباء. لكن لما تعمل ليك
قاموس متخصص وعايز تبيعه يبقى تقول المنظمة الدولية للشرطة الجنائية (الإنتربول).
الولد بيسميهو ولي أمره يا عالم زمانك.

3. (أستراليين من أجل وقف الهجرة) ترجمة لـ(Australians Against Further Immigration).
إذا وافقنا العالم ده على الترجمة، فمن أبسط الأشياء في وضع القواميس أنك تضع كلمة زي (أستراليين)
دي في صيغة الفاعلية وتقول (أستراليون من أجل وقف الهجرة). لكن نعمل شنو
مع زول داقش ليهو مجال زندية ساكت كده.

4. مكتب التحقيقات الفيدرالية (Federal Bureau of Investigation).

اسمه (مكتب التحقيقات الفيدرالي) يا حاتم. الفيدرالي هنا (المكتب) مش (التحقيقات).

5. المترجم العظيم حاتم إبراهيم مترجم ليكم (United States Air Force)
بـ(القوات الجوية للولايات المتحدة) هههههه
ويقول ليك ما تترجم حرفي هههه
يا أخي قول (القوات الجوية الأمريكية) وريّح نفسك والعالمين معاك.

6. غايتو جنس استهتار ما لاقاني في حياتي. ده مفترض أكاديمي وواضع قواميس.
يكتب ليك (مجلس الأمن) حاف كده ويكتب قدامها (Security Council).
يا أخي كمّل الاسم الرسمي وقول (United Nations Security Council) وأكتب
الاسم بالعربي (مجلس الأمن التابع للأمم المتحدة)، ولو عايز تختصر أكتب
أنه معروف إعلاميًا بـ(مجلس الأمن الدولي)

7. اللجنة الأمريكية للشؤون العامة لإسرائيل (American Israel Public Affairs Committee).

بيسموها كده يا العشا أب لبن: لجنة الشؤون العامة الأمريكية الإسرائيلية.

دي 7 أمثلة من 30 مع الرأفة طبعًا.

يا حاتم نصيحتي ليك أمشي شوف ليك شغلة تانية.

---

كسرة:
• أخبار تحقيق أليكساندر الرابع عشر شنو؟
• أخبار التلفزيون العربي شنو؟

أربطوا الأحزمة عشان نطوف بيكم في جولة في حاجة كده حاتم إبراهيم مسمّيها معجم (المصطلحات الأكاديمية).
في المعجم ده ما في ملخص بالعربي ولا بالإنجليزي. والجزء الإنجليزي من الموقع ما في خالص. وتعالوا قابلوني
لو لقيتو مصطلحات ههههههه

1. خليني أضقّل بيك شوية يا بتاع الكوابل.

زولنا ده ترجم كلمة (staff) بـ(هيئة تدريس). كلمة (staff) دي يا المترجم القلقان كلمة ممكن تكون شاملة لكل الموظفين، لكن درج ناس
الجامعات والمؤسسات التعليمية يفرقوا بين الـ(staff) والـ(faculty).

Quote: Quote: Key Differences Between Faculty and Staff The fundamental differences between faculty and staff are provided below: 1. The faculty is described as a group of teachers who impart education to the students in school or college. In general terms, staff implies an entire group of people, employed by the organisation. 2. Faculty refers to the educators of a school or college. In contrast to staff, which refers to employees of any organisation. 3. The working hours of the faculty are irregular, while regular in the case of staff. 4. The faculty is responsible for performing, teaching functions in the organisation. Conversely, the staff members perform administration and supportive functions. 5. Faculty may include professors of various ranks like an associate professor, assistant professor, substitute professor, lecturer, researchers, teachers and so on. As opposed to staff, which includes secretaries, assistant, dean, president, registrar, clerk, etc. 6. The education requirements of faculty members are as per the standards and criteria set by the institution. On the other hand, the educational qualification of a staff member depends on his designation, i.e. the higher the designation, the higher would be their remuneration. 7. The salary of a faculty member depends on his/her rank in the educational institution, whereas the salary of a staff member depends on his/her position/level in the organisation, i.e. higher level attracts higher salary.

ودي هوادة كمان:

Quote: Difference Between Faculty and Staff vs Staff Literacy has always been viewed as essential in ushering a country towards progress. It involves the ability of a person to use the spoken and written language, the understanding and use of numbers, the expression of ideas, the solving of problems, and the application of these abilities in his day-to-day life. It is taught in schools where students are introduced to different subjects under the guidance of teachers. Schools are formal educational institutions wherein students are taught starting at the lowest level when they are still very young and progress through secondary education and on to higher education. It employs not only teachers but also other people who help maintain and keep it orderly and organized. Different people are assigned different jobs in a school. Aside from the faculty or the teachers there is also the administrative staff. “Faculty” is defined as a group or body of people, specifically teachers, professors, and lecturers with a common duty or obligation which is to teach at a certain school or educational facility. In other words, they are the academic staff of a school. The faculty is the teaching staff of an educational facility. They have specialized fields with each member of the faculty teaching a different subject. They are the ones who research and share their knowledge with their students. Faculty members may have different academic ranks from teachers to professors to doctors of specific fields of study. Researchers and scholars are also part of a school’s faculty. They play a very important role in the educational system. Staff, on the other hand, is defined as a group of people who work in an establishment with administrative functions such as clerical, sales, and executive. It also includes those that work in security, maintenance, and other functions with the establishment. The staff in a school is usually composed of employees with diverse educational backgrounds and responsibilities with the highest level being the administrators, those that manage the whole system. They are aided by junior staff that are willing to follow their orders and help make their jobs easier and more efficient. The staff in a school usually arrive earlier than the faculty, and they have regular working hours as compared to faculty members. Some faculty members, especially those who are already distinguished at their jobs, are paid higher salaries and enjoy more benefits than the staff. Summary: 1.“Faculty” is the teaching or academic staff of a school or educational system while “staff” is the administrative staff of a school. 2.Faculty is a group of educators such as teachers, professors, doctors, researchers, and scholars who impart their knowledge to students while the staff is a group of people with diverse educational backgrounds that work as clerks, maintenance and security crew, and other functions. 3.The faculty may have irregular working hours while the members of the staff have regular working hours wherein they are required to report for work earlier. 4.Faculty members may enjoy better salaries and benefits than staff members.

2. أها يا الخبير اللغوي اللي شنو بيخلي (strike)، و(nominee)، و(fine)، و(deprivation) "مصطلحات" خاصة بالمجال الأكاديمي دون سواه عشان تختها حاف كده في قاموس "مصطلحات أكاديمية"؟
عايز تعملها مصطلحات بالقوة يا الكلس؟ ههههههه

3. وبأي حق عملت (university personnel) فِرِت موظف (موظف الجامعة) يا بتاع اللام الشمسية؟ حتى ما عارف أنه الكلمة دي للجمع بتاع أمبسلين سيجنال تو ده.
وبعد ده يجي يتفلسف ويتكلم عن ركاكة.

4. بعدين قلت لي "منتجع الحرم الجامعي" ترجمة لـ(campus recreation) عديل كده؟ المنتجع ده على البحر وكده؟
ورينا ياتو جامعة مدلعة طلابها وعاملة ليهم "منتجع" داخل الحرم الجامعي؟ غايتو الجامعات دي قرينا فيها واشتغلنا
أساتذة فيها ما لاقتنا منتجعات شرم الشيخ دي ههههههه

5. كمان بتترجم (hostel) بـ(مسكن). هسيإنت مقتنع إنه ده مصطلح يا المترجم القلقان؟ بعدين إنت ما شايف إنه كلمة (داخلية) أو (سكن جامعي) أو ما شابه أقرب للمعنى، خصوصًا إنك بتتكلم عن المجال الأكاديمي؟

6. بعدين يا خبير القواميس ثقف نفسك ووسع مداركك لأنه زي ما قلنا ليك قبل كده في القواميس لما تكتب كلمة زي (الخريجين) "براها" ترجمة لكلمة (alumni) المفروض تختها على
الفاعلية. دي أبسط معلومة زول واضع قواميس المفروض يكون عارفها.

7. كمان عالمنا ده مترجم (overseas) بـ(خارج الوطن) ههههههه
يعني لو لاقتنا (overseas students) نشتغل بقاموس بتاع الأشلان ده ونكتب ونحن
واثقين (طلاب خارج الوطن) ههههه

غايتو يا حاتم قوة عينك دي ما لاقتني في حياتي. ما عارف مقتنع كيف إنك مترجم وكمان عامل ليك
موقع لغوي وهاك يا قواميس ومشاريع.

إنت يا زول كنت عايز تكون زول مميز لكن قدراتك ما ساعدتك، فأصبت بإحباط
وحملت حقدًا عظيمًا على المجتمع كله. الدليل أنك بتقول إنك درست هندسة كهربائية لكن ما سمعتك
يوم بتتكلم عن الهندسة الميكانيكية. الظاهر فشلت فيهو وحبيت تغيّر للمجال النظري وراودتك أحلام اليقظة إنك تكون
لغوي بارز، لكن مقدراتك اللغوية الضعيفة خذلتك.

غايتو دعواتنا ليك بالشفاء العاجل!

-----

كسرة:

• أخبار تحقيق أليكساندر الرابع عشر شنو؟
• أخبار التلفزيون العربي شنو؟

ما متأكد قال كهرباء ولا ميكانيكا. لكن ما جاب سيرتهم الاثتين.

طيب نأخذكم في جولة مع بتاع الكوابل حاتم إبراهيم في حاجة كده في موقعه
(في الحقيقة راكوبته) بيسمّيها (Database of NGO/UN Acronyms).

ده الملخص العربي:

Quote: الاختصارات والبادئات الملخص لا تحفل اللغة العربية باستخدام البادئات (Initialisms) والاختصارات (Acronyms) كثيراً بسبب أنها لا تقبل سك المصطلحات بالطريقة التي نراها في اللغات القائمة على الحرف اللاتيني، فبعض الأمثلة المعروفة في المنطقة العربية مثل (تجمع الساحل والصحراء) والمعروف اختصاراً (س ص) يعتبر مثالاً نادراً على تلك الإمكانية وخلاف ذلك فإن معظم البادئات هي في الأغلب مأخوذة من الترجمة اللاتينية أو بأية لغة أعجمية أخرى، ما تقدمه كلماسوفت هنا هو قواعد بيانات بهذه البادئات والاختصارات المعروفة والرسمية ومعظمها يقع خارج المنطقة العربية. يجب ملاحظة أننا قد أوردنا البادئات والاختصارات ضمن قواعد بيانات أسماء الهيئات ولكننا هنا جمعناها لمن يرغب فيها مصنفة بشكل منفصل ولمزيد من المعلومات يمكنكم الانتقال إلى أسماء الهيئات والمؤسسات. يمكنكم أيضاً معرفة معلومات أوفر عن حقلي "التصنيف" و "الموقع" بالانتقال إلى صفحة التعريفات.

وهنا الملخص الإنجليزي:

Quote: Database of Entity Acronyms A wealth of highly organized set of databases of acronyms and initialisms we believe the most versatile and comprehensive of its kind, presumably, the only one commercially available on the internet; it covers a wide spectrum of subjects in almost every aspect of life including science, health, engineering, IT, media, sports, politics, military, astronomy, geography, geology, metrology, finance, civil society organizations, humanitarian, and even more. This parcel of information is of high importance to those who are looking for precise and meticulous bilingual lexical resources; we have spared no effort to ensure that every piece of information provided here is double-checked by our professional staff. Databases here are compiled for etymological purposes only i.e. names of entities, you can refer to our section of specialized dictionaries on this page specialized dictionaries if you are looking for defnitions and other lexical information. Please visit our codes page for a full list of codes of the "Locale" and "Type" field.

قال ليكم والجخ سمح في خشم سيدو:

Quote: we believe the most versatile and comprehensive of its kind, presumably, the only one commercially available on the internet;

وأردف قائلاً:

Quote: we have spared no effort to ensure that every piece of information provided here is double-checked by our professional staff.

ههههههههه والله الواحد ما عارف يضحك ولا يبكي يا بتاع الأشلان.

بعدين قال ليكم (This parcel of information) ههههههههههه. ويقول ليك فكّر بالإنجليزي.

المهم، ما علينا وخلونا نشوف الـ(double-checking) ده كيف ونوصّل الـ(professional staff)
ديل لحدي خشم الباب.


1. البرنامج العربي لناشطي حقوق الانسان (Arab Program for Human Rights Activists)

المولود بيسميهو ولي أمره زي ما قلنا ليك قبل كده يا عالم زمانك. يعني ما تنجر من راصك براك.

الاسم الصحيح هو (البرنامج العربي لنشطاء حقوق الإنسان).

2. منظمة حرية النساء في العراق (Organisation of Women's Freedom in Iraq).

الاسم الصحيح زي ما المنظمة دي بتسمي نفسها هو (منظمة حرية المرأة في العراق).

3. تحالف المرأة العربية (The Alliance for Arab Women).

دي بيسموها (رابطة المرأة العربية).

4. بتاع الأشلان ده قال ليكم (United Nations High Commissioner for Refugees) ترجمتها
(مفوضية الأمم المتحدة العليا لشؤون اللاجئين).

الاسم الرسمي للمفوضية هو (المفوضية السامية للأمم المتحدة لشؤون اللاجئين) يا المترجم القلقان.

5. مراقبة حقوق الانسان (Human Rights Watch)

ههههه عليكم الله دي ما مهزلة؟

زول عامل فيها موسوعة زمانه وما بيعرف منظمة (هيومن رايتس ووتش) الحقوقية! المترجم القلقان ده لو
قلنا خلاص هو جاهل وما بيعرف المنظمة دي، الحروف الكبيرة قدر الضربة ما نبّهته لي أنه ده ممكن اسم علم؟ هههههه

طبعًا دي بتذكرني بترجمته زمان لكلمة (Speaker) بكلمة (المتحدث) والقصود كان (رئيس المجلس). وبالمناسبة ده كانت
أول خرمجة من خرمجاته نبّهت مترجمنا القلقان ده ليهو. أها بس ومن ديك النار انطلقت في جلده وحلف إلا ينتقم من الزول اللي جاي يصحيهو من أحلام اليقظة حقتو.

زولنا بيتكلم عن الأمانة في نقل الأسماء في بوست اسمه (تأملات في ترجمات):

Quote: (Kamran Rosen, <=> كارمان روزن)، الترجمة "الأمينة" تظهر أكثر في الأسماء، الصحيح "كامران

هههه شوفتوا لبس عباءة العلماء ده كيف؟ إنت حا تقول لينا عن أمانتك في نقل الأسماء؟

البوست ده أكبر دليل ولسه التقيل وراء.

6. المترجم القلقان ده جاب ليكم وارمة وقال ليكم (تحالف اللواطيين والسحاقيات ضد التشهير)
ترجمة لـ(Gay and Lesbian Alliance Against Defamation). يعني
يا حاتم إنت يا كافي البلاء ما سمعت بي (مِثلي ومِثلية) عشان تستعملهم بدل الدُرَّاب بتاعك ده؟

أما بلغك أن الدُرَّاب ده ممكن يكون ما مقبول عند بعض الناس اللي إنت بكل قوة
عين بتوصفهم به في المجتمع المنقول إليه؟

ما طقشت أضانك حاجة اسمها التلطيف أو التسميل (euphemism)، ودونك (اللعنة)، و(سحقًأ)، و(تبًا لك) في تنصيص الأفلام (subtitling)؟

شفتوا النجِر وانعدام الإحساس بالمفردات وعدم الاكتراث بتأثيرها على المتلقين كيف؟ وقال بتاع قواميس قال ههههههه

قال ليكم الخرمجات دي كلها (double-checked by our professional staff). نسأل الله الثبات!

نفسي بس أعرف منو أجرم في حقك وأقنعك يا حاتم إنك مترجم ولغوي.

زمان في زميل كاتب لي حاتم:

Quote: بعد هذا البوست يمكن بسهولة أن نطلق على حاتم ابراهيم لقب المترجم الأعظم

والمسيكين صدّق.

أها أنا شِبْكتي مع الزول ده بدأت من البوست داك. لأني صحيته من الحلم الجميل ده؛ ولذلك أضمر لي كل هذا الحقد.
----
الخلاصة يا بتاع الأشلان، موقعك ده مجرد راكوبة زي ما قلنا فوق، وأهو شغاّلين
نشلّع ليك فيها شِعْبة شِعْبة وإنت لا حول لك ولا قوة. تجي تتاوق وتمد راصك في البوست وتقرأ وتبلع
بلع بس وما تقدر تقول بغِم وتتخارج. في ذلة ومهانة أكتر من كده يا العرّاد؟

شفتَ الأدَبة دي، يا المترجم القلقان؟

طبعًا حاولت أجرّك بنفس تكاتيكك للبوست ده بي حتّة أنا عارف إنها بتدوّرك، ولما إنت قريت
الطُعم الللي رميته ليك، السنارة قبضت وجيت نازل بي قدّومك، لكن سرعان ما عرفت إنك اتهوّرت،
فطوّالي عملت خلف دور ومسحت تعليقك بالبشاورة وهاك يا العردة بلا خجلة.

اتعلم التكاتيك يا بتاع التكاتيك، وأصبر لي عشان أعلّمك التضقيل كيف يا عاشق العربان ههههههه
----
كسرة:
• أخبار تحقيق أليكساندر الرابع عشر شنو؟
• أخبار التلفزيون العربي شنو؟

طيب، نواصل تشليع راكوبة كلماسوفت لصاحبها بتاع الأشلان حاتم إبراهيم.

عنده شِعْبة كده مسميها (Database of Sports Entities Acronyms). خلونا نشلعها ليهو.

1. الاتحاد الأوروبي لأندية كرة القدم (Union of European Football Associations).

ده اسمه (الاتحاد الأوروبي لكرة القدم) يا المترجم القلقان. حتى في الرياضة قادّي.

2. بطولة القتال الحر (Ultimate Fighting Championship).

دي معروفة باسم (بطولة القتال النهائي/غير المحدود). حا يقول ليكم دي ترجمة حرفية. ناس
المجال ترجموها كده يبقى ما تتفلسف وتحاول تعمل فيها بتاع لام شمسية..

3. البطولة العالمية للمصارعة (World Championship Wrestling).

اسمها (بطولة العالم للمصارعة).

4. اللجنة الدولية لاتحاد كرة القدم (International Football Association Board).

اسمه (مجلس الاتحاد الدولي لكرة القدم) أو (المجلس الدولي لكرة القدم).

5. الاتحاد الأمريكي لكرة السلة (American Basketball Association).

الزول ده كل مرة كان شابكنا ثقف نفسك ووسع مداركك وعامل فيها زول موسوعي وأبسط المعلومات

ما عارفها. الكيان ده كان اسمه (الرابطة الأمريكية لكرة السلة) وبعد اندماج مع كيان آخر أصبح يعرف بالـ(NBA)، أي

(الرابطة الوطنية لكرة السلة)، لكن في الأخبار بيقولوا ليهو (الدوري الأمريكي لكرة السلة للمحترفين).

6. الرابطة البريطانية لكرة السلة (British Basketball League

اسمه (دوري كرة السلة البريطاني).

لقيت لي شوية وقت قلت أشلّع لي شِعْبة مايلة من راكوبة كلماسوفت.

أها نشوف حاجة مسميها (Database of Aviation/Metrology Entities Acronyms).

طبعًا هو قاصد في العنوان (Meteorology) مش (Metrology)؟ وشتان

بين المعنيين. هو طبعًا داقش ساي وكله عند العرب صابون.

1. لاحظت مرات حتى الاسم الإنجليزي بينقلو غلط. مثلاً كاتب (*National *Aeronautic* and Space *Adminstration)

وهو قاصد (National Aeronautics and Space Administration). وبعد ده يجي يمسك للناس في الأخطاء الإملائية.

2. المنظمة العالمية للطيران المدني (International Civil Aviation Organization).

اسمها منظمة الطيران المدني الدولي (الإيكاو) يا عاشق العربان.

3. المنظمة العالمية للأرصاد (World Meteorological Organization).

كمِّل الاسم أيها العالم النحرير. اسمها (المنظمة العالمية للأرصاد الجوية)

4. مترجمنا المستعرب ده كاتب (Jomo Kinyata International Airport) ههههههههه

حتى الاسم ما قادر تكتبوا صاح يا المترجم القلقان. الاسم بيكتوبوهو كده (Jomo Kenyatta).

عفيتك من "خطوط طيران اليابان" جدعنة مني ساي.

يا زول إنت والله متلبّط ساي في الترجمة واللغات. أبسط الحاجات ما عندك تركيز فيها. تمشي تقُش الراكوبة المتهالكة دي
بي مقشاشة كبيرة وتعمل ليك فيها شوية رملة وترش ليك شوية موية وتنوم نوم العوافي بدل الفضائح والبهدلة دي.

قلت لي "الأمثال العربية"؟ هههههههههههههههههههههههههههههههههههههههههههههههههههههههههههههههه

---
*أخبار أليسكاندر الرابع عشر شنو؟
*أخبار التلفزيون العربي شنو؟
*أخبار جوديث شنو؟