Post: #2
Title: Re: حمدوك والحلو يوقعان إعلان مبادئ فصل الدين
Author: waleed nayel
Date: 09-04-2020, 00:24 AM
Parent: #1
تحياتي اخ زهير
كتبت كلامي هذا في بوست الاستاذ حسن العالم و اظن ان لا ضرار في اعادته هنا
التحيه للحركه الشعبيه قياده الحلو و السؤدد لقياداتها
حقيقه الحركه الشعبيه تمثل اصدق المواقف في تمثيل تطلعات شعب الثوره المجيده!
ولها موقف و مبدأ في صلاده موقفها تجاه قتله الشعب في عهد الثوره و العهد الكهفي!
ارجو لهم الثبات و عدم التزحزح من صدقيه مبادئهم
|
Post: #3
Title: Re: حمدوك والحلو يوقعان إعلان مبادئ فصل الدين
Author: اخلاص عبدالرحمن المشرف
Date: 09-04-2020, 00:45 AM
Parent: #2
حمدوك يمثلني
|
Post: #4
Title: Re: حمدوك والحلو يوقعان إعلان مبادئ فصل الدين
Author: Mutasim Idris
Date: 09-04-2020, 00:47 AM
Parent: #2
خطوة كبيرة جدا تحسب للمفاوضات خاصة عودة حمدوك
للتفاوض بنفسه بدل ارسال عسكر الانقاذ..
يلا الخطوة الاهم دعوة عبدالواحد او علي الاقل ابداء
حسن النوايا تجاهه بتنفيذ بعض مطالبه وارجاء طلب
دمج المليشيات كولها في الجيش لاحقا..
الكيزان بكرة ح يصرخوا بالجد جد.. نتحمل جوطتهم.
|
Post: #5
Title: Re: حمدوك والحلو يوقعان إعلان مبادئ فصل الدين
Author: adil amin
Date: 09-04-2020, 03:19 AM
Parent: #4
https://top4top.io/https://top4top.io/
مشكلة السودان الان فدالية تحرر الاقاليم من دولة الكعوك المركزية
مش علمانية او اسلامية الدولة
المشكلة المخطط الامبريالي المفضوح وتفكيك ما تبقى من السودان تحت هذه الترهاات
عبدالعزيز الحلو كان جزء من الحركة الشعبية الاصل واتفاقية نيفاشا ودكتور جون قرنق ومنصورخالد
والاسلام في السودان ما عنده علاقة بالاخوان المسلمين والسلفية ودي مشاريع امريكية بريطانية مفضوحة
الحركة الشعبية الاصل قدمت رؤية محترمة لكل السودان تنكر لها الكثيرين في الشمال والجنوب ايضا
علاج مشروع الانقاذ العفن والترابي من الاساس هو بالرجوع الي المرجعيات الدستورية دي دستور 1973 واتفاقية اديس ابابا وقوانين 1974 بدل قونين 1991 المستمدة من قوانين 1983 غير الدستورية
وايضا مرجعية دستور2005 نيفااشا والمحكمة الدستورية
الحصة وطن بتاعة المستهبل البرهان وشكرا حمدوك بتاعة كعوك مايو و اقنعة الزيف لابد ان تسقط
الحصة نظافة بي الدستور والمحكمة الدستورية وتحت الاضوا الكاشفة ذى استاد المريخ
ترجع المحكمة الدستورة وبكل صلاحيايتا
المراجع العلم
الاعلام الحر والمستقل تماما بلا وزير اعلام بلا كلام فارغ انتو غير سياداو بتاعتكم دي ما جبتو حاجة نافعة من امريكا
هل يوجد في امريكا وزير اعلام يا مشوهين المركز وعقاب عبد الناصر وصدام حسين
هل في امريكا الوالي يعين بالمحاصصة ولا يوجد مجلس تشريعي ولائي كما هو الاعلان الدستوري الوسخ ده
يحب ان تهيكل البلد بس والانتخابات الاقليمية ثم امركزية ثم الراسية
المحاصصة رجس من عمل المخابرات الاقليمية والدولية والدول الناهبة للسودان ومستمرة حتي الان
يا عبدالعزيز الحلو ركاب سرجين وقاع
اما التزم بي برنامج الحركة الشعبية الاصل الملزم لجنرالات البشير ديل وايضا تحالفك مع قوى ديمقراطية نظيفة في السودان كما هو الاتفاق مع الاتحادي الاصل وشوف ناس المبادي عبدالواحد نور وموسي هلال الصحوة وجبهة الشرق الاصل
حمدوك ده بتاع بنك دولي
وقحت وديل بعاعيت مايو من شعارهم وعلمهم وعيهم ظاهر
وقحت لمة بلا مشروع
وتريد ان تسقط السودان في فراغ دستوري وياتي التتار بي الفصل السابع يضعو ايديهم علي موارد السودان
وهسة الحكم الاقليمي للامركزي هو الحل ومحتاحة ليه دولة جنوب السودان ايضا وليس السودان https://top4top.io/https://top4top.io/
مشكلة السودان فدرالية وديمقراطية واعلام حر ومحكمة دستورية اي حاجة غير كده تراهات وترف مركز مقيت
المشاريع الوطنية السودانية الجيدة والمحترمة قااااعدة من تخترعو لينا العجلة
اي زول يلهث في دول الخليج ما سوداني اصلي ولا محترم من الاساس
الثورة تزحنا من الضباع دي
مصر السعودية الامارات
قطر تركيا
ونرجع للاقاليم ودولة جنوب السودان في هذه المرحلة بي الذات (العزلة المجيدة) ما يلزم السودان
انا عندي الموارد بلهث بره ليه ؟؟؟
قبل الرماد يكيل حماد
|
Post: #6
Title: Re: حمدوك والحلو يوقعان إعلان مبادئ فصل الدين
Author: جمال ود القوز
Date: 09-04-2020, 08:54 AM
Parent: #5
Quote: ينص على فصل الدين عن الدولة.
|
هل دي مشكلة يعني محتاجه اعلان مباديء .. ! ..
حكومة كلها علمانيين ومن مبادئهم فصل الدين عن الدولة ..
تصر الحركة الشعبية إنها توقعهم على تعهد
بي أمر أساسي من مباديء بيؤمنوا بيها ..
الحركة الشعبية شكلها قايلة إنها لسه بتفاوض الكيزان ..
ياخ ده شرط لامن الحلو حالف الكيزان ..
وبقى نائب والي ما اتوقف عنده ..
يجي هسه يشترطوا على حكومة كلها علمانيين ..
عجبي .. !!! .....
|
Post: #7
Title: Re: حمدوك والحلو يوقعان إعلان مبادئ فصل الدين
Author: Yasir Elsharif
Date: 09-04-2020, 09:05 AM
Parent: #6
إعلان مبادئ جيد وخطوة في الاتجاه الصحيح.
Quote: اهم. بنود الاتفاق التاريخي بين السيد حمدوك و القائد عبدالعزيز الحلو
١/إقامة دولة ديمقراطية تكرس حقوق جميع المواطنين ، عليه الدستور يجب ان يقر مبدأ "فصل الدين عن الدولة" و الا احترام حق تقرير المصير
٢/. حرية العقيدة والعبادة وممارسة الشعائر الدينية و لا يجوز للدولة إقامة دين رسمي.
٢ السودان مجتمع متعدد الأعراق والأعراق والأديان والثقافات و المساواة السياسية والاجتماعية الكاملة للجميع و لا يجوز التمييز على أساس ديني
٣/ جبال النوبة والنيل الأزرق يحتفظوا بالحماية الذاتية حتى يتم الاتفاق على الترتيبات الأمنية تحقيق "الفصل بين الدين والدولة".
٤/ اخيرا التقاسم المناسب والعادل للسلطة والثروة
|
منقول من مداخلة في بوست العالم.
|
Post: #8
Title: Re: حمدوك والحلو يوقعان إعلان مبادئ فصل الدين
Author: MOHAMMED ELSHEIKH
Date: 09-04-2020, 09:13 AM
Parent: #7
نفسي يدوني مثال لاي دولة في العالم غير علمانية
واتحدى
ياخي اي نظام يترك حرية التدين لمواطنيه by default دا نظام علماني
|
|
