الكوز علي الحاج ..مرسيدس بينز يا غالي

الكوز علي الحاج ..مرسيدس بينز يا غالي


09-01-2020, 12:12 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1598958733&rn=0


Post: #1
Title: الكوز علي الحاج ..مرسيدس بينز يا غالي
Author: HAIDER ALZAIN
Date: 09-01-2020, 12:12 PM

12:12 PM September, 01 2020

سودانيز اون لاين
HAIDER ALZAIN-
مكتبتى
رابط مختصر







الطارة دي هدية لأخونا علي الحاج له وللأخ توماس هيسلر تحية

اللي اليـوم في محاكمته بتهمة المشاركة في جريمة الإنقلاب صلح معلومات القاضي حول جنسيته ..








الشئ اللي صراحة ما عارفه فعلاً .. هل في السودان يحق للأجانب الإنتماء وترأس الأحزاب السياسية ؟؟!


Post: #2
Title: Re: الكوز علي الحاج ..مرسيدس بينز يا غالي
Author: Ali Alkanzi
Date: 09-01-2020, 06:11 PM
Parent: #1

ما هو دا الانفصام ذاتو البقولو عنو
طالما هو يحمل الجنسية السودانية وهو في الاراضي السودانية
والجريمة التي يحاكم عليها وقعت في السودان وقبل ان يصبح الماني
فليس لجنسيته الالمانية اي قيمة في هذه القضية
ولكن
الانفصام يحدث اكثر من ذلك
وفي هذه روايات شتي لاناس سودانيين انفصموا عندما حلصوا على جنسية بلد آخر خاصة دول الغرب

وابكي يا بلدي الحبيب

Post: #3
Title: Re: الكوز علي الحاج ..مرسيدس بينز يا غالي
Author: علي عبدالوهاب عثمان
Date: 09-01-2020, 06:25 PM
Parent: #2

حبيبنا حيدر تحياتي
كنت أقرأ قبل قليل
رد على القاضي (( أنا ألماني من اصول سودانية ))

كما يقول الخلايجة (( والنعم ما عليه زود ))

كان الله في عون السودان
بالله الواحد تحصل على جنسية العالم الأول
ما هو الداعي لحشر نفسه في مشاكل البلد

تحياتي الحبيب حيدر


Post: #5
Title: Re: الكوز علي الحاج ..مرسيدس بينز يا غالي
Author: HAIDER ALZAIN
Date: 09-02-2020, 01:06 PM
Parent: #3

تحياتي يا حبيبنا علي عبدالوهاب

Quote: كان الله في عون السودان
بالله الواحد تحصل على جنسية العالم الأول
ما هو الداعي لحشر نفسه في مشاكل البلد


تقول شنو بالله ...
هسه شوف بالله الامريكان وبقية الخواجات الزاحمننا في المنر دا تحشراً في حكومتنا ..
ويتحشروا كمان بإستعلاء بإعتبارهم وليدات الديمقراطية والحريات كمان ؛)

لكن هم عموماً مواسير

عندنا دفعتنا كان بتاع سياسة وأركان في الجامعة هاجر أمريكا بعد عام 2000م ونحن ضربنا الخليج والكبسيبة ..
لفت الأيام وما اتصادفنا إلا في سنة 2018م في السودان وقعدنا مجموعة نستعيد الحكي وفتحنا مسارب السياسة ..
ففي نقاش وإختلاف سألناه رأيه كان رده..انا ما بقدر اناقشكم والله لانه خلفياتنا مختلفة وقيمي كسياسي أمريكي تختلف عنكم ..
لكن ممكن أديكم بروتكول لإدارة حوار ديمقراطي .. ؛)

طبعاً اكتر شيء كان بيدورنا بيها وقت يقول ليـك أنا كناخب امريكي أسهمت في إختيار أوباما ؛)


مودتي

Post: #4
Title: Re: الكوز علي الحاج ..مرسيدس بينز يا غالي
Author: HAIDER ALZAIN
Date: 09-02-2020, 12:51 PM
Parent: #2

سلامات الأخ علي الكنزي ..

Quote: طالما هو يحمل الجنسية السودانية وهو في الاراضي السودانية
والجريمة التي يحاكم عليها وقعت في السودان وقبل ان يصبح الماني
فليس لجنسيته الالمانية اي قيمة في هذه القضية


صراحة قريت في بعض المواقع انه تحصل عليها بعد المفاصلة .. يعني نهاية التسعينات ..
الوضع القانوني لجنسيتك وقت ارتكاب الجريمة ماعارف النظرة ليها شنو
لكن اظن انه كلامك صاح تغيير جنسيتك لا يعفيك من تبعات ارتكاب جريمة ..!

انا الشئ العاوز افهمه كيف لألماني الجنسية يكون عو وبل يقود حزب سياسي سوداني ؟؟


Post: #6
Title: Re: الكوز علي الحاج ..مرسيدس بينز يا غالي
Author: علي عبدالوهاب عثمان
Date: 09-02-2020, 01:56 PM
Parent: #4

الحبيب حيدر ..
ما شاء الله علي الحاج ( زول مروق ) ما يحتاج
ومعاه جنسية ألمانية يعني كده جودة الحياة في المانيا
بيئة 100% أهم شيء في هذا السن العلاج ودواء ( كله متوفر )
اذا اشتاق للوطن ممكن يزور الوطن يقضي وقت جميل ( عزومة كدا للاهل والغلابا)
وحكايات وجلسات ... إلخ
يعمل مزرعة كدا فواكه ونخيل وشوية بهائم ( وفيلا في نص المزرعة )

معقول بني آدم يحشر نفسو في حزب .. وكمان يصل كوبر .. يستاهل
حب السلطة مرض ..

تحياتي الحبيب حيدر ..

Post: #7
Title: Re: الكوز علي الحاج ..مرسيدس بينز يا غالي
Author: أحمد محمد عمر
Date: 09-02-2020, 02:07 PM
Parent: #6





Post: #8
Title: Re: الكوز علي الحاج ..مرسيدس بينز يا غالي
Author: HAIDER ALZAIN
Date: 09-02-2020, 02:46 PM
Parent: #7

وعاين المسحلب دا كمان بيقول في شنو !

قال اسمه ابو تاجا مرفعين الليل هجام الدهاليق ؛)

Post: #9
Title: Re: الكوز علي الحاج ..مرسيدس بينز يا غالي
Author: Nasser Amin
Date: 09-03-2020, 08:53 AM
Parent: #8


😂




...
..
.

Post: #10
Title: Re: الكوز علي الحاج ..مرسيدس بينز يا غالي
Author: ولياب
Date: 09-03-2020, 09:09 AM
Parent: #9

علي مارك ،،، لا أقصد علي يورو

وارث الألمانية كابر عن كابر ( ولمثل هذا اليوم كانوا يتجنسون) .

ألحقيني يا ميركل !!!!

Post: #11
Title: Re: الكوز علي الحاج ..مرسيدس بينز يا غالي
Author: علاء سيداحمد
Date: 09-03-2020, 09:19 AM
Parent: #10

سلام يا حيدروف

الجنسية الالمانية ما ح تمنعوا المحاكمة ولا ح تخفف عنه العقوبة
غايتو عرفنا شئ جديد كان غايب عننا عن مماحكات الكيزان .

Post: #12
Title: Re: الكوز علي الحاج ..مرسيدس بينز يا غالي
Author: HAIDER ALZAIN
Date: 09-03-2020, 10:50 AM
Parent: #11

سلامات وتقديري للجميع..

في الوضع دا بيبقى السؤال المدور في بالي ..

هل في جماعات الديسبورا الإجتاحت مفاصل الحكم والإدارة حالياً في السودان في ناس وضعهم مشابهه للمرسيدس؟

وكذلك الأحزاب .. هل في مجالسها القيادية المتقدمة وعضويتها أجانب - بمعنى الاوراق الثبوتية - !

المسألة دي لو عرف ومسألة عادية وفي قانون بيحكمها.. حا اعتذر لعلي الحاج وود المدير :) ..

لو مافي ماخددها ساي مماحكات كيزان ياقول علاء يبقى هل اتقفل باب المماحكات دا والا مفتوح..
لانه زي المسألة بتاعت ازدواج الجنسية اتناقشت وسط مباحثات السلام..

وفي الأخيـر ماواقعة لي اساساً زول يكون عنده منصب دستوري ويحمل جنسية مزدوجة كيف؟
هسه لو قالوا ليهو سمع نشيد العلم يقرأ ياتو؟


Post: #13
Title: Re: الكوز علي الحاج ..مرسيدس بينز يا غالي
Author: HAIDER ALZAIN
Date: 09-03-2020, 12:44 PM
Parent: #12

صحيفة السوداني

Quote:
تقرير: إيمان كمال الدين

التهمة: تقويض النظام الدُستوري بالانقلاب العسكري على سلطة مُنتخبة في الـ 30 من يونيو 1989م، المكان معهد العلوم القضائية شرق الخُرطوم،الزمان: الثلاثاء الأول من سبتمبر العاشرة صباحاً ، المُتهم رقم “4”، د. علي الحاج رئيس حزب المؤتمر الشعبي.
يعود لُيحرك البركة الساكنة في فضاء الأحداث السياسية ولكن هذه المرة من خلف القُضبان الحديدية.
علي الحاج الذيّ نفى في العام 2017م إسقاطهُ الجنسية السودانية مُقابل الحصول على الألمانية، قال عقب انطلاق جلسة المُحاكمة مُجيبًا على سؤال القاضي عن بياناته، اسمه، عمره، جنسيته: الجنسية ألماني من أصول سُودانية.
ما وراء الإجابة
وبذلك أثارت إجابة د. علي الحاج العديد من التساؤلات ، لماذا؟ وإذا ما كان ذلك يُمكن أن يؤثر على سير القضية والمُحاكمة، بينما ضجت وسائل التواصل الاجتماعي بتناول الحديث بشيءٍ من السُخرية وبعض الحسرة..!
الناطق باسم هيئة الاتهام في انقلاب 30 يونيو مُعز حضرة قال في حديثه لـ(السوداني): إن ذلك لا يمنع من محاكمة علي الحاج، بغض النظر عن جنسيته، واصفاً ذلك بأنها خُطوة لا معنى لها ومحاولة لتعطيل الإجراءات.
وأضاف: لا توجد قيمة لا قانونية ولا سياسية لما قاله وهو افتخارٌ في غير محله، وإذا ارتكب السوداني جريمة في ألمانيا يُعاقب بغض النظر عن جنسيته، والعكس أيضاً.
خبراء قانون أشاروا إلى أن حاملي الجوازات الأجنبية يخضعون للقانون السوداني فيما يتعلق بالمحاسبة على الجرائم والمخالفات وأن الجواز الآخر لا يحمي سواء كان داخل البلاد أم خارجها.
وفي مارس من العام 2017م انتخب علي الحاج أميناً عاماً للمؤتمر الشعبي خلفاً لرئيس الحزب الراحل د. حسن الترابي.
ولم تكن الجنسية الألمانية التي يحملها علي الحاج مثارُ جدلٍ الآن فقط، فسابقًا ظل هذا السؤال يُلاحقهُ إذ يُشترط التخلي عن جنسيتك.
في مايو من العام 2017م نفى علي الحاج خلال لقاء في برنامج “لقاء خاص” على قناة الشروق إسقاطهُ الجنسية السودانية قائلًا: كثيرون يحملون جنسية مزدوجة، وحصلت عليها بموجب قانون قبل مائة عام صادر في العام 1913م، “هذا كلام السفهاء بأنني لا أحمل الجنسية السودانية يردونها للآخرين، ويمنعوني، هذا ظُلمٌ شديد”.
الجنسية المُزدوجة
يظل الحديث عن الجنسية المزدوجة، وحصول عدد من السياسيين والنشطاء عليها محل جدل أُثير سابقاً إبان المفاوضات بين المجلس العسكري وقوى الحُرية والتغيير على الوثيقة الدستورية الحاكمة للفترة الانتقالية حول استثناء حاملي الجنسية المُزدوجة من تولّي منصب سيادي.
وتنص الوثيقة الدستورية على أن يكون عضو مجلس السيادة سودانياً بالميلاد ولا يحمل جنسية دولة أُخرى.
بينما يُشترط في رئيس وعضو مجلس الوزراء أن يكون سودانياً بالميلاد، مع مراعاة الشروط الواردة في الفقرة 1 ، أ، حيثُ يشترط في أيّ من رئيس الوزراء ووزراء الدفاع والداخلية، والخارجية، والعدل ألا يحمل جنسية دولة أُخرى.
وبحسب الوثيقة يجوز الاستثناء من هذا الشرط بالتوافق بين مجلس السيادة وقوى إعلان الحُرية والتغيير لرئيس الوزراء، وبالتوافق بين مجلس السيادة ورئيس الوزراء بالنسبة للوزراء في الفقرة 1، أ.
في ذات السياق يحق للسودانيين وفق قانون الجنسية السودانية لعام 1994م حمل جنسية أُخرى، وهو ما لم يكن متاحاً في القانون القديم.
ابتزاز سياسي
الخبير الاستراتيجي د. الهادي أبو زايد اعتبر في حديثه لـ(السوداني) أن مسألة ازدواجية الجنسية في دول العالم الثالث أمر شائع ولهُ أسبابهُ .
مُشيرًا إلى أنها تُمنح للنابغين في العلوم أحيانًا وذلك حتى تستفيد الدول منهم، منوها إلى أن بعض السياسيين يتحصلون على جنسية أُخرى لحمايتهم، بينما تعمل بعض الدول الأوروبية على الابتزاز السياسي لحملة الجنسيات ومنحهم لها مُقابل خدمات، واصفًا حمل السياسيين لجنسية أُخرى بالشيء الطبيعي.
وتابع: يجب أن لا يتولى أصحاب الجنسية المُزدوجة المناصب المُتعلقة بالأمن القومي، أو السيادية.
أبرز الشخصيات
في العام 2007م قال السفير البريطاني بالخرطوم إيان كاميرون في تصريح أثار الجدل أن ثُلثي الحكومة السودانية بريطانيون.
أما أبرز الشخصيات السياسية الحاملين لجوازات أجنبية في النظام السابق منهم د. قطبي المهدي الذي يمتلك الجواز الكندي، أما الزبير بشير طه، مصطفى عثمان اسماعيل، السماني الوسيلة، جلال يوسف الدقير فيحملون الجواز البريطاني.
عبد الرحمن إبراهيم الخليفة ، د. كرار التهامي، محمد محمد خير “كندي”، د. محمد الأمين “بريطاني”، الفاتح عروة “أمريكي”.
بينما تحتفظ ذاكرة الخُرطوم برفض الروائي الطيب صالح الحصول على الجنسيتين المصرية والبريطانية .



Post: #14
Title: Re: الكوز علي الحاج ..مرسيدس بينز يا غالي
Author: قسم الفضيل مضوي محمد
Date: 09-03-2020, 08:25 PM
Parent: #13

.
ايام زيارة وفد المنافي بقيادة خالتك تراجي للخرطوم وفي أول مؤتمر صحفي وكان عبارة عن تعارف ...
جاء الدور على تعريف صاحبك قريمان ... فقامت خالتك بتعريفه كالتالي ...
الطيب رحمة قريمان ، مواطن كندي ...
قام مدير المؤتمر بي نهرة قال ليها الزول دا كندي ولا سوداني؟ ... هههه
صاحبتك اتكبكبت وقعدت تتمتم ...

Post: #15
Title: Re: الكوز علي الحاج ..مرسيدس بينز يا غالي
Author: HAIDER ALZAIN
Date: 09-04-2020, 10:52 PM
Parent: #14

قسم الفضيل سلامات

Quote: صاحبتك اتكبكبت وقعدت تتمتم ...


يازول خالتو فرنصا لا بتتكبكب لا بتمتم ..
دي كندية متسلطة قاهر..
ما شفتها في المؤتمر القلتو دا وقفت قريمان وقعدتو زي التلميذ كيف؟
قوم يا الطيب ..
أقعد ياقريمان هههههههه

يا حليلها كانت إنسانة منتجة وتتعشم افق اكثر اتساع لطموحها ..

الاخوة المزدوجين من أجانب كندا من ضمن الاجانب الذين اسهموا اسهامات جيدة في الحراك السوداني ..