المهم ..أظن جاري تنصيب سيسي السودان المكون العسكري لا يمانع في التطبيع وبادر من قبل.
و احزاب قحط بأيدولوجياتها المستوردة ترفض التطبيع من منطلق ايدولوجي لا ناقة لنا فيه و لا جمل.
الفلسطنيين أنفسهم يتفاوضون مع اسرائيل و يعقدون الاتفاقيات في (أوسلو) وغيرها.
يجيك واحد يقول ليك اسرائيل بلد محتلة وتلقاهو طلع مظاهرات لمن صدام احتل الكويت تأييدا لصدام وبهتف اضرب يا صدام بالكيماوي يا صدام وديل هم القوميين العرب الهسي ضد التطبيع.
يعني ببساطة المسألة ما مسألة مبدأ.
Post: #2 Title: Re: ق ح ت اضاعت فرصة على السودان Author: sadiq elbusairy Date: 08-25-2020, 07:15 PM Parent: #1
افضل قرار اتخذته قحت على الاطلاق التطبيع مقابل رفع إسم السودان من قائمة الدول الراعية مرفوض التطبيع من قبل الندية و التبادل المتوازي و المتزن هو المطلوب أما لي الزراع فهذا ينتهك كرامة السودان شعبا و أرضا و هذه صفعة ممتازة في جبين حكومة ترمب الفاشلة
Post: #3 Title: Re: ق ح ت اضاعت فرصة على السودان Author: Dr. Ahmed Amin Date: 08-25-2020, 07:22 PM Parent: #2
رأي الشخصي ...
بالعكس لو تصرفت قوة الحرية والتغيير أو رئيس الوزراء عكس ذلك لثبت بأنهم لا يفقهون في السياسة شيئ ..
تصرفهم سياسي بامتياز وذكي جدا ..
وهي رسالة لاتحاهات متعددة وسيكون لها مردود ايجابي.
Post: #4 Title: Re: ق ح ت اضاعت فرصة على السودان Author: علي عبدالوهاب عثمان Date: 08-25-2020, 07:35 PM Parent: #3
دكتور احمد تحياتي أحزاب قحت في مبادئها العدو هو اسرائيل الحزب الشيوعي موقفه من زمان النضال ضد الامبرالية أيام شبابنا كنا نتغنى نضال الشعب الفلسطيني وكان الاخوان المسلمين متخاذلين وعلى نفس النهج حزب البعث العربي الحزبان البعث والشيوعي مع نضال الشعب الفلسطيني
تحياتي الدكتور
Post: #5 Title: Re: ق ح ت اضاعت فرصة على السودان Author: Nasser Amin Date: 08-25-2020, 08:11 PM Parent: #4
Quote: افضل قرار اتخذته قحت على الاطلاق التطبيع مقابل رفع إسم السودان من قائمة الدول الراعية مرفوض التطبيع من قبل الندية و التبادل المتوازي و المتزن هو المطلوب أما لي الزراع فهذا ينتهك كرامة السودان شعبا و أرضا و هذه صفعة ممتازة في جبين حكومة ترمب الفاشل
سلامات الاخ الصادق في السياسة الدولية اي حاجة بثمن و كل خطوة لها ما يبررها. مسألة الندية و التبادل كان يمكن أن تناقش قبل قفل الباب. بعدين حكاية صفعة في جبين ترامب و تحت جزمتي دي كان لغة المخلوع التي اوردت بلد و شعب للهلاك ألفاظ و شتائم و عنترية و نشوة لحظية وسط اغاني حماس و رقيص. النتيجة الحالة الماثلة اليوم.
Post: #16 Title: Re: ق ح ت اضاعت فرصة على السودان Author: sadiq elbusairy Date: 08-26-2020, 01:15 AM Parent: #5
أتفق معك في أن العلاقات الدوليه فيها اخذ و عطاء و أحيانا عطاء قبل الأخذ، لكن هناك ايضا مبادئ في التنازلات و قيم اهمهل و اساسها: عدم المساس بالإرادة الوطنية السودانية و فرض التوجهات و الاراء عدم المساسة باستقلال السودان و استقلال قراره عدم المساس بكرامة السودان و السودانيين الاراء من ناحية أخرى «عبارة صفعة» ، ليست عنتريات و ليست من اختراع النظام البائد و هو تعبير كثير ما تجده في الإعلام الأمريكي ( that was slap in the face)، و ما هي كما وصفتها، و لو متابع السياسة الأمريكية و أجواء انتخابات قادمة و فوز دونالد ترمب بترشيح الحزب الجمهوري للترشيح لانتخابات فترة رئاسية أخرى، و تأتي مساعي ترمب لكسب اليهود من خلال استخدام الضغط على الدول العربية لكسب ود الثقل اليهودي في الإنتخابات و هو يسعى إلى ذلك خصوصا بعد تصاعد و تيرة الآراء المعارضة لادارته بسبب فشل إدارته في إدارة أزمة كرونا فقدان كثير من اصوات الامريكان الأفارقة و تصاعد حملة ( black live matters) لست يا اخ ناصر من الغوغاء التي تلقي الكلام على عواهنه دون معنى او قصد او حتى تقليد لاي شخص اخر عليه ارجو قبل الحكم على كلامي تمعن فيه جيدا لكي لا تصيبك جهالة بمعرة. أما عن الندية فذلك شأن لا باب يقفل أمامها في حال تحلى الحاكم بالإرادة الوطنية
إحترامي و نقديري
Post: #6 Title: Re: ق ح ت اضاعت فرصة على السودان Author: Ali Elarifi Date: 08-25-2020, 08:14 PM Parent: #1
من اقوي القرارات التي اتخذتها حكومة الثورة. ونامل ان تضع حدا لتلاعب الامريكان بعدم ازالة اسم السودان من قائمة الدول الراعيه للارهاب. والقرار مدني بامتياز وكمواطن معه ١٠٠%.
Post: #7 Title: Re: ق ح ت اضاعت فرصة على السودان Author: عماد الدين الطيب عمر Date: 08-25-2020, 08:50 PM Parent: #6
تحياتي صاحب البوست حمدوك عارف انو بامبيو جايي لشنو و ح يتكلم في شنو و المفروض يكون جاهز لكن يخليها عايمة كدة دي المصيبة عايزين تطبيع بمصالحة متوازنة و مشتركة و رفع اسم السودان من القائمة السوداء الامريكية و اعفاء الديون و ايداع مبلغ معتبر من مليارات الدولارات في خزينة البنك المركزي السوداني و بعدها نقول بكارتوف و نقول شالوم مالنا و مال فلسطين اي واحد و مصلحته
Post: #8 Title: Re: ق ح ت اضاعت فرصة على السودان Author: Nasser Amin Date: 08-25-2020, 09:19 PM Parent: #7
Quote: رأي الشخصي ...
بالعكس لو تصرفت قوة الحرية والتغيير أو رئيس الوزراء عكس ذلك لثبت بأنهم لا يفقهون في السياسة شيئ ..
تصرفهم سياسي بامتياز وذكي جدا ..
وهي رسالة لاتحاهات متعددة وسيكون لها مردود ايجابي.
مرحب بدكتور أحمد بالعكس يا دكتور لا ينم عن ذكاء بل ينم عن عجز القادرين على التمام و المختلفين على الاتفاق. أسهل حاجة تعملها احزاب ق ح ت تعليق الامور و عدم الحسم . المشكلة الامور متسارعة ولا تنتظر من جهة التجربة الانتقالية برمتها معرضة للخطر وهذا هو المخرج. من جهة اخرى تجري الان فكرة تنظيم مؤتمر سلام بخصوص الشرق الاوسط قائم على حل الدولتين وزير خارجية بريطانيا الان في اسرائيل بهذا الخصوص. ناس ق ح ت بضيعوا في الزمن و الفرص (لاحظ قحت قالت الانتقالية غير مخولة للبت في الامر و حمدوك حاول يصلحها بقوله لحين اكتمال هياكل السلطة).
Post: #10 Title: Re: ق ح ت اضاعت فرصة على السودان Author: Nasser Amin Date: 08-25-2020, 09:41 PM Parent: #8
Quote: من اقوي القرارات التي اتخذتها حكومة الثورة. ونامل ان تضع حدا لتلاعب الامريكان بعدم ازالة اسم السودان من قائمة الدول الراعيه للارهاب. والقرار مدني بامتياز وكمواطن معه ١٠٠%
سلامات الاخ علي بختلف معاك القرار لم يراعي المصلحة العليا للبلد ولا المواطنين. في واقع جديد في المنطقة و القرارت يجب الا تتخذ وفق الاهواء الشخصية أو الايدولوجية. الانظمة العربية تكدس الاسلحة بمليارات الدولارات و لا تستخدمها الا ضد مواطنيها أو ضد بعض الدول العربية المغلوبة على امرها وكلهم لهم علاقات مع اسرائيل ما تشوف الجعجعة في وسائل الاعلام.
Post: #9 Title: Re: ق ح ت اضاعت فرصة على السودان Author: Gafar Bashir Date: 08-25-2020, 09:22 PM Parent: #7
Quote: التطبيع مقابل رفع إسم السودان من قائمة الدول الراعية مرفوض التطبيع من قبل الندية و التبادل المتوازي و المتزن هو المطلوب
اذا فعلا ده كنا موقف قحت او رئيس الوزراء يكون اغبي موقف في التاريخ ندية شنو ومع منو؟
الموقف الصحيح عايزين شنو تطبيع مع اسرائيل طيب تمام ارفعوا السودان من قائة الارهاب ياخي وادونا حوازات امريكية نمشي نرشح ونفوز ليكم ترامب دي السياسة اما اناس امريكا روسيا قد دنا عذابها ده موضوع ما عندو ليهو سنة تانية
Post: #11 Title: Re: ق ح ت اضاعت فرصة على السودان Author: منتصر عبد الباسط Date: 08-25-2020, 09:47 PM Parent: #9
Quote: الفلسطنيين أنفسهم يتفاوضون مع اسرائيل
وما علاقة التفاوض مع المحتل لتسوية اوضاع من هم تحت سلطة الاحتلال أو هم قي الشتات من ضحايا الاحتلال بمسألة المصالحة ؟! التفاوض شيء ضروري للطرف الذي تم احتلال أرضه أما نحن ما شأننا ؟؟؟ اسرائيل محتلة ومغتصبة لأرض بها مقدسات اسلامية مهمة حرم المسلمين من زيارتها ورعايتها وشعبها مشرد فطالما تم خزلانهم أقلاها تستمر المقاطعة ثم لماذا تفرض علينا هذه المسألة وهي التطبيع مع اسرائيل دون تأييد برلمان منتخب ؟؟!! هذه شمولية قبيحة وتسلط من أقلية شاذة فكراً ورؤية
Post: #12 Title: Re: ق ح ت اضاعت فرصة على السودان Author: Nasser Amin Date: 08-25-2020, 10:07 PM Parent: #9
Quote: تحياتي صاحب البوست حمدوك عارف انو بامبيو جايي لشنو و ح يتكلم في شنو و المفروض يكون جاهز لكن يخليها عايمة كدة دي المصيبة عايزين تطبيع بمصالحة متوازنة و مشتركة و رفع اسم السودان من القائمة السوداء الامريكية و اعفاء الديون و ايداع مبلغ معتبر من مليارات الدولارات في خزينة البنك المركزي السوداني و بعدها نقول بكارتوف و نقول شالوم مالنا و مال فلسطين اي واحد و مصلحته
سلام الاخ عماد المسألة فيها أبعاد أغلبها نفسي و البعض ديني مثلا النظام المباد عامل علاقات مميزة مع الصين الما عندها دين اصلا. و شوف الشيزوفرينيا وين؟! مصر محتلة اراضينا و يتعاملوا معاها عادي ،زيارات و لقاءت و تبادل مصالح ومافي واحد تكلم عن احتلال اراضينا. شفت الحول السياسي و النفاق. اسرائيل الكعبة استقبلت لاجئين من السودان وبعشرات الالاف هربا من نظام الجبهة الاسلامية. حان الوقت للالتفات لمصالح البلد و كفاية تجارة.
Post: #13 Title: Re: ق ح ت اضاعت فرصة على السودان Author: Nasser Amin Date: 08-25-2020, 10:46 PM Parent: #12
Quote: اذا فعلا ده كنا موقف قحت او رئيس الوزراء يكون اغبي موقف في التاريخ ندية شنو ومع منو؟
الموقف الصحيح عايزين شنو تطبيع مع اسرائيل طيب تمام ارفعوا السودان من قائة الارهاب ياخي وادونا حوازات امريكية نمشي نرشح ونفوز ليكم ترامب دي السياسة اما اناس امريكا روسيا قد دنا عذابها ده موضوع ما عندو ليهو سنة تانية
سلامات جعفر مصالح و بس. الكل شغالين تحت الطاولة و أعني الانظمة العربية و نحن شايلين القفة. وكل صباح نزداد ضعفا و نقصا في الانفس و الثمرات و (الاراضي) من الجيران يمينا و شمالا و حريه سقيت بالدماء مهددة. فوق كم؟!
Post: #14 Title: Re: ق ح ت اضاعت فرصة على السودان Author: Nasser Amin Date: 08-25-2020, 11:30 PM Parent: #13
Quote: وما علاقة التفاوض مع المحتل لتسوية اوضاع من هم تحت سلطة الاحتلال أو هم قي الشتات من ضحايا الاحتلال بمسألة المصالحة ؟! التفاوض شيء ضروري للطرف الذي تم احتلال أرضه أما نحن ما شأننا ؟؟؟ اسرائيل محتلة ومغتصبة لأرض بها مقدسات اسلامية مهمة حرم المسلمين من زيارتها ورعايتها وشعبها مشرد فطالما تم خزلانهم أقلاها تستمر المقاطعة ثم لماذا تفرض علينا هذه المسألة وهي التطبيع مع اسرائيل دون تأييد برلمان منتخب ؟؟!! هذه شمولية قبيحة وتسلط من أقلية شاذة فكراً ورؤي
سلام منتصر المواجهة العسكرية الحقيقية بين اسرائيل و العرب انتهت منذ اتفاقية كامب ديفيد. أنظر لدول المواجهة مثلا حزب الله اتخذ من موضوع اسرائيل و المقاومة حجة للسيطرة على الدولة اللبنانية و شوف ما آلت اليه الامور في لبنان الان و الان يفتعلون مشكلة مع اسرائيل (لا صوت يعلو فوق صوت المعركة) وهم في الحقيقة بخدمون اهداف ايران في المنطقة.
تركيا التي لبست جبة الخلافة الاسلامية مؤخرا تنتقد التطبيع مع اسرائيل أنظر لعلاقتها السياسية و الدبلوماسية و الاقتصادية مع اسرائيل تفوق مع الدول العربية مجتمعة.
بالنسبة للنقطة الاخيرة أنا من المطالبين لاخضاع الموضوع لاستفتاء شعبي أو برلمان.
وفي نفس الوقت ارفض ان تفكر بعض القوى السياسية نيابة عن السودانيبن وتقرر من منطلقاتها الايدولوجية أو الدينية المضللة.
Post: #15 Title: Re: ق ح ت اضاعت فرصة على السودان Author: Abureesh Date: 08-26-2020, 01:14 AM Parent: #14
Quote: وما علاقة التفاوض مع المحتل لتسوية اوضاع من هم تحت سلطة الاحتلال
يا منتصر يجوز كلامك يكون صاح.. ما مفروض تكون مفاوضات.. المفروض نعمل معاهم الإتفاقيات الأربعة العاملينها مع مصر.. ونلغى التأشيرات برضو نخلى الإسرائيليين يدخلوا السودان بدون تأشيرات. ونديهم حق تملك الأراضى الزراعية.. موش دى معاملتنا للمصريين الذين تحت سلطة إحتلالهم لحلايب وشلاتين أوضاع أهلنا البجــة؟
Post: #17 Title: Re: ق ح ت اضاعت فرصة على السودان Author: اخلاص عبدالرحمن المشرف Date: 08-26-2020, 02:29 AM Parent: #15
الموقف الصحيح هو انقاذ السودان إنقاذه من الابتلاع بواسطة مصر وسواها وإنقاذ المواطن من الفقر والجوع ولم تقف ق حت هذا الموقف بل انتصرت لرؤساء احزابها. أربعة رجال هم الأسوأ في تاريخ الأحزاب.
شكراً حمدوك فقد عدلتها ، تجيب لهم مخ من وين. اذا اشتدت الأزمة يذهب الجميع لانتخابات مبكرة مجلس تشريعي معين يكمل الهياكل وبستان مسئولية السلطة
Post: #18 Title: Re: ق ح ت اضاعت فرصة على السودان Author: اخلاص عبدالرحمن المشرف Date: 08-26-2020, 02:32 AM Parent: #17
* يستلم
Post: #19 Title: Re: ق ح ت اضاعت فرصة على السودان Author: عبدالعظيم عثمان Date: 08-26-2020, 05:08 AM Parent: #18
للأسف ساطع الحاج وعلى السنهوري وأب رأس ساقوا قحت بالخلا.. وضيعوا فرصة كبيرة بي حسابات العلاقات الدولية نحن مارقين من تحالف القاعدة داعش إيران فرصة زي دي حتعيد توازن علاقات السودان الخارجية عدم أخذ قرار في تحمل مسؤلية التطبيع كارثي
الناس ديل دراويش ولا شنو نحن تحويلات المغتربين ما قادرين تستقبلها زي باقي الدول فقط لأننا لا نزال دولة مارقة تمت شيطنتها وشيطنتة مواطنيها.. ارحموا هذا الشعب
ماذا سنخسر من التطبيع؟ ولا شئ هو نحن أصلاً كسبانين شنو من الموقف الواقفين فيه عالم وهم
Post: #21 Title: Re: ق ح ت اضاعت فرصة على السودان Author: sadiq elbusairy Date: 08-26-2020, 06:59 AM Parent: #9
الاخ جعفر بشير
[ ذا فعلا ده كنا موقف قحت او رئيس الوزراء يكون اغبي موقف في التاريخ ندية شنو ومع منو؟]
اعيد اليك السؤال بتاعك بصورة اخرى لماذا تريد اسرائيل التطبيع مع السودان و لماذا تسعى امريكا لضمان حدوث ذلك؟ لو عندك اجابة ح تعرف القصد من الندية شنو تبخيس الذات هو الضيع البلد دي اما مسالة الانتخابات الامريكية المعروف للجميع و بدون اي استهزاء ان اللوبي الصهيوني في امريكا لديه زراع قوية في ترجيح كفة الانتخابات ما محتاجين يدوك جوازات ترمب يريد ان يكسب هذا اللوبي بتحقيق مطالبه اما انت و السودان جميعا في نظرهم لا قيمة لك و لكن اسرائيل تعلم القيمة ارجو ان اكون وضحت المفارقة التي تتحدث عنها بسؤالك اما محاربة الامبريالية العالمية سواء بالصيغة الكيزانية او بالصيغة الشيوعية او الما عارفين و ين ربنا خاتيهم انما هو مبدأ استغله كلا على هواه اي جوهرة في فم كلاب الكيزان استغلوا العاطفة الدينيةالشيوعيون استغلوا مناهضة الامبريالية الما عارفين ربنا خاتيهم وين بعاينوا تحت اقدامهم فتارة مع هذا و تارة مع ذاك لانهم لا يملكون رؤية مثلهم مثل الكلب ان تحمل عليه يلهث و ان تتركه يلهث المقاربات الفطيرة هي التي اوردت هذا البلد مورد الهلاك لما تعرف ان الامن الغذائ العالميو لما تعرف حرب المياه المعلن منها و الخفيو لما تعرف قيمة بلدك و ناسكفقط ستعلم معنى الندية و المقصود منها
Post: #20 Title: Re: ق ح ت اضاعت فرصة على السودان Author: Khalid Abbas Date: 08-26-2020, 06:48 AM Parent: #1
على حمدوك الإستقالة طالما تسيطر هذه العقليات الخربة على المشهد لن يحقق اي تقدم في برنامج إقتصادي او رفع اسم السودان من قائمة الدول الراعية للإرهاب حمدوك الان عبارة عن درقة للاحزاب المخربة ولن يسكت الشارع اكثر من ذلك . لا فرق بين امريكا روسيا قد دنا عذابها وبين شعارات اليسار ضد الغرب ولن يحكمنا البنك الدولي
Post: #22 Title: Re: ق ح ت اضاعت فرصة على السودان Author: Mahjob Abdalla Date: 08-26-2020, 07:43 AM Parent: #20
Quote: عايزين تطبيع بمصالحة متوازنة و مشتركة و رفع اسم السودان من القائمة السوداء الامريكية و اعفاء الديون و ايداع مبلغ معتبر من مليارات الدولارات في خزينة البنك المركزي السوداني
مصالحة متوازنة مع اليد السفلى (اعفاء الديون و وديعة جديدة), هذا ما يصير!
__________________ اها الوديعة الجديدة, دين جديد و لا صدقة؟
Post: #23 Title: Re: ق ح ت اضاعت فرصة على السودان Author: نعمات عماد Date: 08-26-2020, 08:46 AM Parent: #22
سلام عليكم شاهدت ساطع الحاج يتكلم بتشنج بأن التطبيع مرفوض نهائياً في
السودان، في إنكار واضح للموافقين على التطبيع و منهم الجيش
و مجموعات و أفراد تختلف دوافعهم. المهم ساطع يتكلم كأنه
مفوض من الشعب ولا يقدم حجج مقنعة او رؤية واضحة لحل
مشاكل السودان و الخروج به من قائمة الإرهاب، المهم عنده
الحفاظ على حالة العداء مع دولة إسرائيل للأبد مما يضع السودان
اتوماتيكلي في معسكر إيران و حزب الله و بشار الأسد.
ساطع و فيصل و الشيوعيون، هولاء الضحلين، كيف يتحكمون في
مستقبل السودان و يقودون السودان في طريق عداواتهم الإيدلوجية
كما قاد الكيزان السودان في درب ايدلوجيتهم المشؤوم.
التعاطف مع القضية الفلسطينية وعيناه منذ تفتحت أعيننا على الدنيا
و لو بإستطاعتنا حل مشاكل السودان و فلسطين لفعلنا، و لكن بعد
عمر كامل اتضح ان خيارات العداوة فوق انها لم تحل مشكلة فلسطين
فهي قد خلقت مشكلات للدول المعادية و نحن منها.
هل نجرب المجرب أم ننقذ دولنا من الإنهيار واحدة فواحدة one at a time.
هل توجد أي دولة في العالم ترفض أي حلول و تفضل ان تختفي الخريطة
من أجل السودان؟ التطبيع بشروط و من غير تهافت أو خنوع هو الطريق
الوحيد حتى الآن، ان لم يحدث الآن فسيحدث مستقبلاً لأن السعودية و دول الخليج
ستطبع عاجلاً أم آجلاً و لن يبقى سوى إيران و القوميين العرب و الشيوعيين و دول
إسلامية متشددة، كلهم في معسكر واحد. اذا كانت أمريكا قد فرضت عليك عقوبات تتيجة
لمعاداتها، فكيف تعاديها بفهم آخر و تتوقع أن تعفيك من العقوبات.
علمونا منذ الطفولة ان ننحني للعاصفة حتى تمر، هذه هي العاصفة تداهمنا.
Post: #24 Title: Re: ق ح ت اضاعت فرصة على السودان Author: محمد البشرى الخضر Date: 08-26-2020, 08:47 AM Parent: #22
تحياتي ناصر و الزملاء أمر التطبيع كقرار مقضي وما من الليلة بل من ايام النظام السابق, الحرية و التغيير عندها قواعد لازم تخاطبها كمان من ناحية تانية فكرة انهاء حالة الحرب مع اسرائيل و انتظار مقابل ما سليمة
Post: #25 Title: Re: ق ح ت اضاعت فرصة على السودان Author: علي عبدالوهاب عثمان Date: 08-26-2020, 09:22 AM Parent: #24
تحياتي الاحباب .. بالنسبة لحزب البعث والحزب الشيوعي أذكر إننا ايام الشباب كنا نميل الى الحزب الشيوعي دون اظهار ذلك لأننا كنا بعيدين من العاصمة .. ولفظ الشيوعية كانت من محظورات
اساساً استقطاب الشباب في الحزب الشيوعي أو الاحزاب اليسارية ( كما حزب البعث) كان عن طريق حركات التحرر حول العالم من امريكا الجنوبية الى افريقيا وآسيا خاصة حرب فيتنام وكذلك منظمة التحرير الفلسطينية كانت ضمن منظومات محاربة الامبربالية واسرائيل كانت النموذج الواضح للامبريالية .. هكذا كان الحزب الشيوعي في ذلك الوقت يستقطب الشباب بالشخصيات ( كاسترو ، جيفارا ، لوممبا ، ياسر عرفات ، هوشي منه ... إلخ) ولا ننسى عبدالناصر طبعاً .. ( الناصريين) .. محاربة اسرائيل موروث وفي عمق تاريخ هذه الاحزاب اليسارية .. وهي التي تكون ( قحت ) ..
محاربة اسرائيل من موروثات الاحزاب اليسارية .. وفي عمق تاريخها ونضال شخوصها .. لا أظن انهم يقبلون بتطبيع مع اسرائيل
أذكر كما اليوم إننا كنا في مظاهرة أيام المدرسة الوسطى نهتف ( down down USA ) عندنا خال كان جاي من مصر جديد ( ما لها عيونكم .. تقولوا داوا داوا العين )
عداوة اسرائيل عقيدة لدى الاحزاب اليسارية تحياتي الاحباب
Post: #26 Title: Re: ق ح ت اضاعت فرصة على السودان Author: علاء سيداحمد Date: 08-26-2020, 09:24 AM Parent: #24
Quote: ق ح ت اضاعت فرصة على السودان المهم ..أظن جاري تنصيب سيسي السودان المكون العسكري لا يمانع في التطبيع وبادر من قبل.
تحياتى اخى ناصر وضيوفه الكرام
بالعكس يا ناصر .. ق ح ت اعادت التوازن لتطبيع مسخ مشوه كان يتم الاعداد له فى المجلس السيادى بعيدا عن مجلس الوزراء والخارجية : " تطبيع مقابل تنصيب " تنصيب الجنرال البرهان حاكماً على السودان مقابل تطبيع العلاقات مع اسرائيل وليلة زيارة وزير الخارجية الامريكى اجتمع حمدوك مع اللجنة المركزية لقوى الحرية والتغيير فى مجلس الوزراء بخصوص التطبيع والرد الذي يمكن أن يُبلغه إلى وزير الخارجية الأمريكي. وأبلغوا حمدوك بأن مسألة التطبيع مع اسرائيل ليست من صلاحيات الحكومة الانتقالية . وهو الذى تم ابلاغ وزير الخارجية الامريكى به . الآن سيتم اعادة ملف التطبيع مع اسرائيل الى مكانه الطبيعى وزارة الخارجية ووزير الخارجية الجديد الذى سيتم اختياره فى الحكومة الجديدة هو الذى سيقوم باتخاذ الاجراءات اللازمة فى هذا الشأن . وحتماً المصالح السودانية ستكون فى المقدمة .
Post: #27 Title: Re: ق ح ت اضاعت فرصة على السودان Author: Khalid Abbas Date: 08-26-2020, 09:29 AM Parent: #26
Quote: الآن سيتم اعادة ملف التطبيع مع اسرائيل الى مكانه الطبيعى وزارة الخارجية ووزير الخارجية الجديد الذى سيتم اختياره فى الحكومة
الصحيح سيتم التعامل مباشرة بين الامريكان والبرهان وقبل يوم من الزيارة تم إجتماع بين الملحق العسكري للسفارة الامريكية وعبدالرحيم دقلو بالمختصر ستتعامل امريكا مع العسكر والدعم السريع مباشرة وعلى المؤدجلين محاربة طواحين الهواء كعادتهم ، من يظن ان امريكا تدعم الديمقراطية ضد مصالحها ومصالح اسرائيل فهو مجنون
Post: #28 Title: Re: ق ح ت اضاعت فرصة على السودان Author: علاء سيداحمد Date: 08-26-2020, 09:58 AM Parent: #27
Quote: الصحيح سيتم التعامل مباشرة بين الامريكان والبرهان وقبل يوم من الزيارة تم إجتماع بين الملحق العسكري للسفارة الامريكية وعبدالرحيم دقلو بالمختصر ستتعامل امريكا مع العسكر والدعم السريع مباشرة
اجتماع الملحق العسكرى للسفارة الامريكية و عبدالرحيم دقلو كان بخصوص الامن فى دارفور . وبخصوص ( امريكا ستتعامل مع العسكر والدعم السريع ) الموقف الامريكى المعلن هو :
- دعم التحول الديمقراطى فى السودان ومعاقبة كل من يعيق هذا التحول .
Post: #29 Title: Re: ق ح ت اضاعت فرصة على السودان Author: Khalid Abbas Date: 08-26-2020, 10:03 AM Parent: #28
Quote: - دعم التحول الديمقراطى فى السودان ومعاقبة كل من يعيق هذا التحول .
ده للاعلام وصورة حاكم العالم المثالية لكن وقت المصالح ترامب يقول السيسي ديكتاتوري المفضل الان زمن المصالح في العلاقات الخارجية
Post: #30 Title: Re: ق ح ت اضاعت فرصة على السودان Author: محمد البشرى الخضر Date: 08-26-2020, 10:32 AM Parent: #29
بعدين يا خوانا فكرة انو وزير الخارجية تم احراجه وهو اساسا جاي يادوب يطرح الموضوع وما عارف الاجابة ح تكون شنو و اتفاجأ و اتحرج و كدا غير صحيحة هل متصورين انو دي الطريقة البتم بيها الشغل السياسي و الدبلوماسي اليوم الحاجات دي بتم ترتيبها عبر قنوات الاتصال و عبر الاستاف وبتم التفاوض و التفاهم و الاتفاقات, الزيارات الرسمية على مستوى وزراء و رؤساء ما بتم الا بعد اخذ الضوء الاخضر! وفيها خدمة الناحية الاعلامية و التمهيد للاعلان و ارسال رسائل معينة و اعتقد رسالة بومبيو ارسلها اول ما غير خط السير ليصبح من تل ابيب للخرطوم بدل المنامة كما كان, و غرد تغريده التي قال فيها اول رحلة رسمية مباشرة بين العاصمتين! خلاص كدا قضي الامر وكان بمثابة الاعلان المبدئي ينتظر فقط الاعلان الرسمي زي ماقال بتاع الاستخبارات الاسرائيلية قبل نهاية العام
Post: #31 Title: Re: ق ح ت اضاعت فرصة على السودان Author: علاء سيداحمد Date: 08-26-2020, 11:24 AM Parent: #30
Quote: ده للاعلام وصورة حاكم العالم المثالية لكن وقت المصالح ترامب يقول السيسي ديكتاتوري المفضل الان زمن المصالح في العلاقات الخارجية
المقتبس ادناه من بوست للزميل ياسر الشريف : هو ما قاله وزير الخارجية الامريكى بومبيو للبرهان :
Quote: Secretary Pompeo’s Meeting with Sudanese Sovereign Council Chair General el-Burhan
Readout
Office of the Spokesperson
August 25, 2020
The below is attributable to Spokesperson Morgan Ortagus:
Secretary of State Michael R. Pompeo met with Sudanese Sovereign Council Chair General Abdel Fattah el-Burhan today in Khartoum. Secretary Pompeo and General Burhan discussed the importance of the military’s continued support for the civilian-led transitional government and Sudan’s path toward democracy. The Secretary noted that the formation of the Transitional Legislative Council is a crucial step in Sudan’s transition and stressed the need for international support to strengthen the protection of civilians in Darfur. The Secretary and General Burhan discussed regional issues of mutual importance, including continued deepening of the Israel-Sudan bilateral relationship
الترحمة من قول :
Quote: لقاء الوزير بومبيو مع رئيس مجلس السيادة السوداني اللواء البرهان
اقرأ
مكتب المتحدث الرسمي
25 أغسطس 2020
يُعزى ما يلي إلى المتحدثة باسم الوزارة مورغان أورتاغوس:
التقى وزير الخارجية مايكل آر بومبيو برئيس مجلس السيادة السوداني الجنرال عبد الفتاح البرهان اليوم في الخرطوم. ناقش الوزير بومبيو والجنرال برهان أهمية استمرار دعم الجيش للحكومة الانتقالية التي يقودها المدنيون ومسار السودان نحو الديمقراطية. وأشار الوزير إلى أن تشكيل المجلس التشريعي الانتقالي هو خطوة حاسمة في المرحلة الانتقالية في السودان وشدد على الحاجة إلى دعم دولي لتعزيز حماية المدنيين في دارفور. ناقش الأمين العام مع برهان القضايا الإقليمية ذات الأهمية المشتركة ، بما في ذلك التعميق المستمر للعلاقات الثنائية بين إسرائيل والسودان
كلامك بخصوص تعامل امريكا المباشر مع البرهان وحميدتى غير صحيح ويناقضه المقتبس اعلاه .
Post: #32 Title: Re: ق ح ت اضاعت فرصة على السودان Author: علاء سيداحمد Date: 08-26-2020, 11:47 AM Parent: #31
Quote: ناقش الوزير بومبيو والجنرال برهان أهمية استمرار دعم الجيش للحكومة الانتقالية التي يقودها المدنيون ومسار السودان نحو الديمقراطية. ] [redوأشار الوزير إلى أن تشكيل المجلس التشريعي الانتقالي هو خطوة حاسمة في المرحلة الانتقالية في السودان في السودان وشدد على الحاجة إلى دعم دولي لتعزيز حماية المدنيين في دارفور. ناقش الأمين العام مع برهان القضايا الإقليمية ذات الأهمية المشتركة ، بما في ذلك التعميق المستمر للعلاقات الثنائية بين إسرائيل والسودان
المقتبس اعلاه اعاد امر تطبيع العلاقة مع اسرائيل الى المدنيين :
بمعنى انّ وزير الخارجية الامريكى اقتنع بوجهة نظر حمدوك بأن موضوع العلاقة مع اسرائيل سيتم مناقشته بعد تكوين المجلس التشريعى ..
Post: #33 Title: Re: ق ح ت اضاعت فرصة على السودان Author: Nasser Amin Date: 08-26-2020, 12:16 PM Parent: #32
يا مراحب بالاخوة: ابو الريش د. اخلاص عظمة خالد عباس محجوب عبد الله د.نعمات ود البشرى عمنا علي عبد الوهاب علاء سيد احمد
Quote: بعدين يا خوانا فكرة انو وزير الخارجية تم احراجه وهو اساسا جاي يادوب يطرح الموضوع وما عارف الاجابة ح تكون شنو و اتفاجأ و اتحرج و كدا غير صحيحة هل متصورين انو دي الطريقة البتم بيها الشغل السياسي و الدبلوماسي اليوم الحاجات دي بتم ترتيبها عبر قنوات الاتصال و عبر الاستاف وبتم التفاوض و التفاهم و الاتفاقات, الزيارات الرسمية على مستوى وزراء و رؤساء ما بتم الا بعد اخذ الضوء الاخضر! وفيها خدمة الناحية الاعلامية و التمهيد للاعلان و ارسال رسائل معينة و اعتقد رسالة بومبيو ارسلها اول ما غير خط السير ليصبح من تل ابيب للخرطوم بدل المنامة كما كان, و غرد تغريده التي قال فيها اول رحلة رسمية مباشرة بين العاصمتين! خلاص كدا قضي الامر وكان بمثابة الاعلان المبدئي ينتظر فقط الاعلان الرسمي زي ماقال بتاع الاستخبارات الاسرائيلية قبل نهاية العام
سلام ود البشرى
دي قراية صحيحة و دا تقريبا البكون تمّ , وبيان حمدوك بكون متفق عليه نسبة لحساسية الموضوع و المرحلة. المرحلة الجايه تهيئة الرأي العام و معرفة اتجاهات الرأي العام.
ملاحظ انو الاسرائيليين في تصريحاتهم متأكدين من الحاصل و الذي سيحدث.
Post: #34 Title: Re: ق ح ت اضاعت فرصة على السودان Author: جمال ود القوز Date: 08-26-2020, 03:06 PM Parent: #33
يبدو المدنيين رافضين التطبيع وموافقتهم مع التحفظ وعدم وجود تفويض ده تبرير ما عنده طعم لانه الحكومة دي في كل قراراتها الاتخذتها ما كانت شغالة بي تفويض من الشعب وساطت ولتت وعجنت في كل شيء واصلا مسالة انتخابات دي مافي بالهم ولا داعين ليها وشهر ما عندهم فيهو نفقة لو جاءت انتخابات حيرجعوا لمقاعد المعارضة فيبقى قبول حجة التفويض دي كتبرير مش منطقي خالص واقرب للرفض بي دبلوماسية بعدين بمبيو ده جاي عشان التطبيع بس!! فايدة جيتو شنو التطبيع ممكن يتم بلا حوجة لبمبيو وجيتو .. حتى أمل ساي وريق حلو في الموضوع بتاع رفع اسم السودان شكلو ما اداهو لي حمدوك عشان كده قطعوا معاهو لين .. خخخ
التطبيع مافي اعتراض عليهو اللهم الا من القوميين العرب لكن لو تم بالطريقة دي هو انبطاح ولي يد وابتزاز زيه وزي شغل الامريكان معانا ومواصلة لمسلسل الاستهوان بالسودان وحكومته فلو عملوا التطبيع وما رفعوا اسم السودان من القائمة وقتها الموقف حيكون شنو ؟ غايتو القوميين العرب ديل موقفهم متسق لكن الشيوعيين معارضين التطبيع ليه ؟ ربما عارفينو شغل ملوص وسودان قبل التطبيع حيكون نفسو بعد التطبيع مافي فرق وما حينوبنا الا اهراق ماء تطبيعنا على الرهاب بلوشي غايتو الحزب الشيوعي مرات كده عنده تجليات شخصيا ما عندي مشكلة في التطبيع لكن يكون فيهو مصلحة وفايدة للبلد ولو بقى جر هوا أخير تكون واقف في مكانك
Post: #35 Title: Re: ق ح ت اضاعت فرصة على السودان Author: Khalid Abbas Date: 08-26-2020, 04:09 PM Parent: #34
تابعت النقاشات وردود الأفعال التي أعقبت زيارة وزير الخارجية الأمريكي مايك بومبيو يوم أمس لبلادنا. وأوضحَتْ تلك النقاشاتُ تعطُّشَ السودانيِّين لعودة بلادهم لوضعها الطبيعي في المجتمع الدولي، بعد عزلةٍ امتدَّتْ ثلاثة عقود. وأكَّدَتْ تلك النقاشات الوعي العميق لشباب الثورة،إذ تركَّزت أحاديثهم بصورة أساسية على أهمية وضع مصلحة بلادنا فوق كُلِّ اعتبار، مُستصحبين الوثيقة الدستورية "البند 13 مهام الفترة الانتقالية"، والتي تقول إن مهام الفترة الانتقالية وضعُ سياسة خارجية متوازنة تُحقِّقُ المصالح الوطنية العليا للدولة، وتعمل على تحسين علاقات السودان الخارجية وبنائها على أسس الاستقلالية والمصالح المُشترَكة، بما يحفظ سيادة البلاد وأمنها ووحدتها.
محمد الفكي سليمان عضو مجلس السيادة الإنتقالي
Post: #37 Title: Re: ق ح ت اضاعت فرصة على السودان Author: Nasser Amin Date: 08-26-2020, 07:21 PM Parent: #35
شكرا خالد لقيت تصريحات السيادي في الشريط الاخباري لقناة الحدث
Post: #36 Title: Re: ق ح ت اضاعت فرصة على السودان Author: Nasser Amin Date: 08-26-2020, 07:19 PM Parent: #34
مرحب جيمي لا في اتساق و لا بطيخ في احزاب قحت القوميين العرب مواقف موروثة و على اساسها تأسست احزابهم. واحزاب تانية عشان الامبريالية من (الأمبرة) على قول عادل أمام. بالنسبة للمصالح البتنتج من اي اتفاق دي بتتوقف على اجندة التفاوض و حنكة المفاوضين و السند الداخلي.
Post: #38 Title: Re: ق ح ت اضاعت فرصة على السودان Author: Nasser Amin Date: 08-29-2020, 08:48 PM Parent: #36
حلقة من برنامج "عاصمة القرار" بقناة الحرة الامريكية بعنوان "أمريكا: سودان" مستقر و ديمقراطي و مزدهر" وبعنوان اكثر دقة "السودان وإسرائيل: نحو "تعميق العلاقات"؟
ضيوف الحلقة: أندرو ناتسيوس - المبعوث الامريكي الخاص السابق للسودان. جوناثان شانزر - مؤسسة الدفاع عن الديمقراطيات. الضيف المتداخل في الحلقة : الاستاذ الصحفي شوقي عبد العظيم .
الحلقة جديرة بالمشاهدة و هي مناظرة بين خبراء في الشأن السوداني و الشأن الدولي وقضايا الانتقال.
... .. .
Post: #39 Title: Re: ق ح ت اضاعت فرصة على السودان Author: منتصر عبد الباسط Date: 08-29-2020, 09:06 PM Parent: #38
وهي قحت السجمانة الرمدانة ما عندها أي مشاريع بناء تعتمد على الموارد البشرية المحلية لبناء الوطن وفق رؤى واستراتيجيات طموحة وفعالة تستنهض همم الشعب وعقوله وأذرعه الخضراء ؟! ما فضل ليها في رايكم لتفعله غير الدناوة واظهار الافلاس والخنوع؟! حكومة الشوارع ما قادرة تنضفها وعاجزة عن أي خدمة بس ما فضل إلا شغل العهر السياسي والمتاجرة بمشاعر الشواذ فكريا ؟!
Post: #40 Title: Re: ق ح ت اضاعت فرصة على السودان Author: Nasser Amin Date: 08-29-2020, 09:29 PM Parent: #39
ما فهمتك يا منتصر هل ردك هو بما ورد في الفيديو و ما اظنك شفتو و لا هو رأي عن قحت معلب عايز تقولو و السلام. شفت مع العقوبات دي لو اي حكومة و مهما اؤتيت لن تفعل شئ. الناس تتواضع و تعرف مكامن القوة وين و الضعف وين ، العنتريات ما قتلت ذبابة و لا قدمت أمة.
وأهو نحن بنحصد حصاد 30 سنة بتاع ناس الانقاذ و عنترياتهم و شعاراتهم الفارغة و مشروعهم (المشروع الحضاري) و المتأسلمين هم أخيب خلق الله.
Post: #41 Title: Re: ق ح ت اضاعت فرصة على السودان Author: منتصر عبد الباسط Date: 08-29-2020, 09:38 PM Parent: #40
Quote: شفت مع العقوبات دي
العقوبات شماعة بائسة الحل هو في أن نتوجه باخلاص وجد نحو الشعب ثم الاستعانة بالعمالة الآسوية في البنية التحتية للمساهة في البناء والتعبير الدول الغربية دي استنزافية وسوف تعطلنا أكثر إن رهنا العمل بها
Post: #42 Title: Re: ق ح ت اضاعت فرصة على السودان Author: Nasser Amin Date: 10-24-2020, 08:39 PM Parent: #41