أغاني غير سودانية أطربتني جداً

07:23 PM August, 20 2020

سودانيز اون لاين
عبد الصمد محمد-السعودية
مكتبتى
رابط مختصر

سلام عبدالصمد اقترح عليك من اغاني السبيعنات It Never Rains in Southern California Song by Albert Hammond وجميع أغاني مارڤن غاي

يا عبدالصمد

سلام


اغنية نجاة "تنسمع" في الليل..وفي هدوء كامل..معاها "فنجان قهوة Turkish بدون حبتين عند اللزوم :)
عشان تقدر تتخيل كيف كان شكل
الانتظار على الشباك.مؤلم وممتع في آن واحد.

تحياتي

يا سلام عليك يا مونتا سمّاع درجة أولى
أول مرة أسمع أغنية (لا تمطر أبداً في ج كالفورنيا)
لكنها أغنية إستماع بحقيقة
ننتظر تعليقات موسيقارنا أحمد يسن




الشيخ

ياخي أغنية نجاة دي بتعيد الواحد عشرات السنوات لوراء
أيام كانت الحفلة كلها غنية ولا غنيتين
زمن الراديو يا الشيخ
تسلم يا حبيب

معقول يا عبدالصمد تجيب لينا ملك البوب "مايكل جاكسون" في المرتبة البعيدة دي :)
المهم انو شرف اللائحة..

لكن كدي اسمع دي..وشوف آلات "النفخ" كيف شغالة شغل الbackup
ياخي ديل مفروض بي نفخهم ده يشتغلو في "بنشر" :)







اسمع المعلم ده برضو ...وشوف الحتة بتاعة :
Holding you like a dream
and you hold me the way you do







تحياتي عبدو.

إنت راجل ذوقك عالي جدا، وجمعت القديم والجديد

تعرف يا الشيخ مايكل جاكسون دا عالم ما حيتكرر والسيللر دي حاجة براها لا تعرفها قصة ولا فلم ولا أغنية
مشكور ياخ على تعطير البوست وواصل ياخ

ترهاقا الفنان
شهادتكم انت وأحمد يسن جواز مرور شكراً يا طيب يا جميل

صمدون للانتاج الفني عبدالصمد وشركاه .. اختيارات تاريخية، ما انسى اثناء البحث في مناطق النوبة في جنوب مصر وفي ليلة من ذات الليالي ركبت تاكسي كان مشغل الراديو واول ما ركبت بدأت نجاة الصغيرة تغني (أيظن) لنزار قباني ولحنها محمدعبدالووهاب في عام(1960) نجاة عمرها يمكن (20) سنة او تزيد قليلا. بدأت القصيدة بقرار وتحدي واصرار على الهجر المقطع الاول
صوت نجاة (ميزو سوبرانو) ودي نوعية تصلح للغناء في الطبقة المتوسطة
* يبدأ بنغمات القانون مع خفقات الكونترباص (الغليظة) وتدخل نجاة طبقة (منخفضة) تصور التساؤل لحالة البطلة وفكرة البعاد النهائي

يظن إني لعبة بيديه
انا لا افكر في الرجوع اليه

* وفي المقطع الثاني بدأت (البطلة) تهيىء الى نقض قرارها المعلن في المقطع الاول والمقام هنا(نهاوند)
اليوم عاد . كأن شيئا لم يكن
وبراءة الأطفال في عينيه
ليقول لي : إني رفيقة دربه
وبأنني الحب الوحيد لديه

*وهنا تتساءل باستسلام غريب لعودته وهو يحمل باقة ورد وكأن شيئا لم يكن
حمل الزهور إلى … كيف أرده
وصباي مرسوم على شفتيه

*وهنا نسيت او تناست تماما بمجرد ان عاد
كيف التجأت أنا إلى زنديه
خبأت رأسي عنده .. وكأنني
طفل أعادوه إلى أبويه
* وبعدها فرحت فرح عارم بعودته وعبقرية عبدالوهاب هنا حول المقام الى (بياتي) للبهجة والفرح وكأنك تسمع رقص فساتينها المهملة

حتى فساتيني التي أهملتها
فرحت به … ورقصت على قدميه
سامحته …وسألت عن أخباره
وبكيت ساعات على كتفيه
* حاجة غريبة
وبدون ان أدري تركت له يدي
لتنام كالعصفورة بين يديه
ونسيت حقدي كله في لحظة
من قال إني حقدت عليه

* و تضعنا في حيرة عن حقيقة هذه العلاقة

كم قلت إني غير عائدة له
ورجعت .. ما أحلى الرجوع اليه

(أيظن)
ستبقى واحدة من اروع كلاسيكيات الغناء
أيظن إني لعبة بيديه
انا لا افكر في الرجوع اليه

دة عودي معاكم This is me
للاستماع والكلمات المكتوبة (للناطقين بغيرها زينا كدة) خش هنا



لو دايرها بي تأثير مرئي جميل شوف الشباب الحلوين ديل



ولو دايرها جبجبة ارقص هنا

من ذكريات الاغنية دي ود عمي جاي من البلد جديد لنج وبى طنبوره العملو بيديه وهو عامل فنان
قال لي ( ياخ انت ماعندك غير الاغنية " دا" ؟ كرهتنا بيهو 24 ساعة لمن قربنا نهفظو)
انا هنوريك هسي دا .. قام مسك الطنبور وابتدأ يعزف في الاغنية دي بى طريقة مسرحية وقال
يلا غني ماعامل لينا جاي من لوندون (لندن)

سلامات اصحاب الذوق الكلاسيكي الراقي ..
عندي في فلاش العربية اربعة اغاني اجنبية لا امل سماعها ..

من أجمل الاغاني البتطربني معني وموسيقي الاغنية دي ..
بالإضافة لHit the road Jack and don't you come back





اما حديثاً معني وموسيقى برضو :


بالاضافة لـ أغنية DANCE MONKEY

تحياتي

Quote: تعرف يا الشيخ مايكل جاكسون دا عالم ما حيتكرر والسيللر دي حاجة براها لا تعرفها قصة ولا فلم ولا أغنية مشكور ياخ على تعطير البوست وواصل ياخ

السيللر فعلا حاجة عجيبة ..عشان كده بقت ايقونة لاغاني ملك البوب
البوست معطر بيك وبالزوار الكرام يا عبدو

تسلم .


اسمع الزولة المتميزة دي والبحة العجيبة الفي صوتها.







حبيبنا احمد ياسين
ياخي نجاة دي من اكثر الاصوات التي كلما لقيت زمن
استمع ليها..
أغنية "أنا بستناك" علامة فارقة في اغنياتها "رايي الشخصي"
حاول أسمع اغنية "حبك حياتي" ..عازف الايقاع قي حبك حياتي
بين "الكوبليهات بيعمل في شغل مبالغة". لأول مرة اشوف شغل فيهو مساحة
قدر كده لعازف إيقاع "طبلة"
زولة مبدعة جدآ...

كمان في زول برضو مفروض الناس تقيف عندو شوية كده وتعمل "سندة":)
"صباح فخري" ...أغنية "خمرة الحب"..
ياخي ده إبداع في الكلمات والموسيقى والصوت العجيب..

طبعآ لا يطيب المقام إلا وسيدة الرومانسية تكون حاضرة في مثل هذه المشاهد.

الشيخ سيداحمد
او سيدنا الشيخ
ختفت الاغنية حقت نجاة مني خطف ، لكن لقيتك يا نسيبي احساسك وذوقك رفيع جدا
لكن بلم فيك واوريك القفلة بتاعة (الاطلال) للست ام كلثوم واصرار السنباطي ان القفلة تكون (عالية) جدا
(فان الحظ شاء .. فإن الحظ شاء ) على مقام راحة الارواح والحاجة الاعجب ام كلثوم لمن غنت الاطلال
كان عمرها (69) سنة ، يعني صوت بالقوة دي وفي العمر دا دا شىء رباني
والاطلال تقريبا استخدم فيها السنباطي كل المقامات

حبيبنا أحمد ياسين
ياخي كتر خيرك...
انا غايتو عندي قناعة انو الفرقة الماسية أمهر من عزف في الشرق الأوسط
عشان كده الزول البيقيف يغني قدامهم لازم يكون منجض شغلو خالص.

اغنية "نجاة" انا بستناك" انا اتخيل لي مافي اتنين مختلفين حولها...

وأذوب لك في شرباتي شفايف الورد
واقولك ذوق ..حلاوة القرب بعد البعد
+++++++++++++
يا اجمل ليلة في عمري حبيبي جاي
يا عقد ياقوت على صدري حبيبي جاي


تعرف يا احمد انا مرات كتيرة جدآ بكون بتخيل في
شكل الزولة القاعدة منتظره دي.
مرات بتخيلها عامله "شرايط في شعرها زي بتاعة المدارس ..
ومرات بتخيل شعرها "ذيل الحصان"..
ياخي لي درجة انو بتخيل احيانا شكل "الكنبة Sofa" القاعده فيها وشكل
الزركشة بتاعة القماش.
وما كنت ح اقدر اتخيل الحتات دي لو ما نجاة فعلا جسدت الكلمات دي في ادائها الخيالي ده.
نجاة زولة مليانه ابداع.


برضو ماتنسوا "العندليب"..
انا كنت مدمن استماع لي اغنيتين"
نبتدي منين الحكاية
موعود
كنت كثير الإستماع لي الاغنيتين ديل..

لكن خلونا نعمل سنده سريعه هنا مع حاجة للعندليب "عبدالحليم حافظ" مغ ألحان العبقري "بليغ حمدي".

حبيبنا الشيخ فتحت لينا ابواب رومانتيك ، عارف نجاة دي هي الحب الحالم والرومانسية الدافئة زي دف صوتها
وتجسيد للصور والاخيلة البريئة و(التذلل) للحبيب والخضوع ، غنت (انغام) "انا بستناك"
ومع انها متمكنة وصوتها عجيب لكن تظل (نجاة) هي الاصل ، لان مهما حاولت انغام تقمص
صورة الحبيبة المتذللة حيكون هناك نوع من (التمرد) في الاداء
(زي الهوى) وبليغ حمدي .. حنرجع للاغنية دي لانها حالة وجدانية متقدمة جدا
حتى الكورس في التداخل الصوتي كان رائع رائع رائع

في أغاني بتشهرها المسلسلات
يعني مثلاً اعتقد قبل مسلسل لاكازا دي بابل ما كان في زول بعرف أغنية بيلا شاو لكن بعد المسلسل بقت ترند عالمي

في أغنية مؤثرة جداً لكن تأثيرها مربوط بلقطة المسلسل اللي جات فيه لأنه فعلاً الممثلة الوقت داك كانت coming down حرفياً
في التعليقات على الفيديو بتلقى المعلقين كلهم coming down مع الممثلة ما المغنية

تشرفنا كتير بكلامك المنغم يا أحمد ود يسن
هاك نجاة مع قباني



وهدية معها من الست في حاجة قريبة من كدا " الأطلال"

أحمد محمد عمر ياخ انت مواهب متعددة يا هندسة
طلعت سميع درجة أولى زي جمال القوز وقباني
أجمل ما عجبني في this is me
إنها بتتغني في كل العالم وفي مناسبات مختلفة عن بعضها
وكل مؤدي بيلقى فيها نفسه
أهدي ليك بالمناسبة فنانة من بلدياتكم وطالعة في الكفر اليومين ديل

تسلم أستاذنا المجضم تاريخنا حيدر
أغاني جميلة بحق
وما دام انت من الربع فأهديك فناننا عبدالمجيد عبدالله

ودي ملكة الغناء اللاتيني شكيرا وبالمناسبة أبوها لبناني وليام مبارك

Quote: أهدي ليك بالمناسبة فنانة من بلدياتكم

علي الطلاق هديتك ما ترجع
أحمد الرايق .. تعال شيل هدية عمك :)
كل مرة جاياك بي سببي بنية طايرة .. بختك الليلة أول مرة تجيك من طرفي حاجة حلوة

Quote: طلعت سميع درجة أولى زي جمال القوز وأستاذنا قباني

الله يجبر خاطرك دنيا وآخره يا صمد يأخ ..
بعضا مما عندكم يا صاحب ...

دي أغنية أخير تجهز تساليك وفشارك من بدري لانه فيها طرب تقيل ومافي ضمان تقوم تديها هزة هزتين لو كنت منفرد بالخصم
نصيحة ناس المكنات الخفيفة زي ناس أبو حميد صاحبي ومن لف لفهم يمتنعوا عن المشاهدة حرصا على أعصابهم وكده .. خخخخخ
لانه عمك صباح فخري ذاااتو ما استحمل فقام فك اللعب ونزل بي تقلو رقيص ...


حمزة الابيض المعجزة ينصف طرب صباح فخري الأصيل ...
تابعوا صوت حمزة في اليوتيوب شي مذهل حقيقة ..

سهرة جميلة لرواد البوست مع الطرب الجميل ...

أعمل حسابك هااا وأربط الأحزمة .. أنا حذرتك ...

تباً لك
حذرتك التجت دي قريتها بعد ما الفاس وقع في الراس واتقبضت مبحلقاً :)

غايتو قفلت الصفحة سريع هسة صارين لي من بعيد وانا عامل فيها ما شفت حاجة

طبعاً أغنية ماجدة الرومي الفي بداية البوست دة من مفضلاتي
لكن بسمعها من حفلة تانية عاجبني فيها الرقيص .. كانت منتشية شديد

Quote: غايتو قفلت الصفحة سريع هسة صارين لي من بعيد وانا عامل فيها ما شفت حاجة

عاصم سلامات
اختيارات موفقة.. بوني ام.. انا بستناك سميرة سعيد.. و اكيد الاثيوبية
اختيارات زول فنان..

صباحكم خير يا شباب
وخلونا نصبحها مع كيتي بيري في إسمايل وفي لاست فراي دي نايت

و'طرب ورقص مع جون ترافولتا
stayin alive

وصبوحة خطبها نصيب
صبوحة تحب الغريب



وأداء فكاهي لصبوحة خطبها نصيب

ومن الأغاني الثورية والوطنية

الاخ عبدالصمداهديك وروادك اجمل اغنية عربية استمعتها

شكر مستمر للشيخ وأحمد محمد، ودالقوز ومحمد عبدالله
أغنية جميلة يا أبوعلوة

هاك دي من أغاني الهوسا

هيام يونس في تعلق قلبي طفلة عربية




ثم في إن العيون التي في طرفها حور

الممثلة الكبيرة المرحومة سعاد حسني في يا ود يا تقيل

وصباح في ع البساطة

فعلاً الشباب لا يقاس بسنوات العمر ولكن بحيوية القلب

أغنية الجامايكي شاقّي مستر بومباستك

Quote: هيام يونس في تعلق قلبي طفلة عربية

بوست جميل تُشكر عليه..
لكن كان ما لقيت ناس هيام يونس ديل كان عملت ليك مظاهره في نص البوست السمح ده..
تعلق قلبي طفلة.. تذكرنا بالبرنامج الموسوعي للبروفيسور عبد الله الطيب شذرات من الثقافة..
فنانة مبدعة جداً..

شكراً لك أخونا محمد قسم الله

وأهدي إليك عبدالحليم حافظ في قارئة الفنجان لنزار قباني

وردة الجزائرية :حرمت أحبك

ومن تنزانيا دايموند بلانتمز

ومن مدينة مساكا في يوغندا

أطفال شارع مساكا

سلام الأخ عبد الصمد أرجو أن تقبلوا هذه الأغنية من الفنان مكامي فكي من زنجبار...واضح تأثير الموسيقى العربية (و بالذات من سلطنة عمان) التي إستعمرت زنجبار في سنة 1698م,.

هنا أيضا الفنانة سادة نصور من زنجبار. الموسيقى هنا خلطة من النغم العربي و الآسيوي (ربما الهندي) و الهنود لهم تاريخ تجاري كبيرمع زنجبار (لاحظ الساري الهندي في ملبس الفنان أو التوب السوداني "دي من عندي أنا..LOL'...صوت سادة بزكرني بصوت سبنا في فلم جانوار " سبنا حبيبتي". هسة الفنانة دي لو لاقيتها في الشارع حا أقول ليها "إزيك يا بت العم" ح ترد علي "سجمي" بلغة زنجبار..Lol.

" />" target="_blank">عتاب - بشرونى

سبحان الله يا نصر
انت متأكد جدي زنجبار ولا عمان
يبدو إنه العلاقات التجارية بينهم وبين القبائل العربية والآسيوية من قديم الزمان
خلقت فيهم تنوع عجيب بين الثقافات الإفريقية والعربية والآسيوية
ولا تزال زنجبار أهم المناطق التي يرتادها السواح الغربيين في إفريقيا
للأسف العرب لا يهتمون بذلك أبداً
موسيقاهم أقرب للسلم السباعي من الخماسي رغم التأثير الهندي
هل تستطيع إيراد صور من الحياة وأشكال الناس في زنجبار

تعرف يا محجوب عندنا في المملكة إختلاف كبير في الثقافة بين المدن الساحلية زي جدة والدمام
عندك في محافظات الوسك زي القصيم والرياض لا يمكن أن تحلم بجلسات طرب كهذه
أهلنا الأفارقة تواصلوا مع المملكة عن طريق جدة فأنعشوا فيها الفن والرياضة والفرح
النساء الأميات في جدة لا سيما ذوات الأصول غير السعودية يمتلكن حرية أكثر من متعلمات
المناطق الأخرى
شكراً لك ولعتاب بس مفروض يسموها فرح

هدية لمحجوب

سلام عبدالصمد
و شكرا للاهداء.
اظن تسجيل الفنانة عتاب في ذات الاستديو لتسجيل الفنان عبدالرب ادريس الجابو الاخ الكنزى و يبدو البث من القطرية.
المغنية الراحلة عتاب سعودية و تم سحب الجنسية السعودية منها و عاشت معظم حياتها في مصر تقريبا.

الصوليست آنداك عازف الاكورديون الكبير المصري فاروق محمد حسن في فرقة الراحل عبد الحليم حافظ وأم كلثوم ، شكرا للجيل الموسيقي الجديد لموقفهم الكريم والاستضافة ولكنكم لم تنفذوا العمل كما نفذه مع أقرانه ، لسان حاله يقول دول مين دول؟

Hello by اديل and American honey من فلم بنفس الاسم لفرقة لايدي انتيبلوم ومن أغاني الفلكور الأمريكي the days they drove old Dixie back من أغاني الحرب الأهلية الأمريكية وكذلك هناك الكثير من أغاني الغوسبل الكنسية والتي تعود أصولها لأغاني الرقيق الأفريقي في أمريكا The Negro spiritual

وأيضاً الفنانة ذكرى ( وحياتي عندك) والتى لولا مقتلها رحمها الله كانت ستكون في مصاف نجاة وفايزة أحمد

بوست في قمة الروعة يا عبد الصمد
دي فرقة فازت بجوائز عالمية

" />" target="_blank">المغني الصومالي - الكندى كنعان: اغنية فاطمة

Quote: Lyrics Picture the morning taste and devour We rise early pace up the hour Streets is bustling hustling their heart out You can't have the sweet with no sour Spices herbs the sweet scent of flower We came out precisely the hour Clouds disappear the sun shows the power No chance of a probable shower I fell in love with my neighbors daughter I wanted to protect and support her Never mind I'm just 12 and a quarter I had dreams beyond our border. Is it true when they say all you need is just love, Is it true What about those who have loved Only to find that it's taken away And why do they say that the children have rights to be free To be free What about those who I've known Whose memory still lives inside of me. Fatima, What did the Young Man say Before he stole you away On that fateful day Fatima Fatima, Did he know your name Or the plans we made, To go to New York City, Fatima And after school we studied the lessons I ask God to slow down the seconds He does the opposite that's what I'm guessing I better chill and count my own blessings Fatima, Fatima what is the matter How come you ain't come up the ladder So we can be like there's no tomorrow Damn you gonna make me wait until tomorrow She spoke Arabic and Swahili She'd say Upendo (Swahili for love) Anta Habibi (Arabic for, you are my love, dearest friend) You so bright, you shine like my TV Then one day she never came to meet me Is it true when they say all you need is just love, Is it true What about those who have loved Only to find that it's taken away And why do they say that the children have rights to be free To be free What about those who I've known Whose memory still lives inside of me. Fatima, What did the Young Man say Before he stole you away On that fateful day Fatima Fatima, Did he know your name Or the plans we made, To go to New York City, Fatima [Repeats] If beauty was in the eyes of beholder How come everyone hushed when she walked by How come girls would look just to scold her How come the angel wanted to hold her؟ Fatima, Fatima I'm in America I make rhymes and I make them delicate You would have liked the parks in Connecticut You would have said I'm working too hard again. Damn you shooter, Damn you the building Whose walls hid the blood she was spilling Damn you Country so good at killing Damn you feeling, for persevering Is it true when they say all you need is just love, Is it true What about those who have loved Only to find that it's taken away And why do they say that the children have rights to be free To be free What about those who I've known Whose memory still lives inside of me. Fatima, What did the Gun Man Say Before he took you away on that fateful day Fatima Did he know your name, or the plans we made To go to New York City Fatima Now I just want to make it clear, I don't want you to shed a tear. Because this here, is a celebration, We're not mourning, We're celebrating Yeah So baby don't cry, Please don't let the tears fall So don't cry

hhttps://youtu.be/dGKnSdikqjwhttps://youtu.be/dGKnSdikqjw

..More Than I Can Say

.. لو تكرم احد الاحباب بانزاله .. له الشكر و التقدير
و ثناء المستمعين ..هههههههههه
لكم التقدير

تحياتي


Ronnie Davis
I Won't Cry

More than I can say
Sugar Sugar
By the rivers of Babylon

شكرا عبدالصمد على هذه الالتفاتة الموسيقية الى الماضي "السعيد"؟؟

فتاة وانتاناميرا :

مرحب عبد الصمد
رسالة لأستاذنا الموسيقار احمد ساطور
بالله شوف شغل الكمان دا مع ياني
سؤال و جواب و اندياح موبالغ فيهو
The Storm وفعلاً استورم

شكراً كتير ياشباب
الحاجات الجابا الخواض هزتني من جوة لأنه في دول إشتراكية زي كوبا
بتلقى الفن مرتبط بالناس العاديين وحياتهم كما أن غنوة سكر سكر فيها
تنافس بديع في الرقص بين الشباب كل واحد مع رفيقته
أما ياني يا ترهاقا وخضر فهو ظاهرة موسيقية قايمة بذاتها، لا بل كل عازف
من عازفيه يمكنه أن يقيم حفل موسيقي بمفرده، معاه أعظم موسيقيين في العالم
شكراً محجوب وخضر على الإضافة من الصومال وإعتقد يا خضر بامبينو دا موريتاني صح؟
شكراً ترهاقا على عازف الأوكورديون فاروق
أما العجوز راني ديفيذ فهو مبدع بحق يا تبلدي شكراً محمد بدرالدين



وااااصلوا يا شباب متعونا بلغة العالم المشتركة (الفن)
ما فضل في العمر كتير

مرحب حبيبنا عبد الصمد

Quote: أما ياني يا ترهاقا وخضر فهو ظاهرة موسيقية قايمة بذاتها، لا بل كل عازف من عازفيه يمكنه أن يقيم حفل موسيقي بمفرده، معاه أعظم موسيقيين في العالم شكراً محجوب وخضر على الإضافة من الصومال وإعتقد يا خضر بامبينو دا موريتاني صح؟

ياني و عازفيه وضع تاني .. روح الموسيقى و التجانس التام
ياني مؤسسة موسيقية لا تضاهيها اي مؤسسة موسيقية في العالم في عصرنا الحاضر
عمل شغل هنا في الدوحة كان في قمة الروعة للأسف وقتها كنت شغال استديو على الهواء
لكن تاني يوم مشيت ليهو في الفندق انسان جميل و متواضع جداً
كان مفروض اعمل معاهو لقاء لكن للأسف ما كنت جاهز لأني اتفاجأتا بالزيارة

أما ذكرى البقت ذكرى يا مونتى
فهي اسم على مسمى
حتى الآن لا يعرف السبب الحقيقي الذي دعى زوجها المليونير اللبناني
لقتلها والإنتحاربعد ذلك
بضهم قالوا مؤامرة ليبية
لأن القذافي حقد عليها لمعارضتها لنظامه
يقال أيضاً أن اغنية مكة حاميها حراميها
إخوتنا عن حج البيت منعتنا
من يجرأ يقول هذا مش معقول
هي سبب قتلها
من المضحك أن إحلام التي قالت عنها في حياتها
أن ذكرى مغنية ضعيفةقالت بعد موتها أن ذكرى كانت أعظم مغنية عربية

غنية للكوامر
أنا خشيت الفلم دا ٥ مرات ٣ الوطنية ام درمان و ٢ في كلوزيوم.
الزعيم و رئيس مجلس السيادة حينها إسماعيل الازهري في زيارته للهند قال لهم " انا و إبني محمد حبينا فلمكم جانورالجميل" و كان المرحوم محمد إبن الزعيم برفقة والده في تلك الرحلة.
رحمهما الله

بالفعل يا نصرالدين فيلم جانوار ونحن في الإبتدائي عشقناه
هل تتذكر لما يناديها سبناااااااااااااااااااااااااااااا
وتناديه ويغنيان معاًُ
شامي كابور فنان مبدع
أذكر أن له أغنية في هذا الفلم أو في غيره
تبدأ بالمقاطع
ميري موهابتا (محبة)
سدارا هيهي ...سدارا هيهي... سدارا هيهي
لا لا لالا لللاا

برضو هاك دي من أغاني شامي كابور كنا نسمعها كثيراً

[qoute] ذكر أن له أغنية في هذا الفلم أو في غيرهتبدأ بالمقاطعميري موهابتا (محبة)سدارا هيهي ...سدارا هيهي... سدارا هيهيلا لا لالا لللاا[/qoute]

https://youtu.be/TadE4apdaSAhttps://youtu.be/TadE4apdaSA

الظاهر الفيديو ممنوع عرضه في سودانيزاونلاين
الهم اللنك موجود فوق...
تحياتي

اليمنية عبير ( يا مركب الهند بودقلين ياليتني كنت ربانك)

https://youtu.be/kV2-oPIS7R8https://youtu.be/kV2-oPIS7R8

شدن وشجن ورومانسية وطبيعة وتراث
شكراً منص على طرب الصباح

up

تحياتى يا عبدالصمد اخوى
وشكراً على البوست التحفة .

دائماً احب استمع للفنانة الراحلة شادية

فى الهوا سوا



الاغنية التى قتلت الفنانة التونسية ذكرى

الأغنية أعلاه من أجمل أغنيات الكفاح
في جنوب إفريقية
وسن زيني نا بلغة الزولو تعني
ماذا فعلنا
ومن كلمات الأغنية

اذا فعلنا؟
خطيتنا * هي أننا سود
خطيتنا هي الحقيقة
إنهم يقتلوننا
دعوا أفريقيا تعود.

أو

Senzenina
Sono sethu ubumnyama
Sono sethu yinyaniso
Sibulawayo
Mayibuye i Africa.

شكراً يا خواض

يا سلام عليك أستاذ أحمد
وعلى ساندرا في أغنيتها التي أجمع عليها الناس في الدنيا كلها give me love promise me delight