جمعينا هنا طبقة وسطى. هكذا أراد لنا مجتمعنا، منذ الإستعمار الانجليزي على أقرب تقدير، أدرس واعمل موظفا، ثم ربي ابناءك لكي يصيروا مثلك، وهكذا نتسمر في هذا الطريق، الذي ربما يؤدي إلى الفساد السياسي أيضا، فقد أثبتت التجارب أننا ضعفاء أمام المنصب والمال الحرام. وأننا دائما نطمح إلى الحصول على مال أكثر من مال الوظيفة
إذن الطبقة الوسطى هي ثقافة، كما أن الفقر ثقافة، والغنى أيضا. هل علمونا أيضا أن الثراء عيب؟ وأن الأثرياء هم فاسدون بالضرورة؟ وأن الله يحب الفقراء (فقط)؟ لكن فلننظر حولنا اليست كل هذه الأشياء التي تساعدنا في الحياة انتجها أغنياء؟ اليس هناك أغنياء هم أيضا صالحون منفقون يساعدون مجتمعاتهم؟ ما هو الأثر الإيجابي للشخص الغني حتى داخل حدود أسرته؟ يبدو أن الغربيين منتبهون لذلك أكثر منا لذلك هم واقعيون أكثر منا لو قارنت عدد الناس الحاصلين على شهادات عليا مقارنة بعدد السكان لوجدته ربما أقل مما هو عليه في السودان (نحو خمسة ملايين وخمسمئة الف حامل رسالة دكتوراه في أمريكا بين عدد السكان البالغ نحو 330 مليونا تقريبا) لكن عدد المخترعين والذين يتوصلون إلى أشياء تغير حياة الناس أكبر بكثير لماذا؟ ربما لأنهم يهتمون بحقيقة الأشياء وليس شكلها ماذا يعني أن تحمل درجة الدكتوراه ولم تقدم شيئا يذكر للبشرية؟ العيب بالطبع ليس في الشهادات، لكن العيب فيمن يستعيض بها عن المهارات
Post: #2 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-13-2020, 11:09 AM Parent: #1
لكن الأكيد أن لتحقيق الثراء قواعد لإكتساب سلوك الأغنياء ومهاراتهم فهم بلا شك يختلفون في سلوكهم عن الفقرا وعنا نحن في الطبقة الوسطة هذا هو موضوع هذا الفيديو الذي يستعرض واحدا من أهم الكتب للدخول في عالم المال وتعلم أصوله هو كتاب The Richest Man in Babylon
Post: #3 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-13-2020, 11:12 AM Parent: #2
Post: #4 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-13-2020, 11:15 AM Parent: #3
الرابط لمن يريد الحصول على نسخة من امازون هو رخيص جدا https://amzn.to/3kI88nxhttps://amzn.to/3kI88nx
Post: #5 Title: Re: كيف تصبح ثريا؟ قواعد بابليون Author: Hasheem Karouri Date: 08-14-2020, 06:06 AM Parent: #4
السلام عليكم
ماشاء الله شاهدت الفيديو واصبحت من متابعيك . عمل جميل ، وفقك الله .
Post: #6 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 04:18 PM Parent: #5
شكرا يا صديقي بتمنى ليك العافية والتوفيق
Quote: السلام عليكم
ماشاء الله شاهدت الفيديو واصبحت من متابعيك . عمل جميل ، وفقك الله .
Post: #7 Title: Re: كيف تصبح ثريا؟ قواعد بابليون Author: عبدالمنعم الطيب حسن Date: 08-14-2020, 04:50 PM Parent: #6
شاهدت الفيديو وتابعتك، تحياتي
Post: #8 Title: Re: كيف تصبح ثريا؟ قواعد بابليون Author: جمال ود القوز Date: 08-14-2020, 05:31 PM Parent: #7
أي نعم التخطيط الجيد ممكن يغير وضعك المادي للأفضل نوعا ما لكن الثراء والغنى ديل عاملات زي الولادة والزواج والموت هناك نقاط ممكن تكون مؤثرة في موضوع الثراء وهي المغامرة وموهبة الأفكار المتفردة والتي قد لا تخطر على بال الكثيرين ناس غنت وأثرت ثراء فاحش بفكرة خطرت فجأة .. والناس شافتها ساذجة وضحكت عليها لكن مغامرة صاحبها جعلت منه رقم في عالم الأثرياء مابقدر أعمم لكن غالب من اثروا جاء ثراءهم بصورة هم أنفسهم لم يخططوا لها اصلا ...
Post: #9 Title: Re: كيف تصبح ثريا؟ قواعد بابليون Author: أحمد محمد عمر Date: 08-14-2020, 06:05 PM Parent: #8
شكراً شديد على الفيديو في الحقيقة لما شاهدتو كنت متوقع طلس التنمية البشرية الما بمشي فيني داك لكن العبارة الخلتني أتابع الفيديو للنهاية هي (أنا كمان) دي كانت أول مؤشر لصدق مقدم البرنامج ناس التتنمية البشرية ما بريدهم عشان بحاولوا يدونا حاجة ما عندهم .. أنا بحضر نوعين من المعلمين في يوتيوب البقول نتعلم سواء والبقول بعلمكم وهو خاتي رابط انجازاته تحت لكن البحاول يوحي لي بي إنه محترف بدون دليل عملي ما بقدر أواصل معاهو .. كمان الدخول في الموضوع مباشرة والبعد عن الحشو والونسة بخلي المشاهد ما ينتبه لنفسه إلا مع موسيقى النهاية موضوع الفيديو نفسه ما بخصني لأني زمان نفضت يدي من موضوع الغنى والاستثمار دة بقيت شغال عشان امتع روحي وأولادي وخلاص .. ماهي المسائل دي أقسام ونحن موظفين أولاد موظفين عندي عدة ملاحظات - إذا سمحت لي - أولاً مخارج الحروف عندك وطريقة نطقك الصحيحة بتوحي بملكة لغة عربية واضحة .. يعني لما تستخدم لي الكِبَر بدلاً عن الكُبُر يبقى بتظلم نفسك شديد بالكلام بالدارجية .. أعتقد لو المحتوى بتاعك بالفصحى بكونوا متابعينك أكتر بكتير لأنه لهجتنا السودانية ما معروفة لدى بقية العرب .. أعني محتواك العربي مفروض يكون عربي ما سوداني بس ما لم تكون مخصص قناتك للشأن السوداني ودة اللي أنا ما شايفه ثانياً طالما عايش في أمريكا يبقى لو كل فيديو عملت منه نسخة بالانجليزي بتكون متابعاتك أكتر بكتيييير لأنه الفيديوهات الانجليزية هي الأكثر انتشاراً ثالثاً ما عارف ليه الفيديو جاك عريض كدة .. لو نسخت كود التضمين ووضعته بدون تعديل بكون أفضل لأنه الفيديو عندي بقى أكبر من الشاشة رابعاً أزعجتني شديد النظارة السوداء فما لم يكون عندك مانع طبي الأفضل تستفيد من طريقة التواصل الحميمية مع الجمهور وهي eye to eye contact أخيراً أكرر اعجابي مرة أخرى واعتمدني متابع لكل ما تبث كثر الله من أمثالك
Post: #12 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 06:46 PM Parent: #9
Quote: شكراً شديد على الفيديو في الحقيقة لما شاهدتو كنت متوقع طلس التنمية البشرية الما بمشي فيني داك لكن العبارة الخلتني أتابع الفيديو للنهاية هي (أنا كمان) دي كانت أول مؤشر لصدق مقدم البرنامج ناس التتنمية البشرية ما بريدهم عشان بحاولوا يدونا حاجة ما عندهم .. أنا بحضر نوعين من المعلمين في يوتيوب البقول نتعلم سواء والبقول بعلمكم وهو خاتي رابط انجازاته تحت لكن البحاول يوحي لي بي إنه محترف بدون دليل عملي ما بقدر أواصل معاهو .. كمان الدخول في الموضوع مباشرة والبعد عن الحشو والونسة بخلي المشاهد ما ينتبه لنفسه إلا مع موسيقى النهاية موضوع الفيديو نفسه ما بخصني لأني زمان نفضت يدي من موضوع الغنى والاستثمار دة بقيت شغال عشان امتع روحي وأولادي وخلاص .. ماهي المسائل دي أقسام ونحن موظفين أولاد موظفين عندي عدة ملاحظات - إذا سمحت لي - أولاً مخارج الحروف عندك وطريقة نطقك الصحيحة بتوحي بملكة لغة عربية واضحة .. يعني لما تستخدم لي الكِبَر بدلاً عن الكُبُر يبقى بتظلم نفسك شديد بالكلام بالدارجية .. أعتقد لو المحتوى بتاعك بالفصحى بكونوا متابعينك أكتر بكتير لأنه لهجتنا السودانية ما معروفة لدى بقية العرب .. أعني محتواك العربي مفروض يكون عربي ما سوداني بس ما لم تكون مخصص قناتك للشأن السوداني ودة اللي أنا ما شايفه ثانياً طالما عايش في أمريكا يبقى لو كل فيديو عملت منه نسخة بالانجليزي بتكون متابعاتك أكتر بكتيييير لأنه الفيديوهات الانجليزية هي الأكثر انتشاراً ثالثاً ما عارف ليه الفيديو جاك عريض كدة .. لو نسخت كود التضمين ووضعته بدون تعديل بكون أفضل لأنه الفيديو عندي بقى أكبر من الشاشة رابعاً أزعجتني شديد النظارة السوداء فما لم يكون عندك مانع طبي الأفضل تستفيد من طريقة التواصل الحميمية مع الجمهور وهي eye to eye contact أخيراً أكرر اعجابي مرة أخرى واعتمدني متابع لكل ما تبث كثر الله من أمثالك
شكرا أحمد على الإشادة أول حاجة ما تقنع من الغنى ليه يا خي ما بوفر ليك حياة أفضل ويتيح ليك مساعدة الناس؟ نحن اهلنا فهمونا أنه حتى الحديث عن الغني عيب
بصراحة يا أحمد أنا اساسا عملت القناة دي للسودانيين لكن شوف بس جزء من المشاكل الواجهتني 1- انقطاع الكهرباء المتواصل 2- بطء شبكة الانترنيت بتخلي مشاهدة فيديو رفاهية شديدة عند كثير جدا من السودانيين 3- كتير من الناس ثقافتهم اليوتيوبية ضعيفة جدا ولا يعرفون يعبرون عن اعجابهم عبر الاشتراك أو التعليق 4- لما حاولت ادفع ميلغ لفيس بوك عشان يصل الفيديو لأكبر عدد من السودانيين ما قدرت وما لقيت أسم السودان ذاته بسبب العقوبات ودا القطع قلبي زيادة
من الجانب الآخر لقيت استجابة من عدد كبير من العرب قلت ما دام عجبهم المحتوى خليهم يضغطوا نفسهم ويتعلموا لهجتنا :( موضوع الانجليزي اقتكر الا لمتحوى تاني لأن ثقافة المال والتكنلوجيا عندهم منتشرة ومحتاجين ليها نحن لكن حا أفكر في محتوى تاني شكرا ليك على الفكرة موضوع النضارة عامل عملية في العين والله وكبيرة كمان وعشان اوفي بالتزامي للناس اضطريت للبس النضارة دي اللي خلت الناس تلخبط بيني ومبروك عطية هههه شكرا أحمد كتر على الملاحظات الذكية والمفيدة
Post: #13 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 06:53 PM Parent: #12
موضوع كبر الفيديو حا أحله ان شاء الله غبت من المنبر لعشر سنوات ونسيت والله مع الأسف
Post: #11 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 06:32 PM Parent: #8
Quote: أي نعم التخطيط الجيد ممكن يغير وضعك المادي للأفضل نوعا ما لكن الثراء والغنى ديل عاملات زي الولادة والزواج والموت هناك نقاط ممكن تكون مؤثرة في موضوع الثراء وهي المغامرة وموهبة الأفكار المتفردة والتي قد لا تخطر على بال الكثيرين ناس غنت وأثرت ثراء فاحش بفكرة خطرت فجأة .. والناس شافتها ساذجة وضحكت عليها لكن مغامرة صاحبها جعلت منه رقم في عالم الأثرياء مابقدر أعمم لكن غالب من اثروا جاء ثراءهم بصورة هم أنفسهم لم يخططوا لها اصلا ...
شكرا يا صديقي طبعا كلنا مؤمنين والرزق من الله أيضا تصدق الغني ثقافة وسلوك زي الفقر يعني مثلا الاستفادة من الوقت الفقراء يضيعون وقتهم كله تقريبا في أشياء لا فائدة منها أما الأغنياء فيسحبون كل دقيقة اتمنى ليك العافية والتوفيق
Post: #10 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 06:28 PM Parent: #7
Quote:
شاهدت الفيديو وتابعتك، تحياتي
شكرا شديد
Post: #14 Title: Re: كيف تصبح ثريا؟ قواعد بابليون Author: أحمد محمد عمر Date: 08-14-2020, 07:56 PM Parent: #10
ألف لا بأس عليك وسلامة عيونك بالنسبة للفيسبوك كويس إنك ما أعلنت فيه لأنه اعلاناته غالية جداً لو لازم تعلن أحسن يكون داخل اليوتيوب نفسه الفيسبوك ممكن تنشر بلاش في القروبات الكبيرة وناسها واعيين زي مجموعة الباحثين السودانيين واحترس أمامك كشة وغيرها كثافة المحتوى بتخلي اليوتيوب يعلن ليك براهو يعني لما زول يشاهد محتوى قريب لي حقك يوتيوب بنزل الفيديو بتاعك جمبه كمقترح لكن دة ما بحصل إلا يكون عندك فيديوهات كتيرة في تجارب ناجحة بتاعة الفيديوهات القصيرة أقل من دقيقتين .. تكون عندك فكرة واحدة تعبر عنها باقتباسات من متحدثين وشغل انفوغرافيك .. شوف محتوى (خمسة بالمصري) وشوف كمية متابعينو أخيراً مشكلة كل اليوتيوبر السودانيين الاستدامة .. بيبدأوا متحمسين بعد داك يكسلوا معاذ عثمان الوحيد الصامد رغم إنه محتواه قبل الثورة كان تعبان لكن قفز بالزانة في (نشرة اللخبار) المنافس لزول كافيه بكل امكانياته ومعديه
Post: #15 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 09:22 PM Parent: #14
Quote: بالنسبة للفيسبوك كويس إنك ما أعلنت فيه لأنه اعلاناته غالية جداً لو لازم تعلن أحسن يكون داخل اليوتيوب نفسه الفيسبوك ممكن تنشر بلاش في القروبات الكبيرة وناسها واعيين زي مجموعة الباحثين السودانيين واحترس أمامك كشة وغيرها كثافة المحتوى بتخلي اليوتيوب يعلن ليك براهو يعني لما زول يشاهد محتوى قريب لي حقك يوتيوب بنزل الفيديو بتاعك جمبه كمقترح لكن دة ما بحصل إلا يكون عندك فيديوهات كتيرة في تجارب ناجحة بتاعة الفيديوهات القصيرة أقل من دقيقتين .. تكون عندك فكرة واحدة تعبر عنها باقتباسات من متحدثين وشغل انفوغرافيك .. شوف محتوى (خمسة بالمصري) وشوف كمية متابعينو أخيراً مشكلة كل اليوتيوبر السودانيين الاستدامة .. بيبدأوا متحمسين بعد داك يكسلوا معاذ عثمان الوحيد الصامد رغم إنه محتواه قبل الثورة كان تعبان لكن قفز بالزانة في (نشرة اللخبار) المنافس لزول كافيه بكل امكانياته ومعديه
شكرا يا أحمد شفتهم الاتنين المصري ومعاذ ويبدو أنهم صبروا لأنه زي ما انت قلت الاستمرارية ما سهلة زول كافيه ماشي كويس بس ما عارف ارتباطه بالعربي والقطريين ممكن يطيف ليه ولا يخصم منه الله يسلمك ويتمنى ليك العافية والتوفيق
Post: #16 Title: Re: كيف تصبح ثريا؟ قواعد بابليون Author: أحمد محمد عمر Date: 08-14-2020, 10:05 PM Parent: #15
محمد عويضة عايش حياته كلها في قطر وهسة شغال هناك فما فارقة معاهو السليط الاخباري اللي هو ثاني أنجح برنامج سياسي ساخر بعد جو شو بقوا ولا داسينها ذاتو معاهم قطري مسمينو الكفيل لكن عموماً زول كافيه طشاش في بلد العمي يعني من ناحية مستوى لا يمثل سدس جودة برنامج يا اخوانا بتاع محمد فتحي اللي برضو في النهاية كسل الما قدروا يستفيدو من اليوتيوب الممثلين كانوا بتجمعوا في اسكتشات لطيفة بعديها أي ممثل كويس بمشي يعمل فرقته براهو يبقى البطل ويجيب معاهو كومبارس والنتيجة كمية من الناس الما بتعرف تمثل والنصوص التعبانة جلواك أفضلهم نسبياً لكن برضو نصوصه تعبانة
Post: #17 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-14-2020, 11:08 PM
الطبيعة السودانية لزول كافيه كويسة
Post: #20 Title: Re: كيف تصبح ثريا؟ قواعد بابليون Author: أحمد محمد عمر Date: 08-15-2020, 06:27 AM Parent: #17
المداخلة التحت دي قفلت البوست إلا تخاطب بكري يصلح المشكلة
Post: #21 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-15-2020, 06:47 PM Parent: #20
Quote: المداخلة التحت دي قفلت البوست إلا تخاطب بكري يصلح المشكلة
شكرا على يا باشا على التنبيه أرجو من سيد الرصة أن يتدخل
Post: #19 Title: كيف تصبح ثريا؟ قواعد بابليون Author: أحمد محمد عمر Date: 08-15-2020, 06:18 AM Parent: #1
صلحت حجم الفيديو لكن جطت الأكواد بمعنى فتحت كود وما قفلته واتقفل البوست من التعليقات بس من المتصفح العادي شغل الفيديو على يوتيوب واضغط كلك يمين ثم اختر copy embed code ولصقه بدون أي اعدادات
أيواااا نسيت اسألك عن حاجتين الصوت والإضاءة المايك بتاعك خطير جداً ما شاء الله ياريت تورينا الماركة بتاعته ثانياً الإضاءة عملت فيها شنو؟ لأنه قبل شهر مثلاً الإضاءة عندك كانت تعبانة لكن هسة احترافية تماماً .. هل غيرت وقت التصوير وقعدت قصاد شباك مفتوح ولا عملت إضاءة استديو ولا تعديل الوان في الفيديو؟
Post: #22 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-15-2020, 08:24 PM Parent: #19
شكرا يا أحمد تاني ما حا أعمل كدا ههه
دا رابط المايك الاشتريته من امازون https://amzn.to/2Y4Ongihttps://amzn.to/2Y4Ongi
ودا رابط الاضاءة الاستخدمتها https://amzn.to/2Y5SsAKhttps://amzn.to/2Y5SsAK كانت عندي اضاءة غالية وما سورة
Post: #23 Title: Re: كيف تصبح ثريا؟ قواعد بابليون Author: عبد المنعم شيخ ادريس Date: 08-17-2020, 04:48 PM Parent: #22
اتحلت المشكلة شكرا ليك يا احمد وشكرا لبكري سيد الرصة والمنصة