محاكمة مدبري انقلاب الانقاذ 1989

01:42 PM August, 11 2020

سودانيز اون لاين
اخلاص عبدالرحمن المشرف-
مكتبتى
رابط مختصر

اليوم الجلسة الثانية حسب ما ورد في الجلسة الاولي

الجلسة الاولي الاجرائية رفعت لعدم الالتزام
بالتباعد وهو ما استدعي التأجيل.
الجلسة الاولي عدد من المحامين (العدد الكلي
المحامين 198) دفاعاً
عن المتهمين وبعض اهالي المتهمين لم تتسع لهم
القاعة.

اليوم 11 اغسطس مواعيد الجلسة الثانية

مولانا نعمات ماذا حدث
مولانا نعمات انت اتيتي عقب ثورة وليس
بواسطة نقابة او خلافه اذا ما يحدث اهم
من توفير عربات وسكن لاعضاء الهئية النقابية.

الدفاع عمل إستئناف وتم طلب الملف من المحكمة الاعلى للفصل
الأجراء عادي جدا بنعملوا كل يوم في المحاكم لو عايزين نجرجر الموضوع

شكراً استاذ Khalid
امر متوقع ومع 198 محامي يمكن ان يتواصل
الامر .
من حق القاضي رفض طلباتهم ، هذه محاكمة
بشروط خاصة ، لدي قضية الان قرابة السنتين.

او نواصل الامر ف لا عدالة ستحقق ويثبت عجز
القضاء السوداني ، التشدق بالسيادة الوطنية
هو قتل للقضايا .

لاهاي والقضاء الدولي وبس

198 محامي للدفاع عن مدبري انقلاب الانقاذ
كم من الحيل القانونية التي تفقد القانون معناه؟!!!
صرنا مثل سيزيف ولعنته ، نحمل صخرتنا
وحين نصل تتدحرج ، اكتوبر تدحرجت ، ابريل
تدحرجت اما هذه فان تدحرجت لا كنا ولا
كانت الثورات.

لن نكف عن طلب العدالة ، لن نكف عن طلب
الديمقراطية.

مولانا نعمات هذه فرصتنا الاخيرة فلا تضيعوها.

علي الاعلام ان يقوم بدوره ، الاعلام الرسمي
والشعبي، اعلام الوسائط الاسفيرية ، نطالبهم
جميعاً بنشر اسماء ال 198 محامي واستئنافاتهم
وما يأفكون ، ان تنشر ما يقدمونه من حجج وكل حجة
ومن يقدمها.
198 محامي كم منهم هو نفسه متهم ؟!!!!!

لا نريد سوي حق الوطن

يا دكتورة ما هو يا قانون يا لا قانون, ما في حاجة في النص
لو عايز العدالة عن طريق القانون دي اجراءاته كدا و كامل الحق للمتهم ان يتمتع بكل ما يتيحه القانون, نعمات عايزاها تعمل شنو!
أما لو عايزة العدالة بطريقة تانية غير القانون دا موضوع تاني

اهلاً ود البشرى
معقول اي استئناف يتقبل ؟!!!
198 محامي ؟!!!!
القانون اكيد يمنع التلاعب بالمحكمة .

مولانا نعمات مطلوب منها مراجعة ال 198
محامي ديل لو عليهم قضايا هم ذاتهم .

محاكمة مدبري انقلاب الانقاذ اهم
من ازالة التمكين ال عملوا له قانون
الحيل القانونية تعامل بجدية و ينظر
فيها باسرع ما يمكن ، العدالة المتأخرة
هي لا عدالة ، 198 محامي ده جيش يجب
التدقيق فيه

Quote: معقول اي استئناف يتقبل ؟!!!

الاستئناف لم يقبل بعد, فقط يتم النظر فيه و امر طبيعي حين النظر في استئناف او استشكال يوقف التنفيذ حتى لا يحدث ضرر او فعل لايمكن الرجوع عنه
ودي الانتبه ليها قانون ازالة التمكين حيث عطل ايقاف تنفيذ قرارات اللجنة حال الطعن فيها
بعدين العدالة كدا روحها طويلة و بالها اطول من بال الخواجة حتى تضمن عدم حدوث اي تجاوز لها او وقوع ظلم
واهو براك شايفة في لاهاي طولة البال و المهلة بين الجلستين ست شهور! بالنسبة لعدد المحامين فدا طبيعي نظرا لعدد المتهمين الكبير و اهمية و خطورة القضية لكن في النهاية لن يصح الا الصحبح

فترنا يا ود البشرى , فترنا و الحال ما اتحسن
يا صبر ايوب
ونصبر كمان

الاستاذ Atif Omer Mohamed Ali
المحاكمة دي أهم من ازالة التمكين
ناس المحاصصة جزء منهم ما بيؤمن
بالديمقراطية والانقلاب ما عندو معاه ً.
مشكلة . لا بد من المحاكمة حت لا تتكرر

يا ريت المحامين ناس Khalid Abass
ينورنا كيف يمكن المحكمة تمشي مع ال
198 استاذ ديل ، و انواع حيلهم ، العدالة
تركب سلحفاة في عهد السرعة

Quote: فترنا يا ود البشرى , فترنا و الحال ما اتحسن

سلام،
أنا أفتكر مش حكاية فترتو ... لكن الناس إعتادت في الأشياء دي تتم قرارات عسكرية تنفذ فوراً، وده لا يتماشى مع الحكم المدني وعدالة الديمقراطية.

الشي التاني ... غير القانونيين لو قعدوا يباروا المصطلحات ممكن يتوهوا وما يقدروا يتابعوا صاح ... لأنو إنتي فهمتي إنه تم قبول الإستئناف، وده غير صحيح ... زي ما قال ليك ود البشرى، المحكمة حتنظر في الإستئناف وتقررر. بعد ما يصدر قرار المحكمة، ممكن تلقيهو مثلاً بيقول (قبول الإستئناف شكلاً) تقومي تهيجي وتصلك فكرة إنه المحكمة حكمت ليهم .... في حين إنه (قبوله شكلاً) ممكن تعني إنه تم تقديم الإستئناف في الفترة الزمنية المحددة وبحسب الطريقة والأصول القانونية ..... القرار الحقيقي حيكون بعد كلمة (موضوعاً).

عشان كده بقول نترك العيش لخبازه ما دام وثقنا في الخباز.

اهلاً استاذ محمد ابوالعزائم ابو الريش
كلامك صحيح ، اسع محاكمة الحاج عطا المنان
المتحري ما موجود ، عيان واحد المحامين قدم
( حاجة ما قدرت اسمع هي شنو ) قالو له تقدمها
محل ثاني .
الجلسة كلها دقيقتين، باين القضاءكلو wait and see
يا المتهم يا الشاكي يا القاضي.
الله المستعان

فرصة نشكر التلفزيون
كده الشعب عرف الحاصل من قناة السودان
المواطن ما طالب كثير ، خبر زي ده في دقيقتين
الواطن يرضي عن التلفزيون .
عارفين ضيق الامكانيات وصعوبة النقل المباشر
خارج الاستديو اذا التقدير يأتي مضاعف.
كلما عرفنا الحقيقة من تلفزيون زادت الثقة بينه
والمشاهد.