الترس لازمن يكون صاحي لحرامية ولصوص الثورة الاحزاب وعبر المحاصصات عايزة تعيد لينا الكيزان بوجوه جديدة وترجع قوت المواطن تاني لايديهم يتكسبوا ويتاجرو بقوت الشعب وينهبوه ويسمسروا .. مايدوهم فرصة لجان المقاومة ما تتنازل عن دورها يجب الوقوف في وجه جشع الأحزاب ومحاصصاتها
Post: #6 Title: Re: أيمن نمر والي الخرطوم الكارثة (فيديو) Author: Dr. Ahmed Amin Date: 08-07-2020, 11:21 PM Parent: #1
Quote: غايتو زول بشكرو التيس الفحل دا ما منو رجا
والله يا خضر لي كم يوم داير اكتبها في البوست داك .. بس كل مره اقول طنش
يا جمال شيطنة الاحزاب مافي مصلحة الثورة في النهاية الديمقراطية ما بتمارس الا من خلال احزاب محاولة شيطنتها هي دعوة للحل العسكري
اي شخص كان منتمي لحزب او تكنوقراط او مستقل يتم مواجهته من جميع القطاعات ومحاسبته علي اداءه كما في الجانب التاني اي محاولة لشيطنة النقابات او لجان المقاومة امر غيرمقبول وغير وارد عموما الفيديو مجملا ممتاز بديك صورة واضحة وصورة الي ( مجلس السيادة + الحكومة+قحت) البلد صاحية والترس صاحي واي متواطئ عاجلا او اجلا حيمشي لمذبلة التاريخ
يا خضر بديت الفيديو لغاية عشرة دقايق كدا، فاتت علي كم كلمة وحاولت أرجع عشان أدقق في الكلام، الفيديو بدا لي من الأول. دايماً الفيديوهات البتجي من الفيسبوك ما مريحة في التحكم زي فيديوهات اليوتيوب. خليت الفيديو وما حأحضرو إلا يجينا زول مسؤول. طبعاً عز الدين الفحل ما محسوب عندي. غايت بما إنو الطشاش في بلد العمي شوف بنقبل بعبد العظيم
Post: #11 Title: Re: أيمن نمر والي الخرطوم الكارثة (فيديو) Author: adil amin Date: 08-08-2020, 02:59 AM Parent: #10
شالو السيدة وخلو حرم
عاش ابو هاشم انتخابات بس ودستور 2005 يا بطة ثورة ما عندك تمشي بعد ده ورا عمك جفود بس
الفحل يا سادة كان واقف ضد الثورة الى حين تعيين نمر استحسن قرار التعيين و وقع شكر بصراحة الموضوع اكل معى جنبة و فى اول بوست ليهو دخلت و قلت ليهو ما دام بتشكر فيهو الزول ده يسقط بس و ابتديت ابحت و فجأة جاتنى المعلومة السيد ايمن نمر ........... اقول ولّ اسكت يا الفحل
Post: #13 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-08-2020, 08:16 AM Parent: #12
Quote: والله يا خضر لي كم يوم داير اكتبها في البوست داك .. بس كل مره اقول طنش
انا من البوست داك قنعت من الوالي ده هههههههههههه
كانت واضحة يا دوك التيس الاسمو الفحل دا بفتش ليهو على ضل و الوالي تربية الميرغنية دا ما بنفع معانا جابتو المحاصصات الفارغة دي الحزب الاتحادي قاسم السلطة مع الصادق الفحل المسمى جزافاً بالصادق المهدي و غزو عودم مع النظام الغير منتظم البائد و هسي في حكومة الثورة كمان جابو لينا الثور أيمن دا انا ما عارف مصيبتنا شنو في الدنيا دي كنت عاوز اصرف ليهم بركاوي لكن رخيت الحنك
Post: #14 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-08-2020, 08:19 AM Parent: #1
Post: #16 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-08-2020, 08:58 AM Parent: #15
جلالدونا
الاخ العزيز الفاضل جلادونا I'm so busy عايز تقول شنو ؟ تحياتي ،
Quote:
الفحل يا سادة كان واقف ضد الثورة الى حين تعيين نمر استحسن قرار التعيين و وقع شكر بصراحة الموضوع اكل معى جنبة و فى اول بوست ليهو دخلت و قلت ليهو ما دام بتشكر فيهو الزول ده يسقط بس و ابتديت ابحت و فجأة جاتنى المعلومة السيد ايمن نمر ........... اقول ولّ اسكت يا الفحل
خلاص لامن تفضى رد حدّنا قاع بحر المالح لكن ....... اى مجمجمة فى اى بوست برجمك
Post: #18 Title: Re: أيمن نمر والي الخرطوم الكارثة (فيديو) Author: جمال ود القوز Date: 08-08-2020, 10:13 AM Parent: #17
Quote: يا جمال شيطنة الاحزاب مافي مصلحة الثورة في النهاية الديمقراطية ما بتمارس الا من خلال احزاب محاولة شيطنتها هي دعوة للحل العسكري
الأحزاب يا أبو الجعافر أثبتت إنها متواطئة .. شنو يعني الشباب ديل قاعدين من أمبارح ما قادر يتكرم الوالي يجي يقابلهم .. !! طيب جايبنو لي شنو كوالي ؟ .. زول اضينة سايقنو لوبيات وملوا ليها راسه يتجاهل الشباب ديل وما يجي يقعد معاهم عايز يجيب شركة تسمسر وهدفها الربح عايز تربح من المواطن وتسرق من جيبو الشباب ديل البيمنع شنو إنه يستلم أي واحد منهم منصب الوالي والله يديرها زي الترتيب حماس وشكيمة ساي حينجح لانه زول حيكون متجرد الأحزاب أكبر طامة وتبا لديمقراطية تجي عبر أحزاب ستتواطأ مع السماسرة والكيزان جايب شركة ربحية !!!! .. الثورة دي جابوها الشباب ديل ما جابتها الأحزاب عايزين الشباب ديل يديروا البلد المانع شنو ؟ .. لازم يعني ندور في حلقة الأحزاب المفرغة تعيين الشباب ديل كوزراء وولاة هو مطلبنا لسبب واااااحد بس قلبهم على المواطن لكن الأحزاب جاي تسمسر وتتنسنس شركة فشلت في توزيع السكر فوق كم جايين يجربوها تاني !!!
شباب لجان المقاومة دي ثورتهم ومهروها بدماءهم وهم أولى يديروا البلد نحن ما عايزين أحزاب نهاااائي ..
Post: #19 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-08-2020, 10:56 AM Parent: #18
جمال ود القوز
ي ود القوز أنت من عقلاء المنر ، دا شغل عشوائي ، مقصود media وكمان فطيرة ، عندهم مشكلة يمشوا للوالي ، ويقابلوهو مكتبوا مفتوح ، في حاجة اسمها System leaves
زولك سقط في أول اختبار بعدين كونو تابع لي واحد من احزاب البيوتات التجارية و بقول للميرغني يا سيدي ذي ما انت كنت بتقول للفاسد الحرامي البشير يا سيدي يبقى انا غاسل يدي منكم الشئ التاني فرصة شنو بعد انو رفض يقابل الشباب ديل ؟ تباً له هو فاكر روحو منو مجرد خادم للشعب يا إما يشتغل صاح و بكل تواضع او ينقلع مافي اي شئ في سيرتو الذاتية بخليهو يكون في عاصمة عدد سكانها تجاوز السبعة مليون و المصيبة الأكبر انو حيرسي كل عطاءات الشركات لحزب البيوتات التجارية و طالما انو العمبلوق دا عاجبك للدرجة دي كان ترشحوهو والي لولايتكم و نخلص من القرف دا Mission accomplished successfully
يعني يا ود القوز من مجرد سماع راي طرف واحد يكيل الاتهامات طوالي حكمت بالفساد و الشركرة عايزة تسمسر و الوالي سايقنه من اضانه ودورت المناحة! ما تسمع الطرف التاني على الاقل ورده على الاتهامات حتى احكم ولا كل مسؤول فاسد ومشروع حرامي حتى ولو ثبت العكس
Post: #25 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-08-2020, 12:02 PM Parent: #21
الملخص: * الوالي الجديد يرفض الاجتماع بلجان التغيير المسؤولة عن توزيع الخبز بعد انتظارهم أكثر من 5 ساعات * الولاية تكلف شركة الأمن الغذائي التابعة لجهاز الأمن والمخابرات الإنقاذي بتوزيع الدقيق متجاوزة اللجان
التفاصيل: اجتماع لجان التغيير المسؤولة عن الدقيق في الخرطوم ولاية الخرطوم تماطلت 5 شهور في تنفيذ قرار إلغاء وكلاء الدقيق. فوجئت لجان المقاومة باختيار شركة الخرطوم للأمن الغذائي لتوزيع الدقيق، وهي الشركة التي تولت توزيع السكر في رمضان (وحدس ما حدس) تم الاجتماع بمديرها التنفيذي وقال أنها أصبحت تابعة لولاية الخرطوم. تملك وزارة التجارة فيها 45% ، وزارة المالية 25% ، البنك الزراعي 15% ، و 20% شركة السكر السودانية رغم التحفظات وعدم الوصول لنتيجة تم الاجتماع مرة أخرى اليوم الجمعة وتم إحضار جميع بيانات المخابز وما بها من دقيق ومعهم مندوب مباحث التموين لمعالجة القضية تم اختيار الشركة بدون موافقة اللجان وهم يرفضونها جملة وتفصيلا ويؤكدون أن ذلك استمرار للوبيات الفساد في حكومة ولاية الخرطوم ويوجهون رسالة لوالي الولاية إن لم يستطع تغيير هذا العمل لن ينجح في الاجتماع كانت اللجان تتحدث عن قوت المواطن بينما تتحدث الشركة عن الأرباح وطرح على مندوبي اللجان التوظيف أوحوافز مادية ورفضوا مبدأ الأرباح وطالبو بأن يكون العمل خدمي غرضه معاش الناس انتهى الاجتماع وتواصلوا مع المسؤولين وطالبوا بأن يكون معهم الوالي ومدير عام وزارة التجارة. وفي الغد لن يكون هنالك توزيع دقيق لأن الشركة ليس لديها بيانات المخابز ولا آلية توزيع ولا يعرفون شكل التوزيع لازالوا مجتمعين حتى العاشرة مساء في انتظار وصول المسؤولين لأنهم يشعرون أن من مسؤوليتهم الأخلاقية الإشراف على توزيع دقيق الغد بالاتفاق مع مدير مباحث التموين يتهمون مسؤول التوزيع في ولاية الخرطوم أسعد ومدير عام وزارة التجارة أبوبكر بالتلاعب بقوت الشعب وأنهم لا يمثلون الثورة رسالتهم للوالي إن لم يستطع إزالة الفاشلين من طريق لجان التغيير لن ينجح لأن اللجان أحرص على الشعب وظلت تعمل لمدة عامل كامل ويصرفون من جيوبهم تطالب اللجان الولاية بالقيام بمهمتها في توزيع الدقيق بدون أي شركات تتحدث عن أرباح ووظائف يطالبون بهيكلة اللجان الثورية شركة الخرطوم للأمن الغذائي لازالت بكامل موظفيها التابعين لجهاز الأمن والمخابرات السابق لذلك مرفوضة تماماً لازالوا ينتظرون وصول الوالي لأن هنالك مخابز ليس فيها أي دقيق، وعلى السيد الوالي الاهتمام بمعاش الناس أو سيستخدمون الشرعية الثورية لتتنظيف المحليات اللجان تطالب بإدارة الدولة لعملية التوزيع وإن كان هنالك أرباح يجب أن تكون ملك الحكومة وتعود للمواطن في شكل خدمات أساسية كالعلاج والتعليم بعد اجتماعهم مع الشركة كانوا يتوقعون تغييراً في هيكلها لكنهم فوجئوا بأن الأسماء المطروحة للترحيل يمثلون العهد البائد وذلك غير مقبول تمثلت اقتراحاتهم في أن هنالك كميات زائدة حالياً يجب توزيعها بنفس الشكل القديم وبإشراف مباحث التموين لأنها تمثل الدولة وليس عبر الوكلاء. وأن السعر يجب تخفيضه بخصم أرباح الوكلاء وهذا أقل واجب تقدمه الحكومة للمواطن. وأن أي تجاوز للجان المقاومة غير مقبول. ممثلو اللجان مستائين جداً من تجاهل الوالي لاجتماعهم واعتصامهم حتى حل مشكلة توزيع الخبز ليوم الغد الرسالة موجهة للوالي مباشرة إذا لم يهمه قوت المواطن فهو لا يمثل الثورة تحدثت ممثلة أحد الأحياء عن أن حصتهم 6000 جوال، الجوال يخرج من المطحن 535 ويوزع بسعر 610 إلى 650 أي بربحية 450 ألف يومياً أي 3 مليار و960 أرباح اسبوعية. ويحملون المدير التنفيذي مسؤولية تجاهل هذه الحسابات التي كان من الممكن أن تفيد الولاية اللجان متواجدة من الأمس بعد وعد الوالي بلقائهم ولم يحضر واليوم وعدهم على الحضور قبل 5 ساعات ولم يحضر! اللجان ستقاتل في معاش الناس وأي محاولة لرفع الدعم عن الدقيق تسقط تالت المحليات تخصص الدفارات للنظام العام وكشات ستات الشاي لمطاردة الغلابة الكادحين لكن لا توفر أي ترحيل للدقيق اللجان موجودة من يومين لحل المشكلة وحتى هذه اللحظة لم تحل مشكلة توزيع دقيق الغد ولا يوجد أي مسؤول من وزارة التجارة ولا الولاية .. ونخبر الوالي عبر هذا اللايف أن غداً الخرطوم جوعانة شركة الخرطوم للأمن الغذائي أثبتت فشلها في السكر وتركت اللجان في مواجهة المواطن تم تعيين الشركة كمسؤولة باتصال هاتفي من مدير عام وزارة التجارة لمدير الشركة بأن محلية الخرطوم غير قادرة على توزيع الدقيق أفاد مدير الشركة بأنه دفع قيمة دقيق يومين علماً بأن الترحيل السابق كان يدفع قيمة شهر ممثل وزارة التجارة للمطاحن أسعد يتعامل مع اللجان بصلف وازدراء ويكتب ورقة من داخل مكتبه دون أن تكون لديه أي معلومات عن المخابز ويقول أنه الحكومة وأنه المسؤول عن كل الاجراءات ثم يطلب تنفيذ الورقة دون أي تفاصيل ويرفض النقاش. علماً بأن بياناته خطأ مثل وضع أفران بلدية مكان أفران آلية وكتابة فرن على أنه متوقف عن العمل في حين أنه أهم وأكبر الأفران بعد المشاورة تم رفض الشركة لأنها ربحية واستلامها تم بطريقة خطأ باتصال هاتفي اللجان ترفع تقريرها الاسبوعي كل خميس للمدير التنفيذي أو لمحمد آدم المسؤول عن الدقيق والشركة لم تكلف نفسها بالاطلاع على التقارير لمعرفة حالة التوزيع أسعد غير مرغوب فيه من قبل اللجان وهو يسعى لإعادة الوكلاء القدامى ويتهم اللجان بالتسريب بدون أي دليل كإتهامات مجانية دون الرجوع حتى لمباحث الدقيق وهو رافض للجان المقاومة شركة الخرطوم للأمن الغذائي استلمت أموال السكر ثم فشلت في إحضاره من مصنع الجنيد اشتمت اللجان رائحة فساد في الشركة الجديدة بسبب طريقة التعيين، وبسبب التجربة السابقة في السكر، وبسبب الوكلاء الذين أحضرتهم طريقتهم عقيمة جداً في النقاش ورفضوا سماع وجهات نظر اللجان وخبرتهم في التوزيع خلال عام كامل الشركة ليس لديها أي معلومة عن الدقيق وتسأل عن السعر يوم الخميس في حين أنها يفترض أن توزع يوم السبت
Post: #26 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-08-2020, 12:03 PM Parent: #25
شبكت عشري على رأسي وقلت له يا صاحب البوست هل مر بك عبد العظيم؟
Quote: الترس لازمن يكون صاحي لحرامية ولصوص الثورة الاحزاب وعبر المحاصصات عايزة تعيد لينا الكيزان بوجوه جديدة وترجع قوت المواطن تاني لايديهم يتكسبوا ويتاجرو بقوت الشعب وينهبوه ويسمسروا .. مايدوهم فرصة لجان المقاومة ما تتنازل عن دورها يجب الوقوف في وجه جشع الأحزاب ومحاصصاتها
نعم يا ود القوز مصيبتنا في احزاب البيوتات التجارية دي حزب اللمة و حزب الميرغني و الديناصورات دي ما عاوزة تنقرض و تطلع من شباك حياتنا العطالة ديل الصادق الفحل و الميرغني عايشين من 80 سنة على البلد دي ما شفنا ليهم اي انجازات تصب في صالح الوطن جشع مبالغ فيهو .. الى متى ؟ المحاصصات دي هي المشكلة التي كانت و ما زالت خصماً على الحكومة الانتقالية احزاب البيوتات التجارية عاوزة تقز عودا في اي حكومة و بأي وضع و دا غلط الفترة الانتقالية يجب ان لا تسمح بتغول هؤلاء الطفابيع
Quote: يعني يا ود القوز من مجرد سماع راي طرف واحد يكيل الاتهامات طوالي حكمت بالفساد و الشركرة عايزة تسمسر و الوالي سايقنه من اضانه ودورت المناحة! ما تسمع الطرف التاني على الاقل ورده على الاتهامات حتى احكم ولا كل مسؤول فاسد ومشروع حرامي حتى ولو ثبت العكس
يأخ أولن بالتبادي النسألك الشباب ديل كنموذج حي للوطنية والمثابرة ونكران الذات البيمنع شنو إنه يتم تعيين واحد فيهم والي ؟ .. لازم نتبالي بالاحزاب يعني؟ . طبعا حكاية تأهيل دي ما جابت حقها في التعيينات الفاتت .. اي زول عنده همة ونكران ذات وممكن عادي يستعين بمن براه والمسألة بتمش زي الباسطة .. قالوا ليهم تعال واتصلوا عليهو مايجي يقول كلامه !! .. ويظهر حسن نيته السبب المنعو شنو ؟ .. راقدلو فوق راي .. ! .. يا ود البشرى الشباب ديل صدقهم مافيهو ملاججه صدق وإحساس بالمواطن وهمه لو تابعت تعامل أسعد مع الشباب ديل والسيناريو الدايرين يجيبوا بيهو الشركة الفاشلة دي بتعرف الطريق الصاح بي وين .. شفت تجرد زي ده ديل قاعدين حارسنهم من أمس .. يجوا يحلو مشكلة توزيع الدقيق .. واحد فيهم كان هو كان مدني ظهر مافي ده والي جوابه باين من عنوانه ... النشوف لو تم إقصاء الشباب ديل .. واوكلوا التوزيع لجهه خلافهم ما عبد العظيم براهو إنت ذاتك معاهو في فتيل ...
Quote: شبكت عشري على رأسي وقلت له يا صاحب البوست هل مر بك عبد العظيم؟
بنغني ليهو يسأل عليك الليل ونجمو ....... اليتواصل لينا مع زولهم ده يشوف سبب عدم جيتو شنو وليه قال بجي وماااااجاء .. !! .. وحاة الله الوالي كان فارق درب لجان المقاومة بيروح ليهو الدرب في الموية .. وما حيتهنى بي كرسي الولاية كان صنقر ...
Quote: عندهم مشكلة يمشوا للوالي ، ويقابلوهو مكتبوا مفتوح ،
يا الفحل يا أخوي المانعو هو يجيهم شنو؟... لازم يعني يمشوا ليهو يأخ التواضع برضو حلو ومافي زول شكروهو بي التكبر .. يجي يقعد مع الشباب ديل في مكانهم ويعرف مشكلتهم ويحلها وانتهى البيان حاجة بسيطة مش محتاجة بروتكولات وما عارف شنو دي ثورة جابوها الشباب ديل .. ما جابتها الاحزاب عشان تجي تفرض رايها وفهمها اليجي يدي العيش لي خبازه ويمش ..
Quote: نعم يا ود القوز مصيبتنا في احزاب البيوتات التجارية دي حزب اللمة و حزب الميرغني
يا خضر يا أخوي وحاتك لا أستثني منهم أحدا .. بي ربطة المعلم ما نافعين أحزاب كرتونية .. شباب المقاومة ديل يدوهم حقهم شوف البلد دي تمش كيفن وحاة الله تمش زي الخيط .. منسوبي الأحزاب حيجوا يتلولوا ويسوفوا الأمور وحتبوظ الشغلانة كلها لانه الترس صااااحي تابعت كلام الشباب وشوفت التعامل معاهم كيف ؟ .. منتهى الخزلان يأخ الواحد فيهم لامن يتكلم غالبو الكلام والعبره ساده حلقو ... ما هذا يأخ .. ما هذا الذي يحدث للجان المقاومة ...........
كأنو الأحزاب دي جاية من المريخ أو ليبيا! ما سودانيين زيك عودهم في الثورة لايقل عن اي أحد سواء كأحزاب او كأفراد منتمين! المزايدة دي خط سايقنو اللوايفة بوعي او بدون يخدم الانقاذ وكذلك التخوين المجاني عموما انا ما عايز ادافع عن الوالي او اهاجم المتحدثين وانتقدهم في موضوع انا ما ملم بفاصيله و المتوفر منه فيديو مدته ساعو تطرح فيه وجهة نظر واحدة فقط دون السماع للرأي الآخر و اعطائه الفرصة لرد الاتهامات اتحدث عن نهج يا ود القوز و منطق, المنطق الخاطب بيه ربنا النبي داوود عليه السلام لما استعجل في الحكم بسماع طرف واحد دون الآخر قائلا"يا دَاوُدُ إِنَّا جَعَلْنَاكَ خَلِيفَةً في الأَرْضِ فَاحْكُمْ بَيْنَ النَّاسِ بِالْحَقِّ وَلاَ تَتَّبِعِ الْهَوَى" هسي انت طلّعت الشركة تابعة للأمن وفاشلة و طلّعت اسعد الما بتعرفه ولا سمعت باسمه الامن الناس ديل كذلك فاسد! ما تديه فرصة يرد على الأقل!
مع لجان المقاومة قلبا وقالبا وضد أي مخلوق يهمشهم أو يتعالى عليهم وما يسمع كلامهم (حتى لو بعدين اداهو البحر) لجان المقاومة هم الحارسين الثورة وهم الشغالين وهم القلبهم على البلد وهم الناكرين لذاتهم وهم الما كايسين لا سلطة ولا جاه ( وجهة نظري الخاصة) هم أية حاجة في أية حاجة وغيرم الأمور ما ح تستعدل في الطريق إلى الهدف . يسقط الوالي سقوطا بشعا (إن كان فعلا دا الحصل )
جرجير
Quote: منطق, المنطق الخاطب بيه ربنا النبي داوود عليه السلام لما استعجل في الحكم بسماع طرف واحد دون الآخر قائلا"يا دَاوُدُ إِنَّا جَعَلْنَاكَ خَلِيفَةً في الأَرْضِ فَاحْكُمْ بَيْنَ النَّاسِ بِالْحَقِّ وَلاَ تَتَّبِعِ الْهَوَى"
لا تنه عن تنظير بالدين وتأتى بمثله واللا أنت ما بتعرف العار العظيم ؟ خخخخخ يعنى لازم تتداخل ؟؟؟؟؟؟؟؟
Post: #37 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-08-2020, 03:00 PM Parent: #36
غايتو إلا يقول الناس ديل ما اتصلوا علي أو ما جاني تلفونهم لكن كونه لجان التغيير ممثلة بالأحياء دي كلها تكون حارسة الوزارة يومين وسعادته ما يشرفهم يمشي طوالي دي الناس القلبها على البلد جد جد أولاً متطوعين والمتطوع أفضل عطاءً من المستأجر ثانياً لأنهم تمثيل حقيقي للشعب وعندهم الداتا المفروض إنه الوالي محتاجها، وفي البال معاناة وزارة التجارة مع الداتا ثالثاً لا أثق في أي شركة تدخل فيها جهاز الأمن رابعاً الولاة لازم يفهموا الرسالة اللي نقلتها أعلاه على لسان أصحاب الفيديو .. ما جابتهم احزابهم ولا جابهم حمدوك جابتهم الجماهير دي وهي البتحاسبهم والبتمشيهم وتجيب غيرهم
لو لم يفعل الوالي سوى تجاهله دعوة لجان التغيير لكفاه عاراً
Post: #41 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-08-2020, 03:43 PM Parent: #40
أنا غايتو عملت العلي ولخصت ليكم مخرجات الاجتماع الزيادة من ساعة دة بحيث يتقري في 5 دقايق يا زهير عيد صياغة اللغة وحلال عليك :) حوم بيه الصحف البتكتب فيها كلها :)
مفروض بحسب أهمية الموضوع إنه بكرة إعلام الولاية يطلع بيان صحفي وأهو راجين الحلو :)
يا ود البشرى ما النحن العايزين نشيطن الأحزاب أبدا والله الأحزاب دي مشيطنة نفسها براااها وهي البتدلل على كده عبر تصرفات منسوبيها كولاة المعادين لجان المقاومة ورافضنها وبيحاولوا وبشتى السبل يخرجوها خارج معادلة السلطة الطلب كان من الشباب ديل بسيط جدا تعال اقعد معانا يا والي وأسمعنا نحن العندنا الداتا والعارفين طريقة وحصص توزيع الدقيق والمخابز وأماكنها والآلي منها والبلدي كيفن تطنش وينتظروك ويتصلوا عليك تقول جاي وترفض تجي !!! هل ده ما تصرف مريب برأيك ؟ .. هل ما فيهو تطفيش وتهميش وتجاهل للشباب ديل ؟ ديل مناديب عن كل أحياء الولاية كل واحد فيهم .. عارف تمام المعرفة وخبير بي مخابز االحي بتاعه وكمية الدقيق المفروض تتوزيع وعارف بيسلمها لي منو وبيراقبها اتخبزت ولا مشت لي بتاعين الباسطة والسوق الأسود بدل تستفيد منهم عايز تطفشهم !! الشباب ديل هميمين وشغالين بي ضمير الوالي برفضه الحضور هو ومدني معناتها شي واحد إخراج الشباب ديل من معادلة توزيع الدقيق وتسليمه للشركة دي أيا كانت بتاعة أمن أو وزارة تجارة أو غيره دي شركة في النهاية همها الربح وبتسأل كمان الربح في الشوال كم ؟ يعني عايزة قروش من وراء توزيع الدقيق وأكيد فيها سمسرة ومأكلة ديل شباب شغالين ليك بلاااااش وبدون مقابل تاباهم كوالي عشان تمش تجيب شركة توزع ليك الدقيق بي مقابل !!! خليني أنا انت رأيك في الحتة دي شنو غض النظر عن كلام الطرف الآخر الانت مصر إنك تسمعو .. او حيقول شنو انت ود البشرى ده رأيك شنو .. ؟
بعدين يأخ ما تضرب بينا مثل بالليافة وشغل شيطنة أحزاب أو غيره وحاة الله نحن كناس همنا المواطن التعبان ده ولا شايفين الأحزاب أصلا ولا مدنها حساب تأكد الكيزان عمرهم ما حيجوا من بوابة شباب المقاومة وسندافع عن وجودهم القوي داخل الحكومة ولو الأحزاب رفضتهم تغور في ستين ويبقى شباب المقاومة .. يا هو دى .. خخخ
بعدين ما تهرش أحمد وطلحة ديل خلي الناس تقول رأيها يأخ .. خلي قال عايزين تبقوا لي زي الناس التانيين ( اللهم نحن طبعا ) ....
Quote: هم قالوا اتجاهلها ما تسمع رده اول ح يقول شنو! حتى بعدين لخ! انت زاتك عايو تبقى لي زي الجماعة ديل
في اهم من صفوف العيش. بكرة لو اضربوا ح يظهر حمدوك مشبك يدينو ويقول ح نعبر ههههههه. انتظروه وفتشوا عليه كم ساعة.. وسعادته ما ظهر.. يكون بتحنن ولة بتبوخ. لجان الاحياء قد قالت فاااا عليه يسمع وينفذ بس.
غايتو الله لا ولّاك قضاء للمسلمين يا ود القوز! البجيك اول بتحكم ليه دا غير اللخ
Quote: عبر تصرفات منسوبيها كولاة المعادين لجان المقاومة ورافضنها وبيحاولوا وبشتى السبل يخرجوها خارج معادلة السلطة
يا ساتر!! بقت تصرفات ولاة كمان بدل والي و معادين للجان المقاومة! يازول انت بتجيب العجين البتلخو دا من وين؟ قول ايمن دا خلاص حكمت عليه من الفيديو ابو ساعة انو معادي للجان المقاومة و ساعي لعزلها - بالمناسبة الفي الفيديو ديل ما لجان مقاومة لكن ما مشكلة - اها الوالي التاني و التالت (لازم جماعة عشان يبقوا ولاة ) منن؟ ومعلومة تانية فري اوف جارج لبقية اللخاخين, توزيع حصة ولاية الخرطوم ليس مسؤولية وزارة التجارة و الصناعة يعني انزلوا من ضهر مدني المرة دي بتلقوا فيه فرقة تانية نرجع لعجين ود القوز, ياخي لامن تقول الشركة دي أمنية و اكيد عايزة سمسرة انت جبت المعلومات دي من وين عشان ترددها بكل ثقة كدا! ياهو كلام الشباب ديل! هل ديل انبياء لا يأتيهم الباطل من بين ايديهم عشان تاخده كأنه قرآن منزل! الشي الطبيعي طالما المعلومة سماعية وكمان في لايف تعامل معها بالطريقة الاستاندر للتعامل مع اللايفات! لا تصدقها لا تكذبها حتى تتأكد من الاطراف الاخرى المعنية!
Quote: يكون بتحنن ولة بتبوخ.
اهلا معتصم, لاحظ انت بتتكلم عن الوالي المدني التعيينه أحد مطالب الثورة وسالت من اجله دماء
معقولة يا خوانا! خليتوا لبقال و انس عمر وبقية الزواحف شنو طيب!
يا ود البشرى الشباب ديل محل ثقة لانه ببساطة ما عندهم مصلحة بس عايزين يسلموا التوزيع لجهة محل ثقة ما دايرين يفكوها ساي حتى قالوا لو الولاية التزمت وجابت عربات لترحيل الدقيق أحسن ليهم وهم موافقين على الاقل تعود الفوائد للمواطن .. في شكل خدمات لكن لقوا الشركة زي ما شرحوا فيها نسب وتوزيع بصورة ارتابوا منها .. ليه انت متشكك في كلامهم .. !! .. هل انت شايف عندهم مصلحتهم عشان يكضبوا ؟! .. ثم طرفك التاني ده نرجاهو لي متين !! هل الوضع بيستحمل ؟ .. ده عيش مفروض يتوزع للافران في مواعيد ضيقة بكرة الصباح لو مواطني الولاية ما لقوا عيش ياكلوه نقول ليهم شنو ؟ .. الوالي ما فاضي واتصلوا عليهو قال بجي وما جاء .. ثم طرفك التاني الاتهرب وماطل في مقابلة الشباب انت جاري تدافع عن حق هو ذات نفسه ما كان حريص عليهو ليه ؟ .. هل انت أحرص من الوالي على ابعاد أي لغط عنه !! بتبالغ يأخ .. عموما نحن مرغمين ننتظر ونشوف جبل الوالي حيتمخض ويلد لينا شنو ؟ . غايتو انت كان عندك تصور في راسك ماااابتقتنع نهاااائي لكن خلي لي ناس أحمد محمد عمر وطلحة ديل ما تهرشم ديل ناسي تب ...
قااااالوا (طلع) قريب غطاء.. بعدين صورو الحايم بالعلم دي كانت في الثورة ولة مليونيات ما بعد السقوط لو عندك فكرة يا محمد. اااي زول بلمعوه عندنا فيه رااااااي. بعدين ما مشيت بعيد ياااخ.. الشيوعين قالوا في اربععععععة ولاة اما قريب غطاء او كيزان عدييييل.. ههههههههه انا ماسك قوي في كلامهم دا.
معتصم إدريس سلامات أيمن خالد كان ممثل طلاب التجمع الوطني الديمقراطي في مؤتمر أسمرا للقضايا المصيرية في مصوع 1995 ضيف دائم في معتقلات النظام البائد إعلان الحرية والتغيير الكتل الثلاثة الأولى وقعت في عربيته ويوم محمد الأصم تلا إعلان الحرية والتغيير بالفيديو أيمن كان واحد من الموجودين في شقة جبرة التي تم منها البث أيمن خالد إبن الثورة ومن شوارعها ومواكبها وسجونها
دي ندوة في شرق النيل في 2014 تحديدا في ميدان الجريف شرق.. بعد الندوة تم إعتقاله مباشرة
حقيقة أن (فيديو) هذا الأخ العضو الكِلِّيم، في إحدى لجان الخدمات والتغيير بالولاية، كان مؤثّراً جداً على كل مَن شاهده، واحتمال يكون بكّى بعضهم بِــكـِــيّــا ..! وبطبيعة الحال، فالفيديو يدفع ببراهينه التي تُدين الوالي وأركان عمل-ولايته؛ وأول براهنيه، أن الوالي ال"مدني" الجديد خَلَف الوعد وماجاء ونحنا (ممثلو كافة لجان الخدمات والتغيير بالولاية) منتظرين سعادتو من أمس! والليلة خمس ساعات كاملات. ثم إن البرهان الثاني، والذي يدين الولاية بواليها، هو منح شركة الأمن الغذائي، حق التوزيع لكل "دقيق" مخابز العاصمة، وبطريقة تشبه طريقة أمين عام مجلس السيادة، في ترسية عطاء توريد 35 عربة فارهة من 70 فارهة كانت مطلوبة على وجه السرعة حتى لا نُحرَج (!) في ضيوف السودان الجاييين!!!! لولا أن لحقها في اللّفّة الأخيرة، بيان من "مجلس السيادة" يقول: أما بالنسبة للفارهات ال35 فالمجلس يقولها بملء فيـــــــهِ : يطرشنا!! وها نحن لغيناها ...!! أما البرهان الثالث الذي يدين الوالي وحكومته ، بحسب حديث العضو المحترم لإحدى لجان الخدمات والتغيير، وأعني هذا الأخ الكــِــلـــّــِـــيم، فهو أن الولاية في الغدِ الباكر لن تشهد صفوف خبر! لأنو ما ح يكون فييي "دقيق" اتوزّع وكدا..! (يا أخي الكريم، فألُ الله تعالى، ولا فألكم غير السار! إنتو قايلين خُبزنا الحافي دا، منننننكم إنتو ولللا إيه؟!) . شخصياً، أتضامن مع " لجان المقاومة" ولا أُخلي بعض ساحات " لجان التغيير والخدمات" من محاولات لعِب ال "تلات وَرَقات" ...!! وعلى كل حال، فالواضح جداً، أن الأخ الوالي المدني الجديد، أيمن خالد، يتلمّس طريقه يادوووب لمسك مقوَد الولاية المقننة الأزمات؛ وواقع بالطبع! تحت عدد من الضغوطات السياسية والمحاصصية ربما، بل والعسكرية النظامية وغير النظامية ذاتو والضمنية مخفية كَـــ"موية تحت تِبِن!" تلدغَك وما تنشاف!! ثم إنه كان قد أعلن من يومــَيْن، إطلاق حَمْلَة نظافة للولاية، ستبدأ من صباح سبت اليوم..
واضح أن اللسان الإعلامي للجان الخدمات والتغيير، أفصح صوتاً من "طاقة" الوالي المدني الجديد الإعلامية! ومعلوم أن "لجان الخدمات والتغيير" لجانٌ نشأت "بروس"!! زيّها و زيّ "لجان المقاومة" ولكن فضل لجان المقاومة أبقى وأوضح باعتبار نشوئها المتاريسي الثوري آل-عَبِق ضد الخونة التّانين؛ بينما نشوء " لجان الخدمات والتغيير" استمرار لأوانطجية اللجان الشعبية الإنقاذوية الكوزية الضّالّة، والأشنع! آل-مُتعووووودا على التجارة بالدِّين وبِــ دِقيق الخُبز وترحيله وفتح اعتمادات استيراده كوووولللو كوووولووو فعشيرة المتاجرين لها رباط أمرس من المافيا ذاتو!
الأزمة في الخبز، ظهرت من يوم الربوع فالخميس "أول أمس" - على الأقل عندنا في نواحي جنوب الخرطوم! ولمّا سألنا: قيل لنا إن السوّاقين بتوع الترحيل مُعَيِّدين والمطرة زادت طُرُق التوزيع ميوعة!!! وأنو وأنو إلخ,,,, فسألنا وقلنا: بس كدا، وألللا الحكاية لا تخلو من شُبهة "دمغة الساندويتش والعصير بتاع الزاحف في جُمعة الغضب آل-فلولية يوم 7/أغسطس/2020 حسبما قالت "بوستراتها .. فتبرّع بالإجابة متبرّع: ياخ الزواحف ديل ماصتهم المطرة زماااااان! فقال له بعضنا: إنكم تكذبون؟ وهذه "بشتنة الحَتّانة " لم تُساوي ثمن البنزين الذي مُشوِرتْ به!! ثم اتّكلنا على الله تعالى، وقلنا ناكل كسرة فطيرة وللللا مُرّة أو أبا القُرص 3" ..
وياخبر اليوم بفلووووس، بُكرة ببلاش! وذلك حينما تدور ماكينة الدعاية الولائية وسيفتّونه فَـتــّا ..!
أنا ما بدافع عن الوالي يا ود القوز ولو رجعت كلامي مافي كلمة واحدة تدافع او تبرر بل ادافع عن مبدأ اساسي انك ما تسلم اضانك لأول متحدث وتقوم تحكم ليه بالنعجة طوالي, استنى لامن تسمع من التاني يمكن عيونه الاتنين مقددات! دا شي طبيعي و مبدأ معروف لمن ينشد الحقيقة فقط بلا غرض او افكار مسبقة
يا معتصم في بوست تناول بيان الحزب الشيوعي انا انتقدت اللغة دي! لغة ملايفاتية وونسة اسافير, شنو اربعة ولاة مؤتمر وطني و تسكت! لا تقول فلان وفلان وطوالي معاها ادلتك عشان لامنيتطلعو شباب الثورة بكرة يترسوا يكونوا عارفين ناسهم الطالعين ضد تعيينهم منو, لكن البيان المبهم دا لا بشبه لغة الاحزاب و تحمل المسؤولية.
ياخ حرقتو روحي بالغلاط الدائري دا, حقو انزل الكونيكا مع المستنير و التاج بعد
Post: #60 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 00:36 AM Parent: #58
Quote: بالمناسبة الفي الفيديو ديل ما لجان مقاومة
دي كيف؟ قصدك اختلاف مصطلحات ساي ولا هم ما عندهم علاقة بتوزيع الخبز؟ في رأيك موضوع بأهمية الخبز وتعيين شركة للإشراف عليه بدون إعلان أو توضيح وتسفيه دور اللجان التي ظلت تؤدي مهمة المتابعة ورفع التقارير الميدانية طوال الفترة السابقة، في رأيك المفروض الرد يتم متين؟
الخريف اللين من بشايرو بين
___________ والله يا جودة كرأي شخصي انطباعي أنا ممكن أدعم الوزراء المعينين بناء على الكفاءة لأنهم جايين من رحم الثورة لكن الولاة جايباهم احزابهم بالتالي ولاءهم بكون للجهة الجايباهم وأهو شفنا عواسة الأحزاب سوت في تجمع المهنيين شنو
Post: #61 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 00:38 AM Parent: #60
هسة عبد العظيم الكان قادينا بالتقارير من داخل وزارة الصحة كل 3 ساعات غلبو يجيب أي معلومة عن ولايتهم؟!! بس دة كل القدر عليه! جايي يونسنا بالأيام الخوالي!!!
Quote: نرجع لعجين ود القوز, ياخي لامن تقول الشركة دي أمنية و اكيد عايزة سمسرة انت جبت المعلومات دي من وين عشان ترددها بكل ثقة كدا
Quote: فوجئت لجان المقاومة باختيار شركة الخرطوم للأمن الغذائي لتوزيع الدقيق، وهي الشركة التي تولت توزيع السكر في رمضان (وحدس ما حدس) تم الاجتماع بمديرها التنفيذي وقال أنها أصبحت تابعة لولاية الخرطوم. تملك وزارة التجارة فيها 45% ، وزارة المالية 25% ، البنك الزراعي 15% ، و 20% شركة السكر السودانية
يعني عشان الشركة كانت مملوكة لجهاز الامن في العهد البائد تستبعد الان وهي شركة مملوكة لحكومة السودان بنسبة 100 % ؟
Post: #63 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 06:01 AM Parent: #62
لكن هل حصلت ليها هيكلة ولا موظفينها ياهم القدامى؟ بحسب كلامهم إنها بذات الفريق القديم
Post: #64 Title: Re: أيمن نمر والي الخرطوم الكارثة (فيديو) Author: محمد البشرى الخضر Date: 08-09-2020, 06:26 AM Parent: #63
Quote: دي كيف؟ قصدك اختلاف مصطلحات ساي ولا هم ما عندهم علاقة بتوزيع الخبز؟ في رأيك موضوع بأهمية الخبز وتعيين شركة للإشراف عليه بدون إعلان أو توضيح وتسفيه دور اللجان التي ظلت تؤدي مهمة المتابعة ورفع التقارير الميدانية طوال الفترة السابقة، في رأيك المفروض الرد يتم متين؟
الخريف اللين من بشايرو بين
كدي راجع تقديمهم لانفسهم في بداية الفيديو, دي لجان خدمات وتغيير تختلف عن لجان المقاومة, و مقسمين لغرف المتحدثين اغلبهم من غرفة توزيع الدقيق في الاحياء. بالنسبة للخلاف حول تعيين شركة حكومية للتوزيع زي ما قلت فوق مع قلة المعلومات المتاحة ليس من الحكمة تكوين رأي و حكم بناء على سماع طرف واحد, لامن اسمع من المسؤولين ليه لجؤوا لحل تعيين شركة حكومة لتولي مهمة توزيع الدقيق و ليه وكيف تم اختيار الشركة المعنية وليه منسقي غرف التوزيع من لجان التغير ما عندهم علم, وهل اساسا يجل ان يكون عندهم علم أم لا! حتى بعد داك ممكن اكون راي في الخلاف الحاصل فكرتي العامة انه دا موضوع اداري ما ثورة و ترس وقيامة رابطة الخلاف الفيه خلاف على اجراءات و مسؤوليات الموضوع ما يحتاج لغة ثورية و تخوين و ما عارف ليك الاحزاب و شنو وشنو, قبل اصدار اي حكم المنطق بقول الغايب عذرو معاه :)
Quote: بحسب كلامهم
طيب ما تنتظر تسمع كلام اسياد الشي ذاتها
Post: #65 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 06:49 AM Parent: #64
ماهي أصلاً مشاكل الخبز كلها إدارية! أمال الفساد من وين! في أول مؤتمر صحفي لوزارة التجارة أشاروا لعدم وجود الداتا واعتمادهم على لجان المقاومة والتغيير في المعلومات دي بالمناسبة المحليات دي ملجنة رسمي وطوال الثلاثين عام السابقة ما كوز ولا موالي ما بتتعين في الوحدة الإدارية كان نططت لجان المقاومة ولجان التغيير حاجة واحدة مجرد اختلاف مسميات ومهام لكن الاتنين هم الثورة المحمية بالشعب ما عندنا معلومات غير الواردة في كلامهم ولولا ذكرهم بالنص إنهم كانوا برفعوا تقارير اسبوعية للمحلية كنت حأفكر نفس تفكيرك دة سؤالي كان عن الحد الزمني بحسب رؤيتك لتصريح الطرف الآخر .. بس لمجرد إنه ما اتكلم معناها ما نحكم لحدي ما يتعطف علينا بتصريح ولو ما صرح دة الله ودي إرادته! أنا بقول ليك كدي لأنه شاعر بي نفس الشعور بتاع البوست دة قلت ليك نرجى الحلو والحلو عمل نايم .. وأتوقع ذات النوم في العسل هنا
Post: #66 Title: Re: أيمن نمر والي الخرطوم الكارثة (فيديو) Author: عبد الصمد محمد Date: 08-09-2020, 07:10 AM Parent: #63
Quote: تم الاجتماع بمديرها التنفيذي وقال أنها أصبحت تابعة لولاية الخرطوم. تملك وزارة التجارة فيها 45% ، وزارة المالية 25% ، البنك الزراعي 15% ، و 20% شركة السكر السودانية
دي بس 105% إعتقد إنه مشكلة الناس مع الوالي الجديد إنتماؤه لحزب إرتبط بالفشل والخيانة وممالاة مواقع القوة وكل ترشيحاته لازم تخدم مصالح الحزب الإقتصادية والسياسية قبل ما تخدم الوطن ومن حاد عن ذلك يفصل في الحال ومنهج التنظيم والتصعيد فيه كما في حزب الأمة يعتمد على القرب من من زعيم الطائفة ورضاه عن الشخص أو مكانة أسرته في الطائفة يعني ما تتوقع واحد غلبان ووطني يحلم بأنه يخدم الوطن بإنتماءه لأحزاب العوائل هذه زمان ناس الأزهري كونوا أحزاب خاصة بيهم زي الوطني الإتحادي ولمع نجمهم فيها لكنهم لما إحتاجوا للسند الشعبي ما لقوا غير يتحالفوا مع علي الميرغني وخرج الوطنيين أكثر من مرة من الحزب لكن الجماهير في بلد شعبه في غالبه الأعظم أمي كانت تدين بالولاة للختمية والأنصار فرجع السياسيين لا سيما الانتهازيين منهم لهذه الاحزاب هذه الطائفية هي مسمار في نعش الديمقراطية ومن يدعمها يدعم الدائرة الخبيثة التي تقود لفشل الديمقراطية والانقلابات العسكرية
Post: #67 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 07:15 AM Parent: #66
عبد الصمد قال البغلة في الابريق
Post: #68 Title: Re: أيمن نمر والي الخرطوم الكارثة (فيديو) Author: عبدالعظيم عثمان Date: 08-09-2020, 08:30 AM Parent: #67
والي الخرطوم الجديد ليه كم يوم من إستلم مهامه من الضي؟ موضوع الدقيق والوكلاء وبوليس التموين دا شغل قامت ليه وزارة التجارة الإتحادية خلو الزول يقعد في مكتبه من يوم الوصل في الشارع مع الخريف
إذا فشل او تقاعس أو فسد كلنا بنردمه وما حنخلي ليه جمبة ينوم عليها
لكن اخذوها مني... أيمن خالد زول كلس لا عايز تلميع ولا عاوز جداد لوكوا الصبر وسترون ما يسركم من حاكم الخرطوم الجديد
Post: #69 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 09:01 AM Parent: #68
ما تجيب ليك غنية عرضة بالمرة ومصادرك الكان بتجيب كمية الملح الكباها أكرم في فول الفطور غلبها الليلة تجيب أي معلومة عن أيمن!!!
هل انت عاوز تقول إنه توزيع الدقيق في ولاية الخرطوم ما من مهام والي الخرطوم؟ هل عندك نفي واضح لتلقي الوالي اتصالات الشباب ديل؟ هل عندك تبرير لعدم حضوره للاجتماع بيهم ولو على سبيل تقدير مجهوداتهم
ولا بس بتعرف تجيب اخبار شيوعيي تجمع المهنيين لكن في دي أضان الحامل طرشاء؟!!!
Post: #70 Title: Re: أيمن نمر والي الخرطوم الكارثة (فيديو) Author: حسن ادم محمد العالم Date: 08-09-2020, 10:12 AM Parent: #69
استاذنا خضر الطيب وضيوف البوست تحياتي اكييد لا يوجد كبير علي الثورة ولايوجد من هو فوق القانون في ظل الشعار المحببه الثورة هو مفردة العدالة الاخ ايمن نمر تسلم مهامه هو يدير الامور في ظل واقع مأزوم هذه حقيقة والرجل بدا بملف النظافة لكن مساعدة الولاة بالصبر والتاني مهمة جدا الوالي ايمن نمر التقي بلجان المقاومة وشرح لهم وجهة نظره بمنتهي الأدب لكن الغير المنطقي في شغل مشغوليات الولاة ان تطلب لجان الوالي للحضور للتوة بعيدا عن البرنامج والمشغوليات والتي تصب جمعيها في خدمة المواطن ولجان المقاومة
فالمسئولية مشتركة بين الحكومة والحاضنة الشعبية بخصوص شركة الخرطوم للامن الغذائي هي شركة تابعة لوزارة الصناعة ولاية الخرطوم بالتالي توزيع الدقيق مهام الوزارة بديهي ان تقوم بمهام التوزيع والترحيل في ظل الغاء نظام الوكلاء ولا اري غضاضة في ذلك اعتقد واحدة من مهام الثورة ايجاد معادلة لتكون لجان المقاومة فعالة في العمل التنفيذي عبر التوظيف في الجيش والشرطة والأمن والمحليات لكن العمل الطوعي لشباب في بلد مأزوم له عواقب وخيمة عليها دعوة لمناقشة كيفية ايجاد دور مقنن للجان في البلاد
Post: #71 Title: Re: أيمن نمر والي الخرطوم الكارثة (فيديو) Author: MOHAMMED ELSHEIKH Date: 08-09-2020, 10:27 AM Parent: #70
Quote: و حزب الميرغني
حسي الجوطة دي كووووولها مبنية على ان ايمن خالد تابع لحزب الميرغني؟ معقولة زول واحد يصحح المعلومة لخدر و جماعته مافي
اها حزب الميرغني ماعندو علاقة بوالي الخرطوم او أي والي آخر . قول واحد
اتنين انتو سمعتوا من مكتب الوالي سبب عدم حضوره لاجتماع اللجان ولا شغالين باضان واحدة؟
انا سمعت انو كان في اجتماع مطول بخصوص نظافة عاصمتكم العفنانة مكب النفايات في بانقي انضف منها لذا لم يسعفه الزمن في الحضور.
زي ماقالكم ود البشرى اسمعوا من الطرفين ثم بعد ذلك تعالوا اردموا انتهى
Post: #72 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 10:46 AM Parent: #71
دة كلو كلام كويس ومنطقي
Quote: لكن الغير المنطقي في شغل مشغوليات الولاة ان تطلب لجان الوالي للحضور للتوة بعيدا عن البرنامج والمشغوليات
بس العاوز اعرفه هل هو وصل ليهم وجهة نظره في إنه ما حيجيهم؟ لأنه بحسب الفيديو هم منتظرين حضوره 5 ساعات وإذا وصل ليهم معلومة إنه مشغول وما حيقدر يجي مافي سبب بخليهم يقعدوا يوم الجمعة لحدي 11 في الوزارة! موضوع إنه التوزيع تبع الوزارة الولائية ما بطلع الوالي من اتخاذ القرار كما أن الوزارات الولائية لا تقوم بأعمالها بمعزل عن المحليات مثلاً في الجزيرة الوزارات دي قاعدة في مدني بس تفتكر معلوماتهم عن المخابز في بقية مدن الولاية وقراها بجيبوها من وين؟ المحليات في الجزيرة هي من تتولى التوزيع ولجان التغيير حارسة حصصها
Post: #73 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-09-2020, 11:15 AM Parent: #72
جمال ود القوز
سلااااااام ود القوز ، لا لا . دا شغل عشوائي ، Arm twisting , Sudanese style لزرع الفتنة one who spreads strife among peoples
Quote:
يا الفحل يا أخوي المانعو هو يجيهم شنو؟... لازم يعني يمشوا ليهو يأخ التواضع برضو حلو ومافي زول شكروهو بي التكبر .. يجي يقعد مع الشباب ديل في مكانهم ويعرف مشكلتهم ويحلها وانتهى البيان حاجة بسيطة مش محتاجة بروتكولات وما عارف شنو دي ثورة جابوها الشباب ديل .. ما جابتها الاحزاب عشان تجي تفرض رايها وفهمها اليجي يدي العيش لي خبازه ويمش ..
جمال ود القوز
عزالدين عباس الفحل ابوظبي
Post: #74 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-09-2020, 11:25 AM Parent: #73
Quote:
حسي الجوطة دي كووووولها مبنية على ان ايمن خالد تابع لحزب الميرغني؟ معقولة زول واحد يصحح المعلومة لخدر و جماعته مافي
اها حزب الميرغني ماعندو علاقة بوالي الخرطوم او أي والي آخر . قول واحد
اتنين انتو سمعتوا من مكتب الوالي سبب عدم حضوره لاجتماع اللجان ولا شغالين باضان واحدة؟
انا سمعت انو كان في اجتماع مطول بخصوص نظافة عاصمتكم العفنانة مكب النفايات في بانقي انضف منها لذا لم يسعفه الزمن في الحضور.
زي ماقالكم ود البشرى اسمعوا من الطرفين ثم بعد ذلك تعالوا اردموا انتهى
MOHAMMED ELSHEIKH
عزالدين عباس الفحل ابوظبي
Post: #75 Title: Re: أيمن نمر والي الخرطوم قمة النشاط والحيوية Author: عزالدين عباس الفحل Date: 08-09-2020, 11:42 AM Parent: #74
خضر الطيب
سلااااااام الهبول الإنجليزي بتاعك KG1 You're so stupid مستوي ضحل
Quote:
I feel deeply sorry for you wanker, you're just stupid
خضر الطيب..
عزالدين عباس الفحل ابوظبي
Post: #76 Title: Re: أيمن نمر والي الخرطوم قمة النشاط والحيوية Author: عزالدين عباس الفحل Date: 08-09-2020, 11:48 AM Parent: #75
أيمن خالد نمر . والي الخرطوم .
عزالدين عباس الفحل ابوظبي
Post: #77 Title: Re: أيمن نمر والي الخرطوم قمة النشاط والحيوية Author: عزالدين عباس الفحل Date: 08-09-2020, 12:00 PM Parent: #76
Quote:
كدي راجع تقديمهم لانفسهم في بداية الفيديو, دي لجان خدمات وتغيير تختلف عن لجان المقاومة, و مقسمين لغرف المتحدثين اغلبهم من غرفة توزيع الدقيق في الاحياء. بالنسبة للخلاف حول تعيين شركة حكومية للتوزيع زي ما قلت فوق مع قلة المعلومات المتاحة ليس من الحكمة تكوين رأي و حكم بناء على سماع طرف واحد, لامن اسمع من المسؤولين ليه لجؤوا لحل تعيين شركة حكومة لتولي مهمة توزيع الدقيق و ليه وكيف تم اختيار الشركة المعنية وليه منسقي غرف التوزيع من لجان التغير ما عندهم علم, وهل اساسا يجل ان يكون عندهم علم أم لا! حتى بعد داك ممكن اكون راي في الخلاف الحاصل فكرتي العامة انه دا موضوع اداري ما ثورة و ترس وقيامة رابطة الخلاف الفيه خلاف على اجراءات و مسؤوليات الموضوع ما يحتاج لغة ثورية و تخوين و ما عارف ليك الاحزاب و شنو وشنو, قبل اصدار اي حكم المنطق بقول الغايب عذرو معاه :)
محمد البشرى الخضر
عزالدين عباس الفحل ابوظبي
Post: #78 Title: Re: أيمن نمر والي الخرطوم الكارثة (فيديو) Author: حسن ادم محمد العالم Date: 08-09-2020, 12:32 PM Parent: #72
حبيبنا احمد عمر سؤال هل هناك التزام بين من الوالي ايمن نمر للجان بالحضور في الاجتماع المزكور كلما مافي الامر ان الاجتماع المقصود بين لجان المقاومة وزير الصناعة ولاية الخرطوم ومدير شركة للامن الغذائي وحينما تباعدت وجهات النظر طلبت لجان الاجتماع بالوالي والحضور اليهم من الولاية وأظنك توافقني ما هكذا تدار الامور فالوالي كان في اجتماع وفيما بعد تفهم الامر واجتمع مع اللجان وهذا امر طبيعي فنحن لا نحتاج تحميل الامر اكثر ما يحتمل مازالنا نريد مجهودات وإيجاد معادلة تفعل لجان المقاومة وتضعها في الاطار السليم اما بخصوص الجزيزة ومناطق السودان المحليات تتسلم من الوكلاء والوكلاء جزء من ازمة الدقيق والولايات لم يطالها رؤية الوزارة في الدقيق والوكلاء حتي تكتمل الصورة فموضوع الدقيق مربوط بتداخلات ومصالح وصراعات فنحن مازالنا في بداية الطريق لتلمس الخطي واكييد تضافر الجهود والأفكار سنعبر وفق الحقيقة والعلمية وبعيدا الهتاف
Post: #79 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-09-2020, 01:02 PM Parent: #78
شكراً حسن أنا أساساً لا تهمني غير الحقيقة هل تعني أن الوالي اجتمع بهم بعد هذا اللايف المنشور؟
Quote: فنحن مازالنا في بداية الطريق لتلمس الخطي
وهذا أكبر سبب للقاء هؤلاء الشباب المتطوعين الاعتماد على منسوبي المحليات بعيداً عن لجان التغيير هو الفشل بعينه
أعرف ذلك معرفة شخصية لأني كنت عضواً في إحدى اللجان المرتبطة بالمحليات .. عضوية اعتبارية أي أنني مثل لجهة أكاديمية ليس بشخصي أقولها لك بكل صراحة إن المحليات وما بها من فساد وانعدام سيستم هو سبب الأزمات
Quote: الإنجليزي بتاعك KG1 You're so stupid مستوي ضحل
و الله فعلاً عمبلوق فحل كان سيدك الحرامي الفاسد القاتل عمر (البشكير) و هسي بتطبل للوالي الموالي حزبه للكيزان ؟ انت فعلاً مسخرة و شخص مشوه الدواخل نوعك دا ما بعيش بدون سيد لانك وضيع انت عارف انك وضيع و لا ما عارف بعدين خليك من لغتي الإنجليزية الدراب دي على حسب طايوقك دي انا عملتا بيها ماجستير في بريطانيا في أحسن الجامعات انت بريطانيا دي إلا تشوفا في الخريطة سيبك من دا كلو .. اي زول تطبل ليهو يبقى مبدئياً ما نافع ذي ما كنت بتطبل لي نافع الما نافع .. يا ما نافع ..ركز في ورقك المخاوي دا بلا قرف معاك
يرد عليك يقول شنو يا جلال و الله انت طموحاتك عالية و يصعب تحقيقا مع التيس الفحل دا
Post: #83 Title: Re: أيمن نمر والي الخرطوم الإخلاص والهمة Author: عزالدين عباس الفحل Date: 08-10-2020, 04:25 AM Parent: #82
النعجة أم بيض ، ي خسر ، قلت لي أنك عملت ماجستير في بريطانيا ، وما بتعرف ترص كلمتين إنجليزي ، مستواك دون KG1 ي عواليق .
Quote:
و الله فعلاً عمبلوق فحل كان سيدك الحرامي الفاسد القاتل عمر (البشكير) و هسي بتطبل للوالي الموالي حزبه للكيزان ؟ انت فعلاً مسخرة و شخص مشوه الدواخل نوعك دا ما بعيش بدون سيد لانك وضيع انت عارف انك وضيع و لا ما عارف بعدين خليك من لغتي الإنجليزية الدراب دي على حسب طايوقك دي انا عملتا بيها ماجستير في بريطانيا في أحسن الجامعات انت بريطانيا دي إلا تشوفا في الخريطة سيبك من دا كلو .. اي زول تطبل ليهو يبقى مبدئياً ما نافع ذي ما كنت بتطبل لي نافع الما نافع .. يا ما نافع ..ركز في ورقك المخاوي دا بلا قرف معاك
خضر الطيب..
عزالدين عباس الفحل ابوظبي
Post: #84 Title: Re: أيمن نمر والي الخرطوم الإخلاص والهمة Author: عزالدين عباس الفحل Date: 08-10-2020, 04:50 AM Parent: #83
خبر يفتح النفس.. منقول..
فوجئنا أمس الخميس بدعوة من مكتب والي الخرطوم أيمن خالد لحضور مؤتمر صحفي للوالي صباح اليوم الجمعة.. تعجبت في بداية الأمر فطيلة أربعة عقود من عملنا في بلاط صاحبة الجلالة السلطة الرابعة الصحفية م يدعنا أي مسؤول لمؤتمر صحفي يوم الجمعة في مكتبه بخصوص العمل الروتيني غير الطارئ. شمرت عن ساعدي وألغيت طقوس الجمعة الصباحية والفطور العائلي المعتبر وتوجهت إلى مكتب السيد والي الخرطوم.. تفاجئت باجتماع موسع للوالي مع جميع أركان حربه وممثلين آخرين للقوات النظامية ومنظمات العمل الطوعي وحضور طاغي امتلأت به قاعة اجتماعات مجلس وزراء الولاية.. وبعد انتظار ساعة ونصف من الزمن انتهى الاجتماع الموسع ودلفنا للقاعة لحضور المؤتمر الصحفي للسيد الوالي.. ابتدر الوالي حديثه عن الوضع الصحي المتردي في ولاية الخرطوم ووضع النفايات المخيف طيلة الفترة السابقة ولهذا قرر شن الحرب على هذه الأوساخ واعطاء أمر النظافة الأولوية القصوى بالنسبة لحكومة ولاية الخرطوم من اجل بناء عاصمة حضارية كونها واجهة البلد وصديقة للبيئة لتقي مواطنيها شر الأمراض وتكاليفها.. وأشار الوالي الى أن اجتماع اليوم الموسع لأركان حربه قرر تنظيم حملة نظافة شاملة يتم توفير الدعم الكامل لها لتتفادى سلبيات الحملات السابقة وتكون بداية لعمل استراتيجي حقيقي يشرك فيه القطاع الخاص و يخطط لاستدامة عملية النظافة طيلة العام. وأوضح بانه قد تم تكوين آلية مؤقتة لعمل خطة للنظافة على أن ترفع توصياتها للولاية خلال 48 ساعة على أن يتم استصحاب والتنسيق مع لجان الخدمات والمقاومة والمواطنين. وقال الوالي بان هناك عددمن المبادرات أبرزها مبادرة تجمع المهندسين الذين تبرعوا بصيانة كل الآليات المتعطلة كما أبدى الحرفيون نفس التوجه على أن تلتزم الولاية بتوفير التكلفة المادية والعينية
عزالدين عباس الفحل ابوظبي
Post: #85 Title: Re: أيمن نمر والي الخرطوم الإخلاص والهمة Author: عزالدين عباس الفحل Date: 08-10-2020, 05:00 AM Parent: #83
أيمن خالد نمر ، والي الخرطوم ،، ،،، وسط الشعب وعلي الميدان ،،،
عزالدين عباس الفحل ابوظبي
Post: #86 Title: Re: أيمن نمر والي الخرطوم الإخلاص والهمة Author: عزالدين عباس الفحل Date: 08-10-2020, 06:16 AM Parent: #85
أ / أيمن خالد نمر والي ولاية الخرطوم يعلنها للجميع بهذا القرار
عزالدين عباس الفحل ابوظبي
Post: #87 Title: Re: أيمن نمر والي الخرطوم الإخلاص والهمة Author: عزالدين عباس الفحل Date: 08-10-2020, 06:21 AM Parent: #86
/ايمن خالد نمر والي الخرطوم يعلن عن حشد كل الطاقات لحملة شاملة للنظافة في كل مناطق الخرطوم تفاديا الأخطاء السابقة ،الولاية الآن تعاني الوضع الصحي والبيئي من نفايات مما ترتب مخلفات الاضاحي ومما ترتب من السيول والفيضانات في الايام الاخيرة. وكذلك وضع النفايات طيلة الفترة السابقة الأمر ده عاني الي أن نجعل مسالة النظافة وإزالة هذة المخلفات وهذه التراكمات بالولاية هي الأولية القصوى في هذه المرحلة التي ليست هنالك أولية مقدمة عليها...................... الخ . ،،،،
Quote: الملخص: * الوالي الجديد يرفض الاجتماع بلجان التغيير المسؤولة عن توزيع الخبز بعد انتظارهم أكثر من 5 ساعات * الولاية تكلف شركة الأمن الغذائي التابعة لجهاز الأمن والمخابرات الإنقاذي بتوزيع الدقيق متجاوزة اللجان
التفاصيل: اجتماع لجان التغيير المسؤولة عن الدقيق في الخرطوم ولاية الخرطوم تماطلت 5 شهور في تنفيذ قرار إلغاء وكلاء الدقيق. فوجئت لجان المقاومة باختيار شركة الخرطوم للأمن الغذائي لتوزيع الدقيق، وهي الشركة التي تولت توزيع السكر في رمضان (وحدس ما حدس) تم الاجتماع بمديرها التنفيذي وقال أنها أصبحت تابعة لولاية الخرطوم. تملك وزارة التجارة فيها 45% ، وزارة المالية 25% ، البنك الزراعي 15% ، و 20% شركة السكر السودانية رغم التحفظات وعدم الوصول لنتيجة تم الاجتماع مرة أخرى اليوم الجمعة وتم إحضار جميع بيانات المخابز وما بها من دقيق ومعهم مندوب مباحث التموين لمعالجة القضية تم اختيار الشركة بدون موافقة اللجان وهم يرفضونها جملة وتفصيلا ويؤكدون أن ذلك استمرار للوبيات الفساد في حكومة ولاية الخرطوم ويوجهون رسالة لوالي الولاية إن لم يستطع تغيير هذا العمل لن ينجح في الاجتماع كانت اللجان تتحدث عن قوت المواطن بينما تتحدث الشركة عن الأرباح وطرح على مندوبي اللجان التوظيف أوحوافز مادية ورفضوا مبدأ الأرباح وطالبو بأن يكون العمل خدمي غرضه معاش الناس انتهى الاجتماع وتواصلوا مع المسؤولين وطالبوا بأن يكون معهم الوالي ومدير عام وزارة التجارة. وفي الغد لن يكون هنالك توزيع دقيق لأن الشركة ليس لديها بيانات المخابز ولا آلية توزيع ولا يعرفون شكل التوزيع لازالوا مجتمعين حتى العاشرة مساء في انتظار وصول المسؤولين لأنهم يشعرون أن من مسؤوليتهم الأخلاقية الإشراف على توزيع دقيق الغد بالاتفاق مع مدير مباحث التموين يتهمون مسؤول التوزيع في ولاية الخرطوم أسعد ومدير عام وزارة التجارة أبوبكر بالتلاعب بقوت الشعب وأنهم لا يمثلون الثورة رسالتهم للوالي إن لم يستطع إزالة الفاشلين من طريق لجان التغيير لن ينجح لأن اللجان أحرص على الشعب وظلت تعمل لمدة عامل كامل ويصرفون من جيوبهم تطالب اللجان الولاية بالقيام بمهمتها في توزيع الدقيق بدون أي شركات تتحدث عن أرباح ووظائف يطالبون بهيكلة اللجان الثورية شركة الخرطوم للأمن الغذائي لازالت بكامل موظفيها التابعين لجهاز الأمن والمخابرات السابق لذلك مرفوضة تماماً لازالوا ينتظرون وصول الوالي لأن هنالك مخابز ليس فيها أي دقيق، وعلى السيد الوالي الاهتمام بمعاش الناس أو سيستخدمون الشرعية الثورية لتتنظيف المحليات اللجان تطالب بإدارة الدولة لعملية التوزيع وإن كان هنالك أرباح يجب أن تكون ملك الحكومة وتعود للمواطن في شكل خدمات أساسية كالعلاج والتعليم بعد اجتماعهم مع الشركة كانوا يتوقعون تغييراً في هيكلها لكنهم فوجئوا بأن الأسماء المطروحة للترحيل يمثلون العهد البائد وذلك غير مقبول تمثلت اقتراحاتهم في أن هنالك كميات زائدة حالياً يجب توزيعها بنفس الشكل القديم وبإشراف مباحث التموين لأنها تمثل الدولة وليس عبر الوكلاء. وأن السعر يجب تخفيضه بخصم أرباح الوكلاء وهذا أقل واجب تقدمه الحكومة للمواطن. وأن أي تجاوز للجان المقاومة غير مقبول. ممثلو اللجان مستائين جداً من تجاهل الوالي لاجتماعهم واعتصامهم حتى حل مشكلة توزيع الخبز ليوم الغد الرسالة موجهة للوالي مباشرة إذا لم يهمه قوت المواطن فهو لا يمثل الثورة تحدثت ممثلة أحد الأحياء عن أن حصتهم 6000 جوال، الجوال يخرج من المطحن 535 ويوزع بسعر 610 إلى 650 أي بربحية 450 ألف يومياً أي 3 مليار و960 أرباح اسبوعية. ويحملون المدير التنفيذي مسؤولية تجاهل هذه الحسابات التي كان من الممكن أن تفيد الولاية اللجان متواجدة من الأمس بعد وعد الوالي بلقائهم ولم يحضر واليوم وعدهم على الحضور قبل 5 ساعات ولم يحضر! اللجان ستقاتل في معاش الناس وأي محاولة لرفع الدعم عن الدقيق تسقط تالت المحليات تخصص الدفارات للنظام العام وكشات ستات الشاي لمطاردة الغلابة الكادحين لكن لا توفر أي ترحيل للدقيق اللجان موجودة من يومين لحل المشكلة وحتى هذه اللحظة لم تحل مشكلة توزيع دقيق الغد ولا يوجد أي مسؤول من وزارة التجارة ولا الولاية .. ونخبر الوالي عبر هذا اللايف أن غداً الخرطوم جوعانة شركة الخرطوم للأمن الغذائي أثبتت فشلها في السكر وتركت اللجان في مواجهة المواطن تم تعيين الشركة كمسؤولة باتصال هاتفي من مدير عام وزارة التجارة لمدير الشركة بأن محلية الخرطوم غير قادرة على توزيع الدقيق أفاد مدير الشركة بأنه دفع قيمة دقيق يومين علماً بأن الترحيل السابق كان يدفع قيمة شهر ممثل وزارة التجارة للمطاحن أسعد يتعامل مع اللجان بصلف وازدراء ويكتب ورقة من داخل مكتبه دون أن تكون لديه أي معلومات عن المخابز ويقول أنه الحكومة وأنه المسؤول عن كل الاجراءات ثم يطلب تنفيذ الورقة دون أي تفاصيل ويرفض النقاش. علماً بأن بياناته خطأ مثل وضع أفران بلدية مكان أفران آلية وكتابة فرن على أنه متوقف عن العمل في حين أنه أهم وأكبر الأفران بعد المشاورة تم رفض الشركة لأنها ربحية واستلامها تم بطريقة خطأ باتصال هاتفي اللجان ترفع تقريرها الاسبوعي كل خميس للمدير التنفيذي أو لمحمد آدم المسؤول عن الدقيق والشركة لم تكلف نفسها بالاطلاع على التقارير لمعرفة حالة التوزيع أسعد غير مرغوب فيه من قبل اللجان وهو يسعى لإعادة الوكلاء القدامى ويتهم اللجان بالتسريب بدون أي دليل كإتهامات مجانية دون الرجوع حتى لمباحث الدقيق وهو رافض للجان المقاومة شركة الخرطوم للأمن الغذائي استلمت أموال السكر ثم فشلت في إحضاره من مصنع الجنيد اشتمت اللجان رائحة فساد في الشركة الجديدة بسبب طريقة التعيين، وبسبب التجربة السابقة في السكر، وبسبب الوكلاء الذين أحضرتهم طريقتهم عقيمة جداً في النقاش ورفضوا سماع وجهات نظر اللجان وخبرتهم في التوزيع خلال عام كامل الشركة ليس لديها أي معلومة عن الدقيق وتسأل عن السعر يوم الخميس في حين أنها يفترض أن توزع يوم السبت
شكراً احمد عمر لتلخيص القضية و هي من الاولويات التي يجب حسمها و بلا تراخي و أكيد لجان الأحياء و لجان المقاومة هم احرص من غيرهم و لديهم علم بكثير من الأمور التي تخص مناطقهم بعد الوالي ما يخلص من عملية النظافة و التي يعتبرها أولوية بعدها ممكن .. اقول ممكن ان يتفرغ سيادته لمعاش الناس هسي في عيد الضحية ربات البيوت أول حاجة بنضفو البيت بعدها بشوفو موضوع الخروف .. والي بيتوتي بجد هههههه
Quote: Ahmed Suliman "الشباب ديل البيمنع شنو إنه يستلم أي واحد منهم منصب الوالي والله يديرها زي الترتيب حماس وشكيمة ساي حينجح لانه زول حيكون متجرد الأحزاب أكبر طامة وتبا لديمقراطية" أعجبني
البمنع هو المحاصصة يا أحمد و قرف احزاب البيوتات التجارية العاوزا تغز عودا في اي حكومة اذا كان الصادق و لا محمد عثمان الميرغني كلهم عطالة من الله خلقهم .. ممكن تقول لي وظيفة أو مهنة الصادق المهدي او محمد عثمان الميرغني شنو ؟
Post: #90 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-10-2020, 10:14 AM Parent: #89
أ / أيمن خالد نمر والي ولاية الخرطوم والي الخرطوم: حشد كل الطاقات لحملة شاملة للنظافة تتفادى الاخطاء السابقة
مرحب بيكمولانا الطبي و الله أمس كتبتا ليك مداخلة و قبل ما ارفعا جاتنا اتصالات ذي تلاتة بالتتابع و الجهاز عمل ريستارت يكون عصب ههههه
Quote: طبعاً عز الدين الفحل ما محسوب عندي. غايت بما إنو الطشاش في بلد العمي شوف بنقبل بعبد العظيم
اتفق معاك في انو الاتنين ديل انتفاعيين و لا قيمة لهم واحد طبال جهوي و التاني طبال حزبي سعادة الوالي ود المك نمر دا ما اتكرم يحضر اجتماع الشباب ديل هل ممكن يتكرم و يوضح الحاصل ؟ لو صدر منه اي رد اوعد ح اجيبو هنا عشان ود البشرى ما يشبكنا سمعنا من طرف واحد الناس المجتمعين ديل قريب الخمسين شخص هل ممكن كلهم يكون عندهم اجندة ضد الوالي ؟ انا ثقتي كبيرة جداً فيهم ناس بجانب شغلهم هم متطوعين عشان يساعدو و حضرة الوالي الجدو المك نمر شابكننا نضافة نضافة مش حاجة تحير يا مولانا .. اهم النضافة و لا معايش الناس الآنية و الضرورية ؟ قول انت بقى :)
Post: #92 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-10-2020, 10:42 AM Parent: #91
Quote:
السودان الان
والي الخرطوم : تحقيق أهداف الثورة والثوار ومعاش وخدمات المواطن أهم اولويات المرحلة القادمة
الخرطوم : التيار نت أخبار السودان .
أكد والي الخرطوم الاستاذ أيمن خالد نمر ان حكومته معنية بتطبيق وانزال اهداف الثورة والثوار وتقديم افضل اداء يساهم في تحسين معاش وخدمات المواطن ونادى الوالي خلال اجتماعه اليوم بالمديرين العامين لوزارات الولاية بحضور الامين العام لحكومة الولاية نادى بضرورة أن يتسم الاداء الحكومي بالمؤسسية وتفعيل الخدمة المدنية وتقديم انموذجا للسودان بتنوعه وثراءه بما يعزز الوحدة الوطنية ويحقق مفهوم المواطنة الحقيقية واعلن الوالي ان الولاية بصدد اتخاذ جملة من الترتيبات والاصلاحات التي تحقق حسن الادارة وتسخير الامكانيات البشرية والمادية لخدمة قضايا واحتياجات المواطن الاساسية. وتم خلال الاجتماع الاستماع لمداخلات المديرين العامين ورؤاهم حول الاصلاح وتحسين الاداء بالوزارات وبرز من خلال الاجتماع ضرورة الاهتمام بالتعليم والصحة كأهم مرتكزات لبناء المواطن الذي يسهم بشكل ايجابي في خدمة وطنه. الى ذلك أمن الاجتماع على عقد اجتماع حكومة ولاية الخرطوم بصفة دورية أسبوعية لمناقشة أولويات المرحلة القادمة.
Quote: مع لجان المقاومة قلبا وقالبا وضد أي مخلوق يهمشهم أو يتعالى عليهم وما يسمع كلامهم (حتى لو بعدين اداهو البحر) لجان المقاومة هم الحارسين الثورة وهم الشغالين وهم القلبهم على البلد وهم الناكرين لذاتهم وهم الما كايسين لا سلطة ولا جاه ( وجهة نظري الخاصة) هم أية حاجة في أية حاجة وغيرم الأمور ما ح تستعدل في الطريق إلى الهدف . يسقط الوالي سقوطا بشعا (إن كان فعلا دا الحصل )
الشباب ديل ذي ما تفضلتا انا بفضلهم على الوالي و الحاكم و كل مسئول هم نذروا انفسهم لخدمة البلد و لخدمة اهلهم و بلا مقابل مافي حكومة بتحلم انها تلقى ليها سند شعبي يعمل بلا مقابل الا ناسنا ديل ذي ما بقول المثل جو يعاونوهو في قبر ابوهو دس المحافير الآن نسبة العطالة في السودان عالية جداً في اوساط الشباب بسبب السياسات الخاطئة يجب الإستفادة من هذه الطاقات و توظيفها التوظيف السليم لتنفيذ برامج الحكومة لكن مين يسمع يا حبيب اذا والي كل همو التلميع يعمل مؤتمر صحفي و يدعو كل متردية و نطيحة الناس ما عاوزة مؤتمرات صحفية عاوزة انجاز حقيقي يتنزل على واقعهم البائس بعدها تعال اعمل مؤتمر صحفي
Quote: خلو الزول يقعد في مكتبه من يوم الوصل في الشارع مع الخريف
و ليه انت يا عبد العظيم يا مؤدلج يا درق سيدك الميرغني ما خليت دكتور اكرم يقعد في مكتبو و جاتو جائحة الكرونا انت شخص متناقض و تابع اسيادك الميرغنية الشارع رماهم في الزبالة
حقيقة أن (فيديو) هذا الأخ العضو الكِلِّيم، في إحدى لجان الخدمات والتغيير بالولاية، كان مؤثّراً جداً على كل مَن شاهده، واحتمال يكون بكّى بعضهم بِــكـِــيّــا ..! وبطبيعة الحال، فالفيديو يدفع ببراهينه التي تُدين الوالي وأركان عمل-ولايته؛ وأول براهنيه، أن الوالي ال"مدني" الجديد خَلَف الوعد وماجاء ونحنا (ممثلو كافة لجان الخدمات والتغيير بالولاية) منتظرين سعادتو من أمس! والليلة خمس ساعات كاملات. ثم إن البرهان الثاني، والذي يدين الولاية بواليها، هو منح شركة الأمن الغذائي، حق التوزيع لكل "دقيق" مخابز العاصمة، وبطريقة تشبه طريقة أمين عام مجلس السيادة، في ترسية عطاء توريد 35 عربة فارهة من 70 فارهة كانت مطلوبة على وجه السرعة حتى لا نُحرَج (!) في ضيوف السودان الجاييين!!!! لولا أن لحقها في اللّفّة الأخيرة، بيان من "مجلس السيادة" يقول: أما بالنسبة للفارهات ال35 فالمجلس يقولها بملء فيـــــــهِ : يطرشنا!! وها نحن لغيناها ...!! أما البرهان الثالث الذي يدين الوالي وحكومته ، بحسب حديث العضو المحترم لإحدى لجان الخدمات والتغيير، وأعني هذا الأخ الكــِــلـــّــِـــيم، فهو أن الولاية في الغدِ الباكر لن تشهد صفوف خبر! لأنو ما ح يكون فييي "دقيق" اتوزّع وكدا..! (يا أخي الكريم، فألُ الله تعالى، ولا فألكم غير السار! إنتو قايلين خُبزنا الحافي دا، منننننكم إنتو ولللا إيه؟!) . شخصياً، أتضامن مع " لجان المقاومة" ولا أُخلي بعض ساحات " لجان التغيير والخدمات" من محاولات لعِب ال "تلات وَرَقات" ...!! وعلى كل حال، فالواضح جداً، أن الأخ الوالي المدني الجديد، أيمن خالد، يتلمّس طريقه يادوووب لمسك مقوَد الولاية المقننة الأزمات؛ وواقع بالطبع! تحت عدد من الضغوطات السياسية والمحاصصية ربما، بل والعسكرية النظامية وغير النظامية ذاتو والضمنية مخفية كَـــ"موية تحت تِبِن!" تلدغَك وما تنشاف!! ثم إنه كان قد أعلن من يومــَيْن، إطلاق حَمْلَة نظافة للولاية، ستبدأ من صباح سبت اليوم..
واضح أن اللسان الإعلامي للجان الخدمات والتغيير، أفصح صوتاً من "طاقة" الوالي المدني الجديد الإعلامية! ومعلوم أن "لجان الخدمات والتغيير" لجانٌ نشأت "بروس"!! زيّها و زيّ "لجان المقاومة" ولكن فضل لجان المقاومة أبقى وأوضح باعتبار نشوئها المتاريسي الثوري آل-عَبِق ضد الخونة التّانين؛ بينما نشوء " لجان الخدمات والتغيير" استمرار لأوانطجية اللجان الشعبية الإنقاذوية الكوزية الضّالّة، والأشنع! آل-مُتعووووودا على التجارة بالدِّين وبِــ دِقيق الخُبز وترحيله وفتح اعتمادات استيراده كوووولللو كوووولووو فعشيرة المتاجرين لها رباط أمرس من المافيا ذاتو!
الأزمة في الخبز، ظهرت من يوم الربوع فالخميس "أول أمس" - على الأقل عندنا في نواحي جنوب الخرطوم! ولمّا سألنا: قيل لنا إن السوّاقين بتوع الترحيل مُعَيِّدين والمطرة زادت طُرُق التوزيع ميوعة!!! وأنو وأنو إلخ,,,, فسألنا وقلنا: بس كدا، وألللا الحكاية لا تخلو من شُبهة "دمغة الساندويتش والعصير بتاع الزاحف في جُمعة الغضب آل-فلولية يوم 7/أغسطس/2020 حسبما قالت "بوستراتها .. فتبرّع بالإجابة متبرّع: ياخ الزواحف ديل ماصتهم المطرة زماااااان! فقال له بعضنا: إنكم تكذبون؟ وهذه "بشتنة الحَتّانة " لم تُساوي ثمن البنزين الذي مُشوِرتْ به!! ثم اتّكلنا على الله تعالى، وقلنا ناكل كسرة فطيرة وللللا مُرّة أو أبا القُرص 3" ..
وياخبر اليوم بفلووووس، بُكرة ببلاش! وذلك حينما تدور ماكينة الدعاية الولائية وسيفتّونه فَـتــّا ..!
Post: #98 Title: Re: أيمن نمر والي الخرطوم الكارثة (فيديو) Author: Asim Ali Date: 08-11-2020, 01:24 AM Parent: #94
Quote: أيهما أولى معاش الناس ام النظافة ؟ مع العلم ان هناك وفد يتكون من خمسين شخص كانو يتوقون لطلة سيادته و مناقشة امر الدقيق ؟
سلام اخ خضر والحمله قالو تبدا بكره الاربعاء وعمادها الجيش والدعم السريع وجهاز المخابرات
Post: #99 Title: Re: أيمن نمر والي الخرطوم الكارثة (فيديو) Author: محمد أبوجودة Date: 08-11-2020, 08:29 AM Parent: #98
كتبَ "أحدُهُم"
Quote: ___________ والله يا جودة كرأي شخصي انطباعي أنا ممكن أدعم الوزراء المعينين بناء على الكفاءة لأنهم جايين من رحم الثورة لكن الولاة جايباهم احزابهم بالتالي ولاءهم بكون للجهة الجايباهم وأهو شفنا عواسة الأحزاب سوت في تجمع المهنيين شنو
وأعتقد أننا كلنا ذلكم الرجل يا أباحُميد، لاسيما وأننا في الإطار الشخصي والانطباعي، مازلنا نعجُم في "عِيداننا" التحازبية القديمة عوداً فعودا، لأجل أن نلتئم بشوية نــشاطنا العام مع "أحدهم" ذاتو إن كان قال "انطباعو" خير.
Post: #100 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-11-2020, 08:42 AM Parent: #99
يا عاطف عمر "أحدهم" دة عمل تفريغ كتابي لمحتوى الفيديو وبس! يعني نسبة الـ 105% الحايم بيها في البوستات دي تمشي تقولها للمجتمعين
ويا البشرى تاني أحدهم لما يقول ليك أرجى الحلو معناها ماحيحصل [/IMG]
Post: #101 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-11-2020, 08:57 AM Parent: #100
فيديوهات عز الدين الفحل وصوره وخطه الكبير بصعب مهمة متابعة البوست .. ما عافي للناداهو المهم عبد العظيم قال كلمة في موضوع البوست ولا لسة؟ مصادره الكان بتجيب ماركة الشاي البشربها أكرم بقت عمياء هسة! الأخبار اليومية من جوة دهاليز المؤسسات حدها وزارة الصحة؟ *
________ أقصد وزارة الصحة لمن كان فيها أكرم لأنها ما شافت اضراب الأطباء أمس ولا حتشوفه
.
Post: #102 Title: Re: أيمن نمر والي الخرطوم الكارثة (فيديو) Author: محمد أبوجودة Date: 08-11-2020, 09:06 AM Parent: #101
فيديوهات عز الدين الفحل وصوره وخطه الكبير بصعب مهمة متابعة البوست ..
صدقتَ.
ما عافي للناداهو
ولا أنا
وليت "الوالي الجديد" يستعيد قول ابن الرومي:
عدوُّك من صديقِك مُستَفاد ،،، فلا تستكثرنّ من الصّحاب
Quote: أعرف ذلك معرفة شخصية لأني كنت عضواً في إحدى اللجان المرتبطة بالمحليات .. عضوية اعتبارية أي أنني مثل لجهة أكاديمية ليس بشخصي أقولها لك بكل صراحة إن المحليات وما بها من فساد وانعدام سيستم هو سبب الأزمات
أكيد هذه الجهة الأكاديمية التي تمثلها تمثل طموحات المواطن لوطن معافى كنت اتمنى ان تذكر هذه الجهة حتى نتقدم لهم بالشكر لمساهمتهم رغم انهم لا يرجون شكراً ليس هناك سيستم كما تفضلت و هذه هي الكارثة .. يعني شغل ضربو رما على الوالي (الجعلي ) الجدو المك نمر يبقى مارق بتصريح و لو كلمتين لانو سعادتو مشغول بالنضافة قبل الإحتياجات الضرورية للمواطن
مرحب الزميل الاعلامي ابوجودة بالتأكيد صدقية هؤلاء الشباب عندي اكثر من صدق اي مسئول مهما علا شأنه حيث لا شأن يعلو على الوطن و لا المواطن و هنا يأتي دوركم كإعلاميين للتركيز على مجهودات هؤلاء الشباب فهم شباب الثورة الحادبين على ان تكون الأمور بخير غداً سيذهب المسئول و يبقى الوطن و المواطن فدوركم يا عزيزي كبير للمتابعة و التقويم
Post: #104 Title: Re: أيمن نمر والي الخرطوم الكارثة (فيديو) Author: محمد أبوجودة Date: 08-11-2020, 10:29 AM Parent: #103
مرحب بيك وشكراً ليك عزيزي الإعلامي ال جد جد خضر ود الطيب، أتفق معك، في ميلك لتصديق هؤلاء الفتية الأشاوس، لاعتبار ماهو عنهم معهود في ذِهن الساحة الثورية السودانية عموما، ولكن! مواجهة "المسؤولين" ومجابهتهم بهذه الفيديوهات "مُــكَــرَّبة" التصنيع والتوليع، لا يخلو من " غَــرَضٍ مـَــرَض..! " في غالِب أحواله. إلى ذلك، فإنّ لجان التغيير والخدمات، هي ليست " لجان المقاومة" ...!! و إنّ " بعض " لجان التغيير والخدمات، تجد أساسها وراسها ومِراسها " كوزيّ خاااااالص!" وعلى الأرض! ميدانياً، فلن تعدم كثير من الموبقات تُنسَب لـــ" لجان التغيير والخدمات" من جانب العديد من المواطنين آل-خرطوميين .. بينما "لجان المقاومة" ناس حارة صحي صحي! بيد أنهم ينقصهم "بعض التفتيح"
وطلب أخوي، عزيزي خضر، مع اعتزازي بزمالة أمثالكم، لكييين عليك الله ما تكبّر ليْ راسي "هههه " بكوني إعلامي .. فقد كنتُ إعلامياً لفترة وجيزة انتهت بوقتها، وغير مُستبعَد أن أعود لامتهان هذه المهنة الرائعة، لو صدقت حكومتنا الانتقالية بتأسيس بيئة إعلامية نظيفة؛ وتعلم، أن هذه البيئة وتصنيعها، بالنسبة لحكومتنا الحالية، لكأنه من "خرط القتاد" وَ " دَسّ" المحافير قبل رفع الأوتاد ولكننا معكم، سندفع الحكومة الانتقالية أن تُعدِّل طرائقها، وتُفني " تردداتها " و تدع " هيافاتها" التي تكاد تُرديها..
مع وافر التحايا
Post: #106 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-11-2020, 10:37 AM Parent: #104
Quote:
نمر : حكومة الخرطوم معنية باهداف الثورة ومعاش المواطن الخرطوم : السوداني On 10 أغسطس, 2020 12:05 م -
قال والي ولاية الخرطوم أيمن خالد نمر ، إن حكومته معنية بتطبيق وإنزال أهداف الثورة والثوار وتقديم افضل أداء يساهم في تحسين معاش وخدمات المواطن. وشدد على ضرورة أن يتسم الاداء الحكومي بالمؤسسية وتفعيل الخدمة المدنية وتقديم انموذج للسودان بتنوعه ،بما يعزز الوحدة الوطنية ويحقق مفهوم المواطنة الحقيقية. وقال الوالي لدى مخاطبته اجتماعا مع المدراء العامين بمؤسسات الحكم ، إن الولاية بصدد اتخاذ جملة من الترتيبات والإصلاحات لتحسين الإدارة وتسخير الإمكانيات البشرية والمادية لخدمة قضايا واحتياجات المواطن الأساسية ..
*** المصدر :- الخرطوم : السوداني On 10 أغسطس, 2020 12:05 م
عزالدين عباس الفحل ابوظبي
Post: #107 Title: Re: أيمن نمر والي الخرطوم الكارثة (فيديو) Author: محمد أبوجودة Date: 08-11-2020, 10:40 AM Parent: #104
Quote: ويا البشرى تاني أحدهم لما يقول ليك أرجى الحلو معناها ماحيحصل
عزيزي أحمدو، تصدّق كنتَ خايف على أخينا "ود البُشــرى" من "دماثتو" الحلوة دي من "حلووو" ك دا بس ما لدرجة "أعاين" فيهو و "اقرأ" وأمشي واجيهو راااااجع
المُستفاد: أن الغرابيل كِترت على الأخ الوالي الجديد، فأصبح كلامه آل-كُبار كُبار داك، قد غُربِل بالغرابيل الكتيرة دي، فصــمت صه. أو "تَـكــَــل" الحكاية على العزالدينين!
Post: #108 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-11-2020, 10:44 AM Parent: #107
Quote:
Atif Omer Mohamed Ali العايز يقول ناس اللجان انزه من غيرهم كيف عرف؟ عمل فيش و(تشبيش)؟ ولا بشم على ضهر ايدووو؟ ولا شغال بي نظرية الطشمان: غير الكيزان نضاف وظراف وشفيفين ونزيهين! هههههههههههههههههههههه
Atif Omer Mohamed Ali
أعجبني · رد · يوم واحد
عزالدين عباس الفحل ابوظبي
Post: #109 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-11-2020, 10:54 AM Parent: #108
Quote:
Atif Omer Mohamed Ali
شكراً حسن أنا أساساً لا تهمني غير الحقيقة https://sudaneseonline.com/cgi-bin/sdb/2bb.cgi؟seq=msg... ________________ هيا داااا!! من بتين (حغيغتك) بتهمك؟ ههههههههههههههههههه كدي ال(نرغم) ليك: 1/ صاحبك هاتك الأعراض نفيت عنه سبه وشتمه لآباء...عرض المزيد
Atif Omer Mohamed Ali
أعجبني · رد · يوم واحد
عزالدين عباس الفحل ابوظبي
Post: #110 Title: Re: أيمن نمر والي الخرطوم الكارثة (فيديو) Author: عزالدين عباس الفحل Date: 08-11-2020, 10:57 AM Parent: #108
ياتووو يوم كان في (طريقة) دغرية وواضحة ومعيارية للتعيين؟؟...عرض المزيد
Atif Omer Mohamed Ali
أعجبني · رد · يوم واحد
عزالدين عباس الفحل ابوظبي
Post: #111 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-11-2020, 11:49 AM Parent: #110
ما كانت عندو طريقة غير يصمت يا جودة لجان التغيير وضعهم ما كان بترد كونه يتصلوا بالوالي ويرفض يعبرهم .. اتخيل لي هو ذاتو اتخلع ما قايلهم حيدوّلوا المشكلة هسة الخطبة العضماء بتاعة صاحب القميص الاحمر دي حايمة قروبات الفيسبوك ليها كم يوم وبتعرض لي في اليوتيوب كل مرة أتمنى بس يكون وعى الدرس وعرف إنه الشارع ما ياهو شارع زمان ولا الشعب شعب زمان ولا المطالب بنتطلب بأسلوب زمان ولا الوالي منصب شرفي الناس بتتكبكب قدامه وكذلك نتمنى اسماعيل وراق يكون كمل الضبايح والعزومات والاستقبالات وفضى للولاية وشاف صور كنداكة نهر النيل في سوق عطبرة وسط المواطنين
___________ عز الدين الفحل عندك 7 بوستات مفتوحة حول ايمن نمر .. لو شلت صورك وحاجاتك دي بهناك نكون ليك من الشاكرين .. الرحمة حلوة
والي الخرطوم ده أرموا طوبتو من هسه وشوفوا البقية لأنو ما حيعمل شيء وحيقعد كده لحد ما يجي غيرو! من بدت ترشيحات الولاة والسيفيهات التعبانة بتاعتم دي كان البهمني في السيفيهات دي انو المرشح ده اشتغل شنو واشتغل وين وعمل شنو! أها صاحبنا ده من لقيتو كاتب إشتغل مدير تسويق في تابكو أظن في سنة 2000 وبعدها تاني مافي خبرة عملية عرفتو ليك ده من العواطلية القضو حياتم كلها بين عضو مكتب سياسي و عضو مؤتمر شنو و أمين مخزن الحزب الفلاني :) المثل بقول أرجا سفيه ما ترجا عاطل أها من ديك ولاية الخرطوم دي رميت طوبتا.
أها العجين حقي اللخيتو ده الوالي الشقيق الهمام حيديهو لخبازينو شباب لجان الخدمات والتغيير يدخلوهو الفرن بي معرفتهم وخبرتهم المعتبرة .. ولاّ الوالي سفهمهم وضرب بيهم عرض الحائط .. وتم تعيين شركة الخرطوم للأمن الغذائي ولا شنو دي ..
يا أحمد محمد عمر الحلو حقك ده وين يأخ .. انتظارنا طال عايزين نحلّي وكده .....
سلااااااام الاخ الفاضل جمال ود القوز . أ/ أيمن خالد محمد خالد . والي الخرطوم . شغال باستراتيجية واضحة . و Systems مرن . وايدولوجية زول فاهم . لكن شباب اللجان والتغيير. ديل شغالين من غير كتلوج . شغل هبطرش عشوائي. Media only
عزالدين عباس الفحل ابوظبي
Post: #118 Title: Re: أيمن نمر والي الخرطوم الكارثة (فيديو) Author: أحمد محمد عمر Date: 08-11-2020, 08:27 PM Parent: #117
المنتظر موظفي المحليات يرجى الحلو مع جمال القوز دة :)
Quote: المنتظر موظفي المحليات يرجى الحلو مع جمال القوز دة :)
دايرين حلو والي الخرطوم يا عمك .. حلو كوستى ده حقنا وعارفنو .. كوستي دي يُسال عنها عمك وراق بتاع البرادو وفتحة السقف .. .. طبعا كوستي فيها شباب مقاومة قوي لانها اصلا ما دانت للكيزان يوما قالوا عنها حفرة وحيدفنوها وأهو اندفنوا قبل يدفنوها تقدر تطلق عليها مدينة معارضة للكيزان ..
هسه لسه راجين حلو والي الخرطوم .. ولاّ الفهم نقوم نرجع كوستي تاني .. هل استجاب والي الخرطوم للجان الخدمات التغيير ولا ناس أسعد قدروا جابوا شركتهم توزع الدقيق ..خخخخ ويا بخت من نفّع واستنفع بدل لجان مقاومة وتغيير وخدمات يفلقونا بي شعارات ما بتملا بطن الارزقية والسماسرة لجان المقاومة ديل حقهم اتاكل ضحى ونصة نهار وما حيستقيم الوضع الا يعيدوا الامور لنصابها ويولوهم المناصب وأولها ولاة لكل اقاليم السودان لانهم الاكثر التصاق بهموم المواطن ويعلمون ما ينفعه وما يضره على الاقل يكنسوا لينا الوسخ الموجود في المحليات لانها أفسد حتة الكيزان عملوها مأكلة لمحاسيبهم وعبرها تم التمكين لكل المناصب وحشد الارزقية الدافعوا عن نهبهم وسرقتهم لمال الشعب
!! وها نحن لغيناها ...!! أما البرهان الثالث الذي يدين الوالي وحكومته ، بحسب حديث العضو المحترم لإحدى لجان الخدمات والتغيير، وأعني هذا الأخ الكــِــلـــّــِـــيم، فهو أن الولاية في الغدِ الباكر لن تشهد صفوف خبر! لأنو ما ح يكون فييي "دقيق" اتوزّع وكدا..! (يا أخي الكريم، فألُ الله تعالى، ولا فألكم غير السار! إنتو قايلين خُبزنا الحافي دا، منننننكم إنتو ولللا إيه؟!) . شخصياً، أتضامن مع " لجان المقاومة" ولا أُخلي بعض ساحات " لجان التغيير والخدمات" من محاولات لعِب ال "تلات وَرَقات" ...!! وعلى كل حال، فالواضح جداً، أن الأخ الوالي المدني الجديد، أيمن خالد، يتلمّس طريقه يادوووب لمسك مقوَد الولاية المقننة الأزمات؛ وواقع بالطبع! تحت عدد من الضغوطات السياسية والمحاصصية ربما، بل والعسكرية النظامية وغير النظامية ذاتو والضمنية مخفية كَـــ"موية تحت تِبِن!" تلدغَك وما تنشاف!! ثم إنه كان قد أعلن من يومــَيْن، إطلاق حَمْلَة نظافة للولاية، ستبدأ من صباح سبت اليوم..
إن كان قال "انطباعو" خير.
[/IMG]
