تلفزيون السودان ورجع ورجع ورجع قناة الخرطوم ورجع ورجع ورجع النيل الازرق ورجع ورجغ ورجع
ازالة تمكين ما نفع تغيير مدير ما نفع نجرب نغير فيصل.
اللهم لك المشتكي
Post: #2 Title: Re: تلفزيون السودان والقنوات السودانية Author: adil amin Date: 08-04-2020, 05:11 AM Parent: #1
كلام صاح يا دكتورة لو كان في ثورة كان بكون في برنامج من الاساس لكن ده كلو مافي نفس الناس ونفس الورجغة بس فضائية الهلال فيها مصداقية شوية كلام صاح وابصم بي العشرة قحت رسيت في الاعلام رسوب مشين جدا جدا محاضرة صوتية :اعلام الانقاذ "اكل المستشفيات"محاضرة صوتية :اعلام الانقاذ "اكل المستشفيات"
Post: #3 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 05:20 AM Parent: #2
اهلاً استاذAdil Amin عيد مبارك لك والاسرة الكريمة واطيب التهاني من عبرك لدكتورة نجاة واسرتها.
الناس غرقانة وهم ولا حتي اهتمام بما يحدث وفعلاً قناة الهلال احسن حالاً واكثر صدقاً. نظرتهم قاصرة وهناك خوف غير مبرر من قول الحقيقة ولا خطة واضحة. لا فرق بين تلفزيون الكيزان والان
Post: #4 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 07:16 AM Parent: #3
لا في حجيج قطع لا ودعناهم ولا ح نستقبل زول والبلد مطرة وغرق وانتو تسو في اليوم الاول واليوم الرابع كلو غناء من غير طعم
الخروف ب 45 الف ، الله يلف راسكم اكثر مما هو لافي
Post: #5 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 07:23 AM Parent: #4
نشوف اخبار بلدنا في قنوات المحاور فعلاً علي قدر اهل العزم تأتي العزائم.
قنوات فضائية مرهقة للخزينة لا تضيف شئياً حتي الجلسات ما فيها ابتكار عذبتونا قنوات العذاب رجعوا للمغتربين قروش دعم القناة ، دي قروش ما تبع وزارة المالية ، تبع المغتربين ، وب ارباحها . وزارة المالية تقلل الصرف عليكم الي ان تعتدلوا
Post: #6 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 07:57 AM Parent: #5
فيصل الناجي نجا من عاقبيل اخطائه كلها نجا من نتنياهو نجا من خبارات المشاكل نجا من التغيير الذي طال وزراء بكل المقاييس ناجحون ،
فيصل الناجي محمد صالح
زمان حاجة الهدية بتدعو لولدها انت يا فيصل منو ال بدعي لك
Post: #7 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 08:09 AM Parent: #6
مقتطفات مما كتب دكتور عادل امين
( مفروض بعد تم توقيع الاتفاق والاعلان الدستوري والملحق بتاع الحركات ينزلو الوثائق دي بكره واصيلا علي كافة ابناء الشعب السوداني في كل السودان مادة مادة ويقراه زول مع لاريكس وطني.... ومش دش كثير مادة مادة 1- كل الفضائيات المملة بين الفواصل الاعلانية 2- الاذاعة ودي اهم حاجة 3- ملاحق في الصحف المحترمة
Post: #8 Title: Re: تلفزيون السودان والقنوات السودانية Author: adil amin Date: 08-04-2020, 08:20 AM Parent: #7
Quote: مقتطفات مما كتب دكتور عادل امين
( مفروض بعد تم توقيع الاتفاق والاعلان الدستوري والملحق بتاع الحركات ينزلو الوثائق دي بكره واصيلا علي كافة ابناء الشعب السوداني في كل السودان مادة مادة ويقراه زول مع لاريكس وطني.... ومش دش كثير مادة مادة 1- كل الفضائيات المملة بين الفواصل الاعلانية 2- الاذاعة ودي اهم حاجة 3- ملاحق في الصحف المحترمة
ديل يا دكتورة ما بسمعو لحدي يشوفو ذي ما قال الراحل د حون قرنق وما في زول احتقل بي رحيلو وعبرو كمان ديل ما فاضين من المحاصصة والحوامة وعلقنا بين الفاشلين والاكثر فشلا وفلان وعلان اصبري الصبر بدخل الجنة وعندك فضائيات محترمة عالمية ووالله بقينا نتابع ناشونال جوغرافيك فضاء الله الكوني البديع بس لمن يجيبو وحيد القرن تذهب نفسي حسرات والالمانية DW لانها تحترم العقل وايضا الجزيرة الوثائقية وسلطنة عمان الثقافية وفضائيات اليمن حيث لازلنا الله يرفع البلا من السودان ناس مملين فعلا وما عارفين نفسهم مملين\ زمان نعرف لعيبة الكورة والمطربين بسبب ايداعم هسة بتعرف كمية من الاسماء وخلق جتي رئيس معتمدية اضان الحمار وكل كيزان السودان والعالم والشيوعيين والبعثيين والناصريين وهلم جرا
Post: #9 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 08:29 AM Parent: #8
حب الوطن يجبرنا نشوف . غادرنا السودان ولم يغادرنا.
اعادة هيكلة القنوات الفضائية والاستعانة بالاعلاميين من خارج المنظومة العاملة حالياً.
اكيد الدراسات في والخطط السؤال راجين شنو؟
Post: #10 Title: Re: تلفزيون السودان والقنوات السودانية Author: علي عبدالوهاب عثمان Date: 08-04-2020, 08:58 AM Parent: #9
د. اخلاص تحياتي معقول كنا نتابع اخبار السيول والفيضانات من قناة الجزيرة والعربية والحدث وغيرها وتلفزيوناتنا غناء وحكي وحلقات ضحك وونسة فنانات بكميات هائلة من الاكسسوارات والثوب اللامع
قناة السودان الرئيسية اصبحت بدون ( شريط اخبار ) في انتظار حبيبنا الخبير لقمان ..
تحياتي
Post: #11 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 08:59 AM Parent: #9
تمويل كل القنوات عدا قناة السودان يكون من الاشتراكات ،وزارة المالية ترفع أيدها وقبل ده يحصل يرجعوا للمغتربين قروشهم. نمولهم له من أموال محمد احمد ، المغتربين ما ح يدفعوا ولا يشتركوا ما لم تنال القناة رضاءهم وتلامس اهتماماتهم. حتي القناة الرسمية نص من الدولة ونص من الاشتراكات هذه القنوات بحالتها الراهنة لا تضيف شئيا هو
Post: #12 Title: Re: تلفزيون السودان والقنوات السودانية Author: مصطفى توفيق Date: 08-04-2020, 09:04 AM Parent: #9
تلفزيون السودان او القنوات الاخرى ليس لديهم معدين برامج محترفين لكى يأتو بالجديد والابداع لبرامج العيد ، كل سنة نفس التقليد مجموعة من الفنانين وبينهم اعلانات وتناول مواضيع هايفة واغلبها شخصية لا تهم الموطن فى شئ هذا غير الفواصل الاعلانية الغنائية الطويلة التى ليس لها صلة بزمن الاعلان تفكير بس فى القروش الاخراج طبعا رتيب وممل جدا ولا يوجد مخرجين لديهم خبرة كلهم اتعلموا فى حوش التلفزيون بدون دراسة لا توجد فكرة ولا سيناريو ولا رؤية لتنفيذ البرنامج تقنية صوت سيئة زواية تصوير غير مدروسة إضاءة زى بيت العرس
Post: #13 Title: Re: تلفزيون السودان والقنوات السودانية Author: نعمات عماد Date: 08-04-2020, 09:22 AM Parent: #12
سلام الحبيبة د. إخلاص و ضيوفك الكرام
عشان الحقائق الأنتم ذكرتوها، لا أشاهد أي قنوات سودانية.
هم في وادي و واقعنا في وادي.
قبل ما 4 سنوات سمعت صيدلانية تقول لي شابين بشتغلو في
تلفزيون السودان: قناتكم دي نحن ما بنشاهدها
فرد الشبان : نحن ذاتو ما بنشاهدها.
Post: #14 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 09:33 AM Parent: #13
استاذنا علي عبدالوهاب عثمان ع ع ع ينطبق عليهم المثل الناس في شنو والحسانية في شنو . ننتظر معاك الاستاذ لقمان .
Post: #15 Title: Re: تلفزيون السودان والقنوات السودانية Author: Deng Date: 08-04-2020, 09:37 AM Parent: #13
إخلاص
قصة أن الدولة تمتلك أجهزة أعلام ده شئ قديم ولا يخدم الناس في شيئ وصرف في الفاضي ساكت. يجب بيع كل هذه القنوات والإذاعات الحكومية وتحويل أرشيفها لدار الوثائق المركزية. تلفزيون السودان يوجد به جيش من الموظفين الذين لا مهام حقيقية لهم، أنهم عطالة مقنعة، وهم يحملون أفكار وقناعات النظام البائد.
هل يعقل أن يتم تعذيب المواطن السوداني نفسيا بماله الذي يدفعه كضريبة للدولة بمثل هذه المؤسسات الفاشلة؟
Post: #16 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 09:45 AM Parent: #15
اهلا استاذ مصطفي توفيق اظن محتاجين كثير في كل المجالات فني الإضاءة والتصوير . التقنيات و المضمون من vision mission وانت طالع
Post: #17 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 09:51 AM Parent: #16
الحبيبة دكتورة نعمات واقعة CNN الموبايل خاته فيه كمية من القنوات اللهم اصلح الحال . لازم يكون في فرق بين الإنقاذ والثورة
Post: #18 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-04-2020, 09:58 AM Parent: #17
وكتب الاخ العزيز دينق ( قصة أن الدولة تمتلك أجهزة أعلام ده شئ قديم ولا يخدم الناس في شيئ وصرف في الفاضي ساكت. يجب بيع كل هذه القنوات والإذاعات الحكومية وتحويل أرشيفها لدار الوثائق المركزية)
الصم بالعشرة علي ما كتبت يا دينق
Post: #19 Title: Re: تلفزيون السودان والقنوات السودانية Author: أمير فرح Date: 08-04-2020, 10:17 AM Parent: #18
د. اخلاص التلفزيون موجه ، وما زال يتحاشى تقديم اغاني وردي والبلابل والرياضة النسائية كل عام وانتم بخير،،
Post: #20 Title: Re: تلفزيون السودان والقنوات السودانية Author: Asim Ali Date: 08-04-2020, 12:48 PM Parent: #19
سلام عليكم الاعلام بجميع فصائله -مشاهد ومسموع ومقروء - فى حال مزرى وكيف مايكون كدا طالما كان الاعلاميين يجب ان تطالهم اسئله وعلامات استفهام كبيرهم وصغيرهم وكيف نالو ترخيص القيد الصحفى او ممارسه عضويه النقابات ضمن مهنه الاعلام . كائنات مصنوعه اشيه بعرائي البلاستيك وحتى لفظ الكلام لايشبه اللهجه السودانيه رغم محاوله التمسح فيها . لااهتمام بقضايا الانسان السودانى وانما نجد مثلا الاعلام المشاهدكانما يخاطب (بعض ) سكان الخرطوم من خلال المواضيع والاهتمامات المطروحه. الاعلاميين والاعلاميات ماقادرين يطلعو من جلسات التصوير والفارغه قى الوسائط وماشفناهم مشو الولايات ومعسكرات النازحين فى دارفور او توثيق فظائع جرائم النظام البائد فى جبال النوبه اوتقصى مشاكل التنميه والقضايا الاجتماعيه . اعلام سودانى مشاهد قنواتو محفوظه عندى لاجل الرجوع لها فى حالات محدده اما الاذاعات المسموعه قبل عوده بث اف ام اذاعه لندن ومونتى كارلو كنت اتابع فقط اذاعه جامعه السودان المفتوحه ومحاضراتها لكن الاذاعات الاخرى بين الاغانى والمكالمات الهاتفيه التى اصبحت اسا فى البرامج. اما الاعلام القروء فحدث ولا حرج فما زال كانما نسخه واحده توزع لتضع عليها كل مؤسسه شعارها ولاجديد ولاصحافه حقيقيه ولا لاعلام. العيب مش فى الوزير ولا فى جدوى تغيير الوجوه القياديه المطلوب ان تكون ازاله التمكين بمراجعه تراخيص كل المهن الاعلاميه حتى تتقدم لمعركه التغيير فى الاعلام وجوه ثوريه ذات ثقافه عاليه ترتفع بمستوى التناول والخطاب الاعلامى ختى يكون بحجم تحديات الثوره والمرحاه الحاليه
اهلاً استاذ امير فرح فاقدين البوصلة والتغيير بطئ وردي احياناً وطبعاً يعرض له وفي فترة كثير من الفنانين انتاجهم غير متوفر في القناة الرسمية ويمكن تكون الملكية حصرية لجهات اخري ( ايام الهوس والموسيقي حرام ) وردي تسجيل الحفلات احياناً يظهر ، حفلة اديس وغيرها وطبعاً وردي في شبابه الصوت يختلف وفي كل الاحوال هو فريد.
اظن الان في مراجعة للشهادات زي ما سمعت مراجعة القيد المهني برضو مفروض تبدأ بس التمويل الحكومي مشكلة ، ومعروف ضعف الاقبال علي الصحف واعتمادهاعلي الاعلانات الحكومية ، التمكين خرب العرض والطلب وفي حال رفعت الدولة دعمها ووقف الاعلانات الحكومية المسبقة وتركها للسوق قد ينعدل الحال .
مذيع أقل ما يوصف به لا صلة له الاعلام وصف حزب الامة بالحزب العجوز، ده الحزب الوحيد السوداني من منشأه الي الان .
تباً لكم يجب اخضاع قناة الخرطوم لادارة قناة السودان الفضائية وتكون تحت الرقابة القومية ان كانت قناة قومية.
من انتم يا من تديرون قناة الخرطوم
Post: #26 Title: Re: تلفزيون السودان والقنوات السودانية Author: adil amin Date: 08-06-2020, 06:54 PM Parent: #25
Quote: مذيع أقل ما يوصف به لا صلة له الاعلاموصف حزب الامة بالحزب العجوز، ده الحزبالوحيد السوداني من منشأه الي الان .تباً لكم يجب اخضاع قناة الخرطوم لادارة قناةالسودان الفضائية وتكون تحت الرقابة القومية ان كانت قناة قومية.من انتم يا من تديرون قناة الخرطوم
يجب اقالة حمدوك والبلد ترجع لدستور2005 وانتخابات طوالي عشان نشوف هل النتهي حزب الامة يا د اخلاص جماعة مايو ديل البعثيين والشيوعيين والناصريين مصرين انو هو احسن من الاحزاب الوطنية وحاشين راس الشباب بي الكلام الفارغ ده
اهلا دكتور عادل امين لا صلة لهم بالديمقراطية ولا يحترمون الرأي الآخر ، حتي الصيف مصر يحدد له قناعاته ليتهم يطرحون برامجهم ويظهرون منجزاتهم بدل سب الآخرين ، لا أمل في هؤلاء القوم.
الحر بهدل الضيوف والضيف كان بعمة ولا بدلة كلو ما نافع حلقة عن المعلقين الرياضي المعلق الرياضي قش العرق بالعمة و حلقة غناء الضيف ما عرف شن يسو الزول لابس بدلة وطاقية زول مهاجر 😹
Post: #30 Title: Re: تلفزيون السودان والقنوات السودانية Author: Asim Ali Date: 08-08-2020, 10:56 AM Parent: #29
سلام عليكم بدايه اختلف معكم احت اخلاص واخ دينق فنظريا قد يكون رايكم عن خصخصه الاعلام حتى الرسمى فى ظرف كظرف السودان الحالى لانطبق عليه الاراء النظريه المجاريه فى بلاد اخرى ظروفها الساسيه وواقعها يختلف؟ السودان لاربعه عقود تم اختراق وابتلاع كثير من المفاصل الحساسه فى الدوله والمجتمع بواسطه الكيزان والاعلام واحده منها وحصحصه الاعلام بالكامل ليس الا زياده الطين بله. الاعلام الخاص اعلام معلوم من خلفه ويديره والتحدى الحقيقى لتنقيه اجواء الاعلام وضبط ادائه هو انفاذ الشرعيه الثوريه وقوانين ازاله التمكين بين خيارين اما سحب وضع الاجهزه تحت وصايه الدوله وادارتها او سحب تراخيص الاجهزه الاكثر تطرفا وجموحا فى مواجهه الثوره . الان الاعلام البديل عبر الوسائط اضافه لاجهزه اعلام الكيزان الخاصه ناهيك عن فئرانهم فى الاجهزه الرسميه يديروا حرب اعلاميه على مستويات عده فى عجز المسئولين فى الحكم الانتقالى.الاعلام البديل يعمل على اغراق الشعب بالاكاذيب وتزوير كثير من الحقائق والاحداث وبشكل مدروس لضرب حكومه الثوره وارباك الراى العام وشغله فى حاله توهان عن حقيقه مايحدث ويدبر من تدابير لسرقه الثوره والاعلام الرسمى والمنظم غائب غياب تام عن الساحه . بالامس كنت فى مواجهه بعض مروجى الاشاعات فى مجموعات الفيس وصادفت منهم وقاحه وجراه على الباطل بل انتبهت الى احتمال وقوف جهات بامكانات كبيره وذلك عندما وجهت الشباب الضايعين فى بحر الاشاعات الى موقع حكومى يحسم امر حاله الارباك والتوهان وبعد حوالى ساعه وبعد ان عبر الشباب عن كون الرابط لايعمل لاجد فعلا ان محاوله الدخول تجد رد برساله ( فور بيدن) وهو موقع مفتوح اساسا لمنسوبيه فكيف يحجب عن محاولات الدخول اليه لمعرفه الاخبار الحقيقيه من مصدرها. متيحدث من حرب بتفاصيل دقيقه خلاف مايحدث بواسطه الفلول فى الاقتصاد نجد ان فلول الاعلام يديرو حرب اشرس حاليا والجميع فى حاله انشغال بصراعات السياسه وبساط الثوره ينسحب بهدوء من تحت اقدام الوطن والشعب. القضيه قضيه تغيير فى الاعلام كافه والحل شرعيه ثوريه عبلا لجنه ازاله التمكين وضبط الاداء الاعلامى المهنى عبر المجالس المختصه كالمجلس القونى للصحافه والمطبوعات وخلافو حتى يتم الاصلاح من الجذور بالقانون فالمعارك المحدوده والجانبيه لاتقدم كثيرا فى ضبابيه كالتى نعيشها الان
Post: #31 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-08-2020, 11:17 AM Parent: #30
شكراً الاستاذ Asim Ali عكست صورة عن الحرب الاعلامية الدائرة وهي حقيقية ولكن لا تعفي من تجويد العمل.
اتفق معك في محاربة ( الكتائب الالكترونية الكيزانية) اما النواقص مثل التكييف اظن ممكن معالجتها . عدم وضوح الرسالة الاعلامية والعوم في ذات مستنقع الكيزان لن يقدم جديد ، وكما ذكر الدكتور عادل امين توعية المواطن اهم لو بدأوا بالوثيقة الدستورية ( زي المكتوبة بالحبر السري) يكونوا عملوا خير
شكراً استاذ عاصم علي
Post: #32 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-08-2020, 11:37 AM Parent: #31
المقصود بملكية الجمهور الاعلام نظام الاشتراكات اي ان دخل القناة يرتبط برضا الجمهور ، اما ان يفرض رأي جهة علي الجمهور ويدفع محمد احمد من جيبه فلا يصح
من يشاهد هذه القنوات؟ ، غالباً المغتربين وهم ببساطة يحولون لقناة اخري ، علي القنوات ان تمول نفسها بانحيازها لمًا يهم المشاهد ، ليس الامر صعب والا ف تلغي هه القنوات التي استولي عليها باسم الثورة وصارت عبء علي الخزينة.
من يريد ان يستولي علي قناة يصرف من جيبه
Post: #33 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-08-2020, 11:40 AM Parent: #32
اما ان تكون القناة تقدم شئ ادفع له او تدمج مع القناة الام ، الخزنة فاضية وده صرف كتير
كيف تم التعيين للقنوات الملحقة كقناة الخرطوم ؟ هل تمت بواسطة لجان تعيين ومستوفية للشروط ؟ نعم هذه صارت وظائف عامة لا تتبع للقطاع الخاص يتم التعيين بواسطة لجان الخدمة المدنية.
قناة الخرطوم اما تتبع القناة الام ويكون لها خط واضح او تصرف علي نفسها. قناة تستضيف خبراء سدود ووزراء ري سابقين اتمني ان تسألهم لماذا ظل الري المصري موجود ، بدل تنتقدوا اثيوبيا.
هو السابقين كان فيهم فائدة نحن بقينا كده ، ودايرين يفكروا لاثيوبيا !!!!
احسن حل الواحد يعمل مليونية للتلفزيون
Post: #39 Title: Re: تلفزيون السودان والقنوات السودانية Author: علي عبدالوهاب عثمان Date: 08-09-2020, 01:24 PM Parent: #38
تحياتي الدكتور اخلاص هل مازال الري المصري موجود في السودان ؟ المعاملة بالمثل لا بد من جود من ري سوداني في مصر اظن من رموز الحكم الثنائي
كامل التحية .. القنوات السودانية خواء وعرض ازياء سودانية
اهلاً استاذما علي عبدالوهاب عثمان ع ع ع فعلاً لو تركناهم ح يحولوا لعرض ازياء وورجغة اليوم الحصاحيصا غرقانة ومناسيب النيل وصلت ارتفاعات غير مسبوقة وحالتو في 4,5 مليار سحبت نحمد الله علي كرمه ولطفه . نهتم ببلدنا ومصلحة شعبنا ونعمل علي بنك المياه وحصائد المياهو نطالب باعادة النظر في الاتفاقات المجحفة في حقنا في اتفاقية 1959 .
Post: #41 Title: Re: تلفزيون السودان والقنوات السودانية Author: Ahmed Yassin Date: 08-09-2020, 03:11 PM Parent: #40
اخلاص المشرف وشركاها انا اختلف معاكم لكن بتفق معاكندم انه مافي ابداع ولا افكار خلاقة ولا ابداع او حتى ايقاع سريع وضعف الاعداد زي ضعف الاضاءة.. لكن ليهم العذر لانه تلاتة عقود قتلت الابداع ومات وشبع موت واتحرق بى جاز جابو الطيب مصطفى في قزازة مع انه ابوهو كان ( مطرب) رسمي وليهو اغنيتين مسجلات في الاذاعة الكيزان سيطروا على كل ركن في الاعلام .. والعاملين عليها كانوا مجرد ببغاوات و ابواق للنظام الهالك. الشباب كلهم اصبحوا يغنوا والكل لو ما غنى عايز يغني .. لانه مافي مجال تاني ولا في برامج شبابية او مسابقات في الثقافة وفي القصة والرواية والسينما والمسرح او حتى مسابقات المدارس او دينية او رياضية . فقط نجوم الغد هل فيكم زول بتذكر برنامج تاني لقى رواج او شهرة؟ حتى الكانت بتتعمل لاختيار مذيع اتعملت خلال التلاتين سنة مرة واحدة وفشل فشل بامتياز....البلد بصراحة كانت منتهكة انتهاك فظيع ومتهانة بواسطة الكيزان اعداء الانسانية
اهلاً الاستاذ الفنان والاديب Ahmed Yassin طيب يا استاذ احمد نقول ما في ابداع ما يستعينو بناس المناهج القراي في في الجانب الاكاديمي وكيف يطور. حضرت حصص لاساتذة بطريقة التلقين ال من زماااان وكلنا ما متذكرين منها حاجة . يستعينوا في البرامج الدينية بعلماء واطباء في مجالات معينة ، المجتمع تغير بس المفاهيم ما تغيرت مما خلق شبه انفصال وازدواج بين القيم والحاصل ( سمعت شريط لاحد الناشطين يتكلم عن ما سلوك معين وفي نفس الوقت رفضه له ) الناس بقت دكتور جيكل ومستر هايد
برنامج الرأي شنو في قناة التلفزيون القومي ويعلن في نهاية الحلقة انه سيستضيف الضيوف في قناة الشروق !!!!
Post: #45 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-10-2020, 03:42 AM Parent: #44
الفقرة الدينية في قناة الخرطوم الام قالت لبنتها يا انا يا زوجك !!!!!!! غايتو ما ح اقول كذب بس نقول من الخيال العلمي. مقدمو البرامج الكيزان في قناة الخرطوم متمكنووووون
هي تتقال للزوجة ، يا انا يا هي (واقطع شطري) وما عافية لك ( لبني ) وعلي اي حال هو اجتهد ف الاسرة الممتدة في السودان سند للاسرة الصغيرة وغالباً حين اشتعال المشاكل بين الزوجين بنقول في السودان العنو ابليس ، يا شيخنا ركز معانا خليك إيجابي.
مرحب دكتورة اخلاص كيفنك يا طيبة انا متفائل بالاخ لقمان احمد و الرشيد يعقوب في انهم يجتهدو و يحسنو الظروف أولاً و المحتوى ثانياً و لدينا قروب مع الاستاذ الزميل لقمان لتطوير التلفزيون اهم ما ركزنا عليه هو ابعاد كل الزواحف المعوقين لهذه المسيرة و ان شاء الله سيكون التلفزيون بخير في الفترة القادمة اول ما طالبت به هو تغيير هذا الشعار الذي يحمل كلمة التوحيد و هذه الكلمة لجلالها و عظمتها لا يمكن ان تكون شعاراً لقناة تبث الأغاني اربعة و عشرين ساعة
Post: #49 Title: Re: تلفزيون السودان والقنوات السودانية Author: خضر الطيب Date: 08-11-2020, 00:25 AM Parent: #48
مرحب دكتور اخلاص
Quote: اهلا استاذ خضر المحتوي الرؤية طرق التطبيق الأهداف
يمكن نكون متعجلين .
نصبر
انتي ابداً ما اتعجلتي دي وجهة نظرك و بجد محتاجين نسمع منكم الشغل ماشي كويس و بي خطى حثيثة
Post: #50 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-14-2020, 08:19 AM Parent: #49
يا تلفزيون يا مسئولين وcc ناس النشرة الجوية الغرق الحصل ده ما نقلتو الا بعد روحنا طلعت. بوابات خزان مروي ال انفتحت ما جبتو ليها خبر والناس تودي وتجيب وواحدين ما شين المحاكم ، ليه ما استضيفتم مسئول يوري الناس الحصل ؟!!! ناس النشرة الجوية ايام الامطار مفروض حتي الحاصل في الهضبة الاثيوبية تجيبو لانو يؤثر علينا ، المويه الانبهلت من الاتبراوي مفروض نعرف بالمطرة ال كبت لحدي ما تصل يومين - ثلاثة الناس تترس البحر والدفاع المدني يشتغل.
لمتين نفضل محلك سر ، ما فضل لينا من ظلام عدم المعلومة الا نرجع لعروس النيل .
يا ناس النشرة الجوية (وسعوا نشرتكم) مع الاتبراوي من الواسوق ابت تطلع ...... خوازيق البلد زادت. د يفيض النيل تصير محنة......
كسرة يا تلفزيون ورثة مصطفي سيداحمد
وحميد لو قلتو لهم نحذف خازوق المدفع ( وهو أكبر الخوازيق ) ونذيع الاغنية السمحة غالباً يوافقوا بس ادوهم حق الاغنية وحق حذف الخازوق الجد جد حميد ومصطفي انا لله ، شعر زي الشعر وغني زي الغناء
Post: #51 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-16-2020, 03:41 AM Parent: #50
Post: #52 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-16-2020, 06:14 AM Parent: #51
قناة الهلال مميزة مقابلة مع ناس اللجنة الاقتصادية ( باشمهندس عادل خلف الله ) طرحه مرتب ولا اتفق معه. لا اتفق معه علي اي اساس ؟ 1- اقتصادنا وكمان قلت ذبح منذ عهد النميري. من يخطط للاستيلاء علي مقدرات الشعوب يضع خطط قصيرة ومتوسطة وطويلة المدي ، نحن الخطة اخذت 50 سنة داير تنجح في سنة؟ نعم هناك اشياء تساعد الا اننا شبه جردنا منها أ- البترول خرج من المعادلة ( نرجو ربط اقتصادنا باقتصاد دولة جنوب السودان ) ب- الذهب غير متحكم به ( الاوائل اخروا البترول والذهب ليكون احتياط وأتت الانقاذ واخرجتهما من المعادلة) حرب الذهب مستمرة واسعاره الان تهبط عالمياً بفعل فاعل. ج- ما لم نتمكن من تكوين احتياط معقول من الذهب لا تحلم ولا تتعشم باصلاح اقتصادي. د- احد اهم عوامل نجاح الخطط الاقتصادية الاستقرار السياسي والحكم الرشيد ونحن يحكمنا جيش وكل يوم مليونية . هـ- تعقيدات السوق من سوق اسود ومستفيدين وتجار عملة ومزوري عملة ( بعضهم دول وشركات كبري ورسميين )
ثلاث محاورين بنفس اسلوب الكيزان ، ليس هذا مطلوباً ، عليهم الدعوة لدين الله دون الحوجة للدخول في متاهات الافكار الاخري مما اضطرهم لالقاء القول علي عواهنه ، المطلوب حشد للديمقراطية والحكم المدني وادعو لعقيدتك ، ما محتاج لما حدث
تلفزيون السودان محتاج لوقفة
Post: #54 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-24-2020, 06:46 AM Parent: #53
قناة الهلال تقدم تاريخ المشكلة الفلسطينية. وشرح لسبورة وطباشير
يا ريت كمان مشكلة دارفور وتاريخ السودان وبالمرة كيف استقل الجنوب ومنو الجاب لينا خبر
Post: #55 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-25-2020, 10:15 AM Parent: #54
تلفزيون السودان ينقل محاكمة مدبري انقلاب الانقاذ بدأ الدفاع وكما هو متوقع لكورونا
ابحث عن اخبار فيضان النيل الابيض والتلفزيون السوداني والقنوات السودانية لا زالت في ثباتها الطويل
البلد غرقانه وهم ولا هنا
Post: #57 Title: Re: تلفزيون السودان والقنوات السودانية Author: Arif Nashed Date: 08-27-2020, 11:08 PM Parent: #56
بت المشرف انزيك. نشاهد أخبار الفيضانات في الفيسبوك وقنوات الجزيرة والحدث والقنوات السودانية مشغولة بتقديم برامج الغناء والمسخرة حاجة تفقع المرارة لعن الله وزير الثقافة والقائمين علي هذه القنوات.
Post: #58 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-28-2020, 00:52 AM Parent: #57
قناة النيل الازرق ( قناة البياض الزائف ) عليكم الله جماعة التبيض (البيض بيض جداد ) حلونا منهم ، البشرة قشروها لما بقت مرض.
Post: #59 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-28-2020, 01:39 AM Parent: #58
قناة الخرطوم المذيع يستعرض عناوين الصحف والي ساقط انجليزي علق قال الانجليزي ما مهم المهم ما ساقط عربي!!!!!!
Post: #60 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-28-2020, 01:58 AM Parent: #59
اسع لو اقتراح الخمسة اقاليم نفذ واقليم قال داير لغة غير العربية الوضع يكون كيف ؟ النظرة الاحادية في تلفزيون يفترض يتحدث لو ما اكل السودان اقل شئ العاصمة لدولة السودان. الانجليزي مهم ومهم جداً وكذلك كل لغات السودانيين. يا ربي اختيار المذيعين به اختبار لغات ولو في هل به بعض لغات اهلنا في كل اجزاء الوطن ( ما عربي جوبا)
Post: #61 Title: Re: تلفزيون السودان والقنوات السودانية Author: اخلاص عبدالرحمن المشرف Date: 08-28-2020, 02:02 AM Parent: #60
قناة الخرطوم تتحدث عن الثورة المهدية قال نسبة للانشغال بثورة عرابي نجح المهدي!!! لم يذكر ظلم المستعمر وجبايات التركية
اللهم لك المشتكي
Post: #67 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-03-2020, 10:41 AM Parent: #66
تلفزيون السودان قبيلة الرشايدة حتي تاريخ دخولهم زادوا مائتين سنة وهم لم يتواجدوا الا في الثمانين سنة الاخيرة
يا جماعة القرش ده سمح بلحيل 😹
Post: #68 Title: Re: تلفزيون السودان والقنوات السودانية Author: adil amin Date: 09-04-2020, 11:48 AM Parent: #47
Quote: انا متفائل بالاخ لقمان احمد و الرشيد يعقوب
انا متفائل بانصاف مدني عجبتني في فضائية الهلال يا خضر كوز قديم ذى لقمان وشيوعي ذى الرشيد اعلام شنو بكون حر ومحترم لينا سنة مع اكل المستشفيات ده يصلحو الاعلام بتين قحت لمة بلا مشروع استخدام التلفزيون للساءة للختمية والانصار دي وقاحة وقلة اصل
اهلاً دكتور عادل التلفزيون لازمو شغل كثير ، لازمو رؤيا.
يواصلوا في نشر الوثيقة الدستورية كبداية حتي الناس تنتبه للدستور واهمية القوانين .
Post: #70 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-05-2020, 06:01 AM Parent: #69
الواتساب اخير من قنواتنا الفضائية
البلد اعلنت حالة طوارئ و كوارث طبيعية وانتو كما انتو
الهي وانت جاهي الموية تغسل وجوه المذيعات و تعطل عربات المسئولين من فيصلهم لاخر مذيع
وتتحقق نكتة المسطول ويبقي النيل الازرق بعد اسراء وتسابيح تظهر في التماسيح
Post: #71 Title: Re: تلفزيون السودان والقنوات السودانية Author: بدر الدين الأمير Date: 09-05-2020, 07:06 AM Parent: #70
بت المشرف تلفزيون السودان بتاع الساعة كم شفتى بيان لقمان القال فيه سرقو اللوحات عشان يعطلو بث توقيع اتفاقية السلام من جبا لاوكمان منع الوزير فيصل من دخول التلفزيون بعد قصة سرقة اللوحات لانو ماعندو تصريح دخول فعلا لقمان وفيصل شبهينا وتلاقينا وفى النهاية انها قحت المخترقة من قبل الكيزان والطيب مصطفى الخال العنصرى الرئاسى ممدد رجليه ومادى لسانه
Post: #72 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-05-2020, 07:19 AM Parent: #71
اهلاً يا بدر الزمان
والله يا الامير لو كنت انت الوزير وجاهة سااااي كان عرفوك
Post: #73 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-05-2020, 10:54 AM Parent: #72
قناة الهلال مذيع يقول ان ما تم مرفوض وقد اصدر مجلس السيادة من قبل بيان بالرفض
لم اسمع برفض مجلس السيادة من قبل.
Post: #74 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-05-2020, 11:02 AM Parent: #73
الاستاذ الطاهر المعتصم متوازن جداً في ردوده علي المذيع .
ما يحدث في الاراضي الزراعية باسم الاستثمار اوجد امثال عبدالباسط حمزة .
يشكر التلفزيون علي تسليط الضوء علي ما يحدث
Post: #77 Title: Re: تلفزيون السودان والقنوات السودانية Author: علي عبدالوهاب عثمان Date: 09-05-2020, 06:30 PM Parent: #76
دكتورة اخلاص .. تحياتي كارثة الغرق في السودان ولا قناة واحدة تنقل الحدث بالتفصيل نتابع الاحداث عبر قناة العربية والجزيرة مباشر كمان تصوير من الجو حتى قناة كسلا كلها غناء ومقابلات والنيل الأزرق وباقي القنوات : موضة وتياب ونقش على الايدي واستعراض من بناتنا الامورات الله يحفظهن يبدو لي أن حبيبنا فيصل وزير الاعلام ليس لديه مهارة قيادية ومواهب ادارية كيف يتعاطف معك العالم وانت تخبيء كل الحقائق عن هذا الطوفان مفروض قناة بالانجليزية على الأقل لنقل هذه الكارثة
اكثر ما يصرحون به :: (( ارتفاع في منسوب النيل وعلى المواطنين أخذ الحيطة والحذر ))
لدينا قصور تجاه التعامل مع الاحداث أنا اقتنعت باننا ناس تنظير فقط ليست لدينا أي مهارات الجيش ومعدات الجيش ورئيس الوزراء والسيادي في عالم آخر
الوزير فيصل بعد السرقة والتخريب حضر !!!! عشان تندد وتدين ولا الفهم شنو لماذا لم توفر تأمين للمنشأة ، وجاي تنشاكل مع الحارس !!!! ده اسمو التعرض لموظف حكومي أثناء تأدية عمله .
الرئيس عبود الله يرحمه ارجعه غفير مستشفي الخرطوم ومنعه منالدنيا ، هذا الجندي الدعامي يحرس منطقة وقعت بها جريمة المشكلة شنو او منعك يا فيصل ؟!!!
فيصل يفتقد حس الصحافي ايضاً
Post: #82 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-06-2020, 00:19 AM Parent: #81
يا سيادة الوزير هناك 10 ملايين سوداني بالخارج يمسكون الريموت ويبدأون بالسودان ، بعضنا اقتنع الا امل وبعضنا لا زال يرجو ..
Post: #83 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-06-2020, 04:30 AM Parent: #82
قناة النيل الازرق
لو خاصة نقاطعها لو تبع فيسل شوفو لينا حل
محمد بشير ده ما يومو
معقولة
Post: #84 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-06-2020, 04:41 AM Parent: #83
معلنين الطوارئ واسر محاصرة بالمياة والمياه راكده وعاوزين طيارات للرش وادوية وانتو تغنو في دبي
يا ناااااس صحو المسئول يا ناااااس
Post: #85 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-06-2020, 11:30 AM Parent: #84
كل القنوات مشت توتي بالمر مروا علي قاردين سيتي برضو غرقت اكثر من توتي السروراب والشقيلاب ما سمعتو بيهم سنجة 😡
Post: #86 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-06-2020, 11:38 AM Parent: #85
قناة الشمالية جهد واضح ربنا يقويكم
Post: #87 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-07-2020, 00:18 AM Parent: #86
تلفزيون السودان والتاريخ هل هناك ما يؤيد ان لثورة عرابي اي تأثير في نجاح الثورة المهدية من خلال الوثائق البريطانية؟
التاريخ يكتب من خلال الوثائق وليس سواها الانجليز وببساطة اسأوا التقدير ولم يكن صعب عليهم تجريد حملتين وكان ايضاً سيفشلون مع المهدي وينجحون مع عرابي ، لطبيعة الثورة المهدية وظلم الترك
Post: #88 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-08-2020, 10:09 AM Parent: #87
النيل الازرق الان في التحلية يخلطوا في الحليب والكورن فلور والشكولاتة والمكسرات بجنبه 😡
يا مثبت العقل والدين ثبت ديننا وعقلنا
كارثة الموية ما لاقينها الناس والنيل الازرق في المشروب الساخن والتحلية بالمكسرات
فيصل يا زول ده شنو !!!!
Post: #89 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-08-2020, 10:11 AM Parent: #88
وزينها بالفستق المدروش
اندرشنا نحن
Post: #90 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 01:46 AM Parent: #89
قناة النيل الازرق والمعونات
شكراً الكويت شكراً السعودية شكراً الاتحاد الاوربي
Post: #91 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 01:49 AM Parent: #90
دولة الامارات كانت السباقة تلتها دولة قطر شكراً لكم ،
Post: #92 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 02:27 AM Parent: #91
و طوكر ر دي يا فيصل الناجي تلفزيونك ده ما سمع به بقيتو زي محامين المخلوع دايرين المحكمة في قصر الصداقة ، غايتو انا اقترح سجن كوبر ، ما للمحكمة لي ناس تلفزيون فيصل
Post: #93 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 08:01 AM Parent: #92
هههه اتوقع ناس تلفزيون الخرطوم يجيبو مطرقMahjob وينزلو في ال ينتقدهم محيط ، يا زول بعد دفر حتي استعدلتو ، طبعاً ناس عربي جوبا متعودين علي الدكتاتورية وبعيدين عن ان رضي المشاهد مهم.
قلنا لازم المالية من المشاهد عشان يتعرف منو الراسبين . ومقدم برنامج مركب مكنة ناطق رسمي .
Post: #94 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 08:04 AM Parent: #93
المهيب محسن الكرة واطة ، انت في حضرة المشاهد.
ان يهتم بكم مشاهد احمد ربك 😹😹
Post: #95 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 08:19 AM Parent: #94
متي سيرضي المشاهد عنكم ؟ حين تكونون اول من ينقل خبر عن السودان حين تسبقون قنوات العرب حين يأتي الخبر والصورة لديكم وزاوية اخذها هي الاجمل ، حين يكون المذيع رغم ميوله اكثر توازناً ، اما تحشيد الانصار والدفاع كما هو الان ف النتيجة انصراف المشاهد وفي باله ثورة اخري
Post: #96 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 08:45 AM Parent: #95
المهيب محسن قال وزيرة الصحة المصرية جاءت وتجولت ، هل مفروض تتجول هي ؟!!!! يا زول انت مستلب
Post: #97 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-09-2020, 09:01 AM Parent: #96
بعض الفيديوهات والصور اعداء السودان اظهروا كانها للفيضانات الان وين انتو من اصلاح الdamage المقصود . بعيدون نحن عن
قناة النيل الازرق الكارثة الكيزانية تتحدث عن وزيرة الصحة المصرية (وتجولها) هو ما يا هم ال قاعدين يهدوا في بيوت مواطنيهم؟!!!!
غايتو الا كان جاءت تلك حصيلة الذهب والدولار
النيل الازرق من الانتباهة لمصر يحلنا الحل بله
Post: #99 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-10-2020, 02:22 AM Parent: #98
قناة الخرطوم وجدي صالح وقعت لحزبه في كرتيله 😹😹😹😹
Post: #100 Title: Re: تلفزيون السودان والقنوات السودانية Author: adil amin Date: 09-10-2020, 03:53 AM Parent: #99
د اخلاص سلام وتحية اعلام المشورة الشعبية هو الذى يصنع ثورة الاعلام الموجه للجماهير ومفتوح علي الشعب وبي حرية ووضوح ولحدي هسة القحاتة يهرولو علي فضائيات الخليج بما في ذلك المتصنع حمدوك وخالين تلفزيون واعلام السودان في الحضيض وترهات ساكت هل هم عايزين يوعو العرب وعربان الخليج ولي الشعب السوداني شفت العقد والمرض النفسي واللهات ورا العرب مودي السودان وين
Quote: الحق اولي ان يتبع احسن نواجه الحقيقة ونتصالح مع نقسنا اذا كنا مصرين نكون اخوان مسلمين وشيوعيين وبعثيين وناصريين وسلفيين في السودان لحدي القرن 21 وعرب درجة ثانية كمان ولحدي هسة ورافعين علم بابكر عوض الله طيب نشوف الثورة الحقيقية يجب تحقق شنو قلنا تعالج الاخطاء الاستراتيجية المتراكمة من 1956 وهي واااااااااااااااااااااااااااااضحة 1- الثورة تعالج وجود السودان المخذول في في جامعة الدول العربية من 1957 وتشويه هوية السودانيين ..وجامعة الدول العربية ما تلزمنا ابدا كسودانيين ويجب ان نتحرر منها اولا ..باستفتاء شعبي كما فعلت برطانيا مع الاتحاد الاوروبي ونرجع سودانيين فقط 2- الثورة تعالج عدم الالتزام بالاتفاقيات والمواثيق والعهود والفدرالية التي نادى بها ابناء جنوب السودان من مؤتمر جوبا 1947 ونوريكم ازمة الفئات الفوق دي وبمسمياتهم المموهة وهي ازمة نفسية واجتماعية
في مرض نفسي عضوي يصيب حالات نادرة من الرجال والنساء هو انفصام عقلي (اضطراب الهوية ) يكون الرجل مكتمل الرجولة ودماغه يرسل له شارات انه امراة ويختل سلوكه وفقا للذلك وتكون المراة ايضا بارعة الحسن والجمال ودماغها يرسل لها اشارات انها رجل ويحدث نفس الشيء هذه الايدولجيات اعلاه كلها ترسل اشارات خاطئة للسوداني والسودانية المحسوب علي السودان والسودانيين لاسباب الشريحة الاجتماعية التي ينتمي اليها والايدولجية التي يعتنقها باته ((عربي ))ولذلك يعاني كثير جدا جدا في اثبات انه عربي بالتقعر في اللغة العربية في الفضائيات والتهافت على الدول العربية ومصر لتاكيد الذات واخيرا التمسح بالكريمات ودي اخر مراحل التردي في السودان ولا بقى سوداني سلوكا ولا عربي شكلا ... وهذه هي ازمة كل معتنقي الايدولجيات المصرية اعلاه وكراهيتهم لابناء جنوب السودان غير المبررة وكل حروب الابادة ايضا دون فرز وايضا شاهدت فلم كوميدي امريكي عن زنوج في قاعدة امريكية استيقظ احدهم وهو يصرخ رعبا وتجمع الزنوج حوله (قال لهم شادهت كابوس فظيع فظيع جدا ..حلمت اني رجل ابيض 😂🤣🧐 لذلك اعتبرو ان انفصال جنوب السودان امر واقع ولا عودة للجنوب والجنوبيين ولا وجود لهم في المنفستو بتاعهم اطلاقا ولذلك يرفعو علم انقلاب مايو1969 بتاع بابكر عوض الله ويفصلو مشروعهم في السودان المعاق المتبقي وهم نفس ناس ثورة اكتوبر 1964 وغير معنيين طبعا بعلم الاستقلال الذى رفعه الازهري والمحجوب تحت شعار ((السودان للسودانيين )) اومعنيين برؤية جون قرنق السودان الفدرالي الديمقراطي الاشتراكي المكون من ستة اقاليم ودستور 2005.. 1- طيب لو انت من الاخوان المسلمين ...هذا تنظيم ماسوني يضعك في الدرك الاسفل من النار مع المنافقين وهذا المشروع امبريالي صهوني شيطاني مفضوح الان وليس افضل من الختمية والانصار اطلاقا راجع كتب ثروت الخرباوي (اسرار المعبد) 2-السلفية مشروع اسسته المخابرات البريطانية وليس دين تقابل به رب العالمين والصوفية في السودان افضل منه مليون مرة (راجع مذكرات مستر همفري) 3-البعثية كلنا شايفين سوريا والعراق وايضا صدام حسين من احقر عملاء المخابرات الامريكية (يوجد فيديو في فيس بوك ) وجندوه لقتل عبدالكريم قاسم الشيوعي عندما امم بترول العراق 4-عبدالناصر اخس واحط رئيس حكم مصر مع حثالته وازاح الرئيس المحترم محمد نجيب الذى يحب السودان والسودانيين عبدالناصر عميل صهيوني درجة الاولى توجد وثائق لك لذلك او اسالو بابكر عوض الله الرافعين علمو ده في كاردف يعرف ذلك....والان في موريتانيا التي تعاني زينا من العروبة المستعارة يريدون ازالة اسمه من الشوارع...واستخدم موقع يوتوب او مذكرات محمد نجيب كنت رئيسا لمصر *** الثورة تغيير وليس اعادة تدوير عشان كده قلنا من 2005 و ليكم ارفعو علم الاستقلال في كل بيوت السودان تعبير عن رفضك لكل الانقلابات في السودان وتبنو مشروع جون قرنق(خارطة الطريق ايضا موجودة في مكتبتي في موقع الحوار المتمدن فقط لبناء الدولة السودانية الحقيقية باسس جديدة وخلونا من (تسقط بس )واعادة التدوير وفي 40 محاضرة صوتية مدتا فقط عشرة دقائق جمعت فيها حصيلة 100 كتاب مؤلف سوداني سياسي او اجانب عن السودان عشان تنوير الشباب وشعاري التنوير قبل التغيير وانزلا في موقع سودانيز اون لاين باستمرار مدعمة بالمقالات الموثقة بالصور والفيديو من يو تويب... احسن تسمع وتتواضع donkeys always live long
Post: #101 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-10-2020, 08:17 AM Parent: #100
اهلا دكتور عادل امين وشكرا علي رفد البوست بالمفيد
ح ارجع لك تاني
Post: #102 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-10-2020, 08:28 AM Parent: #101
قناة الخرطوم محسن بشير ولقاء مع رئيس قبيلة الجمع وحديث عن خور ابو حبل ومشاريع مفترضة ًًًًًًًًًًًًًًًًًًًًًًًًً وايضاً حديث عن خور ابو عنجة موضوع مهم يا محسن خليك مع ناسنا وانسي العون من ناس السعودية ، الحفير محتاجين مهندسين مع خبرة ومعرفة سكان المنطقة 👍👍👍👍
Post: #103 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-10-2020, 10:41 AM Parent: #102
نعم جامعة الدول العربية لا تشبهنا و حتي بعض العرب توصل الي أنها لا تقدم لهم شئيا . الإدارة الأهلية يحاول ال قحاته تجاوزها كما حدث في مشكلة الوالي عمار صالح وطبعا هم فاشلين وطلاب مناصب وسلطة دون حقها. ما يدور في الدول العربية وبينها يخصهم ولا داعي لانخراطنا في ذلك إلا بما يصلح.
السودان اولا محمد نجيب سمح بأن يستغل وهذه نهاية منطقية
Post: #108 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-11-2020, 02:33 AM Parent: #107
قناة السودان لم تكتفي بالغناء ضد النيل اغنية وصورة ما تبع فيضان النيل
Post: #109 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-12-2020, 00:55 AM Parent: #108
قناة الخرطوم برنامج صحتك مميز 👍👍
معدل المشاهدة للقنوات السودانية في ارتفاع القناة القومية تلفزيون السودان تتميز بالخبرة، قناة الخرطوم خطوات واثقة النيل الازرق تائهة ، الغناء كل راسمالهم ةوفي مجمله بعيد عن نبض الشارع.
لا يوجد مبدع في قامة شاعرنا عوض جبريل يقدم التسامح في أغنية ويلخص الشخصية السودانية ما تهتموا للايام النيل في مجراه الخالد و فيضانه المعلوم ابتلع منزل شاعرنا فعزي نفسه ورفيقة دربه
وأبدع فناننا كمال ترباس
Post: #110 Title: Re: تلفزيون السودان والقنوات السودانية Author: adil amin Date: 09-12-2020, 01:37 PM Parent: #109
امشي يا د اخلاص شوفي توتير وهشتقات الشحدة من الدول الخليجية النهب ثروات السودان مع نظام البشير ولازالت وفي تنوير وزارة المالية قالو نحن بنبيع الذهب عشان نشتري الضروريات وقالو الضروريات دي القمح طيب القمح المزروع في الجزيرة والاقاليم الشمالي القادننا بيه في التلفزيون ده قعد يمشي وين ؟؟؟ السودان لا زال دولة منهوبة الموارد والناس بتاعين قحت ديل امتداد للانقاذ وتسفه عقول السودانيين وين راح قمح السودان وبنزل ليك مقال عن الدولة الناهبة لي ارصي السودان وكتر الف خيرو الراحل ابراهيم منعم منصور فضح المصريين والشراكات الناهبة للسودان وادواتها الرخيصة في الداخل متمنى يستضيفو زول ذكي في السودان يقترح مشروع لحل مشكلة الفيضان السنوية في السودان نهائي والمشروع ده نشرناها في كل الاسافير وفي حسابات حكومة ناس قريعتي راحت ديل ولا حياء لمن تنادي كويس انك عرفت اسوا سؤات قحت الاعلام السخيف ده ومرت سنة والترهات مستمرة علي الشعب البحث عن وعي جديد غير الموجود والمزمن ده
يا سلاااام يا دكتور قلت الحقيقة ، زي سد النهضة الذي ينضم سريان النيل ويظبط منسوبه ويخفف عنا الضغط عاوزيننا نقيف ضده ونشكر الجار الشمالي وسواه علي ما يجودون لنا به . وأكثر من ذلك فشل من حكمونا في تنفيذ مشروع مثله ولم نسقي الغرب ولا الشرق الذي يموت انسانه سمبلة وفي صراع كراسي .
لم يكن رجما بالغيب بعض الفلسطينين يطالبون بالخروج من جامعة الدول العربية، والحبل علي الجرار
Post: #113 Title: Re: تلفزيون السودان والقنوات السودانية Author: علي عبدالوهاب عثمان Date: 09-12-2020, 08:31 PM Parent: #112
دكتورة تحياتي .. بالنسبة للتلفزيون القناة القومية نشرة الاخبار 90% من الاخبار والشخوص خليجيين ناس اليد العليا ( الامارات ، الكويت ، السعودية ، قطر ) استعراض .. والمسئول عندنا كلمات الشكر والمديح
اهلاً استاذنا علي عبدالوهاب عثمان ع ع ع واقع الحال ، فشلنا في ان نبني بلدنا ، يشكروا علي ما يقدمونه ، باقي نشد حيلنا وبدل نكون عالة نكون علي الاقل مكتفين وشايلين روحنا ، بدري علينا كثير.
التلفزيون عكس حقيقة وهي شعب جبار ومقدرات هائلة ، من غير سند من جيش ، وين خيام الجيش وين جسور الجيش وما ح نسأل اكثر .
دبابير الكتف مع الزواحف زحفت زحف للقمة الشعب ختفت ختف سقطت سقوطها المنخسف وما بتنكسف
القناة القومية تلفزيون السودان محور الأحداث الاستاذ عبدالرحمن الامين كعادته أحاط بالأمر من كل جوانبه إلا أنه لم يصدح بالسبب الحقيقي لتأخير إعلان حالة الطوارئ ببساطة محادثات سد النهضة وحتي لا نتهم .
وكما ذكر الاستاذ والذي أتابعه كثيراً هذه سنة سقوط برشلونه والكورونا وبذكائه المعهود طالب بتقدير نتائج الطلاب المتضررةمناطقهم بملاحظة نتائجهم الدراسية الراتبة ومعالجة الأمر علي ضوء ذلك
Post: #116 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 00:33 AM Parent: #115
دي ما انباعت لي كلو كلو إياكم تجيبوها ، تنسونا ،دسوها اعملوا رايحين ادلي الفريق اركان حرب كباشي بتصريح أن حجم الدمار اكبر من التقارير التي رفعت لهم. بعد كلمتكم خشمي عندى.
Post: #117 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 00:54 AM Parent: #116
نساء السودان بارعات في تسمية الثياب
عيون كباشي مالك ما شايف؟!!!!! ثوب عيون كباشي هههههههه
Post: #118 Title: Re: تلفزيون السودان والقنوات السودانية Author: ترهاقا Date: 09-13-2020, 02:25 AM Parent: #117
Quote: نساء السودان بارعات في تسمية الثياب
عيون كباشي مالك ما شايف؟!!!!! ثوب عيون كباشي هههههههه
بالله ما لقن غير الكوز ده؟ تعرفي لو كان اسم التوب الكضباشي بعد نصف ساعة الرفوف كلها كانت حتكون فاضية
Post: #119 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 04:25 AM Parent: #118
اهلا ترهاقا يا ها ذاتها عيون كضباشي حدس ما حدس قال التقرير ال اترفع ما بين حجم الكارثة وبالتالي هم ما اتحركوا، بيوت واقعة قدامو وشباب ترس الموية بصدرو ودائر تقرير ، هو تصميم واصرار علي اذيت الشعب أكثر من كده كيف.
Post: #120 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 07:27 AM Parent: #119
قناة الشمالية المبدع محمد احمد عوض والغناء الوطني الجميل وطني يا وطن الصلابة وطلب من المذيعة الشابة للطلاب بالتوفيق وأبقو الصمود
Post: #121 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 07:58 AM Parent: #120
قناة الشمالية وأغنية ما بتشبهنا ( بقيت متشرد ) . قالو لكم في معالجات للممتحنين الذين تأثرت مناطقهم من واقع نتائج السنة والمستوي الدراسي
واكيد في معالجات ف الطلاب في حدقات العيون
Post: #122 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 08:51 AM Parent: #121
فضائية الخرطوم مناحة سخيفة قال النيل غدر قال مواعيد فيضان سليل الفراديس معلومة أن يكون نواحكم بهذه الطريقة دليل علي عدم معرفة ما حصل ، يا ناس انتو ختيتو
Post: #123 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 09:09 AM Parent: #122
قناة الخرطوم الكذبة وضيف يستغبي المشاهد ، قال القوات المسلحة قدمت وهي الأولي ، باشمهندس احمد الزين الجيش صار خنجر في خاصرة الشعب وفض الاعتصام وهو ينظر لمعاناة الشعب ( كباشي قال الخطأ من التقارير) ولا يحرك ساكنا ، جيش العدي وأشد العدى
Post: #124 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-13-2020, 10:20 AM Parent: #123
قناة السودان البلاطجة ظهروا من جيش ودعامة بقت فيها تبرعات واعانات وكعادتهم يستولون علي الخيام الجديدة ويخرجون خيام المخازن القديمة ، جيش ودعامة ده يلطخوا به ده .
قناة السودان المذيعة الشابة حنان مميزة تلقائية لك التحية ، ذهبنا معك لسد بوط الذي انهار ،المنظمة عليها تحسين وتطوير بناء السد ، لك التحية .كوني كما أنت
تلفزيون السودان مقابلة مع مسئول الإقامة شرق النيل ام دوم جنوب،شح نفس لا يستاهل هذا الموقع الأخوة الجنوبيين وغيرهم أصر علي أن الجميع من الجنوب وحصرهم حتي لا يأخذوا نصيب منطقته
Post: #127 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-14-2020, 00:08 AM Parent: #126
قناة الخرطوم المذيع الشاب محسن بشير ولقاء مع الفنان عوض الكريم عبدالله تغيييااان .... بي حقو
وصريح
Post: #128 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-14-2020, 00:43 AM Parent: #127
القنوات المتخصصة قد تكون في مرحلة ما حل لأشياء كثيرة ، تاريخ السودان من متخصصين مع تقييم ونقد ومراجع، جغرافية السودان وطبوغرافيته مع زيارات لمدنه بواسطة المراسلين ، تراث البلد ، العلوم الطب ، تاريخ الحضارات قوانين السودان ، المعاهدات والكثير اكيد المسئولين لديهم أفكار قد تكون خير من هذه
قناة الخرطوم واكبر ناكر اسمع له البلد ملئ بالحروب والعنصرية ونكرها اطول حروب القارة ، وكل المشاكل نكرها وقال المشكلة قيادة بس. الدكتور النعيم الخير حسن ادريس اكبر ناكر لحالنا
Post: #130 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 01:13 AM Parent: #129
قناة السودان مبادرة مع محمد عيسى ما فهمنا منها شئ ح تطلع المجموعة يوم الخميس اول مرة ومن بربر متبرع ما فهمنا وصلت ولا لم.
Post: #131 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 01:18 AM Parent: #130
حملة علاقات عامة واستعراض ، يا زول السوباط ده براهو حسب الصحفية سهير عبدالرحيم عندو عشرة حسابات واحد فيهم في ترليوووو نين , الدولة العميكة ، يا زول
هووووي يا ناس قناة السودان استقيموا
Post: #132 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 02:14 AM Parent: #131
ما قام به الفنان محمد عيسي علي احسن الفروض دعاية مجانية للخندقاوي والسوباط واحدهم من بربر ودعاية لنفسه ، يا زول غناءهم ده ومهرجاناتهم المسيخة دي وطريقتها هي بزنس
انتهينا من الجيش والدعامة وقرفهم جونا ناس الدولة العميكة
يا هوووي قروش الاعلان السوباط والخندقاوي والحفلة شيلو من محمد عيسي
وبالله جيبو لينا ناس اللجان ، كفانا 30 سنة من الاستعباط
Post: #133 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 02:40 AM Parent: #132
المذيعة نفسها تحتاج أن تعي برسالتها أما أن تصيري مطية للدولة العميكة في أمر ينقص من قامتك ، مهما كان ما قدم وال ح يبدأ الاسبوع القادم لجان المقاومة متقدمة عليه
أدي واجبك ونحن ننتقد ،ولذا قلنا الاعلام يجب أن يخصص وقصة مدير تطيعوا أوامره ما بتخارج
Post: #134 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 02:59 AM Parent: #133
ذكر اسماء تجار وراسماليين في القناة القومية يعد دعاية ، كم من الأجانب تبرع لنا ولا نعلم أسماءهم ، إذا كان تبرعهم مشروط بالاعلان يسأل المتضررين وعليهم أن يعلموا هم عن هذا الشرط.
Post: #135 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 03:30 AM Parent: #134
في أثناء صراع الدولار وسقوط عملتنا الوطنية ترددت اسماء لا اجزم بصحة ما قيل ولكن أن يأتي أحدهم في التلفزيون القومي ليسوق لي بعضهم اكيد سيكون رد الفعل لأي سوداني تغيير القناة ، أن تكون مذيعة شابة ومجتهدة في وضع لا يحبه لها أحد اكيد سوف الوم مدىر القناة هذا أن لم اتهمه . انتبهوا
Post: #136 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 05:51 AM Parent: #135
يسرقون رغيفك رغبفك، ثم يعطونك منه كسرة ، ثم يأمرونه ان تشكرهم علي كرمهم ..... يا لوفاحتهم
الدولة العميكة
Post: #137 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 07:01 AM Parent: #136
ما تتسلق الشهداء
ماتتسلق الشهداء أرواح مشت كداري وإنت بتاع ملح جنك باردة...جنك ضللة تخمُش من طرف وأهلك تبيعهم وكمان تطنطن الغُنا هابط وأحيانا" الأشعار أسوأ من الأخبار؟ وكرفتة مذيعهم...وتلحس خُف ولي النِعمة
ذو اللحية فات جاك دور حليقهم
Post: #138 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 08:07 AM Parent: #137
خشارم والديسكو مدربان لكرة القدم غايتو خشارم بكون خشن دشن شين الرابعة ما بعرفها خذرم معناها نحل العسل🌹🌹
شكراً محسن بشير ناس قناة الخرطوم
Post: #139 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-16-2020, 08:26 AM Parent: #138
القنوات الرياضية المتخصصة حلم رياضتنا ، لاعبينا، مدربينا سودانا
قناة الخرطوم وبرنامج مهم عن المؤتمر الاقتصادي الضيوف ؛- الاستاذة نعمات كوكو الاقتصادية الاستاذة هويداالبيعة اقتصادي استاذ عبدالجبار الاستاذ السيد الصديق الصادق المهدي
الاستاذة نعمات كوكو تفاؤل بالخروج بالحد الادني بمشاركة الجميع ، وان الحرية والتغيير هي من اقترحت المؤتمر واهم ما في المؤتمر حسب وجهة نظرها الورش القطاعية - الكهرباء ، النفط والجميع لخلق مسار اقتصادي للجميع مع اصحاب العمل للخروج من الازمه ( تدهور الانتاج )
الاستاذة الاقتصادية هويدا البيعة ايضاً ذكرت ضعف الانتاج ( مثال غير مقنع عن الاستيراد ، وماذا لدينا) مثال شراء اللحم وان السكين مستوردة ، الاكل عندنا كلو محلي من التقلية للسكسكانية والجبنة و والله يكفينا شر البرجر والكنتاكي وباقي الاكل ال غير صحي 😹
تحدثت ايضاً عن عجز الميزانية والتمكين وهو صحيح وما فعلته الانقاذ لا يغتفر ، ذكرت ان الانتاج حوالي 10% وركزت علي الاقتصاد الخفي. وسوء الادارة والفساد والدولة المعيقة الاستاذ محمود عبدالجبار تحدث عن طريقةالادارة ومصداقية الدولة واخلاق الاقتصاد وحذر من التأميم والمصادرة ( بعبع التاجر و رب العمل ) وما حدث للمغتربين وما هو مفترض .
الاستاذة نعمات كوكو قالت كل الاقتصاديين مجمعين علي رفع الدعم بما فيهم الاقتصاديين في وزارة المالية وكل التنفيذيين
Post: #149 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-17-2020, 01:04 AM Parent: #148
حديث الاستاذة نعمات كوكو عن ان الكسرة أغلي ينبه الاقتصاديين للفجوة بين الجمهور والحقيقة
اقترح خلط الاثنين ( الجمهور والحقيقة الاقتصادية) والرجوع للرغيف المخلوط خاصة وان انا تجربة ولتسمية خبز الحقيقة او خبز نعمات.
Post: #150 Title: Re: تلفزيون السودان والقنوات السودانية Author: adil amin Date: 09-17-2020, 03:14 AM Parent: #149
Quote: *كفانا ياحمدوك*
والسودان فى يده ان يهدم كل فكر الاخوان المسلمين فى العالم وليس فى السودان فقط لو كان عندنا وزير اعلام غير فيصل ومدير تلفزيون غير لقمان .......... ان ماجرى فقط فى بيوت الاشباح وماجرى للاستاذ احمد الخير كافي وحده لهدمهم تخيلوا لو كانت هناك قيادات إعلامية غير هؤلاء يتفجرون حماسا كوادر ثورية من شباب الثورة تجرى لقاءات مع من كانوا فى بيوت الاشباح والتعذيب الذى تعرضوا له وتزور بيوت الاشباح ومقابر ضباط رمضان الذين دفنوا احياء وباحذيتهم ولقاءات مع امهات شهداء سبتمبر وتصور ذلك فى فديوهات وتوزعها على العالم ويحكى لى احدهم ان قوش كان يحضر ماساة تعذيبه وهو الذى امر بفقع عين هذا الرجل ففقعت عينه والرجل حى يرزق ممكن ان يلتقى به التلفزيون وان اردتم أدلكم عليه وأعطيكم تلفونه وهذا الرجل نفسه حكى لى عن تعذيب عمار احمد ادم فى بيوت الاشباح فالرجل ضحية وشاهد وعمار كان منهم وهو حي وهذه كانت ستكون ضربة قاضية لهم لماذا لا تلتقون بعمار يالقمان وتنشروا هذا الفديو على العالم وشهد شاهد من اهلها بدل برنامجك السبتى الذى كله غرودة عيون ولفتات مسرحية وعرض أزياء وكلام لايودي لا يجيب وهناك زميل كان فى بيوت الاشباح اصيب بغرغرينه وهو مصاب بالسكري وأصروا على ان يعالجه الطبيب ضابط الامن فرفض خوفاً من ان يغتاله بطريقة لا يحسها فتفاقم الجرح وكادت ان تقطع قدمه ولا رحمة لماذا لا تستضيفو مثل هذا ليحكى لكم عن بيوت الاشباح !! وهناك وهناك وهناك الضابط الشجاع العظيم ود الريح وهو ادلى فى شجاعه بكل ماحصل وحكى لى انهم احضروا له فى السجن من هددوده باغتصابه ولا اظنه يبخل على العالم بلقاء يبين فيه خطل فكر الاخوان المسلمين وتناقضه وقسوة الكيزان والتناقض بين الفكر والتطبيق ..... الاخوان بجانب انحرافهم الاخلاقي المعروف هناك فسادهم المدهش وعندنا لجنة ازالة التمكين وماصادرته من المال الحرام عمارات ومزارع والذى ستره فيصل لم يعرض علينا هذا الفيصل ولا عمارة واحدة مصادرة لنرى الترف الذى كان يعيش فيه اخوان نسيبة ولا منزل على عثمان المصادر بحديقته الغناء وكان قد عرضه الطاهر التوم فى لقاء مع على وكان ممكن ان يصور هذا المنزل وصورة لمنزل على القديم فى حديقة الحيوانات وعنوان ذلك اين كنا واين اصبحنا ليس على وحده وانما كل قياداتهم لماذا لا يصور لنا التلفزيون الباهت اين كانوا واين اصبحوا بعد السلطة ولم يعرض لنا تلفزيون فيصل ولقمان املاك وداد المهولة او عوض الجاز ولو عرض علينا لقمان فقط العمارة التى اهداها نافع لابنته التى تزوجها ابن الزبير (بالمناسبه هناك شارع فى المهندسين يخلد الزبير وباسمه عجزت الثورة عن تغيير الاسم )والتى تقدر قيمتها بأكثر من مليون دولار لكانت هذه صفعة قوية فى وجه الكيزان وياليته التقى بأساتذة نافع فى شندى الأميرية واعرف احدهم ليحكي له عن نافع الذى اوصل لمدرسة شندي الأميرية بحمار وقميص متسخ مقمل وسروال وقام المعلمين بجمع مال وجلبوا له عراريق وقمصان وادخلوه حمام ساخن هذا نافع المقمل الذى كان يستفزنا بالحسوا كوعكم !! فلماذا تسترهم يافيصل ؟؟ اشك فى ان فيصل ولقمان لا يعرفون اعلام لهذه الدرجة ويفضلوا ان يلتقوا فى العيد اليوم الاول بندى القلعة واليوم الثانى بإنصاف مدنى ونحن فى ثوره !!!! ويرسلون ندى لجوبا لتحى حفلات السلام بدل ابوعركى ونانسي عجاج ولتنشر فى اعلامهم صور ندى وهى فى لقاء مع سلفا كير والتعليق الإعلامي انها تناقش معه مشاكل السودان !!!! ويفضل لقمان لقاء مع الصافي جعفر ( السافى جعفر ) بتاع سندس وماادراك ماسندس .......تلفزيون السودان لم يبث فديو واحد لفضح الكيزان ولا حتى تعليقات ضدهم فهو تلفزيون كيزان وهذه القيادات الإعلامية عبارة عن طراطير وانا اقول لدكتور حمدوك كفانا استفزاز من اعلامكم وينبغي الان ان يذهب فيصل ومعه لقمان لغير رجعة وان يتم تطهير التلفزيون من بقايا النظام والذين صرح فيصل انه لن يقيل واحد منهم وفعلا لم يقيلهم وانما احتضنهم .......وان يتم تعيين وزير اعلام من شباب الثورة وكذلك وكيل وزارة ومدير تلفزيون وعلى لجان المقاومة ان ترفع صوتها عالياً بهذه المطالب وان يحل شباب الثورة أماكن هؤلاء وكفانا ياحمدوك
محمد الحسن محمد عثمان omdurman13 @msn.com
Adil amin
بالله اعلام قحت ده اعلام ثورة ؟؟؟ اكل المستشفيات مستمر شبه محمد ده الصحفي المقتول اعلام الانقاذ بي اكل المستشفيات الناس تتابع فضائح جماعة قطر في العربية الحدس وما حدس بدون تحليل عميق او تعريف بي السودان نفسه وتتباع فضائح الجنجويد والبرهان في فضائية الجزيرة الاخوانية متي يزح السودان ده سياسيا واعلاميا من العرب والعربان ديل الغريبة عقدة النفص تخلي حتي مسؤلين قحت يهرلولو لذه القضائيات التي تمارس التغييب بوسائل مبهرة اعلام المصريين والعرب لا يوقظ فكرة ولا يهذب شعور والقصة في السودان ما عايزة امكانيات فقط امراض نفسية واهدار زمن ثمثين في الاعلام حاصل فارغ تفتح التلفزيون تلقي شيوعي يورجغ تفنح الراديو تلقي بعثي يوجغ تفتح التلاجة ناصري يورجغ انها مايو 2020 https://top4top.io/
Post: #151 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-17-2020, 04:48 AM Parent: #150
اهلاً دكتور عادل امين ما قاله الصحفي محمد الحسن صحيح . ق حت وراء المحاصصة والكراسي ونست الوطن والمواطن ، الاحزاب جماهيرها صابرة ولكن لن تصبر كثيراً , الوطن منتهك ليس فقط من اطرافه ولكن كل ارجائه ، فيصل لا امل يرجي وهو بوق وكفي منظره يوم الاختلاف ويوم البرهان مع نتانياهو ثم نكوصه علي عقبيه ولم نسمع له صوتاً والطائرة قادمة ب بومبيو ومن تل اڤيڤ.
الله يبارك في الوسائط الاجتماعية والريموت..
Post: #152 Title: Re: تلفزيون السودان والقنوات السودانية Author: adil amin Date: 09-17-2020, 05:54 AM Parent: #151
ورجعو لي الدينار وابو سفيان بن حرب الجديد حاكم الامارات الولدوه امس دي بالله شوفي الهبالة والهبل ودو السودان وين https://top4top.io/ صخرة فوق الجسد كلما شدت اضلاعه صاح"احد..احد" وعلى "العروة" شد كان مولى لابي سفيان حينا ومرد طالبا "مولى الموال " مرت الايام وفي اثر الليال ودنا عام الفصال صار مولاه ابو سفيان مولي للابد امنا من كل امر..وعلى اية حال صار اعتى واشد صخرة فوق البلد كلما صاح به الدهماء"شورى" شد حبلا من مسد وعلى الكرسى شد ثم ماذا عن بلال؟! ابدا لا شيء جد عاش حمال بغال يخدم المولى على نصف ريال واذا جاع حمد والاجابات بلا معني ولا "نص" ورد "فارحنا يا سؤال؟!!"
يا حليل جون قرنق ومنصور خالد وجنوب السودان وكتشنر والمحجوب اخرتا يا السودانيين السياسيين بقيتو درويلات لي محمد بن زايد
ادعو الكنداكة اخلاص الانضمام لي حزب بقر المسيرية الجديد تحت التاسيس وبرنامجو بسيط جدا بس لم اكون عايز استعمل سلاح دمار شامل بحذرك تبعدي لمن يدخل لبوست مخذول سفيه ملعون والديه يمارس لخداع المخزي
Post: #153 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-17-2020, 08:01 AM Parent: #152
شكراً دكتور علي رفد البوست بمداخلة دسمة ، اما الانضمام لحزب اولا اشكرك علي توسمك خير في ولكن أحب أن أكون بلا قيد ، فهذا يناسبني أكثر مع تأكيدي أنني ستتابع حزبكم وبعين حادبة شكرا تاني
Post: #154 Title: Re: تلفزيون السودان والقنوات السودانية Author: adil amin Date: 09-17-2020, 09:06 AM Parent: #153
الاخت د اخلاص قصة حزب المسيرية دي نكتة انا ما جادي طول الوقت هنا بس قضية القهر الاكولجي والنظم السياسية التي تدمر البيئة وتخلق ازمات تعاني منها حيونات المراعي التي لا تستطيع ان تعبر عن نفسها فصلو جنوب السودان 2011 وخلو بقر المسيرية يتحرك بين دولتين بدل فضاء ايكولجي واحد وتسببو في مشاكل بين قبائل التماس والحل يرجع اقليم كردفان اولا بي ستور 1973 وقوانين 1974 ثانيا اعتماد الحريات الاربعة بين الدولتين ودي بتشمل بالتاكيد بقر المسيرية
Quote: عصف ذهني (5)
https://top4top.io/ القهر الاكولجي هل يمكن تصنيفه بأنه قهر ثقافي؟ استطاعت البقرة عند قبيلة البقارة ان تحدد إطارها الإكولجي وبوصلتها-ريحة الدعاش- إرادة البقرة وساعتها الحيوية تجبر القبيلة بالتحرك شمالا أو جنوبا في زمن محدد من السنه وليس إرادة إنسانها تمشي البقرة جنوبا ويعيق تحركها الحدود وعند عودتها تجد أن أراضيها ومراعيها قد تم الاستيلاء عليها وبيعت إلى مستثمر أجنبي أو توطين أجانب من دوله مجاوره لا يحترموا ثقافة القبيلة –صدمه للبقرة والبقاري
ثقافة قبيلة البقاره هي فلسفة حياتهم المستمدة من فلسفة الكون وتوازن نظامه البيئي عندما يأتي اليوم الذي نحترم فيه البقرة التي ستوحد شمالنا بجنوبنا ونطرد المستثمر احتراما لها عندها ستكون هذه المناسبة عيد وطني يوحد وجدان الكل النبات والحيوان والإنسان نمشي إلى الحقيقة ولا نصل نمشي إلى الاكذوبة وقد نصل رؤوس الاموال الاجنبية أكذوبة العولمة فهي دمار للنظام البيئي يكفي انها لا تحترم بوصلة البقرة كما إنها لا تحترم إنسان البيئة وتسعى إلى تغيير ديمغرافي وتوطين إنسان أجنبي طيع يريد تأكيد وجوده على حساب إنسان البيئة حتى يتم استيعاب ما أقول نعرف الثقافة : (هي ذلك الكل المعقد الذي يشمل العادات والتقاليد والدين واللغة في إطار إكولجي) كل عنصر من عناصر الثقافة داخله ميكانيزم حريك كما تم السيطره في العلم الحديث على نواة الخليه-هندسه وراثية-يمكن السيطرة على عناصرالثقافة بالسيطرة على الحريك وبالتالي خلق إنسان مسخ لا ينتمي إلى الارض ولا إلى الوطن-قهر ثقافي إكوليجي من المهندس؟ عذرا هنالك بعض المصطلحات إذا تم تعريبها نحد من معناها لذلك لابد من استخدامها كما هي نمشي الى المعنى ولا نصل نمشي على الأثر وقد نصل أسأل نفسك ما الآثار التي تركتها العولمة على أجيالنا وما العلاج؟ الاتبراوي
عشان ما نطلع من البوست هل الاعلام السوداني يتناول قضايا الوطن بي العمق ده؟؟
Post: #155 Title: Re: تلفزيون السودان والقنوات السودانية Author: اخلاص عبدالرحمن المشرف Date: 09-17-2020, 10:15 AM Parent: #154
اكيد كلامك في صميم البوست الان ما هان عليهم يجيبو اغنية محمود عبد العزيز قالو لي سرو لا يستطيعون وضع صورة الحلو لا يتحدثون عن السلطان عجبنا، ديل ما راضين بأننا سودانيين ، في انفصام تام والتلفزيون كله اعلانات لتبيض البشرة. رحم الله زيدان ابراهيم الذي أشار الأمر
عودة اما تفضل به دكتور عادل امين البقرة قد توحدنا، وفد من دولة ج السودان لمناقشة قضية ابيي ، او في خيال مع رؤيا وابداع ابي وبقر البقارة سيوخدًنا ولكن قنوات اللا رؤيا مشغولة بمناحة النيل ، خلاص الغرق حصل الباقي شغل ما تبعكم ، لا المراحيض والمياه الراكدة تبعكم لا تعويضات الاراضي تبعكم ، ده شأن جهات الاختصاص، تابعوا لنا وفد دولة جنوب السودان ومعضلة ابيي
البقارة ما تعملوا غمرانيين ، حريات كاملة ومسارات الي ان تستقروا .
عاد شلل الاطفال للظهور وبدأ التلفزيون حملة توعية استضاف بروفسور ساتي، السلالة التي ظهرت نتيجة للقاحات وقد تبين ان المصدر دولة تشاد ، اقترح احدهم بدأ التطعيم للنوع الثاني ولتكن تضربة البداية من الحدود السودانية التشادية والخرطوم.
قناة النيل الازرق كمن صحي فجأة من نوم عميق ، تجاوزنا الفيضان ، ما تبقي لا يحتاج جولات فقط حملات توعية صحية و( سك ناس الصحة ) والسؤال ماذا تم وسك ناس الاسكان والتخطيط ، لا حوجة لرؤية الانقاض وما نتج عنالفيضان ، سكوا لينا المسئولين عن الصحة وناس الاراضي والتخطيط ، و بنوك الاسكان ، ركزوا علي المستهلكين ناس البنوك والزكاة ، ناس الزكاة يجب ان يساهموا في بناء المساكن ورصف الشوارع ، ما يجئ واحد يغشنا شايل زيت ولا لحمة ولا دقيق ، ده الجيران والجبان جابو
ما دايرين ( فنانيين ) دايرين ناس البنوك والزكاة والتخطيط الاراضي ، كل السودانيين مرقوا الا البنوك والزكاة والاراضي والتخطيط، ناس الري يشوفوا مصلحتنا في سد النهضة وتأمينه.
The Sudanese Ministry of Health declared an outbreak of poliomyelitis on Aug. 9 a South Darfur ((in the west CcV cc of the country, close to the border with Chad) and Gedaref state (close to the border with Eritrea and Ethiopia).
ابدأوا بما يبعد الضرر كفانا غناء الشفيع عبدالعزيز في النيل الازرق مع الغناء في وضع كارثي، والتعميد وبرضو الحنفيةالسمحاء ، لدينا الماء والأرض وحتي التيراب ناقصين عقول
قناة الخرطوم برنامج حوار خاص تقديم المذيع الشاب زهير الطيب بانقا . لقاء مميز مع الكنداكة بروف انتصار صغيرون ، استمع المشاهد برصانة وعلم وتواضع بروف انتصار لم تغمط من سبقوها حقهم ودوماً في طرحها تنزع لايجاد حلول ، ليت لنا مثلك في كل الوزارات .
وزيرة التعليم العالي والبحث العلمي شكراً لك
شكراً استاذ زهير
Post: #169 Title: Re: تلفزيون السودانيين عن والقنوات السودانية Author: adil amin Date: 09-22-2020, 11:48 AM Parent: #168
عندي ملاحظة مفضوحة في اعلام قحت وتغطياتو لي حرب اليمن الفيها الجنود السودانيين كمرتزقة بشهادة البشير نفسه اذا كانت حرب اليمن من مخازي الانقاذ الاستمرار المخذول فيها ما مشكلة التغطية الاعلامية المشينة للحرب في اليمن لن تغيير الحقائق والحرب دي بتنتهي يوم وبتتميز المواقف وهسة محور مصر السعودية الامارات مستمر في الزلال الموقف السوداني وابتزاز الناس ديل هنا عملت ملفين لي حرب اليمن بوستين وكل شي مشروح وتسجيل كمان بريت ذمتي والحرب في اليمن بي المخنصر المفيد حرب ابادة دولية مخذولة ووجود السودان فيها اكبر عار تاريخي 50000 غارة جوية دمرت كل اليمن وقتلت كل اليمنيين ونشة اخبار قحت تقول ليك الحوثيين اطلقو صاروخ واحد علي السعودية او الامارات ونحن ما محتاجين ابدا للمحور الوسخ ده
Quote: على كيفك يا فيصل محمد صالح ويا هو ده راي الشعب السوداني وجماهير الهلال الوفية في مبارة الوصل الاماراتي والهلال https://top4top.io/
الصمم الايدولجي لا يغير الحقائق على الارض وبيع الجنود السودانيين جزء من العار المشترك بين قحت والجنرلات حتى الان٢٠٢٠ ما نجحت امريكا في اليمن إطلاقا ولا حاجة فشلت وانفضح مشروعا للجميع
لمن لا يعرف الحوثيين في اليمن و حركة انصار الله تابع الفضائيات اليمنية عشان تعرف حركة انصار الله هى مزيج من الفكرة الجمهورية السودانية باعتمادها القران مرجعية كبرى وتبث افكارها عبر ندوات محاضرات كتب وايضاً مزيج من الحركة الشعبية في السودان حركة مسلحة ضد الاخوان المسلمين ومليشياتهم في اليمن المدعومين من المخابرات الامريكية و الإقليمية وسودان السجم والرماد لان الصم لا يسمعون الدعاء كما قال الحكيم د قرنق هم ما بسمعو حتى يشوفو حذرهم السيد حسين بدر الدين الحوثي من الخطر الامريكي الامبريالي الجديد من ٢٠٠٢ وشافوهو ٢٠١٥ بعاصفة الحزم المجرمة ومستمرة حتى الان عادل الامين
Post: #170 Title: Re: تلفزيون السودانيين عن والقنوات السودانية Author: adil amin Date: 09-22-2020, 12:04 PM Parent: #169
Quote: 50000 غارة جوية دمرت كل اليمن وقتلت كل اليمنيين
500000 غارة جوية نص مليون غارة جوية من 2015 =2020 قتلت البشر والشجر والحجر والجنود السودانيين ماتو موت الضان في صحراء ميدي دون جدوى وفي السودان والقردة تلهو في السوق وسلام حرية عدالة والثورة خيار الشعب وينو خيار الشعب في وضع السودان في حرب اليمن دي ؟؟
اهلا دكتور عادل امين أهلنا بقولو الشينة منكورة إلا أن برهان لم ينكرها في معرض رده علي طلب إخضاع شركات الجيش المالية واعترف . أسوأ ما يحدث في الحروب تحول الضحايا الي ارقام وتحول خبر الحرب الي خبر معتاد ثم تحولها وتدرىجيا الي حرب منسية ، نحن دولة تفقد كل يوم جزء من ذاتها.
ايها السودانيون ستتواصل جحافل مغتربينكم تيد باحات المطار بما رحبت وكل شاب وشابة طابق باسبورته ، ما دامت ق حت تفكر كيف تملأ جيوب منتسبيها ( لو بأراضي ولا دولار مغمس بذل وغش المغترب ). ليس هناك ثورة وقد سرق القحاتة كفاح الشعب
مكين للتمكين وسرقة جهد المغتربين وتغريب ما تبقي من الشباب
الشريط الإعلاني وبيع اراضي نصها مضروب ، يا تكتبوا القناة تخلي طرفها في حاله وجود خداع وغش يا كمان الناس تقاضيكم ، بيع الأراضي بهذه الصورة يجب أن يتوقف.
زول كذاب قال لناس اللجنة الاقتصادية ١١ مليار متوقع من مدخرات المغتربين
حل جهاز المغتربين حرامية حرامية حرامية وعينهم قوية طلعت روحنا مصر ، مصر ، مصر مثاله الاهلي بشاشا عندو كلمة تدل على طمام البطن الريموت قبل ما رأسي يطق
Post: #239 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-17-2020, 10:03 AM Parent: #101
قناة السودان محاكمة مدبري انقلاب يونيو 89 النائب العام في فتيل ( عمل مستشاراً في عهد البشير ) لو استمرت المحاكمات بهذه الوتيرة ستبدا محاكمة ( ق حت الحاضنة ) قبل نهاية محاكمة البشير
قناة السودان برنامج عن سد النهضة مدير التلفزيون الاذاعي المخضرم لقمان احمد مع الوزير ياسر عباس ووزير الخارجية المكلف عمر قمر الدين ودكتور خالد التجاني رئيس تحرير جريدة ايلاف
Post: #273 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-08-2020, 02:24 AM Parent: #272
قناة السودان المشهد واللواء صديق اسماعيل دفاع عن لجنة التشاور ، ضعف الحرية والتغيير وخروج بعض مكوناتها هل افقدها الشرعية.
لو فقدت الشرعية لماذا مثلت في المجلس التشاوري ، هذه محاولة التفاف علي اي معارضة ، هذا الجسم لا مستقبل له
الحل في اقامة المجلس التشريعي الذي يستوعب المعارضة ، لا يوجد في اي نظام يحترم نفسه جسم وصي علي مجلس الوزراء وكل الدولة .
Post: #274 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-08-2020, 02:51 AM Parent: #273
اللواء صديق سياسي بارع ومقنع حزب الامة طالب ب 21 % فقط من التشريعي وهو الحزب الاكبر. الجبهة الثورية تتباهى بحمل السلاح!!! وتعده معارضة شرسة للنظام وفي نفس الوقت تؤيد ادخال المؤتمر الوطني ( حمل السلاح خطيئة وادخال المؤتمر الوطني والكيزان من غير مراجعات ومحاسبات ايضاً خطئية ) الجبهة الثورية لا بوصلة لها.
الاعلامي محمد عبدالمجيد نوه لوقف الحرب والشباب. الحرب وقفت ولكن مالم يجد سكان المخيمات والمتضررين أنفسهم ستعود الحرب ويكون لوردات الحرب دقسونا مرتين. الشباب غير موجودين في دواوين الحكومة يا استاذ لأن قانصي المناصب ملو الشرفات والطرقات ولم يتركوا شئيا.
صدقي تحدث عن المؤتمر قسمه الي قطاعات وسياسات القطاعات زراعية صناعية نفطية معادن ... الخ والسياسات ك التضخم والتبادلات والتحويل والتحولات الاجتماعية سيستمر المؤتمر ثلاثة أيام وسيقدم رئيس الوزراء ورقة تتضمن تصوره للثلاث سنوات القادمه
تحدث أيضا عن السعر الموازي ويظن أن الحل administraive هل السياسات الحكومية والإدارية ستحل المشكلة ؟ تحدث عن nil value وأن الأمر لا تحكمه قوانين محلية وهي عابرة للحدود
مع جشع المدارس الخاصة لا بد من تفكير خارج الصندوق ، والله يبارك في وسائل الاتصالات الحديثة، كل طالب المقرر في موبايل او لاب توب ، ارخص من رسوم مبالغ فيها ، قال ايه قال السنه دي عشرين مليون غير الجرة. يا ريم ومحسن ما ضغطوا الزول ده
التهاني للطلاب وعهد علي الدولة السودانية أن توفر لكم كل سبل النجاح
يا قناة الخرطوم هل ناس المدارس الخاصة دفعوا لكم حقةالاعلان والدعاية ولا لا ؟ التكريم في حدود الوزارة وحتي ده تبع قطاع معين ، حلنا نقع النت. لو الواحد عندو طفلين مع جرجرة المصاريف ح يشحذ
ممثل اللجان تمسك بثوابته وعدم رفع الدعم دكتور الحريكة لخص التوصيات ١- دور الدولة ٢- لجان الطوارئ الاقتصادية وتوصياتها وسرعة الحل ٣- الزراعة والثروة الحيوانية والبنية التحتية ٤- مناقشة التوصيات
قناة الخرطوم الباشمهندس عادل خلف الله وممثل لحركات السلام المذيع مشكلته بيخطب ( هدي يا زول ) الباشمهندس عادل خلف الله الحمدلله بيتكلم ببساطة ( خليك علي كده طوالي )
Post: #214 Title: Re: تلفزيون السودان والقنوات السودانية Author: حسن محمد عمر Date: 10-20-2020, 12:44 PM Parent: #4
فضائيات كغثاء السيل وبدون فائدة غناء ورقص من تصبح لامن تمسي حتى غنائنا الجميل لكبار المبدعين تم تشويهه من كثرة الترديد لبعض ممن يسمونهم الفنانين الشباب وجاتنا ألقاب لم يحظ بها حتى كبار الأساتذة المبدعين من عينة ( إمبراطور الغناء / سلطان الطرب / صاروخ الأغنية وهكذا وبعد كم يوم يختفى هؤلاء السلاطين وكلو لت وعجن الشغلة عايزة فرمتة من جديد ولك التحية
لمست موضوع مهم وبه هضم لحقوق مبدعين حقيقين ، جيل كامل نشأ يظن ان بعض الاغنيات هي لمغنيين قاموا بادائها مراراً وتكراراً حتي ضاعت الحقوق ، نفس اللحن لا تغيير ويضيع حق الشاعر والملحن والفنان ، التلفزيون مفروض يضع حد لهذا ، ويجود البرامج .
نأمل خيراً
Post: #216 Title: Re: تلفزيون السودان والقنوات السودانية Author: adil amin Date: 10-21-2020, 03:19 AM Parent: #215
د اخلاص سلام عشان تعرفي بؤس الثالوث المؤدلج الماسك الاعلام امس شفت برنامج مع باقر العفيف العصر طبعا ما عرفتو مباشر ولي اعادة ودي ما اتعلموها طواقم التلفزيون لسه قطعو البرنامج لاذان العصر مشت عملت قهوة عشان اشوف رؤية باقر العفيف المنسقة جابو لاركس بعد الاذان وفجاءة جابو برنامج تاني فيه اريعة قاعدين في حديقة اسمو فضاءات حرة من اهل التكلس الثقافي يقوولو في كلام الطير في الباقير طوالي مشيت ناشونال جوغرافيك شوفي عدم احنرام المشاهد السوداني ووعيه وصلت وين كلام مليان او حقيقي ما عيازنو ابدا المنافقين ديل الحل قدااااااااااااااااااااااامهم بعرض فيه صحفتم في تويتر من 2018 عشان تعرفي مستوي الجهل والاستكبار بتاع المشوهين ديل تلغي وزارة الاعلام دي نهائي وتمجد وزارة الثقافة والسياحة مع بعض بي وزير مبدع وكل مؤسسة او وزارة او حزب او شخص عايز يعمل فضائية ولي اذاعة ولي جريدة حر يعملا طوالي بي اجراءا رمزية والقانون موجود اذا جاب اي حاجة ترقي لجريمة او اشانة ولاني زعلت شديد لازم اعبر عن شعور جقود هنا https://top4top.io/
Post: #217 Title: Re: تلفزيون السودان والقنوات السودانية Author: اخلاص عبدالرحمن المشرف Date: 10-21-2020, 10:58 AM Parent: #216
اهلاً دكتور عادل امين حضرتها حلقة الباقر عفيفي أولاً واعادة، اهم ما قال هو موضوع التفويض ، الحكومة الحالية حسب وجهة نظرة مفوضة دون الحوجة لانتخابات لان الشعب كله خرج وغير النظام ، فاتت عليه ان من خرجوا تحالف يضم طيف واسع متفقين فقط علي الحد الادني وهو اسقاط النظام ، ما سواه لا بد من تفويض وهذا سبب المسيرات الكثيرة.
من هم في قمة ادارة الاعلام بؤسهم فات الحد ، هداهم تفكيرهم بالاستيلاء علي القنوات الموجودة ( غنائم حرب ) لو راقبت ح تصل كل قناة لمن تتبع ، المغصة القناة الرئيسية تبع مخابرات دولة، والعجاجة قائمة حول الشروق ، عديمين همة .
Post: #218 Title: Re: تلفزيون السودان والقنوات السودانية Author: اخلاص عبدالرحمن المشرف Date: 10-21-2020, 11:06 AM Parent: #217
هل يستطيع التلفزيون القومي او اي من قنواته ان تنقل ما بدور في بلدنا ؟ الاجابة وبالفم الملآن لا . كل يتبع لجهة ، لا اتفاق ولن يستطيعوا . في حال وجود انتخابات يستطيعون ، هذا هو الفرق، مسيرات ومظاهرات نراها في الوسائط الاخري اما قنواتنا ما اظن
Post: #219 Title: Re: تلفزيون السودان والقنوات السودانية Author: adil amin Date: 10-21-2020, 12:11 PM Parent: #216
طبعت نحن بننقد ونضع الحل
فعلا كلام باقر عفيف في الحتة دي ضرسني شديد اتعلم حركات الشيوعيين ينعق بي الديمقراطية وما عايز انتخبات محروسة بي محكمة دستورية واعلام حر تحسن خيارات المواطنين الاذكياء يا اختنا اخلاص زمان السودانيين 80% اميين طلعو الانجليز بي برلمان والفانوس حرق القطية وكانت عصر ذهبي حقيقي للسودان في زمن الشيوعيين والكيزان والبعثيين والناصريين 80% من الشعب السوداني متعلم وو50% من الشعب السوداني شباب ومبارين نظرية الشيوعيين وقحت ان الانتخابات رجس من عمل الشيطان بتجيب الكيزان وهم اصلا خايفنها تجيب ناس الجلد والراس الختمية والانصار والحركة الشعبية بالعقل كده الوعي في السودان بقى الاربعة ديل اانصاري ختمي ما عايز ابقى حركة شعبية او جمهوري شيوعيين وبعثيين وناصريين وكيزان وسلفيين ديل مشاريع ما سودانية وهسة بقت امراض نفسية زهايمر لاحظيه في البورد ده
Post: #221 Title: Re: تلفزيون السودان والقنوات السودانية Author: adil amin Date: 10-21-2020, 03:16 PM Parent: #220
التلفزيون الممل ما مرق يغطي المسيرات وخلاها للجزيرة مباشر الاخوانية الرخيصة ولا عرف الناس بي التاريخ بتاع الثورة بتاعة اكتوبر والي اين ودت السودان ولا طروحها في ساحة اكثر من راي للشباب المغيب ده اعلام حقت ده فشل تماما عبر عام كامل من التراهات ولو ترك امر السودان لاعلام الدول الناهبة للسودان والمفضوحة دي اقرو عليه الفاتحة
صدقت دكتور عادل امين ، لم تغطي قنواتنا ما يحدث ، فقه السترة لا زال مستمراً ، سترة احزاب كراع جوه وكراع بره
اليوم 21 October تحققت نبوة حميد صدق حميد بعد الشفتو في الجزيرة مباشر حميد ولي حميد ولي نورا شافت في رؤاها طيرة تاكل في جناها حيطة تتمغي وتفلع في قفا الزول البانها .
الحاضنة حضنت شنو ؟!!!! حميد ولي حميد بشوف بنور البصيرة انوارو جاهره بدون سلوك
يا تلفزيون السودان يا قنوات السودان ليه بنشوف ما يحدث لبلدنا من قنوات الخارج ، بومبيو وتأكيد رفع اسم السودان شفناه في قناة غيركم ومظاهرات الحاضنة والكيزان شفناها في قناة غيركم . لا وعيتو لا ثقفتو لا نقلتو . محن. محن محن
Post: #223 Title: Re: تلفزيون السودان والقنوات السودانية Author: علي عبدالوهاب عثمان Date: 10-22-2020, 10:52 AM Parent: #222
دكتورة اخلاص .. تحياتي يوم امس وفي ذكرى اكتوبر اكتشفت ان التلفزيون خالي من اي توثيق وحتى مقدمي البرامج من ابنائنا وبناتنا ليس لهم أي خلفية عميقة عن اكتوبر مثال مداخلة مع الدكتور عبدالمطلب الفحل عبر الهاتف في قناة الخرطوم لا أعرف لماذا حول الموضوع الى ضحك وكوميديا .. وسائل الاعلام لدينا في معاناة حقيقية الظاهر ان التعيين لا يتم عن طريق المعاينة أو السيرة الذاتية ( مجاملة وساطة وغيرها) حتى الضيوف طريقة جلوسهم ولبسهم والتعابير ... الخ ( زيرو )
ابن اختى يقول لي ( يا خال سيبك من التلفزيون .. نحن مع الجبلية والدولية والقلعة .. الخ ) قال لي ديل فنانات في يوتيوب ..
اهلاً استاذنا علي عبدالوهاب عثمان ع ع ع الانقاذ عملت خلال ثلاثين عاماً علي تغييب الوعي وكما ذكرت يا استاذنا الشباب هو من حاولوا تجهيله ولكنه كالمارد . الوسائط ح تملأ اي فراغ وكذلك القنوات الاخري لا يمكن التحكم في المعلومة او الخبر فقد ولي ذاك الزمان
Post: #225 Title: Re: تلفزيون السودان والقنوات السودانية Author: adil amin Date: 10-22-2020, 01:51 PM Parent: #224
الاعلام السوداني الحر يجب ان يوعي الناس ويربطهم بي الحضارة والتاريخ الحقيقي واالايقونات السودانيين الحقيقية وعلم الاستقلال مش يغني وردي اليوم نرفع راية استقلالنا والشباب قاشر بي علم الاستحمار المصري والاستلاب الايدولجي بتاع مايو 1969 لحدي هسة دون حياء وكمان علماء التدليك الروحي الكيزان
Post: #226 Title: Re: تلفزيون السودان والقنوات السودانية Author: adil amin Date: 10-22-2020, 01:55 PM Parent: #225
دي ابسط خارطة اعلامية تمرقنا من الفراغ العدمي الذى يدور فيه السودان https://top4top.io/
Post: #227 Title: Re: تلفزيون السودان والقنوات السودانية Author: علي عبدالوهاب عثمان Date: 10-23-2020, 07:02 PM Parent: #226
دكتورة اخلاص .. خطأ فضيحة في التلفزيون القومي والآن الساعة سبعة وخمسين دقيقة كان فيلم عن اكتوبر ثم عرج الى انجاز الحكومة الديمقراطية آنذاك فكان مؤتمر القمة اللات الثلاثة وفي شريط الاخبار باللون الاحمر والابيض (( محادثات براهان وحمدوك ترامب ونتنياهو )) فجأة قطعوا البرنامج والآن خليل اسماعيل يغني جبل مرة
قناة السودان الاستاذ عمر قمرالدين وزير الدولة للخارجية بدات اجراءات رفع السودان من القائمة و حديث عن التطبيع.
Post: #232 Title: Re: تلفزيون السودان والقنوات السودانية Author: Biraima M Adam Date: 10-25-2020, 00:00 AM Parent: #231
Quote: قناة السودان الاستاذ عمر قمرالدين وزير الدولة للخارجية بدات اجراءات رفع السودان من القائمة و حديث عن التطبيع.
دكتورة إخلاص، طبعاً الكضاب ديمة .. عمر قمر الدين .. ح يطلّع كل التطبيع هو شغله هو .. وما في زول عمل شيئ ..
الله يكون في عون السودان ..
بريمة
Post: #233 Title: Re: تلفزيون السودان والقنوات السودانية Author: اخلاص عبدالرحمن المشرف Date: 10-25-2020, 08:25 AM Parent: #232
كيفك يا بريمة يا صديق انت ادري بس يخيل لي الشغل ده عندو يد في ، ناس امريكا و ناس دارفور اكيد ادري بدروب امريكا، اللحظة برضو مهمة ، بس اجبروا علي ربط رفع السودان بالتطبيع ، هل تتماسك الحكومة وائتلافها ، هم لحم راس .
قناةالخرطوم محسن بشير التجاني حاج موسي وزيدان برنامج جميل شكراً
Post: #235 Title: Re: تلفزيون السودان والقنوات السودانية Author: اخلاص عبدالرحمن المشرف Date: 10-30-2020, 06:29 AM Parent: #234
قناة الخرطوم اعادة مؤتمر ازالة التمكين. اراضي واراضي شحمانة بس لا اثر علي ارض الواقع ، ما ممكن تبيعونها بالدولار . سؤال عن اراضي اليهود وبيت احمد البلاد .
مشكلة وجدي صالح الشعارات ، يا زول نحن خائفين من التمكين الجديد ، الشعب اتلدغ كثير
Post: #236 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-01-2020, 00:51 AM Parent: #235
قناة السودان التوم هجو غير مقنع
الله يفقع مرارتكم
Post: #237 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-01-2020, 05:34 AM Parent: #236
قناة الخرطوم الشريط الاخباري رئيس اركان الجيش المصري بالخرطوم لاجراء مباحثات ومناقشة التعاون المشترك.
اكيد لا تصنيع طيارات ولاغيرو ياها شركات الجيش والاراضي ( اول مرة جيش يبيع لجيش اراضي بلده تحت مسمي الاستثمار، وايضاً الطائرات تحمل الذهب والدولارات ). جيشنا يا جيش .....
تلفزيون السودان لقاء مع الجبهة الثورية 2 لا فهمنا هم منو ولا عاوزين شنو تولدت الحركات فولدت مسارات تتولد منها فرعيات . يطالب بالحاقهم بسلام جوبا اظن اسمهم تمازج ، تلفزيون السودان يجب يدقق في برامجه
Post: #240 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-17-2020, 10:16 AM Parent: #238
قناة السودان محاكمة مدبري انقلاب يونيو 89 النائب العام في فتيل ( عمل مستشاراً في عهد البشير ) لو استمرت المحاكمات بهذه الوتيرة ستبدا محاكمة ( ق حت الحاضنة ) قبل نهاية محاكمة البشير
Post: #242 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-17-2020, 10:19 AM Parent: #240
البشير تبسم حين ذكر عمل النائب العام مستشاراً ووجود تضارب مصالح .
Post: #241 Title: Re: تلفزيون السودان والقنوات السودانية Author: علي عبدالوهاب عثمان Date: 11-17-2020, 10:17 AM Parent: #238
د. اخلاص تحياتي اعلامنا في غاية الانحطاط مع الاسف الشديد لهذه العبارة لا توجد اي تغطية لأحداث الحدود الاثيوبية واللاجئين
إلا نسمع ( عاآآآآ طف بشيييير .. تلفزيون السودان - القضارف)
كل اخبارنا من القنوات الخارجية ..
الحسنة الوحيدة في قناة امدرمان هي تقديم حكايات عن امدرمان واغاني الحقيبة على اصلها احياناً ..
اهلاً استاذنا علي عبدالوهاب عثمان ع ع ع اهم ما يدور لا يغطونه الحدود الشرقية تحدد مصير البلد ومصير الجارة الشمالية لو يعلمون. ترمب اجرم في حق السودان مرتين . الحرب هو من أعطي اشارة بدئها.
Post: #244 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-19-2020, 04:31 AM Parent: #243
قناة النيل الازرق بروف شداد والاحتفال بمرور 25 عاماً علي الدوري الممتاز و ذكريات واسئلة
يا تلفزيون يا اعلام معقولة البحصا ده. محادثات سد النهضة والحرب علي الحدود ، واللاجئين وحتي مؤتمرات الوزراء السودانيين نشوفها في القنوات العربية
لله المشتكي
Post: #247 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 01:11 AM Parent: #246
وفاة رجل بقامة الصادق المهدي نسمع به من تلفزيونات الخليج و التلفزيون القومي يقدم برنامج حواري والشريط الاخباري لاشئ
Post: #248 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 01:13 AM Parent: #247
قناة الخرطوم لا حس لا خبر برنامج حواري والشريط الاخباري لا شئ
Post: #249 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 01:15 AM Parent: #248
قناة النيل الازرق برنامج مع السيد الامام والشريط الاخباري ينعي السيد الامام الصادق المهدي الان
Post: #250 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 01:44 AM Parent: #249
قناة السودان الساعة الثالثة والنصف صباحاً خبر عاجل .... وفاة السيد الصادق المهدي
الله يمرضكم
Post: #251 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 01:47 AM Parent: #250
قناة الخرطوم من الاسكلا وحلا
تستاهلوا الحل ، يا تمكين
Post: #252 Title: Re: تلفزيون السودان والقنوات السودانية Author: adil amin Date: 11-26-2020, 04:16 AM Parent: #251
اللهم أرحمه وأغفر له واعف عنه واحسن اليه واجعل الجنة مثوآه . العزاء لاسرته https://top4top.io/ قلت اعزيك انت بس لانك الاصدق في امر الصادق المهدي وحزب الامة في البورد والانصار كحركة تاريخية اسهمت في صيانة الهوية السودانية بي ثورتين الامام محمد احمد المهدي السيد عبدالرحمن المهدي
Post: #253 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 05:19 AM Parent: #252
ربنا يرحمه ويغفر له شكراً يا دكتور عادل
كثيرين يعرفون مقامه وما هي المهدية
Post: #254 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 05:26 AM Parent: #253
الساعة السبعة 7:25 صباحاً قناة الخرطوم اغنية جميلة
اولاد جعل ما أظن يرقصوا يوم موت السيد الامام ما اصفر بعض (البشر )
Post: #255 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-26-2020, 05:30 AM Parent: #254
يوم حزن لدي كثر حتي اعدي اعداء الامام لم يفعلوا ما فعلته القناة المختطفة تمكيناً
محجوب كبوشية من اجمل الاصوات اولاد جعل حاشاهم الصغار الا ان البعض تضأل و هو ضئيل .
تلفزيون السودان اعادة فضاءات حرة تقديم الاستاذة سلافة ابوضفيرة مع الاستاذ الصحفي الاستقصائي عبدالرحمن الامين اهم برنامج قدم بعد ثورة ديسمبر علي الاطلاق تطرق للعيون عبدالعزيز عثمان عبدو زوايا عبدالباسط حمزة عماد حسين وما يقوله هذا ال . برهان
تحدث عن البدايات وكيف كانت زمن نميري وكيف تطورت ، تطرق للحرب ( الملعونه ) هل اذا تم استفتاء عليها .
هذهالحلقة وثقت للكثير الخطر
Post: #259 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-30-2020, 01:34 AM Parent: #258
تحدث الاستاذ عبدالرحمن الامين الصحفي الاستقصائي عن التصنيع الحربي ، مقروً مع زيارة الوفد الاسرائيلي اظن نحن امام سباق محموم بين العسكر ومحاولة استرضاء الخارج ( المكون المدني نفي التنسيق معه )
Post: #260 Title: Re: تلفزيون السودان والقنوات السودانية Author: اخلاص عبدالرحمن المشرف Date: 11-30-2020, 05:48 AM Parent: #259
خبر لم يقولونه قاله عضو مجلس السيادة الفكي حضور وفد عسكري اسرائيلي نسمع به في التلفزيونات الاخري!!!!😳
Post: #261 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-01-2020, 04:37 AM Parent: #260
قناة النيل الازرق كباشي
مقدمة اللقاء احسن ما في المقابلة ( مفروض تكون مع حمدوك و كده )
Post: #262 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-01-2020, 04:41 AM Parent: #261
بعد حميد يا نسرين كباشي ؟!!!! كان تخلو مع اذاعية اخري ، يا نسرين النمر لو عندنا فعلاً اعلام انتي عقدك براهو ( اعلي أجر لك )
Post: #263 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-01-2020, 04:57 AM Parent: #262
الكباشي يدافع عن التمارين المشتركة مع مصر ( التي تحتل حلايب وشلاتين) ويتحدث عن الجيش والذي أتت وفود اسرائيل وفتحت لها مكاتب التصنيع الحربي وورشه ، والجيش الذي شعر بالاهانة من اعتصام المدنيين ورسوماتهم واحتفالاتهم امام مبانيه ف ( حدث ما حدث) .
كباشي انت بتهضرب ولا بتكذب
Post: #264 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-01-2020, 05:03 AM Parent: #263
قال الكباشي بعد خروج اليوناميد سيحمي الجيش المدنيين في جبال النوبة ، كضااابه يا وداد كضاااابة
كما حميتم الشباب في القيادة مثلاً؟!!! غايتو ثم غايتو
Post: #265 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-01-2020, 05:11 AM Parent: #264
موسي هلال في طور المحكمة
ههههه في طور اليرقة والشرنقة الي ان يوافق ود دقلو رضي عنه او ما رضي، مقابلة تستحق المشاهدة
Post: #266 Title: Re: تلفزيون السودان والقنوات السودانية Author: علي عبدالوهاب عثمان Date: 12-01-2020, 07:59 AM Parent: #265
الاستاذة اخلاص تحياتي البوست مهم .. الاعلام السوداني بدون كفاءات
اليوم في موقع السوداني هذا الخبر العجيب
Quote: قدم تلفزيون السودان مساء الإثنين اعتذارا آخر للمرة الثانية خلال 24 ساعة، وذلك نتيجة خطأ ثان وقع فيه مع رئيس حركة العدل والمساواة د. جبريل إبراهيم، مساء أمس الأحد اثناء اعتذاره عن صدور لفظ نابي من أحد ضيوفه بروفيسور في الآداب.
وكان قد صاحب اعتذار التلفزيون عن صدور نعت خادش للحياء، عَرض صورة رئيس حركة العدل والمساواة د. جبريل إبراهيم، على الشاشة، بدلا عن أستاذ التاريخ أحمد حسن إبراهيم الذي صدر منه الخطأ.
مما اضطر التلفزيون للاعلان عن اعتذار آخر مساء اليوم الإثنين منوهاً ( هذا تنويه واعتذار واجب ومستحق للدكتور خليل إبراهيم عن هذا الخلط غير المقصود).
الخرطوم: السوداني
Post: #267 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-01-2020, 08:29 AM Parent: #266
اهلاً استاذنا علي عبدالوهاب عثمان ع ع ع
الاعلام مهم جداً ونحن اعلامنا موجه ، مدة طويلة كان اعلام دولة ولا نستطيع الخروج من الدائرة الشريرة نحتاج لاعلام يقدم الحقيقة والمعلومة الصحيحة والعلم
قناة الخرطوم مقدمة برنامج تقول نهر النيل ينبع من الجنة ، الجغرافيا تقول خلافزذلك
التدريس لو ح يكون بالتلفزيون والراديو ستكون لدينا مشكلة
Post: #275 Title: Re: تلفزيون السودان والقنوات السودانية Author: علي عبدالوهاب عثمان Date: 12-08-2020, 07:52 AM Parent: #268
دكتورة اخلاص .. تحياتي نشرة التاسعة في القناة القومية اشاهدها بانتظام كل نشرة أو معظمها عبارة عن ورش عمل قاعات بطاقات قارورة مياه امام كل واحد سترات صفراء أو حمراء محاضر ..
الغريبة حسب نشرة الاخبار .. ورشة عمل في الشمالية عندنا هناك .. بعنوان (( كيف نبني وطن جديد )) يا ريت كانوا ركزوا على الجازولين والسماد والتقاوي ( موسم القمح .. الشتوي ) ولا مراعاة للكورونا والتباعد
معقول كل النشرة عبارة عن زيارات وورش عمل وعبارة ( اثناء زيارته وقف على سير العمل ) ووعد برفع الانتاج والانتاجية .. إلخ
تحياتي الدكتورة
Post: #276 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-08-2020, 08:40 AM Parent: #275
اهلاً استاذنا علي عبدالوهاب عثمان ع ع ع كلو كلام نظري ، نحن شطار في التنظير اما الجانب الواقعي الحقيقي ال بفيد الناس كزيادة الانتاج واصلاح الالات واستعمال الطرق الحديثة لزيادة الغلة لا يوجد به اهتمام ، الورش دي زي حفلات وعزومات يطفو الحنك والاكل والشراب والخسارة المؤكده حيث تضاف تكاليف المادبة والترحيل للوزارات والمصالح
محافظ بنك السودان والبشير وحصاد الصادر . المحصلة ما لقو في الحساب الا 53 مليون جنية سوداني. يا جماعة اسألوهم منها . اراضي اربجي ( نادي اربجي ) بلدة زميل المنبر الاستاذ بدرالدين الامير
الشريط الاخباري يظهر الوقت دليل تقدم ف مالم نحترم الوقت لن تقوم لنا قائمة .
اول الغيث قطرة
Post: #281 Title: Re: تلفزيون السودان والقنوات السودانية Author: خضر الطيب Date: 12-11-2020, 01:35 AM Parent: #280
إنهاء خدمة عاملين بالتلفزيون القومي ..بعضهم عمل في إعلام (الوطني) أصدرت لجنة التفكيك قراراً قضى بإنهاء خدمة 60 موظف بالتلفزيون القومي تراوحت درجاتهم ما بين الأولى الخاصة والثالثة والثامنة. واكتشفت لجان التحقيق الأولية عن أن النظام البائد قام بتعيين 37 من عناصره من أصل 60 شاركت في العمليات العسكرية بالجنوب ودارفور وبعضهم كان يعمل في إعلام المؤتمر الوطني. وأشارت حيثيات لجان التحقيق إلى أن النظام البائد انتدب متدربين ومتعاونين إلى دولة ماليزيا عام 2011 حيث تم تعيينهم مباشرةً بعد الرجوع من الدورة دون أن تطرح الوظائف للمنافسة العامة . وضبطت لجنة التحقيق تزوير في شهادة عليا تخص مذيعة شهادة ماجستير في القانون مزورة من جامعة النيلين كلية الدراسات العليا .بينما ضبطت اللجنة أحد الموظفين مدان في قضية فساد مالي وتم إرجاعه إلى الخدمة بعد الفصل .
Post: #282 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-11-2020, 02:40 AM Parent: #281
اهلاً استاذ خضر الطيب التمكين خطأ الانقاذ القاتل وبسببه تدهورت الخدمة المدنية ، الان سنعاني من الوجه الاخر للمعادلة حيث فقد الكثيرون وظائفهم. وكما كل شئ في الحياة سافر من استطاع واكتسب خبرات ونال تحصيلاً وصارت المعادلة هل يستطيع القادمون من عوالم اخري التأقلم وهل يستطيع المغادرون ان يصمدوا.
تلفزيون السودان برنامج عن رفع اسم السودان من قائمة الدول الراعية للارهاب. عقيد شرطة يتحدث عما بعد الرفع ويلمس الحقيقة وكيف نواجه ما بعد الرفع من هيكلة الشرطة والشفافية
الشريط الاخباري تلفزيون السودان حمدوك مؤتمر صحفي الساعة الثامنة مساء
Post: #287 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-15-2020, 00:19 AM Parent: #286
تلفزيون السودان
الان اعادة لضيف مصريه
عبدالهادي المناعي ترافي كير للسياحة والتدريب دعاية مجانية لشركة ، زار السودان 47 مرة ، تسويق لشركة طبية . السودان البلد المزرعة لمصر ما شفت غفلة مثل هذه
هذا الفيصل محمد صالح هل يستمر ؟!!!!!
Post: #288 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-15-2020, 00:24 AM Parent: #287
برنامج بيت الاسرة ما المضمون وما المعني اين الاسرة هنا ؟!!! اسم من دون مضمون شئ سياسة ، شئ تجيبر التلفزيون القومي لمصلحة ( شركة )
ورجغة بس
Post: #289 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-15-2020, 00:37 AM Parent: #288
ناقد ثقافي طالب بالتكامل بين المخابرات وجهاز الامن والثقافة غلبني اضحك ولا ابكي
هيثم وبرنامج بيت الاسرة
Post: #290 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 09:20 AM Parent: #289
قناة النيل الازرق زينوبا محمود عبدالعزيز
عقبال بث مباشر من جبال النوبة
Post: #291 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 09:27 AM Parent: #290
مع السوق في النيل الازرق اسعار الخضار بعض النزول الفواكة لا زالت ، المهم الموز نزل فاكهة الغالبية العظمي ، و الحمدلله
Post: #292 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 09:42 AM Parent: #291
قناة السودان برنامج عن سد النهضة ياسر الوزير الكارثة عليه ان يتفاوض علي شراء الكهرباء لمدة 10 سنين بسعر تفضيلي ، ابعد عن خلق المشاكل ، انت ستحاكم تاريخياً ان احسنت أو أسئت. تحذير وزير الري يبله ويشرب مويته ، السد صار واقع
Post: #293 Title: Re: تلفزيون السودان والقنوات السودانية Author: علي عبدالوهاب عثمان Date: 12-16-2020, 09:52 AM Parent: #292
Quote: ياسر الوزير الكارثة عليه ان يتفاوض علي شراء الكهرباء لمدة 10 سنين بسعر
د. الاخلاص تحياتي دائما نجد بدايات الحل في مداخلاتك نعم من الأفضل المصلحة العامة وكما ذكرت في المداخلة السد اصبح أمر واقع المفروض كيف نستفيد منه ؟ السودان في مرحلة هشاشة أي مواجهة خارجية خسرانين 100%
Post: #294 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 09:54 AM Parent: #292
ارض الشرق والفشقة كما ذكر الضيف ادخلت في موضوع السد.
شاكينك علي الله يا الجيش ال بقيت تبيع في الارض .
Post: #295 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 10:15 AM Parent: #294
اهلاً استاذنا علي عبدالوهاب عثمان ع ع ع الطاقة للسودان محرك الانتاج والنهضة . كهرباء من اثيوبيا وبترول من الجنوب والطاقة الشمسية بهم نستطيع نكفي نفسنا ونصدر ما صعبة بس نبطل نكون تبع للجار الشمالي .
Post: #296 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 10:30 AM Parent: #295
قناة الخرطوم برنامج طبي عن تأثير الادوية علي الكلي قطع البرنامج فجأة دون تبيه او اعتذار وانتقلنا لنقل مباشر لفعالية للجيش
يا جماعة ما معقول ما ح يأخذ التنبيه دقيقة مراسيم رئيس مجلس السيادة البرهان
Post: #297 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-16-2020, 10:35 AM Parent: #296
ما لم تتغير العقلية لا امل في تقدم تخرج دفعة الحرب العليا 20 ودفعة الدفاع الوطني32 باكاديمية نميري أكيد معلومة ومجدولة
كل القنوات مع حركات الكفاح المسلح و حل المنازعات ، باش. م عادل يتطرق لي للتطورات علي الحدود السودانية الاثيوبية . يا باشمهندس النزاع بين مليشيات وقواتنا اثيوبيا معترفة بالحدود ، التصعيد من البرهان المحرش ما بكاتل . واذا ما اندلعت حرب حدودية ستذهب كل مكتسبات السلام ادراج الرياح.
هذه حرب مفتعلة ، ممثل الحركات واعي بابعاد المناوشات وانها مليشيات. شكراً لك علي هذا الوعي
باش م عادل تخندق في النهضة واستغلال التحويلات والتي قدرها ب 14 مليار لتقوية الاقتصاد ، يا عاااالم اصحو المغتربين في عز الاغتراب مدخلاتهم بين 4-5 مليار والان اقل ( غير الخليج ما عندكم مغتربين يجلبون عملة والخليج قفل ومع كورونا العالم كلو قفل )
محي الدين شرف ممثل الحركات زول واعي وعرف ابن الداء( الحظر وتبعاته ) و الحرب واستغلال الجيش لها.
Post: #312 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-19-2020, 10:23 AM Parent: #311
يا ريت لو سألتيه وهو امين حركة العدل والمساواة عن رأئه في لجنة ازالة التمكين
Post: #313 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-19-2020, 10:29 AM Parent: #312
لقاءات مثل هذا لتكون ناجحة لابد من بعض الاسئلة ( السخنة) وطبعاً دي بتحتاج تحضير ، ما علي كيف الضيف ، رأي المشاهد وما يدور في الساحة مهم ويجذب المشاهد، هو قال في ناس ضد السلام اسألي منو مثلاً ضد السلام وقالو شنو ، حتي الفنادق لو دعاية مضادة اهبشيها ، بس اظن دي مسئولية المعد.
قناة الخرطوم برنامج حواري باش م ابراهيم الشيخ باش م الصديق الصادق المهدي ، الاستاذ حمد ضياء و الاستاذ محمد سيد احمد ( الاتحادي الاصل) الجبهة الثورية . المذيع اصر علي ان حزب الامة شارك الانقاذ واطلق من الصفات ما شاء ، ممثل الجبهة الثورية ايضاً اطلق علي المؤتمر السوداني صفة حزب الناشطين
علي مقدم البرنامج الحياد اما الاستاذ محمد فقد ( فش غبينة) ان الشباب ذهب للمؤتمر السوداني
قناة السودان فضاءات حرة تقديم الاستاذة سلافة ابوضفيرة اتفاقية سيداو المثيرة للجدل الاستاذة نضال حسين تحدثت عن شفاهة المعلومة ( ما فعلته الانقاذ) الاستاذة سارة شوكت تناولت الواقع السوداني وثقافة المجتمع ( وتدليس الانقاذ )
نظرية تورط القيادة اكثر بتهم تقدح في شرفهم العسكري 1- تسريب المعلومة 2- 2- عدم السيطرة ( تحرك مجموعات كبيرة لمنطقة عمليات مراقبة بواسطة القيادة التي لم تحرك ساكناً ان لم تكن متورطة وهي من اعطت التعليم ) 3- لم تأمر بظبط القوة الثالثة وايقاف العملية والانسحاب ( تسليم وموافقة).
مجزرة فض الاعتصام بالقيادة العامة ليس علي مرمي حجر ولكنها داخل ساحة القائد .
المتحدث الاستاذ الصحفي فيصل سعد متحدث صريح تحدث عن حرق القري بدارفور. كذلك تحدث عن مسيرات ذكري 19 ديسمبر المجيدة وما تخللها من احداث مثل حرق علم الحزب الشيوعي و الهتافات ضد مجلس التشاور وعدم التنسيق و ضبابية الهدف . محاولة قيادة المسيرات للاعتصام. واثبت عدم وجود وات امنية تمنع او تعتدي فقط منطقة القصر.
( اظن هذا يستوجب قيام المجلس التشريعي لمحاسبة حمدوك ووزرائه ، لن تتحرك تحريكه القائد الاوحد أو القائد الملهم لديمقراطية صحيحة يخضع الجميع فيها للمحاسبة)
هي مأيشيات متواجدة وعمل متكرر لا داعي لدق طبول الحرب ومحاولة جرنا لحروب الوكالة ، الشعب اوعي من ان يكون مخلب قط او مطية لطموح وطمع عسكري من لجنة البشير الامنية فقد ولي زمن حكم العسكر . ديمقراطية ، مدنيااااو
Post: #324 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-24-2020, 07:15 AM Parent: #323
تلفزيون السودان وقنواته لا تهنئة باعياد الميلاد لا ادري هل سيواصل القائمون علي امر الاعلام بهذا ( العمي )
Post: #333 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-28-2020, 00:13 AM Parent: #332
تلفزيون السودان تدريب كوادر هئية الاذاعة والتلفزيون والمدربة عائشة عبدالباسط ، الدورة الرابعة
يحتاجون الي تدريب من ( نوع اخر) ف نتاج اربعة دورات لا يدل علي تطور.
Post: #334 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-28-2020, 00:23 AM Parent: #333
الشريط الاخباري حزب البعث قطر السودان ينعي والي النيل الازرق المغفور له عبدالرحمن نور الدائم له الرحمة الفكي عضو السيادة يزور قيادة سلاح المدفعية عطبرة ( الفكي خاف الله في الفطايس نصيحة لوجه الحق )
Post: #335 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-28-2020, 00:37 AM Parent: #334
الشريط الاخباري قناة السودان امين عام ديوان الزكاة يبحث مع والي الجزيرة تكوين اللجان القاعدية لديوان الزكاة.
ديوان الزكاة ديوان خم ، مشوا يعذبوا مزارعين الجزيرة ويشيلو حقهم ( للعاملين عليها )
من يوم انشأ ديوان الزكاة زاد الفقر وقلة البركة من كثر المظالم والسرقات
الشريط الاخباري وزارة الري تعلن زيادة السرقات في مشاريع الري ، زاد الفقر بسبب الكذبة وزادت السرقات
ديوان الزكاة لو قفلوا وفروا المرتبات احسن
Post: #336 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-28-2020, 00:39 AM Parent: #335
تلفزيون السودان من الاشياء الجيدة الان كتابة اسماء المتحاورين في البرامج الحوارية 👍
Post: #337 Title: Re: تلفزيون السودان والقنوات السودانية Author: اخلاص عبدالرحمن المشرف Date: 12-28-2020, 03:23 AM Parent: #336
ما لم نشاهده مؤتمر سونا تباً لاعلام عاجز
المهم شفنا في غير قنواتنا ، خيبة متواصلة ولا زالت اللجنة الامنية للبشير تحكم
القاء القبض والحبس والقتل خارج اطار القانون و بتناغم كامل بين المليشاوي والفطايس السيادي
لم يخطئ شاعرنا محمد المكي ابراهيم ف هو كما وصفه و اسوأ
اما هرطقتك بشأن مساندة الجيش في الفشقة ف رسم الحدود يتم بواسطة لجان ولكن الفطيس السيادي المصري قرر الان والان فقط ان يظهر الولاء للخديوي ولا بأس بتفطيس كم سوداني
اما المحاصيل فهناك الراجحي يستثمر وسواه ولا اري منهم هلله ، يا ايها المتكوزن المستهبل اما جيشك فهو جيش راكع ، لا امل فيه
كيف تغيرت الثقافة العذائية من الكسرة الي الرغيف والي الان لم نرجع معني توتي هل هو كرش البقرة توتا ب لغة المحس ؟ ليت احدهم يفتي ابرز الشخصيات مصطفي خالد والد بروف داوؤد مصطفي ، وطبعاً حمد الريح خوجلي عثمان ، خضر بشير والتجاني يوسف بشير .
تباً لقنوات الخنوع وغداً او بعد غد سينقلون لنا مظاهرات دعم القوات المعتدية في حدودنا الشرقية وما اشبه اليم بالبارحة وما اشبه فكر البرهان بفكر اخوان الترابي حين خرجت مسيرات دعم الجيش ايام قرنق ووووو
يال بؤسكم
Post: #354 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-30-2020, 08:54 AM Parent: #353
تلفزيون السودان اعياد الحصاد بحبال النوبة ومباريات المصارعة مع الرقص الجميل
Post: #355 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-30-2020, 09:43 AM Parent: #354
محور الاحداث محاولة لتبيض صفحة الدعم السريع والقول بتضارب التقارير. الطبيب مدير مستشفي ام درمان اعترف وقال هددوني ف شنو ما تغشوا نفسكم الدعم السريع مليشيا جنجويد وكل المليشيات في كل العالم مرفوضة.
وبرضو الحدود الشرقية . فقع مرارة
Post: #356 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 05:45 AM Parent: #355
قناة الخرطوم تحالف العسكر مع الحركات وبعض مطبلاتية ومثيري الحروب
Post: #357 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 05:52 AM Parent: #356
لا كباري من الجانب السوداني . طبعاً القوات المسلحة لم تفكر ببناء كباري رغم انها حكمت 54 سنة ولا زال يطبل للجيش
يا زول ما تكثر غاغة ، الجيش ده يا هو حاله استغلال الجميع وكل المحرمات للسيطرة عساكر مجرمة والي ان تخضع للحكم المدني او ترضي بشراكة منظبطة لن نقف وراءكم
Post: #358 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 05:55 AM Parent: #357
اللواء محمد خليل الصائم تحدث بمسئولية الاخرين مطبلين ، تحدث عن محاولة الجار الشمالي ايقاظ الفتنة . وتطرق لتاريخ القوات المسلحة .
Post: #359 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 05:59 AM Parent: #358
ممثل حركة العدل والمساواة عبدالحفيظ لم تسقطوا الانقاذ وكنتم في فترة جزء منها و الان تدقون طبول الحرب في الحدود الشرقية مجرد مطبقاتي اخر لم يكتفي بالتطبيل بل تعداها لشتم الاحزاب
زول عاهة مستمرة مش اكتفي بالشتم والتطبيل وشكر الحركة المليشيات في العالم كله منبوذة ما هي الا مليشيا اخري
Post: #360 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 06:12 AM Parent: #359
مبارك النور من منطقة الفشقة بدات القوافل و لم القروش وبكرة طيبة برس عندهم مؤتمر ، والناس تزغرد والنساء ترقص والرجال يبشروا والرصاص يلعلع والجيش هو المرق وهو وهو وهو وصمام امان البلد
كنتو وين لم الشباب بتكتل ؟!!! ما هو الجيش الاباد ما هو الجيش ال كان تحت امرة البشير والحركة الاسلامية
قوم لف
Post: #361 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 06:28 AM Parent: #360
لا وشنو بزايد بالوطنية يا زول انت جرابك فاضي والجيش برضو محتاج غربلة
Post: #362 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 07:16 AM Parent: #361
قناة السودان ترمب يغرد مهنئياً بذكري الاستقلال
شكراً ترمب شكراً امريكا
Post: #363 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 12-31-2020, 07:18 AM Parent: #362
وفي الاخبار ايضاً بدء العمل في صيانة مصفاة الخرطوم وتوفير كل ما يلزم
قناة السودان كلمة مجلس السيادة بمناسبة العيد 65 لاستقلال السودان يلقيها الفريق اول ركن عبدالفتاح البرهان دعي عبدالواحد محمد النور وعبدالعزيز الحلو واشاد برفع اسم السودان من قائمة الدول الراعية للارهاب ونسب الجهد للجميع وحي الاصدقاء وعلي رأسهم الولايات المتحدة الامريكية. تطرق لما يحدث في الشرق و كان معتدلاً
دكتور عبدالمحمود ابو لخص ما قال البرهان وثمنه رئيس الكنيسة المعمدانية السيد فيلمون حسن ايضاً توجه بالمناشدة لاستاذ عبدالواحد النور وعبدالعزيز الحلو بالحضور والمشاركة
فلمون حسن الاسم نفسه دليل علي التسامح دكتور ابو امين عام شئون الانصار ( و خطيب جامع السيد عبدالرحمن سابقاً) اظهر مقدار تسامح السودانيين
عمر قمر الدين وزير الخارجية المكلف يعلن نهاية فترة عمل اليوناميد ، مبروك خرجنا من البند السابع المختص بالحروب ودخلنا مرحلة البناء والديمقراطية بمساعدة الامم المتحدة و بعثة (يونيتامس) لفترة أولية مدتها 12 شهراً". تحت البند السادس
Post: #370 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 01-01-2021, 06:09 AM Parent: #369
قناة الخرطوم أغنية للسر قدور غايتو يا السر جوبكتها باين كنت مستعجل ( ههههههه بصوت السر قدور)
Post: #371 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 01-02-2021, 04:47 AM Parent: #370
قناة الخرطوم الشريط الاخباري رئيس مجلس الوزراء دكتور عبدالله حمدوك يوجه خطاباً للشعب السوداني بمناسبة الذكري 65 ل عيد الاستقلال المجيد . ويعلن عن تصديق مجلس الوزراء علي علي الاتفاقية الدولية لمناهضة التعذيب في انتظار عرضها علي الاجتماع المشترك بين السيادي ومجلس الوزراء.
بروف صديق تاور عضو مجلس السيادة. يشهد احتفال اللواء السادس مشاة يدركة محلية القصارى بالاستقلال ويقول مجلس الوزراء والسيادي علي مستوي واحد مع الجيش
اعلان بشارع ابراهيم شمس الدين ب ابو ادم جوار شارع الدكيني
ناس ابو ادم عليكم الله المحلية ال عندكم واللجان ما صاحيين ولا شنو؟!!!
Post: #372 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 01-02-2021, 04:48 AM Parent: #370
قناة الخرطوم الشريط الاخباري رئيس مجلس الوزراء دكتور عبدالله حمدوك يوجه خطاباً للشعب السوداني بمناسبة الذكري 65 ل عيد الاستقلال المجيد . ويعلن عن تصديق مجلس الوزراء علي علي الاتفاقية الدولية لمناهضة التعذيب في انتظار عرضها علي الاجتماع المشترك بين السيادي ومجلس الوزراء.
بروف صديق تاور عضو مجلس السيادة. يشهد احتفال اللواء السادس مشاة بمدينة دوكة ولاية القضارف بالاستقلال ويقول مجلس الوزراء والسيادي علي مستوي واحد مع الجيش
اعلان بشارع ابراهيم شمس الدين ب ابو ادم جوار مسجد الركيني
ناس ابو ادم عليكم الله المحلية ال عندكم واللجان ما صاحيين ولا شنو؟!!!
Post: #373 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 01-03-2021, 07:10 AM Parent: #372
قناة الخرطوم الاخبار التعايشي بالجزيرة ابا يزور جامع الكون معزياً بالسيد الامام عليه رحمة الله ورضوانه
السيد والي الخرطوم خالد نمر وتدشين قرعة للسكن الشعبي ويعلن ان الخدمات يجب ان تكون متضمنة
قناة النيل الازرق بعد الطبع درية قمبو مقدمات البرنامج ما شاء الله عليهن تعرضت لموقف تجمع المهنيين المتشق علي نفسة ودعوته لوقفة ومسيرة لاجل محاسبة المتسببين في وفاة الشهيد بهاء نوري والدين حولوا للمحاسبة والقضا
Post: #376 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 01-15-2021, 07:24 AM Parent: #375
قناة الخرطوم الاخبار محسن بشير كباشي مع الخيانة السكة حديد توقع عقد مع الصناعات الحربية ، تقرأ تسليم السكة حديد للجيش
جبريل في زيارة زادنا تقرأ اقتسام الجيش والحركات
Post: #377 Title: Re: تلفزيون السودان والقنوات السودانية. Author: اخلاص عبدالرحمن المشرف Date: 01-15-2021, 09:48 AM Parent: #376
قناة الخرطوم منظومة الصناعات الدفاعية والشراكة مع السكك حديد استيلاء كامل للجيش علي كل مفاصل الدولة المدنية.
اتفاقية اطارية للتعاون ، زمن البشير ما عملوها الان بعد رفع الحظر يريدون التكريس .
قناة النيل الازرق لجنة ازالة التمكين واسناد القوات المسلحة سألتني ناس وجدي صالح دخلهم شنو ؟
برهان أتم حسب الوثيقة فترته ف ليذهب قبل ان يشعل حرب. يعني برهان من ضمن شغلها ، يزال لو فكر في الحرب مع الجارة الشقيقة اثيوبيا وتلميعه لن يجدي اتركوا اثيوبيا ما تركوكم
قناة الخرطوم برنامج قضايا الناس الضيف استاذ القانون الهادي عبدالله ادربس ابو ضفاير من الحركات ، تحدث عن احداث غرب دارفور وحي الاستاذ ابو دومة حاكم الاقليم وتطرق لما حدث في الجنينة صفر حروب داخلياً وخارجياً سلااام. داخلياً ومع الجيران
الهادي ابو ضفاير ده زول وناس كيف بقي متمرد ، باين عليه ( حركات حركات) تبع برشلونا ، ضرب مثل بالبرشا ومدربها زولنا ده اعملوا حسابكم باين مفكر في وزارة الشباب والرياضة 😹😹😹😹
متحدث من الجنينة الاستاذ عبدالله صغيرون اعلن حظر التجول في الجنينة دكتور الهادي ابو ضفاير استاذ القانون الدولي تأسف لما حدث ، تحركت قوات من المناطق المجاورة لتمكين السلام .
يا زول اسمعنا كويييس ، حكم الجيش منفرداً 52 سنة من 61 سنة هي عمر استقلالنا ما شفنا منكم الا القتل داخلياً ف شنو نحن رضينا بالمناصفة ف ارضوا الله يرضي عليكم. بطلوا حركات الجيش.
قناة الخرطوم برنامج فتاوي برعاية ود الجبل الله يرحمه. يعني ود الجبل بدفع لمنو ما فهمت
Post: #385 Title: Re: تلفزيون السودان والقنوات السودانية Author: علي عبدالوهاب عثمان Date: 01-17-2021, 06:32 PM Parent: #384
تحياتي الدكتورة .. طول اليوم اتابع القنوات السودانية من أجل احداث دارفور لا شيء مفيد فقط تجمعات ولقاءات باهتة بلا طعم ولا رائحة ما معقول نتابع اخبارنا في الجزيرة والعربية واسكاي نيوز
اهلاً استاذنا علي عبدالوهاب عثمان ع ع ع استاذنا ديل زي النعامة ، الامكانيات موجوده لكن موجهة خطأ ، وطبعاً كل الجهد موجه لاشعال الجبهة الشرقية كذباً وزوراً لتكبير وعملقة برهان. نحن الفينا مكفينا والغرب استهلكنا وكمل موارد البلد وشبابها .
Post: #387 Title: Re: تلفزيون السودان والقنوات السودانية Author: علي عبدالوهاب عثمان Date: 01-17-2021, 06:53 PM Parent: #386
الدكتورة تحياتي لم أكن أتوقع لقمان بهذا المستوى حتى نوعية المذيعين والمذيعات ليس بذلك المستوى الغربية لدينا مذيعين ومذيعات في القنوات الاخرى الجزيرة والعربية والحرة لماذا نبدع في الخارج فقط
