أين صلي حمدوك صلاة العـيد.. !!

أين صلي حمدوك صلاة العـيد.. !!


08-02-2020, 09:30 AM


  » http://sudaneseonline.com/cgi-bin/sdb/2bb.cgi?seq=msg&board=510&msg=1596357053&rn=0


Post: #1
Title: أين صلي حمدوك صلاة العـيد.. !!
Author: عمر التاج
Date: 08-02-2020, 09:30 AM

09:30 AM August, 02 2020

سودانيز اون لاين
عمر التاج-KHT
مكتبتى
رابط مختصر




قل إن صلاتي ونسكي ومحياي ومماتي لله رب العالمين.. لا شريك له وبذلك أمرت وأنا أول المسلمين.. نعم الصلاة صلة بين العبد وربه كفرد عادي ولكن الشخصية العامة والمسؤولة عن المسلمين في البلاد من حقنا أن نتساءل ونسأل ويفترض أن يكون الرئيس قدوة وخصوصاً أن دولتنا دولة مسلمة بنسبة 99,9% ورئيس وزراءها عبد الله حمدوك ومنذ توليه هذه المسئولية لم نسمع به يوماً أو نري أنه أدي صلاة من الصلوات في المسجد الفلاني، صلوات الجمعة ولا حتي صلاة جنازة؟ لم نسمع أو نري به يوماً أنه قد أم المسلمين أماماً للصلاة أو خطبة في أي مسجد من مساجد البلاد أو في مناسبة من مناسباتها الدينية؟ وهو قد جاء رئيساً لوزراء السودان ومرت عيدين، عيد الفطر المبارك وعيد الإضحية عيد الفداء، وقد شاهدنا الفريق أول حميدتي بين قواته هذا العام يؤدي صلاة العيد معهم وفي عيد الفطر إيضاً وفي عدة مرات في صلوات الجمعة في مختلف المساجد.. وكذلك خطبة الإمام الصادق المهدي بين أنصاره ولكننا لم نشاهد حمدوك في أي مسجد من مساجد الدنيا لا في صلوات الجمعة ولا في صلوات العيدين وهذا مكمن أستغرابنا وتساءلنا عن دين قحت؟ هل هو نفس ديننا الإسلامي أم ديناً أخر؟

وهنا يؤكد أستهداف هذا الدين من خلال قراراتهم بقفل المساجد ومنع صلاة الجمعة عدة مرات ومنع الصلاة في كل المساجد طوال فترة الحظر وكان التشديد فقط علي المساجد، مع أن الحياة كانت تسير عادياً والمواكب والمظاهرات والتجمعات، ولكن الصلاة ممنوع بأمر طلس الكرونا مما يجعلنا نشك ونتساءل هل فعلاً السبب كورونا؟

وقرارات إلغاء حدود الله والجرائم الحدية وقرارات القرأي وأصراره علي تغيير منهج القرآن الكريم فقط دون غيرها وخطب وإحاديث قادة قحت في كل المنابر وإستهدافهم للدين الإسلامي وحديث اسماعيل التاج عن مساواة المرأة بالرجل وأحاديث كثيرة والمطالية بعلمانية الدولة وفصل الدين عن الدولة وغيرها من الشواهد يؤكد أن هؤلاء قلة قليلة يحكمون المسلمين ويستهدفون الدين الإسلامي؟ فهل قحت يتدينون بنفس ديننا؟ أم لهم ديناً أخر ؟
هل شاهد أحد منكم حمدوك يؤدي أي صلاة من الصلوات ولو كانت صلاة الجنازة في أي بقعة من بقاع الأرض قبل وبعد مجيئه للسودان؟ ونتساءل بأستغراب إين أدي حمدوك صلاة العيد ؟ نسأل الله أن يولي أمر هذا البلاد من يهتم بأمور ديننا الإسلامي.. أم أن الدين دين الكيزان يا بنو قحت؟
رؤية مشاهـد
✍ إبراهيم بقال سراج

Post: #2
Title: Re: أين صلي حمدوك صلاة العـيد.. !!
Author: محمد أبوالعزائم أبوالريش
Date: 08-02-2020, 10:22 AM
Parent: #1


دخلت عشان أرد ... لقيتك ناقل كلام (ولا أقول مقال) إبراهيم بقال ... قلت بلاش ... لا معنى للرد على كوز زي إبراهيم بقال.

Post: #3
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 10:52 AM
Parent: #2

ههه
انا زاتي والله المقال ما قريته لاني ما قاعد اقرأ لبقال
بس عجبني العنوان؛ وقلت ممكن القى إجابة عن السؤال :
هل صلى حمدوك العيد حاضرا مع مواطني منطقته؟
وهل خطبهم ام مرق منهم ساي

Post: #4
Title: Re: أين صلي حمدوك صلاة العـيد.. !!
Author: بلدى يا حبوب
Date: 08-02-2020, 11:00 AM
Parent: #3

يا التاج
الدنيا عيد
وبقال كوز
كل عام وانت بخير







Post: #5
Title: Re: أين صلي حمدوك صلاة العـيد.. !!
Author: توفيق عيسى مكي
Date: 08-02-2020, 11:06 AM
Parent: #4

هو زول معلنها حرب مع الله
دايره يجي يسجد ليه
يرفع الراية بالاستسلام يعني ولا كيف ؟؟؟؟؟؟؟؟؟

Post: #6
Title: Re: أين صلي حمدوك صلاة العـيد.. !!
Author: Salah Zubeir
Date: 08-02-2020, 11:09 AM
Parent: #4

انا عايز اعرف ال job description بتاع أيتها حكومة
في الدنيا دي كلها ... هل فيهو (خدمة) صلاة الرئيس
وخدمة قطع الجمار بتاع الرئيس وهل أدي الرئيس
السنة مع مرتو ولا لا ...
ياخي سيبو ما لله .. لله
وأسألو حمدوك عن توفير العيش والنار والصاج والطايوق ...

Post: #7
Title: Re: أين صلي حمدوك صلاة العـيد.. !!
Author: طلحة عبدالله
Date: 08-02-2020, 11:10 AM
Parent: #4

بقال دا قبل كدا مش قبضوا هنا بالثابتة في حكاية طاردوني
ناس الأمن وساعدوني وما عارف شنو وفي النهاية لقوه لابد
في برج البركة يأكل في البيرقر ؟؟؟؟؟؟
لو دا ما هو اعتذر ليهو .. لكن لو دا هو فقول ليهو إن الصلاة
التى يسأل عنها غيره تنهى عن الفحشاء والمنكر فهل من منكر
أعظم من النفاق ؟؟
.............
يا عمر التاج ياخي دي معاملة تعاملنا ليها دي ؟؟ نحن نحرس
بوستيك الديني التاني بتاع ولوا أمرهم إمرأة وأنت ما شغال بينا
وحايم تفتح في البوستات.. تعال عبرنا شوية ياخي ان شاء الله تقول
جلى


Post: #8
Title: Re: أين صلي حمدوك صلاة العـيد.. !!
Author: muntasir
Date: 08-02-2020, 11:24 AM
Parent: #7

ياهو ذاتو يا طلحة بقال الفي الحيط بوال ، عمر التاج شكلك اشتقت لي ناس الوالي الخدر ناس الأيادي المتوضئة ، الصلعة المقابلة الحر الملك سلمان صلى وين 😂

Post: #9
Title: Re: أين صلي حمدوك صلاة العـيد.. !!
Author: طلحة عبدالله
Date: 08-02-2020, 11:35 AM
Parent: #8

تمام يا منتصر بالله قول لى عمر دا يقول لبقال داك
الكلام دا .. وخلي يضغط على حروف الفحشاء والمنكر
دي كويس لأنو بصراحة الفحشاء والمنكر كانت كتيرة
جدا في العهد البائد.. بتاع حج قبضوه يزنى في نهار رمضان
وبنقو في عربية ولد الوزيرة وخمور بالحاويات وتدليس
وتحريف لكلام الله الخ الخ الخ الخ وبرضو تنتقل كاميرات
التلفزة خارجيا من جامع لى جامع ومن مصلى لى مصلى
عشان تنقل لينا صلاة الجماعة ديل ذاتم خخخخخخ

Post: #10
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 11:39 AM
Parent: #8

Quote: يا التاج
الدنيا عيد
وبقال كوز
كل عام وانت بخير

مادي المشكلة يا اخ بلدي
الدنيا عيد والعيد عيد مسلمين
و٩٥٪ من السودانيين مسلمين
وبنلاقوا في صلاة العيد مرتين بس في السنة
والإمام قال كلمته، وسيدي نطق؛ والبرهان صلى في الفسحة
بس حمدوك ماعرفنا خبره الا من أمام المسجد _ اقصد الكوز بقال

Post: #11
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 11:43 AM
Parent: #10

Quote: هو زول معلنها حرب مع الله
دايره يجي يسجد ليه

عيدك مبارك يا أمير..
يحارب ربه دي حاجه بينه وبين الله
ولكن مناسبة العيد دي مناسبة اجتماعية سياسية مابتتفوت
اتخيل لي رياك مشار ولا واحد من قادة الشعبية زمان كان بحضرها مع المسلمين

Post: #12
Title: Re: أين صلي حمدوك صلاة العـيد.. !!
Author: خضر الطيب
Date: 08-02-2020, 11:47 AM
Parent: #10

و الله يا عمر فلة انت افلست اكتر مما كنت مفلس
تباً الوغد بقال
حندخلو ليك في فتيل بعد شوية
هي مسألة وقت لا أكثر
و انت ذاتك لو مشيت في الخط دا حتدخل في فتيل

Post: #13
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 12:06 PM
Parent: #12

Quote: انا عايز اعرف ال job description بتاع أيتها حكومة
في الدنيا دي كلها ... هل فيهو (خدمة) صلاة الرئيس
وخدمة قطع الجمار بتاع الرئيس وهل أدي الرئيس
السنة مع مرتو ولا لا ...
ياخي سيبو ما لله .. لله
وأسألو حمدوك عن توفير العيش والنار والصاج والطايوق ...

ازيك ياقريبي وكل عام وانت بخير
الوصفي الوظيفي للرئيس هو رئيس لكل شئ؛ ولو عثرت سخلة في خلاء الشمالية فهو مسؤول عنها؛ عشان كده قلنا هذه وظائف لا يصلح لادائها الا الرجل العظيم..
رؤساء وزعماء السودان مما قمنا بصلوا مع الناس العيد في الساحات
ويوم العيد يوم تواصل والتقاء شعبي ورسمي
ويوم تفقد الراعية للرعية..
وعلى الراعي ان يعرف عن رعيته كل شئ؛ كما كان النبي ص يعلم أصحابه حتى الخراءة؛ كما قال احد زعماء قريش
وطبعا الوصف الأخير ده بياتي بعد توفير العيش والوقود والخروف والصاج والطايوق
ولا حمدوك عايز الرجال يندقوا براهم في بيوتهم؟

Post: #14
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 12:21 PM
Parent: #13

حباب الطلحة محل ما قيل
وكل عام والخير فوقك ميل
Quote: بقال دا قبل كدا مش قبضوا

ليس المهم بقال؛ ولكن المهم ماذا قال..
وهل صحيح ما كتب في مقاله أو بال؟

..
..
بوستينا التاني في محله يا جرجرة
و مؤشرات الوعي فيه شايفها بدت تشرق
ونحن مابنتزحزح عن كلام ولو اتزحزح جبل مرة

Post: #15
Title: Re: أين صلي حمدوك صلاة العـيد.. !!
Author: ABUHUSSEIN
Date: 08-02-2020, 12:27 PM
Parent: #13

بقيت تضارى بي بقال يا عمر .... ؟؟؟؟؟

Post: #19
Title: Re: أين صلي حمدوك صلاة العـيد.. !!
Author: Osman Musa
Date: 08-02-2020, 01:51 PM
Parent: #15



د. عبدالله حمدوك بصلي صلاة العيد
ما يصلي صلاة العيد . برضو الناس راضين عنو.
كفاية حديث وزير الخارجية الامريكي قبال يومين
عن اجتهادات حمدوك.
في سبيل انو يمرق السودان من فعايل الجرابيع.

Post: #16
Title: Re: أين صلي حمدوك صلاة العـيد.. !!
Author: منتصر عبد الباسط
Date: 08-02-2020, 12:27 PM
Parent: #13

صلاتو لي ربو ما عندنا معاها شغلة
المشكلة السجم السجموهو في القوانين
وسياساتو الميتانة في بلد تحتاج نشاط
وتحريك لكل كوادر الشعب
الله يخلص البلد منك يا الحمدوك الغافلين
لأنك أصبحت أنت وقحت والشيوعيين وأذيالهم
ومن ورائهم وهم لا يعلمون الكيزان وجميعهم
قافلين الطريق أمام عبور السودان في طريق تقدمه
ونهضته

Post: #17
Title: Re: أين صلي حمدوك صلاة العـيد.. !!
Author: طلحة عبدالله
Date: 08-02-2020, 12:46 PM
Parent: #16

Quote: ليس المهم بقال؛ ولكن المهم ماذا قال
كيفن الكلام دا يا أبوعمير ؟؟؟؟؟؟
دا منافق بنص الحديث الشريف .. كيف تستشهد
بما قال ؟؟ هو الدين دا اتغير واللا شنو ؟؟
................
يا عمر تعال قول احتجاجك بحديث ولوا أمرهم
إمرأة على تولية امرأة فيهو عوار واضح وأن
ما تقوله هو رأيك الشخصي وشخصيا ما عندي مانع
أنك ما تتزحزح حتى لو اتزحزح جبل أحد .. دي حاجة
بترجع ليك .. لكن الما برجع ليك هو الاحتجاج بالدين.

Post: #18
Title: Re: أين صلي حمدوك صلاة العـيد.. !!
Author: عبدالوهاب احمد صالح
Date: 08-02-2020, 01:47 PM
Parent: #17

ده شنو البؤس ده؟

Post: #20
Title: Re: أين صلي حمدوك صلاة العـيد.. !!
Author: Salah Zubeir
Date: 08-02-2020, 02:11 PM
Parent: #18

Quote: ازيك ياقريبي وكل عام وانت بخير

ود عمي تاج العزيز ... اتباركن ايامك وربنا يجود عليك
بي كرمو ويديم عليك نعمة الصحة والعافية إنتا واهلك
جت ...

Post: #21
Title: Re: أين صلي حمدوك صلاة العـيد.. !!
Author: أحمد محمد عمر
Date: 08-02-2020, 02:55 PM
Parent: #20

اتوضأ في البيت ولا في ماسورة المسجد؟
الحمام الدخلو قبل الوضوء كان مقعد بلدي ولا أفرنجي؟

التفاصيل مهمة يا اخوانا .. دة رئيسنا

Post: #22
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 03:27 PM
Parent: #21

Quote: شكلك اشتقت لي ناس الوالي الخدر ناس الأيادي المتوضئة ، الصلعة المقابلة الحر الملك سلمان صلى وين

الخدر بتاع الأراضي يشتاق ليهو الشر
لكن الأيادي المتوضئة بالإيمان والعمل الصالح مازالت اشواقنا يامنتصر...
جربنا اليسار ماينفع، جربنا الأحزاب مانفعت،
جربنا الكيزان مانفعوا؛ اسه بتجرب في الشيوعيين والبعثيين والجمهوريين وشكلهم ما ماشين لقدام..

مافضل لينا الا نجرب أنصار السنة؛ اهل السنة والجماعة ممكن يكون فيهم حبة بركة
والملك سلمان مابقصر؛ صحي هو السنة دي ماصلي العيد في الساحة؛ ولكن خيراته ماليه الساحة

Post: #23
Title: Re: أين صلي حمدوك صلاة العـيد.. !!
Author: بشير أحمد
Date: 08-02-2020, 03:33 PM
Parent: #21

اتا عايز ليك رد من الشيوعيين المعندهم دين ديل ....ولا رد من الجمهوريين ...الصلاة مابعرفوها...

حكومة ماعندها دين ....وح يقولوا ليك الدين لله والوطن للجميع.

تبا لكم .
المشكلة المبرراتية.
#تسقط_قحت

Post: #24
Title: Re: أين صلي حمدوك صلاة العـيد.. !!
Author: كمال عباس
Date: 08-02-2020, 03:40 PM
Parent: #23

https://sudaneseonline.com/board/510/msg/%D8%A7%D9%84%D9%83%D9%88%D8%B2-%D8%A7%D8%A8%D8%B1%D8%A7%D9%87%D9%8A%D9%85-%D8%A8%D9%82%D8%A7%D9%84-...-%21-1586624924.html
ماذا افعل بعد ان تم اطلاق سراحي والامن مازل يلاحقني ؟؟؟ماذا افعل بعد ان تم اطلاق سراحي والامن مازل يلاحقني ؟؟؟

ابراهيم بقال ......... والمخبأ السرى ( للاهمية نرجوا الاطلاع ) ابراهيم بقال ......... والمخبأ السرى ( للاهمية نرجوا الاطلاع )

Post: #26
Title: Re: أين صلي حمدوك صلاة العـيد.. !!
Author: طلحة عبدالله
Date: 08-02-2020, 03:49 PM
Parent: #24

Quote: https://sudaneseonline.com/board/510/msg/%D8%A7%D9%84%D9%83%D9%88%D8%B2-%D8%A7%D8%A8%D8%B1%D8%A7%D9%87%D9%8A%D9%85-%D8%A8%D9%82%D8%A7%D9%84-...htmlماذا افعل بعد ان تم اطلاق سراحي والامن مازل يلاحقني ؟؟؟ماذا افعل بعد ان تم اطلاق سراحي والامن مازل يلاحقني ؟؟؟ابراهيم بقال ......... والمخبأ السرى ( للاهمية نرجوا الاطلاع ) ابراهيم بقال ......... والمخبأ السرى ( للاهمية نرجوا الاطلاع )



Post: #27
Title: Re: أين صلي حمدوك صلاة العـيد.. !!
Author: MOHAMMED ELSHEIKH
Date: 08-02-2020, 03:50 PM
Parent: #24

ياعمر
فعلا صلاة العيد مناسبة يمكن ان بستغلها الحكام لمخاطبة الشعوب
الاتعلم ان الجهات الصحية الرسمية تشجع على عدم صلاة العيد هذه السنة؟
طيب كيف راس السلطة التنفيذية ينهى عن شيء ويفعله؟
انا شخصيا هذه السنة ما صليت صلاة العيد
ومنذ اكثر من اربع اشهر لم اصلي جمعة
اها المشكلة وين؟

Post: #25
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 03:44 PM
Parent: #23

خضر الطيب الولد الطيب كيفنك. ياخ وماك طيب
Quote: الوغد بقال
حندخلو ليك في فتيل بعد شوية
هي مسألة وقت لا أكثر
و انت ذاتك لو مشيت في الخط دا حتدخل في فتيل

بقال ده الفتيل عليهو شوية.. شوفوا له قزازة بيبسي
ولا تاخذنكم به شفقه؛ لأنه لو واصل كده بسقط حجركم
اما انا فموضوعي ساهل..
بكره تكبروا وتعوا وتعرفوا الصاح من الغلط
وعندها تظهر بعض حسناتكم وانجازاتكم..
تعملوا ليكم مدرسة؛ تفتتحوا صينية أو مظلة.. الدولار ينقص جنيهين
حمدوك يمشي الحج على حسابه؛ تصدروا ليكم شحنة ضان؛ حميدتي يموت هههه
المهم اي حاجة مفيدة وحاتلقاني وش في المنبر
فاتح بوست باسم شكرا حمدوك..

Post: #28
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 04:03 PM
Parent: #25

Quote:
بقيت تضارى بي بقال يا عمر .... ؟؟؟؟؟

حبابك ابا حسين وكل عام وانت ومن تحب بخير
للأسف؛ بقال هو البتضارى بي.

Post: #29
Title: Re: أين صلي حمدوك صلاة العـيد.. !!
Author: أحمد محمد عمر
Date: 08-02-2020, 04:19 PM
Parent: #28

Quote: والملك سلمان مابقصر؛ صحي هو السنة دي ماصلي العيد في الساحة؛ ولكن خيراته ماليه الساحة

قالت ليها زحي كراعك من رجلي

Post: #30
Title: Re: أين صلي حمدوك صلاة العـيد.. !!
Author: جمال ود القوز
Date: 08-02-2020, 04:22 PM
Parent: #28

ياتاج كل سنة وانت طيب وأضحى مبارك عليك ..

غايتو انا شايف حكاية المزايدة في العبادات أمر خاسر
فوق لي إنه تدخل في علاقة العبد بي ربه
( ده لو ماجاهر صراحا بي شيء يقدح في عقيدته ) ..
نحن همنا الشعب ده ياكل ويشرب ويعيش مستور
لكن حمدوك لو بقى من أولياء الله الصالحين
وما قادر يوفر الحاجات دي فليذهب غير مأسوف عليه
وإن بقى قدر صدقني كان ما صلى ولا صام ما فارقه كتير
لأنه دي حيحاسبه عليها ربنا
نحن بنحاسبه في حقنا
حق الله براااهو بيحاسبو عليهو ...

انت كدي باركها يا تاج ..
ثم بقال شنو كمان الجايبو مصدّروا قدامك ..
شوف ليك حاجة تتحمل تتدرّق بيها ......

Post: #31
Title: Re: أين صلي حمدوك صلاة العـيد.. !!
Author: صديق مهدى على
Date: 08-02-2020, 04:46 PM
Parent: #30

اها اتوا يا ود التاج وبشير أحمد بتغسلوا فى البنية التحتية ثلاثين عاما نمن اسهكت وبتتوضوا خمس مرات فى اليوم
واشرطة قران وحديث فى عرباتكم وماسكنها لله اكثر من مرة فى اليوم فى النهاية هزموك شباب فى مقتبل العمر
وأصبح الواحد فيكببم زى دوار جمل نسيبتو ههههها

Post: #32
Title: Re: أين صلي حمدوك صلاة العـيد.. !!
Author: صديق مهدى على
Date: 08-02-2020, 04:46 PM
Parent: #30

اها اتوا يا ود التاج وبشير أحمد بتغسلوا فى البنية التحتية ثلاثين عاما نمن اسهكت وبتتوضوا خمس مرات فى اليوم
واشرطة قران وحديث فى عرباتكم وماسكنها لله اكثر من مرة فى اليوم فى النهاية هزموك شباب فى مقتبل العمر
وأصبح الواحد فيكببم زى دوار جمل نسيبتو ههههها

Post: #33
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 05:26 PM
Parent: #32

Quote: د. عبدالله حمدوك بصلي صلاة العيد
ما يصلي صلاة العيد . برضو الناس راضين عنو.
كفاية حديث وزير الخارجية الامريكي قبال يومين
عن اجتهادات حمدوك.
في سبيل انو يمرق السودان من فعايل الجرابيع.

حبابك أسامة؛ وكل عام وانت بخير
الناس الرياضية عنه ديل منو يا شيخ؛ كدي ينزل انتخابات كان ما يتسيك في قبوله..
وبعدين انت بتقول ما شرط يرضى عنه ربه؛ مذكرنا برضى الامريكي داك ليه؟
اجتهادات حمدوك انا ما بعرفها.. لكن النتائج واضحة وضوح الشمس.. انهيار في كل مكان وسقوط في كل مكان.. وجرجرة في كل شئ، وأن كان نجاح حمدوك هو تكراره بعبارة سنعبر فقد نجح..
وبالمناسبة؛ حديث القوى الأمين داك ما حديث كيزان.. ده كلام ربنا سبحانه وتعالى
وحقو ترجع لتفسير القوى الأمين عشان تعرف هل بتنطبق على زول ما(بيصلي) لربه ام لا؟

Post: #34
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 05:54 PM
Parent: #33

عفوا قصدت في مداخلتي الفائتة اخي في المنبر عثمان موسى وليس أسامة ؛ فله العتبي.
..

اخونا في اللخ منتصر حبابك؛ وكل عام وانت بخير
Quote:
صلاتو لي ربو ما عندنا معاها شغلة

ما نعرفه عن الرسول ص وصحابته ان المسجد كان قصرهم الجمهوري
وكانوا يديرون أمور العباد بعد أن يقضوا فروض رب العباد..
وكان امر الجيش الا (يصلين) أحدكم العصر الا في بني غريظة..
فلماذا لا نحلم برئيس يقضي فروض ربه على أكمل وجه ليؤدي بعدها واجبه تجاه رب العباد بنفس الصورة..
المداخلة خاصة بالمؤمنين.. أما العلمانيين الذين يتحججون بأمريكا والمانيا فارجو الا يستعجلوا رزقهم.. ستاتيهم مداخلة مخصصة لذلك..
الحبيب صديق مهدي حبابك ومرحب؛ وكل عام وانت بالف خير
وددت لو سألت عنك فترة غيابك ونحمد الله على عودة قلمك الشجاع السنين.. يمين يسار مرحبا به.

Post: #35
Title: Re: أين صلي حمدوك صلاة العـيد.. !!
Author: طلحة عبدالله
Date: 08-02-2020, 06:14 PM
Parent: #34

Quote: برئيس يقضي فروض ربه على أكمل وجه ليؤدي بعدها واجبه تجاه رب العباد بنفس الصورة

قصدك يا عمر رئيس تشوفوه قاعد يقضى
في فروض ربه سواء كان على الطبيعة أو على القنوات .
طيب لو كان الرئيس دا مثلا قاعد يعمل الحاجات
دي كلها قدام عيونكم لكن من وراء عيونكم قاعد يسرق
وينهب ويقتل ويخرب ويدمر .. دا كيف معاكم ؟؟ وأحسن
ياتو في الاتنين ديل ؟؟

Post: #36
Title: Re: أين صلي حمدوك صلاة العـيد.. !!
Author: نعمات عماد
Date: 08-02-2020, 06:35 PM
Parent: #35

Quote: يقضي فروض ربه على أكمل وجه

عمر التاج انت لو ما كوز فأنت أسوأ.

انت جاك وحي من ربنا ان حمدوك مقصر في فروضه؟

مش يمكن انت ال ربنا غضبان عليك عشان البهتان؟

وصلت القاع فعلاً.

Post: #37
Title: Re: أين صلي حمدوك صلاة العـيد.. !!
Author: عمر التاج
Date: 08-02-2020, 07:22 PM
Parent: #36

Quote: عمر التاج انت لو ما كوز فأنت أسوأ.

انت جاك وحي من ربنا ان حمدوك مقصر في فروضه؟

نعمات عماد عيدك مبارك وتتبارك ايامك أن شاء الله..
أسوأ من الكيزان كيفن؟ أنصار سنة يعني؟
وبعدين وين أنا قلت حمدوك مقصر في فروضه؟
انا نقلت مقال عنوانه الصريح أين صلي حمدوك العيد؟
واجبت على الذين قالوا لي الدخلك في دين حمدوك شنو بالكلام الحضرتك اقتبستيه
يبقى مين القال حمدوك مقصر في عبادته؟
مين يادكتورة؟

Post: #38
Title: Re: أين صلي حمدوك صلاة العـيد.. !!
Author: نعمات عماد
Date: 08-02-2020, 07:35 PM
Parent: #37

Quote: فلماذا لا نحلم برئيس يقضي فروض ربه على أكمل وجه ليؤدي بعدها واجبه تجاه رب العباد بنفس الصورة

دا لو ما اتهام مبطن فهو غمز و لمز.