Post: #1 Title: عيدية . لو لحظة من وسن .. محمد وردي Author: Osman Musa Date: 08-01-2020, 06:42 AM
06:42 AM August, 01 2020 سودانيز
محاولة نقل الفيديو
Post: #2 Title: Re: عيدية . لو لحظة من وسن .. محمد وردي Author: علاء سيداحمد Date: 08-01-2020, 07:58 AM Parent: #1
سلام يا ابوعفان وكل عام وانت ومن تحب بخير وعافية
من حفل وردى فى عدن فى بدايات ثمانينات القرن الماضى
Post: #3 Title: Re: عيدية . لو لحظة من وسن .. محمد وردي Author: خضر الطيب Date: 08-01-2020, 08:32 AM Parent: #2
الحبيب الفنان الشامل ود موسي كل عام و انت و الاسرة بألف خير
Post: #5 Title: Re: عيدية . لو لحظة من وسن .. محمد وردي Author: Osman Musa Date: 08-01-2020, 05:50 PM Parent: #3
أخونا المهندس خضر سلامات والعيد مبارك عليك والاسرة الكريمة . و الرحمة للعملاقين الفيتوري و محمد وردي.
Post: #4 Title: Re: عيدية . لو لحظة من وسن .. محمد وردي Author: Osman Musa Date: 08-01-2020, 10:51 AM Parent: #2
مستر علاء يا زول يا بديع ياخ العيد مبارك عليك وعلى اسرة الهرم محمد وردي وعلى عموم احباب وردي في العالم .
Post: #6 Title: Re: عيدية . لو لحظة من وسن .. محمد وردي Author: Kabar Date: 08-02-2020, 02:38 AM Parent: #1
غايتو، انا ، بدل اتمحن ليك واقعد اشخط ليك التراب يا عتمان ، اخترت انادي (ستي عنان واتباعا) ، النزلت للدنيا شفاعة ، وكانت سعد امدرمان لرفاعة..!!!! لك ولشخينا سيد البطانة ، دفع الله ود الأصيل عليه السلام ، والصحاب علاء سيد احمد وخضر الطيب ، وكل المحبات والمحبين ، المريدات والمريدين ، الغارقات والغارقين في الملكوت النبيل ..ملكوت المحبة والرحمن الجميل..!
عنان دي منو يا دفع الله الأصيل؟..
كل المحبة لصديقنا واستاذنا الشفيف دكتور احمد القرشي عبد الرحمن ، واستاذنا دكتور احمد طراوة وحبيبنا دكتور شاهين شاهين ، وكل اهل المحبة و الجمال من اقصى اليسار لغاية اقصى اليمين في دار امسودان الوضيئة..! عيدية خاصة ، بعد اذنك يا عتمان ، للكائن الخلوي عم دكتور عبد الله حمدوك ، وقبله العيدية موصولة للزولة التي احتملت شقائه وخزعبلاته ، ستي منى عبد الله عليها السلام (وكنت اظنها يا عتمان ، ستي عنان واتباعا ..!!..)..! عيدية عبرك يا صديقي ، الى ستي منى عبد الله والعيال..عبد الله حمدوك ، يا منى عبد الله ، ان شاء الله ياكلو ود ام بعلو بتاع السياسة السودانية..والله صحي..!! آآآآآآآآآآآآآآآآآآآآخ يا سيدي بادي محمد الطيب..!..لك المحبة يا صاحب بقدر ما وهبتنا الضي لدروب اليقين والجمال..!
سلامات يا عتمان..!
جذبتني الحضرة يا ابوي..!!..فشنو اعفي لي يا صاحب..!!!!!!
كبر
Post: #7 Title: Re: عيدية . لو لحظة من وسن .. محمد وردي Author: ترهاقا Date: 08-02-2020, 02:51 AM Parent: #6
يا سلام ايام كانت أيام الفيديو الفوق حفلتنا في اليمن الجنوبية آنذاك سنة 83 في دار الحزب الحاكم ، والفيدو التاني في واشنطن سنة 2000 على ما اعتقد ، كوستاوي يمكن يتذكر التاريخ والف رحمة على العملاق وردي
Post: #9 Title: Re: عيدية . لو لحظة من وسن .. محمد وردي Author: Osman Musa Date: 08-02-2020, 10:38 AM Parent: #7
أخونا الفنان ترهاقا سلامات والعيد مبارك عليك وعلى اسرتك الكريمة يازول يا اصيل . وربنا يطول في اعماركم وانتو الطول الزمن ساندين مع الهرم اكتاف الغناء . ديك الأيام انا كنت في اليمن السعيد وأذكر أي نقرة طبلة وأي رقصة خيل. وكنا برضو من الملازمين للاستاذ في حفل نيويورك . وأذكر يا أخ ترهاقا جلستو في داك الفندق الشامخ جوار التويينز . بناية الويرلد تريدنغ سنتر. وردي كان من المعجبين بمنهاتن . حباها حب شديد . حباها بي عين الفنان . ولو لا المرض ومواعيد الغسيل ما عارف كان طلع منها شنو من الألحان . وأذكر الإخوان جابوهو من فندق منهاتن لمسرح الحفل في بروكن . في ديك الليلية التاريخة. الأمة انكبت من حدود بفلو ومن الثاوث . عالم جات من كل الجهات . وأذكر لحظة غني اغنية بالرطانة نيويورك كلها اتحولت لحلفا قديمة. وردي كان يا ترهاقا عندو مقدرة عجيبة لنقل الناس من الغرب البعيد للجنوب . وقدرة رهيبة على تطويع اللغات . يلاقي كلو يردد معاو في ( أي كان جلك كمشكا كأني قريرك كجلا. ) له الرحمة
Post: #8 Title: Re: عيدية . لو لحظة من وسن .. محمد وردي Author: Osman Musa Date: 08-02-2020, 07:00 AM Parent: #6
الأخ الكريم أستاذ كبر سلامات وابشر بالخير ياخ العيد مبارك عليك . جبتها ليك حاره قبال تجف قصبة الدواية. عمك الخطير الدرويش بادي
قالوا لحظة الألحان نزل عليه. نزل عليه كم لحن . و عمك احتار في الاختيار . وساح في آفاق بعيدة. افاق المتيمين والزاكرين. عمك احتار وصال وجال بين المديح والطمبرة والدلاليك. والجابودي. .. في النهاية ركز الترمبيت والنوبة والطار والدفوف . وحمس الكمنجات. للأغنية الاصل والفصل . كلمات اللورد خليل فرح . قوم نادي عنان واتباعه....وقفل حوانيت الباعة نزلت للدنيا شفاعة ... وسعت امدرمان لرفاعة * * * * * * وطن الآباء يا أم طاعة ... اجمه ومشهورة سباعه من دون أترابه مطاعة ... حضرية تقول في طباعه * * * * * * المجد ألحاسده مداعى ... هو أساس ألما بتداعى وست أسلافنا وداعه ... وصارت في جيانا بداعه * * * * * * رفعت أعلاما رفاعة ... وشمخت بكبارنا يفاعه وطن السناب يا رباعه ...نزل العربان في رباعه * * * * * * هنا تلقى الخلق الإعرابي ... لا خوف لا ضيم لا مرابي ظل الشكرية الكابي ... والشرف الاصلو ركابي * * * * * * هنا روعة عصرا ولى ... وروايع جيلنا الهله عصبية تناطح الجله ... ومدينة منافية الزلة * * * * * * إياك يا عاشق تحرق ... في بحور أوصافك تغرق هي شامة تورنا الابرق ... هي جنة نيلنا الأزرق * * * * * * لا تنسى ليالي العشة ... وفي الحلة هبوب الرشه اتعشى عشاك واتمشى ... هوى بيت المال ما انفشه * * * * * * اعذرني أخوك انغشه ... لا اتعد هواك لا كشه اذكرني ولو بقشه ... بيت مال وعيال يا كشه ..