اشتغل من صالون بيتك: 15 وظيفة رقمية في الرابط ادناه ستجني منها قرابة الاف دولار شهريا

08:36 PM July, 31 2020

سودانيز اون لاين
محمود الدقم-London
مكتبتى
رابط مختصر

المنتجات الرقمية اضحت تجلب علي اصحابها مئات الالاف الدولارات شهريا
في هذا الرابط والذي اتمني ان يفتح معك اخي الكريم اختي الكريمة توجد حوالي 15 وظيفة للعمل من البيت او من المكتب او المقهي او الحديقة العامة او اي مكان عام
ان شاءالله ستحقق لك ارباح قد تصل الي اكثر من الف دولار شهريا
الوظائف هي:
Data Entry / Input
Typing and Writing
Sales and Marketing
Customer Services
Online Research
Surveys
Virtual Assistant
Envelope Filling
Mystery Shopping
Admin and Secretarial
Social Media Management
Product Testing
الرابط "

https://bit.ly/32YEUdFhttps://bit.ly/32YEUdF
ان بم يفتح معك اعمل كوبي-بيست علي غوغل وابحث بالتوفيق

معظم هذه الاعمال الرقمية ممكن تشتغلها وانت في السودان
فقط بتحتاج لحساب بنكي رقمي اسمه PayPayl
او حساب بنكي عادي

حودة
الرابط ما شغال
كل عام و انتم بخير

Something's wrong here.
This is a 404 error, which means you've clicked on a bad link or entered an invalid URL. Maybe what you are looking
for can be found at Bitly.com. P.S. Bitly links are case sensitive.

سلام الدقم وكل عام وانتم بخير, عايزين رسوم عضوية طلعوا
النوع دا من المواقع البتشيل رسوم ما كلها طبعا لكن عدد كبير منها بتبيعك هوا و يديك روابط لمواقع متاجة ومجانية لتوفير نفس الأعمال
في مواقع كتيرة بتتيح ليك الأعمال المذكورة لو قوقلتها بتديك روابط مجانية

دة رابط دعائي يا البشرى
يعني أي زول بدفع عن طريقه في كوميشن بيجي لي شيخنا

طبعاً المواقع المحترمة بتفرض عليك ذكر هذه المعلومة صراحة وإلا يكون غش .. المقتبس دة من فيديو كنت بحضر فيه هسة

Quote: DISCLAIMER: This video and description contain affiliate links, which means that if you click on one of the product links, I’ll receive a small commission.

لكن طبعاً مواقع التسويق الشبكي ما شغالة بالموضوع دة لأنها كلها قايمة على الغش وأعني بالغش هنا بيع الأحلام زي إنك نايم في بيتك والقروش نازلة في حسابك رب رب رب

Quote: دة رابط دعائي يا البشرىيعني أي زول بدفع عن طريقه في كوميشن بيجي لي شيخناطبعاً المواقع المحترمة بتفرض عليك ذكر هذه المعلومة صراحة وإلا يكون غش .. المقتبس دة من فيديو كنت بحضر فيه هسةQuote: DISCLAIMER: This video and description contain affiliate links, which means that if you click on one of the product links, I’ll receive a small commission.لكن طبعاً مواقع التسويق الشبكي ما شغالة بالموضوع دة لأنها كلها قايمة على الغش وأعني بالغش هنا بيع الأحلام ز

شايفك عندك حساسية من زمان من البزنس عبر الانترنت وكيف تحقق اموال وانت نايم ودي حقيقة لا شك فيها وتسمي Passive Income امشي اقرا عنها انت ومن يريد هذا النوع وانا شغال فيهو الان وممكن اخر السنة اترك وظيفتي نهائي واشتغل رب رب رببالنسبة للرابط مرة اخري هو رابط حقيقي مئة المئة لا غبار عليه وليس فيه غش لانه يخضع للقوانيي الامريكية اناا هنا اتحدث بصفي خبير في مجال التسويق بالعمولة وفي مجال التجارة الالكترونية ليس لانو شاهدات اكثر من خمسة الف فيديو في الستة عشرة سنة الماضية

وليس لان شاركت في اكثر من خمسين ندوة وسمنار مع امريكيين وبريطانيين بل لانو دي جزء من معيشيتي.

اعتقد انو بعض الناس عليهم ان يكونو ايجابيين ويتركو السلبية كون ان هناك من حقق ارباح ونجاحات في مجال العمل من البيت، اخيرا واحدا من الاشخاص الذين استشيرهم كل يوم بقوم من النوم وفي حسابو اكثر من اربعة الف دولار امريكي من غير ما يعمل شييء غير انو بدفع لشركات دعاية يعملوا ليهو اعلانات للبزنس بتاعو وهو نايم يعني نايم والدولارات بتنزل علي راسو 🤣😊😊

Quote: سلام الدقم وكل عام وانتم بخير, عايزين رسوم عضوية طلعوا النوع دا من المواقع البتشيل رسوم ما كلها طبعا لكن عدد كبير منها بتبيعك هوا و يديك روابط لمواقع متاجة ومجانية لتوفير نفس الأعمال في مواقع كتيرة بتتيح ليك الأعمال المذكورة لو قوقلتها بتديك روابط مجانية

الاخ محمد البشري
كل عام وانت بالف خير
الرابط او الشركة التي تقد هذه الخدمات شركة حقيقة ومعترف بها اوروبيا وامريكيا ولاتبيع الوهم وعملت حولها بحث وسالت عنها ناس خبرا ء وبتدفع ضرائب اعتقد ان مقرها الولايات المتحدة الامريكية وبتعامل معاها الالاف من الامريكيين والاوروبيين لذلك عليها رسوم
كونها بتدفع ضرائب الخ.

المواقع المجانية ما قاعد اتعامل معها نهائيا لانها وهمية بشكل كبير انا لا اقول كلها وهمية ولكن فيها الاحتيال بشكل واسع لانو ما ممكن شركة صناعة Media Marketing تقدم خدمات Virtual Assistants Jobs
وتكسب من وراء الشركات والزبائن وما تدفع ضرائب!!
علي كل حال انا متاكد من الروابط اعلاها وكنت بتعامل معها قبل كم سنة، وهي تصلح للناس المبتدئين في العمل الحر ممكن يعمولوا دخل اسبوعي في حدود 250- الي 300 دولار امريكي خصوصا الناس العندها خبرة في مجال الطباعة علي الكمبيوتر وادخل البيانات
تسلم كثيرا

الاخ عمادالدين سلام وعيد مبارك
في مشكلة كما راسلني البعض في فتح اللينكات
بحاول اشوف طريقة اخري
وياريت الاخ ود البشري يخبرنا كيف فتحت معاه هذه الللنيكات وشكرا

أخونا محمود بدايتك كانت صاح بالمتجر الببيع سلع حقيقية وكان ممكن تطوره ولو فهمت الملاحظات الكتبتها ليك بدل 12 دولار في الشهر كان ممكن تدفع دولار واحد في السنة للمتجر عن طريق استضافة مشتركة namecheap في الـ black Friday وباستخدام اسكريبت opencart
لكن واضح إنك أصبحت بتحاول في الكسب السريع عن طريق طلس التسويق الرقمي وبعناوين صارخة انت عارفها ما بتتحقق ولا إنت نفسك حققت ربعها
نبهتك في بوست سابق وقلت ليك حقو تدرس الدرب الماشي فيه دة كويس وشوف سمعة الناس القبليك وصلت وين! انت عندك الامكانيات والحماس البخليك تشتغل شغل حقيقي وتكسب قروش حقيقية لكن ما بتصل آلاف الدولارات بأي حال من الأحوال .. ما بقدر أجبرك على حاجة بس كل البقدر أعمله أحذر الناس من الجري وراء الأحلام البتوزع فيها دي .. أحسن تقول لي علي كعب وقطاع نصيب من يقولوا عليك نصاب بعد يدفعوا ويقبضوا الهواء

هسة فتحت الإيميل بتاعي لقيت رسالة من شركة justhost أنا مسجل في البرنامج الدعائي بتاعهم
الرسالة طويلة كلها تحذيرات وتكرار لإنهم بتابعوا كل روابطهم الدعائية بس بقتبس ليكم منها دة

Quote: If you provide reviews, rankings, endorsements, testimonials, blogs, or content of any kind about any Just Host service for which you receive commissions, you must clearly disclose the fact that you receive such compensation in a clear and prominent place in close proximity to your endorsement. This disclosure must appear on every page that includes your endorsement and cannot require the consumer to scroll through multiple page views, or click on secondary links behind vague words such as “Disclaimer.”

Quote: شايفك عندك حساسية من زمان من البزنس عبر الانترنت

أبداً ما عندي حساسية من البزنيس عبر النت لأني شغال فيه أنا ذاتي
حساسيتي من بيع الأحلام .. لكن الشغل الحقيقي عبر النت أحسن منه مافي

اخي احمد عمر شكرا ياخي علي نصيحتك ونصيحة اي اخ اخر، مشكلتنا نحن في السودان خاصة والعالم العربي عامة بنتخوف من المغامرات وبنحب شغل الدوام، 12 ساعة او 8 ساعات وترجع البيت، تشتغل ليك عشرين سنة في شركة واحدة النتيجة ضغط وسكر واكتئاب،
التسويق الشبكي MLM ما عندو علاقة نهائي بموضوع البوست لا من قريب ولا من بعيد، والزول الزكرتو لي مروان تلودي كنت متواصل معاه وهو شغال نظام بيع كورسات وحقق ارباح جيدة لكن البزنس بتاعوا ما بمشي معاي من غير اي معرفة شخصية بيهو.المتجر اللكتروني بتاعي نعم فكرتو كويسة لكن فيروس كرونا جمد كل شيء.المهم شغل التسويق بالعمولة والمنتجات الرقمية الان بسجل نجاحات رهبية وما فوكا عيب كونو اروج للتسويق بالعمولة ،
ومعظم اللينكات الفي بوست هناك فترة مجانية تجريبة لو انت حققت ارباح بتواصل وبتدفع اشتراك شهري، ولو ما عجبتك بتتركها من غير ما تدفعاخير لست من الذين يبعيون الوهم لاي احد ولست من يروج للغش الاكاذيب لكن الشفتو بعيني من حال الناس بالسودان هو من يجعلني ان اكتب واتفرغ من الان وصاعدا في هذا المنبر لحدي ما اعمل ورشة عمل اسفيرية عن كيفية العمل في هذا البزنس وكم حققت وبالارقاممن ارباح.

يا محمود أنا أدعم التسويق بالعمولة دعم كامل .. وانا نفسي اشتغلته في زمن سابق وما فيه أي مشكلة
أنا مشكلتي مع التسويق الشبكي .. زي العملتو في البوست السابق بتاعك وما حبيت أتداخل
فكرة إنه الواحد يدفع في منتج ما عندو أي معنى ثم يعمل على استخلاص قروشه الدفعها من ناس تانيين يدفعوا عن طريقه دة ياهو الغش لأنه ممكن ببساطة الزول ما ينجح في دفع الناس لشراء المنتج وهو نفسه ما يستفيد منه
نعم يا محمود ممكن تعمل برنامج ظابط أو أي منتج وتديهو شركات التسويق العادي ما الشبكي تسوقه ليك بالعمولة وتكسب قروش كتيرة من وراهم .. دي حاجة معرفة في علم التسويق ومندوب المبيعات كل ما كانت نسبته عالية كلما اشتغل اكتر عشان يحقق أرباح أكتر .. عشان كدة مصدق مثالك بتاع الزول البصحى يلقى في حسابه قروش لأنه عندو منتج حقيقي
لكن في أمثلتك الطارحها دي مافي منتج حقيقي .. يعني زول داير يشتغل إدخال بيانات بمشي مواقع الـ freelancer ويلقى الفرص .. موقعك دة ما بديهو ميزة تحتاج يدفع عليها قروش .. في البوست السابق مثلاً انت ما اتكلمت عن الخدمة البقدمها الموقع مقابل القروش لأنه لا إنت لا غيرك مهتمين بالخدمة وإنما بس بتدفع وقروشك بترجع ليك لو 5 دفعوا عن طريقك وكل الجايين بعد الخمسة ديل ارباح صافية
التسويق الشبكي أسوأ ما فيه بيع الأحلام وإنك تعشم الواحد بمرحلة ما حيصلها لأنه انت نفسك ما وصلتها

سلام محمود اعمل ندوة (اجتماع) فى زووم و انشر رابط الاجتماع فى الوسائط خاصة الواتساب.احسن الواحد يسمع الكلام من خشم سيده بدلا عن الكتابة التى لا تنقل الصورة كاملة

(تعديل كلمة زووم)

Quote: سلام محمود اعمل ندوة (اجتماع) فى زووم و انشر رابط الاجتماع فى الوسائط خاصة الواتساب.احسن الواحد يسمع الكلام من خشم سيده بدلا عن الكتابة التى لا تنقل الصورة كاملة (تعديل كلمة زووم)

شكرا اخي النصري والله مفكر اعمل ورشة عمل اسفيرية
بس افضي ان شااءالله تسلم كثيرا

Quote: قبل ان تبداء في تجارة التسويق الشبكي-محمود الدقم dagamco dagamco قبل 8 سنوات الإعلانات بزنس التسويق الشبكي يشهدا نموا مضطردا في اوروبا وشرق اسيا، ولحد مافي السوق العربية، لكن تبقي الاشارة الي ان هذا البزنس الان موضع تسابق وتنافس محموم بين دول شرق اسيا من جهة، والولايات المتحدة وبريطانيا من جهة لذا ان كانت جادا في طرق هذا المجال وقبل ان ننطلق في هذا المضمار عليك بقراءة هذه النصائح المختصرة، جتي لا تهدر وقتك في لاشيء، وتخسر بالتالي اصداقاءك ومعارفك: 1-لا بد وان تكون ملّما بمعلومات وافرة عن موضوع التسوق الشبكي، واهم معلومات هو ان تفرّق بينه وبين التسويق الهرمي، فالثاني باختصار يعني تجارة (الوهم). 2-لابد ان تكون علي دارية تامة بتاريخ واسم الشركة التي تنوي العمل معها، وان تكون شركة حقيقة علي لها منتج حقيقي وارقام هواتف ومكاتب تهتم بما يعرف (بخدمة الزبائن) او (خدمة العملاء) علي الارض، وان تقدم لعملائها ورش عمل وسمنارات وتدريبات من وقت لاخر. 3-لابد من ان تكون الشركة التي تنوي العمل معها كمسوق شبكي ان تكون لديها رخصة قانونية، في بلد المنشأ. 4-عليك ان تقرا كثيرا عن تاريخ الشركة التي تنوي العمل معها، ماضيها، حاضرها، حتي تتكون لديك فكرة عامة عن الشركة اولا، ثم التسويق الشبكي لها ثانيا. 5- عليك بالصبر في هذا المجال، وترقية وتطوير نفسك داخليا (تعلم مهارات القيادة) وخارجيا (فن الاتصال مع الاخر، الاناقة في اختيار الملبس الخ). 6-اخير وليس اخر، صحيح ان الكل يريد جمع فلوس بشكل سهل وقانوني واخلاقي، بدون تعب او كثير جهد، لكن فليكن في البدء همك الاول ليس ان تسوق منتجك وتاخذ عمولات، بل فليكن هدفك الاول هو ان تربح الزبون في شخصه، وتجعله زبون مدوام لك، ياتيك في كل صغيرة و كبيرة، لان من اهم وسائل انتشار التسويق الشبكي هو المشافهة، والعنعنة. 7-اخيرا عليك بالعلم والتعلم، علم غيرك ما تعلمته حتي تستطيع بناء مجتمع قادر علي فهم موضوع التسويق الشبكي بطريقة علمية واحترافية عالية.

مقالة كنت قد كتبتها قبل ٨ سنوات عن التسويق الشبكي.في مدونتي..
مواقع freelance..Fever.. وغيرها صحيح مجانية لكن المنافسة عالية وبتحتاج لشهور عشان يجيك زبون حيث ان الهنود موجودين بالالاف وباسعار متدنية ممكن ينفع تشتري خدمة Gig لكن تبيع وتكسب منو لازمك صبر أيوب. الروابط الانا جبتها صحيح بفلوس لكن هم بعملوا ليك كل اللازم.

السلام عليكم ورحمة الله وبركاته
بالنسبة للموضوع اللي طرحه الأخ محمد الدقم عن العمل على الانترنت منغير قيود مكانية او زمانية دي حاجة عظيمة وكتير من الناس بتفتش عنها
يا ريت تدينا تفاصيل بصورة أكبر شوية عشان الكل يستفيد م السودان.

يا شباب كل عام و انتم بخير

اخونا محمود معروف انو التسويق الشبكي مجرم و ممنوع بالقانون في الولايات المتحدة
زي ال series letter زمان
و البنتاغونو في بداية التسعينات نظام تدفع 105 دولار 35 للشركة و 35 للزول الجابك و 35
للزول في اعلي القائمة و تجيب 3 اشخاص يعملوا نفس الحاجة عشان قروشك ترجع ليك و تستمر
القصة حتي تصل رأس القائمة و تحصل علي مبلغ 80 الف دولار.

دي كلها فصص ما نافعة

عليك الله كلمنا عن ال affiliate marketing انا ناوي ادخله بقوة عشان زهجت من الوظيفة و الروتين
ناوي ارجع السودان اقضي باقي عمري هناك لو ربنا اذن و راصد للموضوع دا 5000 دولار
شايف في ناس كتار نجحوا و حققوا ملايين في زمن و جيز و ممكن اجيب ليكم امثلة حية.

فبالله نورنا لو عندك خبرة

انا كل العارفو انو بيكون عندك ويب سايت او بلوغ و بتعلن فيهو لمنتجات تختارها او تعلن في
السوشيال ميديا بوضع رابط يقود المشتري للمتجر و كدا يكون الكوميشن بتاعك محفوظ حتي
و لو بعد زمن طويل طالما دخل عن طريقك.

اهم حاجة اختيار السلعة او الخدمة للشركات البتدفع كوميشن و بنسبة عالية و يكون المكان البتعلن
فيهو عندو ترافيك عالية و كمية من الزوار.
مثلا اعلنت لشركة ادوات تجميل معروفة لمنتج بي 100 دولار و الشركة بتدفع كوميشن 10% و الناس
تدخل تتفرج و تمرق بس بدون شراء لكن بعد مدة 3 شهور دخلوا 10 اشخاص من رابطك و اشتروا
جاتك 100 دولار في حسابك و انت نائم في بيتكم.

و الله انا شفت ناس بيعملوا 8000 دولار في اليوم

Quote: و الله انا شفت ناس بيعملوا 8000 دولار في اليوم

البقول كدة مالم يكون شركة كبيرة واسم عمل مشهور غالباً بكون كضاب
في نوع كويس من الـ affiliate marketing بعمل قروش كويسة وهو إنك تبقى partner لمنتج معين
في منتجات ما بتتباع إلى عبر الـ partners بس تختار المجال الإنت شاطر فيه وتبدأ

في حاجة الناس ما منتبهة ليها واللي هي التخصصية .. يعني ما ممكن تكون ما عندك خبرة في الـ IT تقوم تعمل موقع سوق اليكتروني براك .. إلا تعتمد على فريق متخصص تدفع ليه قروش لكن براك موقعك بتهكر ضحى
أنا شخصياً سمعت قصص كتيرة عن ناس عملوا ملايين عبر الزراعة المحمية في السودان لكن ما ممكن ادخل المجال دة لأني ببساطة ما مزارع .. معليش لو عندي صاحبي خريج زراعة وعندو خبرة كويسة في المجال ممكن ادخل معاهو شريك


__________
بالمناسبة أنا مهتم بالمجال جداً وعاوز استفيد من تجارب الناس في الاستدامة لأني شغال فيه على باب الله .. freelancer يعني بالعربي الواضح (عامل يومية)
لسة ما وصلت الثقة اللازمة لبدء مشروع أدفع فيه قروش كتيرة واكرس ليه كامل يومي. فما تفتكروني داخل هنا في دور الخبير وإنما عاوز استفيد من الناس البتكلموا في حاجات واقعية بعيداً عن التسويق الشبكي اللي عارف الفيهو والعليهو والحمد لله ما حصل دخلت فيه ولا في الفوريكس وأشباهه

Quote: شباب كل عام و انتم بخير اخونا محمود معروف انو التسويق الشبكي مجرم و ممنوع بالقانون في الولايات المتحدة زي ال series letter زمان و البنتاغونو في بداية التسعينات نظام تدفع 105 دولار 35 للشركة و 35 للزول الجابك و 35 للزول في اعلي القائمة و تجيب 3 اشخاص يعملوا نفس الحاجة عشان قروشك ترجع ليك و تستمر القصة حتي تصل رأس القائمة و تحصل علي مبلغ 80 الف دولار. دي كلها فصص ما نافعة عليك الله كلمنا عن ال affiliate marketing انا ناوي ادخله بقوة عشان زهجت من الوظيفة و الروتين ناوي ارجع السودان اقضي باقي عمري هناك لو ربنا اذن و راصد للموضوع دا 5000 دولار شايف في ناس كتار نجحوا و حققوا ملايين في زمن و جيز و ممكن اجيب ليكم امثلة حية. فبالله نورنا لو عندك خبرة انا كل العارفو انو بيكون عندك ويب سايت او بلوغ و بتعلن فيهو لمنتجات تختارها او تعلن في السوشيال ميديا بوضع رابط يقود المشتري للمتجر و كدا يكون الكوميشن بتاعك محفوظ حتي و لو بعد زمن طويل طالما دخل عن طريقك. اهم حاجة اختيار السلعة او الخدمة للشركات البتدفع كوميشن و بنسبة عالية و يكون المكان البتعلن فيهو عندو ترافيك عالية و كمية من الزوار. مثلا اعلنت لشركة ادوات تجميل معروفة لمنتج بي 100 دولار و الشركة بتدفع كوميشن 10% و الناس تدخل تتفرج و تمرق بس بدون شراء لكن بعد مدة 3 شهور دخلوا 10 اشخاص من رابطك و اشتروا

معاوية سلامات
يا جماعة الخير الموضوع المطروح لا علاقة له اطلاقا بالتسويق للشبكي؛ بالرغم من ان اضخم شركات التسويق الشبكي موجودة للان
في اميركا مثل شركة Amway و شركة Iitwork والتسويق ليس محرم ولا مجرم في اميركا.
الناس للاسف ماقادرة تميز بين التسويق الهرمي والتسويق الشبكي:
مرة اخري موضوع البوست هو ما بين الشغل الحر Freelancer البيع بالعمولة.

سلامات الدقم
دا الموقع clickearners.com يمكن للزملاء نسخه وكتابته في قوقل يوديهم للصفحة الرئيسة الفيها التسجيل (بدون ال تنسيب القال عليه أحمد)
المهم, الموقع يعد تشترك فيه بديك عناوين واقع أخرى تطرح الاعمال دي وهي زاتها في بعضها عايز تسجيل و برسوم وفي النهاية ما بضمن ليك العمل طبعا لكن بتيقى زي السوق في ناس و شكرات محتاجين خدمات و بنزلوها في الموقع او انت بتعرض وقتك وامكانياتك وسعر الساعة بي كم و بعد داك ممكن تتم الديل او لا.
أنا ما قلت ببيع الوهم بل استخدمت تعبير يبيع الهوا! يعني حاجة اساسا متاحة ومجانية هو يبيعها ليك بتغليف راقي و ظريف و يعمل منها قروش و يغريك انت ايضا تساعده في عمية بيع الهوا دا وتاخد عمولتك
لو كتبت في قوقل online data entry jobs بديك قريب مليار نتيحة في نص دقيقة! فيها طبعا مواقع بيع هوا كثيرة زي دا لكن في نفس الوقت في مواقع جادة بتعرض اعمال حقيقية و مجانية
مثلا موقع freelancer.com الجابو احمد اسي في اللحظة دي في كمية من الاعمال و متوسط التسعير 3-4 دولار في الساعة لاعمال الاكسل, وفي اعمال تحويل PDF لـ WORD متوسط التسعير 300-400 دولار للعمل

Quote: ناوي ارجع السودان اقضي باقي عمري هناك لو ربنا اذن و راصد للموضوع دا 5000 دولار

أديك شغل نجيض؟
تشوف ليك مبرمج تطبيقات موبايل شاطر (للعلم أنا ما بفهم في تطبيقات الموبايل ولا بعرف زول بفهم)
وتشوف التطبيقات المستخدمة في البلد الانت عايش فيه وتطبقها في السودان
مثلاً تطبيق ترحال كان محاكاة لأوبر عمله شاب خريج جامعة السودان وبراك شايف نجاحه
برة السودان الناس بتعتمد على التطبيقات في مجالات كتيرة شديد بس كل العليك تعزل تطبيق كويس وتبداهو هناك
كمثال مثلاً عملت ليك تطبيق توصيل طلبات من المطاعم زي هنقرستيشن انت هنا بتشغل كل اصحاب العربات لحسابك وكل توصيلة بتطلع منها طاقيتك
طبعاً الموضوع بحتاج شغل إداري وقانوني كتير غير البرمجي .. لكن هو مشروع ناجح بكل المقاييس للزول البكرس ليه زمنه

___________
أنا ما عملته لأني ما بنفع مدير .. زول تقني ساي

موضوع التطبيقات دا جربوهوا ناس كتار و ما جاب حقو
خصوصا هنا في امريكا و معظم التطبيقات مجانية و حتي لو بقروش
لازم يشتغل فترة مجاني عشان يشتهر و انت عارف اهلنا السودانيين
الواحد لو حاجة بي 50 سنت ما بشتريها طالما فيها دخيل رقم كريدت
و معلومات لكن لو كاش ممكن يدفع 10 دولار و لو عرق انو القروش دي
ماشه لسوداني حسادة كدا ما بشتري.

علي العموم شكرا علي النصيحة

عندي صاحبي قال لي امشي بيها لاس فيقاس كبها في مكنة
يا صابت يا خابت

جابت ليها كمان لعب قمار اخر العمر ( نهي ما في طريقة )
نتعب و نشقي فيها و يجوا ناس ترمب القمرتية يلحسوها مننا

ليق ليق لك

طبعا زي القصص دي بتلامس شغف ناس المعاشات
والناس القاعدة في البيوت
من قبيل الونسة والإندهاش ممكن تسمع القصص الخيالية
بتاعة فلان قاعد في البيت وعمل 10,000 دولار
لم القروش كان بالسهولة دي ما كان بكون في زول شقيان
اليوم كله عشان 210 دولار ويقع آخر اليوم دايخ... معقولة إذا
في دولارات رب رب رب كان في زول حيشقى

شوفوا لينا المحور تمنه كم والبيت المحمي المستعمل من السعودية بي كم
وبرضه بقرة الفريزيان بي كم