Post: #5 Title: Re: andquot; حمو اسماعيلandquot; فنان مصري يبدع في ال� Author: Biraima M Adam Date: 07-31-2020, 08:05 PM Parent: #4
ود الشيخ، كل سنة وأنت طيب
بريمة
Post: #6 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 07-31-2020, 08:13 PM Parent: #5
ياسلام يا ول ابا كل سنة وانت طيب يا ذواقة نمرة واحد ( على وزن بوري تلاتة)
المحيرني وفي حفل زواج واظن في منطقة نوبية وحفلة رابة واغنية الذكريات لعثمان مصطفى والناس كلها حافظة الاغنية وبتردد معاه !!!! واكيد لاتوجد بينهم اي سحنة سودانية
عليك الله فتشها لينا
Post: #7 Title: Re: andquot; حمو اسماعيلandquot; فنان مصري يبدع في ال� Author: 3bdo Date: 07-31-2020, 10:34 PM Parent: #6
من اخوانا النوبة المصريين ... وهم يعشقون الفن السوداني ... واظنهم يحبون السودان اكثر من حب السودانيين انفسهم لبلدهم ... وده من اهم الاسباب اللي جعلت الحكومة المصرية تتآمر عند بناء السد العالي لتهجير سكان وادي حلفا الي شرق السودان بدلاً عن ترحيلهم لمسافة ٣٠ أو ٤٠ كلم من خط اعلي كنتور للمياه ... لفصل نوبة مصر عن نوبة السودان ... فحب نوبة مصر للسودان هو هاجس ما زال يؤرق الساسة المصريين
Post: #8 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 04:16 AM Parent: #7
اهلا باشمهندس وكل عام وانت بخير
ادناه "العيدية":
Post: #9 Title: Re: andquot; حمو اسماعيلandquot; فنان مصري يبدع في ال� Author: adil amin Date: 08-01-2020, 04:27 AM Parent: #8
يا سلام كلكم ذوق جنوب مصر اقرب ثقافيا للسودان وانا مشيت في زمن كانت فضائية هارموني بتاعة الجعيلي شغالة بفتحوها في مصر من اسوان الي الاقصر مصر الحقيقية غايبة مصر المؤمنة ومغيبة زي السودان الحقيقي ايضا غائب ومغيب بواسطة ادوات المستعمر السري اقليات في مصر والسودان تتحكم بي المخابرات والدولة والبولسية في منطقة اسوان وبلانة في مطربين بجو من السودان يحيو حفلات ابناء النوبة محمد منير غنا لي وردي شبه القمرا
الشعب المصري جيد السيئين النخب بس الصوفية ومحبي ال البيت قبل ان يتشوه الازهر بواسطة الاتراك
Post: #10 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 05:14 AM
حفل نوبي وسوداني:
ادناه يبدأ "والله مارضيناها ليك":
Post: #11 Title: Re: andquot; حمو اسماعيلandquot; فنان مصري يبدع في ال� Author: عبد الصمد محمد Date: 08-01-2020, 05:30 AM Parent: #10
اها ودا حجرنا معاكم
Post: #12 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 05:38 AM Parent: #11
لقد لاحظت يا محمد وعادل وعبدالصمد بعد المعايدة، ان حمو يطوع بعض الالحان السودانية حتى تناسب الذوق النوبي المصري، كما في الاغنية التالية:
Post: #13 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 05:56 AM Parent: #12
نفس النكهة "النوبية المصرية" نجدها في "هسة خايف من فراقك":
Post: #14 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 06:21 AM Parent: #13
حتى حضور صاحب البوست وراعيه الباشمهندس محمد ،
نملأ الفراغ الفني باغنية خليجية فيها نكهة "نوبية مصرية":
Post: #15 Title: Re: andquot; حمو اسماعيلandquot; فنان مصري يبدع في ال� Author: Moawia Mohammed Date: 08-01-2020, 06:25 AM Parent: #13
معايا معايا
Post: #16 Title: Re: andquot; حمو اسماعيلandquot; فنان مصري يبدع في ال� Author: Moawia Mohammed Date: 08-01-2020, 06:27 AM Parent: #15
أودعكم
Post: #17 Title: Re: andquot; حمو اسماعيلandquot; فنان مصري يبدع في ال� Author: Moawia Mohammed Date: 08-01-2020, 06:32 AM Parent: #16
حمام الوادي
Post: #18 Title: Re: andquot; حمو اسماعيلandquot; فنان مصري يبدع في ال� Author: Moawia Mohammed Date: 08-01-2020, 06:39 AM Parent: #17
يلا يا سايق عبد العزيز محمد داوؤد
Post: #19 Title: Re: andquot; حمو اسماعيلandquot; فنان مصري يبدع في ال� Author: Moawia Mohammed Date: 08-01-2020, 06:42 AM Parent: #18
حيرت قلبي معاك
Post: #20 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 06:56 AM Parent: #19
Post: #21 Title: Re: andquot; حمو اسماعيلandquot; فنان مصري يبدع في ال� Author: خضر الطيب Date: 08-01-2020, 07:05 AM Parent: #20
سلام باشمهندس ود الشيخ كل عام انت و الاسرة بألف خير
Quote: وبالعدم
OSMAN MUSA ههههه
ابعد من صاحبي دا انا بعوقك عاوز تشيطنو ؟ هههههه ود موسى دا فنان شامل و متعدد المواهب كونو ينزل فيديو دي شغلتنا انحنا هو امبراطور ما بشتغل شغلانية ذي دا
Post: #22 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 07:07 AM Parent: #21
Post: #23 Title: Re: andquot; حمو اسماعيلandquot; فنان مصري يبدع في ال� Author: osama elkhawad Date: 08-01-2020, 07:56 AM Parent: #22
هذا حفل يبدأ ب: "اقروا ليها يا الفقرا
من عين الحسود تبرا":
ساهرت بينا يا باشمهندس،
في ميزان مناقبك العالية المديح.
Post: #24 Title: Re: andquot; حمو اسماعيلandquot; فنان مصري يبدع في ال� Author: نعمات عماد Date: 08-01-2020, 08:05 AM Parent: #23
كل عام و انتم بخير محمد الشيخ و ضيوفك
أقترح على الأستاذ السر قدور في أغاني و أغاني الموسم القادم
يجيب حمو و فنان و فنانة من اثيوبيا.
Post: #25 Title: Re: andquot; حمو اسماعيلandquot; فنان مصري يبدع في ال� Author: الصادق عبدالله الحسن Date: 08-01-2020, 09:16 AM Parent: #24
=
Quote: أقترح على الأستاذ السر قدور في أغاني و أغاني الموسم القادم يجيب حمو و فنان و فنانة من اثيوبيا.
فكرة رائعة يا دكتورة نعمات وأقترح أيضاً ضم صاحبة الفيديو أدناه إلى حضن البرنامج ما دام الريد بين شعوب حوض النيل اختلط بالدم.
كل عام وكل المتواجدين المخاليق على ضفاف حوش بكري وكل المغنين الجميلين المطاليق على شطآن حوض النيل بألف ألف خير.
والتحية لصاحب البوست وضيوفه وحقق الله أمانيكم
وبلّغكم الـ "مرام".
... .. .
Post: #26 Title: Re: andquot; حمو اسماعيلandquot; فنان مصري يبدع في ال� Author: علاء سيداحمد Date: 08-01-2020, 09:43 AM Parent: #25
انا بتفق مع الاخ عبدالله جبريل فى المقتبس ادناه لان صوته الطبيعى فعلاً يختلف :
Post: #27 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 09:57 AM Parent: #26
معليش بجيكم واحد واحد كنت بس مضيوف
Post: #28 Title: Re: andquot; حمو اسماعيلandquot; فنان مصري يبدع في ال� Author: Hafiz Bashir Date: 08-01-2020, 10:31 AM Parent: #27
سلام محمد الشيخ سلام معاوية محمد وكل سنة وإنتو طيبين وضيوف البوست
يا معاوية أفتكر الغنى أغنية اودعكم دا محمد فوزي وفي واحد تاني إسمو محمد خليل ويبدو إنو الأغنيات السودانية هي الأغنيات الأكثر إنتشارا عند النوبة المصريين.
محمد فوزي في أغنية الفات زمان
محمد خليل في ست الودع
Post: #29 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 11:16 AM Parent: #28
احيي واعيد على الاخ العزيز عبدو استاذي اسامة الخواض الرفيق( الشقيق) جقود اخي عبد الصمد الاخ معاوية خدر الطيب المقابل الرسمي للحوثي الدكتوره نعمات واناشد معها عمنا قدور لاستضافة هذا الفنان الذي يمثل شعب كامل من محبي الفن السوداني الشعب النوبي
واشكرهم على نجاح ذوقي الفني في المشابهة مع اذواقهم الراقية . استاذني اسامة الرجاء عدم التصحيح لاني لغويا حا اجيب اعد. اهو المرة دي اتفقنا فنيا مع الحوثي تحياتي ودعواتي لكم احبائي
Post: #31 Title: Re: andquot; حمو اسماعيلandquot; فنان مصري يبدع في ال� Author: جمال ود القوز Date: 08-01-2020, 11:30 AM Parent: #28
Quote: هل صحيح هو فنان مصري ام وصلتني معلومات مغلوطة؟
مش مغلوطة حمو إسماعيل مصري من قسطل طبعا أدندان وبلانة وقسطل وأبو سمبل هؤلاء أغلب السكان اصولهم من حلفا وفرس لذا تأثير السودان عليهم كبير ثقافيا سكان قسطل وأدندان من الناس الرفضوا التهجير لنصر النوبة ومتبهدلين جدا لكن احتفظو بالاطلالة على النيل أخير كتير من صحراء نصر النوبة .. وطفح المجاري والثعابين والكتاحة
لكن يا محمد هناك تساءل لا زلت افكر فيه وطرحه اريتري ليه السودانيين ناكرين البني عامر أو جزء القبيلة المتواجد في السودان والمتجنسين كمواطنين سودانيين وبيعتزوا بانتماءهم للسودان وبيعايروهم بانهم أجانب حتى الوالي صالح عمار عيروهو بانه اجنبي كل ده وجارين متلصقين في النوبة المصريين الناكرين سودانيتهم مع إني نوبي واسوان ما بحس فيها إني غريب بعامل اللغة لكن في النهاية هي منطقة خارج السودان وانا فيها اجنبي والفيها رغم إنهم قبيلتي لكنهم مصريين مش سودانيين زيي عليك الله مش ده إنفصام وكيل بمكيالين .. عبد الله خليل من بلانة والصحفي المقتول مكي الناس كذلك والكنوز مالين الخرطوم وغيرهم كتير جدا اصولهم من قرى حدودية مصرية أو تم ضمها لمصر بي صورة أو بأخرى لو كانت سودانية قديما والمثلث شمال وادي حلفا بيشمل القرى دي كلها وتم ضمه لمصر قريب ده الناس ديل كووووولهم زول بعايرهم بانهم أجانب مافي في حين يتم معايرة البني عامر حتى لو كانوا مواليد السودان كابر عن كابر وأصولهم سودانية وكذلك الأمر ذاته على حدودنا الغربية وبيتم معايرة الزغاوة والبرقو والمساليت وكثير من القبائل الاخرى وحتى البقارة بانهم تشاديين ... ليه ؟؟ !!! .. دي دونية واستعلاء من جانب السودانيين في التعامل مع المكونات العرقية لسكان الحدود أم ماذا؟ ومعروف إنه الحدود وفي اي مكان في العالم فيها الاثنيات المشتركة وتحمل جوازات مختلفة
معليش استغليت بوستك الفني ده - لكن الكلام ده محيّر جدا
Post: #34 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 11:39 AM Parent: #31
ياود القوز مرحب بيك
ما اظن في استعلاء معمم من السودانيين تجاه الجيران من الشرق بل هناك تنافس قبلي في المنطقة يتم استدعاءه عند المحكات بين المتنافسين
كل سنة وانت طيب
Post: #35 Title: Re: andquot; حمو اسماعيلandquot; فنان مصري يبدع في ال� Author: جمال ود القوز Date: 08-01-2020, 11:51 AM Parent: #31
Post: #32 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 11:30 AM Parent: #26
الاخوان علاء وجبريل من النافذة
كلامكم صاح وايضا طبعا بحكم الثقافة بتاعتو ساجن روحو في ايقاع العشرة بلدي ( نسيت اسمو العلمي) فغنى ايقاع الدليب بهذا الايقاع فعذرناه ولكن لاعذر في باقي الاغنيات مثل والله نحن مع الطيور واخواتها والتي حاول تطويع ايقاعها لنفس الايقاع ال common طبعا ومطلوب جماهيره النوبية الذواقة
Post: #30 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 11:22 AM Parent: #25
شكرا الصادق على الهدية الجميلة وكل سنة وانت طيب
Post: #33 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 11:33 AM Parent: #30
تحية ومعايدة لمولانا حافظ شكرا لدعمكم لاهلنا في جنوب مصر
Post: #36 Title: Re: andquot; حمو اسماعيلandquot; فنان مصري يبدع في ال� Author: نعمات عماد Date: 08-01-2020, 11:51 AM Parent: #33
جمال القوز كل سنة و انت طيب
اظن ان اللغة و الإعلام ليهم دور في قبول النوبة كمشابهين للسودانيين.
بالنسبة لغرب السودان ،غير مسألة اللغة و التعتيم او التجاهل الإعلامي
هناك مسألة الحواكير و النزاع على الأراضي.
أما الأريتريين فما عندي فكرة لماذا هم مرفوضين في الشرق، ربما للسياسة
نحن اصدقاء وزملاء دراسة، فمسالة "استاذي" هي قطرة من بحر لطفك وأدبك الاصيل، ولا أستحقها.
قالت الاستاذة نعمات:
Quote:
أقترح على الأستاذ السر قدور في أغاني و أغاني الموسم القادم
يجيب حمو و فنان و فنانة من اثيوبيا.
أوافق بشدة، وهذا اقتراح ممتاز ويستحق اوسكارا.
فقط نريد من بكري ان يوضح لنا من يقرا هذا المنبر، حتى لا نخاطب بشرا وكيانات لا تقرأه، في السودان.
ونعرف اننا مجموعة مهاجرين وقليل من أهل "الداخل"،
Post: #38 Title: Re: andquot; حمو اسماعيلandquot; فنان مصري يبدع في ال� Author: Ahmed Yassin Date: 08-01-2020, 06:22 PM Parent: #25
اعرق شعب في تاريخ البشر حضارة وارث وتاريخ الاف السنين تم تهجيرهم من ارضهم بعدا عن النيل الذي هو كل حياتهم اسكنوهم في (44) قرية معظمها في محافظة (كوم امبو) دون اي تعويضات انما فقط وعود كاذبة لعشرات العقود واهمال متعمد ومقصود وشارك فيه حتى حسين طنطاوي وزير الدفاع الاسبق الاصله من النوبة. موضوع الاعاني السودانية بلسان نوبي مبين من جنوب مصر لم يبدأه احمد منيب الملحن الشهير امحمد منيب ولا محمد منير ب(وسط الدايرة) ولكن كان (فيكا) واسمه (عبدالرازق) باغنية خفيفة (كدة كدة يا التريلا) ولقت شهرة تعتبر تاريخية ورددها الجميع زي ما بقولوا من المحيط للخليج وغناها (الجسمي) حمو اسماعيل فنان (حفلات) ولو لاحظتوا الايقاع لأي اغنية هو ايقاع (عشرة بلدي) مع (تخفيف اللحن) ليتماشي مع (خطوة) الرقص النوبي لكن ابرز مغني من نفس نوعية حمو اسماعيل اسمه (محمد فوزي)
Post: #39 Title: Re: andquot; حمو اسماعيلandquot; فنان مصري يبدع في ال� Author: علي عبدالوهاب عثمان Date: 08-01-2020, 06:47 PM Parent: #38
التحية للاحباب .. اصدقكم القول إننا في اربطة ابناء دنقلا والرابطة النوبية لدينا تواصل عميق جداً مع اخواننا نوبة مصر .. اقسم بالله فقط الحدود الذي تم رسمه بخط مستقيم .. لا يوجد أي فرق في اي شيء طبعاً اللغة واحدة ماتوكي وفاديجا .. نشاطنا مع بعض في اليوم العالمي للنوبة 7/7 من كل عام لم نحتفل به بسبب ( الكورونا ) .. عندهم فنانين بالنوبية فوق الوصف منهم ( هشام باطا) ويجيدون الاغاني النوبية بأحتراف حتى محمد منير في اغنية ( اسمر شيريتو .. دسي ديناريرقو) وكذلك اغنية ( أيا شمندورا منجنا .. بحرنق قسكو منجنا ) يا سلام على محمد منير يجعل الدموع تنهمر نشاطنا عادي في جمعية قسطل وعنيبه وفي الليالي النوبية .. وقناة الشمالية تنقل الكثير من حفلات النوبية وتجد الفنانين النوبيين بكثرة حتى في شاب صغير من نوبة مصر لديه مديح للحج با لنوبية (قمة الطرب) يقول فيها : شرقن قلو .. النبي جو زورادلو دعنا نذهب شرقاً لزيارة قبر النبي (ص) هذه المدحة مبالغة ( نسيت اسم الشاب الجميل ده )
لا يوجد أي فرق بين النوبة في السودان ومصر من حيث التراث والغناء هم اقرب لنا وكأنهم جزء منا .. ولدنا الفنان أمجد صابر اكثر فنان مرغوب لدى نوبة مصر على طول دعوات في القاهرة واسوان لاقامة ليالي
تحياتي الاحباب .. لولا الكورونا كنا احتفلنا هذه الايام
Post: #40 Title: Re: andquot; حمو اسماعيلandquot; فنان مصري يبدع في ال� Author: Ahmed Yassin Date: 08-01-2020, 07:30 PM Parent: #39
عمنا علي
Quote: شرقن قلو .. النبي جو زورادلو ( نسيت اسم الشاب الجميل ده )
احمد اسماعيل
Post: #41 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 09:10 PM Parent: #40
احمد يس سلام وتحية كتبت لك ماسنجر والي يمشي وقلت ليك تعال ياخ شوف كلامنا الجربندي دا وادينا رايك حتى ولو تنسف البوست من اصلو والله الرسالة رفضت تمشي وكأنها تقول احمد ما محتاج دعوة ياخ احمد سيد المناسبة الحمد لله جيتنا وفيك ملامحنا وكمان اتفقت معاي في توجيه كل الاغنيات للعشرة بلدي ( بالمناسبة اسمو العلمي شنو ناس اربعة من ستة وتلاتة على واحد وو) شكري وتقديري
Post: #42 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 09:15 PM Parent: #41
معلم الاجيال وسيد الرصة والمنصة زاتها الف اهلا بيك الف اهلا بالموسوعة النوبية التي اين ماحلت نورت مرحب علي عبد الوهاب وننتظر المزيد في هذا البوست
الاستاذ الخواض
لاتعلو العين على الحاجب
Post: #43 Title: Re: andquot; حمو اسماعيلandquot; فنان مصري يبدع في ال� Author: علي عبدالوهاب عثمان Date: 08-01-2020, 09:18 PM Parent: #40
احمد أمبس .. فنانا الكبير أذكر نظمنا ليلة ثقافية رائعة في جمعيتكم في البغدادية وجمعنا كل النوبة في تلك الليلة نوبة مصر ونوبة الجبال كلنا كوحدة واحدة تحدثنا عن الكاتب النوبي الجميل الرائع ( ادريس علي ) ليلة كانت جميلة جماعتكم طبعاً في جمعية بنا معروفين بالكرم والضيافة لأن كمان الصالة واسعة والتكييف مع الأكل محمدعبده والشباب
صدقني موسيقارنا الجميل احمد أنا صدقت أن لدينا خط رجعة وهم أيضا لهم خط رجعة
شكرا على ايراد اسم الفنان الشاب ولدنا ( احمد اسماعيل ) مدحة تدمع العين الولد صوتو جميل ورائع .. يا ريت تسجيل المدحة بعد اذن ودالشيخ الحبيب
آسفـــــــــــــــــــــــــــــــــــين كثيــــــــــــــــــــــــــر حبيبنا ودالشيخ على احتلال للبوست بدون شعور لأن الموضوع جميل
معليـــــــــــــش ود الشيخ .. لأن البوست لمس وجدانا .. ومرجعياتنا
شكرا كثير الحبيب ودالشيخ ..
Post: #44 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-01-2020, 09:44 PM Parent: #43
كلمت صحيفة التيار و بالصدفة لقيت الأستاذ موسى حامد.
انسان في منتهى الذوق، بكرة بيكون عنده رقم أستاذ السر قدور.
Post: #46 Title: Re: andquot; حمو اسماعيلandquot; فنان مصري يبدع في ال� Author: عبدالمنعم الطيب حسن Date: 08-01-2020, 11:11 PM Parent: #45
تحركنا من محطة مصر في قلب القاهرة بالقطر ووجهتنا اسوان وكان معنا في السفرية طالب زميلنا فنان وعزاف ومعاه عود بدينا نغني شوية شوية تجمع حولنا شباب مصري فيهم كم فنان ياخ غنوا اغاني والله بعضها ما سمعت بها غنوا لهاشم مرغني ولوردي ولترباس وخوجلي وحمدالريح وحنان بلولو وكابلي وعثمان حسين استمرت الرحلة اكتر من ١٠ ساعات لم يتوقفوا عن الغنا ابدا بل ظهر منهم عازف ونزل العود واشتغلوا شغل مبالغة مدينة اسوان كانها حلفا الفن يربط بين الشعوب بل اعظم رابط
Post: #47 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-02-2020, 08:01 AM Parent: #46
هلا ودالطيب وكل سنة وانت طيب وطمننا علي الاهل بعد السيول دي
امنيتي ازور اسوان واخد فيها يومين تلاتة
اخوي الاكبر مشى اسوان شهر العسل في التمانينات وفي موقف التاكسي سال : يا جماعة مافي تكاسي من ولاد عمنا الجعافرة ؟ فدلوه على واحد ابو شنبات فرامة فتعرف عليه وانو من ابناء العمومة جعافرة السودان الراجل فسح اخوي ليومين في اسوان وما جاورها وفي النهاية حلف طلاق ما يشيل تعريفة !
المهم هاشم رد التحية بالمثل وقام باهداء زوجته خاتم ذهبي
Post: #48 Title: Re: andquot; حمو اسماعيلandquot; فنان مصري يبدع في ال� Author: أحمد محمد عمر Date: 08-02-2020, 09:14 AM Parent: #47
(مواطن صالح يركب جمبك في المواصلات وتشحده سفة) دة وصف صاحبي للشخص العادي :)
دحين زولكم دة مواطن صالح بامتياز لكن مرام الجابها الصادق دي فنانة حقيقية بس ما قدرت أعرف جنسيتها الشكل اثيوبي واللهجة أقرب للمصرية
Post: #49 Title: Re: andquot; حمو اسماعيلandquot; فنان مصري يبدع في ال� Author: MOHAMMED ELSHEIKH Date: 08-02-2020, 09:23 AM Parent: #48
Quote: مواطن صالح يركب جمبك في المواصلات وتشحده سفة) دة وصف صاحبي لشخصص العادي :)
ههههه ظهرت من وين ؟ بس تظهر مع أغاني الجكس قاعد جنبي جنوبي وشحدني سفة ولم يجدها شحد المقابل برضو شرحو
واحد في اخر البرينسة طلع كيس بسم الله ماشاء الله صاحبنا حكر السفة ورجع الكيس المدوعل للراجل وقال ليهو:
" يا كوي هكاية شنو انت اصلك ماشي قدارف؟" القضارف
Post: #51 Title: Re: andquot; حمو اسماعيلandquot; فنان مصري يبدع في ال� Author: أحمد محمد عمر Date: 08-02-2020, 09:56 AM Parent: #49
فعلاً ناس الشرق يطمنوك في السفة .. أي زول من طرف تلقاهو شايل كيس مخدة على العكس من بعض ناس أهل الغرب بحسب صاحبي .. قال بزرعوهو وببيعوهو لكن بقرفوا منه عيدت على صاحبي أمس بالتلفون فرحااااان قال لي خلاص فارقت الصعوط فراق الطريفي لي جمله قلت ليه ليك كم؟ قال لي شهر كااااامل قلت ليه ياخوي أنا لي 5 سنين من آخر سفة وما بتكلم بالثقة بتاعتك دي الشئ دة غدار أصلو ما بنضمن من المدن الغريبة في مسألة الكيف عطبرة مشيت مع أصحابي وكلنا بتاعين شيشة لكن أنا زول نكهات ناس تفاح وفراولة ونعناع وكدة .. الجراك ما زولي نهائي بعد وصلنا بيت صاحبنا العطبرواي قالوا طالعين يشربوا شيشة العطبراوي قال لي ياخوي انت خليك قبلك ما تطلع معانا :) ولا تمشي أي محل شيشة في عطبرة هنا كان قلت عاوز تفاح بفتكروك هناي التفاح دة هنا بتاع الجكس
Post: #50 Title: Re: andquot; حمو اسماعيلandquot; فنان مصري يبدع في ال� Author: Ahmed Yassin Date: 08-02-2020, 09:44 AM Parent: #47
اسوان من اجمل المناطق في العالم خاصة في الشتاء وفيها (النادي السوداني العربي) وانا الحقيقة اعترضت على كلمة (العربي ) واختلفت مع سكرتير النادي السيد\ محمود خليفة والعم (عبدالله كنة) .والباشمهندس عباس راجي مدير هيئة وادي النيل وقلت ليهم مين القال ليكم نحن عرب اذا كان المصريين انفسهم جايين من اصل شركسي اقباط وبطالمة ويونانيين وامير الشعراء احمد شوقي اصله (شركسي) والنادي ملاصق لمبنى المحافظة (الهيتة بالهيتة) صراحة في تلك الايام كان اكثر انشطته (تنس الطاولة) ومخصصين ليها غرفة كبيرة من الخشب والنادي فاضي دون اي نشاط اجتماعي او فني وبحكم (البحث ) في تاريخ الغناء النوبي والرقص اقمنا به حفلات (بالرطانة فقط) ومن جمال هذا الغناء والرقص المصاحب لا يمكن وصف الحالة والانتعاش الحصل للنادي وتقريبا سينما الخواجة وسينما ابوشوك اصبت مقاعدها شبه خالية وبعد فترة وجيزة بفعل الزحام كان الحضور خارج اسوار النادي اضعاف من الداخل وطبعا اسوان منطقة سياحية كانت مليانة بالخواجات على متن البواخر النيلية الراسية في النيل اصبح النادي قبلة للسياح واسوان مشهورة بالقوارب الشراعية الصغيرة وجزيرة النباتات الي يقال ان فيها جميع نباتات العالم واسوان فيها معابد ومسلات وتاريخ عجيب منطقة التهجير الفديجات: الديوان - المالكي - أبو حنضل -عنيبة- الدر وتنقالة - إبريم - قتة - الجنينة والشباك مصمص توشكي شرق وغرب - أبو سمبل قسطل - بلانة أول - بلانة ثاني - بلانة ثالث - أدندان - توماس - عافية والنوبة فيهم اكثرية في منطقة (الخزان) داخل اسوان وطبعا التهجير الظالم وزعهم (دون استحياء) على قرى كوم امبو تجمعات النوبة داخل المدينة تفسها: غرب أسوان -الشلال - الجزيرة -جزيرة اسوان -جزيرة سهيل -غرب سهيل - جزيرة هيسا - جزيرة عواض- تنقار - المحطة- بربر - منشية النوبة- -الكرور- أراشكول -المسي تود - الحصايا - الشيخ هارون ـ السيل - الخزان - الحكروب
الشئ دة غدار أصلو ما بنضمن
التفاح دة هنا بتاع الجكس