Post: #2
Title: Re: المجلس السيادي يشرع في شراء ٣٥ سيارة فخمة
Author: علي عبدالوهاب عثمان
Date: 07-30-2020, 01:40 PM
Parent: #1
الحبيب التاج ..
وين سيارات انفينتي
لا بد من احالة الموضوع الى شباب الثورة ولجان المقاومة
ما عارف الجماعة ديل باقي ليهم كم من الزمن ؟
هم البداية قالوا ما عايزين سيارات على حساب الشعب
نحن في مشكلة ..
تحياتي التاج
|
Post: #3
Title: Re: المجلس السيادي يشرع في شراء ٣٥ سيارة فخمة
Author: Deng
Date: 07-30-2020, 02:10 PM
Parent: #2
الخبر ده واضح جدا أنو فيه حاجة ما راكبة عدلة.
ولكن الكوز عمر التاج خطف الخبر ولسان حاله يقول وجدتها وجدتها.
الكوز عمر التاج مصر إصرار غريب في أن يساوي جرائم وفساد الاإنقاذ بالحكومة الإنتقالية التي أتت للسلطة عن طريق ثورة شعبية.
|
Post: #4
Title: Re: المجلس السيادي يشرع في شراء ٣٥ سيارة فخمة
Author: عبدالعظيم عثمان
Date: 07-30-2020, 02:13 PM
Parent: #3
خبر بدون مصدر
ومافيه اي إسم.. معلومات منجورة نجر
|
Post: #5
Title: Re: المجلس السيادي يشرع في شراء ٣٥ سيارة فخمة
Author: يحي قباني
Date: 07-30-2020, 02:20 PM
Parent: #4
بالله يدكم معانا
ده ارشيف اليوم التالي لكل الشهور الفاتت
https://alyoumaltali.net/2020/07/https://alyoumaltali.net/2020/07/
|
Post: #6
Title: Re: المجلس السيادي يشرع في شراء ٣٥ سيارة فخمة
Author: يحي قباني
Date: 07-30-2020, 02:21 PM
Parent: #5
و دي الجريدة في عضمها
بالهمة يا رقاله
https://alyoumaltali.net/https://alyoumaltali.net/
|
Post: #7
Title: Re: المجلس السيادي يشرع في شراء ٣٥ سيارة فخمة
Author: Abdullah Idrees
Date: 07-30-2020, 04:33 PM
Parent: #6
اذا الخبر ورد في صحيفة يومية معروفة ، يبقا المشكلة ما مشكلة عمر التاج
عمر ينقل طوالي وده شي ايجابي بالمناسبة عشان الناس الما بتقرا جرايد والمغتربين
والمهاجرين يعرفوا الحاصل في البلد شنو ، بعد داك لو الخبر صحيح الناس تعرف
انو في فساد ، خبر مضروب يشوفو الجريدة البتلفح دي بتلفح لييه ؟
|
Post: #8
Title: Re: المجلس السيادي يشرع في شراء ٣٥ سيارة فخمة
Author: Salah Musa
Date: 07-30-2020, 04:38 PM
Parent: #7
الغرض مرض
|
Post: #9
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 07-30-2020, 06:12 PM
Parent: #8
يعني بقت على ال٣٥ سيارة دي يا قحاطة يامقحطين؟ وياعملاء يا انفصاليين؟
ما حميدتي قبل شهرين نزلهم ١٠٠ تاتشر بدون عطاء وبدون ما وزارة المالية تعرف
وحتى ناس السيادي كان ماشافوا قائد من الدعم السريع يستقبل قطار شحنها ما كانوا عارفين تبع شنو؟
مالكم وكتين عرفتوها ما قلتم بغم؟
وبعدين يعني دي اول عملية فساد نتحدث عنها في المنبر ده؟
قبل اسبوع ما نزلنا حوافز وزارة الصحة المليارية مالكم اتبلمتم؟
ولا قايلننا نسينا الانفنيتي اخر موديل بتاعة السيادي الراكبها الان
يوم قلتم حكومة الثورة ما بتركب غير حافلات زي المواطنين؟
تبا لكم.
|
Post: #10
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 07-30-2020, 06:17 PM
Parent: #9
حد يجيب الفيديو بتاع القيادي القال نحن ماعندنا مدنيين في المجلس السيادي يركبوا انفينيتي عشان نتذكر..
|
Post: #11
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 07-30-2020, 09:02 PM
Parent: #10
اها يا قباني؛ ابحاث تكذيبك وصلت وين؟
وما قلت لي لو الخبر طلع صحيح حا تعمل شنو؟
شكلك حاتعمل زي عمل جحا لمن سرقوا حماره...
أو تعمل زي ما عملوا ناس المنبر لما جبنا خبر الانفينيتي
او تعمل زي ما عمل عبد العظيم لو بتاع الغرض مرض
لما جبنا ليه خبر الحافز الملياري لبتوعين التوعية
ياخ فضائحكم بقت بجلاجل..
|
Post: #12
Title: Re: المجلس السيادي يشرع في شراء ٣٥ سيارة فخمة
Author: جمال ود القوز
Date: 07-30-2020, 09:03 PM
Parent: #10
أعتقد المشكل في الشخصية السودانية ذات نفسها ..
لانها من تصل للحكم بيتشقلب حالها وينقلب كيانها
وتبدأ تعيش حالة من الانفصام العجيب عن المواطن ..
ومعيشته وتعيش في ابراج عاجية وتركب العربات الفخمة ..
وتبني البيوت والفلل والعمارات هسه أدوا الحكومة دي
زمن قليل وحتشوفوا العجب حيروح المواطن في الرجلين
ولا حيلقى اليبكي عليهو ولا البيحس بي معاناته ..
وأي صوت بيعارض أو بيحاول يكشف الفساد ..
حيتم اخراسه والجامه بي أي صورة من الصور
لانه الآن بيتم التستر على الفساد تحت بند الانكار
والهجوم على من يجلب أي خبر أو شبهه للفساد
وبتتعمل حالة خاوية من التغبيش والدفاع الميت
وبدل ان يتم التأكد من الخبر ومصدره وحقيقته ..
راسأ بيتم الهجوم على ناقل الخبر وبصورة
أقل ما يكون وصفها بأنها هستيرية ومتشنجه
وأقرب للأفعال الطفولية الصبيانية ..
الناس التتأكد من صحة الخبر بعد داك ..
عمر التاج هين قاعد في المنبر تعالوا ألعنوا سنسفيل خاشو ..
غايتو حكاية إسكات الرأي المخالف بالصورة الشايفنها دي ..
كان في المنبر أو خارجة ظاهرة غير صحية ..
والكلام ده لي قدام حيسحب وراهو بلاوي متلتلة ..
|
Post: #13
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 07-30-2020, 09:26 PM
Parent: #12
Quote: عمر التاج هين قاعد في المنبر تعالوا ألعنوا سنسفيل خاشو ..
غايتو حكاية إسكات الرأي المخالف بالصورة الشايفنها دي ..
كان في المنبر أو خارجة ظاهرة غير صحية |
كلنا انخدعنا فيهم يا جمال..
كنا مفكرين دعاة الحرية ناس متحضرين وحايفتحوا مسارات الوعي على مصراعيه
ولكن تبين انهم مااتوا لحوار ولا حرية؛ بل جاؤوا لسطلة وتمكين وكبت من نوع آخر..
دعاة الحرية الان يطالبون إسكات اي صوت لا يسبح بحمد حمدوك أو يمجد حكومة قحت بالحق أو الباطل..
أما حكاية التمكين والفساد فأنا اول من كشف حقيقتها في هذا المنبر.. وفكرتها تتماشى مع مداخلتك تماما.. ولكني سبقتك بالقول ان المشكلة ليست في الكيزان أو الشيوعيين فقط.. المشكلة الحقيقية في الحكم الشمولي الذي يمكن لنفسه في السلطة ويكمم أفواه الآخرين.. المشكلة في استخدام الدولة البوليسية كوسيلة اساسية السيطرة والحكم والديمومة؛ مشكلة السودان الحقيقية في الصراع على البقاء في الحكم رغم الفشل؛ واستطالة أمد الحكم بغرض السيطرة على أدوات الديمقراطية وأصوات المنتخبينظ وهذا مايبدو جليا من ممارسات الحكومة الإنتقالية الحالية؛ ومالم نشهده حتى في حكومة الكيزان الانتقالية التي قادها سوار الذهب والجزولي وسلموا بموجبها السلطة لحكومة الصادق المنتخب بعد عام واحد؛ لم يشهد الا الاستقرار والرخاء النسبي.
|
Post: #14
Title: Re: المجلس السيادي يشرع في شراء ٣٥ سيارة فخمة
Author: nour tawir
Date: 07-30-2020, 09:37 PM
Parent: #13
تم تفويض الضابط مصطفى عبدالحفيظ عثمان
من قبل القائد العام للقوات المسلحة البرهان
كضابط متخصص فى جرائم المعلوماتية
لفتح بلاغات و متابعة الشكاوى
ضمن فريق باشراف المدعى العام العسكرى
و عضوية ضباط قانونيين من القضاء العسكرى
تتلحص مهامهم فى رصد كافة الاساءات
التى تمس القوات المسلحة بكل مكوناتها
واتخاذ الاجراءات القانونية اللازمة...
لاحظ ان مصطفى عبدالحفيظ عثمان
هو من قطع النت يوم 30 يونيو عشية مجزرة القيادة
لطمس معالم الجريمة..
|
Post: #15
Title: Re: المجلس السيادي يشرع في شراء ٣٥ سيارة فخمة
Author: جلالدونا
Date: 07-30-2020, 09:50 PM
Parent: #14
عمر التاج يا جمال اسفر عن وجه اقل وا يقال عنه و هابي
و يكفيك موقفه من تعيين المرأو كوالى
و كمان كشف عن ثعلبانية ماكرة فى نقد الوضع الحالى
و الحمد لله الحاجة دى ما انطلت على الاعضاء هنا
و ظهر الخيط الابيض ليفضح خبيئته المتدثرة بالاستقلالية
نفس هذه الثعلبانية تجدها عند الشيخ سيداحمد برضو
|
Post: #16
Title: Re: المجلس السيادي يشرع في شراء ٣٥ سيارة فخمة
Author: جمال ود القوز
Date: 07-30-2020, 10:24 PM
Parent: #15
Quote:
عمر التاج يا جمال اسفر عن وجه اقل وا يقال عنه و هابي
و يكفيك موقفه من تعيين المرأو كوالى
و كمان كشف عن ثعلبانية ماكرة فى نقد الوضع الحالى
و الحمد لله الحاجة دى ما انطلت على الاعضاء هنا
و ظهر الخيط الابيض ليفضح خبيئته المتدثرة بالاستقلالية
نفس هذه الثعلبانية تجدها عند الشيخ سيداحمد برضو |
طيب المشكلة شنو ياجلال ... سواء تاج أو الشيخ
ناس شايفين فشل الحكومة دي معارضين لوجودها
لأن وحسب رأيهم فشلت حتى الآن في إنها تقدم نفسها
بالصورة التلقى بيها القبول عندهم ..
ليه الناس ترجمهم بعظائم الأمور
من عينة الزول ده كوز وما عارف شنو ..
مع إنه كلمة كوز دي تم إطلاقها على ناس يساريين عديل ..
هل ده منطق يتواجدوا بيهو الناس في مكان واحد ..
هل عاجبك شغل الألفوات وكتابة المهرجلين
ومطاردة الاصوات المعارضة بين البوستات ..
الشغال في المنبر اليومين ديل !!
تقديري ياخ ........
|
Post: #17
Title: Re: المجلس السيادي يشرع في شراء ٣٥ سيارة فخمة
Author: جلالدونا
Date: 07-30-2020, 10:52 PM
Parent: #16
يا جمال القوز
اول حاجة كل سنة وانت طيب و الاسرة و كل الاهل بألف خير
______
يا اخوى نحنا زاتو قاعدين نعارض بعض خطوات قحت و الحكومة كمان
و منها ربط تعيين الولاة المدنيين بمحادثات السلام
دى اصلا ما مشكلة و لا عندى ذرّة اعتراض عليها
يبقى المشكلة وين يا جمال
لما المعارضة دى يكون وراها غرض
عندك وزير الصحة اكرم
و شوف عبد العطيم و صلاح الزبير و الردحى الردحوحو هنا
بعد اقالة اكرم صمتوا صمت القبور كأنو بين ليلة وضحاها
الصحة بقت عال العال و كورونا بقت بالباشميلّا
مع انو بعد ذهاب اكرم مباشرة اتحاد مصنعى و مستوردى
الادوية اعلن عن زيادة كبيرة فى اسعار الادوية
و وحات قبايل العيد دى الحاجة دى ما حرّكت
حاجة فى الضمير الكان ملهوف على صحة الناس
فى بوست لى بشير احمد ابتدره بالاسف و التغزّل فى المجرم البشير
يجى اخونا الشيخ و يقول ليهو انت و من تحب فى خير
لو بتفتكر دى معارضة يبقى انا اخير اقوم اعرض مع نانسى عجرم
اما بالنسبة لى عمر التاج فيكفيك بوست الحديث الاحادى
و منّو بدأ فى التجريم عديل كده
فيا اخوى فرق بين المعارضة و بين الداير يلوى الايد
و يسوقنا لى عهد الانقاذ الساقطة الى يوم الدين
|
Post: #18
Title: Re: المجلس السيادي يشرع في شراء ٣٥ سيارة فخمة
Author: جمال ود القوز
Date: 07-31-2020, 00:19 AM
Parent: #17
وإنت طيب يا جلال وأضحى مبارك عليك وعلى من تحب ..
المقصود طبعا من تحب من أسرتك الصغيرة والكبيرة وأهلك وأقاربك ..
ما ظنيت مقصود الشيخ كان أكتر من كده ..
بالنسبة لي دكتور أكرم أنا غايتو شايف إنه بدأ بداية موفقة جدا
وكان ماشي كويس ثم فجاة بدا في الاستفراد برأيه
ومافي حاجة جابت ليهو المشاكل الا الاقالات التمت داخل وزارة الصحة
لان الاقالهم ديل لعبوا ضده بطريقة فيها نوع من الانتقام والتشفي ..
وتقريبا أغلبيتهم شيوعيين مخالفين له في طريقة إدارته للوزارة ..
ده ما بنفي إنه لوبيات الدواء كان لهم دور في اقالته برضو
فلو عمل في صمت ودون اقالات وتصريحات وحارب لوبيات
المستشفيات وشركات الدواء بطريقة حكيمة وبروية ..
وابتعد عن موضوع التعيينات في وزارته ..
ربما كانت الفائدة من وجوده حتكون عظيمة
لانه كان بيخطط لأمر غاية في الأهمية
وهو عودة المستشفيات الحكومية لعهدها الزاهر
لأنه الأمر ده بيرفع عن كاهل المواطن أعباء كثيرة
لكنه شخصية انفعالية كما يبدو وده خصم منه كثير
وجعله مكشوف لخصومه وسهلت عليهم هزيمة مشروعه الجيد
الما عجبني إنه جاء وبالبيان ورفض الاقالة مارس نفس الحكاية
لو كان ذهب في صمت كان وقع الأمر أبلغ وأجدى
بوست التاج بتاع الحديث والله ما قريته ولا تابعته ..
بعدين اصلا المراد شنو ؟
إنه الحكومة دي تكون ماشيه كويس لهدف واحد لا غير ..
تعمل لصالح المواطن المغلوب ده ومعيشته فقط
لا أيدلوجيات ولا بطيخ حمضان
يعني البجي يقول الجوع ولا المخلوع
ده هراء ليس إلا صحي ما في زول عايز
البشير الحرامي ده يرجع هو ولصوص الكيزان
ولا حيكونوا في يوم بديل للشارع السوداني
لكن كمان البديل ما يكون الجوع ..
الشعب ده جاع ما فيه الكفاية أيام الكيزان
فما تكون ثورة بيتم افراغها من مضامينها ..
وتصويرها كانها قامت عشان ايدلوجيات ..
فهي ثورة قامت عشان الجوع ولم تجني حتى الآن سواه
طبعا أكيد ما حتردد كلام إنها قامت لغرض غير كده
وإلا حتكون مزايدة زي مزايدة الناس الركبت الثورة هسه ..
وبتدعي إنه التغيير ده كان بغرض التمكين البمارسوه الآن
لانه انا كنت حاضر بداية الثورة دي لامن انفض الاعتصام
أجمل حاجة فيك ما بتحاول تتذاكى وبتجي دوغرى ..
بس عصرتا على عظمة وود الزبير حبتين .. خخخخ
|
Post: #19
Title: Re: المجلس السيادي يشرع في شراء ٣٥ سيارة فخمة
Author: Deng
Date: 07-31-2020, 03:50 PM
Parent: #18
أحد مصادر الكوز عمر هو موقع سوداني نت، وهذا الموقع يملكه الامنجي الإنتهازي علاء الدين يوسف.
|
Post: #20
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 07-31-2020, 05:41 PM
Parent: #17
Quote: عمر التاج يا جمال اسفر عن وجه اقل وا يقال عنه و هابي
و يكفيك موقفه من تعيين المرأو كوالى
و كمان كشف عن ثعلبانية ماكرة فى نقد الوضع الحالى |
كذبت يا جلال؛ فأنا لست وهابي ولا مؤتمر وطني ولاشعبي..
والحديث عن تعيين الوالي هو عقيدة مسلمين نقرأها من الكتاب والسنة..
وكل ما ذكرته في البوست ارائي الخاصة؛ مدعما باحاديث وروايات تاريخية ودينية وتراثية..
| Quote: نحنا زاتو قاعدين نعارض بعض خطوات قحت و الحكومة كمان |
في دي برضو كذبت..
فهذا المنبر لم يشهدك تعارض الإنقاذ او حكومة قحت؛. أو حتى تناصحها..
مواقفك من النظام السابق كانت مائعة.. وصوتنا في الثورة كان أعلى منك..
و مواقفك مع حكومة قحت موقف السامع الطلائع.. الباحث له عن موقع قدم في النظام..
واقرب دليل انك في هذا البوست قرأت عن مخالفات للمجلس السيادي.. فماذا فعلت..
غضضضت الطرف تماما عن موضوع البوست؛ ومشيت تنتقد في عمر التاج.
|
Post: #21
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 08-01-2020, 08:30 AM
Parent: #20
عربات للضيافة الفخمة التي خلفها نظام البشير لم تكن مضرب مثل في الفخامة والكثرة فحسب ؛ بل كانت رمزا من رموز الفساد لكثرتها وعدم انضباطها؛ والسؤال أين هي الان؟ وما الداعي لشراء عربات جديدة في ظل الأزمة المعيشة الطاحنة التي يعيشها الشعب؟
تقول الرواية والعهدة على الراوي..
Quote:
🟣 *قحت باعت عربات الضيافة الحكومية لمنسوبيها، في مزادات صورية، والان تشتري 34 عربة جديدة ب 482 مليون جنيه وتحدد الشركة بلا عطاءات*
🟣 *تابعت 3 مزادات بيع فيها عشرات المركبات بأقل من ربع قيمتها السوقية و المشتري لأغلب المركبات شخص واحد يسبق الحضور وموظف المزاد يركب في سيارته.* |
|
Post: #22
Title: Re: المجلس السيادي يشرع في شراء ٣٥ سيارة فخمة
Author: محمد البشرى الخضر
Date: 08-01-2020, 08:41 AM
Parent: #21
الراوي بالغ لكن! من اول مزاد كان يفضح ما جرى و بالارقام و الاسماء و التفاصيل و يفتح بلاغ في نيابة الفساد و في لجنة ازالة التمكين كمان
دا عهد حرية و ثورة أتت للتغيير, أو على الاقل كان يملك التفاصيل للينا يعقوب أو مزمل ابو القاسم او عادل الباز او ضياء بلال و هم ما كانوا ح يقصروا في متابعة الفساد و كشفه
لكن جاي اسي يتكلم عن تلاتة مزادات تمت و هو متابعها!
|
Post: #23
Title: Re: المجلس السيادي يشرع في شراء ٣٥ سيارة فخمة
Author: جمال ود القوز
Date: 08-01-2020, 09:42 AM
Parent: #22
Quote: قحت باعت عربات الضيافة الحكومية لمنسوبيها، في مزادات صورية، والان تشتري 34 عربة جديدة ب 482 مليون جنيه وتحدد الشركة بلا عطاءات*
🟣 *تابعت 3 مزادات بيع فيها عشرات المركبات بأقل من ربع قيمتها السوقية و المشتري لأغلب المركبات شخص واحد يسبق الحضور وموظف المزاد يركب في سيارته. |
كلام عجيب !!
غايتو يا تاج كان قدرت أثبتت كلام الزول ده ..
حكومة قحت دي حتنفشخ أكتر مما هي مفشوخة ..
لكن بيني وبينك الكلام ده كضب ساي ..
والاشاعة في النهاية هي اشاعة تأثيرها صفري ..
وغير تضر سيدها ما بتنفعو
لانها بتلف وتجي راجعه لي سيدها
لانها مش حقيقية
| Quote: شخص واحد يسبق الحضور وموظف المزاد يركب في سيارته |
يعني ولا زول شليق واحد يجي يرابط ليهم من قولة تيت
يأخ كان يقول من باب الاخراج الجيد
إنه بيتم إخفاء موعد المزاد حتى تطير الطيور بارزاقها
ومن ثم يعلنوا عنه ولا من تجي يقولوا ليك تم البيع
أو حتى طالما الموضوع تواطؤ ومفهوم
الزول الجايبوا بي عربيتو شنو
طالما هو أكيد راجع بي عربية تانية
يجي راكب ترحال أو يجيبوا صاحبو
المهم ..
نجض لينا الموضوع ده عليك الله
طبعا خبرك ده فتشت ما لقيتو غير في الفيس
فلقيت هناك عاملين حفلة بي حكاية السفر للاقاليم
صحي كان بيكون في زحمة وغلاء في الاسعار
وعن تجربة سنين بسافر كوستي ايام الاعياد وبالذات يوم الوقفه
لكن شغل زي ده وحاة الله أول مرة يمر علي
شوف الشغل ده كيفنو .......
حكومة منسوبيها الركبوا ضهر ثورة المساكين أوانط
يركبوا عربات بالمليارات والبلد وما فيها حتى مواصلات
تحترم آدمية المواطن وتعيش أزمات في كل شيء -
ده اسمه كلام ده !!! ...
|
Post: #24
Title: Re: المجلس السيادي يشرع في شراء ٣٥ سيارة فخمة
Author: Deng
Date: 08-01-2020, 10:34 AM
Parent: #23
Quote:
*قحت باعت عربات الضيافة الحكومية لمنسوبيها، في مزادات صورية، والان تشتري 34 عربة جديدة ب 482 مليون جنيه وتحدد الشركة بلا عطاءات*
*تابعت 3 مزادات بيع فيها عشرات المركبات بأقل من ربع قيمتها السوقية و المشتري لأغلب المركبات شخص واحد يسبق الحضور وموظف المزاد يركب في سيارته.* |
ده كلام فارغ ساكت وما بمسك مويه!
أولا قحت هي ليست بجهة حكومية، وما عندها أي حق في أن تشتري وتبيع سيارات للحكومة.
على ناقل الخبر المضروب هذا أن يرجع الى مصدره ويأتي لنا بالوزارة أو المسئول الحكومي الذي قام بمثل هذه الاعمال المزعومة.
قال قحت قال.
|
Post: #25
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 08-01-2020, 12:19 PM
Parent: #24
موقعي اخبار السودان؛ والراكوبة نيوز جايبين زيادة في الخبر.. قالوا السيارات المطلوبة ٧٠ وليس ٣٥؛ ولكن...
Quote: كشفت مصادر صحفية في الخرطوم ان وزارة المالية؛ خصصت مبلغ (482) مليار؛ و(297) ألف؛ و750جنيه؛ لشراء 35 سيارة فخمة لصالح مجلس السيادة الانتقالي؛ بغرض استخدامها؛ في الضيافة والماموريات.
وطبقا لصحيفة (اليوم التالي) إن الامانة العامة لمجلس السيادة؛ اختار شركة”بست انقست منت” للاستيراد والتصدير؛ لشراء السيارات بلا عطاءات
ووفقا للصحيفة أن العملية؛ تعتبر مخالفة لنصوص قانون الشراء والتعاقد للعام 2010.
وأوردت الصحيفة معلومات بان القصر طلب شراء 70 سيارة؛ صدقت منها المالية؛ 50% نسبة لتراجع الايرادات بسبب ظروف جائحة فيروس كورونا.
|
وانتو اقعدوا انفوا كده لامن تلقوا نفسكم منفيين زي الأجنبي دينق ده هههه..
| Quote: قحت هي ليست بجهة حكومية |
(وتيب الهركة السعبية بتاع بلد بتاعتك جهة هكومية؟) معليش قلنا نتذكر عربي جوبا شوية.
ناسنا للأسف بشفوا منكم؛ وطالما حركتكم مستولية علي الجنوب بما حمل؛ هم عايزين يعملوا كده..
حكومة الجنوب لا تفعل شئ إلا بإذن الحركة الشعبية؛ وكذلك حكومة قحت.. فهمت ولا نتكلم بعربي واو ههههه.
|
Post: #26
Title: Re: المجلس السيادي يشرع في شراء ٣٥ سيارة فخمة
Author: محمد البشرى الخضر
Date: 08-01-2020, 01:02 PM
Parent: #25
| Quote: موقعي اخبار السودان؛ والراكوبة نيوز جايبين زيادة في الخبر.. قالوا السيارات المطلوبة ٧٠ وليس ٣٥ |
الزيادة وين بالضبط يا تاج؟
انت بقيت بتخم ولا بتقرا حتى! ديل ناقلين كلام اليوم التاني بالنص ولا زايدين حرف؟
|
Post: #27
Title: Re: المجلس السيادي يشرع في شراء ٣٥ سيارة فخمة
Author: طلحة عبدالله
Date: 08-01-2020, 01:31 PM
Parent: #26
Quote:
والحديث عن تعيين الوالي هو عقيدة مسلمين نقرأها من الكتاب والسنة
|
تاااااااااااااااااااني هههههه يخرب بيت كدا ياخ 
..................
يا عمر التاج أنا عندي ليك اقتراح وفي النهاية الرأي
رأيك تقبلو ما تقبلو.
إيه رأيك أن تلاوى وتناتل في البوستات التانية بعيدا
عن الدين والعقيدة وتستعمل ما بدا لك من اسلحة دفاع
لأنو الدين والعقيدة والسنة دي فيها بوست مفتوح لم
يغلق بعد فااااااااشنو وفر حيلك ولياقتك للبوست داك
|
Post: #28
Title: Re: المجلس السيادي يشرع في شراء ٣٥ سيارة فخمة
Author: Deng
Date: 08-01-2020, 02:11 PM
Parent: #27
Quote: وانتو اقعدوا انفوا كده لامن تلقوا نفسكم منفيين زي الأجنبي دينق ده هههه..
Quote: قحت هي ليست بجهة حكومية
(وتيب الهركة السعبية بتاع بلد بتاعتك جهة هكومية؟) معليش قلنا نتذكر عربي جوبا شوية.
ناسنا للأسف بشفوا منكم؛ وطالما حركتكم مستولية علي الجنوب بما حمل؛ هم عايزين يعملوا كده..
حكومة الجنوب لا تفعل شئ إلا بإذن الحركة الشعبية؛ وكذلك حكومة قحت.. فهمت ولا نتكلم بعربي واو ههههه. |
كـــــــــــضـــــــــــــــابــــــــــــــــــــــــــــــة!
ههههههههههههههههه
|
Post: #29
Title: Re: المجلس السيادي يشرع في شراء ٣٥ سيارة فخمة
Author: عمر التاج
Date: 08-01-2020, 05:22 PM
Parent: #28
| Quote: كـــــــــــضـــــــــــــــابــــــــــــــــــــــــــــــة! |
يعني عايز تقنع السودانيين بأنه الحركة الشعبية ما مسيطرة على حكومة الجنوب؟
ياخ انتو حتى الآن ماعندكم جيش قومي؛ وشغالين بجيش الحركة..
ولسه عربات الحكومة بتحمل شعار الجيش الشعبي
ولو عايزني اجيب لك تعيينات الشرطة والأمن من يوم الانفصال
حا اجيب ليك كل أبناء قيادات الحركة يحملون رتب الشرطة والأمن..
بما فيهم بنت مدير المرور الماخدة رتبة ملازم أول وعمرها لم يكتمل ١٧ سنة..
حركتكم هي جنوجويد الجنوب ولا جدال.
|
|
