Post: #6 Title: Re: صورة مدهشة للنيل في الخرطوم Author: Osman Musa Date: 07-27-2020, 10:56 AM Parent: #4
الأخ ود فرح سلام وحبابك في جروف النيل.. مع الموجة الصباحية.
Post: #5 Title: Re: صورة مدهشة للنيل في الخرطوم Author: Osman Musa Date: 07-27-2020, 10:45 AM Parent: #2
الأخ الفنان خضر سلامات النيل يا الخضر نحتفلبو. دي اياماتو. ايام عرسو. ايام هيجانو و ميجانو. قالوا اهلنا قبل سبعة ألف سنة عندهم ليه هدايا . انا يا خضر لاقيت الزول الشاف حورية النيل . في بحر المحمية . والله لاقيتو . شفتو . مشينا عرسو ونحن اطفال .
Post: #7 Title: Re: صورة مدهشة للنيل في الخرطوم Author: Osman Musa Date: 07-27-2020, 11:36 AM Parent: #5
قصيدة الزنجي يتكلم عن الأنهار للشاعر العتيد لانغستون هيوز . يقال انه كتبها عن نيلنا الخالد عندما كان. في زيارة الزعيم الشاعر محمد احمد المحجوب .I've known rivers: I've known rivers ancient as the world and older than the flow of human blood in human veins.My soul has grown deep like the rivers.I bathed in the Euphrates when dawns were young.I built my hut near the Congo and it lulled me to sleep.I looked upon the Nile and raised the pyramids above it.I heard the singing of the Mississippi when Abe Lincoln went down to New Orleans, and I've seen its muddy bosom turn all golden in the sunset.I've known rivers:Ancient, dusky rivers.My soul has grown deep like the rivers.
Post: #8 Title: Re: صورة مدهشة للنيل في الخرطوم Author: Osman Musa Date: 07-27-2020, 11:44 AM Parent: #7
أصبحت القصيدة من اشهر قصايد هيوز وترجمت إلي الإسبانية والبرتقالية.
Post: #9 Title: Re: صورة مدهشة للنيل في الخرطوم Author: علي عبدالوهاب عثمان Date: 07-27-2020, 12:08 PM Parent: #8
حبيبنا عثمان تحياتي النيل في الخرطوم ليس لديه طعم لأنه مثقل بأشياء كثيرة ( كباري ورصيف وزوارق ... الخ ) أترك الخرطوم واتجه شمالاً وكمان خاصة النيل بعد مصب العطبراوي النخيل والجروف والهدوء والطيور والترابلة والمراكب والجزر
بصراحة النيل زاتو زهجان في الخرطوم ضجيج وزحمة كمان في ناس ما تقدر النيل
تعرف عثمان الحبيب عندنا في البلد .. لمن تفرح تلقائيا تمشي على النيل لمن تزعل من أي موضوع تمشى على النيل تصرف تلقائي في اللاشعور .. يستقبلك في الفرح ويحتضنك في الزعل
عندما نصل من السفر الى البلد بعد الفاتحات والسلام تلقائياً تجد نفسك متجه نحو النيل بدون اي قصد (( تلقائياً )) حتى اصحابك المرافقين عندما يخرجوا معاك من البيت قبلتهم تكون النيل وكأنه جزء من أهلك الاقربين تقضي لحظات هناك للتأمل وتلاحظ التغييرات التي حدثت في النيل وتتأكد كمان من الطيور هل هي نفسها أم تغيرت .. والضفاف والاشجار ..
يا عثمان الحبيب تثير الشجون .. شوقتنا للنيل والجروف والنخيل .. أنا ملاحظ ناس المدن كده ما عندهم تقدير للنيل لأن النيل في العواصم من أملاك الدولة .. حتى تجد لافات مكتوب عليها ( ممنوع ... ) نادي ( الزوارق ) وناس كده ما ترابلة .. لكن في البلد النيل ملكك لا ينازعك فيه احد .. في الخرطوم النيل سياحة وفرجة في البلد انتماء ( تشعر انك جزء منه ) وخاصة الشواطيء والجروف في سواقي اجدادنا ..
تحياتي الحبيب عثمان .. يا نيلنا ..
Post: #10 Title: Re: صورة مدهشة للنيل في الخرطوم Author: خضر الطيب Date: 07-27-2020, 12:15 PM Parent: #9
Quote: .دى ما صورة النيل يا ودالطيب عاين للخلفية الخضراء
مرحب دكتور حسن فرح رسلا لي حبيبنا عثمان موسى و انا رفعتها لكن بجيب ليك صور تانية
Post: #14 Title: Re: صورة مدهشة للنيل في الخرطوم Author: Osman Musa Date: 07-27-2020, 02:33 PM Parent: #10
الزول الفنان خضر ياخ ألف شكر على نقل الصور الجميلة . تعاين بس تحس بالرحمنة . وتحس انك عايش في بلد حية . بلد ليها قيمة . وشنة ورنة . وطين و وزين. وسنابل.
Post: #24 Title: Re: صورة مدهشة للنيل في الخرطوم Author: Osman Musa Date: 07-28-2020, 04:51 PM Parent: #10
يا للعظمة شلال السبلوقة. رسمة الخالق. اشهد أن لا إله إلا الله .
Post: #11 Title: Re: صورة مدهشة للنيل في الخرطوم Author: adil amin Date: 07-27-2020, 12:16 PM Parent: #9
https://top4top.io/
النيل من بعد الخرطوم ولحدي دمياط والرشيد ده النيل القدامنا دي مقرن النيلين الازق والابيض سحر النيل في الاقليم الشمالي يشبه علم الاستقلال القديم ازرق النيل اصقر الرمال اخضر النخيل
Post: #13 Title: Re: صورة مدهشة للنيل في الخرطوم Author: Osman Musa Date: 07-27-2020, 02:07 PM Parent: #11
أخونا الفنان عادل سلام صورة بديعة . ولو عندك صور للنيل في مقرن عطبرة . ارجو التكرم بتنزيلها مع جزيل الشكر
Post: #12 Title: Re: صورة مدهشة للنيل في الخرطوم Author: Osman Musa Date: 07-27-2020, 12:59 PM Parent: #9
أخونا أستاذ علي سلامات النيل الرحيم ما اجملو في أي زمان . اساطير كتيرة كتبت عنو . عن صورو وعن اسرارو . وسحرو . ارجو متابعة غناء لانغستون هيوز عنو . وحاول ادينا بيتين شعر بالرطانة عن النيل . .. تحياتي والف شكر على المرور الكريم
Post: #15 Title: Re: صورة مدهشة للنيل في الخرطوم Author: أبوذر بابكر Date: 07-27-2020, 03:08 PM Parent: #1
Post: #17 Title: Re: صورة مدهشة للنيل في الخرطوم Author: Osman Musa Date: 07-27-2020, 06:32 PM Parent: #16
الأخ أستاذ اب ذر سلامات المحاولة الفاتت دي كانت محاولة لنقل ندوة للطيب صالح والرواية النيلية العظيمة . كانت من أعظم الندوات المحضورة . قلنا نهديها ليكم ونزخرف بيها المنبر .
Post: #18 Title: Re: صورة مدهشة للنيل في الخرطوم Author: Hassan Farah Date: 07-27-2020, 08:14 PM Parent: #1
Post: #19 Title: Re: صورة مدهشة للنيل في الخرطوم Author: Hassan Farah Date: 07-27-2020, 09:23 PM Parent: #1
Post: #20 Title: Re: صورة مدهشة للنيل في الخرطوم Author: Osman Musa Date: 07-28-2020, 06:45 AM Parent: #19
أخونا ود فرح سلام محلية ابوحمد الطبيعة . و النيل والدهب. والله سياحة العالم كلو مفروض تنحصر في جزر النيل الخضراء ديك الخضرة الداكنة الربانية . اتحفنا ياخ بالصور من ديك الجنات الحبيبة. اتحفنا من صور النيل في صباه وعند اهله الحقيقيين. نيلنا . نيلنا . الف شكر
Post: #21 Title: Re: صورة مدهشة للنيل في الخرطوم Author: Osman Musa Date: 07-28-2020, 08:13 AM Parent: #20
مدهشة صورة المقرن العجيب . مدهشة صورة امتزاج اللونين الأزرق والابيض. مدهشة صورة العناق والشوق في الفجة دي بعد السفر الطويل .
Post: #22 Title: Re: صورة مدهشة للنيل في الخرطوم Author: Abdalla Gaafar Date: 07-28-2020, 09:41 AM Parent: #21
العزيز عثمان تحيات وشكرا على البوست الجميل وبما انو نحنا ناس بيئة دي فرصة للحديث عن المخاطر التي تهدد مجري النيل وعلي رأسها وحف الرمال والظاهر في صورة الاخ عادل أمين ومشاكل الهدام وان شاء سأحاول هنا عرض ما يمكن عرضه في هذا الخصوص
تحياتي وتقديري
عبدالله جعفر
Post: #23 Title: Re: صورة مدهشة للنيل في الخرطوم Author: Osman Musa Date: 07-28-2020, 12:39 PM Parent: #22
أخونا د. عبدالله سلامات حباب ناس البيئة . أصحاب واحباب النيل الرحيم ضفة ضفة وشلال شلال . في منحنياتو وانبساطو. في قومتو وفي رقدتو . في هيجانو و نعاسو. في ضحكو . و زعلو . النيل الجميل المتعدد الصفحات والمتلون الضلفات. العنيد . المرح . الحبيب . والمحبوب . .. بالمناسبة النيل محتاج مشاركتك. وطالبك صور . منو ومن حورياتو . من مراكبو. وطمبارتو . وطنابيرو وعشاقو .
Post: #25 Title: Re: صورة مدهشة للنيل في الخرطوم Author: Osman Musa Date: 07-28-2020, 07:09 PM Parent: #23
كتب كثيرة بمختلف لغات العالم كتبت عن النيل العظيم
Post: #26 Title: Re: صورة مدهشة للنيل في الخرطوم Author: Osman Musa Date: 07-29-2020, 05:21 AM Parent: #1
نتابع
Post: #27 Title: Re: صورة مدهشة للنيل في الخرطوم Author: Osman Musa Date: 07-29-2020, 03:49 PM Parent: #1
اليوم 29 / 7 / 2020 اليوم نيلنا يحتفل بالزيادة وبالمطر . اليوم نهرنا زينة انهار الدنيا
Post: #28 Title: Re: صورة مدهشة للنيل في الخرطوم Author: ابوحراز Date: 07-29-2020, 08:54 PM Parent: #27
حقيقة جمال لايوصف اليوم يتمرد النيل وينساب دهشة في الاعماق قمة الروعة مصحوبة بعطر اثيوبي اخاذ توقفت اليوم كثيرا أمام هذه اللوحة العظيمة وكم تمنيت لو مر من هنا .. دافنشي ورينوار وسيزار وبيكاسو وفان جوخ ومايكل انجلو والصلحي ترى بأي ريشة وبأي لون سيوقعون على الضفاف ؟؟
هجمة مرتدة ان كنتم حقا تشعرون بالاكتئاب في هذه الأيام فلا تذهبوا الى ( بلدو) بل اذهبوا الى النيل !!!!!
Post: #29 Title: Re: صورة مدهشة للنيل في الخرطوم Author: Osman Musa Date: 07-30-2020, 05:15 AM Parent: #28
أخونا ابوحراز سلام والعيد مبارك عليك و حج الضفاف مبروك . وغسيل جبهتك ونفض دبرسة الغربة في النيل مبروكة. يا ابوحراز يا أخوي الشعر الجيت وكتبتو هنا دا في دا البوست . فيه لمحات من الرسمو عمك الصلحي . فيه حاجة من اشغال فان جوخ . وفيه لمسة من كلام عمنا لانغستون هيوز . النيل السحر الطيب صالح. قادر يرمي عموم العاشقين في شباكو. جميل النيل اليومين دي . يبالغ لمان يتعفرت . يبالغ لمان يهدر . ويبالغ وكتين يطمبر في نهاية توتي الجنة . شم . شم عليك الله . اتكرف واشهق. النيل دا من وين بجيب العطور دي ؟ خليط بين الشاف والكليت والسلم والمحلب والسرو . والخراز . والطلح . صاحبنا الميسيسيبي. والتايم. والهيدسون. لكن يا حراز أبدا ما عنكل فينا نفر دا المسك . يا سلام .
Post: #30 Title: Re: صورة مدهشة للنيل في الخرطوم Author: Osman Musa Date: 07-31-2020, 12:21 PM Parent: #29
زيادة كبيرة في النيل الابيض
Post: #31 Title: Re: صورة مدهشة للنيل في الخرطوم Author: Osman Musa Date: 07-31-2020, 12:29 PM Parent: #30
محاولة وضع صورة للنيل الأبيض اليوم في الخرطوم
Post: #32 Title: Re: صورة مدهشة للنيل في الخرطوم Author: Osman Musa Date: 08-06-2020, 04:27 PM Parent: #31
يا سلام اليوم النيل الرحيم في اتم الجمال نشكرك يا الله علي نعمك علينا وتجميلك لوطننا العزيز .
Post: #33 Title: Re: صورة مدهشة للنيل في الخرطوم Author: Osman Musa Date: 08-08-2020, 08:13 AM Parent: #1
