زمان في بروكلن كنا نضحي في زريبة اسبان جهات مطار جي اف كي . وفي ولاية فرجينيا في زريبة مغاربة مسافةسأعة ونص من الاسكندرية فرجينا . وفي كل الزريبتين التنبيهات و التعليمات الصحية تجبرك علي احترامها واتباعها. يا جماعة والله عادات السلخ بالمفراك والنفخ عادات قبيحة. وكمان نحنا في زمن الكورونا .
لقد أسمعت لو ناديت حيا يا أخي من يقوم بذبح الأضحية أو من يدعي أنه جزار في هذا المولد تلقاهو أقذر من الشوال الشايل فيهو عدة الشغل فبعض (الضباحين) الكرونة أهون منهم عيدك مبارك in advance وخرفان تتعارك وكل سنة وأنتو طيبين وضفيرة كمونيتكم مترين
Post: #9 Title: Re: تنبيه . لخطر نفخ خروف الضحية في زمن الكو� Author: Osman Musa Date: 07-21-2020, 04:53 PM Parent: #2
الأخ almulaomar سلام وعيد بدون عكننة. هم انتقال بلاوي جهل طريقة الذبح.
Post: #3 Title: Re: تنبيه . لخطر نفخ خروف الضحية في زمن الكو� Author: walid taha Date: 07-21-2020, 03:09 PM Parent: #1
عسمان ما تنسى الضبح والنفخ قدّام الشفع !!! و الضباحين لحدى هسه أصلو ما إتطورو ، يعنى لو لابد من النفخ يشوفو ليهم كمبروسر صغير :) مثلا امرنا عجيب :)
Post: #10 Title: Re: تنبيه . لخطر نفخ خروف الضحية في زمن الكو� Author: Osman Musa Date: 07-21-2020, 05:03 PM Parent: #3
أخونا وليد طه سلام ياخ هو نفخ قدام الأطفال ساكت؟ في ضباحين كمان بيتحرفنوا في النفخ. في ضباح بينفخ على طريقة موسيقي الكيتا. بينفخ اغنية . وين وين .. تلقوا زى دا . تتذكر يا وليد آلة مزمار الكيتا . .. وبعد دا كمان يشيل نص الكمونية والرأس وحقو
سلام عثمان طرحت المشكلة راجين الحل، غايتو أنا بخترح فكرة، ناس فولكس واجين عندهم منفاخ حق الاطار الاحتياطي حاجة صغيرونة وظريفة في شنطة يد مفروض يفرضوا زيو للضباحين في زمن الكورونا. بالمناسبة انت ما وريتنا في بروكلن وفرجينيا الخروف بنفخوا وبسلخوا بياتو تكنولوجبا؟ عيدكم مبارك مقدماً
Check Out the Six Steps to Skinning a Deer With An Air Compressor Process: First, hang your deer up like usual. ... Insert the nozzle of the air compressor into the hole you just made. ... Turn the air compressor on and watch your deer expand. ... After a minute or so, check and see if the deer is fully inflated.
Post: #11 Title: Re: تنبيه . لخطر نفخ خروف الضحية في زمن الكو� Author: Osman Musa Date: 07-21-2020, 05:56 PM Parent: #4
بنتنا فاطمة سلام . سلام ليه عطرابة. عطرابة شية خالية من الكورونا. يا فاطمة ياخ منظمة الصحة العالمية رطنت للعالم بجميع اللغات. سبعة شهور والإعلام يهدر ويشرح في أهمية الكمامة ونحنا لسع ننفخ . اكتر من 30 مليون بين تيس و عنبلوك وخروف حيتنفخوا في هادي السنة الكبيسة . مفاريك سدر و سرو وطلح وسنط و طندب . كلها حتشتغل مساعد ياي للسلاخين. السنة دي ربنا يعينك ويبعد عنك العدوة .
مسألة الضباحين دى دايرا مراجعة وكل ناس حى يشوفة ليهم كم واحد كدا يتعلم الضبح الناس بتتفادى الذبح .. أها بعد داك لجان المقاومة بكل بيت يقوموا بالسلخ وما بعده وتقديم نفس الخدمات لمن يحتاجها بالحى. حيدبعو فى الكمبسور وإدوات التعليق وطرق التقطيع .. بالكتلوج ..
فى العجل فى قطعة اللحم الفلتو .. أها فى الخروف أيضا فى فليتو بس ضايعة مع شغل قطيع الجربندية!
Post: #16 Title: Re: تنبيه . لخطر نفخ خروف الضحية في زمن الكو� Author: Osman Musa Date: 07-22-2020, 07:37 PM Parent: #15
أخونا أستاذ نادر الفضلى سلامات عندنا زمان في البلد ضباح الله يرحمو . كان سريع في الضبح والسلخ و التقطيع .'وكان اعور عينو واحدة بس سريع . كنا اطفال نتابعوا وهو ينفخ . مره يا نادر كان بينفخ بره الكراع . لاحدي ما نبهناهو انو مجلي. وبكون سافي وهو بينفخ . يعني كمونيتك تطلع بطعم العماري وارد الفاشر هههههه والله يا نادر بس الساتر الله