حوار على رصيف الحياة..

00:44 AM July, 18 2020

سودانيز اون لاين
Abureesh-أمريكا
مكتبتى
رابط مختصر

واحد تلقاه رافع نخرتو فوق.. و يتمختر. مع إنو هو كله ونخرتو لا يساوون أى شيئ بالنسبة للكون. قريب من الصفر المطلق..
الواحد يضيع الوقت فى الفلسفة و تبرير الأشياء و البحث. والتنقيب.. حين بقية المخلوقات غير الأدمية عايشة حياتها بالطول و العرض.
ما الفرق بين الإنسان و عيش الريف؟ لو ختيت زول فى نار حينط برة.. و لو ختيت عيش ريف فى النار برضو حينط برة.. والفرق
الوحيد هو أن الانسان يضيع الوقت فى التنظير، و انه درجة الحرارة وصلت لحد خارج نطاق تحمل الإنسان، و ما عارف شنو كدا تانى، حين عيش الريف ينط وخلاص.
حتى الحيوان خلى النباتات.. و زى ما ذكر المثل أحد العلماء، لو أسد سك الغزال، و الغوال يجرى بأقصى سرعة.. و أول ما يصل بر الامان ينسى أى شئ و ييستمر
فى المرعى.. بعد 5 دقائق يواصل الأكل من العشب.. حين الانسان ولو سكاه اسد و طلع منها، تانى شهرين يكون يرجف و يحتاج لعلاج نفسى، و تانى طول عمره
لو جبت ليه سيرة الأسـد يبقى فى حالة تانية.
فى التسونامى المشهور الذى ضرب اندونيسيا قبل كم سنة.. الحيوانات كلها ضربت الخلا قبل الأمواج تتشاف.. من سمعت صوت الزلزال إتخارجت.. حتى الكلاب عرفت
الحاصل لكن لإخلاصها لم تغادر أصحابها، و لكنها ظلت تنبح و تنبح.. فى النهاية زهجت منهم و مرقت على المرتفعات