Post: #1
Title: عن وضع البنقو والكمبكة بعد التعديل؟
Author: HAIDER ALZAIN
Date: 07-15-2020, 01:34 PM
01:34 PM July, 15 2020 سودانيز اون لاين
HAIDER ALZAIN-
مكتبتى
رابط مختصر
(adsbygoogle = window.adsbygoogle || []).push({});
سلام على من إتبع الهدى ..
العرقي والمرايس ومترادفتها عرفنا خبرها مفصلاً ..
شكراً حمدوك ..
الكمبكة والبنقو ومترادفته هل حلال تحت ظل ه1ا القانون الكريم .
والا الاخوة الراستات كمان حا يعانوا من تمييز وعنصرية مزاجية !
تحياتي
|
Post: #2
Title: Re: لو سمح مولانات المنبر العام والبنقو والكم
Author: طلحة عبدالله
Date: 07-15-2020, 02:51 PM
Parent: #1
الديسكوهات والنوادي الليلية وملاعب الغولف
وكل ما يحبه الخواجات الكفرة الشغالين معانا
في السودان .. خخخخخخخخخخ
|
Post: #3
Title: Re: لو سمح مولانات المنبر العام والبنقو والكم
Author: HAIDER ALZAIN
Date: 07-15-2020, 03:46 PM
Parent: #2
يا حبيب ..
النوادي والديسكوهات والبارات دي مضمونة تحت مظلة التعديل ..
لكن الخواجات غير الغولف بيحيو الكبنكة وعندهم حلال بلال ..
فما عارف هنا حا يعانوا من التمييز وينجلدو والا كيف!
في حكاية الجلد
اتذكر في عطبرة بداية التسعينات جاء مقدم اسمه عبدالكريم مسك محكمة النظام العام..
في تلك الفترة مشو داهمو سكن مهندسين تبع شركة اوروبية -اظنها بلجيكية كانت تورد قطع غيار وتدير وابورات محطة كهرباء عطبرة
ومسكوهم بدعوي السكر ثم تم جلدهم في ملجة سوق خضار عطبرة ..
وبعدها الشركة الغت العقد وتم ترحيل الموظفين الاوربيين
وبعدها ونتيجة لهذه الغزوة الجهادية و لاكثر من أربعة سنوات تكلم العطبراويين تحت الظلام الدامس
عن اعجابهم بركزة الخواجات للسوط ..
|
Post: #4
Title: Re: لو سمح مولانات المنبر العام والبنقو والكم
Author: طلحة عبدالله
Date: 07-15-2020, 03:51 PM
Parent: #3
Quote: لاكثر من أربعة سنوات تكلم العطبراويين تحت الظلام الدامس
عن اعجابهم بركزة الخواجات للسوط ..
|
مبالغة 
|
Post: #5
Title: Re: لو سمح مولانات المنبر العام والبنقو والكم
Author: muntasir
Date: 07-15-2020, 04:07 PM
Parent: #4
انا البهمني يوضحوا لينا الأنصاب والأزلام دي شنو ومسموح بيهم ولا لا
|
Post: #6
Title: Re: لو سمح مولانات المنبر العام والبنقو والكم
Author: HAIDER ALZAIN
Date: 07-16-2020, 04:22 AM
Parent: #5
سلامات منتصر ..
الانصاب والازلام دي دي ياها الكرتلة واليانصيب والحريق المطعم..
ودي على وزن سؤال الباشمهندس محمد الشيخ مافي ليها قانون عقوبة..
فزيها وزي اكل الميتة والدم ولحم الخنزيـر ..
لكن ناس جنابو محمد عبدالكريم شرعوا ليها الجلد والمصادرة ..
حصل يا منتصر شف ليك كشة بدعوى الانصاب والأزلام ؟!
انا شفت :؛(
بعد صلاة العيد جنب مقابر عبدالمعروف كنا مباشرة بنطلع نقعد في قضيب السكة حديد الشاقي الحلة..
تحت السكة حديد كان بيقوم سوق عيد مؤقت محدود بالساعة 10 يلعب فيهو الاطفال المراجيح ويشتروا الحلاوة والصفافير وغيرو ..
وفوق السكة وعلى مساحة كان يتجمع الأكبر سناً قليلاً ويقيموا نادي قمار مؤقت..
تخطط فيهو السيجة على الكراتين وألواح الابلكاش البيجيبها العروب معاهم
ويفرش فيهو الليدو ويُرمى فيها الزهر بعلبة الصلصة .. وتُقد فيهو الكرتيلات وتُجمع فيها الطراريد والريالات وابوقرشين ...
وهو سوق محدود لغاية عشرة برضو..
وبعده ويتصيد الخاسرون المشاكل والعراك ..
ويلوذ الرابحون بحماية المشاهدين والمتفرجين وينعم الجميع بالداندورمة والبسكويت والزبادي البارد..
وينقضي الغيد في سعادة وهناء ..
في جو زي دا
جات جماعة كدة مسمية نفسها شرطة شعبية صباح العيد ..
خمت ليك كم بدوي كدة وكمين شافع ابتدائي ومتوسطة..
ومحصلة الامر
عساكر الشرطة الشعبية نالوا من الشفع عيدية عبارة عن كم طرادة وجنيه وعشرة جلدات تاديبية حنينة ..
ولاس فيجاس تطهرت من الأنصاب ..
شكراً حمدوك
|
|