صانعي الدهشة في منبر حبيبنا "بكري اب صلعه"..

04:01 PM July, 10 2020

سودانيز اون لاين
الشيخ سيد أحمد-
مكتبتى
رابط مختصر

البوست يعبر عن راي شخصي ..
قابل للاتفاق وعدم الاتفاق...وتبقى مساحة الود
بيننا وبين من توافق ومن اختلف ....







كسرة: في نوع دهشة "مشاترة".

محمد المرتضى حامد....

احيانآ كثيرة اشعر وكانه يكتب "بالشوكة والسكين" :)
لغته انيقة جدآ.
اختياراته في نماذج الغناء رووعه.

adil amin

من اكثر الاعضاء مشاركة...
ظل يكتب حول فكرة محددة..
سخر لها كل ملكاته في الشرح والفكر
ومستصحبآ حقائق التاريخ

ملاحظتي...ان لغته في "الحوار المتمدن"
اكثر اناقة مما هي عليه في منبر حبيبنا بكري..

دفع الله ود الاصيل.

نموذج لمن يمتلك القدرة على
ترويض لغة الضاد...
انتاجه غزير...
تقل المشاركات فيما يكتب...وفي تقديري
ان السبب عو عدم القدرة على مجاراة
قدراته في الكتابة..

كسرة: ننتظر منه ان يتحفنا ببعض
قصائده.

يحيى قباني

ظل ينثر الجمال على مسامعنا
وينحفنا باروع الالحان.

كسرة: تعجبني جدآ مناكفة "adill amin"
ل يحيى ..
ومنتظرين نشوف قباني ح يجيب اخرو متين :):):).

حيدر قاسم

لغته غاية في الاناقة..
ردوده المقتضبة وهي تحوي
عبارات منتقاة من ارفف اللغة العلوية
تجعلك مندهش...
لقدرته على حشد العبارات في تلك المساحة
الصغيرة.

Quote: كسرة: تعجبني جدآ مناكفة "adill amin" ل يحيى .. ومنتظرين نشوف قباني ح يجيب اخرو متين :):):).

اما يحي قباني ده
بيني وبينو ريد شديد ولن ازيد....
وزهت ايامي وانا بتغزل ما بهتم بي قول العزل
لسه ما ختيتو في فتيل

Quote: دفع الله ود الاصيل. نموذج لمن يمتلك القدرة على ترويض لغة الضاد... انتاجه غزير... تقل المشاركات فيما يكتب...وفي تقديري ان السبب عو عدم القدرة على مجاراة قدراته في الكتابة.. كسرة: ننتظر منه ان يتحفنا ببعض قصائده.

Over Qualified

تمبس "الشهير ب علاء منصور"

قدرات عالية على السرد الممتع.

Zakaria Joseph

قدرة عالية على الحوار ...

لغته منضبطة ..موضوعي جدآ...

اتطلع دائمآ الى مناقشته والتحاور معه...

Moawia Mohammed (معاوية محمد).

اتحفنا بنماذج من اغنيات في غاية الروعة..
لا يزال متواريآ قي ركن قصي ينهل وحده من فيض الالحان.

مدهش بحق.

"أحمد طراوة"

وقع كتاباته على القارئ اشبه بالهمس...
هادئ للحد البعيد..
قدرة عالية على الصبر في توصيل رسالته.

تحليل ممتاز ..وبعد ما تنتهي من اللستة بتاعتك بنحاول نذكرك بالناس النسيتهم..

Quote: Over Qualified

محترف في وسط الهواة يا هاني...

ماتنسى في هواة حريفين جدآ برضو...

امتثال الرايقة

Quote: تحليل ممتاز ..وبعد ما تنتهي من اللستة بتاعتك بنحاول نذكرك بالناس النسيتهم..

ما تننتظري ...

هاتي ما عندك بالله.

وقولي لينا شكل الدهشة عندك كيف ...ومن اين تهب نسائمه..

الاستاذ علي عبد الوهاب
قدرات فوق العادة عن الثقافة العامة والعادات والتقاليد السودانية ...
لكن دعنا ننتظر قليلا ،فإذا لم نقرأ عن كبر ، وأبو جهينة وخمسة أسماء آخرين
فسوف نعود...
واستمر في هذه الدهشات الرائعة...واندهاشاتنا مستمرة..

Quote: الاستاذ علي عبد الوهاب قدرات فوق العادة عن الثقافة العامة والعادات والتقاليد السودانية ... لكن دعنا ننتظر قليلا ،فإذا لم نقرأ عن كبر ، وأبو جهينة وخمسة أسماء آخرين فسوف نعود... واستمر في هذه الدهشات الرائعة...واندهاشاتنا مستمرة..

غايتو يا امتثال بالغتي بوليغ :):)

يعني معقول دهشه يكون مافيها استاذنا الجليل "علي عبدالوهاب "تكون دهشة ؟؟
خليتيني اتلفت ..زي كأنك جالسه جنبي وبتشوفي في لائحة المدهشين :)



شوفي الزول المدهش القادم في اللائحة ..نشوف رايك فيه شنو؟؟

اذا ما كان شغل "نافوخو" بعبقرية ....
وعمل الموقع ده ..كان الترابة في خشمكم :)


حبيبنا (بكري أبوبكر / بكري أب صلعة)

صنع وأوجد بدهشة مساحات للدهشة.

ما عندنا فيه أي كلام ...وكان مفروض تبدا اللستة باسمه وتقول هو الذي جعل المستحيل ممكنا
وهو الذي جعل لكم صوتا يسمعه كل اهل السودان ، وهو الذي جعل لنا أسرة ثانية في هذا الاسفير الرائع..

خلينا نمشي ونشوف لائحتك...

وكمية الدهشة ...


يلا اتفضلي....

لا ..اتفضل تم البوست وحنعلق بعد النهاية ...او على الأقل بعد تتم ٣٠ اسم ..

محمد عبدالماجد الصايم...

من ظرفاء المنبر ...

مداخلاته دائمآ تدفع الى الضحك.

حبيبنا "البحراوي الأصيل" Emad Ahmed

ملك التوثيق والارشفة...
تشعر ان "بوستاته" تجيب على كل اسئلتك..

أستاذنا الجليل "علي عبدالوهاب"

حامل غصن الزيتون في المنبر...

قمة في الادب والوعي والرقي...

عبدالوهاب علي الحاج
"وهبة"
من ظرفاء المنبر والمنابر المجاورة.

د.سناري...
اذا لم يكن طبيبآ ..لكان "وكيل نيابة"
من الطراز الرفيع..
قدرة عاليه على ابراز وجهة نظره في غيرما
ابتذال..

حبيبنا الشيخ
أنا ولله حبيتك في الله
لكن بصراحة يا أخوي زي البوست دا حيزعل كتار بيظنوا في نفسهم القيمة
وانت نفسك تكون بتقدرهم زي بت تاور مثلاً وعادل عبدالعاطي
وما حيرد اسمهم لأنه البوست محدود وما ممكن تتذكر كل زول


داشيء
أما هذا النتن دينق وحات رب السموات والأرضين كنت عارفو حيدخل ينبذك
الزول دا فيه كمية من الغتاتة تكفي بلد
أي زول إحتد معاه
بختها ليه وتاني الله أعلم تنطفي
وهاك يا المبارا
بس انت ذاتك شليق وما بنقدر عليك
يعني آكشن جاهز
بس انت ما فيك عقدة ولا مركب نقص
يعني عادي ممكن تسامحه وتنسي
لكن هو لا

حبيبنا الشيخ .. تحياتي
لا ننسى الاديب بريمة والاديب الاريب كبر
تراث أهلنا البقارة ..
بناتنا الاميرات امتثال واخواتها وترجمة كتابهم (بن لادن)
قمة الابداع
الاديب ابوجهينة تعجز الحروف

تحياتي ليك .. ده وفاء أهلنا الترابلة
اصلو انتو احساسكم الفني عالي جداً

حبيبننا عبد الغني

Quote: حبيبنا الشيخ أنا ولله حبيتك في الله لكن بصراحة يا أخوي زي البوست دا حيزعل كتار بيظنوا في نفسهم القيمة وانت نفسك تكون بتقدرهم زي بت تاور مثلاً وعادل عبدالعاطي وما حيرد اسمهم لأنه البوست محدود وما ممكن تتذكر كل زول

احبك الله الذي احببتنني فيه...القلوب شواهد يا "عبدو"
تعرف يا عبدو ..في ناس حقيقة "ناطا جوز في نفسها"

زي "دينق" :)

انا بامانه فتحت البوست بي فهم انو في ناس فعلآ
عندهم اشراقات ..يستحقون ان تمنح لهم حروف
تقدير..وان كنت اظن ان حروفي تتقاصر عن قاماتهم
لكنها غاية ما املك في هذا المنبر.. فأرجو
شاكرآ ان يتم قبولها من جانبهم.

Quote: داشيء أما هذا النتن دينق وحات رب السموات والأرضين كنت عارفو حيدخل ينبذك الزول دا فيه كمية من الغتاتة تكفي بلد أي زول إحتد معاه بختها ليه وتاني الله أعلم تنطفي وهاك يا المبارا بس انت ذاتك شليق وما بنقدر عليك يعني آكشن جاهز بس انت ما فيك عقدة ولا مركب نقص يعني عادي ممكن تسامحه وتنسي لكن هو لا

هو بالله يا عبدو
"دينق" شن طعو اذا ما ناضمناهو نحن :)
الناس عاملة ليهو قومة وقعده وهو زول "دلوكة" بس.
ياخي انا مابتذكرو الا يجي داخل بي دخلاتو الغبية
دي..
معقول يا عبدو..دينق شنو كمان البنعمل ليهو راس وقعر:)

اشكرك على مداخلتك التي تبين الى حد بعيد من انت ولماذا
احببناك..

Quote: حبيبنا الشيخ .. تحياتي لا ننسى الاديب بريمة والاديب الاريب كبر تراث أهلنا البقارة .. بناتنا الاميرات امتثال واخواتها وترجمة كتابهم (بن لادن) قمة الابداع الاديب ابوجهينة تعجز الحروف تحياتي ليك .. ده وفاء أهلنا الترابلة اصلو انتو احساسكم الفني عالي جداً

حياك الله استاذنا الجليل..

اخي وصديقي العزيز "ودالبشرى"....

لا يقبل الاسنخفاف بمقدراته الفكرية..

لذلك اذا اورد احدهم خبر او صورة غير
معلومة المصدر او مشكوك في صحتها...فانه يتقصى خلف الخبر
ويأتيك بالخبر اليقينن :)
يملك قدرة عالية جدآ على التقصي..

امتثال

ممكن تستلمي بعد ده .... لانو انا مداخلاتي لهذا اليوم
على وشك.

خليننا نشوف لائحة الدهشة عندك...

مع اكيد الاحترام.
======================

قبل كده...خليني اشير الى الموسيقار
احمد ياسين
الذي يمنحنا دروس مجانية في علم الموسيقى...

فله منا اكيد التحايا.

زي البوسات التافهة دي لا يمكن أن تفوت التعيريص التاني عبدالغني محمد الحاج ابدا

فهاهو الان بيحصل في الدهنسة.

الشيخ سيداحمد
خليني اجيك من خلال مصطفى
عمنا الشيخ ودسيداحمد في المنبر ياهو الركيزة .. هو البشيل حمل الرضاعة
وعنده كلمة على الجماعة .. وفى المنبر باقلنا سابة
وكل طيب ليهو غاية
وللضعيف .. تلقاهو سادر ويقهر( الكعب المعاند)
للضيوف بوستيهو فاتح .. ديل يقوموا وديل ينزلوا

Quote: من اكثر الاعضاء مشاركة... ظل يكتب حول فكرة محددة.. سخر لها كل ملكاته في الشرح والفكر ومستصحبآ حقائق التاريخ ملاحظتي...ان لغته في "الحوار المتمدن" اكثر اناقة مما هي عليه في منبر حبيبنا بكري..

حياك يا شيخ
في الحوار المتمدن بخاطب ناس اذكياء متواضعين
وفي التسجيلات بخاطب الشعب السوداني لبر لعفيف الذكي
وفي البورد بخاطب الموقوذة والنطيحية والمتردية وما اكل السبع قاعد معاهم من 2001 وعارفهم كويس
الشيوعيين والكيزان ديل قرود بافلوف كيسهم فاضي وبجو يتمسخرو وعندهم طبعة نجسة الاستهانة بوعي وذكاء الاخرين وجزء من التنوير تعريهم في البورد
الا تديهم بالحتة الفيها الحديدة وده علاج لي نصلحتم علي المدى البعيد
وانا ما قعد اشتم الشخص بل اصفه وهو ما متصالح مع نغسو ومعقد عشان كده بشوفا شتيمة
واصلو الزول في بيتو بقعد ام فكو
وسودانيز اون لاين بيتنا
ممكت تعمل احصا تلقي اكثر من استخدم كلمات سياسية واضحة جقود وحتلقي
90% كتابات جادة وبوستات جادة وووعي متطور في مستور الحوار المتمدن نفسه
9% هترشة
1% اسلحة شمار شامل وصورة قرود ولاريكس ودي وسائل تعليمية تخدم البوست
وكل واحد بشوف الحاجات البتشبهو
https://top4top.io/

البورد بي النسبة لي ساحة تنوير ما مهم كيف نا معحب بي ماما اميرة في امريكا وموقفا متقدم في امر العدوان علي اليمن ودي قضيتي المركزية في البورد
والبورد ليس ساحة علاقات عامة ولا اءمن اطلاقا بالقطيع والشلة ولااستخدم المسنجر اطلاقا للتحريض او التخطيط
ولا افتح بوست لاغتيال الشخصية
وحياك الله
يا الشيخ

سلامات الشيخ..

ما قلت الا الحق في عادل امين ..
هو من صناع الدهشة الحقيقية بدون رتوش ..
ودهشته نكهتها مختلفة تماما..
بتذكرني جو عمال السكة حديد في ورش المرمة والعمليات ..

شوف هسه بالله زي الدحشة دي

Quote: وفي البورد بخاطب الموقوذة والنطيحية والمتردية وما اكل السبع قاعد معاهم من 2001 وعارفهم كويس

في زول ممكن " يدحش " الناس بطريقة روع من كدة :)

Quote: في زول ممكن " يدحش " الناس بطريقة روع من كدة :)

ويا الشيخ جاك نموذج
حيدر الزين ده من ما اكل السبع
وشوف مداخلتو في بوست عطبرة عشان ما تاخذ في خاطرك
وانا محكمك
ادخل شوف عليك الله عشان تشوف عمك جقود بصارع في منو وفي شنو في البورد
محاضرة صوتية :اهل عطبرة ..جيدا جيتو!!..محاضرة صوتية :اهل عطبرة ..جيدا جيتو!!..
شوف المدخلة بتاعة حيدر الزين
والجهاز ده محسوب علينا في عطبرة
كده بقا ما تلومني ليه اسلوبي مختلف هنا
نحن جنجويد هنا ديل ما بنفع معاهم لمن طلل بين الجدية والجبل
او عيون المها

شكلو ما كان مزّيت ومشّحم حاكي معاك الفِوريل لي هسه ..!

مولانا محمد علي طه الملك
بثقافته الموسوعية وقدراته التحليلية العالية ونفسه الهادي في الحوار

يا الشيخ سيد أحمد
طالما البوست تضمن مولانا محمد المرتضى حامد ومولانا مولانا محمد علي طه الملك
خلينا نختصر القصة ونقول كل المولانات الفي المنبر من صناع الدهشة😝

Quote: كل المولانات الفي المنبر

حتى مولانات الخلا؟

Quote: حيدر الزين ده من ما اكل السبع

غايتو قبل شهرين كان نطيحة .. هسة خلاص اتلجن؟

حيا الله "عادل امين"

Quote: اما يحي قباني ده بيني وبينو ريد شديد ولن ازيد.... وزهت ايامي وانا بتغزل ما بهتم بي قول العزل لسه ما ختيتو في فتيل

من منا لا يحب "قباني" با "عادل"...

اي بالله ختو في فتيل...وشوف كيف لمن تفتح
الفتيل ح تلقى كيف الزول ده معتق
زول لذيذ جدآ...

Quote: حياك يا شيخ في الحوار المتمدن بخاطب ناس اذكياء متواضعين

انت عارف يا عادل..انا اتخيل لي جزء
كبير من احتكاكاتك في المنبر هو نوع
مداخلاتك الزي دي...لأنها بتخلينا قاعدين في السهلة
"عريانين"...
انت عارف انا مرات قاعد احس انو
محاكماتك دي بالرغم من كم السخرية اللاذعة الفيها
لكن فيها حقائق بتكشف لينا حجمنا الحقيقي وإدعاءاتنا
الزائفة في معرفة الحل لمشكلنا السوداني..

حيدر الزين
كيفنك ياخي..

Quote: سلامات الشيخ.. ما قلت الا الحق في عادل امين .. هو من صناع الدهشة الحقيقية بدون رتوش .. ودهشته نكهتها مختلفة تماما.. بتذكرني جو عمال السكة حديد في ورش المرمة والعمليات ..

انت عارف يا حيدر ...مرات بحس انك بتتعمد تكون ساخر...
مع انو عندك اراء احيانآ بتخلعني عديل كده:)
ياخي انت واحد من الناس الحلوين جدآ في المنبر...

Quote: ويا الشيخ جاك نموذج حيدر الزين ده من ما اكل السبع وشوف مداخلتو في بوست عطبرة عشان ما تاخذ في خاطرك وانا محكمك ادخل شوف عليك الله عشان تشوف عمك جقود بصارع في منو وفي شنو في البورد

دي ريده منو ساااي كده يا عادل وخجلان يقول ليك على الملأ:)
الطريفي اجدع ليهو في الخاص اشارات المحبة...كلنا يا الطريفي نحب عادل امين.

كسرة: يا "ابوبكر عباس" مالك حايم بي تحت؟؟ تعال ورينا نوع دهشتك كيف.

Quote: الشيخ سيداحمد خليني اجيك من خلال مصطفى عمنا الشيخ ودسيداحمد في المنبر ياهو الركيزة .. هو البشيل حمل الرضاعة وعنده كلمة على الجماعة .. وفى المنبر باقلنا سابة وكل طيب ليهو غاية وللضعيف .. تلقاهو سادر ويقهر( الكعب المعاند) للضيوف بوستيهو فاتح .. ديل يقوموا وديل ينزلوا

تسلم حبيبنا احمد ياسين.

بالله يا قريبك شوف حاجة مدهشة للمستنير بكور اي حاجة ان شا الله اكتر زول بيحرد و يقول رجعوني!
شايف قصة مقدراتي الفكرية اطلت معاه جمبة وقراها مفكر😀

حيا الله حافظ

Quote: مولانا محمد علي طه الملك بثقافته الموسوعية وقدراته التحليلية العالية ونفسه الهادي في الحوار يا الشيخ سيد أحمد طالما البوست تضمن مولانا محمد المرتضى حامد ومولانا مولانا محمد علي طه الملك خلينا نختصر القصة ونقول كل المولانات الفي المنبر من صناع الدهشة😝

سبقتني ...يا حافظ...اسمو مكتوب هنا :)

اها انت مالك ومال المولانات :)
لمن نجي على الاطباء والbiomedical نشوفك رقم كم في اللائحة:):)
بالله يا حافظ قول ليتا نوع دهشتك..


أحمد محمد عمر
يا هلا بيك ياخي...
انا قلت ليك بنتلاقى في ملف من ملفات المنبر العجيب ده:)
متظرين دهشتك...


كسرة: الرايقة إمتثال..وينك يا زولة..
الناس منتظراك...

Quote: بالله يا قريبك شوف حاجة مدهشة للمستنير بكور اي حاجة ان شا الله اكتر زول بيحرد و يقول رجعوني! شايف قصة مقدراتي الفكرية اطلت معاه جمبة وقراها مفكر😀

ههههههههههههه
تصدق ياقريبك
اول مرة يتداخل معاي "ابوبكر عباس" بي صورة مباشرة.

بالله هو حردان يعني عشان كده حايم بي تحت:):):)
يا ابوبكر بالله اطلع لينا فوق ياخي...ما تسوي لينا فلايت ووجع ضهر.

Quote: وقراها مفكر

ههههههههه
نفس التفسير ياقريبك..قراها مفكر بدل مابقرا المقدرات بتاعة التفكير.

يا ابوبكر اطلع فوق ياخي وسيب الحردان.

المرحوم باذن الله (العوض المسلمي)

اجمع الكل على حبه واحترامه..
إلتقيته مرة واحدة في حياتي في زيارة خاطفة له
الى "دبي"...قضينا ساعات مع بعضنا البعض..
رجل هادئ وعقلاني متصالح مع نفسه للحد
البعيد وصادق جدآ في تعاطيه مع الآخر..
كان رجلآ مدهشآ بحق.

اسأل الله تعالى له الرحمة والمغفرة

حبيبنا الشيخ .. تحياتي
معقول صورة البروفايل
بدل صورة حميد رحمه الله رمز الترابلة
صورة خواجة كمان تنس .. يا ريت طورية
حبيبنا الجميل الشيخ ..

حياك الله استاذنا الجليل علي عبدالوهاب

Quote: حبيبنا الشيخ .. تحياتي معقول صورة البروفايل بدل صورة حميد رحمه الله رمز الترابلة صورة خواجة كمان تنس .. يا ريت طورية حبيبنا الجميل الشيخ ..

حيد في قلوبننا يا استاذ علي...قاعد ومحكر ..

الخواجة ده احبو جدآ... اسمو روجر فيدرر ..لاعب تنس فنااانن يا استاذ..
ايه رايك انو انا التربال ده كنت مدمن الاستماع الى الاغاني لغربية
ابتداء من "مايكل جاكسون" وصولآ الى دكتور البان...
ياخي انتو قايلين الترابلة وعيهم وحدود معرفتهم الطورية بس ههههههههههههه.
ياخي بقيننا ناكل الايسكريم ونشرب Turkish coffee
تاني ما باقي لينا الا نستحم بالشامبو هههههههه.

شاكر جدآ مرورك وتعليقك


هاك الهدية دي من الزول الجميل ده...
مع محبتي..

سلام أ. الشيخ
شكراً لتوفير فرصة لنتذكر بعض أصحاب البوستات الرائعة.
الفاتح ميرغني
سمارت انا
البرنس
عليش الريدة
دهب تيليبو
عبد العزيزعثمان
خالد المنسي
شيقوق
اميرةالسيد
تاج السر الملك
الفاضل مدثر (اعتذر اذا كان الأسم الأول غير صحيح)

حياك الله نعمات

Quote: سلام أ. الشيخ شكراً لتوفير فرصة لنتذكر بعض أصحاب البوستات الرائعة. الفاتح ميرغني..سمارت انا..البرنس..عليش الريدة..دهب تيليبو عبد العزيزعثمان..خالد المنسي..شيقوق..اميرةالسيد..تاج السر الملك الفاضل مدثر (اعتذر اذا كان الأسم الأول غير صحيح)

الشكر ليك على مرورك بي هذا النفاج...

ماشاء الله ...شايف المدهشين عندك فعلآ عنندهم دهشة مختلفة..
مع تحايا خاصة الى "الطيب ود شيقوق"...
لسه عندك فرصة للتفتيش في حفائب الذاكرة لإيراد المزيد
من اصحاب الدهشة.
تعرفي يا نعمات لانك جيتي وشايلة معاك دهشة نناس كتيرين
خلينا نديك الهدية الصغيرونه دي...

Quote: يا شيخ دا حردان بتضييع كلمة السر لمعالجة الإدمان. مفكر بتاعت ود البشرى فعلاً أكلت معاي جمبة. المنبر دا من عملوهو ما جاب مدهش غيري وصلاح غريبة.

عاطف عمر وسيف بابكر اعتزلوا الشغلانة هسة تقعد تحت براك كدة زي المجنون!

عيال بقارة الحلوين

الثنوغرافيك "بريمة"
ده زول عندو قدرة على التوثيق فيها ابداع عجيب...
بريمة مشروع فنان فعلآ...
احب توثيقاته جدآ.


"كبر" الشهير ب "محمد النور"...
قاص بدرجة عالية جدآ من التشويق والمتعة...
تشعر انو افكارو مرتبة جدآ..
بس مداخلاته آخر الليل بتكون عجيبة
اظنو من ضعف الاضاءة :):):)

تحاياي حبايبنا.

Quote: عاطف عمر وسيف بابكر اعتزلوا الشغلانة هسة تقعد تحت براك كدة زي المجنون!

غايتو يا احمد لقيت شغلتك شغلة...حتى ناس اننفاج ما مخليهم في حالهم:)

Quote: يا شيخ دا حردان بتضييع كلمة السر لمعالجة الإدمان. مفكر بتاعت ود البشرى فعلاً أكلت معاي جمبة. المنبر دا من عملوهو ما جاب مدهش غيري وصلاح غريبة.

هههههههههههه

يا بكري ...ختيت ننفسك مع حبوبة :)
غريبة فعلآ زول ما عادي ...قدرة كبيرة في الصبر على الاذى
له منا عاطر التحايا...
يا بكري امرق ياخي من الحفرة دي..تعال بي فوق ..وشوف
ودالبشرى ده ح تعمل معاهو شنو في الحتة الاكلت منك جمبة دي:)

اكثر الناس الذين يثيرون الدهشة والإعجاب هما علي عبد الوهاب ومحمد النور كبر

نعومي
الأستاذة الأميرة النوبية بتقول ليك شكرا وتقول ليكي ربنا يديك الصحة والعافية

يا الشيخ سيد أحمد وأحمد محمد عمر (عاملين أساميكم الطوال ديل)
المولنة خشم بيوت
ولولا غياب عاطف عمر كان ملينا ليكم البوست بإبن شبرمة وزفر والكاساني

Quote: بس مداخلاته آخر الليل بتكون عجيبة اظنو من ضعف الاضاءة :):):)

أنت طبعا صاحبك جرجير ولا
عجب أن تكون من عاشقي النقط نقط والأكس اكس
والحوامة حول المعاني خخخخخخ

شكراً الأميرات الغاليات على الدعوات. ربنا يحفظكم من الكورونا.
««««««««««««««««««««

Quote: الفاضل

أقصد مصطفى مدثر.

السر عبدالله ..حياك الله

Quote: اكثر الناس الذين يثيرون الدهشة والإعجاب هما علي عبد الوهاب ومحمد النور كبر

يا سلام على الدهشة..طبعآ الى الان اكتر اتنين وردت اساميهم هم استاذ "علي عبدالوهاب" و "كبر"...

Quote: يا الشيخ سيد أحمد وأحمد محمد عمر (عاملين أساميكم الطوال ديل) المولنة خشم بيوت ولولا غياب عاطف عمر كان ملينا ليكم البوست بإبن شبرمة وزفر والكاساني

يا حافظ ...ما تركز مع الموسيقى التصويرية...خلي تركيزك مع احداث العرض...ابعد من الآكشن ياخي :)

Quote: أنت طبعا صاحبك جرجير ولا عجب أن تكون من عاشقي النقط نقط والأكس اكس والحوامة حول المعاني خخخخخخ

تنظير يا خطير...من كلامي ده كلو ما ركزت الا في
مداخلات اخر الليل..غايتو لقيتك صحفي متخصص إثارة:)
صحفي إثارة في الضل ...ولم تصبه اشعة الشمس خخخخخخخخ.

Quote: شكراً الأميرات الغاليات على الدعوات. ربنا يحفظكم من الكورونا.

المنبر ده فيه اميرات وأمراء
ما تفوت عليكم الحتة دي

Quote: صحفي إثارة في الضل ...ولم تصبه اشعة الشمس خخخخخخخخ.

ههه يا ريت لو الكلام كدا يا شيخنا
انا لم اقدر على المنافسة العالية في السودان
عشان كدا ( هرولت ) إلى الخليج لأكسر تلج للخلائجة
عشان يشغلوني صحفي عندهم ههههههه ..
لاحظ لهرولت دي كيف ساي
ولاحظ للمنافسة عالية في السودان مافي طريقة لي
وفي الخليج لمجرد كسير التلج ممكن يشغلوك الشغل العايزو
غايتو محن في البورد دا يوم بتكتل ليها زول .
....................
ياصاحب قائمتك دي خلت من جمال ود القوز لشنو ؟
شوفو لينا وين سريع عشان ما أصنف البوست دا
في درجة أقل من الجرائد الحائطية ذاتو .

حيا الله توفيق

Quote: المنبر ده فيه اميرات وأمراء ما تفوت عليكم الحتة دي

صحيح يا توفيق ..والامراء لا يخضعون لقياسات النبلاء....
المعايير هنا خاصة بالنبلاء فقط...
معايير الامراء مسؤول منها "بكري" هم سيلف خخخخخخ
لكن ده لايمنع من القول ان مرورك اسعدنا يا طويل العمر....

Quote: لاحظ لهرولت دي كيف ساي

انا بجيب معاي شاكوش ..وجايي اهرول معاك...تهرولو ساي
كده ..اصلو مافي "غانون"...وبعد ما نهرول ح نبدأ معاك بالشاكوش
ونقع في التلج كسير تقيل خخخخخخخ..

Quote: ياصاحب قائمتك دي خلت من جمال ود القوز لشنو ؟

نثني على جيمي الجميل "ودالقوز"......

العنوان فيه خطأ نحوي ...
(صانعو) الدهشة وليس (صانعي) الدهشة ...
وشكرا ...

Quote: ياصاحب قائمتك دي خلت من جمال ود القوز لشنو ؟ شوفو لينا وين سريع عشان ما أصنف البوست دا في درجة أقل من الجرائد الحائطية ذاتو .

تسلم كتير يا طلحة يا شفيف على هذه الالتفاته الجميلة ..
وهذا من زوقك وطبعك الجميل
ويسلم الحبيب الغالي الشيخ سيد أحمد على تثنيته ..
لكن أجدني دون ذلك وبكثير ..

مشكورين على محبتكم دي ..........

Quote: العنوان فيه خطأ نحوي ... (صانعو) الدهشة وليس (صانعي) الدهشة ...

شوف جنس دا
اوعك تكون قايل نفسك صنعت دهشة بقلم تصحيحك الأحمر
😝

"صانعي الدهشة" صحيحة في العنوان
فليس كل ما يبدأ به الكلام يكون مبتدأ ليرفع.

كرر المحاولة في إيجاد خطأ آخر في العنوان ولا تيأس🤔

انا حاتشجع واوريكم من هم صناع (الدهشة) الحقيقيون في هذا المنبر.
ولا يوجد غيرهم من اعضاء هذا المنبر.. وصناعة الدهشةليست بالشىء السهل
فهي تحتاج الى مقدرات خاصة ونادرة في الكتابة والتعامل وفي الربط بين الكاتب والعضو والموضوع
في الردود وفي اكتساب الاحترام والتقدير في وجودك المفيد وفي ثقافتك وانسانيتك
وصناع الدهشة في المنبر هم:
.......
..ً.....
.....
جميع الاعضاء في هذا المنبر الاحياء منهم والاموات ربنا يرحمهم برحمته الواسعة وان يعفو عنهم
ويدخلهم الجنة. كل من كتب حرفا على صفحات المنبر هو صانع دهشة.. لان العدد كبير والناس
المروا على هذا المنبر وانقطعوا والذين لازالوا يكتبون كل منهم رائع ومدهش بطريقته الخاصة
لذا اقول للجميع لجميع الاغدعضاء منذ تاسيس هذا المنبر ( احبكم جميعا) يا مدهشين

ما تنسى ود اب سن وطلحة عبد الله
ديل شخصيات من الشارع السوداني العريض طوالي بتلقى نفسك تتفق معاهم وبمثلوك وانوارم واصلة بدون سلوك

د. اخلاص
د. نعمات
والمداخلات الدسمة
والحلول الموجزة المفيدة بدون اطالة وسرد ممل
ومن العوامل المهمة في حيوبة المنبر

ما شاء الله حضور مميز

وحبيبنا عاصم .. ونقل الصورة من الداخل
وكل مداخلاته نترقبها لنعرف مجرى الاحداث في الداخل

تحياتي الحبيب الشيخ ..

Quote: Quote: دفع الله ود الاصيل. نموذج لمن يمتلك القدرة على ترويض لغة الضاد... انتاجه غزير... تقل المشاركات فيما يكتب...وفي تقديري ان السبب عو عدم القدرة على مجاراة قدراته في الكتابة.. كسرة: ننتظر منه ان يتحفنا ببعض قصائده.

●》 صباح الخير بالليل شيخ الترابلة، صراحة ماني عارف أشكر ليك صنيعك
و لا كان قريب أعضيككان داير تسو فيني سوات ود تاي العزيز يوم حتو فتح لينا
( كرتلة ) أوسكار دشرتنا الماكلنو من عمنول . و كمان برضك خاتني لصق مع مثلي
الأعلى هنا بلا منازع عمو جقود دافنشي كلامو زي شعر فض محمد غنا و د اللمين
كاتبين زاد الشجون من سنة 1968 و يا دوبك الناس بدت تتذوق فيها و تطرب ليها .
*
●》 علا بقى الداحشني نا و ماغسني حد انفقاع كبدي الرطب أن أحدهم زات مرةٍ قاللي: توقفت عن
قراءة جنس خزعبلاتك دي خسوين حين تنامى إلى علمي اعترافك بعضمة لسانك أنك زول{ عنقالي}.

●》بالله دي أمة تستاهل يشفعو ليها :البختفو طاقية مادح الرسول بقروشا في أسواق أربعين و تمبول؟!
ياخي ثكلتكم أمهاتكم و أخواتكم من الرضاعة.و هي كمان نعلها بس المرحومة الراحلة المقيمة ( عنقلة )
زاتا بقت شتيمة ينبزو بيها متل ( لكرو)؟! ياخ أقول ليك حاجة: اولن كويس طمنتني الله يطمنك :إنو أمة
محمد لا تزال (بتقراً)، هذه أولن ، ثم ثانياً إن العنقلة لنعمةٌ مغبونٌ فيها كثير من الناس. ماكم جايبين خبر.

●》عمومن، نفارقكم نودعكم لا لا ما بنقدر نودع ودع ودع كيف!! و حتى لو دا حصل نبشركم
إننا حنفضل نُقرئ سلامنا لكل من نعرف و من لا نعرف و من نخطر له أو لا نخطر له على بالٍ
ثم إلى حين ميسرةٍ هدا لينا محجورين منزلياً بجزيرة مالطة و يبقي عزاؤنا في أن نسخر من أنفسنا
و نرقص مذبوحين من وطأة الألم ؛ و من شر بلاءاتنا ما يهيج فينا جرثومة الضحكليسيل لعبانا،
ثم ما يلبث ان يجهشنا بنوبة البكاءُ. في زحام متناقضات كقطع الليل الأسود يضائل بعضُها
بعضاَ. كأن تجد أحدنا ينفجر باكياً في لمة زفاف بصالة للأفراح ، بينما ينفجرضاحكاً
في سرادقَ منصوبٍ لتلقي واجب العزاء في أعز عزيزٍ لديه مثلما تداهمه نوبة
عُطا س منفلتة في سوق تشاشة لبيع البهارات و التوابل و أهو ، كلها
انفجارات في انفجارات بطبقة الأوزون . ثم أياك إياك ياخي ،
لا تغزس مسماراً في الحائط. . فلا بدَّ غداً أنتَ العائد ..
و لا تتعلم لغةً أخرى..و ماذا تصنع باللغة الأخرى،!!

●》لكأن أحدَنا يناجي عالماً مسحوراً طفولي الأنانية ،
غزير الوجاهات..حينما تكتب شيئاً يتململ القرطاس تحت يديك؛
***
و تسوناميينبعثمن مرقده تحت قيعان البحار ليزلزل الأرض تحت قدميك..
***
و حمائمُ زواجلُ بيضاءُ ترفرف بجناحين عند شحمة أذنيك×
***
و نار الجوى يقيد من فرط توهجك ليشب في ثيابك ؛
***
و فيض تشبعك يذرف دمعه هتونا سخيناً من بين سبائب لحييك
***
و شتلة تينٍ شوكيٍّ بأزهارها الربيعية تنبت في سلة مهملاتك
***
و فراشاتُ مزركشةٌ ، تحط سكرانة حيرانة على كتفيك
***
▪》ثم حين تهم بتمزيق كل ما كتبت تصير بقايا قصاصاتك قطعاً
مهشمةً من حطام مرايا مشروخة؛ كمن نقضت غزلها من بعدِ قوَّةٍ
أنكاياً..أو شئت الأحرى ، قلتَ: كممكنةٍ من ضرعها كلَّ حاالبٍ
ثم رافسة ٍ فدافقةٍ من بعد كلِّ ذلك كل ما حلب!!

Quote: Over Qualified

●》كذلك ممن لصاحب الإطلالة البهية والاسم الرنَّنا يرد الروح ،
،أخوي/ هاني عربي معقول ياخي بعد العنقلة دي كولها أوفر كواليفايد
مرتنواحدة ؛أهوترا دا جنس الكلام الخايفنو بعدينك يجيب لينا تباريح
الهوى الغلاب من حيث ندري ولا ندري . لامن الوحد يقرب يصدق إنو
فعلن كاتبنحرير و لا أديب أريب و يحس بأنو منسلخ من رقعة ضلو
المباريهدا زاتو و كأنو ضل لحطام شخصغير الذي بين جنبه زي ما
عبر عن ذلك عمنا الراحل عمر الدوشسب (الضل الوقف ما زاد ) .

●》 طيب عشان نوريكم العنقلة البصح، هسة عندنا طلب حسيس ليكم
كلكم ، محتاجنكم تعلمونا، و ينوبكم ثواب ، كيف بتغيرو بيانات ملفاتكم
الشخصية، بما فيها بالذات صورة بروفايلنا المغوفة دي مزهجانا؛ و لأننا
رهن إقامة الجبرية مانا لاقين حلاق يشيل لينا التفة المغلبانا دي .

♤ ود ال ح ي ش ان ال ت ل ا ت ة/
مؤذنٌ محجورٌ منزلياً بجزيرة مالطة؛

Quote: العنوان فيه خطأ نحوي ... (صانعو) الدهشة وليس (صانعي) الدهشة ... وشكرا

عفوآ يا قسمم الفضيل.

Quote: ›شوف جنس دا اوعك تكون قايل نفسك صنعت دهشة بقلم تصحيحك الأحمر 😝 "صانعي الدهشة" صحيحة في العنوان فليس كل ما يبدأ به الكلام يكون مبتدأ ليرفع. كرر المحاولة في إيجاد خطأ آخر في العنوان ولا تيأس🤔

تعرف يا حافظ نوع ردودك العاملة زي السكر و حامضة شوبة دي:)
ياها البتخلينا مندهشين.

.
مولانا حافظ بشير ...
انا قاعد في مكان شبكتو كعبة جدا مرات تجي E ومرات H ...
ولي يومين طاشي شبكة فاااا بلدا ما فيها التمساح يقدل فيها ابو القدح ...🙊🙉🙈

موسيقارنا احمد ياسين

مداخلتك مدهشة فعلآ...
انت زول حلو ياخي.

kamal Allalla

تحياتي

Quote: ما تنسى ود اب سن وطلحة عبد الله ديل شخصيات من الشارع السوداني العريض طوالي بتلقى نفسك تتفق معاهم وبمثلوك وانوارم واصلة بدون سلوك

ابوسن رجل هادئ وعقلاني جدآ.

طلحة شنو جايبو لينا يا كمال !!
هسه يقوم يقبقبنا ويحمينا النوم :)
طلحة من القريبين الى انفسنا يا كمال.

استاذنا الجليل علي عبدالوهاب

Quote: د. اخلاص د. نعمات والمداخلات الدسمة والحلول الموجزة المفيدة بدون اطالة وسرد ممل ومن العوامل المهمة في حيوبة المنبر ما شاء الله حضور مميز وحبيبنا عاصم .. ونقل الصورة من الداخل وكل مداخلاته نترقبها لنعرف مجرى الاحداث في الداخل تحياتي الحبيب الشيخ ..

لائحتك مدهشة يا استاذنا الجميل...

حيا الله ودالاصيل

Quote: ●》 طيب عشان نوريكم العنقلة البصح، هسة عندنا طلب حسيس ليكم كلكم ، محتاجنكم تعلمونا، و ينوبكم ثواب ، كيف بتغيرو بيانات ملفاتكم الشخصية، بما فيها بالذات صورة بروفايلنا المغوفة دي مزهجانا؛ و لأننا رهن إقامة الجبرية مانا لاقين حلاق يشيل لينا التفة المغلبانا دي .

طيب يا ودالاصيل..

تمشي اول حاجة تختار الصورة العايز تضعها في بروفايلك.
تعمل right click..... ح تجيك خيارات كتيرة...تقوم تختار copy image address
تقوم تمشي على ملفك...تفتح ملفك بعدما تعمل دخول عليهو..وتمشي
على change profile...تمسح الرابط الموجود بتاعة الصورة الموجوده في بروفايلك..
تتاكد انو مافي ولا حرف ولا نقطة من الرابط القديم...بعدما تتاكد من انو مافي اي شئ..
تقوم تعمل تاني right click وتختار paste...ح تلقى اننو بروفايلك اتغير .

الاخ العزيز "ودالباوقة"
افتقده جدآ في المنبر وافتقده المنبر كذلك.
رجل عفيف اللسان مهما كانت درجة العدائية الموجهة إليه.

ظل متمسكآ برؤيته السياسية الى ان حدث التغيير...فغاب
وغاب معه سوت الرأي الاخر.

سيدنا الشيخ..
لك ولكل الأعزاء هنا شكر طويل التيلة..
لا داع للثناء على سودانيز لأننا أهلها ولا أرى سببا لمدح
الأعضاء النشطين ولا (الخلايا النائمة) فقد أصبحوا عندي
كأخواتي وإخواني، بالمعنى الحميد للإخوان، ولايمكنك
أن تدرك أن سودانيز جعلت لي موطنا في كل الدول التي
زرتها في كل قارات الأرض بلا استثناء وهذه ثروة حقيقية.
عرفتني إلى ناس كالماس والحمدلله وأتاحت لي المشاركة
في خير كثير بمبادرات الجميلين هنا. بس يا بركه الوقت بقى ممحوق
ولكني أزور هذا الوطن كلما أتاح الوقت ساعة صفاء.
لست من صناع الدهشة وسط المحترفين هنا ولكن مجاملتك مقبولة
ووالله أنت زول شجاع البتكتب بوست زي دا.
الله يحفظك.

Quote: تفتح ملفك بعدما تعمل دخول عليهو..وتمشي على change profile.

* بس دا ياهو محل الأذى يا شيخ الترابلة : ملفي ما بفتح. من يومي
العملتو مصلب و ساقف على كدا. شفت و لا حتى بمفتاح إنجليزي زاتو.
نفس الحتة العك فيها معاي عمو جقود لامن فتر. عارف بعدا كلها مشكلتي
دي ح تتفاقم إلى قضية رأي عام. لكن برضو أحسن برضو تنسينا كرونة
و مليان سد النهضة. عاد علا نبرك ليها جدي أب صوبان الدفق ( الوبان)
يرقد لينا ليها بالخيرة. ياخي دا قالو: جر الشمشي مع الملايكة ما غلبو
و التمساح حجر في شان جلوك قلبو" يجي يغلبو تغيير بروفايل؟!

الشيخ
بالنسبة لتغيير صورة البروفايل الانت شرحته لود الاصيل ،انا حاولت عدة مرات ان اضع صورتي في
البروفايل وجربت الخطوات الانت شرحتها ولكن للاسف دائما بيظهر فقط اللنك الانا نقلته من الانترنت
ولا تظهر الصورة ،،،وارجع مرة ثانية وامسح اللنك ، واستشرت خالتي ، وهي خبيرة في تكنلوجيا الكمبيوترات
ولكنها نصحتني بان لا اضع صورتي في البروفايل ولا في اي موقع اسفيري لان ناس الهاكرز ممكن يتلاعبوا
في الصورة ،،،،وهذه النصيحة هي التي جعلت بسمات بت عطبرة تمسح صورتها من البروفايل ،،،
ولكن فكرت ان اضع رمز او صورة تعبيرية ولكن فشلت وتوقفت عن المحاولات الفاشلة ،،
ولكن هل فعلا الهاكرز ممكن يتلاعبوا في الصورة ويحوروها الى صور مسيئة ام ان هذه مبالغات،،

تشكر كمال علي الله وكتر خيرك

غايتو يا الشيخ
قولك في صورة البروفايل فيها معقولية

Quote: حيد في قلوبننا يا استاذ علي...قاعد ومحكر .. الخواجة ده احبو جدآ... اسمو روجر فيدرر ..لاعب تنس فنااانن يا استاذ.. ايه رايك انو انا التربال ده كنت مدمن الاستماع الى الاغاني لغربية ابتداء من "مايكل جاكسون" وصولآ الى دكتور البان.

يا اخي دا انساني بشكل مدهش ؟ وكل من هو انساني فهو متواضع (وكمان بشكل)
من اجمل واعظم الشخصيات التي جملت سويسرا
Roger Federer
ويعتبره السويسريون انه من الشخصيات الاسطورية a living legend
وهاك بعض ما قالته ويكيبيديا عن

World's most respected, admired and trusted personalities
In 2011, on the Reputation Institute's study of the World's most respected, admired and trusted personalities, Federer ranked No. 2 just behind Nelson Mandela but ahead of Bill Gates, Steve Jobs, Oprah Winfrey and Bono.

Switzerland's most recognizable personalities
On July 2016, Roger Federer ranked No. 1 in the list for the most recognizable people in Switzerland, surpassing personalities such as Albert Einstein and William Tell. In a poll of more than 9,000 people from 15 countries, the Swiss legend topped the list of most recognizable Swiss with 600 votes more than the country's second national hero, William Tell, who came up at the second place. Federer got 916 votes, Tell got 316 and Einstein ranked third with 204. The other three in the first six were Henry Dunant, Jean-Jacques Rousseau and cartoon character Heidi.[392]

Swiss coin
On December 2019, Federer became the first living person to be celebrated on Swiss coins. His face will be on the 20-franc coin and in May 2020, Swissmint plans to issue a Federer 50-franc gold coin featuring a different d
esign.[395]

Philanthropy and outreach
Roger Federer Foundation
In 2003, he established the Roger Federer Foundation to help disadvantaged children and to promote their access to education and sport.[371][372][373]

Since May 2004, citing his close ties with South Africa (his mother is South African) he has been supporting the South Africa-Swiss charity IMBEWU, which helps children better connect to sports as well as social and health awareness. In 2005, Federer visited South Africa to meet the children that had benefited from his support.[374][375][376] Also in 2005, he auctioned his racquet from his US Open championship to aid victims of Hurricane Katrina.[377]

يكفيه فخرا ان وضع في القائمة السويسرية التي تحوي اسماء :
Albert Einstei
Jean-Jacques Rousseau
Henry Dunant
والاخير هو مؤسس الصليب الاحمر في عام ١٩٠١، وحاصل على جائزة نوبل
والملاحظ ان الثاني Jean-Jacques Rousseau
والثالث Henry Dunant
كلاهما من جنيف
أما
Albert Einstei
وRoger Federer
فهما من القطاع الالماني بسويسرا الاول من مدينة بيرن عاصمة سويسرا والثاني من مدينة بازل مركز صناعة الادوية السويسرية