كشف عدد من الباحثين أن نبات القنب الهندي يمكن أن يساعد في منع أمراض الرئة القاتلة المرتبطة بفيروس كورونا. وعثر الباحثون على أحد المكونات النشطة الرئيسية في القنب تساعد على الحد من التهاب الرئتين الناجم عن الفيروس. ويعرف هذا المكون باسم "رباعي هيدرو كانابينول" (Tetrahydrocannabinol)، والذي يعرف اختصارا بـ THC، وهو الجزئية الأكثر شهرة في نبات القنب الهندي، ويمتلك خاصية المؤثر النفسي. وهذا هو العنصر الذي يجعل الناس منتشين عند تناوله ويتم إزالته عادة من العديد من منتجات الكانابيديول (CBD) التي دخلت السوق في السنوات الأخيرة. وادعى الباحثون الآن أن هذا المكون يمكن أن يحمي الرئتين من العدوى. واختبر الباحثون آثار القنب على الفئران المصابة بـ متلازمة الضائقة التنفسية الحادة، وهي حالة تؤثر على ثلاثة ملايين شخص في جميع أنحاء العالم كل عام، ومن المتوقع أن يرتفع هذا الرقم بسبب جائحة فيروس كورونا. ونشر الباحثون الدراسة في مجلة Frontiers in Pharmacology، قائلين إن مضاعفات الرئة يمكن أن تسبب "عاصفة سيتوكين" التي شوهدت في العديد من مرضى "كوفيد-19". وعندما يتعرض الجسم للهجوم، يطلق جهاز المناعة السيتوكينات. ويتفاعل الجسم بعد ذلك مع موقع الإصابة، ولكن بالنسبة للأشخاص الذين يعانون من "كوفيد-19" يمكن أن تلتهب السيتوكينات. ووجد الباحثون أن " رباعي هيدرو كانابينول" ساعد بنسبة 100% من الحالات التي اختبروها، حيث منع تلف الرئة الحاد ومنع أيضا الانسداد الناجم عن "عواصف السيتوكين". ومع ذلك، اعترف الباحثون بالحاجة إلى مزيد من البحث لتحديد ما إذا كان استخدام "رباعي هيدرو كانابينول" يمكن كعلاج، فعال على البشر المصابين بـ"كوفيد-19" أم لا.
Post: #2 Title: Re: هل يساعد andquot; البنقوandquot; في حل معضلة كفويد19 Author: ABUHUSSEIN Date: 07-08-2020, 07:47 PM Parent: #1
اشتغلت في البنقو و عايز ترفع سعرو ... ؟؟؟؟
Post: #3 Title: Re: هل يساعد andquot; البنقوandquot; في حل معضلة كفوي� Author: أحمد محمد عمر Date: 07-08-2020, 07:51 PM Parent: #2
Quote: اعترف الباحثون بالحاجة إلى مزيد من البحث
باحثين ما عندهم ضمير ولا حاسين بي آلام البشرية الناس بتموت وانتو بتتجرجروا !! يلا ذيعوا الشغلانة خلوا العيانين يفرفشوا .. حتى لو ما عالجهم بموتوا مبسوطين :)
Post: #4 Title: Re: هل يساعد andquot; البنقوandquot; في حل معضلة كفوي� Author: muntasir Date: 07-08-2020, 08:15 PM Parent: #3
جزاك الله خير دكتور محمد في ميزان حسناتك ، فعلاً مساطيل حلتنا ولا واحد فيهم كرون، عُلم وسينفذ يا دكتور مش شابكننا توم وقرض
Post: #5 Title: Re: هل يساعد andquot; البنقوandquot; في حل معضلة كفوي� Author: ABUHUSSEIN Date: 07-08-2020, 10:19 PM Parent: #4
بوست متوقع له النمو و التمدد خاصة بعد دخول اثقل اتنين ... انا ما واحد منهم .... 😂😂😂😂😂
Post: #6 Title: Re: هل يساعد andquot; البنقوandquot; في حل معضلة كفوي� Author: Ahmed Yassin Date: 07-08-2020, 10:57 PM Parent: #5
Quote: الكانابينول الكانابيديول
الفرق شنو يا هندسة بين الاتنين وياتو فيهم البثير العواطف ولا العواصف؟ بالمناسبة الكلام دا ممكن صحي لانه ماسمعنا بى واحد بتاع بنقو مات ولا جاتو كرونا مع انه حايم اليوم كله
Post: #7 Title: Re: هل يساعد andquot; البنقوandquot; في حل معضلة كفوي� Author: ABUHUSSEIN Date: 07-08-2020, 11:05 PM Parent: #6
نكتة المجنون اللي واقف و بحسب واحد واحد واحد اتنين اتنين اتنين تلاتة تلاتة تلاتة . . . . . منظرين رقم اربعة 😂😂😂😂😂😂😂
Post: #8 Title: Re: هل يساعد andquot; البنقوandquot; في حل معضلة كفوي� Author: Ahmed Yassin Date: 07-08-2020, 11:18 PM Parent: #7
Quote: خاصة بعد دخول اثقل اتنين . منتظرين رقم اربعة.
نحن حسب المتداخل الاول. . كيف اربعة .. انت فطيت نفسك؟
Post: #9 Title: Re: هل يساعد andquot; البنقوandquot; في حل معضلة كفوي� Author: ABUHUSSEIN Date: 07-08-2020, 11:22 PM Parent: #8
Quote: نحن حسب المتداخل الاول. . كيف اربعة .. انت فطيت نفسك؟
بطل تزوير ......
Post: #10 Title: Re: هل يساعد andquot; البنقوandquot; في حل معضلة كفوي� Author: Arif Nashed Date: 07-08-2020, 11:28 PM Parent: #9
كم سيجارة في اليوم. بتاعة المغربية ما محسوبة.
Post: #11 Title: Re: هل يساعد andquot; البنقوandquot; في حل معضلة كفوي� Author: ABUHUSSEIN Date: 07-08-2020, 11:41 PM Parent: #10
اربعة اربعة اربعة . . .
Post: #12 Title: Re: هل يساعد andquot; البنقوandquot; في حل معضلة كفوي� Author: MOHAMMED ELSHEIKH Date: 07-09-2020, 07:26 AM Parent: #11
الواحد ما يجيب اخبار سارة يجو العواطلية ناطين واحد يقول سلام مافي
Post: #13 Title: Re: هل يساعد andquot; البنقوandquot; في حل معضلة كفوي� Author: MOHAMMED ELSHEIKH Date: 07-09-2020, 07:53 AM Parent: #6
Quote: الفرق شنو يا هندسة بين الاتنين وياتو فيهم البثير العواطف ولا العواصف؟
انا كان عندي معرفة قدر دي بجي اتحاوم مع العواطلية ديل ؟
Post: #14 Title: Re: هل يساعد andquot; البنقوandquot; في حل معضلة كفوي� Author: Ahmed Yassin Date: 07-09-2020, 08:41 AM Parent: #13
Quote: انا كان عندي معرفة قدر دي بجي اتحاوم مع العواطلية ديل ؟
كدي نسال د. عادل بلدو الشهير بابي حسين . اكيد حنلقى عنده اجابة ضافية . ووافية وكافية
Post: #15 Title: Re: هل يساعد andquot; البنقوandquot; في حل معضلة كفوي� Author: ABUHUSSEIN Date: 07-09-2020, 08:51 AM Parent: #14
ابو حسين بعرف البنقو معرفة سطحية ...... صاحب البوست هو المسئول عن العفش داخل البوست 😂😂
Post: #16 Title: Re: هل يساعد andquot; البنقوandquot; في حل معضلة كفوي� Author: Ahmed Yassin Date: 07-09-2020, 09:03 AM Parent: #15
اهههههههها معرفة سطحية؟ زي انا بالمناسبة .. لكن بعرف ابن عمو ( الكراك) ودا اسمو بالانجلبزي لمنتترجموا عربي شىء خطير اها ابن العم دا ما بياخد ساعتين .. تطلع ورق البرنسيس وتقعد تلصق بى خشمك وتفتفت القندول وتنقي الحب وتبل صباعك وترمي وتقتفت الحمرة وتجيب النقيتو داك وتفرشو بى فوق وتلف وتلف وتلصق بى خشمك .. اييييك وتولع وتمرر اييييك زمن الكراك بتختا في حاجة كدة صغيرة من قزاز وليها شقاط زي الكدوس .. بتولع وتشفط شفطة واخدحدة بس يعني كلها نفس واحد. معليش عشان انا برضو معرفتي سطحية شديد
Post: #17 Title: Re: هل يساعد andquot; البنقوandquot; في حل معضلة كفوي� Author: نادر الفضلى Date: 07-09-2020, 09:19 AM Parent: #13
سلام محمد الشيخ وزوار غرزته العلاجية
العم قوقول أفاد بالمعلومات أدناه عن نبات القنب الهندى، وبالأصناف المستخرجة منه، حسب طريقة التحضير من زهور وأوراق وسيقان النبتة يتكون الصنف ومدى نسبة مادة رباعي هيدرو كانابينول (THC)
طلعت الماريغوانا اقلهم إحتواء للمادة الرباعية رباعي هيدرو كانابينول (THC) ، وبعده البنقو العاملين ليهو شنة ورنة، ثم الحشيش المشهور فى مصر، والأقوى منه زيت الحشيش، ثم حاجة إسمها فولة لم يحدد نسبة المادة الرباعية.به.
ظنى أنه هنالك ربما تضارب فى التسمية للأصناف، فيما يخص (البنقو) بتاعانا، لأنه رائج أنه أقوى من الحشيش المصرى، وربما يوازى فى الأصناف الصنف الأعلى (آخر واحد فى القائمة) وهو صنف (فولة) الذى يطبخ ويخلط بالطحنية، وقد سمعت بنقو السودان يخلط بالعسل .. الخبراء ياريت يفيدونا.
الماروانا فى أمريكا تستخدم كعلاج لبعض الحالات المرضية المستعصية منها حالات للأطفال، وفد قامت بعض الولايات باترخيص إستخدامه (صار قانونيأً) إستخدامه للعامة ويباع علنأً فى السوق. من ضمنها ولاية كولارادوا التى بعد التصريح بالماروانا صارت فى إجازة الويكأند فنادقها مكتظة بزبائن حشاششين يأتوا من ولايات مجاورة، ومن آثار ترخيصه زادت أسعار العقارات والإيجارات بسبب إنتقال عدد كبير للإقامة بالولاية.
النوع (الصنف) ............................... الوصف ............ رباعي هيدرو كانابينول (THC)
ماريغوانا: خليط من الأوراق الجافة ورؤوس الأزهار من نبات القنب الهندي THC 3%
بانجو: خليط من الأوراق والأزهار والسيقان THC 5-7%
حشيش: المادة الصمغية أو الراتنج التي تستخرج من أطراف النبتة المزهرة THC 5 – 15%
زيت الحشيش: عصير أجزاء نبات القنب ثم تضاف إليه مادة مذيبة ثم يسخن فيتحول إلى سائل كثيف لزج هو زيت الحشيش. THC 20 -60%
فولة: بانجو أو حشيش أو الاثنين معًا وتطبخ مع مواد أخرى ويضاف إليها الحلاوة الطحينية. ( ؟ THC)
Post: #18 Title: Re: هل يساعد andquot; البنقوandquot; في حل معضلة كفوي� Author: adil amin Date: 07-09-2020, 09:42 AM Parent: #17
Quote: هل يساعد andquot; البنقوandquot; في حل معضلة كفوي�
دي ما بعرفا ...لكن البنقو بحل مشكلة السودن
البنقو ما كعب...كعب البنقوا الكعب
Post: #19 Title: Re: هل يساعد andquot; البنقوandquot; في حل معضلة كفوي� Author: نادر الفضلى Date: 07-09-2020, 10:00 AM Parent: #18
Post: #20 Title: Re: هل يساعد andquot; البنقوandquot; في حل معضلة كفوي� Author: Abdullah Idrees Date: 07-09-2020, 12:24 PM Parent: #19
اكيد يا ود الشيخ البنقو ده بعالج اي حاجة الدكتور : شنو يا حبيب كرونا؟ 9 كروت ، كل يوم تلاتة تمشي الضيدلية : الصيدلي : معليش "القنب الهندي" الطبي خلصان والله (طبعا الصيدلي خجلان من كلمة بنقو دي) لكن لو مشيت البيت الهناك قدام البقالة ديك بعد المغرب ، دق الباب وقل ليهم جاييكم من دكتور (اكس) وعارفين السوداني طبعا لما تقول ليهو جاييك من فلان
Post: #21 Title: Re: هل يساعد andquot; البنقوandquot; في حل معضلة كفوي� Author: عمر نملة Date: 07-09-2020, 12:50 PM Parent: #20
سلام و محبة فعلا لتقوية جهاز المناعة يجب تنشيط الدورة الدموية ويتم ذلك بعدة طرق اهمها و اصحها الرياضة خاصة الجري وفي الهواء الطلق... أيضا البنقو لانه يساعد على تدفق الدم و كمان بسرعة اكثر من المعتادة... و كمان الفياجرا.. لكن لهما آثار جانبية خطيرة فالبنقو سبب أساسي لسرطان الحنجرة.. و الفياجرا قد تسبب نوبة قلبية... وايضا تصدقوا البنجر وعصيره ينصح به لممارسي الرياضة لانه يفتح الشعب الهوائية .
Post: #22 Title: Re: هل يساعد andquot; البنقوandquot; في حل معضلة كفوي� Author: أحمد محمد عمر Date: 07-09-2020, 03:55 PM Parent: #21
أها بعد البنقو جابت ليها فياجرا كمان أبو الانبساطة ذاتو :)
Post: #23 Title: Re: هل يساعد andquot; البنقوandquot; في حل معضلة كفوي� Author: عمر نملة Date: 07-09-2020, 07:59 PM Parent: #22
يا احمد ركز في الجري و البنجر
Post: #24 Title: Re: هل يساعد andquot; البنقوandquot; في حل معضلة كفوي� Author: نادر الفضلى Date: 07-09-2020, 09:42 PM Parent: #23
سلام عمر
بعد معلومة البنقو ود عم الفياجرا .. بيسب جريان اسرع للدم .. يعنى بيوسع الأوعية الدموية فى الجسم فوق تحت .. تجى تقول ليهم ركزوا على البنجر بيوسع الشعب الهوائية .. شوف ليهم وقاية من سرطان الحنجرة ؟؟ الينسون والجزنزبيل ما بيخارج من سرطان الحنجرة؟
Post: #25 Title: Re: هل يساعد andquot; البنقوandquot; في حل معضلة كفوي� Author: نادر الفضلى Date: 07-16-2020, 07:37 PM Parent: #24
ما وريتونا الخلاصة شنو؟
والبنقو قالو بجووع عاوز لياقة وأكل سمح .. دا كييف مع غلاء المعيشة وطاوى ثلاثة
