Post: #1
Title: السودان يعلن تمديد سنوات الفترة الانتقالية ومنح «الثورية» 4 وزارات اتحادية
Author: زهير عثمان حمد
Date: 06-30-2020, 00:08 AM
Parent: #0
00:08 AM June, 29 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم: السوداني
تم التوصل لاتفاق بين الحكومة الانتقالية السودانية ومفاوضو حركات الكفاح المسلح على تمديد الفترة الانتقالية لتصبح 4 سنوات، بدلا من 3 سنوات.
و وفق « العين الإخبارية» تم التوافق من خلال المجلس الأعلى للسلام برئاسة الفريق أول عبد الفتاح البرهان ورئيس الوزراء، على تمديد الفترة الانتقالية لتصبح 4 سنوات تبدأ عند التوقيع النهائي لاتفاق السلام الشامل.
بجانب استثناء أعضاء حركات الكفاح المسلح الموقعين على اتفاق السلام من أحكام المادة 20 التي تمنع شاغلي المواقع الدستورية في مجلسي السيادة والوزراء والولايات أو حكام الأقاليم من الترشح في الانتخابات المقبلة.
وفيما يختص بالسلطة، تم الاتفاق على زيادة أعضاء المجلس السيادي الانتقالي ومنح الجبهة الثورية مقعدين ، أما الوزارات فقد تأكد الاتفاق علي منح الثورية عدد 4 وزارت يتم الاتفاق على توزيعها لاحقاً.
وأوضحت المصادر بأن هناك خلافات بين وفد الحكومة الانتقالية، واللجنة المركزية لقوى الحرية والتغيير من جهة، ومفاوضو حركات الكفاح المسلح من الجهة الأخرى بشأن أعضاء المجلس التشريعي، وتوقعت المصادر زيادة العدد ليصبح 400 مقعد بدلاً من 300.
وأقر فريق الوساطة إجراءات لبناء الثقة بين الطرفين، من بينها إطلاق سراح أسرى الحرب وإسقاط الأحكام الغيابية، والحظر الذي فرضه نظام البشير على بعض قادة الفصائل المسلحة، وفتح الممرات الإنسانية لإغاثة المتأثرين من الحرب.
ونصت الإجراءات أيضاً على تأجيل تشكيل المجلس التشريعي وتعيين حكام الولايات لحين التوصل إلى اتفاق حول السلام في مناطق الحروب، ليتسنى لقادة التمرد المسلح المشاركة في السلطة الانتقالية.
|
Post: #2
Title: Re: السودان يعلن تمديد سنوات الفترة الانتقال�
Author: Asim Ali
Date: 06-30-2020, 00:12 AM
Parent: #1
| Quote: بجانب استثناء أعضاء حركات الكفاح المسلح الموقعين على اتفاق السلام من أحكام المادة 20 التي تمنع شاغلي المواقع الدستورية في مجلسي السيادة والوزراء والولايات أو حكام الأقاليم من الترشح في الانتخابات المقبلة. |
!!!!!!!!!!!!!!!!!
|
Post: #3
Title: Re: السودان يعلن تمديد سنوات الفترة الانتقال�
Author: osama elkhawad
Date: 06-30-2020, 00:19 AM
Parent: #2
| Quote: و وفق « العين الإخبارية» تم التوافق من خلال المجلس الأعلى للسلام برئاسة الفريق أول عبد الفتاح البرهان ورئيس الوزراء، على تمديد الفترة الانتقالية لتصبح 4 سنوات تبدأ عند التوقيع النهائي لاتفاق السلام الشامل. |
بدون موافقة "قحت"؟؟؟
|
Post: #4
Title: Re: السودان يعلن تمديد سنوات الفترة الانتقال�
Author: منتصر عبد الباسط
Date: 06-30-2020, 00:20 AM
Parent: #2
Quote: Quote: بجانب استثناء أعضاء حركات الكفاح المسلح الموقعين
على اتفاق السلام من أحكام المادة 20
التي تمنع شاغلي المواقع الدستورية في مجلسي السيادة والوزراء والولايات أو حكام
الأقاليم من الترشح في الانتخابات المقبلة. |
ما مشكلة هم لو ما مميزين ما عملوا معاهم اتفاقية وقومة وقعدة
طبيعي تميزهم
السلام لابد له من تنازلات عشان يتحقق
|
Post: #5
Title: Re: السودان يعلن تمديد سنوات الفترة الانتقال�
Author: Asim Ali
Date: 06-30-2020, 00:24 AM
Parent: #4
دا ماتميز
دى انتهازيه
وتكرار لفوضى الانقاذ ترضيات بمقاعد فى الحكم وللمواطنين والمنطقه التى تحدثو باسمها مافى غير المعاناه
ولسه موضوع الولاه والولايات الكارثه الاكبر يركبو ضهر ولايات وبعد داك تشوف الفسادد يمشى على قدمين
|
Post: #6
Title: Re: السودان يعلن تمديد سنوات الفترة الانتقال�
Author: Hafiz Bashir
Date: 06-30-2020, 00:48 AM
Parent: #5
| Quote: بشأن أعضاء المجلس التشريعي، وتوقعت المصادر زيادة العدد ليصبح 400 مقعد بدلاً من 300 |
يا النبي نوح
| Quote: أما الوزارات فقد تأكد الاتفاق علي منح الثورية عدد 4 وزارت يتم الاتفاق على توزيعها لاحقاً |
هل ستخلى لهم بعض الوزارات الحالية أم سيتم خلق 4 وزارات جديدة إرضائية
|
Post: #7
Title: Re: السودان يعلن تمديد سنوات الفترة الانتقال�
Author: امتثال عبدالله
Date: 06-30-2020, 01:00 AM
Parent: #6
٤ سنوات بس !!!؟؟؟؟؟
وانت بتصدق الكلام ده يا ابو الزهور ...
الفترة الانتقالية مدتها ٣٠ سنة بالتمام والكمال....واذا عشنا نشوف !!!!
|
Post: #8
Title: Re: السودان يعلن تمديد سنوات الفترة الانتقال�
Author: منتصر عبد الباسط
Date: 06-30-2020, 01:39 AM
Parent: #7
| Quote: وتكرار لفوضى الانقاذ |
الحكومة الحالية دي أصلاً حكومة محاصصة لأحزاب غير مسلحة
قعدو ليها في القيادة شهرين بس
إيش معنى يعني الحركات المسلحة؟!
يعني عشان ما كانو حاضرين مولد القيادة دا جوة الخرطوم؟!
|
Post: #9
Title: Re: السودان يعلن تمديد سنوات الفترة الانتقال�
Author: اخلاص عبدالرحمن المشرف
Date: 06-30-2020, 01:45 AM
Parent: #7
يحكموا من غير تفويض حقيقي اكثر من5 سنوات !!!!!
زي ما قالت الحبيبة امتثال ناوين علي الثلاثينية
ومافيش حدٍ احسن من حد
|
Post: #10
Title: Re: السودان يعلن تمديد سنوات الفترة الانتقال�
Author: محمد على طه الملك
Date: 06-30-2020, 02:03 AM
Parent: #9
| Quote: 4 سنوات تبدأ عند التوقيع النهائي لاتفاق السلام الشامل. |
النص دا غامض ..
مفروض يوضح الاتفاق النهائي دا مقصود بيهو الجبهة الثورية ام كل الحركات ؟
إذا المقصود كل الحركات معناه الانتقالية مابدت لسه ..
ح تبدا وتستمر لاربعة سنوات بعد التوقيع النهائي مع كل الحركات..
وطبعا بدهي ما معروف حتى الان متى يكون ذلك!!
|
Post: #11
Title: Re: السودان يعلن تمديد سنوات الفترة الانتقال�
Author: محمد على طه الملك
Date: 06-30-2020, 02:05 AM
Parent: #10
برضو نسيت اقول دا يتطلب اجراء تعديلات في الوثيقة الدستورية ..
وطبعا ما ممكن يتم تعديل لفترة ما معروف تاريخ بدايتها ..
وهل الحركات الثورية تقدر تقدم التزام للشعب السوداني بأن لا تظهر حركات مسلحة أخري في مناطقهم؟
|
Post: #12
Title: Re: السودان يعلن تمديد سنوات الفترة الانتقال�
Author: Asim Ali
Date: 06-30-2020, 02:20 AM
Parent: #11
Quote:
النص دا غامض ..
مفروض يوضح الاتفاق النهائي دا مقصود بيهو الجبهة الثورية ام كل الحركات ؟
إذا المقصود كل الحركات معناه الانتقالية مابدت لسه ..
ح تبدا وتستمر لاربعة سنوات بعد التوقيع النهائي مع كل الحركات..
وطبعا بدهي ما معروف حتى الان متى يكون ذلك!! |
حسب ملقريتو فى بعض صفحات خدمه الاخبار انو موعد توقيع الاتفاق النهائى- ماعارف هل فى بعض المسارات لسه بتفاوضو ؟ - هو اول اكتوبر اللى حيكون موعد بدايه الفتره الانتقاليه حسب الاتفاق (4 سنوات)
|
Post: #13
Title: Re: السودان يعلن تمديد سنوات الفترة الانتقال�
Author: adil amin
Date: 06-30-2020, 02:57 AM
Parent: #12
Quote: الخرطوم: السوداني
تم التوصل لاتفاق بين الحكومة الانتقالية السودانية ومفاوضو حركات الكفاح المسلح على تمديد الفترة الانتقالية لتصبح 4 سنوات، بدلا من 3 سنوات. |
4 سنوات بس مع شغل البصيرة ام حمد ده
والله 4000000 سنة ضوئية ما تفكنا من الانتهازييز الساقطين ديل بعاعيت مايو ومتسكعين الهامش وجنرالات الابادة ديل
والله يرحم د جون قرنق ود منصور خاد ودستور 2005 الفدرالي الواضح ما فاضح والجربناه في انتخابات 2010 وبوظا البشير وبدرية سلميان والهادي البشرى والساقط مختار الاصم
الاعلان الدستوري 2019 اكبر مشروع شمولي انتهازي ساقط من نزول ادم في السودان واسوا من انقلاب مايو
الزمة الحقيقية الوعي اصنمي المباري فلان وعلان واختزل المشهد السياسي كلو في السودان في حمدوك
ياخ صلح المحكمة الدستورية ورجع الاقليم بي دستور 1974 خلي لناس تنتخب حاكم الاقليم وبرلمان الاقليم بدون وصاية ساقطين المركز ديل او اعتمد دستور 2005 وخلي الناس ينتخبو الوالي وبرلمان الولاية
ومستكعين جوبا ديل غير مالك عقار ما في واحد فيهم بمثل زول في السودان لا عمد ولا اطيان
|
Post: #14
Title: Re: السودان يعلن تمديد سنوات الفترة الانتقال�
Author: Mutasim Idris
Date: 06-30-2020, 03:00 AM
Parent: #12
يعني فلم الانتقالية لسة ما بدأ والفات دا كان بس المناظر؟..
400 = 268 لقوي الاعلان نسبة ال 67% و 132 مقعد للعسكر.
العسكر ح يملأوا مقاعدهم دي بي منو؟؟؟
إتفاق بين حمدوك والبرهان والحركات. هل فعلا حمدوك إتجاوز
قوي الاعلان و حيفرض برنامجه حسب ما يراهو؟ خاصة وفي
خطابه قال ح تكون في إجراءات جديدة!!
بعدين هل الشارع ح يبلع الانتقالية اللي ما بدأت دي وتاني
ح ينتظر 3 سنوات كاملة حكم للعسكر بعد إنقضاء سنة ضاعت
في برطعة البرهان وحميدتي وحمدوك نفسه؟
كلام شوية عجيب.. غااايتو.
سلام يا ضيوف البوست وسيده ابوالزهور.
|
Post: #15
Title: Re: السودان يعلن تمديد سنوات الفترة الانتقال�
Author: Mohamed Suleiman
Date: 06-30-2020, 03:17 AM
Parent: #14
هؤلاء لا فرق بينهم و بين قحت ... غواة مناصب و محاصصات
يتحدثون و يفاوضون بإسم الهامش ... و الهامش منهم براء.
أي إتفاقية لا تنبع من القواعد ... تعتبر إتفاقية صورة كربونية من نفس الكراس القديم ...
هل يُعقل أن لا يستصحب هؤلاء دعاة ممثلي الحركات المسلحة ... ممثلين للنازحين و اللاجئين و ... المرأة ... اللتي هي دفعت أفدح الأثمان من أجل هؤلاء المتسكعين في فنادق جوبا و أفريقيا و أوروبا ... ثم يهرولون الآن الي الخرطوم لعقد صفقة مع من أحرقوا أطفال دارفور في القطاكي ... و لا كلمة و لو بالغلط عن العدالة و المحاسبة و .. لاهاي؟؟!!
ده فلم هندي دخلناه مليون مرّة ....
|
Post: #16
Title: Re: السودان يعلن تمديد سنوات الفترة الانتقال�
Author: Hafiz Bashir
Date: 06-30-2020, 03:30 AM
Parent: #15
لم نبارح عقلية حكومة الإنقاذ كثيراً ولم تبارح الحركات عقليتها التي فاوضت بها حكومة الإنقاذ.
نفس الفوقية التي يمارسها طرفا التفاوض على الشعب ضاربين بآمالهم وطموحاتهم عرض الحائط.
مسودة الوثيقة الدستورية وخطوطها العريضة أجازتها ملايين الثوار الذين خرجوا في كل بقاع العالم في الثلاثين من يونيو قبل عام من الآن،
اليوم الذكرى السنوية وطرفا التفاوض من الحكومة الإنتقالية والحركات الثورية يتجاوزون ما أرتضته جماهير الثوار دون أي إلتفاتة لهم.
ولم يتفهموا حقيقة أنهم هناك للتفاوض بصورة نيابية عن الشعب المالك الحقيقي للقرار.
نفس أجندة التفاوض التي تتركز على تقسيم مقاعد السلطة بين طرفي التفاوض ولا وجود لأي أجندة تتحدث عن نظام وبرنامج يمس جوهر المشكلة وكيفية إدارة الدولة وإنتفاع شعبها بمواردها وخيراتها.
شدي اللحاف وغطيني صوتي ... مافيش فايدة يا صفية
|
Post: #17
Title: Re: السودان يعلن تمديد سنوات الفترة الانتقال�
Author: Biraima M Adam
Date: 06-30-2020, 04:35 AM
Parent: #16
شرك أم جيجي .. يا ول أبا زهير
الله يطولك يا روح ..
بريمة
|
Post: #18
Title: Re: السودان يعلن تمديد سنوات الفترة الانتقال�
Author: NEWSUDANI
Date: 06-30-2020, 08:07 AM
Parent: #17
أها والحركة الشعبية جناح عبد العزيز ح يدوها شنو ؟؟؟؟؟؟؟؟؟
وحركة عبد الواحد ؟؟؟؟؟؟؟؟
وحركة المرور !!!!!!
|
Post: #19
Title: Re: السودان يعلن تمديد سنوات الفترة الانتقال�
Author: علي عبدالوهاب عثمان
Date: 06-30-2020, 08:42 AM
Parent: #18
الاحباب الكرام
كنا نتمنى لهذه الحركات عند جلوسهم للمفاوضات تقديم مشاريع انمائية
مثل الطرق والمشافي والمدارس والجامعات وغيرها والمشاريع الزراعية
تكون خطط جاهزة للتنفيذ والتمويل من الحكومة ..
ولكن بمجرد جلوسهم الى المفاوضات تكون مخاصصات ومحاصصات ( وظيفة فقط )
بينما ملأوا العالم صراخ وعويل بالمعاناة والتهميش والجوع والمرض
شيء محير .. تحياتي الحبيب زهير
|
Post: #20
Title: Re: السودان يعلن تمديد سنوات الفترة الانتقال�
Author: Arif Nashed
Date: 06-30-2020, 09:23 AM
Parent: #19
Quote: طبعا ما ممكن يتم تعديل لفترة ما معروف تاريخ بدايتها ..
وهل الحركات الثورية تقدر تقدم التزام للشعب السوداني بأن لا تظهر حركات مسلحة أخري في مناطقهم؟ |
ستنبعث أجنحة معارضة من نفس الحركات الحالية عندما تتم المحاصصات داخل الحركات نفسها.
اذا كانت الحكومة ذات نفسها ما عندها برامج وخطط تنموية عايزين تجار الحركات المسلحة أن تكون لديهم برامج!!.
السلام بالنسبة للحركات ان تجني مكاسب مقابل ما تفقده بإيقاف الحرب...
|
|