Post: #6 Title: Re: زينب بدوى فخورين بك Author: Osman Musa Date: 06-25-2020, 06:05 PM Parent: #5
يا بدر سلام زينب بداوي زي ما بقولوا اهلنا الانجليز هي البنت الوردة . او البنت الحديقة كما قال شيخنا خطاب حسن احمد . زينب المفخرة لينا . زينب حاجة زي طعم الحلو مر . زينب خلطة البقنية مع العرديب. زينب الصوت المريح البخليك تطقطق في اصابعينك. وتهز ضراعك في الهواء عزة وعجب. ..
زينب محمد الخير البدوى هى بنت السودان واحدى كنداكاته التى رفعت اسمه عاليا فى كل اركان الكرة الارضية وهى بنت قريتنا القليعة الحبيبة التى تقع على الضفة الغربية للنيل فى منطقة الرباطاب
Post: #8 Title: Re: زينب بدوى فخورين بك Author: بدر الدين الأمير Date: 06-25-2020, 06:25 PM Parent: #7
نعمات انا زينب بدوى دى كاسرة فينى ضلعة من يوم جات الاولى
Post: #9 Title: Re: زينب بدوى فخورين بك Author: بدر الدين الأمير Date: 06-25-2020, 06:37 PM Parent: #8
عثمان ياموسى ياخى دى بت عمك محمد خير البدوى وما ادرنا محمد خير البدوى الاقتصادى النفاهو نظام عبود
Post: #10 Title: Re: زينب بدوى فخورين بك Author: بدر الدين الأمير Date: 06-25-2020, 06:41 PM
Quote: نعمات انا زينب بدوى دى كاسرة فينى ضلعة من يوم جات الاولى
حبيبنا أبو بدر نزلوا لينا فيديو المؤتمر عشان نشوف الحصل شنو وحياتك زازينا من قناة لى قناه ومن قروب لى قروب عشان نتابع مؤتمر أصدقاء السودان ولم نوفق أملنا فيكم تجيبوا لينا الفيديو . فكة الريق بخبر بايت أخير من الريقه البتجيب الكوفاره .
Post: #12 Title: Re: زينب بدوى فخورين بك Author: علي عبدالوهاب عثمان Date: 06-25-2020, 07:44 PM Parent: #11
الامير الحبيب والدها الله يرحمه كان يقدم في بي بي سي زمان ( هل صحيح ؟ ) برنامج التجارة والصناعة لو لم تخني الذاكرة نحن في ضواحي الدنيا كنا مركزين مع هنا لندن
لمن لا يعرف زينب محمد خير البدوي منقول من النت لتسهيل البحث للقراء
ولدت زينب في السودان ثم انتقلت أسرتها إلى بريطانيا وهي في سن الثانية إذ التحق والدها الإعلامي السوداني محمد خير البدوي بقناة ال بي بي سي العربية. كان جدها بابكر بدري من أنصار محمد أحمد المهدي ورائد تعليم المرأة في السودان الذي أنشأ جامعة الأحفاد للبنات.
تعلمت زينب في مدرسة هورنزي الثانوية للبنات في شمال لندن، ثم درست الفلسفة والسياسة والاقتصاد بكلية سانت هيلدا في جامعة أوكسفورد. حازت على درجة الماجستير في السياسة وعلم الاجتماع في الشرق الأوسط من مدرسة الدراسات الشرقية والإفريقية بجامعة لندن في عام 1989. عملت كمراسلة للبث الحي من قصر ويستمنستر لمدة خمس سنوات.
في عام 2005أصبحت مذيعة برنامج العالم في قناة بي بي سي الرابعة، وهو أول برنامج بريطاني يومي مكرس للأخبار العالمية. أعيدت تسمية البرنامج في 2007الى اخبار العالم اليوم واصبح يبث في قناة بي بي سي الإخبارية العالمية.
قدمت عدة حلقات في برنامج هارد توك من بينها استضافة شخصيات سياسية سودانية مثل عمر البشير، وغازي صلاح الدين، ومحمد حمدان دقلو وبعض وجوه ثورة ديسمبر 2018.
غطت انتخابات جنوب افريقيا 2014 من جوهانسبرغ للقناة الإخبارية والإخبارية العالمية.
تقدم برنامج عقول نوبل السنوي منذ عام 2012، البرنامج الذي يغطي احتفالات جوائز نوبل ويستضيف الفائزين بها.
غطت انتخابات بريطانيا 2010.
كما قدمت عدة حلقات خاصة منها سلسلة تاريخ افريقيا التي كانت من انتاجها في عام 2017 وقدمت حلقتين خاصتين في هارد توك اكسترا في عام 2006استضافت فيهما سوزان سراندون وميا فارو كما قدمت برنامج مناظرة بي بي سي العالمية: النساء في العالم العربي عام 2005. منقول
ود الأمير جميل منك الاحتفاء هنا بزينب السودان فالسودانيات اينما حلوا هن الجميلات شكرا لهذا الحضور الجميل زينب البدوى https://top4top.io/ إيدين بنيات الفريق قادرات على صد الحِدَيْ جاسرات على صقر النكد. إيدين بنيات الفريق بتهدهد الطفل الرضيع بتعدي شيخ دومة الحفير تشلخ لبق.. تسقي الخدير بتعوس وتفرك للملاح بتورِّق اللوبي وتحش تمسك مراح.. تحلب، تخُش تغسل هموم أيامه في طشت الحلم تنفض تشر الشوق هِدِم تنشل من البير أم تلاتين باع تعتِّل.. تفزع الطيّانة لو ما تجدع التبّانة بتجيّه بيوت.. تغزل خيوت.. بتطرز المنديل تخيِّت لي طواقي العيد.. صبر.. بتَتَبِبْ السجاج مع الفجاج تقوم إيدين بنيات الفريق بتحش تمر.. تخرت سبيط بتعتِّق الدكّاي.. وتخبز للصفاح بتكفّي عيزومة وضيوف.. بتغني قيدومة وتطوف بتهني.. بتودي وتجيب بتحني.. بتدلك حبيب بتولِّد الأمات.. تربِّي على الصلاح.. زي ما بتضمِّد للجراح إيدين بنيات الفريق إن داهم الحلاّل خطر قادرات على شيل السلاح.
Post: #15 Title: Re: زينب بدوى فخورين بك Author: محمود الدقم Date: 06-25-2020, 08:27 PM Parent: #14
العملتا الانقاذ في الشعب عامة والنخب السودانية ما بتتمحي بسهولة لكن من بين الرماد سيخرج السودان ويعود اسد افيريقيا ان شاءالله تشكر يا الامير
Post: #16 Title: Re: زينب بدوى فخورين بك Author: احمد حمودى Date: 06-25-2020, 09:41 PM Parent: #15
احلى ناس اهلى الرباطاب
Post: #17 Title: Re: زينب بدوى فخورين بك Author: بدر الدين الأمير Date: 06-26-2020, 00:48 AM Parent: #16
شكرا لجميع الحبان البشاركونى محبتهم وتقديرهم لزينب بدوى زينب ادارت المؤتمر بمهنية واقتدار وهى جديرة بفخرنا و حبنا لها العجبنى شديييد كل المشاركين فى المؤتمر بنادوها بتلقائية ومودة زينب واسم زينب من الأسماء الحنينة والمحببة لدى معظم السودانين
Post: #18 Title: Re: زينب بدوى فخورين بك Author: حمد إبراهيم محمد Date: 06-26-2020, 11:22 AM Parent: #17
ود الأمير ، المشاركين - سلام .. (زينبو) بتكسر ضلع مش طلعة واحدة عشان علمها الغزير ثقة بالنفس مثقفة لبقة حنينة ست بيت ست الكل سودانية وتكتب عن تاريخ افريقا .. والفيديو دا :
Post: #19 Title: Re: زينب بدوى فخورين بك Author: بلدى يا حبوب Date: 06-26-2020, 03:10 PM Parent: #18
نعم نفخر بها أدارت المؤتمر بحنكةواظهرت لباقة في تقديم وشكر ممثلي أصدقاء السودان
Post: #20 Title: Re: زينب بدوى فخورين بك Author: بدر الدين الأمير Date: 06-30-2020, 04:33 AM Parent: #19
كم وكم عندنا كنداكات على شالكة زينب محمد خير البدوى ممكن يقودن السودان بجدارة واقتدار
Post: #21 Title: Re: زينب بدوى فخورين بك Author: Abureesh Date: 06-30-2020, 05:49 AM Parent: #20
يا ريت يجيبوها مديرة المراسم فى القصر الجمهورى.. فهى كفاءة كبيرة.
Post: #22 Title: Re: زينب بدوى فخورين بك Author: Mohd Ibrahim Date: 06-30-2020, 07:36 AM Parent: #21
اكثر ماهز زينب الفترة الاخيرة هو وفاة ابن عمها الطبيب امجد الحوارني ..الذي ومنذ اليوم الاول كان في خط الدفاع الاول لمرض كورونا حيث بلغت شجاعتة حدا ادهش البريطانين وقالت فيه كلمات مؤثرة جدا حين توفي بنفس المرض ..وكانت تتذكر جيدا اخر لحظات له مع اسرتة وبعد المرض ..احسست بعدها انها قررت ان تكرس نفسها اكثر لخدمه بلدها الام وتفعل مابوسعها لاخراج السودان من النفق الي دائرة الضوء والاهتمام العالمي ..
Post: #23 Title: Re: زينب بدوى فخورين بك Author: MOHAMMED ELSHEIKH Date: 06-30-2020, 09:46 AM Parent: #22
Quote: وفاة ابن عمها الطبيب امجد الحوارني
رحمه الله رحمة و اسعة
بس لا اعتقد انه ابن عمها والا يكون قريب من طرف ما او صديق لان لديها عم واحد هو التجاني بدوي رحمه الله توفي في الثمانينات
Post: #24 Title: Re: زينب بدوى فخورين بك Author: دفع الله ود الأصيل Date: 06-30-2020, 10:31 PM Parent: #23
Quote: وهى بنت قريتنا القليعة الحبيبة التى تقع على الضفةالغربية للنيل فى منطقة الرباطاب
•》دا كلا م مفرح جدن يا حسن فرح ، و ما تنسى(لون زينب). و كمان ليأكد لينا نكتة ناصر أدروب ؛ وكت زولنا من أهل العوض قعد يقول لرباطابي أصلو جدودنا شكير و حليو ديل اتشاكلو في طين قام حليو ركب قكع البحر بالهوج جابنا نحنا الحلاويين ؛ و فضل شكير قبلو بالشرق جاب الشكرية. الرباطابي قالليو: ما ياهو حتنا نحنا أبهاتنا ربيط و بريط ديل أخوان أشقا. قام بريط زعل ركب الطيارة مرق في مغرب الشمش؛ أها جاب البريطانين و زولنا نحن زول ربيطة أخدتدو العزة بالإثم فضل ساكن قبلو ترا لامن هدا جابنا نحنا الرباطاب.
