وجعت مزارع ومصدر

01:02 PM June, 21 2020

سودانيز اون لاين
ابتهال العبيد-السودان
مكتبتى
رابط مختصر

وجع البلد الماليهو وجع الصادر السوداني والعجز
بسم الله الرحمن الرحيم
دي ما سياسي ولا عندو ارتباط عندي بيها
دي وجعه مزارع كادح طول سنه علشان يسلمه للمصدر يصدر. ويدخل عمله ترجعه ليهو هو قبل البلد للتعليم والعلاج... الخ
لما تقيف شركات التصدير عاجزه انها تصدر لانو مافي ثلاجات مبرده عابره. لانو مافي بواخر مجهزه للصادر لما تكلفه الطن لجده بالطيران تصل ١٣٠٠$
$وطن المنقه تسليم مطار الخرطوم ١١٠٠$

طن اللحمه وصل 5 الف دولار للضان لما نضيق اللطيران يصل 7الف دولار ماااابنافس ابدا
مع الدول المصدره للحوم مهما كانت جودة اللحمه السوداني
محتاحين اسطول من البرادات ٤٠ قدم تصل لجميع الدول العربية
محتاجين نقلل سعر الخام الطالع علشان نلقي مشترين حادين
ما تجو تقولو ما نصدر خام . مافي مستثمرين سودانين دخلو البلد لتحويل الخام ل منتجاتو
الموضوع طويل وعائز كل الاطراف المهتمه تدخل بحلول في ارض الواقع

العافية درجات ؛ الاقتصاد السودانى فى مرحلة نقاهة بعد عملية قلب مفتوحة
ان شآء الله كله يحصل

السلام عليكم
كل الامر صار بيد الامن الاقتصادي والجيش
ف المنتج في النهاية ( مسروق )

الاخت ابتهال سلام

كويس انك فتحت موضوع مهم زي ده عشان الناس تعرفه

و الناس الماعنده فكرة برضه تستفيد

فأظن موضوع الصادر ده موضوع طويل و عبارة عن سلسلة طويلة من الاجراءات

مرتبطة ببعض.. كذلك الموضوع أعتقد و الله أعلم محتاج تدخل الدولة لعمل بنيات أساسية

بدء من الفحص و الترحيل و نقطة أو مركز تنسيق أو استلام أو مساعدة في بلاد الاستلام لحل أي مشكلات

و كمان هناك مشكلات قانونية قد تواجه المصدر..

المشكلة إنه التصدير لازال من سنين عبارة عن اجتهادات فردية...و خبرات منعزلة يحتفظ بها كل مصدر لنفسه..عكس ما يحدث

في البلدان الأخرى..يعني في مصر القريبة دي بيتعقد مؤتمرات لطرح المشكلات و كذلك طرح الخبرات من لدن المصدرين و عرض المشكلات

و تقوم السفارات في الدول الخارجية بالترويج و فتح الاسواق و التزويد بالمعلومات...يعني المفروض تكون دي ضمن واجبات السفارات.

الموضوع محتاجح لجهاز حكومي للتنسيق و الإعداد و المساعدة..

مجرد وجهة نظر..و ننتظر منك و من غير آراء إضافية أو مخالفة أو غير ذلك.