نشوف اقتراحاتكم عشان نختار أكثر 10 شخصيات و زملاء في المنبر يتصفون ب التهذيب و الحكمة و في بوستاتهم و مداخلاتهم أكثر 10 شخصيات بعيدة عن المشاكل و المهاترات .... 10 شخصيات نجمع عليها من خلال هذا البوست.
طبعاً في ذهني ال طيش مشترك طبعا يمكن الاجماع أيضاً علي 10 شخصيات في النقيض تماماً و لكن هذا ليس موضوع البوست عشان ننظر للجمال فقط ..... النقيض كل شخص عندو القائمة بتاعته ... و لو في زول عاوز يشوف رأي الناس احسن يفتح بوست أخر ... و يبعد عن هذا البوست نبحث عن الروعة و الجمال فقط في هذا البوست البوست لك للجميع كل زول يقدم الشخصية أو الزميل الذي يقترحه مع سبب الاقتراح بإختصار و نشوف ..... يمكن لأي شخص أن يقترح من 1 الي 10 شخصيات و ياريت واحد يمسك الاحصاء و حساب عدد الاصوات بوست للجميع الدركسون ملك الجميع. و ح اكون في موقع المتفرجين و المعلقين و أكتفي بتقديم اقتراحي فقط الي لوحة الشرف في المنبر .
Post: #2 Title: Re: الأول مشترك تهذيباً في المنبر Author: Hamid Elsawi Date: 06-18-2020, 09:32 PM Parent: #1
أقترح إمتثال عبد الله السبب كل ما طرحته في بوست مجاور بإسم إمتثال يمكن الرجوع اليه لمن يريد أن يعرف سبب اختياري لها ...
Post: #3 Title: Re: الأول مشترك تهذيباً في المنبر Author: Hamid Elsawi Date: 06-18-2020, 09:46 PM Parent: #2
كتبت بوست عن إمتثال ... لكن هناك كثير من زملاء المنبر يتمتعون بالحكمة و الرزانه و طولة البال .... من حقنا و واجبنا أن نشير اليهم و زي ما قلت نديهم حقهم ..... أقترح أيضاً دفع الله ود الأصيل
Post: #4 Title: Re: الأول مشترك تهذيباً في المنبر Author: خالد العبيد Date: 06-19-2020, 07:24 AM Parent: #3
سلامات يا حامد في ذهني : عبدلله عثمان ويحي قباني وابوجهينة واسامة الخواض ..
Post: #5 Title: Re: الأول مشترك تهذيباً في المنبر Author: Abureesh Date: 06-19-2020, 08:39 AM Parent: #4
سأستفيد من الوقت و المساحة و لا أعيد من سبق ذكرهم..
كل الكنداكات فيصل محمد خليل هانى العربى
Post: #6 Title: Re: الأول مشترك تهذيباً في المنبر Author: نعمات عماد Date: 06-19-2020, 09:01 AM Parent: #5
سلام م. الصاوي
بدون ثلج ،الريس بكري.
الأعضاء مهذبون كلهم و بعضهم اكثر تهذيباً.
شكراً أ. ابوريش نيابة عن الكنداكات
حاضرات و غائبات.
Post: #7 Title: Re: الأول مشترك تهذيباً في المنبر Author: أحمد محمد عمر Date: 06-19-2020, 11:42 AM Parent: #6
كل الأعضاء لمن يتهبشوا بخربشوا ما عدا الجمهوريين - أبو الريش* (-) دي علامة ناقص التهذيب جزء من تربيتهم
____________ * بخربشك وينخمشك ويطردك من البوست
Post: #8 Title: Re: الأول مشترك تهذيباً في المنبر Author: أبوبكر عباس Date: 06-19-2020, 11:54 AM Parent: #7
أبو الريش مفصول جمهوريين
Post: #9 Title: Re: الأول مشترك تهذيباً في المنبر Author: محمد عبد الله الحسين Date: 06-19-2020, 12:08 PM Parent: #8
كم واحد في البال.. لكن هسه اتذكرت osman mosa كتبت الاسم زي ما يكتبوا.. بس ان شاء الله الاسم الاخير اكون كتبته صاح..
Post: #10 Title: Re: الأول مشترك تهذيباً في المنبر Author: محمد عبد الله الحسين Date: 06-19-2020, 12:10 PM Parent: #9
برضه الأخ ياسر الشريف.. رغم كثرة مداخلته.. و بعض البوستات بيكون فيها خلاف و مشاكسات لكنه يغلب عليه التهذيب دائما.
Post: #11 Title: Re: الأول مشترك تهذيباً في المنبر Author: أبوبكر عباس Date: 06-19-2020, 12:16 PM Parent: #10
يا خالد العبيد، عبد الله عثمان وأبو جهينة ما فيهم كلام، لكن بالغت في قباني والخواض ديل!
Post: #12 Title: Re: الأول مشترك تهذيباً في المنبر Author: أبوبكر عباس Date: 06-19-2020, 12:24 PM Parent: #11
حسب رصدي للمنبر الذي يتبع معيار عادل ومهذب ومتحرر من أي شيء هو فقط مولانا محمد طه الملك
Post: #13 Title: Re: الأول مشترك تهذيباً في المنبر Author: امتثال عبدالله Date: 06-19-2020, 12:38 PM Parent: #12
والله معظم الأعضاء يتسمون بالتهذيب والأدب الجم خلال الحوار ...ولكني أضع استاذنا وعمنا علي عبد الوهاب على راس القائمة... وذلك بشهادة جميع أعضاء المنبر .. والله يديه الصحة والعافية
Post: #14 Title: Re: الأول مشترك اتهذيباً في المنبر Author: Arif Nashed Date: 06-19-2020, 12:43 PM Parent: #13
كل الاعضاء يتسمون بروح عالية. أضع في رأس القائمة مشترك. دينق - دينق عبد الله.
Post: #15 Title: Re: الأول مشترك اتهذيباً في المنبر Author: MOHAMMED ELSHEIKH Date: 06-19-2020, 01:06 PM Parent: #14
Post: #16 Title: Re: الأول مشترك اتهذيباً في المنبر Author: MOHAMMED ELSHEIKH Date: 06-19-2020, 01:09 PM Parent: #15
أبو حسين ماداير يدخل
عشان يلقى زول يرشحو شخصيا ههههههههههه
ياخوي تلقاها عند الغافل ادخل سريع ورشح
Post: #17 Title: Re: الأول مشترك اتهذيباً في المنبر Author: Ahmed Yassin Date: 06-19-2020, 01:22 PM Parent: #16
دينق بريمة كبر صلاح زبير ابوحسين عارف ناشد
Post: #18 Title: Re: الأول مشترك اتهذيباً في المنبر Author: أحمد محمد عمر Date: 06-19-2020, 01:58 PM Parent: #17
النبي كان ما دخلت معاهم عادل امين وعمر التاج
Post: #19 Title: Re: الأول مشترك اتهذيباً في المنبر Author: Salah Zubeir Date: 06-19-2020, 01:59 PM Parent: #17
دينق بريمة كبر صلاح زبير ابوحسين عارف ناشد
هههههه أحمد يا فنان ديل ناس دافوري ساي ... هاك لسته ما تخرش الميه ... تهذيب بإمتياز :- الملك زكريا فاضل سناري محمد الأمين موسي حفيظ المشرف أما الناس المهذبه تهذيب سيوبر :- هاشم الحسن عزيز معاوية الزبير ... والكنداكات ..
Post: #20 Title: Re: الأول مشترك اتهذيباً في المنبر Author: Hafiz Bashir Date: 06-19-2020, 02:23 PM Parent: #19
وحات الله باقي ليكم بس ترشيح المدعو جلالدونا وشراب السجاير 😜
Post: #21 Title: Re: الأول مشترك اتهذيباً في المنبر Author: أحمد محمد عمر Date: 06-19-2020, 02:54 PM Parent: #20
عشان نكون صريحين الناس هنا بترشح في أصحابها ولا الناس البتكيفوا ليهم صاحب البوست ما حدد معيار بالتالي خلى مجال للناس الماشين جمب الحيطة ناس الخدمة المدنية عندهم عبارة مأثورة (تشتغل كتير تغلط كتير انت كعب، ما تشتغل ما بتغلط انت كويس) أنا في تقييمي ما بحكم على من لم يُختبَر مثلاً عز الدين الفحل أي زول في المنبر بشهد ليه بي طول البال وعفة اللسان لكن هل حضرتو ليه اختبار حقيقي؟ أنا حضرت ليه اختبار انفعال مع الأزهري2 والشتائم اللي كالها للأزهري من أبشع وأشنع ما قيل في المنبر نمسك مثلاً أبو جهينة .. حمامة سلام ما في ذلك من شك وكضاب البقول شافو بتشاكل لكن السؤال هل حصل شفتو في بوست شكلة أو خلاف رأي؟ هو حاصر نفسه في مجال ضيق شديد بعمل بوستات ما فيها أي اختلاف آراء ولا يتداخل إلا في بوستات اجتماعية .. يعني مبتعد تماماً عما يجلب المشاكل قد يكون دة بالنسبة ليك تهذيب لكن بالنسبة لي أنا لم يُختبَر بعد المهذب في فهمي هو الشخص اللي بتداخل في كل البوستات بما فيها الخلافات السياسية وما تظهر أنيابه المهذب عندي ماهو الزول الما اتهبش وإنما الزول اللي بعد ما اتهبش مسك نفسه عن الأذى وأهدى مخالفه أجمل ما عندو بدل يكشر عن أنيابه الوصف دة حالياً ما مر بذاكرتي من يطابقه إلا عبد الله عثمان
Post: #22 Title: Re: الأول مشترك اتهذيباً في المنبر Author: nour tawir Date: 06-19-2020, 03:05 PM Parent: #21
فياقة ناس سودانيز مبالغة..
Post: #23 Title: Re: الأول مشترك اتهذيباً في المنبر Author: nour tawir Date: 06-19-2020, 03:05 PM Parent: #21
فياقة ناس سودانيز مبالغة..
Post: #24 Title: Re: الأول مشترك اتهذيباً في المنبر Author: عبدالحفيظ ابوسن Date: 06-19-2020, 03:06 PM Parent: #21
عطفا علي كلام عمر واحد شاف كديستين بلعبن قال لاخوه شوف الخوة دي كيف اخوه قال ليهو اجدع ليهن لحمة 😆😆
Post: #25 Title: Re: الأول مشترك اتهذيباً في المنبر Author: محمد عبد الله الحسين Date: 06-19-2020, 03:11 PM Parent: #24
السودانيين نادرا يتفقوا على شيء حتى الموضوع البسيط ده اختلفوا فيه بالمناسبة اتذكرت علي عبدالوهاب
Post: #26 Title: Re: الأول مشترك اتهذيباً في المنبر Author: muntasir Date: 06-19-2020, 03:23 PM Parent: #25
غايتو شيخ العرب عبدالحفيظ أب سن مؤدب لحدي ما تجيب ليه سيرة قلة الأدب ، لكن المؤدب جد عمو عثمان عووضة نسأل عليك وين مختفي
Post: #27 Title: Re: الأول مشترك اتهذيباً في المنبر Author: أحمد محمد عمر Date: 06-19-2020, 03:25 PM Parent: #25
Quote: اجدع ليهن لحمة
ينصر دينك يا اب سن وحاة الله جبتها بالمليميتر
Post: #28 Title: Re: الأول مشترك اتهذيباً في المنبر Author: osama elkhawad Date: 06-19-2020, 03:28 PM Parent: #25
Quote: المهذب عندي ماهو الزول الما اتهبش وإنما الزول اللي بعد ما اتهبش مسك نفسه عن الأذى وأهدى مخالفه أجمل ما عندو بدل يكشر عن أنيابه
أوسكار ..
بعدين "جندريا" ثبت ان الرجال يجنحون الى العنف والسب والبذاءة اكثر من النساء...
ثم أن "المعيار الثقافي السوداني للأدب والتهذيب ، يجب وضعه في الاعتبار، ونتساءل إذا ما كان يساهم في تعزيز ثقافة "الشفافية"...
Post: #29 Title: Re: الأول مشترك اتهذيباً في المنبر Author: دفع الله ود الأصيل Date: 06-19-2020, 03:48 PM Parent: #20
..لكن هناك كثير من زملاء المنبر يتمتعون بالحكمة و الرزانه و طولة البال.. من حقنا و واجبنا أن نشير اليهم و زي ما قلت نديهم حقهم ..أقترح أيضاً دفع الله ود الأصيل. ~~~~~~~~~~~~~~~~~~~~~~~~~~~~~/ ● موش معقول أنا اسمي مكتوب!؟. إلاهي يخليمو و يعلي مراتبك و يضاعف لي راتبك يا حامد أخوي ؛ و التهذيب و أخواته جندٌ مجندةٌ و ساعيةٌ في ركابك و لها عبقٌ يفوح بالعنبر من ثيابك.و هي سمةٌ نسبية أقرب إلى ( اسم المفعولّ ) منها إلى ( الصفةٍ المشبهةٍ ).
♤ وأما ضالتي هنا فهي الحكمة ، صندوقٌ أسودُ ، لا نتحسس وجودَه ، إلا حال أصطدام منطادنا بصاعقٍ مغناطيسيٍّفوق مثلث برمودة في أحشاء المحيط المتجمد اليساري . و لعمري أنت من خيرة من التمسنا لدبهم و ياتي على رأسهم إجماعاً و بلا منازع: 1》 عمنا علي عبد الوهاب/ (لقمان المنبر ) و هو أحكمهم؛ 2》ول أبا بريمة آدم بلل الشيب/ و هو أمهلهم و أطعمهم ؛ 3》عمو عادل اللمين ، جقود دافنشي/ أشفتهم و أشجعهم ؛ 4》 عمر تاي العزيز أعمقهم و أليَنهم عريكةً (كرأس الأفعى)؛ 5》صديقي الصدوق ود مهدي/ أشعرهم ، ألدهمة و أودهم ؛ 6》أستاذي د. محمد عبد الله الحسين/ أرجحهم ( عقلاً ) ؛ 7》عربينا بدر الدين ود اللمير / أرحبهم صدراً و أظرفهم ؛ 8》 موسيقارنا / احمد ياسين أعمرهم قلباً بحب الناس ؛ 9》الغائبة الحاضرة بت عمسيب / أحفظهم لقدر الناس 10》(الشبح) حاتم إبراهيم/ كالمزن حيثما وقع نفع ؛ ●》والعبد لله/ ألا رحم الله امرءاٌ عرف ضعف نفسه.
Post: #30 Title: Re: الأول مشترك اتهذيباً في المنبر Author: Hafiz Bashir Date: 06-19-2020, 04:25 PM Parent: #29
Quote: المهذب في فهمي هو الشخص اللي بتداخل في كل البوستات بما فيها الخلافات السياسية وما تظهر أنيابه
يا أبو حميد نفرض إنو معاوية بن أبي سفيان وعمرو بن العاص* كانوا أعضاء في المنبر إنت حترشح عمرو بن العاص بدعوى إنو عمرو بن العاص بيدخل أي بوست بتاع خلافات ومشاكل وبيطلع منو بدون خسائر. وأنا برشح معاوية بن أبي سفيان لأنو أصلاً أي بوست غير منضبط بأخلاق عالية للحوار وفيهو الخلافات بتصل لدرجة المشاكل ما بيدخلوا.
Post: #31 Title: Re: الأول مشترك اتهذيباً في المنبر Author: عبدالحفيظ ابوسن Date: 06-19-2020, 04:45 PM Parent: #30
ياخ انا مؤدب يا منص 😆😆 وبعدينك دة براو ودة براو مش سند قال لكل حالة لبوسها فكن اذا نطقت باردا بلا انفعال بدري جدا جدا كنت مهووس بكتب البرتومورافيا قصصه المترجمة من الايطالية للانجليزية في قصة قصيرة رسخت بذهني رغم طول الزمن واحد جا لابوه لأنو زوجتو هجرتو وجاء يشكي ليهو وهو داخل قام بمجموعة من التصرفات مورافيا كتبها . زح كرسي استعدل تربيزة صلح حاجة . وبعد قعد كان بعمل كدة برضو برتب في التربيزة القدامهم وبخت الحاجات بشكل مختلف وهو بحكي وبرتب وينظم ومستغرب انو كيف مرتو هجرتو رغم اهتمامه بكل متطلباتها بعد انتهي ابوه قال ليهو لاتحفر عميقا don`t dig too deep الدلالة الفهمتها انا الانسان الحقيقي الغير مزيف لابد لحالات انفلات عندو . مش قالوا الشجاعة ليست هي عدم الخوف . بل بكبح جماح الخوف داخلك تشكر معلم بالمليميتر ياخ 😆😆
Post: #32 Title: Re: الأول مشترك اتهذيباً في المنبر Author: عبدالحفيظ ابوسن Date: 06-19-2020, 04:49 PM Parent: #31
يا مولانا داك الدهاء ياخ وعلي بن ابي طالب قال لولا الاسلام لكنت ادهى العرب
Post: #33 Title: Re: الأول مشترك اتهذيباً في المنبر Author: أحمد محمد عمر Date: 06-19-2020, 04:58 PM Parent: #32
يا حافظ ياخ أخوك فيه رقشة تشيع أمثالك دي ما بتشتغل معاي كلو كلو
لكن الاتنين ما فيهم مهذب بي فهمي المهذب ما ممكن يكون ماكر ولا محارب
التهذيب في عبارة علي عليه السلام لأصحابه (لا تؤذوا الخوارج من بعدي. أخطأوا في طلب الحق فلا تصيبوا في طلب الباطل) العبارة مهذبة لكن هل سيدنا علي ممكن ينتصر لطبيعته البشرية بما ينافي ديمومة التهذيب (بمفهومي)؟ بالحيل .. وما خطبة يا أشباه الرجال ولا رجال ببعيدة
Post: #34 Title: Re: الأول مشترك اتهذيباً في المنبر Author: أحمد محمد عمر Date: 06-19-2020, 05:07 PM Parent: #33
أديك مثال تاني لو البوست دة اتعمل قبل سنة كان بتلقى أب سن معلق فووووووق وقدامه ختم (متفق عليه) .. والله صحي كان ناس المنبر ملبسينو درع حديدي بتاع الزول الرزين البتاكل وتقش في هدومه داك وهو فعلاً كدة لكن بي مزاجه .. وفي نفس الوقت بحمبك كباقي البشر وبزعل وبدي على الراس وقت اللزوم الحصل إنه قدر يملص الدرع الحديدي الاتقولب فيه في المنبر وفجخ صديق مهدي فجيخ من لا يرحم لمن صديق ذاتو اتخلع وحاة الله بالمناسبة أنا أكتر زول اتكيفت لشكلتهم وإنه أبو سن اتخلص من التنميط بتاعه ومارس بشريته زي ما قال الكتاب
__________ أنا شيال حال موش؟ عارفكم دايرين تقولوها :) قولوها ساي ما ناكرها توجد لدينا خدمة (عباطة الابتدائي) أي زول ختوهو في اللستة وداير تشيله منها بس قول لي عوك بطلع ليك شكلاته الليها 18 سنة .. والله صحي
Post: #35 Title: Re: الأول مشترك اتهذيباً في المنبر Author: Hafiz Bashir Date: 06-19-2020, 05:16 PM Parent: #33
حفيظ وأبو حميد إنتو ركزتو في الشخصيات والقصة الأصلية الزمااااان ديك. معاوية بن أبي سفيان وعمرو بن العاص الأنا قصدتهم أعضاء معانا هنا في المنبر وهم غير تلك الشخصيات التاريخية. والقصة بتاعتهم دي قصة مختلفة وحوار مختلف من الزمااااان داك
عضو المنبر عمرو قال: أنا أسعى لأن ألتزم بأخلاقيات حوار عالية مهما كان طبيعة وأدوات الحوار وأشارك في أي حوار ولكني لا أنحدر معه إذ إنحدر. عضو المنبر معاوية قال: أنا أسعى للبحث عن ولخلق بيئة حوارية منضبطة أخلاقياً وأمتنع بقدر ما استطيع من المشاركة في الحوارات غير المنضبطة.
Post: #36 Title: Re: الأول مشترك اتهذيباً في المنبر Author: محمد عبد الله الحسين Date: 06-19-2020, 05:24 PM Parent: #35
الأخ أحمد اول مرة اكتشف انك خطير للدرجة دي. قراءة سيكولوجية عميقة و تحليل رهيب و استنتاجات ذكية.. في تعليقك اعلاه. بس للاسف ما قدرت اعمل اقتباس بالجوال.
Post: #37 Title: Re: الأول مشترك اتهذيباً في المنبر Author: muntasir Date: 06-19-2020, 05:30 PM Parent: #36
يا أحمد الأموي احتمال لموهبتي كعراف أب سن ده من شفتوا عرفتوا ما مؤدب وبريد الونسة فكما قيل في الأثر حكمة الله بنعرفهم وبيعرفونا وفي واحدين تانين ذوي وقار لكن لم يحن قطافهم بعد
Post: #38 Title: Re: الأول مشترك اتهذيباً في المنبر Author: عبدالحفيظ ابوسن Date: 06-19-2020, 05:43 PM Parent: #37
هههه يا منص عيب لي الونسة ياخ
Post: #39 Title: Re: الأول مشترك اتهذيباً في المنبر Author: Ahmed Yassin Date: 06-19-2020, 06:23 PM Parent: #38
Quote: النبي كان ما دخلت معاهم عادل امين وعمر التاج
يا حمادة.. هو مسموح للعضو يرشح كم واحد مهذب شديد ؟
Post: #40 Title: Re: الأول مشترك اتهذيباً في المنبر Author: ABUHUSSEIN Date: 06-19-2020, 06:41 PM Parent: #39
غايتو البوست دا ذكرني قروب "منبرشات" ايام الثورة .... 😂😂😂
Post: #41 Title: Re: الأول مشترك اتهذيباً في المنبر Author: علاء سيداحمد Date: 06-19-2020, 06:50 PM Parent: #40
معظم الاعضاء هنا مهذبون ويعجبنى دكتور ياسر الشريف فى عدم الانجرار للمهاترات مهما كانت درجة حرارة الحوار .. وياريتنى انا والزملاء هنا نستفيد من طولة بال ياسر .
Post: #42 Title: Re: الأول مشترك اتهذيباً في المنبر Author: طلحة عبدالله Date: 06-19-2020, 06:54 PM Parent: #40
اقترح ان يضاف لايقونات المنبر قلب أحمر تاج ذهبي سيف ماسي عضو اسطورة عضو رائع عضو مجد الخ الخ الخ على أن يقوم سيد الحوش باضافة أو حذف أيقونة تحت اسم العضو حسب ما تمير به من أدب او تهذيب او شطارة أو نضافة أظافر أو حلاقة وبرضو الخ الخ الخ خخخخخخخخخخخخ ............. الله الغالب
Post: #43 Title: Re: الأول مشترك اتهذيباً في المنبر Author: حيدر حسن ميرغني Date: 06-19-2020, 06:59 PM Parent: #42
محجوب عبد الله بالانجليزي
Post: #45 Title: Re: الأول مشترك اتهذيباً في المنبر Author: عبدالمنعم الطيب حسن Date: 06-19-2020, 07:16 PM Parent: #42
Quote: اقترح ان يضاف لايقونات المنبر قلب أحمر تاج ذهبي سيف ماسي عضو اسطورة عضو رائع عضو مجد الخ الخ الخ على أن يقوم سيد الحوش باضافة أو حذف أيقونة تحت اسم العضو حسب ما تمير به من أدب او تهذيب او شطارة أو نضافة أظافر أو حلاقة وبرضو الخ الخ الخ خخخخخخخخخخخخ ............. الله الغالب
والله يا طلحة ماقتا الا الحقيقة المصيبة الحاجات دي بتجي من ناس كبارات كعاطفة ابوية ساكت والتريشحات دي صاحبي وصاحبي ولا يخلو الامر من استلطافات والقول ما قاله احمد محمد عمر والله المهذبين والمهذبات ديل اقل خلاف في الراي او قول وجهة نظرك كلو ينتهي ويظهر وشك سوداني عادي يحاول الانتصار لذاته ولصديقه متجاوزا الحق والحقيقة والمنطق واي واحد يدخل يمني يلقى نفسو مرشح طبعا في ناس ضامننها ههههها اها لمن ما يلقى اسمو بكتب اصحابو ليرجعوا ويكتبونه وهكذا عليه اكتر واحد انا شايفو مهذب انت دا طلحة عبدالله ومعاك احمد محمد عمر وياسر الشريف ................. زمان مغترب جديد عاوز يرسل خطاب باليد مع واحد ماشي الحلة كتب في الظرف من برة (واوسي الشيخ عبدالقادر الاسرة الكريمة) وبس ومدا الخطاب للولد المسافر ومعاهو عشرات الخطابات من اولاد الحلة انا لمحت الخطاب قلتا للولد يا تكتب اسمك يا اسم الاسرة الكريمة دي لانو اي اسرة في الشيخ عبدالقادر بتعتبر نفسا كريمة
Post: #44 Title: Re: الأول مشترك اتهذيباً في المنبر Author: Abureesh Date: 06-19-2020, 07:01 PM Parent: #40
Post: #46 Title: Re: الأول مشترك اتهذيباً في المنبر Author: أحمد محمد عمر Date: 06-19-2020, 07:33 PM Parent: #44
تسلموا يا خواض ومحمد عبد الله الحسين وعبد المنعم يا منتصر أنا اكتشفت أبو سن قبلك واكتر زول بجرجره لونسة قلة الأدب .. ما شايفني بسكن في بوستاته! يا منعم أنا كنت مهذب زمان لكن باريت صلاح الزبير علمني الانحراف
يا حافظ عمرو ما عرفتو لكن بي وصفك دة زولي تب أما معاوية وحاتك المنبر أصلو ما لاقاني فيه معاوية مسكين .. كلهم مخالبهم متر
يلا يا حافظ أنا مؤمن بمقولة مارتن لوثر كنج أسوأ الأماكن في الجحيم لمن يتلزمون الحياد في أوقات المعارك الأخلاقية العظيمة في المنبر دة ارتكبت كمية من الجرائم الأخلاقية في حق أعضاء وصلت لدرجة الطعن في النسب .. اعتزال الفتنة والبعد عنها بعتبره سلبية خاصة لمن يكون الشاتم لازال يفرفر في أوقات لازم تعلن فيها رأيك وتكتب إدانة واضحة للفعل وتسجل موقفك في مؤازرة المظلوم هنا بظهر التهذيب اللي بعنيه .. مهارة إنك تدخل المعركة بدون ما تشتم أو تزعل زول .. تدخل بكامل أخلاقك العالية اللي بتجبر الناس تسمعك وتضع اعتبار لرؤيتك كونك تكون بعيد وكافي الناس خيرك وشرك أو تسكت في معرض الإفصاح بعتبره سلبية ما تهذيب المهذب لازم يكون حكيم وإلا يكون سكوته عدم عرفة أو عدم مقدرة على الكلام وهنا بنقول عليه مسكين موش مهذب
Post: #47 Title: Re: الأول مشترك اتهذيباً في المنبر Author: دينق عبد الله Date: 06-19-2020, 07:35 PM Parent: #44
صديق مهدي علي
مع إحترامي للجميع إلا أن الزميل صديق مهدي علي أكثر أعضاء المنبر تهذيباً كما أن لغته رفيعة و رصينة ، عوضاً عن حيوية الموضوعات التي يطرحها.
إن كان هناك من تكريم لعضو بالمنبر يستحقه الاخ صديق مهدي بجدارة. هذا لا يعني انني اقلل من قدر تهذيب الآخرين لكن تفوقه واضح للعيان.
المساهمات الفكرية للزميل المذكور خلال الأعوام الثلاث الماضية أثرت(إثراء) المنبر و جذبت الكثير من القراء الجدد للمنتدى.
Post: #48 Title: Re: الأول مشترك اتهذيباً في المنبر Author: عبدالحفيظ ابوسن Date: 06-19-2020, 07:43 PM Parent: #47
يعني يا احمد ومنص جبتوني الطيش سمح خليهم يدوكم دبورة عاينو في فرق كبير في التعدي علي الاخرين او السباب ولا الشتيمة والتهذيب لكن والله بشيل فوق الدبر والدم بخلي فرقة لي قولة باركوها وشكل المنبر دة بدون جندرة زي شكل العوين زمان حدو النبذ بس
Post: #49 Title: Re: الأول مشترك اتهذيباً في المنبر Author: عبدالغني محمد الحاج Date: 06-19-2020, 08:06 PM Parent: #48
محمد عبدالماجد الصايم حافظ بشير أحمد محمد عمر والأخيرين لأني تخاشنت معهم وأخجلوني بتواضعهم سفيان نابري الشيخ سيد أحمد دكتورة إخلاص المشرف نعمات وإمتثال
Post: #50 Title: Re: الأول مشترك اتهذيباً في المنبر Author: Hamid Elsawi Date: 06-19-2020, 08:13 PM Parent: #49
الشكر الجزيل لكل المرور في هذا البوست و ح اعتبر نفسي ضيف في هذه المساحة و سعيد جداً بأن الحوار ماشي سَلِسْ دعوني أقتبس هذه الحروف من مداخلة زميلنا حافظ بشير لأسجل صوت شكر لزملاء المنبر عمرو ... و معاوية
Quote: عضو المنبر عمرو قال: أنا أسعى لأن ألتزم بأخلاقيات حوار عالية مهما كان طبيعة وأدوات الحوار وأشارك في أي حوار ولكني لا أنحدر معه إذ إنحدر. عضو المنبر معاوية قال: أنا أسعى للبحث عن ولخلق بيئة حوارية منضبطة أخلاقياً وأمتنع بقدر ما استطيع من المشاركة في الحوارات غير المنضبطة
و لنسعي و نبحث جميعاً لخلق بيئة حوارية منضبطة أخلاقياً و لفظياً و لنقطف من شجرة إختلافاتنا الثمار و ليس الأشواك
الأخلاق ما سلعة تباع في السوق ... ما ممكن تمشي الدكان تقول ليهو أديني عشرة كيلو أخلاق و خمسة رطل تهذيب . لتظهر بها أمام الناس. بل هي سلعة تنتجها دواخلك ليشتريها منك الناس و يدفعوا لك الثمن محبة و تقدير و إعجاب .
Post: #51 Title: Re: الأول مشترك اتهذيباً في المنبر Author: عمر التاج Date: 06-19-2020, 08:30 PM Parent: #49
لما قريت عنوان البوست قبل شوية افتكرته بيتكلم عني قلت يا ولد بدل تقرأ كلام الناس كلهم عنك اعمل بحث سريع وتصل للنتيجة المهم عملت سيرش سريع باداة البحث المخستكة بتاعة بكرى وجابت اسمي في موضعين.. اظن مرة ذكرني المدعو أحمد عمر، وده طبعا شيوعي معروف ما ظنيت بذكر الناس بالخير.. المهم جليت مداخلتو وما قريتها.. التاني واظنه الاصيل بن الاصيل، وده ذكرني باسمي المحبب لي..
Quote: عمر تاي العزيز أعمقهم و أليَنهم عريكةً (كرأس الأفعى)؛
ما عرفت خلاصة مداخلاته ولكني اعرفه أصيل وود حلال وما بقول الا الحق.. المهم رجعت لعنوان البوست واستغربت، ليه الناس بتبحث عن الزول المهذب؛ يفترض تبحث عن المؤدب.. رجعت المعاجم اللغوية فوجدت ان المهذب هو.. اصل الكلمة هذب وهو كثرة اللغط، هذب القومُ هَذْباً: كثر لَغَطهم هذَّبَ يهذِّب ، تهذيبًا ، فهو مُهذِّب ، والمفعول مُهذَّب هذَّب الشَّجَرَ: هذَبه، قطعه ونقّاه (يعني نقاه زي قصب السكر وخلاه عريان ساكت) ) هذَّب الكتابَ: لَخَّصه وحذف ما فيه من إضافات (وده طبعا ربما يكون بغرض طمس الحقيقة واخفاؤها) صورة مهذبة: يعني اتعمل ليها فوتوشوب واصبحت جميلة في نظر الآخرين، ولكن للأسف جوهرها لا يتغير وهذا في فهم الارتباط المقدس يسمى غشا.. هذب ذقنه، يعني قصاه وحشاه؛ والقص واللصق ليس من صفات الرجل المؤدب.. التهذيب في اللغة علامة من علامات الصمت والكتمان، يقولون فلان مهذب اذا كان يخاف الصدح بالقول، ويقولون تلميذا مهذبا اذا كان الطالب لا بودي ولا بجيب في المدرسة.. المهم؛ من عنوان البوست تمنيت أن أكون صاحب حق شجاع في القول كما كان عمر بن الخطاب، و الا اكون من المهذبينا.
Post: #52 Title: Re: الأول مشترك اتهذيباً في المنبر Author: دفع الله ود الأصيل Date: 06-19-2020, 09:04 PM Parent: #51
Quote: لما قريت عنوان البوست قبل شوية افتكرته بيتكلم عني قلت يا ولد بدل تقرأ كلام الناس كلهم عنك اعمل بحث سريع وتصل للنتيجة المهم عملت سيرش سريع باداة البحث المخستكة بتاعة بكرى وجابت اسمي في موضعين.. اظن مرة ذكرني المدعو أحمد عمر، وده طبعا شيوعي معروف ما ظنيت بذكر الناس بالخير.. المهم جليت مداخلتو وما قريتها.. التاني واظنه الاصيل بن الاصيل، وده ذكرني باسمي المحبب لي.. Quote: عمر تاي العزيز أعمقهم و أليَنهم عريكةً (كرأس الأفعى)؛
ما عرفت خلاصة مداخلاته ولكني اعرفه أصيل وود حلال وما بقول الا الحق.. المهم رجعت لعنوان البوست واستغربت، ليه الناس بتبحث عن الزول المهذب؛ يفترض تبحث عن المؤدب.. رجعت المعاجم اللغوية فوجدت ان المهذب هو.. اصل الكلمة هذب وهو كثرة اللغط، هذب القومُ هَذْباً: كثر لَغَطهم هذَّبَ يهذِّب ، تهذيبًا ، فهو مُهذِّب ، والمفعول مُهذَّب هذَّب الشَّجَرَ: هذَبه، قطعه ونقّاه (يعني نقاه زي قصب السكر وخلاه عريان ساكت) ) هذَّب الكتابَ: لَخَّصه وحذف ما فيه من إضافات (وده طبعا ربما يكون بغرض طمس الحقيقة واخفاؤها) صورة مهذبة: يعني اتعمل ليها فوتوشوب واصبحت جميلة في نظر الآخرين، ولكن للأسف جوهرها لا يتغير وهذا في فهم الارتباط المقدس يسمى غشا.. هذب ذقنه، يعني قصاه وحشاه؛ والقص واللصق ليس من صفات الرجل المؤدب.. التهذيب في اللغة علامة من علامات الصمت والكتمان، يقولون فلان مهذب اذا كان يخاف الصدح بالقول، ويقولون تلميذا مهذبا اذا كان الطالب لا بودي ولا بجيب في المدرسة.. المهم؛ من عنوان البوست تمنيت أن أكون صاحب حق شجاع في القول كما كان عمر بن الخطاب، و الا اكون من المهذبينا.
●》و هذا ما عنيته تماماً بشهادتي في حقك يا عمر التاي رغم إنها مجروحة بل مردودة أنك رغمٌ صعبٌ ممتنعٌ و من ألمع من ألتمس لديهم ضالتي الحكمة. و قسمن عظمن لولم يأتي هذا الرهان بغير بحثك عاليه لكفى و وفى و فاض على البوستات المجاورة. بس المحيرني ود مهدي البريدو شديد ما فاهمك.
Post: #53 Title: Re: الأول مشترك اتهذيباً في المنبر Author: Hamid Elsawi Date: 06-19-2020, 09:14 PM Parent: #52
ساهمت الحكومات الدكتاتورية بتسريب ثقافة العنف الي نفوسنا و دواخلنا و أصبحت سمة في سلوكنا الشخصي و أغلب الأحيان دون وعي. و نمارسها حتي في تربيتنا. يعني الأب أو الأم لمن يلقي ولدو ماسك التلفون و بلعب يتحول الي تور هايج ... و بغضب و صوت عالي (( ياولد أو يا بت انت ما عندك قراية يومك كلو تلفون و العقاب جيب التلفون ده هنا و يتم حرمان الطفل من الجهاز دون مقدمات دون حوار دون التوصل لحل وسط)) هكذا تكون مشاكلنا في البيت و ده مثال بسيط و الأمثلة كتيره
رفضنا و ثورتنا ضد الحكم الديكتاتوري يجب أن تقابلها ثورة داخل سلوكنا و تعاملنا ضد كل اسقاطات البيئة الدكتاتورية علي سلوكنا. قال الله في محكم تنزيله في الآية 11 من سورة الرعد ((إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ)) صدق الله العظيم المعارك القادمة هي معارك بناء الديمقراطية و نشر ثقافتها و توسيع مساحات التسامح و قبول الآخر داخل أنفسنا .... لأننا بي أخلاق الأنظمة الدموية و الدكتاتورية ما ممكن نبني وطن معافي أخلاقياً. و أُمة تقدل بزهو بين الأمم
Post: #54 Title: Re: الأول مشترك اتهذيباً في المنبر Author: muntasir Date: 06-19-2020, 09:36 PM Parent: #53
هسي يا حامد دخلتنا بي حمد ومرقتنا بي خوجلي هسه ما عرفنا الاول مشترك مع امتثال منه أنا بقترح الاخت الرداد نسيت إسمها الاول لكن أحمد الربا والتلاف بكون متذكره يلا شوفوا التالت
Post: #55 Title: Re: الأول مشترك اتهذيباً في المنبر Author: Hamid Elsawi Date: 06-19-2020, 10:07 PM Parent: #54
Quote: هسي يا حامد دخلتنا بي حمد ومرقتنا بي خوجلي هسه ما عرفنا الاول مشترك مع امتثال منه أنا بقترح الاخت الرداد نسيت إسمها الاول لكن أحمد الربا والتلاف بكون متذكره يلا شوفوا التالت
تعرف يا منتصر كل الأقلام البتكتب هنا تستحق الأحترام بحكم الزمالة في منبر واحد لاحظ عند حدوث مكروه لأحد وفاه مثلاً . تجد المختلفين مع الشخص أول من يبادر بالعزاء و المواساة ... لانو في جميل موجود داخلهم ... تصدق شخصياً زملاء المنبر المختلف معاهم بستفيد منهم لأنو من خلال الحديث معهم ممكن أنظر للموضوع بي ناحية تانية أو أشوف حاجة كانت غايبة علي و هذا للحقيقة. و حتي إذا تم اقتراح 10 زملاء الموضوع بكون نسبي لكن عشان يكونوا قدوة لنا و نتعلم منهم طولة البال و صنع الجمال و البهجة و ليس نشر القبح و النكد.
Post: #56 Title: Re: الأول مشترك اتهذيباً في المنبر Author: Hamid Elsawi Date: 06-19-2020, 10:54 PM Parent: #55
Quote: فياقة ناس سودانيز مبالغة..
الف مرحب بالست المناضلة نور تاور ما فهمت تعليقك القصد منه شنو؟؟؟ لكن دعيني أشرح لك الهدف من البوست هناك أشخاص يمكن أن يجمع زملاء المنبر علي حكمتهم و حسن إدارتهم لحوارهم و تعاملهم مع بقية زملاء المنبر زملاء لم يتداخلوا في مهاترات و مشاكل و استفدنا منهم و من مداخلاتهم و بوستاتهم و ديل بلا شك غالبية أعضاء المنبر. القصد اقتراح ال 10 الأوائل و ده تقدير نسبي بشهادة من المشاركين في البوست فقط. غرض البوست هو أن نستفيد من تجربتهم في الحكمة و حسن إدارة الحوار حتي نرتقي بشكل حواراتنا و نتعلم أدب الحوار منهم و من تجاربهم لا سيما و نحن في بداية الطريق لتأسيس دولة يسودها الاحترام و تحكمها الديمقراطية و نحتاج أن نتعلم من بعض الأسس التي ترتقي بأقلامنا حتي نرتقي بالمنبر و زي ما كان المنبر مساهم في فضح النظام و هدم أركانه يكون المنبر مساهم في ترسيخ و بناء الاخلاق الديمقراطية ... و لا أعتقد إنو دي فياقة بل مسئولية أخلاقية تجاه المنبر و زملاء المنبر و سمعة المنبر .... و آسف إذا فهمتك غلط .... وسعيد جداً و فخور بوجودي معك في منبر واحد دمت لنا زميلتنا نور تاور
Post: #57 Title: Re: الأول مشترك اتهذيباً في المنبر Author: osama elkhawad Date: 06-19-2020, 11:38 PM Parent: #56
Quote: تسلموا يا خواض ومحمد عبد الله الحسين وعبد المنعم
دا تهذيب شامي ههههههه
يجب ان نميِّز بين التهذيب والادب "وهو بيختلط مع الادب كإبداع"، بمعياره الثقافي السوداني ،
وبين "الاتيكيت الاسفيري" واسمه بالانجليزي:
Quote: Netiquette
Post: #58 Title: Re: الأول مشترك اتهذيباً في المنبر Author: Emad Ahmed Date: 06-20-2020, 03:45 AM Parent: #57
Post: #59 Title: Re: الأول مشترك اتهذيباً في المنبر Author: tasneem Date: 06-20-2020, 04:44 AM Parent: #58
ياسر الشريف المليح عبد الحفيظ ابوسن
Post: #60 Title: Re: الأول مشترك اتهذيباً في المنبر Author: عمر نملة Date: 06-20-2020, 04:44 AM Parent: #58
سلام و محبة
في احد مجموعات الفيس... وصفت زميلة زميلة أخرى بالفسق.. ما علينا مين غلطان... لكن جميع المهذبيين و المهذبات سكتوا.... لا احب هذا النوع من التهذيب
Post: #61 Title: Re: الأول مشترك اتهذيباً في المنبر Author: muntasir Date: 06-20-2020, 05:20 AM Parent: #60
احتمال يا عمر اتهمتها بالفسخ لكن غلطة إملائية لأنه في قروب فيس فسخ وجلخ ، بالمناسبة ماذا فعلت حين سكت المهذبين
Post: #62 Title: Re: الأول مشترك اتهذيباً في المنبر Author: أحمد محمد عمر Date: 06-20-2020, 05:40 AM Parent: #61
Quote: أنا بقترح الاخت الرداد نسيت إسمها الاول لكن أحمد الربا والتلاف بكون متذكره
أماندا سوركتي دي بتتنسي :) كباااااار كدة لمن شنباتكم مشيبة ودوكم البحر وجابوكم عطاشى
Post: #63 Title: Re: الأول مشترك اتهذيباً في المنبر Author: muntasir Date: 06-20-2020, 05:45 AM Parent: #62
أماندا ما أتلومت معانا يا ألفيني شنب شنو المشيب البتجيب سيرته هنا ونحن بنشرك تباً لك
Post: #64 Title: Re: الأول مشترك اتهذيباً في المنبر Author: عبدالحفيظ ابوسن Date: 06-20-2020, 06:35 AM Parent: #63
تشكري تنسيم وشكرا لكل من ظن في خيرا اهلنا بقولو الانسان زي البحر بصفي وبروق شكرا معلم والله كتير الواحد بمرق من النت لأنو بكون في حالة غضب خشية ان ينتصر لذاته وصحي بفوت بي مزاجي شكرا ودالزبير
Post: #65 Title: Re: الأول مشترك اتهذيباً في المنبر Author: Biraima M Adam Date: 06-20-2020, 06:57 AM Parent: #64
ههههاي .. ولا تعليق .. !
ول أبا أحمد يسين .. بالغت . يا أخوي أنا مشهور بالعين بالعين والسن بالسن والجروح قصاص .. تنازلت عن هذه القاعدة فقط بمجيء الثورة.
بريمة
Post: #66 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:23 AM Parent: #65
Biraima M Adam ،،،،
،،،،
،،،،
عزالدين عباس الفحل ابوظبي
Post: #67 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:26 AM Parent: #65
Deng
،،،،
،،،،
،،،،
عزالدين عباس الفحل ابوظبي
Post: #68 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:26 AM Parent: #65
MOHAMMED ELSHEIKH
،،،،
،،،،
،،،،
عزالدين عباس الفحل ابوظبي
Post: #69 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:27 AM Parent: #65
Salah Zubeir
،،،،
،،،،
،،،،
عزالدين عباس الفحل ابوظبي
Post: #70 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:27 AM Parent: #65
nour tawir
،،،،
،،،،
،،،،
عزالدين عباس الفحل ابوظبي
Post: #71 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:27 AM Parent: #65
osama elkhawad
،،،،
،،،،
،،،،
عزالدين عباس الفحل ابوظبي
Post: #72 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:32 AM Parent: #65
محمد حيدر المشرف
،،،،
،،،،
،،،،
عزالدين عباس الفحل ابوظبي
Post: #73 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:32 AM Parent: #65
ود الباوقة
،،،،
،،،،
،،،،
عزالدين عباس الفحل ابوظبي
Post: #74 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:33 AM Parent: #65
Abureesh
،،،،
،،،،
،،،،
عزالدين عباس الفحل ابوظبي
Post: #75 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:33 AM Parent: #65
بدر الدين اسحق
،،،،
،،،،
،،،،
عزالدين عباس الفحل ابوظبي
Post: #76 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:33 AM Parent: #65
عبد الوهاب علي الحاج
،،،،
،،،،
،،،،
عزالدين عباس الفحل ابوظبي
Post: #77 Title: Re: الأول مشترك اتهذيباً في المنبر Author: عزالدين عباس الفحل Date: 06-20-2020, 07:36 AM Parent: #65
الشيخ سيد احمد ، دبي ، الامارات
،،،،
،،،،
،،،،
عزالدين عباس الفحل ابوظبي
Post: #78 Title: Re: الأول مشترك اتهذيباً في المنبر Author: Ahmed Yassin Date: 06-20-2020, 08:06 AM Parent: #77
Quote: عبد الوهاب علي الحاج
دا ..اخو محمود على الحاج ....... شيخ عز الدين .لو سمحت انا عايزك دقيقة.. تعال لي برة بعيد من الناس عشان زول ما يسمع. موضوع خاص. معليش ياخ عايز اقول ليك حاجة بسيطة .. انت مشاركتك دي متعبة كان تلمهم كلهم في مشاركة واحدة .لانه معظم الاخوة بدخلوا من الموبايل وعملية السحب دي متعبة شوية.. معليش ياخ اعفي لي .. برضو توقيعك مطلوب تحديث اعفي لي ياخ وما تتخيلوا انا كنت ( محمر) من الخجل كيف تهذيب شديد ياخ
Post: #79 Title: Re: الأول مشترك اتهذيباً في المنبر Author: Moawia Mohammed Date: 06-20-2020, 08:47 AM Parent: #78
وين اخونا محمد البشري الخضر الشهير بجرجير ما شايفو دخل هنا لعل المانع خير و ما شايف زول رشحوا الزول دا من اكثر الناس تواجد في المنبر و خصوصا بوستات المعارك الكبري و رغم انو حكاك و لايوق و بتاع تفاصيل لكنه التهذيب و الادب يمشي علي قدمين
كما لا انسي اخونا المحلل السياسي البارع كمال عباس
Post: #80 Title: Re: الأول مشترك اتهذيباً في المنبر Author: ABUHUSSEIN Date: 06-20-2020, 08:55 AM Parent: #79
Quote: تشكري تنسيم
الحالة بتشكر فيها ... ؟؟؟؟ 😂😂😂😂😂😂😂
Post: #81 Title: Re: الأول مشترك اتهذيباً في المنبر Author: أحمد محمد عمر Date: 06-20-2020, 09:08 AM Parent: #80
Quote: لكنه التهذيب و الادب يمشي علي قدمين
عاطف عمر ماسك نفسو بالجلالة من البوست دة :) لكن ما ظنيته يقدر يصبر بعد الجملة دي
Post: #82 Title: Re: الأول مشترك اتهذيباً في المنبر Author: محمد البشرى الخضر Date: 06-20-2020, 09:30 AM Parent: #80
Quote: لكنه التهذيب و الادب يمشي علي قدمين
شفت يا منص اهو مثال حي للدردقة و كيف تصبخ تختة تنشين لا ايدك لا كراعك دا كلام شنو يا معاوية! اسي بكون في زي خرتمية واحد بجهزوا في الكابشرات و الاقتباسات عشان ينفسوا ليك كلامك دا عموما معيار الاخ حامد الوضعه في بداية البوست لترتيب المهذبين حسب ما فهمته لا ينطبق علي من الآخر كدا لكن دي فرصة الواحد يذكر انه هناك زملاء كثيرين و اغلبهم للأسف ترك المشاركة ينطبق عليهم هذا المعيار و للأسف ايضا اغلبهم ترك الكتابة هنا لهذا السبب
Post: #83 Title: Re: الأول مشترك اتهذيباً في المنبر Author: Ahmed Yassin Date: 06-20-2020, 09:45 AM Parent: #82
Quote: لكنه التهذيب و الادب يمشي علي قدمين
والله ضحكت ضحك فطستا ماقادر اعلق .. ماسك نفسي
Post: #84 Title: Re: الأول مشترك اتهذيباً في المنبر Author: طارق ابراهيم ابوالفضل Date: 06-20-2020, 09:45 AM Parent: #82
بكل تأكيد الاستاذ علي عبد الوهاب لما يتمتع به من ثقافة عالية و تناول موضوعي و مداخلات رائعة بأسلوب السهل الممتع دون الدخول في الملاسنات
Post: #85 Title: Re: الأول مشترك اتهذيباً في المنبر Author: Salah Zubeir Date: 06-20-2020, 10:15 AM Parent: #84
Quote: Salah Zubeir
ممنونك يا عزنا ... تعرف مشكلتي مع الناس المحسوبين علي أصحاب وشله وهم الخاربين سمعتي ... ناس أب جنزير وعريبي الجزيره ا م ع والذكرو مولانا في أول مداخله هنا كانت أول وآخر مره يذكر فيها إسمه واقترنت بتعليم سجاير البنقو ... غير كدا أنا زول مهذب جدا ... شكرا عزالدين علي الثقه وانا متاكد إنك الأكثر تهذيبا" ... شكرا حامد الصاوي علي البراح دا ...
Post: #86 Title: Re: الأول مشترك اتهذيباً في المنبر Author: Moawia Mohammed Date: 06-20-2020, 10:38 AM Parent: #85
Quote: دا كلام شنو يا معاوية! اسي بكون في زي خرتمية واحد بجهزوا في الكابشرات و الاقتباسات عشان ينفسوا ليك كلامك دا
ما في زول يقدر يقول بغم تقريبا دخلنا البورد في زمن واحد تابعت و شفت و قريت زرزرة قبقبة حماضة لئامة كلو موجود بس ما لاقاني نبذ و شتائم او حاجة خارج حدود التهذيب و الادب و لو في زول مكبشر حاجة ما حضرتها حاعتذر و امسح كلامي و اديك بالحتة الفيها الحديدة
Post: #87 Title: Re: الأول مشترك اتهذيباً في المنبر Author: محمد البشرى الخضر Date: 06-20-2020, 10:42 AM Parent: #86
ههههههههههههههههههه واللخ درداقن! ياخي بدون كبشرة يا معاوية أخدها مني أنا سيد الشي زاتها! أعتذر و امسح و تعال بي حديدتك عشان اوريك العينة
Post: #88 Title: Re: الأول مشترك اتهذيباً في المنبر Author: ABUHUSSEIN Date: 06-20-2020, 10:52 AM Parent: #87
Quote: بس ما لاقاني نبذ و شتائم او حاجة خارج حدود التهذيب و الادب و لو في زول مكبشر حاجة ما حضرتها حاعتذر و امسح كلامي و اديك بالحتة الفيها الحديدة
و الله يا معاوية بتبالغ عدييييييل كدا ..... 😂😂😂 هو زاتو خاف من كلامك .... 😂😂😂 الله يهدينا و يهديك إستغفر و العن ابليس و قول بسم الله .... 😂 دخلت الفقر في اضافرينو .... 😂😂😂😂😂😂
Post: #89 Title: Re: الأول مشترك اتهذيباً في المنبر Author: muntasir Date: 06-20-2020, 11:04 AM Parent: #88
يا ودو معاوية ده بيدنكل فيك للشوت 😂
Post: #90 Title: Re: الأول مشترك اتهذيباً في المنبر Author: نادر الفضلى Date: 06-20-2020, 02:03 PM Parent: #89
من الغائبين: ismeil abbas (إسماعيل محمد أحمد عباس)
Muna Khugali منى خوجلى
عبد الناصر الخطيب
PLAYER
ومن المداومين: Osman Musa
على عبد الوهاب عثمان
Gaafar Ismail
عماد أحمد (ملك التوثيق)
* على سبيل المثال لا الحصر
Post: #91 Title: Re: الأول مشترك اتهذيباً في المنبر Author: Gaafar Ismail Date: 06-20-2020, 02:51 PM Parent: #90
غايتو في هذا البورد من لايملك شلة تسنده فهو مغمور (وجه مبتسم)
Post: #92 Title: Re: الأول مشترك اتهذيباً في المنبر Author: Hafiz Bashir Date: 06-20-2020, 03:03 PM Parent: #91
Quote: حافظ بشير أحمد محمد عمر
غايتو يا عبدالغني تفلق وتداوي أشكرك على حسن الظن لكن كمان ربط تهذيبي بأحمد محمد عمر دي بتنسف كل شي😂
Post: #93 Title: Re: الأول مشترك اتهذيباً في المنبر Author: نعمات عماد Date: 06-20-2020, 03:32 PM Parent: #92
شكراً يا عبد الغني، و لكن أظنك ما شفتني قبل كم يوم صرفت
لي شنتير و دي فرصة أعتذر ليهو. 🌿 في حاجتين بجيبو آخري :
التبرير لي التعاون مع الكيزان و تقليل شأن السودان قدام مصر.
أهو بحاول اشتغل على تطويل البال.
و أرشح بالنيابة عنك يا ع الغني : آمنة مختار علمونة التاريخ😂
Post: #94 Title: Re: الأول مشترك اتهذيباً في المنبر Author: Biraima M Adam Date: 06-20-2020, 03:36 PM Parent: #92
Quote: رغم انو حكاك و لايوق و بتاع تفاصيل
بالجد دي شخصيتو .. curator
Quote: شكراً يا ود البشري،
شخصية محترمة .. يمكن الأعتماد عليك في المهام الموكلة عليك .. أنت تمثل دور السكرتارية في أي منظمة أو مهمة .. أنت بمثابة الحافظ الأمين للمعلومات والمواقيت وسير العمل لكنك لا تخلو من عيوب مذمنة .. وهى أنعدام الموهبة .. وعدم المرونة .. بحكم الضبط الذي تمارسه علي نفسك ومن حولك
Quote: لا تهتم يا أخي، عرفنا ماهية شخصيتك التي خلقك الله بها .. ولا أعتراض علي ذلك .. فأنت بحكم الخلقة إنسان "مسطرة" .. أنت عينة الضابط الذي يسير العساكر في صف ولو واحد عنده طرف أو شعرة زادت بجزها ليهو .. عايزهم يكون متساوين مثل أسنان المشط .. أنا أتذكر تماماً أنت بتقول الغلط الأملائي "يضرسني" .. وهناك أخرون مثلك ..
Post: #95 Title: Re: الأول مشترك اتهذيباً في المنبر Author: أحمد محمد عمر Date: 06-20-2020, 03:57 PM Parent: #94
Quote: و لو في زول مكبشر حاجة ما حضرتها
يدي أكلتني غايتو بنعل الشيطان لحدي بكرة الصباح .. لكن ما ظنيتني أصبر اكتر من كدة
Post: #96 Title: Re: الأول مشترك اتهذيباً في المنبر Author: أحمد محمد عمر Date: 06-20-2020, 04:00 PM Parent: #95
يا حليل عاطف عمر بالكارو هسة كان بلعكم البوست بي نعلاته من يوم خلى الكارو وعمل ركشة مكنته خفت
Post: #97 Title: Re: الأول مشترك اتهذيباً في المنبر Author: Moawia Mohammed Date: 06-20-2020, 04:09 PM Parent: #95
بما انو مر الزمن الكافي علي المداخلة و كل الناس قرأتها و حفظتها لا يسعنا الا ان نقول لاخونا جرجير معليش عليك واحد كنت معانا في برنامج الكاميرا الخفية الرجاء ابتسم و حي الجمهور شكرا لكم جميعا
Post: #98 Title: Re: الأول مشترك اتهذيباً في المنبر Author: أحمد محمد عمر Date: 06-20-2020, 04:15 PM Parent: #97
والكبشرناهو دة نعوس بيه كسرة؟ كنت داير اقول نحتفظ بيه لي عوزة لكن متأكد مافي واحد بفكر في جنس التفكير دة
Post: #99 Title: Re: الأول مشترك اتهذيباً في المنبر Author: محمد البشرى الخضر Date: 06-20-2020, 04:25 PM Parent: #97
خلاص ذيع :)
Post: #100 Title: Re: الأول مشترك اتهذيباً في المنبر Author: Biraima M Adam Date: 06-20-2020, 05:08 PM Parent: #99
Quote: عمو عثمان عووضة
ببرضو هو "مسطرة" ! مرة غلطت معاهو ولميتو مع مجموعة من الشمال أسميتهم الكرور .. عذبني عذاب الحي .. سنتين ساكيني .. ما خلي حليفة ما حلفني ليها .. عشان يتأكد هو ما مع الكرور ..
الناس "المساطر" طلعوهم من حكاية التهذيب .. شوفوا ليهم أوصاف أخري مثل الاستقامة .. عدول .. ناس حق .. طريفي .. وكده.
بريمة
Post: #101 Title: Re: الأول مشترك اتهذيباً في المنبر Author: محمد البشرى الخضر Date: 06-20-2020, 06:08 PM Parent: #100
يا برمة ما قاليك كان بهظر و كاميرا خفية وكدا مافي داعي تطلّع الخالة الجوّاك
Post: #102 Title: Re: الأول مشترك اتهذيباً في المنبر Author: HAIDER ALZAIN Date: 06-20-2020, 06:27 PM Parent: #101
ما علينا .. :)
المهم مساهمة في نقاش مولانا حافظ بشير و2010م وسيرة الادب جاء في باب التهذيب انه الامام علي بن ابي طالب عليه السلام جاءت امراءة تشكو له فقالت : زوجت إبنتي وهي أربعة أشبار فطلبها بعلها .. ! فرد عليها ( أربعة أشبار تُدخٍلُ شبراً )..!
دا بيقع في باب التهذيب أم الملاحة والأدب ..!
Post: #103 Title: Re: الأول مشترك اتهذيباً في المنبر Author: Biraima M Adam Date: 06-20-2020, 06:47 PM Parent: #102
ود البشري، كدي خلي الفات، فتش لينا كلام حيدروف، نسبه لسيدنا علي .. أنا أظن حيدر كضب علي سيدنا علي!
بريمة
Post: #104 Title: Re: الأول مشترك اتهذيباً في المنبر Author: Ahmed Yassin Date: 06-20-2020, 06:59 PM Parent: #103
Quote: فرد عليها ( أربعة أشبار تُدخٍلُ شبراً )..!
الكلام دا الا يكون قاله علي عثمان سيدنا علي بن ابي طالب كان سيد الحكمة. ويستحيل ان يكون صحيح . انت عارف الشبر كم ؟ (١٥.٥٠) سم الشبر حتى الائمة الاربعة اختلفوا فيهو لكن نحن ناخد بالاطول عند الحنابلة والشافعية لكن شبر جماعتنا المالكية صغير وقصير تقريبا ( ٨.٨) صنتي
Post: #105 Title: Re: الأول مشترك اتهذيباً في المنبر Author: HAIDER ALZAIN Date: 06-20-2020, 07:21 PM Parent: #104
Quote: سيدنا علي بن ابي طالب كان سيد الحكمة. ويستحيل ان يكون صحيح .
كلو وارد يا احمد ياسين..
وطالما جيت في سيرة الحكمة برضو من حكمه وامثاله كرم الله وجهه روي عنه قال : ( من طال أيرُ ابيه تمنطقَ* به ) وهي حكمة مقصودها .. من كثر أهل بيته إستظهر بهم
*وتمنطق به .. يعني لفاهو حول راسه زي الكدمول بتاع جماعة بريمة أو لفاهو حول وسطه وجرماهو في كتفه زي توب شيخ العرب (أو أيهم زيه أقرب تراثاً للأعراب )..
Post: #106 Title: Re: الأول مشترك اتهذيباً في المنبر Author: Hamid Elsawi Date: 06-21-2020, 05:10 AM Parent: #105
. إن كان لا بدّ من العصبية، فليكن تعصبكم لمكارم الأخلاق منقول
وقد ترى كافرا في الناس تحسبه جهنميا ولكن طية الطهر وقد ترى عابدا تهتز لحيته وفي الضمير به من كفره سقر
منقول أيضاً
Post: #107 Title: Re: الأول مشترك اتهذيباً في المنبر Author: MOHAMMED ELSHEIKH Date: 06-21-2020, 06:18 AM Parent: #106
مالكم قلبتوها فتاوي قبل ما ترشحوا لينا عمك أبو حسين دا؟
Post: #108 Title: Re: الأول مشترك اتهذيباً في المنبر Author: أحمد محمد عمر Date: 06-21-2020, 06:24 AM Parent: #107
دي دعابات بريئة يا حيدر الزين بريئة بمعايير زمنهم
كدي خليني أرجع بيك شوية أوائل أيام جياد كانت خلا صقيعة ما جمبها أي أماكن ترفيه وما كان الانترنت منتشر زي هسة ولا في فيسبوك ولا واتساب قريبنا اشتغل فيها ومدينهم بيوت جديدة سمحة ونادي مافيه غير تربيزة وكراسي قال لي بتمشي الشغل الصباح تجي راجع البيت تفتح التلفزيون بالعصر مافي حاجة حلوة .. تتلفت بيجاي بيجاي ما تلقى أي موضوع تلم في المدام تخبتها :) تطلع بعد المغرب تمشي النادي تلاقي نفس الناس الانت قاعد معاهم الصباحية كلها تجي راجع البيت تعاين بيجاي بيجاي مافي موضوع تاني تخبت المدام لو جاتك صحية الصباح وما لقيت موضع برضو تتموضع بموضوعك الواحد داك قال لي يا زول المرة دقت جرس وبعد مباحثات تقيلة ومؤتمرات اتفقنا يوم بعد يوم .. كملنا يومنا الأول لما جاء اليوم الأوف من الصباح فرحانة وبتغني جيت من الشغل مسكتها قعدت تقول لي دقايق الليلة أوف قلت ليها هوي لا بعرف أوف لا داير اتفاقيات قال لي انا كنت قايل براي اللي في الوضع دة لكن لقيت الرجال كلهم جحمانين والنسوان كلهن داقات جرس
دي التسعينات طيب ارجع شوية للخمسينات سألت واحد من أهلنا الكبار قلت ليه أبواتكم ديل كانوا بعرسوا نسوان كتار كدة كيفن؟ الواحد تلقاهو ماسكن أربعة وبعد دة شغال تبديل يفك ويعرس تاني بلقوا ليهن زمن ومروة من وين؟ قال لي وهم عندهم شنو بعملوهو! ديل كانوا بزرعوا 3 شهور في السنة بملوا مخازنهم بالعيش والقمح والويكة البتكفيهم السنة وبعدوا التسعة شهور ونسة وعطالة وقرقراب وعرس لا عندهم مصاريف مدارس ولا أولاد في الجامعة .. الواحد يضرب اللبن والسمن واللحمة ويقعد يتحاوم بين بيوت نسوانه
دي الخمسينات القريبة دي فما بالك بزمن الصحابة! ديلك الواحد بعد يربعن بكون عندو عشرة عشرين جارية للتحلية .. نان انت قايل شرعنوا ليهم زواج المتعة لشنو! :) عشان كدة كلامهم مرتبط بطريقة حياتهم وألفاظهم النحن بنستبشعها هسة زي أمصص بظر اللات واعضض بهنّ أبيك في زمنهم كانت كلام عادي
Post: #109 Title: Re: الأول مشترك اتهذيباً في المنبر Author: محمد قسم الله محمد Date: 06-21-2020, 06:34 AM Parent: #100
Quote: الأول مشترك اتهذيباً في المنبر
سجل عندك الأمير أرنكانحرب توفيق عيسى مكي.
Post: #110 Title: Re: الأول مشترك اتهذيباً في المنبر Author: Hamid Elsawi Date: 06-21-2020, 07:00 AM Parent: #109
Quote: سجل عندك الأمير أرنكانحرب توفيق عيسى مكي.
فعلاً يا محمد قسم الله الأمير توفيق فيهو ميزة غريبة جداً لا يزعل و لا يغضب أبداً لكن مستعد يزَعِل و يحَرِق روح 99% من القراء و المتصفحين غايتو الله يديهو الصحة و العافية مدرسة ود الباوقة أكتفي فقط بقراءة ما يكتب مع الحرص علي تناولة حبة الضغط و جرعة إضافية إذا لزم الأمر لكن فعلاً شخص مهذب رغم الإختلاف معه
Post: #111 Title: Re: الأول مشترك اتهذيباً في المنبر Author: Yousuf Taha Date: 06-21-2020, 07:17 AM Parent: #109
تراجي
Post: #112 Title: Re: الأول مشترك اتهذيباً في المنبر Author: عزالدين عباس الفحل Date: 06-21-2020, 07:31 AM Parent: #111
أحمد محمد عمر
سلاااااام الغالي احمد ، شكرا علي الإشادة وحسن الظن ، ولعن الله الغضب ، والحمد لله سودانيزاون لاين ، ملئ بالقامات والهامات العالية ، والجهابذة ، فكراً ودرايةً وعلماً غزيراً التحايا العطرة بالرياحيين ، ،،،،
،،،،
،،،،
Quote:
مثلاً عز الدين الفحل أي زول في المنبر بشهد ليه بي طول البال وعفة اللسان لكن هل حضرتو ليه اختبار حقيقي؟
أحمد محمد عمر
عزالدين عباس الفحل ابوظبي
Post: #113 Title: Re: الأول مشترك اتهذيباً في المنبر Author: عبدالحفيظ ابوسن Date: 06-21-2020, 07:36 AM Parent: #112
آمنتو بي الله 😅😅 هسة قصة المعلم دي يختوها في خانة اليك ولا الدوش يقولو ليك اكتشفنا 😆😆 نتبهل هسة تقولو انا انحرفت باهداف البوست التهذيبية حتي اب سفنجة علق سراويلو
Post: #114 Title: Re: الأول مشترك اتهذيباً في المنبر Author: عزالدين عباس الفحل Date: 06-21-2020, 07:47 AM Parent: #111
Ahmed Yassin
سلاااااام الغالي احمد ، عبدالوهاب علي الحاج ، من الاقلام النيرة في المنبر ، له مذاق خاص بالمتعة والرونق ، و ي خي إنت مهذب شديد حد الحياء ، العزيز ما تقصده ، نوع ال Fingerprint أو Style وكلنا بنخش من الآيفونات ، سودانيزاون لايص ، دا متنفس من هجير الغربة ، خالص التحايا ، ، ،،،،
،،،،
Quote:
Quote: عبد الوهاب علي الحاج
دا ..اخو محمود على الحاج ....... شيخ عز الدين .لو سمحت انا عايزك دقيقة.. تعال لي برة بعيد من الناس عشان زول ما يسمع. موضوع خاص. معليش ياخ عايز اقول ليك حاجة بسيطة .. انت مشاركتك دي متعبة كان تلمهم كلهم في مشاركة واحدة .لانه معظم الاخوة بدخلوا من الموبايل وعملية السحب دي متعبة شوية.. معليش ياخ اعفي لي .. برضو توقيعك مطلوب تحديث اعفي لي ياخ وما تتخيلوا انا كنت ( محمر) من الخجل كيف تهذيب شديد ياخ
Ahmed Yassin
عزالدين عباس الفحل ابوظبي
Post: #115 Title: Re: الأول مشترك اتهذيباً في المنبر Author: توفيق عيسى مكي Date: 06-21-2020, 08:32 AM Parent: #114
Quote: لكن مستعد يزَعِل و يحَرِق روح 99% من القراء و المتصفحين
أولا متشكرين حبيبنا محمد دايما في البستان الزي دي بكتفي بالقراية والمتابعة نادرا تجي سيرتي عشان الشلليات وكده لكن الملاحظ لحدي الآن الناس ما اتفقت حتى على التلاتة الأوائل طبعا من خلال بستاتي البتعلى الكثافة اكيد في ناس من ادبهم وتهزيبهم بتحس وانت في قمة كثافتك مداخلاتهم زي البتصب فيك بردا وسلام 1- علي عبد الوهاب 2- امتثال 3- خضر الطيب 4- د.إخلاص المشرف 5- محمد حيدر المشرف 6- زهير عثمان حمد 7- دينق بالعربي 8- الموصلي 9- حيدر حسن ميرغني 10- أسامة ميرغني يلا كل واحد يحدد عشرة واكتر أسماء بتفق عليها الناس هم البيكونوا الأفضل بين أعضاء المنبر الكلهم إلا تلاتة أو أربعة جونا غلط هنا الباقين ومن مجرب من سيد اللعب الخشن هنا جميعهم صفوة صفوة بلدنا مؤكد قمة التهذيب والأدب والحب
Post: #116 Title: Re: الأول مشترك اتهذيباً في المنبر Author: توفيق عيسى مكي Date: 06-21-2020, 08:34 AM Parent: #115
ممكن اشارك بلستة تانية المهذبين هنا كتار ما داير أظلم زول
Post: #117 Title: Re: الأول مشترك اتهذيباً في المنبر Author: muntasir Date: 06-21-2020, 08:38 AM Parent: #116
غايتو أحمد الألفيني جياد الواحد كان ما راجي النتيجة كان رد عليك
Post: #118 Title: Re: الأول مشترك اتهذيباً في المنبر Author: الوليد محمد Date: 06-21-2020, 09:55 AM Parent: #117
Quote: الأول مشترك اتهذيباً في المنبر
1- علي عبد الوهاب عثمان 2- توفيق عيسي مكي 3- عزيز
Post: #119 Title: Re: الأول مشترك اتهذيباً في المنبر Author: HAIDER ALZAIN Date: 06-21-2020, 10:00 AM Parent: #117
Quote: عشان كدة كلامهم مرتبط بطريقة حياتهم وألفاظهم النحن بنستبشعها هسة زي أمصص بظر اللات واعضض بهنّ أبيك في زمنهم كانت كلام عادي
كلام الأجداد والسلف عادي قدر كيف...! يعني هسع ممكن عادي نعتبر نكتك وود الزبير واب سن كلام سلفية ..! الواحد بدل يقول الأمثال السرية تاني يقول ليك الأمثال السلفية
تحكي ليهو نكتة من حاج الطيب يضحك لمن يعشرق يقول ليك الله يقطع شيطانك يا سلفي يآخ هههههههههه
انا عارف الحكمة والقداسة والروحانية الدينية عندها اثر .. لكن ما بستغرب فالشيخ محمد مصطفى عبدالقادر حتة التفاف والسب والقذع لقى ليهو تأصيل في الدين ..
تشتم وتتف وتنعل السبيل وترجي الأجر والثواب من الله .. والله صحي ..
المشكلة تصنيف الادب والتهذيب بيقع تحت باب الريد والتمليـح يا حبيت وولعت اللمبة يا كجنت وحرشَت الكلــبة..!
Post: #120 Title: Re: الأول مشترك اتهذيباً في المنبر Author: أحمد محمد عمر Date: 06-21-2020, 11:22 AM Parent: #119
هازول انت ما سمعت بي عبد الله بن عمر؟ قال ليك كان خبير جواري .. بفتح الكبوت ويفحص الطبلون والشنطة كويس حتى يقول للناس اشتروا الناس دي حياتها كانت رايقة ياخ لكن السلفيين براهم مصعبينها :) هسة الجمهوريين ديل شغالين يرجعوا في الأحكام المدنية كان الله هداهم وصلوا زواج المتعة كان حلوا مشاكل كتيرة خلاص :)
يا منتصر رد ساي انت كان صنفوك اسكريناتك بتجي صااااااقطة من كندا أنا لو عارف البوست دة كان اتجهزت ليه من بدري .. الله غالب فاتنا الموسم دة لكن من هسة بقطع علاقتي بصلاح الزبير شوف كان ما لقيتني السنة الجاية وش
Post: #121 Title: Re: الأول مشترك اتهذيباً في المنبر Author: ABUHUSSEIN Date: 06-21-2020, 05:05 PM Parent: #120
Quote: غايتو أحمد الألفيني جياد الواحد كان ما راجي النتيجة كان رد عليك
راجي النتيجة ... ؟؟؟؟ 😂😂😂😂😂😂😂😂😂😂😂😂😂
Post: #122 Title: Re: الأول مشترك اتهذيباً في المنبر Author: nour tawir Date: 06-21-2020, 05:21 PM Parent: #121
المحترم حامد الصاوى تحياتى الف مرحب بالست المناضلة نور تاورما فهمت تعليقك القصد منه شنو؟؟؟ ... انا بقصد يا حامد ان التعليقات ما حقيقية.. وهى كلها مجاملات.. و احيانا عنصرية و احيانا شغل مكاواه يعنى و على حسب البيحصل فى المنبر دا.. لا يمكن تطرح موضوع زى دا.. وتلقى رأى جرئ و أمين و صادق.. كدى اقرا التعليقات بى هدوء وشوف الحاصل تانى حاجة.. التهذيب ذاااااتو فى الكتابة فى المنبرداير ليه تعريف.. لانه ممكن يكون فى واحد فى منتهى التهذيب و الادب الفى الدنيا فجأة يهبشوا زول فى العصب الحى.. يقوم يفقد الكونترول.. ويطلع منه كلام يخلى أى زول فاتح خشمو .. او يكون زى المتنبى يكتب شعر خالد وليه معجبين على مر العصور ولكن فى زمانه وحسب شتايمه لسيف الدولة.. كان ص..ع..ل..و..ك فى نظر الشعب.. وهكذا فياقة ناس المنبر بتجى من هنا على حسب رأيى انهم بتلاعبوا بالوكت و الالفاظ و المواقف.. وحتى المبادئ و عاملين زى ود الموية ما تقدر تمسك فيهم زول.. فأنا بتكلم عن اهل المنبر عمة وليس من فتح البوست
على فكرة تشكر على انك متوّسم فينى خير
Post: #123 Title: Re: الأول مشترك اتهذيباً في المنبر Author: Hafiz Bashir Date: 06-21-2020, 05:52 PM Parent: #122
Quote: لا يمكن تطرح موضوع زى دا.. وتلقى رأى جرئ و أمين و صادق.. كدى اقرا التعليقات بى هدوء وشوف الحاصل تانى حاجة..
معقول يا نور تاور تطلعي آراء كل المتداخلين غير أمينة وغير صادقة والموضوع أصلاً ما عندو علاقة بالأمانة والصدق الموضوع إختلاف في التعريف وفي المعيار. وإختلاف في الملاحظة والمشاهدة
أنا كنت داير أرشحك لكن بعد وصفتينا بالفياقة وعدم الأمانة والصدق في الرأي، ترشيحي تشميهو قدحة.😀😀😀
Post: #124 Title: Re: الأول مشترك اتهذيباً في المنبر Author: Biraima M Adam Date: 06-21-2020, 06:18 PM Parent: #123
Quote: ترشيحي تشميهو قدحة.
بعدلك .. قشة ما تعتر ليك .. بت أبا نور، نحن أبناء ولاية جنوب كردفان رشحناها كوالي للولاية أجماعاً هنا في المنبر.
بريمة
Post: #125 Title: Re: الأول مشترك اتهذيباً في المنبر Author: Deng Date: 06-21-2020, 06:31 PM Parent: #123
معقولة هل من الممكن أن تكون هناك غيرة بالطريقة الفجة دي بالله؟؟
تحية الى الأخت امتثال وهي تستاهل كل خير.
شكرا للذين الذين قاموا بترشيح أسمي، ولكن أنا رسالتي في هذا المنبر هي ألا أكتب كتابة "عادية ومهذبة" قد تجعل القراء والاعضاء يرتاحون لها. أنا أتيت هنا لكي أتناول قضايا غير مريحة عندما يتم تناولها، ولكنها هامة ومثيرة للجدل في السودان وخارج السودان. أنها قضايا أغضبت الكثيرين وأقلقتهم، ولكنها بالطبع جعلتهم يفكرون فيها ويتناولونها بفهم أخر وتفكير جديد أيضا. وهي بالطبع قضايا يتحاشاها المجتمع السوداني والساسة السودانيين ولم يتم تناولها في النت من قبل. علشان كده قصة أفضل كاتب وأكتر زول "مهذب" دي حاجات ما عندي بها أي علاقة. نحن ناس دواس وبس. ورسالتنا واصالة.
أشكر كل الذين يتابعون كتاباتي ويتفهمونها.
Post: #126 Title: Re: الأول مشترك اتهذيباً في المنبر Author: Biraima M Adam Date: 06-21-2020, 07:30 PM Parent: #125
بعد زوال الكيزان، الشيوعيين بقوا مثل التنين الصيني .. عايزين يبلعوا الكبار والصغار ..
نحن نقاتل صاعدي الجبل، عشان الناس تفهم مثل هذا العمق .. وما يتبلعوا سمبلا ساكت وهم لا يدرون أنهم يسبحون في بطن التنين.
بريمة
Post: #127 Title: Re: الأول مشترك اتهذيباً في المنبر Author: Ahmed Yassin Date: 06-21-2020, 07:32 PM Parent: #125
بامانة محمد قسم الله وحامد الصاوي سييوا المجاملة وخليكم حقاتيين كما عهدناكم .. ما تكتبوا كلام وبس ..عن ( تهذيب ) توفيق عيسى او عيسى توفيق يشهد الله ما متذكر اسمه في هذه اللحظة لكن انا اشكر الاخ ( دينق) فتح بوست منددا بهذا الشخص السىء وبما كتبه . وحتى لم يكلف نفسه بالاعتذار الى شخصي الضعيف حقيقة انا اكبرت واحترمت الاخ دينق الحقيقة المرة في ( تهذيب) عيسى توفيق او توفيق عيسى ايا كان اقسم بالله لو قال لي كلمة من ثلاثة احرف( اسف) لازال كل الغضب ولنسيت . هذا نموذج فقط لادبه وتهذيبه:
Quote: مرة واحد لبطة اسمه احمد جانا في الشقة داير يملح معانا قلت للجماعة بطيرو ليكم اشتغلت فيهو دقارات وحاجات كده لمن شتت ما عارف ده انت ولا احمد تاني ههههههه كوم لف لفاك بلا وما تقرب هنا تاني
للمساكين ذاكرة ايضا
Post: #128 Title: Re: الأول مشترك اتهذيباً في المنبر Author: Ahmed Yassin Date: 06-21-2020, 07:37 PM Parent: #127
Post: #129 Title: Re: الأول مشترك اتهذيباً في المنبر Author: نعمات عماد Date: 06-21-2020, 08:19 PM Parent: #128
سلام عليكم
الأستاذ توفيق عيسى مكي
مبروك عليك الترشيح. لكي يكتمل استحقاق لقب الأول مشترك تهذيباً، يلزمك
أعتذار للأستاذ احمد يسن مثلما أعتذرت لناس الضهاري من قبل و شكراً.
Post: #130 Title: Re: الأول مشترك اتهذيباً في المنبر Author: Ahmed Yassin Date: 06-21-2020, 08:45 PM Parent: #129
د. نعمات
Quote: أعتذار للأستاذ احمد يسن
انا ابدا ما منتظر منه اعتذار احسن ليه يستغفر وهو في هذا العمر.. افضل من اعتذاره وشخص مثله اصلا انا لا ابكي عليه فالغدعين تبكي على النافع معليش وانا اسف على ايراد هذا السوء والفحش في البوست دا لكن هذا هو ( معيار) تهذيبه
Post: #131 Title: Re: الأول مشترك اتهذيباً في المنبر Author: قسم الفضيل مضوي محمد Date: 06-21-2020, 08:56 PM Parent: #128
. اعتقد أن الزول الاكثر تهذيبا وبلا منازع هو الزميل حسين ملاسي ... . .. .
Post: #132 Title: Re: الأول مشترك اتهذيباً في المنبر Author: nour tawir Date: 06-22-2020, 01:57 AM Parent: #131
العزيز حافظ بشير
أنا كنت داير أرشحك لكن بعد وصفتينا بالفياقة وعدم الأمانة والصدق في الرأي، ترشيحي تشميهو قدحة.😀😀😀 ...... ولو رشحتنى كنت فتحت فيك بلاغ تعّدى..
Post: #133 Title: Re: الأول مشترك اتهذيباً في المنبر Author: Hamid Elsawi Date: 06-22-2020, 05:59 AM Parent: #132
Quote: على فكرة تشكر على انك متوّسم فينى خير
ألكنداكة نور تاور لك و لمواقفك التحية وجودك في المنبر هو نور علي نور الكيزان إنكشحوا ... لكن الأخلاق التي تركوها و حاولوا ينشروها و سطنا قاعدة. و تحتاج مننا لمجهود كبير لبناء ثقافة المحبة و التسامح و قبول الآخر. نحن في الغربة فقدنا وجودنا وسط الأهل و في تراب الوطن ... المنبر بالنسبة لينا وطن ... و صداقات و ونسة. قد تكون كلمة التهذيب الوارده في عنوان البوست غير دقيقة و الأكثر دقة هي مدي قبولنا للآخر. النظام السابق عمق الخلافات و جعل لغة الحوار هي البندقية و العنف و هذا ما يجب رفضه قولاً و عملاً ..و نشر هذه الثقافة و توسيح مساحات التسامح بيننا و سيادة لغة خالية من العنف اللفضي حتي داخل الأسرة بين الزوج و الزوجة الاب و الأبناء ... و كمان بيننا كزملاء في منبر واحد. لنسعي جميعاً ليكون المنبر ساحة للحوار و نشر القيم الجميلة ساحة لخلق صداقات و تعارف و معرفة ... علينا أن نفرق بين الخلاف و الإختلاف الأول مشترك عشان ما يكون هناك تفضيل بين من يتم اختيارهم و هي في النهاية حاجة نسبية فقط و ليست نهائية استفتاء محدود جداً و غير دقيق للتنبيه لطريقنتا في التعامل مع البعض بواسطة الكيبورد و عبر الشاشة ... سعدت جداً بمرورك و سعيد أيضاً بأن البوست وصل الصفحة الثانية .... لك و لكل المرور الود و المحبة
Post: #134 Title: Re: الأول مشترك اتهذيباً في المنبر Author: توفيق عيسى مكي Date: 06-22-2020, 08:02 AM Parent: #133
Quote: سلام عليكم
الأستاذ توفيق عيسى مكي
مبروك عليك الترشيح. لكي يكتمل استحقاق لقب الأول مشترك تهذيباً، يلزمك
أعتذار للأستاذ احمد يسن مثلما أعتذرت لناس الضهاري من قبل و شكراً.
حاضر يا استاذتنا تامري لكن لعلمك وانا والحبيب أحمد يس تجاوزنا المخاشنة في الكلام من أيامها واليوم في المنبر بنتمتع باحترام كبير متبادل بيناتنا أصول في المنبر ده لازم يكون عندك ضفور كبيرة تخربش بيها لمن زول يخربشك ولا تسيب فيه الكتابة وانا ما عملت إلا بالعرف السائد ولي وقتها والموقف ما بتتعداه أما البوست بتاع Deng ده لو تصدقي اول مرة اقراه لسبب بسيط بتذكر أيامها كان في تسعة بوستات مفتوحة باسمي في عناوينها صعب كنت أتابعها كلها خصوصا المشكلة الأساسية لمن قلت انا أفضل إعلامي اول مرة والمشكلة الحصلت بيني ودينق وكم أخو في المنبر بسببها تم ايقافي وتركت حتى متابعة المنبر انا ما قاعد اتعدى على زول في موضوع فاتحه في صفحته إلا بالكلام الطيب وبتخيير أفضل العبارات وفي صفحتي مهما كان كلام الزول حار ومتعدي الأصول مستحيل من أول مرة أو تاني مرة اجاريه ولما أحب اطلع من الوقار بستاذن من الناس وبطلع وبرجع تاني أعتذر دي الأصول كده كتبت في رحلة كتابتي هنا الفاقت اكتر من عشرة سنوات عشرات البوستات المتميزة جدا والجابت قراء كثر لهذا المنبر وتعلمت هنا فن الكتابة على وجه العموم لم أتكبر على أحد إلا هظار ومشاغلة حتى Deng نفسه بمرور الوقت ساد بيننا الاحترام ويكفي فتحت فيه بوست شكر لأنه علمني كثير من الجوانب مؤكد كانت فايتة على البقية الباقية من الناس الزعلانيين من أسلوب كتابتي فرواسب من رشاش أصابهم من موضوع الضهاري دايرين يتنفسوا فيه من شدة الغيظ ودايما مواجه الإنسان بحقيقته في وشه بتجعله عصبي جدا مع أنه موضوع الضهاري كان موضوع هظار غياظ إلا أنه ناقش خلل اجتماعي يلازمنا حتى اليوم ولو ما كان بالطريقة المستفذة دي ولا زول كان قبل مبدأ مناقشته من الأساس ولم حسيت انه الموضوع أخذ طابع عند بعض الناس تعدى الفهم الصحيح ببساطة أعتذرت للجميع
Post: #135 Title: Re: الأول مشترك اتهذيباً في المنبر Author: Haytham Ghaly Date: 06-22-2020, 09:12 AM Parent: #134
صحي المنبر دا كلو شلليات وخيار وفقوس ومافي زول بقول الحقيقة
انا اكتر واحد مهذب في البكان دا
وبعدي تراجي مصطفى في المرتبة التاسعة
اها تعالو غالطو كمان
Post: #136 Title: Re: الأول مشترك اتهذيباً في المنبر Author: نعمات عماد Date: 06-22-2020, 09:14 AM Parent: #134
Quote: حاضر يا استاذتنا تامري لكن لعلمك وانا والحبيب أحمد يس تجاوزنا المخاشنة في الكلام من أيامها واليوم في المنبر بنتمتع باحترام كبير متبادل بيناتنا
ما يأمر عليك عدو يا أستاذ توفيق
كلنا بنتعلم من بعض. و واضح مدى صعوبة ان لا ترد الإساءة عملاً بمبدأ
العين بالعين و السن بالسن. و مع ذلك في ناس عفوا و اصلحوا، هولاء هم
خيار المنبر. ربنا يديم الإحترام بينك وبين أ. احمدياسين و كل المنبر
و الله أتمنى أن تتوج هذه الروح السمحة بجملة بسيطة موجهة للأستاك
أحمد بأنك آسف و بس، أي بلا لكن و حيثيات. معليش يا توفيق أنا
متأثرة جداً أثناء كتابة هذه المداخلة و بدوري أعتذر لكن من أصابته
ردودي و مداخلاتي بأذي حتى و لو كان دون قصد أو إنتباه و ياجماعة
الله العفو و العافية.
Post: #137 Title: Re: الأول مشترك اتهذيباً في المنبر Author: امتثال عبدالله Date: 06-22-2020, 11:24 AM Parent: #136
الله يجازي محنك يا هيثم غالي،،، ويبعد عنك شر الكرونا ،،،
Post: #138 Title: Re: الأول مشترك اتهذيباً في المنبر Author: توفيق عيسى مكي Date: 06-22-2020, 11:50 AM Parent: #137
انا آسف يا أحمد يس
Post: #139 Title: Re: الأول مشترك اتهذيباً في المنبر Author: نعمات عماد Date: 06-22-2020, 12:07 PM Parent: #138
يا سلام يا استاذ توفيق
انت كدا أمير بالجد 🎉🌿
أين أنت يا أستاذ أحمد ياسين؟
Post: #140 Title: Re: الأول مشترك اتهذيباً في المنبر Author: Ahmed Yassin Date: 06-22-2020, 01:47 PM Parent: #139
Quote: انا آسف يا أحمد يس
ولا تاخد في بالك يا حبيب وخاصة ان هذا الاعتذار جاء من اخ هو من اعرق الاسر السودانية والشكر للاخت نعمات عماد صاحبة الفضل بعد الله في ازالة حمل ثقيل
Post: #141 Title: Re: الأول مشترك اتهذيباً في المنبر Author: Hamid Elsawi Date: 06-22-2020, 05:03 PM Parent: #140
دكتورة نعمات فعلا إنت حمامة سلام أقترح تمشي جوبا تساعدي العالم الهناك في ولادة السلام المتعثرة
الأمير توفيق ... فعلاً اللوم بِجِي في الغفلات و لا يعتزر إلا أصحاب الضمير الحي
أحمد يسن
Quote: ولا تاخد في بالك يا حبيب وخاصة ان هذا الاعتذار جاء من اخ هو من اعرق الاسر السودانية والشكر للاخت نعمات عماد صاحبة الفضل بعد الله في ازالة حمل ثقيل
كفيت و وفيت لك التحية
Post: #142 Title: Re: الأول مشترك اتهذيباً في المنبر Author: نعمات عماد Date: 06-22-2020, 08:37 PM Parent: #141
الشكر و التقدير و الإحترام للأستاذ احمد ياسين.
يا باش م. الصاوي المنبر كلو مهذبين، لذلك هم جاهزين للمصالحة
اما ناس السلاح في جوبا محتاجين فطاحلة علم نفس و اجتماع
و تاريخ و إقتصاد و سياسة و إستخبارات و....بالإضافة لمعجزة.
ندعو الله ان يتحقق السلام في أقرب وقت.
الشكر لله و للصاوي لتهيئة المسرح( البوست) لنتخفف كلنا من بعض
أثقالنا كما تفضل الأخ الكريم احمد ياسين
Post: #143 Title: Re: الأول مشترك اتهذيباً في المنبر Author: أحمد محمد عمر Date: 06-22-2020, 08:48 PM Parent: #142
يعني الآكشن انتهى قبل نجيب عدة الشغل؟
Post: #144 Title: Re: الأول مشترك اتهذيباً في المنبر Author: MOHAMMED ELSHEIKH Date: 06-22-2020, 08:54 PM Parent: #143
احمد عمر
تعال اينا في مليونية ود موسى لو كان قرمان
Post: #145 Title: Re: الأول مشترك اتهذيباً في المنبر Author: نعمات عماد Date: 06-22-2020, 08:54 PM Parent: #143
Post: #146 Title: Re: الأول مشترك اتهذيباً في المنبر Author: ABUHUSSEIN Date: 06-22-2020, 09:14 PM Parent: #145
Quote: آآآهاااا أوعى يكون انا متهمة؟
و مدانة كمان ...... بوظتي الآكشن ....... 😂😂😂😂
Post: #148 Title: Re: الأول مشترك اتهذيباً في المنبر Author: نعمات عماد Date: 06-22-2020, 09:28 PM Parent: #146
ابوحسين
مداخلة أ. احمد ياسين الساعة 7:37
و مداخلتي الأولى الساعة 8:19
اما رد أ. توفيق الساعة 8:7
يعني بعد 12ساعة...
انتو كنتو وين الوقت داك كلو؟
آكشن شنو البي slow motion دا ؟😂 😂 😂
Post: #147 Title: Re: الأول مشترك اتهذيباً في المنبر Author: جلالدونا Date: 06-22-2020, 09:18 PM Parent: #142
غايتو فى و بدون اى مجاملة دى ترشيحاتى بكري ابوبكر و صبرو علينا ود الباوقة رغم الاختلاف معاهو سودانى عجوز مولانا الملك اسماعيل عباس عليش الريدة عمر دفع الله حيدر قاسم محمد حيدر المشرّف معاوية الزبير واحد يسأل اللستة خالية من الزميلات ليه بقول ليهو يشهد الله كلهن ملكات للتهذيب عشان كده المفاضلة بتكون طالمة ____ فى انتطار اللستة بالمقلوب و ديك فيها بيان بالعمل
Post: #149 Title: Re: الأول مشترك اتهذيباً في المنبر Author: جلالدونا Date: 06-22-2020, 09:48 PM Parent: #147
نجى للستة الموازية ليهم على عبدالوهاب محجوب عبدالله د/ ود الحسين ياسر الشريف د/ محمد حسن هاشم الحسن خالد سعيد محمد المرتضى حامد حمد عبد الغفار محمد عبدالله الحسين ___ فى انتظار اللستة بالمقلوب
Post: #150 Title: Re: الأول مشترك اتهذيباً في المنبر Author: Ahmed Yassin Date: 06-23-2020, 00:28 AM Parent: #149
المنابر هي اماكن ( للتجميل) ويحاول العضو ان يقدم نفسه باحسن انطباع لدى الآخرين. فكيف يبدوا في ( مخيلتهم) وليس اعينهم لان ( صورتك) او ( افتارك) ماهي الا شىء ثابت وليس متحرك لذلك يقوم برسم صورة مزينة او مجملة لشخصيته او يحاول تزيينها .وقلما تجد ان هذا الشخص هو نفسه فالشخص ( الكاتب) ليس ك (المتحدث) يمكن ان يكون هنا ( ملاك) وخارج المنبر يكون خارجا عن النص ويمكن ان يتكلم عن التربية و معاملة الزوجة والحب والحنان والتفاهم ووو و..هو هناك مرعب جلف ما يهمنا هنا ( تعامله) هنا فقط وليس(تهذيبه) لان التهذيب كلمة عامة وشاملة
Post: #151 Title: Re: الأول مشترك اتهذيباً في المنبر Author: Sabri Elshareef Date: 06-25-2020, 03:28 AM Parent: #100
ارشح صبري الشريف زول لطيف وظريف اللي ما بعرفك بجهلك
Post: #152 Title: Re: الأول مشترك اتهذيباً في المنبر Author: أحمد محمد عمر Date: 06-25-2020, 07:09 AM Parent: #151
طبعاً مداخلة توفيق الأولى روح بيها الناس دي كلها دخل بي حمد ومرق بي خوجلي .. ما فيها ولا ريحة اعتذار ذاتو كنت منتظر أحمد يس يجي يعترض عليها عشان نبدأ شغلنا لكن نعمات هادمة لذات دخلت ختت ليه الاعتذار جااااهز ما عليه إلا يشيله يخته وتنتهي المشكلة بس شغل الأفلام المصرية الأبيض وأسود ديك الـ من أول مشهدين في الفيلم بتكون عرفت نهايته نحن بتاعين أفلام امريكية المخرج في أي لحظة بلف بيك عكس والمشكلة ذاتو أحمد يس فنان حساس قلبه رهيف ترضيته سااااهلة كان نعمات زحت لي يومين بس كان خليت غبارها واصل السماء تجي داخل شايل التراب بي يدينك الاتنين وتختوا في نصهم وتقول ليهم يا اخوانا استهدوا بالله مافي داعي للمشاكل والعجب كان لقيت ليك عكازين سمحات كدة وسط الجمهور تقلعن منهم وتقول ليهم هسة انتو جايبين العكاكيز دي لشنو؟ هسة لو واحد شال عكاز وعوق راس زميله؟ وتقلع العكاكيز كدة وتفن لي أي واحد في المتشاكلين عكاز تحت كرعينه يعني مثلاً تقول يا توفيق انت بتستهبل علينا ولا شنو؟ لم كرورك دة ولو ما عندك كلام غيره أحسن تسكت وطبعاً الأمير يعجبك في ركوب الراس https://sudaneseonline.com/db/attention/010_Smile.gif
يا ود الشيخ نحن صناع آكشن لكن بوستات حاتم ما بتحتاج صناع بتجي مآكشنة خلقة بنكون قاعدين برة قوات احتياطي مركزي ودعم سريع
Post: #153 Title: Re: الأول مشترك اتهذيباً في المنبر Author: أبوبكر عباس Date: 06-25-2020, 07:56 AM Parent: #152
والله، أنا أشهد أنو عمدة نيو جرسي صبري الشريف من ألطف الناس الذين عرفتهم بالواقع، لا تمل من الونسة معه أبداً.
Post: #154 Title: Re: الأول مشترك اتهذيباً في المنبر Author: Salah Zubeir Date: 06-25-2020, 12:37 PM Parent: #153
Quote: لكن من هسة بقطع علاقتي بصلاح الزبير شوف كان ما لقيتني السنة الجاية وش
عاين بتاع الشيشه ام بابين دا
Quote: آآآهاااا أوعى يكون انا متهمة؟ 😂 ناقص يجي صلاح الزبير كمان يبراني.
يا دكتورة قلع ضرس واحد بقي بي ١٠ ألف ... امبارح دفعتا المبلغ دا لي ضرس زوجتي ... الغريبه دكتور معرفة ... تاني ما اسمعك تتكلمي عن العدالة الاجتماعية ... نحنا ناس جعليين تاني إذا في أي ضرس محتاج قلع في البيت بس ... الزرديات عندي أشكال وأنواع ... من ال long nose لي ال heavy duty ...
ود الزبير بقي مستهدف من عدة جهات ... يا حليلي المفروض ديل ناسي ... 🙄🙄😃😃😃
Post: #161 Title: Re: الأول مشترك اتهذيباً في المنبر Author: Abureesh Date: 04-16-2022, 01:46 AM Parent: #100
أبو الريش
Post: #155 Title: Re: الأول مشترك تهذيباً في المنبر Author: Khalid Abbas Date: 06-25-2020, 12:44 PM Parent: #1
تهذيباً يعني شنو ؟
Post: #156 Title: Re: الأول مشترك تهذيباً في المنبر Author: Hamid Elsawi Date: 06-25-2020, 02:35 PM Parent: #155
Quote: تهذيباً يعني شنو ؟
بإختصار أخي خالد عباس هي شهادة حسن سير وسلوك يصدرها المشاركون في البوست ققط بناء علي تاريخك في المنبر و هي شهادة اسفيرية غير معترف بها في اي مكان تهذيب تعني تعني فقط الكي بورد او قلمك في المنبر لم يشهد احتكاك او مشكلة مع زميل آخر شهادة بان حواراتك و مناقشاتك مع زملاء المنبر تتسم بالموضوعية .. شهادة بانك لم تكتب مداخلة بانفعال شهادة بانك لم تتعرض لجريمة مُخِلة بقوانين المنبر و لم يتعرض حسابك للإيقاف او اي عقوبة اخري و الغرض من البوست هو الاشادة و الوفاء لأصحاب الاقلام التي نتفق عليها. لكي نتعلم منهم و نطور فهمنا و سلوكنا لفهم أدب و آداب الحوار اتمني ال تكون الصورة وضحت لك عزيزي خالد و شكراً للمرور
Post: #157 Title: Re: الأول مشترك تهذيباً في المنبر Author: نعمات عماد Date: 06-25-2020, 05:25 PM Parent: #156
Quote: نعمات هادمة لذات
طيب يا آكشن مان
عندي حل، بس بعد الكهرباء ترجع و المطرة تنزل 😂😂😂
Post: #158 Title: Re: الأول مشترك تهذيباً في المنبر Author: Ahmed Yassin Date: 06-25-2020, 06:46 PM Parent: #157
شطة
Quote: كنت منتظر أحمد يس يجي يعترض عليها عشان نبدأ شغلنا لكن نعمات هادمة لذات دخلت ختت ليه الاعتذار جااااهز ما عليه إلا يشيله يخته وتنتهي المشكلة
اههههههههه انا برضو انتبهت للحتة دي ..لكن اتذكرت سيدتين فضليين ( انت هسي بتعرف فضليين دي) تلقاك قايلا فاضلتين الاولى يا سلام السيدة ( عزيزة ازرق) في الملحقية الثقافية في سفارتتا بالقاهرة .. من الصغب نتكلم عن افضال هذه السيدة. الثانية السيدة ( نعمات عماد) ختتنا ليك انا وتوفيق في زاوية حادة .. لكن بامانة رجعت احب توفيق من تاني هسي الواحد يقول لى نعمات شنو بس ! عموما بالكلاسيك جيتار والفلوت: يا نعمة من رب السماء
Post: #159 Title: Re: الأول مشترك تهذيباً في المنبر Author: نعمات عماد Date: 06-26-2020, 04:04 PM Parent: #158
Quote: لكن بامانة رجعت احب توفيق من تاني
الأستاذ الموسيقار احمد ياسين
انت اديتنا درس في العغو و المسامحة و الإحسان، بدليل العبارة في المقتبس.
و رفعت روحنا المعنوية لأنك ذكرت أسمي مقروناً مع الأستاذة عزيزة أزرق.
شكراً كتير لك و للأستاذ توفيق عيسى مكي.
Post: #160 Title: Re: الأول مشترك تهذيباً في المنبر Author: osama elkhawad Date: 06-26-2020, 10:28 PM Parent: #159
أرشّح الاستاذ محمد عبدالله الحسين.
في ذات مرة "تحرّش" به الشبح حاتم ابراهيم، واقترحتُ على محمد أن "يغزو" بوستات الشبح مثلما يفعل ، لكنه بتهذيب شديد امتنع...
كما أرشّح الدكتورة إخلاص المشرّف، لثقافتها وطريقتها المهذّبة الخاصة في تفادي المشاحنات...
