الإتحاديين والهجمة المسعورة ضد وزير الصحة

06:11 AM June, 17 2020

سودانيز اون لاين
عثمان الأمام-
مكتبتى
رابط مختصر

بنظرة سريعة للبوستات في السوشيال ميديا والمنابر السودانية حتلاحظ بوضوح ان من يقود الحملة هم بعض العاطلين المنتمين للحزب الإتحادي و يعملون بنفس الاسلوب الكيزاني الأمنجي القديم وهو أكذب أكذب حتى يصدقك الآخرون بالإضافة للفرمالة الواحدة الحزب الشيوعي !! لكن هل هذا الهجوم على د. أكرم مبرر ام هناك ما هو مخفي!؟

أولا" الإتحاديين المقصودين هم أعضاء الأجسام التالية :
1/ الحزب الإتحادي الأصل
2/الحزب الوطني الإتحادي جلاء الأزهري
3/الإتحاديين الأحرار
4/الحركة الإتحادية
5/حزب الإتحاديين المستقلين
6/الحزب الإتحادي الديمقراطي الثوري
7/التجمع الديمقراطي وده براهو يضم :
1/ الوطني الإتحادي الموحد (عضو قوى الإجماع)
2/الحزب الإتحادي الديمقراطي العهد الثاني
3/الوطني الإتحادي (عضو نداء السودان)
4/الإتحادي الموحد (عضو قوى الإجماع)
5/ الحركة الإتحادية (عضو قوى الإجماع)
6/ الإتحاديين الأحرار (عضو قوى الإجماع)
7/ التيار الحر
8/ إتحاديين معارضين غير منضويين تحت الأحزاب المذكورة
طبعا" من الصعب تعرف الواحد منهم منضم لي ياتو شلة ويمكن ما تقدر تعرف حتى رئيس الجناح اسمو منو عشان كده إختصارا" حنسميهم إتحاديين.

على قول بشاشا يا لهوي!!

وزير الصحة هو الدكتور أكرم علي التوم
بكالاريوس طب وجراحة جامعة الخرطوم 1985
حاز على منحة فولبرايت للدراسات العليا 1992 -1993
ماجستير في الصحة العامة من جامعة جونز هوبكنز 1993
حصل على جائزة منظمة الصحة العالمية لأفضل مدير في الإقايم الإفريقي2009
وأنتخب كزميل متميز بكلية الصحة العامة
الكلية الملكية للأطباء الباطنيين في المملكة المتحدة
من إنجازاته صياغة إستراتيجية الصحة للقارة الإفريقية 2016 -2030
6 سنوات خبرة داخل السودان و 24 سنة خبرة عالمية أغلبها في منظمة الصحة العالمية.

السيرة الذاتية دي منشورة في بعض المواقع

طيب نجي للفترة الأولى من إستلام الوزير لمهامه وأعتقد كانت من شهر أغسطس أو سبتمبر لحد بداية وباء الكوفيد 19 العالمي ما بين أربعة لي خمسة شهور, في الفترة دي كان في السودان وباء الكوليرا في النيل الزرق ووباء حمى الشيكونغونيا في كسلا وتعامل الوزير مع هذه الأوبئة بالسرعة المطلوبة والمتابعة الدقيقة وبالإمكانيات المتاحة وهنا لاحظنا الفرق الكبير بين الشغل العلمي المدروس وبين الشغل الهبتلي الكان في التلاتين سنة الفاتت! وتيم وزارة الصحة كان بيكون في مقدمتو الوزير شخصيا" وتم إحتواء الأوبئة دي بأقل الخسائر. وكانت فترة إحلال مديري الإدارات ومراجعة كاملة للوزارة و لو لا جائحة الكوفيد 19 الحالية لكان الحال مختلف إختلاف كبير و جزو كبير من الخطط نزل إلى أرض الواقع. ده بالإضافة للإشادة الكبيرة والدعم اللقاهو الوزير من الأطباء والكوادر الصحية ودي الحاجة الخلت بعض الناس العندهم اطماع وحنجيهم بعدين يتحسسوا رؤوسهم.

عشان تعرف جذور المؤامرة لا بد نتطرق للأجسام المهنية الطبية لأن المؤامرة بدأت من هنا!
الأجسام الكانت بتمثل الأطباء قبل الثورة هي :
إتحاد الأطباء السودانيين : و ده كان عبارة عن إتحاد معين وكل الناس الفيهو هم من كوادر الإنقاذ لم يكن عندو دور وسط الأطباء بل كان واجهة للحكومة و كوادرها و كان يعرف بإتحاد عشميق.
النقابة الشرعية للأطباء : دي مكونة من اعضاء آخر نقابة منتخبة للأطباء الحلوها الكيزان و كونو اتحاد الأطباء كان دورا معنوي بالنسبة للأطباء ووقفوا مع أي مطالب للأطباء طوال التلاتين سنة لكن ما كان عندها دور على ارض الواقع فكانت زيها زي نقابة الاطباء السودانيين بامريكا وايرلندا والمملكة المتحدة بتصدر بيانات حول الأوضاع الصحية و بتدعم أي جهود للأطباء وبتقوم ببعض الأعمال التطوعية .
لجان الأطباء : بدات لجان الأطباء في بداية اللألفينيات كانت عبارة عن لجان بتتشكل كل فترة للمطالبة بإصلاحات أغلبها مرتبط باصلاح البيئة الطبية ومطالب مهنية كالمرتبات والميزات والخ ولأنو ما كان مسموح بالنقابات وأي تحركات للاطباء كانت بتواجه بالإعتقالات و التشريد والملاحقة لجأ الأطباء لهذه اللجان وأشهرها كانت لجنة المرحوم د. إيهاب طه في بداية الألفينات النجحت وقدرت رفعت مرتبات الأطباء في ذلك الوقت بعد إضرابات ناجحة و للأسف تم إغتيال د . إيهاب بعدها بشهور قليلة لكن صارت هي بذرة للجان اللاحقة لأنها إعتمدت على صغار الأطباء وهم الفئة المحركة لكل القطاع الصحي.
بعدها جاءت لجنة الأطباء 2010 الكان على رأسها د. الأبوابي و هنا كان شغل الإضرابات أكثر تنظيما" وكانت الإضرابات تشمل الولايات وحتى المستشفيات الخاصة وكان المشاركين في فعالياتها أعداد كبيرة نتيجة لظهور السوشيال ميديا وأصبحت المطالب شاملة أكثر ومطالبة بإصلاح النظام الصحي كاملا" وإصلاح المستشفيات وأصبح الخط العام عند الأطباء هو عدم جدوى نظام الإنقاذ ككل .
ثم جاءت اللجنة المركزية للأطباء في 2016 كإمتداد لي لجنة الأبوابي و صارت أكثر تنظيما" وبدأت تظهر بجانبها لجان للاستشاريين والاخصائيين إلى أن وصلت للجنة المركزية للأطباء الحالية و مشاركتها كجزء مؤسس لتجمع المهنيين السودانيين.

مع بداية الثورة نسبة لوجود أجسام متعددة والهدف كان مشترك وهو إسقاط النظام ومنعا" للتضارب تم تشكيل المكتب الموحد للأطباء وهو يضم اللجنة المركزية والنقابة الشرعية ولجنة الاستشاريين.
الشيء المشترك بين كل الأجسام دي واللجان السابقة كان في أغلبو شغل نقابي حقوق أطباء و تحسين بيئة العمل و معاداة الإنقاذ أغلب الأطياف السياسية إشتغلوا في اللجان دي شيوعيين وحزب امة واتحاديين وجمهوريين ومستقلين وحركة شعبية الخ الخ لكن كل الخطوات وكل القرارات البطلعوا بيها كانت بتتم عبر الأطباء والنقاش و إبداء الرأي كان مفتوح سوى لقاءات جماهيرية أو بيانات في السوشيال ميديا إلى أن جاء الإتحاديين بعد الثورة!!

بعد إستلام د. أكرم للوزارة تم تعيين المدراء الجدد للمستشفيات وللإدارات المختلفة تم كله بمشاورة المكتب الموحد للأطباء وليس صحيحا" أن تعيينهم تم من د. أكرم ودي حاجة معروفة لكل ناس القطاع الصحي وأغلب الذين تم تعيينهم هم اطباء كانو ناشطين في قضايا الأطباء والصحة لكن خبراتهم وشهاداتهم بعيدة عن الصحة العامة والإدارة الطبية لأنو أصلا" التخصصات دي غير شائعة وغير مرغوبة . وهنا بدأت الصدامات مع الوزير كل واحد شايف إنو هو بمثل الثورة والأطباء والمفروض الوزير يمشي بي آراءهم مع انهم مدراء إدارات ليس لها علاقة بتخصصهم ومن هنا بدأ شغل الشلليات للتآمر على الوزير.

الإتحاديين بعد الثورة وجدوا انفسهم انهم مسيطرين على مكتب اللجنة المركزية للأطباء ولجنة الصيادلة وفي نفس اللحظة ظهور د. الأصم في سكرتارية تجمع المهنيين ممثل للجنة المركزية للأطباء بالإضافة للتعيينات التمت في وزارة الصحة أدتهم وهم كاذب إنهم مسيطرين على قطاع الصحة بل أصبحوا يتغنوا إنهم من صنع الثورة ومن صنعوا تجمع المهنيين وظنوا ان السيطرة على الصحة بتضمن ليهم السيطرة على التجمع وعملوا في لجنة الأطباء المركزية على تأخير تكوين النقابة . وعندما بدا وزير الصحة بإقالات في الوزارة إنتهى شهر العسل مع الوزير وعشان عارفين القبول اللقاهو الوزير وسط القطاع الصحي ووسط الجماهير إبتدعوا فرية فشل الوزير في ملف الكوفيد 19 !!

Quote: 1/ الحزب الإتحادي الأصل 2/الحزب الوطني الإتحادي جلاء الأزهري 3/الإتحاديين الأحرار 4/الحركة الإتحادية 5/حزب الإتحاديين المستقلين 6/الحزب الإتحادي الديمقراطي الثوري 7/التجمع الديمقراطي وده براهو يضم : 1/ الوطني الإتحادي الموحد (عضو قوى الإجماع) 2/الحزب الإتحادي الديمقراطي العهد الثاني 3/الوطني الإتحادي (عضو نداء السودان) 4/الإتحادي الموحد (عضو قوى الإجماع) 5/ الحركة الإتحادية (عضو قوى الإجماع) 6/ الإتحاديين الأحرار (عضو قوى الإجماع)

يا عثمان سيبك من ديل الفيهم مكفيهم..

الإجتماع بحمدوك!!
عكس المتداول إنو بروف تاور هو المتآمر على د أكرم المؤامرة بدت من لجنة الأطباء المركزية و مشوا إجتماع مع حمدوك بدون دعوة وزير الصحة ولا حتى الوزير الولائي!
وكان في الإجتماع محمد ياسين الاتحادي في لجنة الأطباء وعلاء نقد الاستشاريين و حرازة المختبرات وديل طالبوا باقالة الوزير!
بروف تاور كان عندو خلاف مع د أكرم في بعض تفاصيل اللجنة العليا للطواريء و هاجم وزير الصحة لكن لم يدعو للاجتماع ولا لإقالة الوزير!
ولا ننسى كمان القابلو البرهان لإقالة د أكرم وعلى راسهم عمر سنار ومحمد يسن من اللجنة المركزية وشاكر الزين مجلس التخصصات و سليمان حسين!
طبعا" الإجتماع ده لحد الآن منكور ولم يناقش بالنسبة للأطباء وواضح إستغلال اسم الأطباء من قبل الإتحاديين للمؤامرة على د أكرم وبعد ده يجوا يصكوا آذاننا بالإختطاف الحزبي !!

هلا abureesh

Quote: يا عثمان سيبك من ديل الفيهم مكفيهم..

المشكلة إنو عاوزين يمارسوا هواياتم بتاعت الإنقاسامات دي في كل ما تصلو يدهم !!

حنجي للملفات البروجو ليها دي كلها واحدة واحدة

1/ ملف الإستقالات
2/ ملف الكورونا
3/ ملف أزمة الدواء

stay tuned

سلام

ممكن يا عثمان عينة كدى بالاسم؟

هلا باشمهندس

Quote: ممكن يا عثمان عينة كدى بالاسم؟

الأسماء كتييرة حنبدأ ليك بالجماعة البحاولو يسيطروا على الصحة في السودان . قد يكون في إتحاديين كتيرين لا يدرون ما يجري في قطاع الصحة لكن السايطنها هم اتحاديين مع تكتلات مع جهات عدة.

Quote: وزير الصحة هو الدكتور أكرم علي التوم بكالاريوس طب وجراحة جامعة الخرطوم 1985 حاز على منحة فولبرايت للدراسات العليا 1992 -1993 ماجستير في الصحة العامة من جامعة جونز هوبكنز 1993 حصل على جائزة منظمة الصحة العالمية لأفضل مدير في الإقايم الإفريقي2009 وأنتخب كزميل متميز بكلية الصحة العامة الكلية الملكية للأطباء الباطنيين في المملكة المتحدة من إنجازاته صياغة إستراتيجية الصحة للقارة الإفريقية 2016 -2030 6 سنوات خبرة داخل السودان و 24 سنة خبرة عالمية أغلبها في منظمة الصحة العالمية.

مشكلتو شيوعي بتاع منظمات دولية
دي مشكلتو
ايمن الظواهري طبيب ونص الكيزان اطباء ملعونين والديهم برضه مؤدلجين واغبياء مع احترامي لاكرم
بعدين فصل الدين عن السياسة شنو
والله لو فصلنا الطب عن السياسة كان الكيزان والشيوعيين ديل لكلو
نيم
ان جقود
ختمي مركب مكنة حركة شعبية
وضد ق حت دي كلها من راسا لي ساسا
ما تشمل الناس ساكت

هلا عادل أمين

Quote: مشكلتو شيوعي بتاع منظمات دولية دي مشكلتو ايمن الظواهري طبيب ونص الكيزان اطباء ملعونين والديهم برضه مؤدلجين واغبياء مع احترامي لاكرم بعدين فصل الدين عن السياسة شنو والله لو فصلنا الطب عن السياسة كان الكيزان والشيوعيين ديل لكلو نيم ان جقود ختمي مركب مكنة حركة شعبية وضد ق حت دي كلها من راسا لي ساسا ما تشمل الناس ساكت

موقفك شجاع بغض النظر عن مدى صحتو , فكونو انو موقفك واضح ضد اكرم عشان هو شيوعي دي حاجة كويسة , المشكلة الناس البتحاول تروج لي حاجات ما حقيقية عشان يفضى ليهم الجو ويخدموا أجندتم!!
نحن في القطاع الصحي ما عندنا مشكلة يجينا وزير شيوعي أو إتحادي أو حزب أمة أو جمهوري المهم عندنا مدى كفاءتو ومقدرتو على تحسين القطاع الصحي.

عثمان الامام

انت راميك جمل وله شنو

ياخي الشيوعيين ضد الانتقالية كلها

زي ما قال ليك ود الشيخ ادينا عينه اسماء

و الاصم لما كان في السجن زولك اكرم كان حايم في اوربا

الزبير الختمي

الزبير الختمي

Quote: انت راميك جمل وله شنو ياخي الشيوعيين ضد الانتقالية كلها زي ما قال ليك ود الشيخ ادينا عينه اسماء و الاصم لما كان في السجن زولك اكرم كان حايم في اوربا الزبير الختمي

الشيوعيين ياهم ديلك قاعدين عندهم حزب وعندهم البمثلوهم وأنا لست منهم عشان كده لو قريت فوق قلت ليك حنك الشيوعيين ده أكل عليهو الدهر وشربز
الأصم وكل الإتحاديين بتاعين اللجنة المركزية جاينهم واحد واحد خليك قريب شكلك انت الواقع من جمل وما عارف الأصم ده زاتو جاء كيف :)

الاخ عثمان الامام

انا قريب ، ابقي انت قريب

خليك من الهجمه بتاعت جماعتك ناس لينين ، الانتخابات بعد سنتين

بس امسك جماعتك الشيوعيين ما اعملوا انقلاب مايو 1969 م

و الاصم نحن بنعرفه و ما عاوزنك تتبرع لينا بترهات جماعتك الشيوعيين الانقلابيين

عاش ابو هاشم

الزبير الختمي

Quote: خليك من الهجمه بتاعت جماعتك ناس لينين

ههههههه خلاص بقوا جماعتي ؟!
يا زول ما مشكلة مدام إنت شايف كده :)

يا عثمان ما تنسي أصحاب شركات الأدوية وملاك الصديدليات والمستوردين
بصراحة هجمة الإتحاديين بقت ظاااااهرة ومكشوفة ضد الصنديد د. أكرم التوم
أكرم وأشرف وأنظف من تولي وزارة الصحة له التحية والإحترام
تحياتي

هلا محمد قاضي

Quote: يا عثمان ما تنسي أصحاب شركات الأدوية وملاك الصديدليات والمستوردين بصراحة هجمة الإتحاديين بقت ظاااااهرة ومكشوفة ضد الصنديد د. أكرم التوم أكرم وأشرف وأنظف من تولي وزارة الصحة له التحية والإحترام تحياتي

نعم الهجمة منظمة وموضوع الدواء ده لامي ناس كتيرة وطرف السوط حيهبش وزارة المالية زاتا والحقيقة إنو أكرم بقاتل في لوبيهات ضخمة لوحدو .

التحية لدكتور أكرم ونسأل المولى عز وجل له التوفيق والعمل المسدد.

على كل وبما انني عضو كثير من قروبات الاتحاديين اطمنك جلهم يقفون مع الحكومة الانتقالية وبقوة حتى تنجز مهامها
التي كلفتها بها الثورة من إزالة تمكين واسترداد حق الشهداء وتصحيح الاقتصاد وصولا للانتخابات ولم اقرأ لمتعاطف( ما )ضد دكتور اكرم
او بقية أعضاء الوزارة سوى النقد العادي الذي لا يرقى لتخويين او مطالبة باستقالة.


مودتي

يا ود الشيخ

اخونا عثمان الامام مدفور من المخالفين من 1953

الشيوعيين عمرهم كله ما اشتركوا في تغيير و ضد اي تغيير

نحن الاتحاديين مع الحكومة الانتقالية

و انا اتحادي اصل ، ادعم و اشد من عضد الدكتور اكرم علي الرغم من الاخطاء الكبيره في تقديرات كرونا

عاش ابو هاشم

الزبير الختمي

Quote: انا اتحادي اصل ، ادعم و اشد من عضد الدكتور اكرم علي الرغم من الاخطاء الكبيره في تقديرات كرونا

طيب ماهو إنت قلت بتدعم أكرم إشمعنى أنا شيوعي وإنت ما شيوعي!!
ولا عشان قلت المؤامرة من إتحاديين طوالي بقيت شيوعي !!

Quote: uote: 1/ الحزب الإتحادي الأصل

الاتحادي الاصل ما عنده علاقة بي الفكة دي وهو ليس من قح ت من الاساس
الاطباء لاتخرجو من جامعة الخرطوم كلية الطب ذى اكرم من تاسيا
5000 طبيب عبر العصور
اتواضع طريقتك ذاتا تدل علي اتك متاثر بالمسلسلات المصرية والطب وما اردراك ما الطب
الادارة في المستشفيات زمان المساعد الطبي زمن الانجليز
الطب مهنة ووزير الصحة وظيفة دستورية تتطلب وعي اداري كبير
وتواضه واستراتجيات واضحة
ق حت ذاتا ما عندها استراتجيات ولا حمدوك قاعدين تمشطو في الانقاذ بي قملا
ومنتظرين مؤتمر دستوري يحل مشكلة السودان
كان حصلتو احلق صلعة وابقى كوز
حسين ابو صالح بروفسر اختمي جراحة مخ واعصاب كان وزير خارجية في الانقاذ دي في اضل والعن اياما
والطب ما بزيل بلم
انا معجب بس تابينتا بطرس لمن كانت وزير صحة وضحت لمسات راقية في مسشتفيات السودان مش الخرطوم بس حيث حدود وعي اكرم

الكتاب ده من مكنبة بروف علي فضل كان وزير صحة العصر الذهبي لي مايو بعملو علميات قلب مجان في مستشفي لشعب
وبقى مسؤل الصحة الاقليمي ثم مستشار وزارة لتعليم لعالي ثم مستشار كلية طب جامعة صنعاء وهسة نزل السودان بسبب ظروفه الصحية
التتطاول علي الناس شنو
شوف اتخرجو كم طبيب من زمن مدرسة كتشنر الطبية
هسة حكومة حمدوك من مسنجمة وبلا استراتجية وبدت تدب النزاعات وبين الوزارات نفسها
بدل تتطاول علي الختمية والاتحادي الاصل
صلح الحكومة القبيحة دي وخلينا نرى اثار سياستها الايجابية في كل الوزارات
حتي لحدي هسة البنك الزرعي ما اشترى القمح من المزارعين والموسم الثاني ظهر
حمدوك ووزير الزراعة والبنك الزراعي ديل وين ؟؟
https://top4top.io/

اخونا عثمان الإمام سلام ليك و لي ضيوفك الكرام
بوست مريح شديد لإظهار حقائق غايبة عن كثيرين
و لو عندك فكرة عن لوبي المستشفيات الخاصة الذي يضرب بقوة في نذاهة د. اكرم و عدم مهنيتة برضو بالله مر لينا عليه
في نظري د. اكرم من اكفأ الوزراء الذين مروا على السودان
و اكثرهم تأهيلا و أفضلهم على الإطلاق
و الحملة ضده بتوضح تماما قذارة الحزبية التي دمرت السودان و لا زالت ....

تحياتي و متابعة شديدة ....

Quote: في نظري د. اكرم من اكفأ الوزراء الذين مروا على السودان و اكثرهم تأهيلا و أفضلهم على الإطلاق و الحملة ضده بتوضح تماما قذارة الحزبية التي دمرت السودان و لا زالت ....

Quote: و الحملة ضده

الحملة دي مكانها وين ؟؟؟؟
ما شفناها الا يكون عبد العظيم عثمان اتحادي

Quote: الا يكون عبد العظيم عثمان اتحادي

إنت ما عارف يا هندسة ؟؟؟؟
كر عليك ...... 😂

تحياتي دكتور اسامة
كويس نسمع وجهة نظر من واحد لصيق بالوضع و شايف من جوة
د أكرم ليس فوق النقد طبعا لكن النقد الحقيقي مش الاستهداف بالحق و الباطل و الترصد والدليس
حقيقة كمية الاستقالات في ادارات الوزارة المختلفة مع ان بعضهم عينهم أكرم نفسه و مسألة تعيين أخصائية للتولى إدارة الاعلام ترفع علامة حمراء على طريقة الوزير في الادارة
أخيرا مخاطبته للمالية - صيغة الخطاب نفسه لا اتحدث ع التسريب - تشي بأن أكرم ممكن يكون طبيب ممتاز وصاحب سيرة جيدة لكنه إداريا عنده جوانب فيها قصور

أخيرا تاريخيا الامور طيبة بين الاتحاديين و الشيوعي, المشكلة مع الامة في العادة
الحصل شنو الدورة دي

Quote: تحياتي دكتور اسامة

اسامة دا منو كمان ؟؟؟؟؟

هلا ود البشرى

لا شك مافي زول فوق النقد و د . أكرم أكيد عندو سلبيات لكن البحصل ده هجمة منظمة

هي مشكلة السودانيين المزمنة الشلليات بالإضافة لي شوية طمع بالتكويش على الصحة

هلا أبو حسين

لوبي المستشفيات جايي في الطريق وحنوضح دور لجنة الأخصائيين والإستشاريين المتضررين من د أكرم

يا باشمهندس المؤامرة ضد د أكرم قايدنها إتحاديين لي درجة بمشوا للبرهان لإقالة د أكرم !!
على الأقل الإتحاديين الفي مجال الصحة

و الحملة ضده بتوضح تماما قذارة الحزبية التي دمرت السودان و لا زالت ....
----------------------------------------------------------------------------------

ابو الحسين

بكل تاكيد الحملة ضد اكرم لا يقودها الاتحاديين ، و اخونا عثمان واقع من جمل و راكب السرج مقلوب .


الزبير الختمي

عفوا لخبطت مع الزميل اسامة الامام
معذرة دكتور عثمان

كلام الطير في الباقير


الباقير الوراني كمان

Quote: في نظري د. اكرم من اكفأ الوزراء الذين مروا على السودان و اكثرهم تأهيلا و أفضلهم على الإطلاق و الحملة ضده بتوضح تماما قذارة الحزبية التي دمرت السودان و لا زالت

ههههههههههه

بالله هو أكرم دا كمان عاوز ليه حملة
دا حيغطس حجر نفسه بي يده وبي فشله

بعدين موضوع الحزب الشيوعي دا موضوع ميت
دا عماره في السودان خلال 70 سنة الفاتت

Quote: سجل انتخابات الحزب الشيوعي من اول خلية شيوعية ظهرت في السودان الي آخر انتخابات ديمقراطية! لم نحسب مشاركة الحزب الشيوعي البرلمانية بعد الشراكة مع المؤتمر الوطني في ٢٠٠٥ مع ان عدد المعينين من الحزب الشيوعي في ذلك البرلمان وصل للرقم اربعة نواب وهذا العدد يمثل تاني اكبر مشاركة للحزب من ناحية عدد النواب في البرلمان بغض النظر عن الطريقة! ١٩٥٣ احرز مقعد برلماني واحد من مجموع ٩٧ مقعد ١٩٥٧ احرز صفر من مجموع ١٧٣ مقعد ١٩٦٤ احرز ١١ مقعد برلماني من مجموع ٢٣٣ مقعد ١٩٦٨ احرز مقعدين برلمانيين من مجموع ٢١٨ مقعد ١٩٨٦ أحرز ٣ مقاعد برلمانية من مجموع ٣٠١ مقعد

أها الإنتخابات جاية ضر كدا بتطيروا ولا بتجروا
حزب عاطل ومخرب

Quote: بالله هو أكرم دا كمان عاوز ليه حملة دا حيغطس حجر نفسه بي يده وبي فشله بعدين موضوع الحزب الشيوعي دا موضوع ميت دا عماره في السودان خلال 70 سنة الفاتت

هسه بالله ده كل القدرت عليهو إنو أنا شيوعي :)

لي قدام يا زول

Quote: انت ما عارف يا هندسة ؟؟؟؟ كر عليك ...... 😂

بالطبع ماعارف يا أبو حسين
لانو نص الشعب السوداني تغريبا اتحادي وممكن ترجع لانتخابات 86 والتي نال فيها الحزب أعلى الأصوات المجمعة.
لكن ما يحيرني انو من هذه الملايين الاتحادية لو عشرة كتلوا ليهم زول معناها الاتحاديين من طرف قاعدين يكتلوا الناس ؟
ياخي ما ممكن تسقط رأي خاص لنفرين تلاتة عشرة ميتين وخمسين على توجه حزب ليبرالي بحجم الحزب الاتحادي بروافده المتشاكسة !

ممكن امرر ليك الموضوع لو بتتحدث عن حزب عقائدي زي حزب الكيزان يقوم بتوجيه عضويته بما تكتب وما تقول .
ثم عطفا ماقاله الباشمهندس ود البشرى الا توحي الاستقالات المتتالية لقيادة في الوزارة ان هناك خلل ما؟ ام ان كل المستقيلين اتحاديين؟
أقول قولي هذا وانا من اكثر المدافعين عن تجربة د. اكرم واكن له احتراما لامحدود وادافع عنه بالقلم والعكاز.
انتهى

Quote: الإتحاديين بعد الثورة وجدوا انفسهم انهم مسيطرين على مكتب اللجنة المركزية للأطباء ولجنة الصيادلة وفي نفس اللحظة ظهور د. الأصم في سكرتارية تجمع المهنيين ممثل للجنة المركزية للأطباء بالإضافة للتعيينات التمت في وزارة الصحة أدتهم وهم كاذب إنهم مسيطرين على قطاع الصحة بل أصبحوا يتغنوا إنهم من صنع الثورة ومن صنعوا تجمع المهنيين وظنوا ان السيطرة على الصحة بتضمن ليهم السيطرة على التجمع وعملوا في لجنة الأطباء المركزية على تأخير تكوين النقابة . وعندما بدا وزير الصحة بإقالات في الوزارة إنتهى شهر العسل مع الوزير وعشان عارفين القبول اللقاهو الوزير وسط القطاع الصحي ووسط الجماهير إبتدعوا فرية فشل الوزير في ملف الكوفيد 19 !!

نمشي شوية عشان نوضح علاقة الإتحاديين المسيطرين على اللجنة المركزية للأطباء ومحاولاتم المستميتة لشيطنة د . أكرم ( وبرضو محاولة ربطو بأزمة تجمع المهنيين)

اللجنة المركزية للأطباء السودانيين هي كانت إمتداد لي لجان الأطباء السابقة وكانت مطالباتا مهنية فقط والمؤسس الحقيقي ليها د. حسن كرار
حسب إفادات د . حسن كرار وهي موجودة على صفحته بالفيسبوك تأسست في بداية عام 2016 وكانت إمتداد للجنة أطباء ولاية الجزيرة وتم تشكيل مكتب تنفيذي من 4 أشخاص بعد ترشيحم في الإجتماع التأسيسي الأول الضم ما يقارب 160 طبيب
نتيجة للظروف الشخصية وظروف العمل كان كل فترة بينضم أعضاء للمكتب التنفيذي و بيغادروا آخرين و لأنو المطالب كانت مهنية تخص القطاع الصحي وقطاع الأطباء خاصة كان الدخول للمكتب التنفيذي هو عبارة عن علاقات عامة يعني لا إنتخابات لا ترشيح زي ما مفتكرين البعض!!
الخلاصة من 2017 رسى المكتب التنفيذي على د. محمد يسن و د عمر سنار وعضوية الأصم وبقية من الإتحاديين !!
بعد الثورة إنتهت مهمة لجنة الأطباء المركزية وكان تحرك الأطباء لتكوين نقابة الأطباء المنتخبة لكن ظلت اللجنة المركزية تماطل !
ما يهمني هنا أنو لجنة الأطباء بقيادة محمد يسن و عمر سنار عملت على سرقة صوت الأطباء مرتين , الأولى عندما زهبوا للإجتماع بحمدوك لإقالة دكتور أكرم و الثانية عندما شاركوا في أنتخابات التجمع الأخيرة وبعد ذلك رفضوها والخطوتين الإتنين ديل تمو
بدون مشاورة أو نقاش هذه المواضيع مع الأطباء !! بل أقدموا على الخطوات دي نتيجة لصراعات حزبية بين الإتحاديين والشيوعيين في تجمع المهنيين وكذلك مهاجمة د. أكرم لأنه محسوب على الشيوعيين !!

و موقف الأطباء وقطاع الصحة حاليا" واضح جدا" إذا لدى أحزابكم مشاكل سياسية حلوها بعيدا" عن قطاع الصحة بدون محاولة سرقة صوت الأطباء لصالح أحزابكم .

يالا عثمان دا صراع مهني وليس حزبي داخل تكوينات الأطباء ولا علاقة للأحزاب به

السلام عليكم ورحمة الله وبركاته

بوست عجيب وغريب ومريب
لا صلة له بالواقع وبعيد جدا من الحقيقة
وتشعر ان وراءه شىء

زى ما قالك ود الشيخ قروبات الاتحادى الاصل جميعها تدعم الفترة الانتقالية
وتدعم اكرم

بيانات قيادة الحزب جميعها تدعم الفترة الانتقالية



يجى ود الامام ليقرر ان الاتحاديين ضد اكرم


السيد الصادق المهدى هاجم اكرم

وزير المالية حزب امة
وحربه مع اكرم انتقلت الى المديا ود\ونك البيان والبيان المضاد

البروف شاكر زين العابدين خريج بيوت الاشباح والمناضل الجسور ورئيس التخصصات الطبية
استقالته المسببة مبذولة فى الميديا


حزب الامة الاعلن الانتقد رئيسه اداء اكرم مش ضد اكرم


داء بوست اللاموضوع او بوست التجنى مع سبق الاصرار والترصد


يا زول عندك وقائع واسماء هاتها
ما عندك زى ما بقولو الجماعة اتلهى


انا القدامك دا ادعم اكرم بشدة

ولا ارى الوقوف ضده جريمة او من الاشياء التى تستحق ان يفرد لها بوست



الدنيا دى فيها حاجات عجيبة

ده كله هين ورونا بس عظمة ده من إتحاديين وين في الأهل الكتار الفوق ديل 😂

خرتمية بوست اتفتح عن د أكرم.
بوست واحد جهجه باكاتكم.
خلو ود الامام يكمل الموضوع.

Quote: خرتمية بوست اتفتح عن د أكرم. بوست واحد جهجه باكاتكم. خلو ود الامام يكمل الموضوع.

باكات شنو !
دا بوست مبنشر
جاب لي نفسو الهوا براهو!

Quote: باكات شنو ! دا بوست مبنشر جاب لي نفسو الهوا براهو!

ده حالتو في القيفة ما دخل الغريق.
اتا لسع ما وصلت مستوي الباكات خليك علي اللاين لقط الكور.
😅😅😅

من كترة الهجمات على أكرم تحس إنه هناك جهة توجهها ..
ومن يقود هذه الهجمة لا بد أن يعرف انه طالما زوّد العيار
في النهاية حتكون نتائجها عكسية وحيلقى اكرم تعاطف
لانه الناس حتحس إنه ضحية
كل ده ما بيعني إنه أكرم ما عنده قصور ومشاكل
في ادارته عبر عناده ومكابرته وتمسكه برأيه
الافقده الكثير من الشخصيات الطبية المرموقه
والاسقاط الايدلوجي للشيوعيين على وزارته
عبر التعيينات بنفس طريقة تمكين الكيزان
في النهاية هو الخسران مش الحزب الشيوعي

غايتو الشيوعيين اثبتوا فشلهم المريع في ادارة الدولة
حكومة جل وزراءها شيوعيين استبشر الناس بها كثير
تجي تفشل جنس الفشل الغريب ده
الواحد لو جاب لجنة تنفيذية بتاعة اتحاد طلاب جامعيه
أو لجنة مقاومة لحي لادار دولاب العمل افضل منهم ..
فشل ستسير به الركبان الاغرب بقى الدفاع العمياني
والبحث عن التبريرات لكوادر الحزب الشيوعي
أمر في غاية الغباء لانه الشعب شايف الفشل قدامه
والمبررات التي يتم التبرير بها أصبحت بايخة وممجوجة
من شاكلة الكيزان والدولة العميقة والكلام الفاضي المستهلك
انت الان حاكم البلد دي وما قادر عليها دي الحقيقة اللازم تواجهها
مش تقعد تدافع وتبرر كحزب شيوعي عبر كوادرك
انزلوا واستقروا الشارع وما يدور فيه وعايشوا الواقع
ثم اجتمعوا بي اكرم وبقية الوزراء وانصحوهم ..
حيسموا ليكم أكتر من غيركم على الاقل لانكم من نفس الفريق
لكن نكران الفشل ودفن الرؤوس في الرمال والدفاع العمياني
ده مش حل ..!!! ...

العجيب في موضوع البوست المنفس دا
محاولة المزايدة على الاتحاديين

دي شهادة عثمان ميرغني من جوة المعتقل

Quote: شباب الاتحاديين ... قمة في الحراك الثوري . شهادة من عثمان ميرغني لعمار محمد ادم . كتب عمار قائلا :: ******* التقيت الامس الاستاذ عثمان ميرغني بمكتبه بصحيفة التيار وحدثني عن السجن ومن فيه ولفت نظرى حديثه بان القابعين الان في المعتقلات يتمتعون بقدر وافر من الحماس والروح المعنوية العالية وانهم لن يرضوا بغير سقوط النظام ولن يكتفوا بذلك بل انهم عازمون علي المحاسبة الدقيقة الشاملة لكل من افسد واسهم في خراب الوطن وفساده وانهم يرفضون اي شكل من اشكال التسوية وخيارهم الوحيد هو سقوط النظام ومصادرة كل المشروعات والاستثمارات لصالح الشعب السوداني كان فيما ذكرهم الشاب الاصم الذين يصلي بهم جماعة في محبسهم ويقرأ القران بصوت مؤثر وأخاذ حتي انك تتمني ان لايفرغ من التلاوة وهو يتمتع بحيوية وصحة جيدة وحماس مفرط لاحدود له وثقة بالنصر ليس هو وحده ولكن كل الذين معه وقال لي الاخ عثمان ميرغني ان ما ادهشه ان شباب الحزب الاتحادي الديمقراطي هم الاقوي تأثيرا وحركة في هذا الحراك الشبابي عمار محمد ادم

Quote: عثمان ميرغني.. بعد اطلاق سراحه من المعتقل في لقاء مع عدد من الصحفيين بدا مندهشاً للأعداد الكبيرة من "شباب الاتحاديين" داخل المعتقلات.. وقالها بصراحة أن عدد معتقلي الاتحاديين أكبر من مجموع معتقلي القوى السياسية والمستقلين مجتمعين..!

يجيك واحد شيوعي موهوم عاوز يزايد على نضال
شباب الاتحاديين وإسهامهم في إسقاط الكيزان

وهل تعلم أن أول أربعة كتل أستت الحرية والتغيير تم توقيع الوثيقة بترتيب وإشراف
الإتحاديين في بيت إتحادي.. والعربية النقلت القيادات للتوقيع
عربية زول إتحادي
وثيقة التأسيس للحرية والتغيير من بين التوقيعات الأربعة
ثلاثة منهم إتحاديين وهم :
دكتور محمد ناجي الأصم (عن تجمع المهنيين)
دكتور عبد الرحيم عبد الله (عن الإجماع الوطتي)
عز العرب حمد النيل (عن التجمع الإتحادي)

خليني أسألك سؤال واحد بس
ليه الإتحاديين هم الحزب الوحيد داخل الحرية والتغيير
الممثل بي كتله خاصة من بين الكتل الخمسة الرئيسية المؤسسة للحرية والتغيير؟
بينما باقي كل الأحزاب ممثلين ضمن كتل تحالفية مشتركة
جاوب السؤال الفوق كان بتقدر تجاوب

Quote: وهل تعلم أن أول أربعة كتل أستت الحرية والتغيير تم توقيع الوثيقة بترتيب وإشراف الإتحاديين في بيت إتحادي.. والعربية النقلت القيادات للتوقيع عربية زول إتحادي وثيقة التأسيس للحرية والتغيير من بين التوقيعات الأربعة ثلاثة منهم إتحاديين وهم : دكتور محمد ناجي الأصم (عن تجمع المهنيين) دكتور عبد الرحيم عبد الله (عن الإجماع الوطتي) عز العرب حمد النيل (عن التجمع الإتحادي)

هسه ده حنكك ؟؟ :)

ما تستعجلو شوية شوية الشلة كلها بتظهر

في أكتوبر 2016 في إضراب الأطباء بعد مشادات مع حكومة الإنقاذ ومحاولة الجلوس مع مع اللجنة المركزية للأطباء لرفع الأضراب تمت دعوة أعضاء اللجنة المركزية لإجتماع مع نائب رئيس الجمهورية المخلوع ز وكان الجسم المنظم الإضراب هو اللجنة المركزية بقيادة د حسن كرار
طالب كيزان اتحاد الأطباء بالجلوس معاهم لمناقشة مذكرة المطالبات وأغلب أعضاء اللجنة هم أطباء إمتياز و عموميون ونواب فأستعانو ببعض الأخصائيين الكانوا داعمين الإضراب عشان يمشوا معاهم ويقوا موقفم التفاوضي أمام أخصائيي الإتحاد فتم الإتصال بدكتور شاكر الزين وبعض الأخصائيين
وشاركوا معهم في التفاوض ومن هنا تم تكوين لجنة الأخصائئين والاستشاريين !!
وبي كدة أصبح عندنا تلاتة أجسام للأطباء كونو مع بعض أيام الثورة ما يعرف بالمكتب الموحد للأطباء .

لما إستلم د . أكرم الوزارة كانت أول الخطوات هي محاولة تغيير مدراء الإدارات الغالبيتم كانو بينتموا للإنقاذ بي مدراء جدد ونسبة لأنو دكتور أكرم جايي من بره الرشحوا مدراء الإدارات الجدد هو المكتب الموحد للأطباء وطبعا" كحال تكوين المكتب الموحد ترشيح المدراء كان عبارة عن ده زول كويس
و ده كان ناشط ضد الكيزان وده فاعل في الثورة وبقية حنك السودانيين المعتاد . وكانوا شغالين في الوزارة وماشة باسطة لحد ما انتهى شهر العسل!!

Quote: اتا لسع ما وصلت مستوي الباكات خليك علي اللاين لقط الكور 😅😅😅

هكذا اليسار دائما يحاولون الاستخفاف بالخصم
مع برود كامل في مواجهة جرائم واخفاقات أحزابهم
طبعاً أمثالي لا يهمهم هذا الأسلوب البائس
وإذا كان هو ملعب حزبيين ومتحزبين فأنا أصلاً خارج الملعب
والناس البلقطو الكور هم أمثالك البتكتب ليك سطرين وتضحك كمان !
يعني نظام تشجيع ونحن معاكم وكدا
هههههه
لا تحليل ولا خوض في التفاصيل ولا ولا
لعلب شنو البتتكلم عنو ؟!

يا عثمان، مداخلات ود الشيخ في البوست مهمة لدعم أكرم من منظور أكبر

Quote: هكذا اليسار دائما يحاولون الاستخفاف بالخصم مع برود كامل في مواجة جرائم واخفاقات أحزابهم طبعاً أمثالي لا يهمهم هذا الأسلوب البائس وإذا كان هو ملعب حزبيين ومتحزبين فأنا أصلاً خارج الملعب والناس البلقطو الكور هم أمثالك البتكتب ليك سطرين وتضحك كمان ! يعني نظام تشجيع ونحن معاكم هههههه لا تحليل ولا خوض في التفاصيل ولا ولا لعلب شنو البتتكلم عنو ؟!

يا منتصر عبد الباسط سلام مافى زوول اساء اليك لكن انت من قبل الكرونة
كان بتهاجم دكتور اكرم على التوم وجات الكرونة برضوا قلت بى عضمة لسانك مافى كرونا
وطبعا دة كله اسلوب الزول الما بتريده تحدر ليه فى الضلمة وما ننسى عظمة طمج الميديا
وصل دكتور عثمان الامام انتظروا شوية حتى ينجض موضوعه بالمناسبة انا من عايلة اتحادية ماتنسوا

ياعبد العظيم حقو تركز علي أزمات حزبك الذي تتنازعه عشرات الفصائل - ولم يقيم مؤتمرا ولم ينتخب قيادة - أوبرنامجا ولازال يسمي نفسه الإتحادي تخيلو في القرن الواحد هويسعي للوحدة مع مصر ! * مايسمي بالتجمع الإتحادي عبارة عن شلليات ممزقة ولا يملك أي وزن بعيدا عن طائفة الختمية الذي تمارس كوادره إنضباطا كبير تجاه المختلف بينما الأواني الفارغة خارج الإتحادي الأصل أكثر ضجيجا - أسمع جعجعة ولا أري طحنا !
* والآن تفكر أطراف التجمع لوطني - في العودة للتحالف مع التحالف مع تيارالميرغني - بعد ممارسته لنقد ذاتي لمواقفه


إنت تنطلق من دوافع سياسية وشابكنا الحزب الفلاني مارس التمكين -
أكرم حزبي - ورينا حزب عمل شنو كبديل قومي يرفض التمكيين و و
هل إستفاد حزبك من فترة العام الماضي ليقيم مؤتمرا عاما؟
هل قيادتك الحزبية منتخبة؟
هل تملك برنامج ؟ هل يدار حزبك بمؤسسية ؟
أم مازلتم عشرات من الفصائل المتناحرة؟
- معقولة حزب في القرن الواحد عشريين ولسة طارح وحدة مع مصر!

Quote: هكذا اليسار دائما يحاولون الاستخفاف بالخصم مع برود كامل في مواجهة جرائم واخفاقات أحزابهم طبعاً أمثالي لا يهمهم هذا الأسلوب البائس وإذا كان هو ملعب حزبيين ومتحزبين فأنا أصلاً خارج الملعب والناس البلقطو الكور هم أمثالك البتكتب ليك سطرين وتضحك كمان ! يعني نظام تشجيع ونحن معاكم وكدا هههههه لا تحليل ولا خوض في التفاصيل ولا ولا لعلب شنو البتتكلم عنو ؟!

تحليل شنو يا عمك هسع أن مفتكر الظراط البتكتبوا ده تحليل!
وجعتك الضحكة دي زي ضحكتك علي مداخلة ابو حسين.
هاك التحليل ده😅😅

Quote: ده كله هين ورونا بس عظمة ده من إتحاديين وين في الأهل الكتار الفوق ديل 😂

😂😂😂😂😂

Quote: تحليل شنو يا عمك هسع أن مفتكر الظراط البتكتبوا ده تحليل!

دا رايك انت صاح؟!
وأنت شايف نفسك بتكتب درر وأنا بكتب كما وصفت صاح؟
أنت كدا مرتاح صاح ؟
خلاص أرقد عافية

وعليكم السلام الصديق أحمد حمودي

Quote: برضوا قلت بى عضمة لسانك مافى كرونا

نا ما قلت لا توجد أنا قلت مناخ السودان لا يساعد على انتشارها
عمل وزير الصحة سياسات زادت منها وضخمتها وضخمت من ضررها
وبعدين الراجل قال الكورونا حا تجي ونحن جاهزين ليها
وطلع جاهز ليها فقط بإغلاق المستشفيات أمام المرضى
وبحبوب البندول !
وبحظر التجوال الذي فاقم من أزمات الظروف المعاشية للمواطنين
ومات مئات المواطنين بأمراض مختلفة بسبب إغلاقه أو تسببه
في إغلاق المستشفيات بسبب سياسات هذا المتعنجه على الفاضي
والمدعي لقيم لا يحمل منها ذرة

عشان تفهم ملف الإقالات ده لازم تعرف ملف التعيين في الأول!

كل تعيينات مدراء الإدارات التمت في 2019 تم ترشيحم بواسطة المكتب الموحد و دكتور اكرم ما جاب معاهو ولا زول لوزارة الصحة دي الحاجة الأولى والمهم الناس تعرفا جيدا"
المفاضلة زي ما قلت فوق كانت انو ده كان في جمعية الجراحين ووقف مع الثورة ودي كانت زولة خدومة والخ الخ ما كان في أي معيار تخصصي أقرب مثال مستر علاء نقد جراح
وكان سكرتير جمعية الجراحين و كان ضد النظام جابوهو مدير إدارة التنمية والمشروعات !!!
يعني الشلة بتاعت الكيزان تم استبدالا بي شلة بتاعت معارضين قد يكونو ناجحين وشاطرين جدا" في تخصصاتهم لكن لا علاقة لهم بالصحة العامة بل بعض منهم لا ينفذ قرارات الوزير
بل في ناس منهم شايفين أصلا" هم ما عينم وزير الصحة وما عندو صلاحيات عليهم !! معقولة !!
فكان أول إقالة تمت لي مستر علاء الدين نقد ( لجنة الإستشاريين و المكتب الموحد ) تخيل عزيز بشاشا القارئ أرسل خطاب للوزير ومنشور في الميديا إنو إنت ما العينتني مفروض الإعفاء يجي من الجهة العينتني!!
(ده واحد في اللستة من الإقالات )

عفيت منك يا عثمان الامام ...

يمين قلوبيتك ما خلت دباس حايم ما قبضتو ...🙂

حزب إتحادي بلا ختمية؟؟ تحياتي أخ عثمان الإمام
بس حقو نفرز الكيمان !
الحزب الإتحادي الديموقراطي الذي يقوده الختمية - برة جردة شلليات التجمع الإتحادي - دي
_ المصيبة في هذه الشلليات المتناحرة التي تمردت علي قيادة الميرغني وأنشقت عنه -وتشظي بدورها لنحو عشرة فصائل !
- ومع هذا فشلت في إقامة مؤتمر عام وإنتخاب قيادة وصياغة برنامج
.-لا مؤسسية - لاشئ سوي التنازع !
* ثانيا التجمع الإتحادي والفصائل الإتحادية خارج الحزب الإتحادي بقيادة
الميرغني لاتملك إي وزن إجتماعي أو سياسي أو ثقل جماهيري
ثالثا
علي الحزب الإتحادي الإتحادي الأصل - إنتقاد تجربة مشاركته في حكومة
الإنقاذ - و وخصوصا وأن جماهيره ضد المشاركة وهو حزب شرعي لم
تحظره الثورة
* وعلي الأحزاب السياسية الوطنية الوصول لتفاهمات مع هذا الحزب
والتحالف لأن له بعض الثقل الإجتماعي والسياسي وتلاحظ هنا
كوادره منضبطة ,,,

Quote: كل تعيينات مدراء الإدارات التمت في 2019 تم ترشيحم بواسطة المكتب الموحد

ودي واحدة من أكبر اخطاء د .أكرم , المفروض التريس في التعيينات والتمحيص جيدا" والرجوع لأصحاب الإختصاصات وعدم الإكتفاء بترشيحات لجنة الأخصائيين وليس كل من عمل ضد الإنقاذ هو كفؤ بالضرورة
لكن الخطأ ده ما في زول حيذكرو ولا حيدقق فيهو زول مدام زيتنا في بيتنا !!

وعندما حاول د. أكرم تصحيح أخطائه بدأت الحملة المسعورة !!

Quote: رسل خطاب للوزير ومنشور في الميديا إنو إنت ما العينتني مفروض الإعفاء يجي من الجهة العينتني!!

خخخخخخخ يا عثمان الامام الدكاترة ديل اشطر ناس اكاديمياً لكن الظاهر فايتاهم حاجات كتيرة . .

عثمان ...سلام

Quote: ودي واحدة من أكبر اخطاء د .أكرم , المفروض التريس في التعيينات والتمحيص جيدا" والرجوع لأصحاب الإختصاصات وعدم الإكتفاء بترشيحات لجنة الأخصائيين وليس كل من عمل ضد الإنقاذ هو كفؤ بالضرورة

هذا هو مربط الفرس.
كانوا يعطلون سياسات الوزير وقراراته, بل أن بعضهم كان يظن باحقيتة بالوزارة ! حاول دكتور أكرم معهم باكثر من طريقة و لكنهم كانوا متعنتين و متأمرين و لما بدأ أكرم فى تصحيح الأوضاع, حيث صار يلاحقهم و يطالبهم بتنفيذ القرارات, قامت الدنيا و لم تقعد و صاروا يكيدون له و بلغت الخسة ببعضهم ان إجتمعوا مع رئيس مجلس السياده, و أجتمعوا أيضا مع رثيس الوزراء من خلف ظهر الوزير و سعوا لإقالته.عينوا بغير و جه حق و لما و اجههم الوزير , راحوا يثقلونه بالطلبات , و فى مرحله لاحقه حاصروه بالإستقالات بغرض إحراجه مع الرأى العام و مع مجلس الوزراء.

Quote: ودي واحدة من أكبر اخطاء د .أكرم , المفروض التريس في التعيينات والتمحيص جيدا" والرجوع لأصحاب الإختصاصات وعدم الإكتفاء بترشيحات لجنة الأخصائيين وليس كل من عمل ضد الإنقاذ هو كفؤ بالضرورة

تعيين دكتور علاء الدين نقد كمدير إدارة التنمية والمشروعات , و تعيين دكتور شاكر زين كرئيس لمجلس التخصصات هما أصرخ مثال للتعينات من دون و جه حق. من دون وجه حق دي لغة متجملة جدا, و إن شئنا الصراحه, إنهم تعينوا بتزوير إرادة الأطباء كما سنبين لاحقا و كما تشير إفادة دكتور خليل الضرير التالية (رئيس جمعية اخصائي التخدير السودانية):

" المشكلة ليست في الاخوان المسلمون المشكلة في هولاء الاستشاريين والاخصايين الذين يدعون الثوريه الان ولم نكن نسمع لهم صوتا طيلة الثلاثون عاما من حكم الانقاذ واتحدي اي واحدا منهم ان يكون قد تم اعتقالة لمدة ٢٤ ساعة طيلة فترة حكومة الانقاذ ماعدا د سيد قنات.

عندما جاء د اكرم وقبل ان يؤدي القسم ذهبو له وقابلوه في منزله وكانوا يوميا معه لا يفارقونه لا في الوزارة ولا في مكتبه, و بل حمل له وفدا منهم لستة فيها ترشيحات لمجلس الدراسات الطبية العليا والمجلس الطبي السوداني وقالوا له بانها ترشيحات من الجمعيات التخصصية والاستشاريين والاخصايين .و أقول لكم وانا رئيس جمعيتكم لم يحصل ان اجتمع روساء الجمعيات واختاروا اي فرد لكي يتم ترشيحه لكي يتولي هذه المناصب لانه لو عرضت علي لاخبرتكم بذلك في هذا القروب وطلبت منكم ان ترشحوا من تريدون ترشيحه لملي هذه المناصب ومن ثم رفعها لاجتماع روساء الجمعيات وروساء الجمعيات لم يجتمعوا ويفوضوا اي شخص بمقابلة د اكرم وتقديم لستة له بهذه الترشيحات ورفعها لرئيس مجلس الوزراء وانا افتكر انوا د اكرم عمل غلط كبير جدا في هذا الموضوع, كان عليه ان يطلب اجتماع مع روساء الجمعيات التخصصية لانهم هم الجهة الوحيدة المنتخبون بالطريقة الديمقراطية وشكرهم وسوالهم هل قدمتم لي هذه اللسته من الترشيحات بدل ان يعتمدها طوالي ورفعها لرئيس مجلس الوزراء .
وعندما تكشفت لدكتور اكرم الحقايق ابتعد عنهم وهذا هو السبب في شنهم الهجوم الشديد عليه ومطالبة بعضهم باقالتة لانه اصبح لا يثق فيهم بعد هذا الذي حصل.

انني يا اخواتي واخوتي اعرف د اكرم منذ ان تخرج ولكن منذ عودته الي السودان وتعينه وزيرا للصحة لم التقي به لا في مكتبه ولا في منزله ولا حتي في الشارع هذه شهادة مني لكم بذلك.
د خليل عبدالرحيم محمد الامين الضرير
رئيس جمعية اخصائي التخدير السودانية "

Quote: نكن نسمع لهم صوتا طيلة الثلاثون عاما من حكم الانقاذ واتحدي اي واحدا منهم ان يكون قد تم اعتقالة لمدة ٢٤ ساعة طيلة فترة حكومة الانقاذ ماعدا د سيد قنات.

الغرض مرض اذا كان المعيار الاعتقال لما حام اكرم حول سور الوزارة

اها دكتور شاكر ما دخل بيوت الاشباح فى ايامها الكالحة
هل ممكن لاحد ان يشكك فى مهنية وكفاءة بروفسور شاكر زين العابد\ين

انا ارى ان د اكرم جدير بالوزارة وله اخطائه الكثيرة وعناده الغير مبرر

سلام يا د/ عثمان
لو سمحت عندى طلب بسيط ليك ولى بعض الاخوة
ياخى ممكن تكتب مداخلاتك باللون الازوق او الاخدر عشان نفرزا
من لغاويس عبدالعظيم و منتصر عشان ما نقراها
اصلها بقت سمجة و مكررة و مضرّة للعين
و كمان يا ريت تسى حكاية الردود حاليا و ممكن ترجع ليها بعد اكمال فكرتك
___
الاخ محمد النعيم و الاخ كمال عبأس برضو افرزوا مداخلاتكم بى لون
ابو حسين انا بختار ليك اللون الرمادي
___
عثمان الامام بالنسبة لى انسان عالى المصداقية و من اهل اللحم الحى
فى ما يدور فى وزارة الصحة عليه
البوست ده المفروض يتطرق لى عدّة امور تشغل ساحة الوزارة
تجارة الدواء
المستشفيات الخاصة
تأهيل المستشفيات العامة
المتضررون من سياسات الوزير
و خطط اكرم تجاه الملفات دى
و الكثير من هموم الصحة
و فوق لى ده كلّو تاريخ الصراع و اسبابه ثم كيفية حسمه
شخصيا فى انتظار ان تمر على النقاط دى كلّها
و ليك منّى كل الشكر

Quote: سلام يا د/ عثمان لو سمحت عندى طلب بسيط ليك ولى بعض الاخوة ياخى ممكن تكتب مداخلاتك باللون الازوق او الاخدر عشان نفرزا من لغاويس عبدالعظيم و منتصر عشان ما نقراها اصلها بقت سمجة و مكررة و مضرّة للعين و كمان يا ريت تسى حكاية الردود حاليا و ممكن ترجع ليها بعد اكمال فكرتك ___ الاخ محمد النعيم و الاخ كمال عبأس برضو افرزوا مداخلاتكم بى لون ابو حسين انا بختار ليك اللون الرمادي ___ عثمان الامام بالنسبة لى انسان عالى المصداقية و من اهل اللحم الحى فى ما يدور فى وزارة الصحة عليه البوست ده المفروض يتطرق لى عدّة امور تشغل ساحة الوزارة تجارة الدواء المستشفيات الخاصة تأهيل المستشفيات العامة المتضررون من سياسات الوزير و خطط اكرم تجاه الملفات دى و الكثير من هموم الصحة و فوق لى ده كلّو تاريخ الصراع و اسبابه ثم كيفية حسمه شخصيا فى انتظار ان تمر على النقاط دى كلّها و ليك منّى كل الشكر

جلادونا
في لغاويس اكثر من الحزب الشيوعي بعاعيت مايو في السودان وترهات حمدوك و حميدتي
توقيع جقود عشان اهل ثورة الوعي والبصيرة يتابعوني
جفود الختمي
المركب مكنة حركة شعبية جناح تابيتا بطرس
https://top4top.io/
لو بتباري تقس الناس ونفس الوعي في البورد ختظل قرد شمبانزي عمرك كله

المجموعة التى قابلت البرهان !!

تخيل عزيزي المشاهد المجموعة البتدعي النضال والثورة مشوا يقابلو البرهان عشان يقيل د . أكرم بدعوى فشلو في جائحة الكورونا !!
1/ عمر سنار الإتحادي (لجنة الأطباء المركزية)
2/محمد يسن الإتحادي (لجنة الأطباء المركزية)
(طبعا" الأطباء ليس لديهم علم ولم يطرح أصلا" هذا الموضوع )
3/ شاكر الزين (لجنة الاخصائيين) (رئيس مجلس التخصصات) اليوم اصدر إعلان إستقالة فضيحة نجيهو لاحقا"
4/سليمان حسين أظنو برضو لجنة الاخصائيين
طبعا" الأربعة ديل ما عندهم علاقة بوزارة الصحة !!
5/ الفاتح عثمان سليمان ( طبعا" ده مدير عام وزارة الصحة ولاية الخرطوم) ( برضو حتلقى اسمو في اللستة الحايمة بتاعت الاستقالات!)

وطبعا" سبقتا الخطوة بتاعت الإستقالات بغرض الضغط على الوزير وإظهاره بأنه منيع المشاكل!!

وهل إكتفو بي كده ؟؟ أبدا"

دعوا لي لقاء مع حمدوك كمان وده اللقاء المشهور قبل شائعة إقالة د أكرم ولإكساب اللقاء شرعية تم أيضا" دعوة ممثلين لي أجسام تانية
وكان في اللقاء برضو محمد يس الاتحادي عن اللجنة المركزية
شاكر الزين عن مجلس التخصصات
علاء نقد ( التمت إقالتو) عن لجنة الاستشاريين
حرازة اللجنة المركزية للمختبرات
و بوجود عمر مانيس وبروف تاور
وللآن مافي واحد منهم اتكلم عن اللقاءيين ديل!!

Quote: زى ما قالك ود الشيخ قروبات الاتحادى الاصل جميعها تدعم الفترة الانتقالية وتدعم اكرم بيانات قيادة الحزب جميعها تدعم الفترة الانتقالية

تصديقا لكلامك يا كمال عباس
الإفادة التى نقلتها انا فى الاعلى, صاحبها د. خليل عبدالرحيم محمد الامين الضرير, و هو معروف تأريخيا باتحاديتة, إلا انه لم يتوانى فى التصدى للمتأمرين على د. أكرم من فلول الجماعات الإتحادية الأخرى و غيرهم.

الحق أولى أن يتبع .

تحيـــــــــــاتنا لهـذا السرد المفيد وهو دليل عافيـــــــــــــة

يجعلنا نطمئن أكثر لمستقبل السودان

.. بدون عصبية مهنيــــــــــــة ان تكون الصحة حاليا محور النقاش وفى الاولويات دا مطلوب

تعجبنى ود الشيخ يا هندسة ......

طبيب .. اتحادى .. شيوعى وكمان حزب امة.

Quote: المتضررون من سياسات الوزير

يا جلال من المتضررون عدة آلاف من السودانيين
توفو وهم وقوف أمام المولى عز وجل يختصمون
أكرم علي التوم ...
((خَصْمَانِ بَغَىٰ بَعْضُنَا عَلَىٰ بَعْضٍ فَاحْكُمْ بَيْنَنَا بِالْحَقِّ ﴿٢٢ ص﴾))
تحياتي (دكتور) عثمان الإمام ...
بحكم عملك في وزارة الصحة (كما فهمت من
خلال سردك) بالنسبة للوفيات خلال أبريل
ومايو ويونيو ... ما عايز اقول عددن كم
ولا تقدر عددن كم ولا عايز اسال عن سبب
موتم ... فقط بحكم تواجدك في الخرطوم
هل موت هذا العدد من الناس في هذه الشهور
الثلاثة طبيعي ...
حضرت دفن أحد الأقارب في مقابر البكري
قبل شهر ... كان هناك ٢١ جثمان في المقابر
لم أشهد مثل هذا طوال حياتي ...
اليوم حضرت دفن أحد الأقارب في مقابر
البنداري بالحاج يوسف ... كان هناك أكثر
من ١٠ جثامين ... حدثني أحدهم قال لي
اليوم الموت خفيف ...

سؤالي فوق ما جاوبته

ووزير الصحة فاشل ولازم يمشي
الليلة قبل بكرة
لا محتاج حملة ولا شي
وزير فاشل ومفروض يمشي
وين المشكله هنا

Quote: الإفادة التى نقلتها انا فى الاعلى, صاحبها د. خليل عبدالرحيم محمد الامين الضرير, و هو معروف تأريخيا باتحاديتة, إلا انه لم يتوانى فى التصدى للمتأمرين على د. أكرم من فلول الجماعات الإتحادية الأخرى و غيرهم. الحق أولى أن يتبع .

Quote: سجل انتخابات الحزب الشيوعي من اول خلية شيوعية ظهرت في السودان الي آخر انتخابات ديمقراطية! لم نحسب مشاركة الحزب الشيوعي البرلمانية بعد الشراكة مع المؤتمر الوطني في ٢٠٠٥ مع ان عدد المعينين من الحزب الشيوعي في ذلك البرلمان وصل للرقم اربعة نواب وهذا العدد يمثل تاني اكبر مشاركة للحزب من ناحية عدد النواب في البرلمان بغض النظر عن الطريقة! ١٩٥٣ احرز مقعد برلماني واحد من مجموع ٩٧ مقعد ١٩٥٧ احرز صفر من مجموع ١٧٣ مقعد ١٩٦٤ احرز ١١ مقعد برلماني من مجموع ٢٣٣ مقعد ١٩٦٨ احرز مقعدين برلمانيين من مجموع ٢١٨ مقعد ١٩٨٦ أحرز ٣ مقاعد برلمانية من مجموع ٣٠١ مقعد

اوسكاااااااااااااااااااااااااااااااااااااار سا عظمت
ده المعط البقطع لهيم عنتظتم في راسم
طيب السؤال قاعدين في راس الناس ليه مع البعثيين والناصريين في راسنا ؟؟
السبب خارجي بعرفو صلاح البندر
ارزقية منظمات والدفاع المسبق ووكلاء ودلالين المشروع الامريكي لتدمير السودان
لو كانو اذكياء فعلا كما يدعو كان من ظهرت الحركة الشعبية الاصل عملو معها جبهة اشتراكية حقيقية وزحو من مشاريع الصرف الصحي المصرية والعربية القوميين العرب الغتسو حجرهم 1971
حكومة المحاصصة فاشلة وغبية واعادة تدوير بعاعيت مايو خليك من اكرم بتاع المركز
مدني ولد عباس مدني ايضا من المركز
وقالو كانو بناضلو والله كلمة نضال البستهلكوها الشيوعيين عشان يقعدو في راس الناس علي حساب ملاييين السودانيين في الاقاليم دي make me sick
انا رجعت السودان زمن تابيتا بطرس ولمست ابداعا في كل مستفشيات السودان وعملت قسم في مستشفي بحري مدعوم
وقريبت لي عملت عملية تخص القاينا في مستشفي بحري بي سعر يساوي 25% في مستشفي خاص
بعدين مجانية التعليم كانت زمن الختمية والانصار والانجليز وجل الحكومات السودانية ويا حليل جيل الاستقلال الذهبي
يعني بي الواضح كده الشيوعيين رايح ليهم درب وبدل يرفسو الكيزان ياطاولو علي الختمية
باشتراكيتم الفالصو دي
ناس المركز اكرم ومدني ديل تحف عديل كده وعن الاصم وخالد سلك حدث ولا حرج
هسة خلاس قرفنا
الاقاليم ونجيب ناسنا بالانتخابات بس احسن من الوضع القبيح الهسة ده مليون مرة
https://top4top.io/

انا جقود الختمي


اطالب بعودة تابيتا بطرس وزير صحة
ممثل للحركة الشعبية جناج السلام


القصة في السودان عايزة preventive medicine وليس طب كلاسكي

عفيت منك يا ود الامام
اخرست كل جهول
بليت الكيزان بل صاح Well done

Quote: عفيت منك يا ود الامام اخرست كل جهول بليت الكيزان بل صاح Well done

والله ياخالد حالتك مذرية وحالة الحزب الشيوعي المنتهي الصلاحية اسوا
انشمطو في الختمية وده شعر ما عندكم ليه رقبة يا خدم الاستخبارات الاقليمية والدولية
وهسة بتدور عليكم دائرة السوء من حلفاءكم البعثيين والناصريين وقريب جدا ويعلقو فيكم شماعة فشل ق حت كلها
ويخرج الشباب المغيب والزوتحف يهتف يا شيوعي يا جبان الشعب والجيش في الميدان يا علماينو وسيداو
https://top4top.io/
وتتمني اليوم التكون فيه حليف استراتيجي لقوى ديمقراطية حقيقية نظيفة في السودان ذى الختمية وحزب الاتحادي الديمقراطي الاصل
وهسة اللاريكس ده عشان ما تنسي
قريب جدا بتشرد من البورد ذى ودالباوقة وفرانكي
ونفضل بس نحن والجمهوريين والحركة الشعبية الاصل في السودان والبورد

ياود الأمام عشان تطلع من الورطة التي أدخلت نفسك فيها
قول هناك حملة على دكتور أكرم و قول" للأسف يشارك فيها بعض الاتحاديين من اهل جلد ورأس الثورة"
واسرد الأسماء والمواقف لكي نعرف من (هو) والى أي مدى تكون مشاركته فيما تسميه "حملة مسعورة"
قبل ان تخلط بين النقد والهدم وأن نتفق انه لاكبير فوق النقد لتقويم مسار الثورة .
واصلا لو تسالني شخصيا اعتقد ان الوقت لم يأتي لتقويم أداء الوزارة مع ما يمر به العالم من ظروف
ومايمر به السودان من ظروف أدق.
شكرا لكم

هلا ود الشيخ
كما أوضحت الحملة بدوها الاتحاديين المسيطرين على لجنة الأطباء ودخل على الخط جهات كتيرة مصالحا متشابكة مع وزارة الصحة . طبعا" لا أدري موقف أحزابم من الحملة دي و للأمانة لا أدري الى فروع الاتحادي ينتمون أضف الى ذلك غالبية الاتحاديين الذين أعرفهم في المجال الصحي ضد د أكرم واعلب الاتحاديين النشطاء على الفيس حتى البعيدين من المجال الصحي يساندون الحملة دي !!

Quote: عفيت منك يا ود الامام اخرست كل جهول بليت الكيزان بل صاح Well done

حتى انت يا خالد

صدق من قال ان الشيوعيين والكيزان ملة واحدة

Quote: عفيت منك يا ود الاماماخرست كل جهولبليت الكيزان بل صاح

لا أتوقع ان تأتي مثل هذه العبارات من صديقنا ود العبيد !!

اختلاق عداء بين الاتحاديين والحزب الشيوعي ليست في مصلحة الشيوعيين ولا في مصلحة السودان

ديل أسوأ من الكيزان
إشتغلنا معاهم سياسة وجمعنا معاهم عمل مشترك
طبيعي الشيوعي يخزلك.. ووقت الكوع يحمي
يعملوا عملية أحمد ربيع مع ومضة كمال (أمن نفسك يا زميل)

اسألوهم كيف تم إعتقال الأصم بعد تلاوة إعلان الحرية والتغيير في الأول من يناير 2019

الناس ديل زمان لمتنا معاهم المعارضة ومقاومة الكيزان
لكن في المستقبل ما أظن حزب راشد ممكن يتحالف معاهم
حيبقوا زي الأجرب الذي يفر منه الناس
والإنتخابات جاية

Quote: يطالبهم بتنفيذ القرارات

أولاً ما هذه القرارات؟
ربما تكون هذه القرارات ضارة بحسب نظرة ناس ربما يكونوا أعلم منه فيما يخص أقسامهم التي يديرونها
والشيء الثاني والأهم هل هذه القرارات جاءت وفق مشورة معهم واجتماعات وتوصيات
أم هي قرارات فوقية من بنات أفكار السيد الوزير؟

Quote: انا ارى ان د اكرم جدير بالوزارة وله اخطائه الكثيرة وعناده الغير مبرر

أنت تقول له أخطاء كثيرة وعندو عناد غير مبرر
وبرضو جدير بالوزارة ؟!
يعني أنت تقر بعناده غير المبرر
وبرضو تراه جدير بالوزارة ؟!
معقول السودان شحيح للدرجة
ولا يوجد به من يملك مؤهلات أفضل من هذا العبقري!

عفيت منك يا ود الامام
اخرست كل جهول
بليت الكيزان بل صاح Well done
----------------------------------------------------
---------------------------------------------------

سبحان الله يا خالد العبيد

جيت استراليا فتشت ليك عاوز اسلمك عليك و اتعرف عليك و اتصلت عليك

نوع مداخلتك ده تقلب البطن

الحمد لله ما قابلتك

طلعت اي كلام و فعلا الشيوعي شيوعي


الزبير الختمي

Quote: بليت الكيزان بل صاح Well done

أولاً أتفق مع صاحب البوست
هل هم كيزان ول إتحاديون
الكيزان يا أخوي أكتر ناس واقفين مع أكرم
والمقصود تحديدا الجداد الذي يمشي بحسب تعليمات مخابرات الكيزان
الشغالين دعم لكل ما يعطل سير ممارسات شعارات وأهداف وتطلعات الثوار
والشعب السوداني بدعم مثل هذه الخوازيق كالمدعو أكرم وما شابهه

عثمان ياخ واصل كمل الموضوع .....

Quote: عثمان ياخ واصل كمل الموضوع .....

ابوحسين انت راجل مخضرم وتنقشا طايرة

ما تستعجل الراجل
ا

المادة بتعدها جهة الاختصاص داخل الحزب

واخونا عثمان له اجر المناولة

Quote: بوست مريح شديد لإظهار حقائق غايبة عن كثيرين و لو عندك فكرة عن لوبي المستشفيات الخاصة الذي يضرب بقوة في نذاهة د. اكرم و عدم مهنيتة برضو بالله مر لينا عليه في نظري د. اكرم من اكفأ الوزراء الذين مروا على السودان و اكثرهم تأهيلا و أفضلهم على الإطلاق

لا حول ولا قوة إلا بالله العلي العظيم ...
ياخي مات آلاف السودانيين خارج المستشفيات
وعيادات الطواريء لعدم توفر الكوادر الصحية
ولعدم توفر الأدوية المنقذه للحياة لأصحاب
الأمراض المزمنه ... ياخي حرمة الموت المفروض
تجبرك تسأل عن السبب وأضعف الإيمان تصمت ...
مش السكات برضو رضا بي سواطت الزول دا ...
أوع تكون ما سمعت بالناس البتموت سمبلا ساي
في شوارع الخرطوم ...
المحير الوضع كما هو منذ ٣ شهور والموت غيب
أعزاء كثيرين ولسع الوضع ماشي للأسوء ولازال
المناتلين بفتشو للأعذار ومصرين علي إستمرار
هذا الفشل الزريع ... امنتو بالله ...

ود محجوب

بس المره ده دكتور عثمان الامام جابها لينا نيه و فطيره الا ادخلها الفرن الالي عشان تنجض


دكتور عثمان جماعته اللينيين خمموه القفه مليانه عقارب و المسكين رفعها فوق راسه ما عرفهم قبل كده في 69 و 71 فاتو كل الهتش بي وراهم .

عاش ابوهاشم حوض العاشم

تخريمه : حبيبنا ابوبكر عباس انت غيرت ال version وله شنو ، ما كنت معانا كويس ختمي ، شنو حكاية الاتحاد مع مصر ده version 1953 و نحن الان في version 2020 اصحي يا حبيبنا بكري عباس .

الزبير الختمي

Quote: عاش ابوهاشم حوض العاشم تخريمه : حبيبنا ابوبكر عباس انت غيرت ال version وله شنو ، ما كنت معانا كويس ختمي ، شنو حكاية الاتحاد مع مصر ده version 1953 و نحن الان في version 2020 اصحي يا حبيبنا بكري عباس . الزبير الختمي

الزبير القصة واضحة
ما تتور نفسك معاهم ديل كعوك ساكت زي الكيزان والسلفيين الشردو خلو المنبر بعد سقوط الانقاذ
بعد سقوط ق حت وهي تحتضر وكترة المرض للموت
حعقضل انا وانت ود ياسر الشريف ممثل الحمهوريين
نطفي النور ونسلم المفاتيح لبكوري
اخر نسخة موديل لي الوحدة والاتحادي الديمقراطي الاصل هي حلف جعفوري عبدالعزيز الحلو ده السودان الجديد
https://top4top.io/
مرة واحد صحفي داير يصور جون قرنق في اسمرا وكان جون قرنق قاعد مع كوكبة من ناس التجمع
قال ليه انتظر مشا قعد جمب السيد محمد عثمان الميرغني وقال للصحفي صورة دي صورة السودان الجديد
ده البديل الديمقراطي النظيف في المرحلة الجائية واقاليم وانتخابات بس

حلف السيد جعفر الصادق الميرغني قاطره حا تسحب كل العربات الجاهزه و سليمه اما الكعوج و الكسيح حا نخليه في المحطه يا يتباع خرده زي الحزب العجوز يا يتصلح و ناخدوا معانا في انتخابات 2026 م .

يا يوم بكره ما تسرع اكتساح 1953 و اكتساح 1957 و اكتساح 1964 و اكتساح 1968 و اكتساح 1986 و اكتساح 2022 ، حدنا مع الحزب العجوز الانقلاب العسكري .

و عاش ابو هاشم حوض العاشم

الزبير الختمي

Quote: ابوحسين انت راجل مخضرم وتنقشا طايرة ما تستعجل الراجل ا المادة بتعدها جهة الاختصاص داخل الحزب واخونا عثمان له اجر المناولة

ود محجوب يا اخوي برضو نخليه يكمل و نعرف الحقيقة
لو اخطأ ردمناه و إن أصاب ردمنا المخطئ

Quote: لا حول ولا قوة إلا بالله العلي العظيم ... ياخي مات آلاف السودانيين خارج المستشفيات وعيادات الطواريء لعدم توفر الكوادر الصحية ولعدم توفر الأدوية المنقذه للحياة لأصحاب الأمراض المزمنه ... ياخي حرمة الموت المفروض تجبرك تسأل عن السبب وأضعف الإيمان تصمت ... مش السكات برضو رضا بي سواطت الزول دا ... أوع تكون ما سمعت بالناس البتموت سمبلا ساي في شوارع الخرطوم ... المحير الوضع كما هو منذ ٣ شهور والموت غيب أعزاء كثيرين ولسع الوضع ماشي للأسوء ولازال المناتلين بفتشو للأعذار ومصرين علي إستمرار هذا الفشل الزريع ... امنتو بالله ...

حاج الطيب ما عارف وين المشكلة لم واحد يقول رأي مختلف عن رأيكم
يعني انتو الصاح بس و ل كيف ؟؟؟

نجي لي لستة الاقالات والاستقالات الحايمين بيها دي!
أول شيء موضوع الاعفاء ده عند السودانيين مشكلة كبيرة قل من تجد واحد تم اقالته وتقبل الموضوع بصدر رحب والمشكلة أكبر كمان عند الأطباء!! و دي واحدة من الحاجات السيئة جدا" عند الأطباء فهو في الموقف الصاح مهما حدث!
طبعا" الاقالات والاستقالات مواضيعا مختلفة ومحاولة جمعها في لستة واحدة هي محاولة لتهويل الوضع ! نجيب لستة عبد العظيم الحايم بيها دي و نشوفا

اقالة د علاء نقد كانت البداية لأنو هو ممثل لجنة الأخصائيين في كتير من الأوقات وحتى بعد الاقالة رفضها بمنطق ان الوزير لا يملك صلاحية اقالته!!
بروف أبوبكر مدير المعمل القومي لا علاقة لها بهذا اللوبي وأظن الناس كانت متابعاها جيدا" بسبب الأخطاء الحصلت في عملية فحص الكوفيد للمريض رقم واحد واعترف د أكرم بأن هناك بعض الأخطاء صاحبت فحص العينة في مؤتمر صحفي و دي حاجة ما قاعد تحصل عندنا انو زول يعترف بخطأ فما ما كان مدير المعمل الا ان تقدم باستقالته نتيجة لتصريح وزير الصحة!

كمال ابراهيم السيد مدير المكتب التنفيذي و كمال الدين قاسم عشري مدير مكتب الوزير موظفين في مكتب الوزير ولا أدري سبب الاقالة ولا في وزير تم انتقادو عشان اقال مدير مكتبو!! وذكرهم في اللستة هنا من باب التضخيم فقط !!

وكذلك خالد حامد بخيت و نوال حسين شنان في ادارة الاعلام والعلاقات العامة وهم في مواقعم دي ليهم سنين ومن قبل الثورة . لا علم لي بمدى صحة اقالتهم

في اسمين من اللستة ظهروا باسم مدير عام وزارة الصحة ولاية الخرطوم ، عشان تعرف المشكلة نبداها من الأول .
كان المدير العام من زمن الانقاذ هو د. بابكر محمد على ، بقرار وزاري من وزير الصحة أصدر د.أكرم قرار بتعيين د. محمد الحاج مديرا" لمستشفى ام درمان التعليمي بعد يومين اصدر د.بابكر قرار باقالة د. محمد الحاج متحديا" القرار الوزاري ده !! الخطابين منشورات في الميديا ، بعد اعفاء د بابكر تم تعيين د. اسامة أحمد (برضو ترشيحات المكتب الموحد) عند اصدار الوزير قرار بعودة بعض المستشفيات الولاﺉية للوزارة الاتحادية ( أصلا" مستشفيات اتحادية حولا مامون حميدة للولاﺉية) رفض د. أسامة القرار ده و تقدم باستقالتو !! فتم تعيين د الفاتح عثمان ! وتخيل انو د الفاتح ده زاتو من اللوبي المشى للبرهان لاقالة د. أكرم !!
الحرب الواجها وزير الصحة في القطاع الصحي ده لم يواجهها أي وزير في الحكومة دي ! كل واحد بما انو دكتور عاوز يضع برنامج لوحدو وكأن وزير الصحة مفروض يكون ليهم زي ابوقردة أي كلام يقولو ليهو ينفذو ويبصم عليهو !!
بالله كيف يشتغل الوزير وكل مدير مش ما بينفذ العليهو بس بل بعاكس قرارات الوزير المفروض هو المسؤول الأول عن الصحة والناس كلها حتحاسبو هو ما حتحاسب اي مدير ادارة!

Quote: حاج الطيب ما عارف وين المشكلة لم واحد يقول رأي مختلف عن رأيكم يعني انتو الصاح بس و ل كيف ؟؟؟

يا مختلف .. مشاكل شنو ... الله لا جاب المشاكل ...
اتا قتا رأي ... وأنا رديت عليهو بي رأي مختلف ..
من حقك تتمسك بي رأيك وتعتبرو صاح ...
ولي نفس الحق ... بس ابعدنا من المشاكل ...
مش العوج رأي والعديل رأي ... ربنا يرحم
ويغفر لعضو البورد Cantona 1
لك كل الإحترام يا مختلف ...

Quote: حاج الطيب ما عارف وين المشكلة لم واحد يقول رأي مختلف عن رأيكم يعني انتو الصاح بس و ل كيف ؟؟؟ ...

وين الرأي ؟!
حقيقة رأيك أنت لسع ما عرفناه
الذي ترد عليه قال رأيه أما أنت لم تقول رأيك أصلاً!
أوع تفتكر الكلام المعمم بتاع السطر ونص
دون تفاصيل أو رد على تساؤلات
ورد على تهم تعتبره رأي!
حتى القاضي في المحكمة ما بينطق بالحكم دون ذكر الأدلة
التي اعتمد عليها بالتفصيل حتى يعتبر كلامه حكم

Quote: وين الرأي ؟! حقيقة رأيك أنت لسع ما عرفناه الذي ترد عليه قال رأيه أما أنت لم تقول رأيك أصلاً! أوع تفتكر الكلام المعمم بتاع السطر ونص دون تفاصيل أو رد على تساؤلات ورد على تهم تعتبره رأي! حتى القاضي في المحكمة ما بينطق بالحكم دون ذكر الأدلة التي اعتمد عليها بالتفصيل حتى يعتبر كلامه حكم

الكلام موجهو لي صلاح الزبير و رد عليه .......

مشكلة الشيوعيين بعتقدوا أن الأمور بتمشي بالقرارات وإصدار القرارات الفوقية
كلام صاحب البوست ومن عاونه كله منصب على أن حضرة الدكتور أكرم بصدر قرارات ويتم
تكسيرها
هو أصلا القرارات دي بتتخذ كيف ؟!
سأكرر السؤال للمرة الثانية
هل وزير الصحة يتخذ هذه القرارات بناء على اجتماعات
وتشاورات مع كل أصحاب الشأن من رؤساء الأقسام والإدارات
بالوزارة ورؤساء المستشفيات ول
ولهي قرارات فوقية طالعة من راس الوزير أو ربما من توصيات حزبه
من يدري!!!!!
إذاَ الضمان لنطمئن على عدم ممارسة الأحزاب هيمنة على الوزرات
وتصيح الوزارات محل صراع
يجب يكون كل قرارات الوزراء ناتجة من توصيات اجتماعات
وورش عمل يومية أو نصف أسبوعية أو اسبوعية

تحياتي د. عثمان ...
عندي سؤال في الصفحة الأولى ياريت ترد
عليهو وهل في النيه تعرج وتشرح لينا كيف
تم تعيين ((وكيل الوزارة)) في أول التحاق
للفارمسست د. سارة بالخدمة المدنية وتعيين
مديرة للإعلام أخصائية اطفال ...
ولا ناكل باسطه ...

هلا صلاح زبير

Quote: تحياتي (دكتور) عثمان الإمام ... بحكم عملك في وزارة الصحة (كما فهمت من خلال سردك) بالنسبة للوفيات خلال أبريل ومايو ويونيو ... ما عايز اقول عددن كم ولا تقدر عددن كم ولا عايز اسال عن سبب موتم ... فقط بحكم تواجدك في الخرطوم هل موت هذا العدد من الناس في هذه الشهور الثلاثة طبيعي ... حضرت دفن أحد الأقارب في مقابر البكري قبل شهر ... كان هناك ٢١ جثمان في المقابر لم أشهد مثل هذا طوال حياتي ... اليوم حضرت دفن أحد الأقارب في مقابر البنداري بالحاج يوسف ... كان هناك أكثر من ١٠ جثامين ... حدثني أحدهم قال لي اليوم الموت خفيف ...

أنا ما شغال في السودان حاليا" ، أما موضوع الكورونا ده حأتكلم عنو بافاضة ان شاء الله
بالنسبة للوفيات والاصابات في السودان الاعداد المنشورة دي بعيدة جدا" جدا" عن المتوقع يمكن ما يفوق عشرة أضعاف المنشور لأسباب كتييرة جدا".

في خمسة قدموا استقالاتهم ولو رجعت حتلقاهم نفس الناس بتاعين الأخصائيين طبعا" تضامن مع الشلة رغم انو الواحد لو سألوهو عملت شنو في ادارتك في الفترة الاتعينت فيها ما حيقدر يجاوب !! والاستقالات دي جات للضغط لاقالة الوزير مع التوقيت بتاع زيارة البرهان وحمدوك! وعشان تكتمل ليك الصورة العامة من ضمن الناس الكانو سايقين الخط بتاع الاقالة ورود اسم شاكر الزين !
شاكر زين تبع لجنة الأخصائيين وما عندو علاقة بالوزارة تم تعيينو مدير لمجلس التخصصات الصحية وده مجلس منفصل عن الوزارة مهمتو هي تدريب النواب .
النواب البتدربوا في المجلس ده قسمين اساسيين ، القسم الاول بتديهم وزارة الصحة منحة يعني بتدفع ليهم رسوم التدريب في المجلس والنوع التاني بتدربوا على نفقتم الخاصة بدفعوا للمجلس من جيبم و بشتغلو مده اربعة لي خمسة سنين بدون رواتب عكس ناس منحة الوزارة البياخدو راتب .
طبعا" شريحة النواب هي الشريحة الاساسية البتدير المستشفيات الحكومية لكن ما عندها مسمى وظيفي ولا راتب وواحد من المطالبات الدائمة للاطباء في جميع اضراباتم ومذكراتم هو اعطاؤهم ووظائف و مرتبات . احد قرارات الوزير لدعم المستشفيات الحكومية هو تسكين النواب في وظائف واي نائب أخصائي ياخد مرتب و و ظيفة وحتى الكانو على النفقة الخاصة حيديهم مرتب ووظيفة بل عمل على تخليص النواب من العقد الجائر الكان عاملاهو وزارة الصحة سابقا" (اي نائب أخصائي يكمل التخصص ممنوع من استلام شهادتو و عليه العمل في الوزارة لمدة ٨ سنوات و خمسة سنوات) يعني بعد تخلص التدريب في خمسة سنوات تقعد تاني برضو خمسة سنوات عشان تاخد شهادتك وتكون أخصائي!! وزير الصحة لغى القرار ده في العقودات الحتكون بين الوزارة والنواب وطبعا" كل الأطباء داعمين القرار ده بل كانو بقاتلوا من أجلو سنين!
فتخيل بروف شاكر زين تقدم باستقالتو قبل يومين من مجلس التخصصات وسبب الاستقالة كما ذكر انو ضد قرار وزير الصحة ده !! مع العلم مافي شيء بيجمعو بوزارة الصحة ! ولا عندو صلاحية ولا مسؤولية تجاه اي ناﺉب بعد انتهاء التدريب ! وكالعادة برضو حيضموهو لي لستة الاستقالات !!

المتوفون
والمرضى
والمرافقون
وذوو المرضى
وعموم المواطنين
قد لا يهتمون للاتحادي او الشيوعي او المهني او القانوني او غيره ...


يدركون فقط أنهم يواجهون مشكلة في الإمداد الدوائي و الخدمات الصحية تحتاج حلاً مستعجلاً
فكل يوم تأخير يعني مزيداً من الأرواح تغادر عالمنا ومزيداً من المرضى تتأخر حالاتهم وتتعقد ويصبح علاجها أصعب.

هل يمكن ل د. أكرم ، وللشيوعيين وللاتحاديين وغيرهم من تنظيمات سياسية ومهنية ومناطقية وعشائرية أن يتناسوا خلافاتهم قليلاً ويعملو لحل المشكلة المستعجلة ؟

صاحب البوست يقول:

Quote: أنا ما شغال في السودان حاليا

Quote: أنا ما شغال في السودان حاليا"

🙄🙄🙄🙄🙄

Quote: أما موضوع الكورونا ده حأتكلم عنو بافاضة ان شاء الله

يا دكتور أنا ما جبتا سيرة الكرونا دي نهائي في
مداخلتي لأنو السيد وزير الصحة كان في الشو
بتاعو اليومي بيقوم بإيراد أخبار الماتو بي بكرونا...
انا بتكلم عن أصحاب الأمراض المزمنة والحوادث
الطارئة الما لقو مستشفي او عيادة أو دكتور
او ممرض والما لقو أدوية في الصيدليات ...
ديل موتاهم أضعاف موتي الكرونا ...

Quote: يا دكتور أنا ما جبتا سيرة الكرونا دي نهائي في مداخلتي لأنو السيد وزير الصحة كان في الشو بتاعو اليومي بيقوم بإيراد أخبار الماتو بي بكرونا... انا بتكلم عن أصحاب الأمراض المزمنة والحوادث الطارئة الما لقو مستشفي او عيادة أو دكتور او ممرض والما لقو أدوية في الصيدليات ... ديل موتاهم أضعاف موتي الكرونا ...

أي زيادة في الوفيات في فترة التلاتة شهور الفاتت دي عندها علاقة بالكورونا !!
اعلان انو شخص توفى بالكورونا يعنى عندنا شيء واحد انو اخدوا ليهو مسحة وطلعت ايجابية وديل هم الكل العالم بيعلنم موتى بالكورونا في الشو بتاع التقرير اليومي. الوفيات الما أخدو ليهم مسحات والما حصلو رعاية صحية سوى كانو امراض مزمنة أو حالات طارئة ديل برضو عندهم علاقة بالكورونا.

Quote: أي زيادة في الوفيات في فترة التلاتة شهور الفاتت دي عندها علاقة بالكورونا !!

طيب هل وجود شبهة أو احتمال لإصابة مريض السكري أو الفشل الكلوي أو السرطان
أو ضغط الدم أو الملاريا أو التايفويت أو الأزمة الصدرية أو اليرقان أو أي مرض بأنو مصاب بالكورونا
هل هذا يعطي المبرر لعدم استقباله كمريض كما في السابق قبل الأزمة وعلاجه
بالتحوطات التي يحتاجها فريق العمل الطبي من لبس ملابس واقية ثم يوفر للمريض
بالأمراض المذكورة أعلاه وغيرها كل الخدمات الطبية؟؟؟؟
شايفنك لسع ما علقت على إغلاق المستشفيات
العامة والخاصة

Quote: أي زيادة في الوفيات في فترة التلاتة شهور الفاتت دي عندها علاقة بالكورونا !!

الأنا متأكد منو يا دكتور معظم الوفيات التي علمت بها
وشاهدتها .. علاقتها بي كرونا هو هروب وتغيب الكوادر
الصحية من المستشفيات وعيادات الحوادث خوفا من
كرونا لعدم توفر ال PPE وأسباب إدارية بعلم وزير الصحة ...
ديل مشو للعديد من المستشفيات وكانت مغلقه تماما ...
وايضا لأول مرة اسمع بي زول مات سكريه فاق ال 650
ولمدة يومين ما لاقين ليهو دوا ... دا غير بتاعين الضغط
الاختفت ادويتم من الصيدليات ...

منتصر وصلاح كل الأسئلة المتعلقة بقلة أو انعدام الخدمة الطبية في الفترة السابقة حنجيها
لأنو دي الحجة الرئيسية البحاولو يستغلوها ويروجو ليها ضد وزير الصحة !!

Quote: منتصر وصلاح كل الأسئلة المتعلقة بقلة أو انعدام الخدمة الطبية في الفترة السابقة حنجيها لأنو دي الحجة الرئيسية البحاولو يستغلوها ويروجو ليها ضد وزير الصحة !!

حجة شنو يا دكتور ... أي زول عايش جوا
الخرطوم دي عارف الكلام دا واقع يمشي
بين الناس ... دي فضيحة بي جلاجل ...

Quote: المتوفون والمرضى والمرافقون وذوو المرضى وعموم المواطنين قد لا يهتمون للاتحادي او الشيوعي او المهني او القانوني او غيره ... يدركون فقط أنهم يواجهون مشكلة في الإمداد الدوائي و الخدمات الصحية تحتاج حلاً مستعجلاً فكل يوم تأخير يعني مزيداً من الأرواح تغادر عالمنا ومزيداً من المرضى تتأخر حالاتهم وتتعقد ويصبح علاجها أصعب. هل يمكن ل د. أكرم ، وللشيوعيين وللاتحاديين وغيرهم من تنظيمات سياسية ومهنية ومناطقية وعشائرية أن يتناسوا خلافاتهم قليلاً ويعملو لحل المشكلة المستعجلة ؟ (

ومع إهمال صاحب البوست لهذه المداخلة ... يبدو أن أرواح الناس وصحتهم لم تعد مهمة وصارت مجرد حجة كما يقول ....
ما المهم ؟
الكرسي ؟
او الحزب ؟

السلام عليكم جميعا

وشكراً جزيلاً أخانا الدكتور عثمان الإمام،

سردك مُريح، ومعلوماتك لا أحد يستطيع أن يُشكك فيها أو جزء منها، وأعيان حديثك، ما تزال تجري أمام العَيان العام، يراها كل الناس..! كُلٌّ بعينَيْ رأسه. فقد والله، إذن، هذه الوزارة المسؤولة عن الصحة، قد دعمتم مسيرتها و أحرجتم " الفهلوَنجية " من منسوبيها الحزبيين الانتقاليين..! والذين حسبوا أن الشغلانة " إنتا اكتب لي، وأنا بكتب ليك .. وَ الباقي بيناتنا ..!!"

فمَن لوزارات الاقتصاد، التجارة، العدل والسِلم والأمن والثقافة؟

مع جليل التحايا

Quote: كتبت لينا البشير ⚽ المعركة التي يخوضها كثيرين مع وزير الصحة الاتحادي ليست بسبب تعاطيه مع ملهاة الكورونا ولكن معركة ذات ابعاد طبقيه سادتها مافيا الادويه والمستشفيات والعيادات الخاصه وداعمي سياسات النظام البائد والتي خصصت وسلعت الصحة والتي هي حق انساني يجب توفيرها لكل مواطن .. ⚽الذين يقودون معركتهم مع وزير الصحة يعلمون جيدا ان عودة مستشفيات الخرطوم وبحري وامدرمان والذرة الي الاتحادي سيكلفهم خسائرا جمة وان تدخل الدولة في سياسات الدواء وتسعيرتها سيخرج كثيرين من مفسدي ومستوردي الادويه من السوق وفقدان مصالحهم وكذلك مستوردي وشركات الاجهزة الطبيه .. ⚽كل هؤلاء لا يريدون للمراكز الصحيه التي بدا تاهيلها لتقديم خدمات الرعايه الصحيه الاوليه ان تتم وانهم يريدون ان يستمر استنزافهم للمواطن .. انهم مافيا العيادات الخاصه لان عودة المراكز الصحيه تعني مجانيه الخدمات الصحية وهذا هو مربط الفرس .. قد نختلف او نتفق مع الوزير ولكن تظل كل الدعاوي بفشل الوزير هي اباطيل وكلمة حق اريد بها باطل. ⚽وهذا النزاع لا يقتصر فقط علي مافيا الادوية والمستشفيات إنما هو أيضاً نزاع اخلاقي في المقام الأول.. بين الكثير من الأطباء الفاشلين علي المستوي الصحي والأخلاقي والاكاديمي والاجتماعي ودكتور اكرم.. ومن كل الاتجاهات تشن الحروب وتنصب المشانق.

فعلا" هي حرب بلا أخلاق

ايه الهبل ده هجمة مسعورة وكيزان!! انت عايز شهره ولا ايه
بالمناسبة الاتحاديين هم من رشحوا اكرم للوزارة
وعزفوا عن المشاركة في الحكومة التنفيذية .

يا عبدالرازق طرشقت ليه البوست
أنا كنت عاوزه يستمر في الهرطقة دي
وبعدين اقول ليه لو الإتحادين كانوا عاوزين
يرشحوا وزير صحة إتحادي كانوا طبخوا
الموضوع دا في لجان الأطباء

الشيوعين أسوأ من الكيزان

الشتايم و الإساءة اسلوب العاجز و دليل على عدم المنطق
و في الغالب وسيلة غير حضارية لإسكات صوت الحق ...

سلام عليكم

لو أنا مكان السيد وزير الصحة، كنت من بداية أزمة الكورونا وضحت للرأي العام

بالتفصيل مدى انهيار منظومة الصحة، عدد المستشفيات و الأسرة(من سرير) و

عدد الأطباء و التمريض و الفنيين و الأجهزة و المعامل و الإسعاف و الدواء و

ذكّرتهم جيداً ان هذا ما اقترفته يدا حميدة و ابو قردة.

كل ما يحدث الآن من قصور سببه تدمير حميدة و ابوقردة و حكومة البشير للصحة.

لذلك يجب أن نطالب الآن بمحاكمة عاجلة لحميدة و ابوقردة و البشير بجريمة

تدمير النظام الصحي الذي لم يحتمل الضربات المتلاحقة من الأوبئة.

عبدالرازق يوسف الحاج

Quote: ايه الهبل ده هجمة مسعورة وكيزان!! انت عايز شهره ولا ايه بالمناسبة الاتحاديين هم من رشحوا اكرم للوزارة وعزفوا عن المشاركة في الحكومة التنفيذية .

غير صحيح بشهادة قيادات التجمع الإتحادي ! أكرم رشحته كتلة القوي
المدنية ولم يعترض عليه التجمع الإتحادي وبقية الكتل !
* الحزب الإتحادي الأصل لم يشارك في حملة إستهداف وزير الصحة ,
حملة إستهداف دكتور أكرم تقوم بها بعض شلل التجمع الإتحادي والتي
سطت من دون وجه حق علي المشهد الإتحادي عبر محاولة إبعاد قيادة
الختمية التي تملك بعض الوزن -مقابل سبعة أو ٨ فصائل إتحادية لاتملك إي وزن جماهيري - ثاروا علي الميرغني ولم يقدموا بديلا ولم يقيمو مؤتمرا عاما
أو برنامج ولم ينتخبو قيادة ولم يتوحدو !

يا كمال يبدو تنقصكم الكثير من المعلومات
أكرم رشحه مكتب الأطباء الموحد
وتم دعم الإقتراح من قبل لجنة الأطباء
المركزية قبل ما يصل الكتل
وإذا الإتحادين كان عندهم نية الكسب الحزبي
ترشيح أكرم دا كان ما طلع فوق

لكنه خزل الناس وفشل فشل ذريع
ولم يكن أميناً مع الثورة ولم يكن رجل دولة محايد

تكالبوا على البوست كتكالبهم على ابن الثورة د/ اكرم
_____
يا صلاح الزبير انت بتضحك على منو
الاطباء ضربتوهم فى المستشفيات و لم يجدوا الحماية
حتى من الشرطة اللى مفروض انها تحميهم
خافوا على ارواحهم و لزموا بيوتم
معقولة تخلقوا المشكلة و تدرعوها فى رقبة السيد الوزير
قال ليكم ألزموا بيوتكم عشان الكورونا نكرتوها حطب و طلعتو مظاهرات
ناسكم يدفعوا لى عصابات النقرز حتى وصل الامر
ضرب طفل على رأسه بالساطور ... يهاجمون الناس و الشرطة عاملة اضان الحامل طرشا
ليه ما قاعدين تتكلّموا عن وزير الداخلية و مديرها العام
لانهم يخدمون اجندتكم بتفان تام
اختشى ياخ

وعليكم السلام الأخت نعمات

Quote: لو أنا مكان السيد وزير الصحة، كنت من بداية أزمة الكورونا وضحت للرأي العام بالتفصيل مدى انهيار منظومة الصحة، عدد المستشفيات و الأسرة(من سرير) و عدد الأطباء و التمريض و الفنيين و الأجهزة و المعامل و الإسعاف و الدواء و ذكّرتهم جيداً ان هذا ما اقترفته يدا حميدة و ابو قردة.

الواجب موش يقول و يوضح في بداية الكورونا
القال جاهزين ليها !
المفروض يوضحمنذ تسلمه للوزارة وموش يوضح للناس فقط إنما يعمل مع رئيس الوزراء ووزير المالية لإصلاح
ما ترين أنه كان حادث من قصور
لكن فكرة تعليق العجز والاخفاقات على شماعة العهد البائد دي عذر أقبح من الذنب نفسه
لأن عدم الإعتراف بالخطأ أو الجرم هو أكبر جرماً من ارتكاب الجريمة نفسها.
الأن مضى على تسلمهم تسعة أشهر محتاجبن كم سنة عشان الشماعة دي تزال
ويقولو بدينا ؟!

Quote: يا صلاح الزبير انت بتضحك على منو الاطباء ضربتوهم فى المستشفيات و لم يجدوا الحماية حتى من الشرطة اللى مفروض انها تحميهم خافوا على ارواحهم و لزموا بيوتم معقولة تخلقوا المشكلة و تدرعوها فى رقبة السيد الوزير

يا صلاح الزبير حرام عليك
ضربت الأطباء وخوفتهم وقعتدهم في البيوت من الخوف من يدك التقيلة
😂😂😂
حرام عليك يا صلاح الزبير طلعت أنت في النهاية السبب في المشكلة دي كلها !
الجديد في اللغة دي أنها جعلت الأطباء عالم والمرضى وزويهم عالم آخر
بعدين يا أخونا صلاح الزبير وزير الداخلية !
ول موقف ناس في المستشفيات يحرضوا زوي المرض على ضرب الأطباء!
توفير الحماية للأطباء مسؤولية وزير الصحة
معقول يعجز مدراء المستشفيات أو الوزير من توفيرها حرس أمن !
ياخي حفلة العرس بوفرو ليها شرطة تحرسها بأقل من 1% من فاتورة المغني

سلام أخ منتصر

تستطيع الإجابة بنفسك على الأسئلة التالية :

ليه أغلب الناس ليها سنوات طويلة بتتعالج في العيادات و المستشفيات الخاصة؟

لو الكورونا انتشرت في زمن الكيزان، هل المستشفيات الحكومية كانت مهيأة لمواجهة الوباء؟

أم أن المستشفيات الخاصة كانت ستفرض اسعار خيالية للعلاج؟

لماذا أغلقت أغلب المستشفيات الخاصة أبوابها الآن؟

كم حجم الميزانية اللازمة لتأهيل المستشفيات الحكومية في كل السودان؟ و هل توفرت للوزارة؟

كم شهر قضاها الوزير في منصبه و كم شهر قضاها في مكافحة اوبئة الشكنغونيا و الكوليرا و الكورونا؟

هل الوزارة عندها ميزانية كافية لشراء أدوات الحماية و الوقاية و الإختبار و العلاجات مثل الدول

الغنية التي كانت تتنافس مع بعضها للحصول على الماسكات و القفازات و ال PPE و دواء ال رمديسفير

بل ان حتى إختطاف شحنات اختبارات الكورونا بواسطة الإستخبارات؟

لماذا لا يحاكم حميدة و ابوقردة و البشير على تدمير النظام الصحي الذي كان قائماً قبل 1989 في كل السودان؟

Quote: تكالبوا على البوست كتكالبهم على ابن الثورة د/ اكرم

جلال حبابك ....
يا زول أنا مما عرفتا الدكتور (شغال برا السودان)
ومادة البوست بتجيهو ديلفري الله أعلم من وين
هادي طرفي من البوست ... دايرين زول شاهد
وقاعد وسط المعمعه هنا عشان ناخد وندي معاهو ...

Quote: اختشي ياخي

حااااااضر ...
باقي كلامك لامن عيني تقع في عينك
أكان الله قدر ...

حأتخطى حاليا" الرد على بعض المداخلات وبرجع ليها بعد الانتهاء من بعض النقاط .

لوبي مهم جدا" في الحملة ضد الوزير الا و هو لوبي المستشفيات و المستوصفات الخاصة وده لوبي متشابك جدا" و خصوصا" مع لجنة الأخصائيين والاستشاريين الهم أكبر مستفيدين من قطاع العلاج الخاص.
خلال السنوات السابقة وخاصة الفترة الكان على رأسها بروف مأمون حميدة تم تحويل أيلولة المستشفيات الموجودة في الخرطوم كمستشفى امدرمان وبحري .. الخ الى مستشفيات تابعة لوزارة الصحة ولاية الخرطوم وتم تجفيف مستشفى الخرطوم وتشليعو بكل اقسامو ! وفي نفس الفترة كانت تمتد صروح المستشفيات الخاصة في نفس شارع الحوادث !!
سياسة الانقاذ كانت واضحة جدا" للناس الشغالة في القطاع الصحي هو العمل على اضعاف وتدمير المستشفيات الحكومية و تطوير القطاع الخاص في نفس الوقت حتى صار في الفترة الأخيرة لا يذهب للمستشفى الا من تقطعت به السبل ! وأصبح نمو المستشفيات الخاصة يعتمد على تدهور القطاع الحكومي.
عشان تربط بين اللوبيهات دي نرجع لبدايةةالمشكلة مع الوزير من شهر نوفمبر ٢٠١٩،
أصدر وزير الصحة قرار بعودة عشرة مستشفيات لوزارة الصحة الاتحادية اللهم مستشفيات امدرمان و بحري والخرطوم والدايات وابوعنجة وابن سينا و مستشفى الشعب والذرة واعادة مستشفى الخرطوم للخدمة ( فترة استقالة مدير عام الوزارة الاتحادية!) طوالي لجنة الأخصائيين والاستشاريين أصدرت في بيان مضحك رفضها للقرارات دي !! وكمان من اسباب رفضهم الذكروها :
أن هذا القرار لا يتوافق مع أهم و أول بنود أعلان الحرية والتغيير والذي افردت له الستة أشهر الأولى من عمر الانتقالية الا وهو احلال السلام الشامل !! ) يا لهوي !! البيان طبعا" موجود على السوشيال ميديا وعلى صفحتم بتاريخ ٢٨ نوفمبر !!
وأنظر برضو استقالة مدير مجلس التخصصات بسبب قرار الوزير بمنح نواب الأخصائيين مرتبات ودرجات وظيفية ! لان القطاع الخاص معتمد كليا على الاطباء نواب الأخصائيين لانهم بشتغلوا مجان ( أي والله مجان بدون مرتب وبدون درجة وظيفية و لمدة ٤ لي ٥ سنوات) حيعملوا شنو عشان يعيشوا ؟! حيمشوا يشتغلو في القطاع الخاص كشغل اضافي وده كلو خصم على القطاع الحكومي!

الحقيقة الواضحة انو قطاع الأخصائيين( المهيمنين على اللجنة) ليس من مصلحته أن تتطور المستشفيات الحكومية بل صاروا يدافعوا عن قرارات مامون حميدة وقرارات وزارة الصحة السابقة بالنسبة للنواب من أجل مصالح شخصية فقط !!

Quote: وأنظر برضو استقالة مدير مجلس التخصصات بسبب قرار الوزير بمنح نواب الأخصائيين مرتبات ودرجات وظيفية ! لان القطاع الخاص معتمد كليا على الاطباء نواب الأخصائيين لانهم بشتغلوا مجان ( أي والله مجان بدون مرتب وبدون درجة وظيفية و لمدة ٤ لي ٥ سنوات) حيعملوا شنو عشان يعيشوا ؟! حيمشوا يشتغلو في القطاع الخاص كشغل اضافي وده كلو خصم على القطاع الحكومي!

سلام عثمان
يا ريت تعرف أكثر بنفسك مهنيا تعمل بأى مستشفى ومدى صلتك بالكتل الطبية التى ذكرتها أو متداولة كمطثلين للأطباء.

معلومة نواب الإخصائيين بيشتغلوا فى مستشفيات الحكومة مجاناً أربعة وخمسة سنوات معلومة غريبة وعحيبة، ويا ريت يؤكدوها لينا أطباء آخرين بالمنبر. وهل هى عامة أم فقط لبعضهم؟ مسألة ربطها بموقف الإخصائيين ضد وزير الصحة دا أمر آخر .. ويحتاج لإثباتات أخرى. وماذا عن موقف النواب من وزير الصحة؟ هل هم كتلة واحدة مؤيدة له؟ أم لهم مواقف متباينة؟ وإن كانوا مؤيدين له هل فقط لأنه أنصفهم بتوظيفهم بغض النظر عن أن له أخطاء أم لا؟!!

أما عن أن تؤول مسؤولية إدارة مستشفيات بالعاصمة المثلثة لولاية الخرطوم الصحية، أم أن تكون تابعة للصحة الإتحادية، فما الفرق إيجاباً وسلبا؟ لأنه كوضع طبيعى تكون المستشفيات تابعة للولاية التى تقع فيها جغرافياً، فما الداعى لأن تحتفظ إدارة الصحة الإتحادية بمستشفيات تابعة لها؟ قد أجد فى إجابتك أسباباً مقنعة، بغير ذلك فوزير الصحة أكرم يريد الهيمنة المباشرة على المستشفيات وتهميش دور الإدارة الصحية بالولاية. ويخلط فى تطبيق اللامركزية (الفدرالية) فى عمل وزارته. وهذا خلط يجعل الحكومة الإتحادية تركز على المركز (العاصمة) وتهمل الأقاليم. الوزارة الإتحادية مفروض تقف على مسافة واحدة من كل الولايات. فنموذجه هذا إذا طبقته بقية الوزارات، ستصبح الفدرالية مجرد شعارات وحبر على ورق.

اخونا نادر مداخلتك في مشكلة محتاجة لي تعديل
غالبا يكون quote

شكرا ود الحسين

التعديل زى ما عارف صعب أخير منو تكتب مداخلة جديدة. يا ريت بكرى يحب مشكلة المداخلة عند الدخول عليها لتعديلها (لأاول تعديل) تجدها ملخبتة، ولو فيها إقتباسات أنسى!

هلا نادر مداخلتك فيها مشكلة ما قادر اقراها كاملة!
انا طبيب ولا أنتمي لي أي كتلة طبية وده حال أكتر من تسعين في المية من الأطباء .
معلومة نواب الأخصاﺉيين دي حاجة معروفة وحيجي كل الأطباء يأكدوها ليك وحتى بالأرقام موجودة ( اعتقد اقل من الفين ديل تبع منحة الوزارة بياخدو مرتب طبيب عمومي وأكتر من سبعة ألف ديل بدفعوا رسوم التدريب السنوية والامتحانات و ما بياخدو مرتب !! ) البربطها بالحملة ضد وزير الصحة نقاط كتيرة ما نقطة واحدة بس!
أول نقطة انو الوزير طلع قرار بتوفير وظايف ومرتبات للنواب ديل ودي حاجة كل الأطباء كانو بصارعو عشانا وحتوفر خدمة كبيرة للمستشفيات الحكومية فجأة يطلع شاكر زين استقالة من مجلس التخصصات الأصلا" هو ما تابع للوزارة وسبب الاستقالة قرار الوزير !! وده بوريك انو الاستقالات دي كلها لاظهار الوزير هو منبع المشاكل! ونفس شاكر زين ده هو تبع لجنة الأخصائيين والاستشاريين المشى مرتين لحمدوك وللبرهان لاقالة د أكرم . ونفس شاكر زين تبع لجنة الأخصائيين الرافضة عودة المستشفيات للاتحادية ! وتنسيقية النواب أمس طلعت بيان فيهو نواب ٢٢ تخصص بتقول لي شاكر زين ده ما شغلك !!

Quote: فجأة يطلع شاكر زين استقالة من مجلس التخصصات الأصلا" هو ما تابع للوزارة وسبب الاستقالة قرار الوزير !! وده بوريك انو الاستقالات دي كلها لاظهار الوزير هو منبع المشاكل! ونفس شاكر زين ده هو تبع لجنة الأخصائيين والاستشاريين المشى مرتين لحمدوك وللبرهان لاقالة د أكرم . ونفس شاكر زين تبع لجنة الأخصائيين الرافضة عودة المستشفيات للاتحادية ! وتنسيقية النواب أمس طلعت بيان فيهو نواب ٢٢ تخصص بتقول لي شاكر زين ده ما شغلك !!

للتوثيق حتى لا تمسح


انت اذا لا تعرف شاكر زين العابدين


خلى جماعتك يرسلوا لك اسباب الاستقالة

مبالمناسبة اكرم تلمبذ شاكر

غايتو ورطوك

حأجي راجع للبوست دا بعد يوم 30
كان بقى في العمر باقي

تقصد شنو يا ود محجوب بمداخلتك؟
هل تقصد أن مجلس التخصصات الطبية يتبع لوزارة الصحة؟
أم أن شاكر لم يقدم استقالة من المجلس؟

Quote: تقصد شنو يا ود محجوب بمداخلتك؟ هل تقصد أن مجلس التخصصات الطبية يتبع لوزارة الصحة؟ أم أن شاكر لم يقدم استقالة من المجلس؟

نعم سيدى مجلس التخصصات الطبية يتبع لوزير الصحة


وشاكر قدم استقالته لا شك

Quote: نعم سيدى مجلس التخصصات الطبية يتبع لوزير الصحة وشاكر قدم استقالته لا شك

لي قدام 🙂

Quote: للتوثيق حتى لا تمسح انت اذا لا تعرف شاكر زين العابدين خلى جماعتك يرسلوا لك اسباب الاستقالة مبالمناسبة اكرم تلمبذ شاكر Profile

انا تعديل ساي ما بعدل خليهو أمسح 🙂
ظاهر عليك ما تعبت نفسك وقريت خطاب الاستقالة كامل عشان تعرف السبب الذكرو سيدا زاتا ولا أظنك عارف القرار ياتو الواقف ضدو !!
نحن زاتو بروف شاكر درسنا ولا يعني انه على حق !

Quote: انا تعديل ساي ما بعدل خليهو أمسح 🙂 ظاهر عليك ما تعبت نفسك وقريت خطاب الاستقالة كامل عشان تعرف السبب الذكرو سيدا زاتا ولا أظنك عارف القرار ياتو الواقف ضدو !! نحن زاتو بروف شاكر درسنا ولا يعني انه على حق !

بالله اسعفنا بالمصدر

انو شاكر والاخصائيين رافضين عودة المستشفيات الاتحادية

عملتها كبيرة خالص

Quote: بالله اسعفنا بالمصدر انو شاكر والاخصائيين رافضين عودة المستشفيات الاتحادية عملتها كبيرة خالص

انت شكلك داخل الموضوع غلاط ساي ، في صفحة في الفيسبوك اسمها لجنة الأخصائيين والاستشاريين امشي فتش في بيانات شهر نوفمبر ٢٠١٩ حتلقى البيان قاعد أتعب شوية عشان تعرف الحاصل ما ممكن تكون بتغالط في حاجة ما عارفا اصلا" .

Quote: بالله اسعفنا بالمصدر انو شاكر والاخصائيين رافضين عودة المستشفيات الاتحادية عملتها كبيرة خالص

Quote: الاخوه الاطباء الاماجد جموع شعبنا العزيز طالعنا في يوم ٢٠١٩/١١/٢٥ قرار السيد وزير الصحه الاتحادي بالغاء قرار ايلوله المستشفيات الى ولايه الخرطوم و قد تباينت ردود افعال الكثيرين ما بين مؤيد و معارض لاسيما مع دمجه بقرار انتخاب مدير لمستشفى الخرطوم توطئه لاعادته للعمل - وهذا الاخير - هو ما انتظرته جموع الاطباء و جل افراد الشعب السوداني . ومن هذا المنطلق كان لزاما علينا في لجنه الاستشاريين توضيح الاتي ١- ان قرار عوده مستشفى الخرطوم للعمل لا يختلف عليه اثنان من حيث اهميتها كوعاء علاجي و تدريبي كبير لافراد الشعب السوداني و جموع الاطباء على الترتيب و هذا لا يتعارض مع وجودها تحت وزاره الصحه الولائيه في ظل وجود اشخاص مقتدرين في عجله القياده ليس كما كان بالسابق ٢- نفس هذه المستشفى التي نأمل في عودتها للعمل كانت تستقبل المرضى من جميع ولايات السودان ، و هذا هو بيت القصيد اذ ان المرضى كانوا يتوافدون اليها من جميع انحاء السودان نظرا لانعدام الخدمه الجيده في مناطقهم و هذا ما كرّس اليه نظام الحكم المركزي و الذي يتماشى مع الغاء قرار الايلوله ان تاريخ الصحه في السودان قد مر بتجربه اللامركزية منذ فتره ليست بالوجيزه ،فمنذ بدايه البرنامج الصحي القومي في العام ١٩٧٥ و توقيع السودان على وثيقه المآتا ١٩٧٨ و مع ازدياد اعداد الاطباء ، التمريض ، المراكز الصحيه و المستشفيات اصبح من الصعوبه التعامل معها مركزيا و رأت الحكومه و مسئولي الصحه بتغيير نظام الحوكمه و الاداره الى اللامركزيه و تم تعيين وزراء صحه اقليميين في الاقاليم السته المختلفه احدثت تلك التدخلات نقلات نوعيه و نجاحات كبيره في الانفاق على الصحه و مستوى الخدمات و التدريب معا كما و نوعا و هنا نرى ان تجويد الخدمات الصحيه اقتضى وجود نظام لامركزي و هو النظام المتبع في معظم الانظمه الصحية مع تحديد دور المستوى الاتحادي - عند اقرار مستويات الحكم الفدرالي - في التدريب ، العلاقات الدوليه ، التخطيط الاستراتيجي ، الدواء و الاشراف اما دور تقديم الخدمه فاصبح شأن ولائي و محلي ارتبطت التشوهات و العيوب التي شابت تنفيذ قرارات الايلوله باشخاص اتخذوا منها ذريعه و وسيله لتنفيذ اهداف سياسيه وايدلوجيه و كانت تلكم الاخفاقات بسبب قله التمويل ، سوء الاداره ، غياب الاشراف ، التمكين و الانفراد بالقرار و عليه كان من الاولى مراجعه تلكم الاسباب و معالجتها قبل اتخاذ قرارات مفصليه ٣- ان آليه اتخاذ القرار في هذا الوقت المفصلي من تاريخ البلاد يحتاج الى مشاركه واسعه من جميع الاطراف و الجهات ذات الشأن لضمان نجاعه تلك القرارات و هذا ما كنا نصبو اليه في ظل الحكومه المدنيه ٤- اننا نرى ان هذا القرار لا يتوافق مع اول واهم بنود اعلان الحريه و التغيير و الذي افردت له الست اشهر الاولى من عمر الفتره الانتقاليه الا وهو احلال السلام الشامل و ذلك بمخاطبه جذور الازمه و ليس مستوى الصحه بمناطق الحروب والكوارث والاوبئه من ذلك ببعيد فان كان و لابد من ان تتبع مستويات النظام الصحي لاداره الوزاره الاتحاديه فالاولى بها تلكم المناطق و ليس العاصمه الغنيه نسبيا مما ذكر اعلاه فاننا ندعو الى قيام ورشه تضم اطباء ممن لهم باع في النظام الصحي و خبراء في الصحه العامه و الوزارات الولائيه والاتحاديه لمناقشه الامر بصوره علميه و مهنيه افضل والخروج بما هو مفيد للوطن و المواطن حريه ..سلام وعداله لجنه الاستشاريين و الاختصاصيين ٢٠١٩/١١/٢٨

:)

الإستقالة منشورة في السوشيال ميديا و بس لانها صورة وما قدرت أنزلا ليك حأكتب ليك الجزء الأخير زي ما ورد بي ضبانتو لأنو ده الجزو المريب!!

(لا شك أن لوزير الصحة الإتحادي بنص القانون كل الصلاحيات فيما يراه مناسبا من قرارات تخص النواب ومجلس التخصصات الطبية ولكنني من حيث المبدأ أختلف معه في قراره رقم (6) للعام 2020 الذي يقنن النفقة الخاصة كحق للنواب و وأختلف معه في هذا الإتفاق الأخير الذي يلغي تماما" القيد الزمني بالخدمة الطبية بعد التخصص وفق لائحة المجلس القومي للتدريب و لائحة النفقة الجزئية, في تقديري فإن هذا القرار وهذا الإتفاق سيكون أثرهما سالبا" للحد الكبير على تحقيق رسالة المجلس القومي للتخصصات الطبية.
لكل ما سبق فإنني قد تقدمت الى السيد رئيس مجلس الوزراء بخطاب إستقالتي من رئاسة المجلس القومي للتخصصات الطبية في يوم 11 يونيو 2020م .
لقد نالني شرف عظيم بالعمل معكم
حفظكم الله و دمتم في رعايته
بروفيسر شاكر زين العابدين ابراهيم الإمام )

ويبقى السؤال المهم منو الحاول يدخل وزير الصحة في الإستقالة !!

الخلاصة في موضوع الصراعات دي :
د. أكرم ليس وزير صحة لأنه طبيب فقط ، بل هو طبيب تخصصه الصحة العامة ونال شهادة الماجستير من جامعة جونز هوبكنز ومستوى برامجها وشهادة معروف على مستوى العالم . خبراته كلها في صياغة استراتيجيات الصحة والتنمية المستدامة والتغطية الشاملة لفئات المجتمع المهمشة والصحة الانجابية ومكافحة الامراض السارية وغير السارية ، الدول التي عمل فيها د أكرم اغلبها لا يفرق كتير عن السودان واغلبها دول افريقية رواندا اثيوبيا الصومال مصر الاردن فيتنام ...الخ
لا أدري من رشحه للوزارة هل الشيوعيين ام الاتحاديين على قولم او الحرية والتغيير لكن الثابت أنه لا يعني له منصب وزير الصحة في السودان شيئا" من ناحية مادية ولا من ناحية خبرات بل هو تحدي بالنسبة له .
المجال الصحي في السودان ليس بعيدا" عن العسكرية ( العسكرية الواحدة دي!) والاقدمية وبروف فلان درسنا فهو صاح في كل الاحوال والخ ولا يتقبل الجديد.
النظام الصحي الموجود حاليا" في السودان نظام قديم جدا" ، د أكرم فكرته مختلفة تماما" عن النظام الصحي الموجود حاليا" حيث أن المستشفيات كلها اتحادية ، تطوير وذيادة المراكز الصحية ( الرعاية الاولية) لتخفيف الضغط على المستشفيات مع وجود اليات تواصل بين كل القطاعات الصحية مافي حاجة اسمها ده مستشفى تابع لولاية الخرطوم وتابع لادارة مختلفة ووزارة مختلفة ويمكن قوانين كمان مختلفة!! الوبائيات والبرامج الصحية تشمل كل السودان دي حاجة معمول بيها في كل العالم !
المستشفيات نفسها طريقة عملها ليس له علاقة بما يحصل في العالم الان ، اقسام الطوارﺉ اقسام التنويم اساليب مكافحة العدوي ...الخ وأشياء كثيرة جدا"
فالحاصل الان انو د أكرم بيحاول يطبق نظام كل الرانكرات القاعدين في السودان ديل ما حيشوفوهو صاح لانو كل واحد بيفكر بطريقة مختلفة ! وصعب عليهم يستوعبوه ومش كده بل سياساته ما بتتنفذ وحتى البتنفذ بتنفذ بكفاءة ضعيفة لانو اصلا ما فاهمين ولا مقتنعين بالسياسات دي!!

فعلا" ده الحصل يا عبدالعظيم!!
الطبخة كانت يجي وزير لكن نحن بنعين المدراء وقد تم ولما الوزير فطن للعبة اشتغلو في الطبخة بتاعت تغيير الوزير وده الكلام البنقول فيهو من بداية البوست 😀😀

رئيس التخصصات الطبية يقدم إستقالته لحمدوك ويوضح الأسباب
4 أيام ago
سوداميديا نيوز : الخرطوم
تقدم رئيس مجلس التخصصات الطبية بروفيسور شاكر زين العابدين، باستقالته لرئيس الوزراء د. عبد الله حمدوك. وأوضح زين العابدين في خطاب الاستقالة ، أن المجلس تدنت مكانته تدريجياً من إشراف رئاسة الجمهورية إلى إشراف وزير شؤون مجلس الوزراء ثم تبعيته إلى وزير الصحة الاتحادي، ثم أخير إلى ماسمى بمراكز التدريب.
ونوه إلى أن المجلس أصبح تحت هيمنة وزراء الصحة بالولايات، و أنه بعد وصول حكومة الثورة إلى سدة الحكم خاطب رئيس الوزراء د. عبد الله حمدوك لإعادة المجلس إلى مكانة الطبيعي في هيكل الدولة بتبعيته إلى وزير شؤون مجلس الوزراء حتى تعود له إستقلاليته الأكاديمية والإدارية والمالية .
وأشار في استقالته إلى أنهم خاطبوا وزير الصحة الاتحادي بصفته المشرف على المجلس حالياً برفع الظلم الواقع على نواب الاختصاصيين الذين يتدربون على النفقة الخاصة بمجلس التخصصات، ووصف هذه الخطوة بالبدعة استنها النظام البائد تفرض على نواب الاختصاصيين تقديم خدماتهم العلاجية دون وظيفة أو حتى مرتب، أو بدلات مستحقة فضلاً عن أنهم يدفعون رسوم التدريب كاملة للمجلس.







وكشف أن نواب النفقة الخاصة يشكلون حوالي 90% بواقع “8” ألف نائب في سجل التخصصات الطبية.
وقال انه في اجتماع مؤخراً مع وزير الصحة ناقش قضية نواب النفقة الخاصة وأشار إلى أن وزير الصحة أصدر لاحقاً قراراً وصفه بالتاريخي أنصف النواب بإلتزام وزارة الصحة بدفع رسوم التدريب للمجلس ومرتبات شهرية وفق عقود مؤقتة غير مشروطة توازي الهيكل الراتبي الجديد،ى فضلاً عن إلزام المستشفيات بدفع حافز شهري ثابت ومجزي وحافز مقابل الساعات الاضافية والعطلات.




وزى ما شايف اخونا الامام فال ما تابع لوزارة الصحة طيب لو ما تابع لاكرم انتو الحارق رزكم شنو

Quote: شاكر زين تبع لجنة الأخصائيين وما عندو علاقة بالوزارة تم تعيينو مدير لمجلس التخصصات الصحية وده مجلس منفصل عن الوزارة مهمتو هي تدريب النواب .

يا احونا الامام الكلام دا انت مصر عليهو ول تشاور زميلك

هندك فرصة تتتصل بصديق

حسب البحث يا ود محجوب،
مجلس التخصصات الطبية أيام الانقاذ لم يكن يتبع لوزير الصحة وانما يتبع مباشرة لرئاسة الجمهورية.
هل لديك معلومة أكيدة أنه الآن يتبع لوزير الصحة؟

وجدت ما يفيد أن المجلس يتبع لوزير الصحة حالياً وحتى منذ مدة أيام الانقاذ
شكراً ود محجوب

هلا بالمستنير
وزارة الصحة فيها ادارات و موظفين تابعين ليها ديل كلهم تحت سلطة الوزير ( تعيين، اقالة ، تنفيذ برامج و قرارات الخ) مجلس التخصصات مجلس منفصل تعيناتو ومرتباتم وبرامجم كلها منفصلة وليس للوزير مسؤولية عليها ولا هم عندهم مسؤولية تجاه الوزارة !
و رئيس مجلس التخصصات بيتم تعيينو من مجلس الوزراء وحتى الاستقالة مقدمة لمجلس الوزراء والوصف بتاع مسؤوليات المجلس موجودة في موقعم و قانون مجلس التخصصات موجود .
الحكاية بتاعت اشراف وزارة الصحة والوزارات الولاﺉية دي ظهرت قبل الثورة لأنو مجلس التخصصات ما عندو مستشفيات ولا مراكز تدريب تابعة ليهو فالحاصل انو المجلس نفسو بدرب النواب في مستشفيات الوزارة أو المستشفيات الولاﺉية ودي تبع وزارة الصحة عشان كده جات حكاية الاشراف دي ! والوزارة بتشرف على المستشفيات الخاصة نفسها ولا يعني ذلك ان المستشفيات الخاصة تبع الوزارة ولا مدير مستشفى خاص يقدم استقالة رفضا" لقرار الوزير!
وكذلك المجلس الطبي جسم منفصل ما تبع الوزارة لكنو يشرف على حاجات كتيرة تبع وزارة الصحة !
ما يهم هنا انو بروف شاكر تم تعيينو رئيس مجلس التخصصات من مجلس الوزراء واستقالتو بقدمها لمجلس الوزراء وصلاحياتو كرئيس لمجلس التخصصات ما عندها أي دخل في سياسات الوزارة . فكونو الوزير يدي مرتبات للنواب الشغالين في الوزارة أو وظائف أو يعدل في العقود ده شيء لا دخل لمجلس التخصصات فيه!
الغريبة مجلس التخصصات نفسو أشاد بالقرار رقم 6 بتاع الوزير لما طلع وقبل يومين رئيس المجلس قال ده من اسباب استقالتو!!

Quote: ما يهم هنا انو بروف شاكر تم تعيينو رئيس مجلس التخصصات من مجلس الوزراء واستقالتو بقدمها لمجلس الوزراء وصلاحياتو كرئيس لمجلس التخصصات ما عندها أي دخل في سياسات الوزارة . فكونو الوزير يدي مرتبات للنواب الشغالين في الوزارة أو وظائف أو يعدل في العقود ده شيء لا دخل لمجلس التخصصات فيه! ا

عنزة ولو طارت


مجلس التخصصات يتبع لوزير الصحة بلاش مكابرة ولف ودوران

اذا كان يتبع مجلس الوزراء لماذا يطالب دز شاكر بتبعيته لمجلس الوزراء
ياخى انت مدهش

يعنى فى حدى قال انو مجلس التخصصات عندو مشافى خاصه به لتدريب الاطباء
بتتكلم فى حاجات معلومة بالضرورة

موضوعك مطرشق
خليهم يدوك موضوع اخر

Quote: اذا كان يتبع مجلس الوزراء لماذا يطالب دز شاكر بتبعيته لمجلس الوزراء ياخى انت مدهش

وطيب لماذا يقدم د شاكر استقالته لرئيس الوزراء ولماذا تم تعيينه من رئيس الوزراء ؟!
ما كان يقدم الإستقالة زي الشباب الإستقالوا ديل لي وزير الصحة :)

Quote: لجنة أطباء السودان المركزية تنسيقية نواب الاختصاصيين بيان مهم (( بخصوص رؤية تنسيقية النواب عن علاقة النواب مع الدولة ودور المجلس السوداني للتخصصات الطبية )) • تعتبر تنسيقية النواب التخصصية جسم تحالفي عريض للجان النواب من التخصصات الطبية المختلفة ، هو جسم من النواب وللنواب. • تتابع التنسيقية عدد من المهام المختلفة التي من شأنها خدمة النواب خاصة فيما يتعلق بشأن تحسين وتطوير ظروف البيئة التدريبية، بالإضافة الى دورها تجاه الشعب السوداني في المساهمة في تطوير الخدمات الصحية. • تتخذ تنسيقية النواب موقفاً واضحاً في تغيير الوضع المزري الذي يعيشه النواب من الأطباء، خاصة فيما يتعلق بتحديد شكل علاقة النواب مع المخدم، والتي تعتبر علاقة تمثل إحدى أشكال العبودية وأنظمة السخرة التي مازلنا نشهدها في العصر الحديث، حيث لا يتقاضى النائب أي مقابل تجاه الخدمة المهمة التي يقدمها في المستشفيات التي يعمل بها اثناء فترته التدريبية والتي تستمر لسنوات . • قامت تنسيقية النواب بمطالبة وزارة الصحة التي تعتبر المخدم للنواب بتغيير هذه العلاقة غير القانونية وغير الاخلاقية والتي لا يوجد عرف أو دين يؤيدها، فهذه العلاقة كانت تمثل ثمرة نظام الطاغية في ظلم الاطباء من النواب، وقد تم قطع شوط كبير في انهاء هذه العبودية، حيث تم إصدار قرارات من وزارة الصحة الاتحادية بذلك وهي قيد التنفيذ، ولن تسمح تنسيقية النواب بأي جهة تحاول عرقلتها. • تنسيقية النواب ترى قيم الحرية والسلام والعدالة أساس للعلاقة التي ينبغي أن تبنى عليها علاقة النواب مع الدولة او مع المخدم في وزارة الصحة الاتحادية . • أساس هذه العلاقة يقوم على مبدأ حرية النواب في اختيار و تحديد مساراتهم التدريبية للتخصص سواء الالتزام بمسار النفقة الخاصة أو المنحة. • تحقيق العدالة في أوضاع النواب في الدولة يتم بقيام الدولة بواجبها تجاه النواب في توفير الحق في التوظيف ، وأن تكون واجبات النواب تجاه الدولة ضمن دساتير الدولة بما لا يتنافى مع حق النواب في حرية الحركة والتنقل دون أي وصاية او تسلط من الدولة . • تنسيقية النواب توضح ان تحديد شكل علاقة النواب مع الدولة او المخدم في وزارة الصحة، هو أمر يعني النواب أصحاب المصلحة في الأساس، ومحاولة تجاوزهم يعتبر تجاوز غير اخلاقي وتغول على حقوق النواب ومحاولة لسلب إرادتهم ، ومحاولة لفرض نظام ديكتاتوري سوف يشرع النواب في إقتلاعه وسيقتلعونه. • تنسيقية النواب ترى ان الدولة السودانية التي تمثل تطلعات ثورتنا المجيدة التي أساسها الحرية والسلام والعدالة لا تأتي عبر حلول ضيقة لا تتناول جذور المشكلة السودانية خاصة تلك التي تتعلق بتوزيع الثروات، حيث أن ميزانية الدولة السودانية ينبغي اعادة توزيعها الى أصحاب الحق من مواطني جمهورية السودان ، خاصة في شكل الخدمات التي يحصلون عليها عبر النظام الصحي .

Quote: • ترى تنسيقية النواب ان عملية استبقاء الكوادر الطبية لاتتم بفرض قيود جبرية على النواب ، حيث أن أحد الحقوق الاساسية التي جاءت بها ثورة ديسمبر هو ضمان حق الحرية والتنقل لكافة المواطنيين السودانين ، وان عملية استبقاء الكوادر تتم بتطوير النظام الصحي في السودان ، إذ أن صناعة التغيير تتم بمخاطبة جذور المشكلة لا الأعراض . • تنسيقية النواب تدفع أي مسار يأتي بحقوق النواب كاملة ، وكذلك حقوق المرضى كاملة وهي لا تساوم في ذلك ولا تقبل أي حلول وسطى ، فعلى الدولة تحمل كامل مسؤولياتها ، نحن نريد دولة تخدم مواطنينها وليس مواطنين يخدمون الدولة . • تنسيقية النواب ترى ان استقلالية المؤسسات هي جوهر قيم ثورة ديسمبر المجيدة التي تنادي بالحرية والسلام والعدالة ، وان استقلالية المجلس القومي السوداني للتخصصات الطبية هي أساس لضمان تحقيق غايات المجلس الوطنية التي أساسها خدمة المواطن السوداني وخلق اجيال مؤهلة من الاطباء . • ترى تنسيقية النواب أن المجلس السوداني للتخصصات الطبية مازال مشلولا عن تأدية دوره الأساسي في تجويد العملية التدريبية ، الأمر الذي يحث كل أصحاب الهم في تطوير العملية التدريبية الطبية في السودان الى ضرورة التدخل للدفع بعجلة المجلس السوداني للتخصصات الطبية لتأدية دوره الوطني في خلق جودة تدريب تناسب تطلعات ابناء السودان . • ترى تنسيقية النواب انه و للأهمية يجب على المجلس القومي السوداني للتخصصات الطبيه مراعاة تحسين ظروف مدربيه من الاخصائيين والاستشارين كحق اساسي يستحقونه جراء جهودهم في عملية التدريب ، حتى يتسنى لهم تجويد العملية التدريبية والدفع بها بما يتناسب مع طموحات شعبنا في خلق دولة المؤسسات المدنية . >> وبناء على ذلك: فإن حق النواب في استمرار النفقة الخاصة هو حق أصيل للنواب لا يستطيع أحد تغييره مالم يريد النواب ذلك ، ومحاولة أي جهة التغول والتحكم في مسارات ومستقبل النواب دون إشراك النواب يعتبر خرق لقيم ثورة ديسمبر المجيدة ، والتي سيظل النواب متمسكين بها في مسيرتهم في بناء مؤسسات الدولة السودانية التي يشيدونها . • حق التوظيف غير المشروط حق أساسي لن تتنازل عنه تنسيقية النواب ، فكما من واجبنا تقديم الخدمات الطبية كاملة لكل الشعب السوداني ، من واجب الدولة علينا توفير حقوقنا كاملة وهو أمر لا مساومة عليه من أجل الدفع بعجلة التغيير في المجلس القومي السوداني للتخصصات الطبية للقيام بدوره الاساسي في تطوير العملية التدريبية . إعلام التنسيقية

Quote: إعلام التنسيقية ١. لجنة نواب الطب الباطن ٢. لجنة نواب طب وصحة الأطفال ٣. لجنة نواب الجراحة العامة ٤.لجنة نواب جراحة العظام ٥. لجنة نواب جراحة الأذن والأنف والحنجرة ٦. لجنة نواب جراحة الأطفال ٧.لجنة نواب جراحة المسالك ٨. لجنة نواب الطب النفسي ٩. لجنة نواب طب الطوارئ ١٠. لجنة نواب التخدير ١١. لجنة نواب الأشعة ١٢. لجنة نواب الجلدية ١٣. لجنة نواب طب الصدر ١٤. لجنة نواب طب المجتمع ١٥. لجنة نواب طب وجراحة العيون ١٦. لجنة نواب علم الأمراض ١٧. لجنة نواب جراحة التجميل ١٨. لجنة نواب طب الأورام ١٩. لجنة نواب طب الأسرة ٢٠. لجنة نواب المناعة السريرية ٢١. لجنة نواب جراحة المخ والأعصاب والسلسلة الفقرية ٢٢. لجنة نواب جراحة الصدر والقلب ١٩ يونيو ٢٠٢٠م

ده بيان النواب ردا" على بيان إستقالة رئيس مجلس التخصصات

:)

بمناسبة النواب انا عندي سؤال:
هل بتم تعيين الطبيب كامتياز ثم يتدرج لطبيب عمومي وبعد ما ينجح في امتحان الجزء التخصصي الأولPart 1
ويكون نايب اخصائي يقوموا يفصلوه من العمل ويقول ليه يلا امشي شوف ربك وين؟؟؟؟؟؟؟؟؟

بتتعين طبيب امتياز بوظيفة مؤقتة وبعد تخلص الامتياز بقلعوا منك الوظيفة وبتوقع على ورقة بتاعت رفت عدييل عشان تاخد اكمال الامتياز !! بعد تكون خلصت الامتياز تمشي تفتش لي وظيفة طبيب عمومي وأصلا" مافي وظيفة معلنة ! انت وحظك لو لقيت وظيفة بتاعت عمومي بتمسك في الوظيفة دي لحد ما تموت او تلقى وظيفة تانية! الزول العندو وظيفة والماعندو بسجل للامتحان وبمتحن بطريقتو، العندو وظيفة ونجح الجزء الأول بعد داك يسك المنحة من الجهة الشغال فيها لو طلعت ليهو المنحة بنزل تدريب النواب لكن بياخد مرتب الطبيب العمومي ووظيفتو هي بتاعت الطبيب العمومي مافي مسمى وظيفي ولا سلم رواتب لنائب أخصائي ( يعني زي تفريغ) بالاضافة بدفعوا ليهو الرسوم التدريبية السنوية للمجلس. الماعندو وظيفة بيدفع الرسوم السنوية للتدريب من جيبو وبيشتغل مجان بدون راتب بس الحوافز بتاعت المستشفى البتوزع فيها لكامل مدة التدريب اللهي ٤ لي ٥ سنوات !!
العندو وظيفة وكان بياخد راتب عمومي اثناء فترة التدريب بعد يخلص التخصص ما بدوهو شهادتو حقت التخصص الا بعد يشتغل كأخصاﺉي لمدة ٨ سنة في الوزارة وأتخفضت لي خمسة سنوات !
في المتوسط بعد التخرج بتقعد قريب سنة قبل الامتياز وبتخلص الامتياز في سنة ونص وخدمة وطنية سنة لو محظوظ بتلقى وظيفة عمومي بعد سنة كمان و عاوز ليك سنتين اقل شي عشان تلقى المنحة والتدريب اقل شي ٤ لى خمسة سنوات وتاني تقعد ٥ سنوات !! المحظوظ بعد ١٣ سنة من التخرج ممكن يكمل التخصص بالمنحة بالطريق العديل ! طبعا" في طرق أقصر زي كل الحاجات التانية في السودان . والغالبية بتتدرب على نفقتها الخاصة بدون راتب وتدفع من جيبا عشان يختصرو الزمن !

Quote: حأجي راجع للبوست دا بعد يوم 30 كان بقى في العمر باقي

حادثة سرقة باسوورد تجمع المهنيين السودانيين من قبل شلة الإتحاديين بيرجعنا تاني لي الشلة المسيطرة على لجنة الأطباء المركزية

حسب الأخبار ( ما مؤكدة) الشخص السرق الباسوورد هو إتحادي
, هل سكرتير في التجمع ؟لا
هل عضو مكتب تنفيذي في لجنة الأطباء ؟ لا !!

هو صاحب عضو لجنة الأطباء المركزية :)

Quote: حسب الأخبار ( ما مؤكدة) الشخص السرق الباسوورد هو إتحادي , هل سكرتير في التجمع ؟لا هل عضو مكتب تنفيذي في لجنة الأطباء ؟ لا !! هو صاحب عضو لجنة الأطباء المركزية :)

ينوبك ثواب الباسوورد هينة بترجع

ممكن تنورنا مين السرق اسم نقابة الاطباء وطلع بيان باسمها يدعو للمسيرة

Quote: حادثة سرقة باسوورد تجمع المهنيين السودانيين من قبل شلة الإتحاديين بيرجعنا تاني لي الشلة المسيطرة على لجنة الأطباء المركزية حسب الأخبار ( ما مؤكدة) الشخص السرق الباسوورد هو إتحادي , هل سكرتير في التجمع ؟لا هل عضو مكتب تنفيذي في لجنة الأطباء ؟ لا !! هو صاحب عضو لجنة الأطباء المركزية

للأسف الكلام الفوق دا كله كذب في كذب وتضليل
والمؤسف، إنكم بسلوك قطيع مطيع شغالين تنشروا فيه
يا غشامة منكم أو عن قصد..
ما عندكم القدرة تفكروا في الروايات المضروبة دي
أدلجة عامية بصيرتكم...
من يومين وأنا اشرح وأوضح في المنبر
لكن الشيوعين شغالين في حملة ممنهجة عن قرصنة
صفحة تجمع المهنيين على الفيسبوك.. وعن سرقة الرقم السري
القصة غير كدا تماماً.. صفحة تجمع المهنيين تدار
عن طريق أربعة أدمنز من السودان.. من يشرف على الصفحة
الآن لم يسرق معلومات الدخول بل كانت معه من زمان

المهم هو الآن الشيوعين برا صفحة تجمع المهنيين على الفيسبوك
وهو الأكثر إنتشاراً وتأثيراً عن أي وسيلة أخرى..
والشيوعي برضة خارج المجلس المركزي للحرية والتغيير
وعلى نفسها جنت براغش..

الموضوع ليس إتحادين قصاد شيوعين
بل هو شيوعين قصاد كل أحزاب الثورة
الشيوعي عبارة عن مجموعة منبوذة أصبحت مكروهة
أصبحوا كالأجرب الذي يفر منه الناس

إن شاء الله يقعدوا في الواطة ويسمعوا كلام دكتور
صدقي كبلو في آخر إجتماع لهم

Quote: صفحة تجمع المهنيين تدار عن طريق أربعة أدمنز من السودان.. من يشرف على الصفحة الآن لم يسرق معلومات الدخول بل كانت معه من زمان

تجمع المهنيين كلوو القديم والجديد والإنقلابي كلهم لا يهموني في شيء وكذلك معارككم الفارغة بينكم والشيوعيين

يهمني هنا توضيح الصورة بتاعت الشلليات المسيطرة على لجنة الأطباء والمكتب الموحد , نفس الطريقة و نفس الأشخاص
ونفس الخساسات البيدار بيها الملف الصحي !
جاء الزمن البيتم فيهو إتهام ناس بيمثلو الأطباء بسرقة الباسووردات !!
هل دفاعك عنهم لأنهم يمثلو الأطباء لا طبعا" فلا يهمك الأطباء ولا القطاع الصحي ولا ما يجري فيه !
هل دفاعك لانهم منتخبون لا طبعا" فلم يكونو منتخبون من الأطباء وكلهم صاحبي وود شلتي وود حزبي!
هل لأنهم اتحاديون ؟ نعم نعم و ما عاوزة تفكير كتير

خيوط لعبة الاتحاديين في الصحة وقطاع الأطباء بدت تتكشف واحدة واحدة

Quote: ( إستقالة ) أنا : البراء الحاج محمد الحاج تقدمت بإستقالتي مساء 30 يونيو من المكتب التنفيذي للجنة أطباء السودان المركزية و اللجان المصاحبة ، على خلفية التماهي فى الخلاف اللامبدئي و الممارسات الطفولية و الغير مسؤولة التى صاحبت الفترة الأخيرة من تاريخ التجمع من جميع مكوناته. و على وجه الخصوص السلوك الأخير في الإستيلاء على صفحة تجمع المهنيين السودانيين من حيث التوقيت و المبدأ. و لأسباب أخرى كان السعي المستمر للإصلاح والوصول لنقابة أطباء السودان كافيا لإنتفائها. لا تكمن المشكلة في الإنتماء السياسي لبعض قيادات التجمع ولكن المشكلة تمحورت حول عدم الرغبة فى تكوين نقابات حرة مستقلة تمثل الجميع، لكى يسهل حرف التجمع عن مساره النقابي و توظيفه لصالح خطوط حزبية . لأن الأغلبية العظمى لممثلي التجمع منذ البداية هم واجهات سياسية لا تمتلك الجرأة الكافية لممارسة عمل نقابي مستقل يستمد شرعيته من القواعد المهنية بما يخدم مصالح الثورة بعيدا عن المحاصصات والشللية. الصراع الدائر بين الأجسام فى تجمع المهنيين منذ البدايات كان بالإمكان أن يتم معالجته بشكل مسؤول من كل الأطراف ، بما يراعي رمزية تجمع المهنيين السودانيين و عظمة ثورة ديسمبر المجيدة و كانت الأولوية لبذل هذا المجهود فى تأسيس الجمعيات العمومية ونظام أساسي لحماية الممارسة الديمقراطية داخل التجمع ، ليتحول التجمع لتجمع نقابات مهنية تدافع عن المهنيين و تنحاز لقيم الثورة ، إنتصارا لتاريخ الحراك النقابي وتتويجا لتجربة تجمع المهنيين السودانيين وليس إنتصارا للذاتية أو الفردية أو الحزبية . و لكن مثلما صفعت الشوارع فى ذكرى ٣٠ يونيو الأخير العقلية السياسية و أثبتت أنها وحدها من تقود و أنها المخلص و الوصي على مصيرنا ، قريبا سيصفع المهنيين كل العقليات الانتهازية التى تعارك فى غير معترك. وستكون السلطة لنقابات مهنية وطنية و مستقلة . لجنة أطباء السودان المركزية هى ليست غاية فى ذاتها و إنما وسيلة لتحقيق مطالب الأطباء و التعبير عن تطلعاتهم و هى تجربة تستحق الإحتفاء و الفخر. لا أملك إلا الإحترام والتقدير لكل الأطباء الذين ما تأخروا فى واجبهم المهني و الوطني. والذين يستحقون بعد ثورة ديسمبر تكريما لكل التضحيات من فصل طال الأطباء و إعتقالات و إغتيالات أن يسيروا بخطى ثابتة نحو تنظيم مهني نقابي يمارس فيه جميع الأطباء حقوقهم النقابية بشكل ديموقراطي ويسترد الطبيب السوداني كامل الحقوق و يكون فيه للطبيب السوداني سلطة يثق بها تراقب النظام الصحي و تحقق الرفاهية له و لمرضاه. و تنحاز دوما لقيم الحرية و العدالة و الديمقراطية و تحافظ على مكتسبات الثورة المجيدة. 3 يوليو 2020

Quote: بسم الله الرحمن الرحيم لجنة أطباء السودان المركزية مركزية لجنة أطباء ولاية الجزيرة فرعية مستشفيات ود مدني الأطباء الشرفاء .. ظلت مواقف الأطباء على مر تاريخ بلدنا الحبيب تنحاز للخيارات الوطنية ، وتقف إلى جانب شعبها في كل معاركه و كوارثه ، و قد كانت حراكات الأطباء النقابية والوطنية وقودا لثورات وطننا الحبيب ، وقد كان آخرها في العقد الفائت بحراك لجنة نواب الإختصاصيين في العام ٢٠١٠م وحراك لجنة أطباء السودان المركزية في العام ٢٠١٦ وفي العام ٢٠١٩ خلال ثورة ديسمبر المجيدة . تمر بلادنا بمنعطف تاريخي ، بعد إنجاز ثورة ديسمبر المجيدة واستلام سلطة الفترة الإنتقالية ، ويبقى الإمتحان العسير هو نجاح الثورة وتحقيق مكتسباتها ، ويبقى الشعب هو صاحب الخيار الأوحد وصاحب القرار الأخير . تابعنا ما حدث في الثلاثين من يونيو من صراع إعلامي بين كتلتي تجمع المهنيين ، وعملية التكميم الإعلامي لصوت الكتلة التي لا تمثل لجنة أطباء السودان المركزية ، وما صاحبها من إتهامات واضحة بعملية السطو على المنبر الإعلامي لتجمع المهنيين السودانيين . و لم يكن هناك توضيح إعلامي من قبل لجنة أطباء السودان المركزية لما حدث ، وذلك لتوضيح حقيقة الأمر لجموع الأطباء والشارع السوداني . بناء عليه نؤكد الآتي : - أن هذا السلوك لايشبه قبيلة الأطباء ولا يتوافق مع تاريخهم الوطني . - عدم الزج بحراكات الأطباء النقابية والوطنية في دائرة الصراعات السياسية الحزبية . - استمرار الدور الوطني للأطباء ، ومشاركتهم لجموع شعبنا في كل خياراته التي تخدم مصلحة الوطن العليا . - مطالبة المكتب التنفيذي للجنة أطباء السودان المركزية بإجراء تحقيق عاجل مع ممثلي اللجنة في تجمع المهنيين السودانيين لتوضيح الحقائق ، في فترة أقصاها ٤٨ ساعة . - المحاسبة الفورية لكل الأعضاء المشاركين في حالة اثبتت نتائج التحقيق ذلك . - توضيح الأمر للرأي العام في مؤتمر صحفي يضمن الحق التاريخي لأطباء السودان . - إعادة هيكلة لجنة أطباء السودان المركزية في فترة لا تتجاوز اسبوعين . .. سيتم التواصل مع المكتب التنفيذي للجنة خلال الأطر التنظيمية للمتابعة . - البدء في عملية حصر الأطباء في مستشفيات ومراكز ود مدني تمهيدا لتكوين الوحدة النقابية لأطباء ود مدني . المكتب الإعلامي ٤/٧/٢٠٢٠

و لا يحيق المكر السييء الا بأهله .

Quote: بسم الله الرحمن الرحيم السلام عليكم ورحمة الله وبركاته *الزملاء والزميلات نواب قسم الجراحة العامة* نحييكم ونحن قد تابعنا في الأيام السابقة مواكب تصحيح مسار ثورة ديسمبر المجيدة والتي كانت رسالتها لكل الشعب و القوى السياسية والاجسام الثورية بضرورة الالتفات للبناء والعودة من مستنقع الصراعات الذي كان جليا في التناحر الموجود على مستوى النخبة و التعامل الفوقي من قبل الجسم الذي يمثلنا كاطباء سواء على مستوى تجمع المهنيين أو على التعاطي مع الحراك علي مستوى الشارع.. *نواب الجراحة* بدأ جليا لنا في قسم الجراحة العامة ان اتخاذ القرارات بصورة فوقية هي ديكتاتورية جديدة وذلك شي نرفضه تماما .. واننا نري ان ماحدث من خلاف وصراع من قبل بعض أعضاء اللجنة المركزية في سكرتارية تجمع المهنيين القديمة ومارشح من بيانات تاكد التغول علي صفحة تجمع المهنين ماهو الا انعاكس لتراكم من التجاوزات والتغيب المستمر.. و ناكد أن ما تم لم تكن لجنة نواب الجراحة جزئ منه و ننوه و نرجو إلى عدم انسياق التنسيقية للانجراف في هذه الممارسات وهو سلوك مرفوض والذي قطعا لا يمثلنا.. ونحن هنا نحذر لجنة أطباء السودان المركزية من مغبة هذه التصرفات التي لا تخدم الثورة وصيرورتها ومسيرة الجماهير نحو استكمال مهامها وليس مستغربا ان هذا الحدث برغم فداحته لم تكلف اللجنة المركزية نفسها حتي بيانا توضيحيا ناهيك عن اعتذار ..فياللعجب! وناكد اننا نسعى مع زملائنا في تنسيقية النواب في إجراءات هيكلة التنسيقية و وضع لوائح ضبط العمل لمنع حدوث مثل هذه التصرفات الدكتاتورية التي لا تتماشي مع الارث النضالي لجمع الاطباء علي مستوي تاريخهم النضالي الطويل.. كما يجب ان لا يفوتنا ان ناكد ان ماحدث ماهو الا ما ظللنا نحذر منه مرارا وسعينا لمنعه عبر كل طلبنا الجماهيري لاستقلال التنسيقية منعا لاي استقطاب يضر بمصالح النواب ويحجم دورهم الوطني ومساهمتهم في مجريات الثورة. ختاما يبقي المطلب الثابت ان لا جراحة ترميمية تفيد بعد الان ولا بديل لنا الا نقابة دمقراطية حرة مستقلة وموحدة.. وسنعمل علي قيامها مهما كانت العراقيل فالثورة نقابة ولجنة حي. الديمقراطية نور ونار من اراد نورها يجب ان يصطلي بنارها . *الزعيم الازهري* الرحمة والخلود للشهداء عاجل الشفاء للجرحي عاجل العودة للمفقودين *لجنة نواب الجراحة العامة* 4 يوليو 2020

Up
لحد ما نجيهو تاني.

بعد إقالة دكتور أكرم من الوزارة ما زال الإتحاديين و شللهم تعبث في القطاع الصحي الذي يعتبرونه جزو من جنينة سيدهم وخصوصا" بعد قدوم والي الخرطوم الإتحادي!

والي الخرطوم خلى كل مشاكل ولاية الخرطوم المتراكمة وكل الوزارات والهيئات والإدارات والأسواق والمخابز والخ الخ وكان من قراراته الأولى إقالة مدير عام وزارة الصحة الولائية العينو الوزير السابق
وعين بدله المدير العام السابق الذي أقاله د أكرم !! اللهو د الفاتح !! هل الوالي بيعرف المجال الصحي ولا عارف الحاصل فيهو ؟ هل درس المشاكل بتاعت الصحة في الخرطوم ؟1 الحقيقة إنو لا يدري أبو النوم
ولو سألو رؤيتك شنو ما بعيد يقول عبدالعظيم قال لي :)
سبحان الله اول قرارات الوالي الإتحادي (ألأحراري ) :) هو تعيين إتحادي لهيئة التامين الصحي بالولاية وتعيين إتحادي مدير عام الصحة بالولاية فاللعب خلاص بقى على المكشوف !!

أما لجنة الإستشاريين شريك الإتحاديين في المؤامرة ففضيحة الفساد المالي في مجلس التخصصات كشفت المدسوس!

مجلس التخصصات الذي ترك كل مهام المجلس ومسؤوليات المجلس للتفرغ لمحاربة الوزير السابق أعضاؤوه نفسم متهمين في فساد بي مئات الالاف من الدولارات !
هل في زول سمع عنها شي ؟ هل في زول أدانها ؟ طبعا" مافي زول جايب سيرتها خالص لأنها زيتنا في بيتنا !!

يا زول وزارة الصحة هينة ومقدور عليها
خلونا نلحق النيابة العامة وتحالف الحزب العجوز
مع الفلول في النيابة وتعطيل محاكمات الكيزان
بدل ما نتفرغ نبني البلد بعد الثورة
بقينا مهمومين بي ب التمكين اليساري الجديد
دي مصيبة شنو دي
ناس الحزب العجوز شرفانين للسلطة بطريقة مفزعة

Quote: يا زول وزارة الصحة هينة ومقدور عليها خلونا نلحق النيابة العامة وتحالف الحزب العجوز مع الفلول في النيابة وتعطيل محاكمات الكيزان بدل ما نتفرغ نبني البلد بعد الثورة بقينا مهمومين بي ب التمكين اليساري الجديد دي مصيبة شنو دي ناس الحزب العجوز شرفانين للسلطة بطريقة مفزعة

قلناها ليك يا عبدالعظيم في بداية البوست الشيوعين ياهم ديك امشي عليهم لكن ما ظنيتك تقدر :)

وزارة الصحة هسه بقت هينة ومقدور عليها !! بعد عشرات البوستات اليومية والخساسات العملتوها بقت هينة!
نعم هي هينة عندكم لأنو أصلا" ما هاميك صحة ولا نظام صحي ولا مرضى كل الكان هاميكم عينوا لينا الإتحادي ده هنا
وده هنا بصورة أنتهازية فتوا فيها الكيزان بمراحل , وهسه انتقلتو للمرحلة التانية بدل شغل الحفر والشلليات بقت بالواضح وبدون خجل !!!

فوق. الفته ام توم حمتنا النوم الفته ام شبه حمتنا النطق.

Quote: خلونا نلحق النيابة العامة وتحالف الحزب العجوز مع الفلول في النيابة

ههههههههههههه
علي علم بأن ...
كمال الجزولي علي وشك أن يعبث بهم في
قضية تحت المادة ١٣٠ ...

طيب يا عثمان قرار حمدان باقالة مدير مستشفى امدرمان تفسيره شنو؟ حزبية برضو ولا حاجة تانية

هلا ود البشرى

Quote: طيب يا عثمان قرار حمدان باقالة مدير مستشفى امدرمان تفسيره شنو؟ حزبية برضو ولا حاجة تانية

عشان أصدمك شدييد شوف سبب الإقالة :)

طبعا" دكتور محمد الحاج زول كويس لكن ناس الشلة ما بخلو زول كويس في حالو لازم يجروهو للكوشة بتاعتم رغم تاريخو في الجامعة!

تخيل يا ود البشرى د محمد الحاج نزل إجازة قام عين مدير ونائب مدير لمستشفى أمدرمان ( ما عارف دي من صلاحيات منو !)
تخيل كمان الجابوهو نائب للمدير منو ؟ هو د علاء نقد !! وأزيدك من الشعر بيت د علاء نقد هو زاتو نائب مدير مستشفى ابن سيناء!!

مدير عام الوزارة الهو د حمدان أقال د محمد الحاج نتيجة لأخطاء إدارية من ضمنها حكاية أحجز لي الكرسي ده أمشي و أجي :) قد يكون برضو نتيجة لترسبات الصراعات دي
الأسباب و الصورة الكاملة كلها ما وضحت لكن أصبر يومين تلاتة كلو بطلع !

لو رجعت لبداية البوست حتلقى إسم علاء نقد ود الفاتح حتيتة ولجنة الإستشاريين الهم أساس الشلة !

Quote: ههههههههههههه علي علم بأن ... كمال الجزولي علي وشك أن يعبث بهم في قضية تحت المادة ١٣٠ ...

صلاح الزبير حمدلله على السلامة
أها أخبار المستشفيات شنو؟ ومشكلة الدواء إن شاء الله متوفر وبأسعار في مقدور الجميع :)

عشان تعرف إنو الناس ديل بي واليهم أبجيقة العاطل ناس عنقالة ساي!! قبل فترة أقل من سنة تم إقالة مدير عام الصحة بولاية الخرطوم عن طريق الوالي (الوقت داك كان عسكري) وطبعا" لم يتم تنفيذ القرار بل أصدر رئيس الوزراء قرار صادر من مجلس الوزراء بأنو حق تعيين وإقالة مدراء الصحة تابع لوزارة الصحة ومن صلاحيات الوزير وهذا القرار ساري إلى نهاية العام الحالي!!
فكيف لهذا الأبجيقة العاطل إصدار قرار مخالف لقرار مجلس الوزراء !! طبعا" أكيد حيكون ما عارف لأنو ليس له علاقة بالصحة وما يدور فيها من قريب ولا بعيد ناهيك ان يكون عارف ماهي مهام ولا إختصاصات مدير عام الصحة فالرجل خبرته العملية الهزيلة كلها كانت في زيوت تابكو !!
إجرائيا" إقالة مدير مستشفى أم درمان عن طريق مدير عام الصحة الولائي صحيحة وضمن إختصاصاته ( بغض النظر عن صحة أو خطأ القرار) أما إقالة الوالي لمدير عام الصحة غير صحيحة لأنها ليست من إختصاصاته فالإتحاديين شكلو كان عاجباهم حركة العساكر دي من زمان 

Quote: عشان تفهم ملف الإقالات ده لازم تعرف ملف التعيين في الأول! كل تعيينات مدراء الإدارات التمت في 2019 تم ترشيحم بواسطة المكتب الموحد و دكتور اكرم ما جاب معاهو ولا زول لوزارة الصحة دي الحاجة الأولى والمهم الناس تعرفا جيدا" المفاضلة زي ما قلت فوق كانت انو ده كان في جمعية الجراحين ووقف مع الثورة ودي كانت زولة خدومة والخ الخ ما كان في أي معيار تخصصي أقرب مثال مستر علاء نقد جراح وكان سكرتير جمعية الجراحين و كان ضد النظام جابوهو مدير إدارة التنمية والمشروعات !!! يعني الشلة بتاعت الكيزان تم استبدالا بي شلة بتاعت معارضين قد يكونو ناجحين وشاطرين جدا" في تخصصاتهم لكن لا علاقة لهم بالصحة العامة بل بعض منهم لا ينفذ قرارات الوزير بل في ناس منهم شايفين أصلا" هم ما عينم وزير الصحة وما عندو صلاحيات عليهم !! معقولة !! فكان أول إقالة تمت لي مستر علاء الدين نقد ( لجنة الإستشاريين و المكتب الموحد ) تخيل عزيز بشاشا القارئ أرسل خطاب للوزير ومنشور في الميديا إنو إنت ما العينتني مفروض الإعفاء يجي من الجهة العينتني!! (ده واحد في اللستة من الإقالات )

خلينا نركز شوية مع إسم علاء نقد ده لأنو حتلقاهو متكرر و موجود في كل المشاكل بتاعت وزارة الصحة فهو تبع الشلة ومجلس التخصصات ولجنة الاختصاصيين
ونائب مدير مستشفى ابن سيناء وجاء حاليا" مستشفى أم درمان لكي يحجز الكرسي للمدير في فترة الإجازة ولو متابعين بداية القصة بدت من إقالتو من إدارة المشروعات
وصاحب البوست الكانو حايمين بيهو ناس عبدالعظيم بتاع الإقالات داك والفشل في ملف الكورونا :)
طبعا" لما تمت إقالتو في عهد الوزير السابق د أكرم و رفض قرار الإقالة وقال انو الوزير ما الجهة العينتو و مفروض يجيهو الإعفاء من الجهة العينتو !
أها هسه لما تم تكليف د.عمار الطيب ( بعرفوهو كل الاشتغلو في مستشفى امدرمان) بخطاب مدير عام الصحة الولائية بخطاب يوم 11/8/2020 طبعا" في الوقت ده هو كان حارس الكرسي بصفتو المدير
تخيل الرد كان شنو ؟! لا يتم إستلام القرار نظرا" لعدم وجود مدير عام وزارة الصحة بهذا الإسم !! آي والله بهذا النص والخطاب منشور في الميديا !!

نعم هذه هي إدارات المستشفيات والوزارة في أيدي هؤلاء الصعاليك !

تمكين شيوعين على حساب ثورة الشعب السوداني
ما حيحصل.. نحن حراس ثورة الشعب العظيمة
أمشوا أحرقوا لساتك في الشوارع وأخطفوا لجان المقاومة
وعطِلوا البلد
يعني يا تخطفوا جهاز الدولة او تخطفوا لجان المقاومة
ما بتقدروا تنتظروا الإنتخابات عشان تجوا تركبوا بالطريق العديل

قال صعاليك قال

بالله الصعلوق منو
الشغال يفكك في التمكين ولا الشغال يخرب مؤسسات الحكم
المدني ب التمكين

يا عثمان ما عارف ليه بتسيئ لوالي الخرطوم بالطريقة و الاوصاف دي! الموضوع ما صراع شخصي على ما اظن بل خلاف مهني و ممكن حتى نقول سياسي - انا لا اعلم لونك السياسي.
المهم اختصاص الوزير الاتحادي في اقالة و تعيين مدراء الصحة الولائيين دي صدرت بأمراستثناء من رئيس الوزراء و فعلا كان مقصود بيها الوالي العسكري و كف يده وربما بقية الولاة العسكريين
الاصل أن الوالي هو رئيس حكومة الولاية و يتبع له وزراءها ووزاراتها بموظفبها بما فيهم المدراء
الآن الولاة مدنيين شي طبيعي ان تعود لهم السلطات الطبيعية و يلغى الاستثناء بذهاب الولاة العسكريين
عموما لازال هناك قانون حكم محلي تحت الاصدار سيحكم العلاقة و السلطات الولائية

ما وريتني سبب اقالة حمدان لمحمد الحاج, هل لأنه عين مدير مكانه؟ و كيف عين مدير مكانه بأي سلطة و اي كيفية

Quote: يا عثمان ما عارف ليه بتسيئ لوالي الخرطوم بالطريقة و الاوصاف دي! الموضوع ما صراع شخصي على ما اظن بل خلاف مهني و ممكن حتى نقول سياسي - انا لا اعلم لونك السياسي. المهم اختصاص الوزير الاتحادي في اقالة و تعيين مدراء الصحة الولائيين دي صدرت بأمراستثناء من رئيس الوزراء و فعلا كان مقصود بيها الوالي العسكري و كف يده وربما بقية الولاة العسكريين الاصل أن الوالي هو رئيس حكومة الولاية و يتبع له وزراءها ووزاراتها بموظفبها بما فيهم المدراء الآن الولاة مدنيين شي طبيعي ان تعود لهم السلطات الطبيعية و يلغى الاستثناء بذهاب الولاة العسكريين عموما لازال هناك قانون حكم محلي تحت الاصدار سيحكم العلاقة و السلطات الولائية ما وريتني سبب اقالة حمدان لمحمد الحاج, هل لأنه عين مدير مكانه؟ و كيف عين مدير مكانه بأي سلطة و اي كيفية

هلا ود البشرى
أبجيقة العاطل ده لقب أطلق على الوالي في السوشيال ميديا من باب السخرية السياسية ودي سخرية طالت كل السياسين في الساحة !

في الصحة الأمر مختلف جدا" عشان كده صدر القرار بتاع انو مدير عام الصحة الولائي يتبع لوزارة الصحة ! يعنى مثلا" مستشفى أم درمان والخرطوم وبحري هي مستشفيات رجعت لوزارة الصحة الإتحادية
وليست تبع وزارة الصحة الولائية ! وفي نفس الوقت هل نجاح و فشل المنشاءات الصحية الولائية بتؤول للمدير العام ومنه الى الوالي ولا لوزارة الصحة !

مافي قرار مجلس وزراء بينتهي العمل بيهو عشان الولاة كانوا عسكريين وهسه مدنيين ! القرار بيلغيهو قرار تاني أو ينتهي سريانة بإنتهاء المدة اذا كان في مدة محددة ! وهسه شايف في قرار منشور بامضاء حمدوك بتاريخ
متاخر من القرارات دي بينهي تفويض وزارة الصحة ما عارف مدى صحتو شنو !

سبب الإقالة الرسمي ما منشور لكن حسب كلام الزملاء إنو قرارات ادارية خاطئة لمحمد الحاج من ضمنها تعيين د علاء نقد نائب مدير وجابوهو من مستشفى ابن سيناء مخصوص لي ده و طبعا" دي ما من صلاحياتو إطلاقا"
سبب إقالة حمدان إنو الوالي قالوا ليهو حمدان الشيوعي أقال محمدالحاج الاتحادي فقام أقال حمدان

يا عثمان الإمام سبب إقالة محمد الحاج
هو الجهر برفضة لتمكين اليسار في وزارة الصحة

وتوعدوه بالفصل في قروب واتساب
(محمد الحاج أيامه قربت)
يعني الكلام الفوق دا ما طفش أضانك؟

يا عبدالعظيم الكلام ده تقولو لي زول بعيد عن المجال الصحي
محمد الحاج الكان أنصار سنة والكان متماهي تماما" مع الكيزان والهسه بقى إتحادي نحن عارفنو من زمان ما حاجة جديدة علينا ولا انا شخصيا"
كان عندي مشكلة انصار سنة أو اتحادي أو شيوعي يبقى مدير ويحاسب بي عملو !

وعشان اوضح ليك الصورة لانك شكلك فاقد الإتجاه إنت عارف الكتب محمد الحاج ايامو قربت منو ؟ بتعرف مستر أحمد الشيخ ؟ هل عارف انو نقيب
الأطباء في جسم النقابة الشرعية للأطباء ؟ هل عارفو انو بعثي ؟ كدي أسال شباب حزبكم العارفين بدوك النجيضة :)

وبالمناسبة كلنا عرفنا محمد الحاج ايامو قربت من بقى شغال مع الشلة ! ومن شفنا بوستاتو في الفيس وحواراتو الفي الصحف عرفنا الراجل ده ايامو قربت
لو دققتوا كويس في أتحاديين كويسين ووطنيين لكن ما مباريين الشلة دي حاولو جيبوهم وأدوهم فرصة بدل تلمو في بقايا السلفيين والكيزان :)

Quote: تمكين شيوعين على حساب ثورة الشعب السوداني ما حيحصل.. نحن حراس ثورة الشعب العظيمة أمشوا أحرقوا لساتك في الشوارع وأخطفوا لجان المقاومة وعطِلوا البلد يعني يا تخطفوا جهاز الدولة او تخطفوا لجان المقاومة ما بتقدروا تنتظروا الإنتخابات عشان تجوا تركبوا بالطريق العديل قال صعاليك قال بالله الصعلوق منو الشغال يفكك في التمكين ولا الشغال يخرب مؤسسات الحكم المدني ب التمكين

هههه أعصابك يا عبدالعظيم
نحن المهزلة دي كتبنا عنها قبل ما تحصل وأهو ماشاء الله الإتحاديين ماشين في تطبيقا بغباء يحسدهم عليه الكيزان :)
شايف من كلامك حتقبلو على لجان المقاومة بعد ده :)

كلموا الوالي بتاعكم ده يمكنكم في قطاعات تانية بس أختو لينا قطاع الصحة ده لأنو ما حنخليكم تتهنوا بيهو وحنكم بتاع ديل شيوعين وديل كيزان
ده تمشي تخم بيهو و تخوف بيهو ناس تانيين :)

هو إنت قايل المشكلة وين يا عثمان
الشيوعين والكيزان وشين لي عملة واحدة
زي ما شغالين نفكك تمكين الكيزان
في نفس الوقت ما حنسمح للشيوعين يتمكنوا
دا الموضوع ببساطة

Quote: الموضوع ما صراع شخصي على ما اظن بل خلاف مهني و ممكن حتى نقول سياسي - انا لا اعلم لونك السياسي.

النقطة دي قبيل فات علي ما أرد عليها يا ود البشرى
أنا بالنسبة لي الصراع ده ما شخصي أبدا" بل على العكس حتلقى أغلب أصدقائي إتحاديين و أكتر ناس حاولوا يضموني لي حزب سياسي هم الإتحاديين ديل
و مش كده بس أنا لحد قبل 6 شهور كنت بدعم في الشباب ديل في لجنة الأطباء وفي المكتب الموحد رغم كل السلبيات الكنت شايفا !

وطبعا" ما خلاف سياسي لأنو أصلا" لا انتمي ولم أنتمي قبل كده لي حزب سياسي ولا البعملوهو فيهو هسه ده سياسة !! بالعكس كنت من الناس الحالمين وشايف
إنو مفروض ندعم الأحزاب السياسية البالية دي عشان تتطور وتقدر تدير البلد ولو بالقدر التوافقي القليل الممكن يعبر بالبلد لحد ما تقوم على رجلينها وبعد داك يتنافسوا
فيما بينهم بلطرق السياسية المعروفة عشان يكفونا شر العسكر و الديكتاتوريات !
نعم هو خلاف مهني بوضوح . للأسف البسووا فيهو الإتحاديين هسه في قطاع الصحة أسوأ بمراحل من السووهو الكيزان, الكيزان كنا بنقيف وبنواجهم إنهم كيزان هسه
الإتحاديين ما بقولوا هم اتحاديين وصراحة صعب جدا" تعرفم تبع ياتو فرع وتبع ياتو شجرة بقولوا هم ناس الثورة :) زي ما شايف حنك ناس عبدالعظيم !! والبقول ليهم البغلة في
الإبريق بقولوا ليهو شيوعي !! وكأنوا بخوفوا الواحد إنو يكون شيوعي ! شفت العبط ده ! هسه عبدالعظيم ده مثالا" شفت ليهو رد في البوست ده غير الشيوعيين الشيوعيين :) و كأنو
الواحد لو كان شيوعي حيدس انتماؤه !!

الحاجة الما عارفنها إنو قطاع الصحة ده قطاع مهني والناس بتعرف الناس كلها لو ما مباشرة عن طريق ناس مشتركين فما بهمنا يجي اتحادي ولا يجي شيوعي ولا بعثي المهم يكون مؤهل
وعارف بعمل في شنو !! حتى الناس المعاهم في الشلة دي نحن من زمان عارفين تابعين لي وين ولي ياتو حزب وما كان عندنا مشكلة انهم يجوا لأنو العمل العام ده للكل ما منحة من جهة معينة
لكن محاولتهم سرقة المجال الصحي مستغلين سكوت الناس ودعمها لي أي جهة غير الكيزان ده الخلى الناس تصحى و تتكلم وتكالبم على د أكرم والحفر الإشتغلوهو من وراهو هو الجاب اجلم .
اليوم لجنة الأطباء الكان بدعما كل الأطباء أمشي شوف الناس ديل عملوا فيها شنو والبدعموها كم نفر ؟
اليوم لحنة الاستشاريين أمشي شوف موقف الأطباء منها شنو ؟
وحتى الناس الكان خاميهم كلامم عن الكورونا و د أكرم عرفوا الكنته!
البعملوا فيهو ده لا سياسة لا مهنية ده عبارة عن انتهازية ليس الا !

يا دكتور عثمان

عبد العظيم ده مهوووس بالحزب الشيوعي
لازم ياخد حبة الترامادول الشيوعية الصباحية اليومية
بشرط أن تكون كبسولات حمراء فاقع لونها
( لونه أحمر زاهي باهي، يلفت انتباهي )
لكي يستطيع أن يكمل يومه ...
شايف الدنيا حمرااااء مثل ثيران المصارعة الأسبانية
عشان كده الدنيا جايطة ليهو شديد
أي زول ما اتحادي متأكد منو، هو شيووووعي
لو كسر رقبتو
طبعاً الحزب الشيوعي كرر أكثر من مرة على لسان قادته
إنو دكتور أكرم ما عضو في الحزب
لكن هو الشخص المناسب
رغم ذلك في ناس مصرين إنو شيوعي
وحمدوك شيوعي
والحكومة بتاعة شيوعيين
في جزء من هؤلاء يعرفون أن الحزب الشيوعي ما عندو علاقة بالحكومة دي
سوى أنها حكومة الثورة، لكن مصرين على ترويج أنها حكومة الحزب الشيوعي
وذلك حتى يقولوا للناس أنظروووا ده الحزب الشيوعي الفاشل
وهؤلاء هم الكيزان والسلفيين وأذنابهم وحلفائهم داخل الأمة والإتحاديين وفي أحزاب أخرى ووسط الغير منظمين
والجزء الآخر مصدقين فعلاً أنها حكومة الحزب الشيوعي، وديل ما عندهم حل غير يعرفوا إنو الحكومة دي ليست حكومة الحزب الشيوعي
أما عبد العظيم عثمان فهو حالة فريدة، فهو لا يعلم ولا يعلم أنه لايعلم، لكن مصر إنو يعلم، ومقلد للكيزان، وقع الحافر على الحافر، حتى في لغتهم وخطابهم، لأنه عاطل عن المواهب، ولكي يدس الكوز المختبئ داخله، يرفع ليك لافتة أو درقة الشيوعيين والكيزان كلهم وااااحد، وإنت ركز وشوف الناس البرفعوا الشعار ده، تلقى أغلبيتهم الساحقة كيزان دافنين دقن أو سلفيين، موزعين على الأحزاب المختلفة أو غير منظمين .


في النهاية المعركة داخل الحقل الصحي السوداني معركة مهمة جداً وطويلة
لازم الصراع فيها يكون على المكشوف والحكم فيها للشعب
ومحور هذا الصراع هو مجانية الصحة
أحزاب اليمين ومنهم الإتحاديين تساند الخصخصة وتسعى إلى تحميل المواطن عبء الدفع مقابل تلقي الخدمات الصحية، إضافة إلى أعباء التعليم وأعباء المعيشة الأخرى التي تقصم ظهره، وحتى أن هناك من يريد أن يبقي على قطاع الصحة الموروث من الكيزان كما هو لحماية مصالحهم الشخصية.
طريق البنك الدولي لم يورث البلاد التي تنكبته سوى الخراب ...
طريقنا بلادنا إلى النهضة الوطنية الشاملة، لن يتم إلا بتوفر أربعة مقومات أساسية، يجب أن يصب نضال الشعب السوداني في اتجاه تحقيقها وهي:
1- الإنتاج الزراعي بشكل أساسي، ثم الصناعة والخدمات، مع التركيز على دعم وتمويل المشاريع الإنتاجية الصغيرة وتمليكها للشباب.
2- مجانية الصحة: حيث لا يمكن أن ينهض بلد من البلدان، والأمراض تفتك بشعبه، والدفع مقابل الخدمات الصحية يفلس مواطنيه.
3- مجانية التعليم: حيث يجب أن تكون مجانية التعليم مثل مجانية الصحة، وأن يكون إلزامياً حتى سن معينة، وأن يتم دعم التعليم المهني وتطويره لتلبية احتياجات سوق العمل.
4- حرية البحث العلمي: وهي شرط ضروري لنهضة وطنية شاملة، حيث لا يجب تحجيم والحد من حرية البحث العلمي تحت أي ذرائع، دينية أو ثقافية، وأن يكون محمي بالقوانين، وأن يكون هدفه الحقيقة العلمية، وحرية البحث العلمي سيوفر الشروط لظهور أجيال جديدة من العلماء السودانيين في مختلف المجالات والتخصصات، الذين سيضعون الأسس العلمية للنهضة الوطنية الشاملة.
إن الاستثمار في هذه الجبهات الأربعة من قبل الدولة، وتحجيم ومنع القطاع الخاص من السمسرة في صحة وتعليم الشعب، يجب أن يكون من أولويات الدولة السودانية، وأن يكون الجزء الأكبر من الميزانية العامة مخصصاً لدعمها، وسوف يكون العائد الأكيد هو أجيال سودانية شابه مُنتجة ومتعلمة وفي كامل صحتها البدنية والنفسية ومتسلحة بالعلم والمعرفة.

Quote: طبعاً الحزب الشيوعي كرر أكثر من مرة على لسان قادته إنو دكتور أكرم ما عضو في الحزب لكن هو الشخص المناسب رغم ذلك في ناس مصرين إنو شيوعي

عبد الله حسين

سلام

كلامك دا عن زعم الحزب الشيوعى أن أكرم التوم ما شيوعى
لو قروه ناس من سكان بيت المال، بالذات غربها ومنطقة بيوت آل كاشف
أهل أمه حاجة كاشف (الشيوعية) .. حيكضبوك والحزب الشيوعى ..
وفى شهود عيان تصادف عمله معهم فى إنتخابات 1986 لكامبين
مرشح الحزب الشيوعى ببالدائرة التى تشملها منطقة أهله ببيت المال

لولوة الحزب الشيوعى بتاعة فلان ما عضو وبيعللوها احيانا (ما رسمى مسجل)
أو من زمن وقف نشاطه الحزب وما له علاقة مباشرة فى السنوات الأخيرة
بنشاط الحزب لاى سبب من الأسبابن لا ينفى أن أكرم ليس شيوعى العقيدة والهوى
وليس فقط من الذين مؤلفة قلوبهم بسبب والدته الشيوعية التى يستحيل نكران
شيوعيتها. غايتو ما فاضل إلا د. أكرم يقول شرف لا ادعيه وتهمة لا أنكرها!

ود. أكرم لو ما شيوعى أو محسوب شيوعى، لم يكن سيرشح وزيرا للصحه
ولم يكن سيتقلد هذا المنصب. ولما تباكى عليه الشيوعيين وإنحازوا إليه
حينما تم نقده وتم إعفائه من منصبه، ومصحوبا بدعون أنه ما شيوعى!!

شيوعى ونص وخمسة .. ويبقى تقييم أدائه كوزير للصحة أمر آخر!

شيوعى ونص وخمسة ..

هذا رأيك الشخصي لا يغير من الواقع والحقيقة شيء.

دكتور عثمان
تحية طيبة
البوست مهم فيه حقائق من شخص متخصص وقريب للاحداث من خلال مهنته ، شخصيا قدمت دعوة للاصدقاء الغير منتمين او قراء الي سودانيزاونلابن للاطلاع عليه والمتابعة نتابع كل كلمة تكتب هنا ،
اما عبدالعظيم لاتضيع زمن للرد عليه مفهومه للثروة فقط تمكين اعضاء حزبه في الحكومة والمنبر يشهد على ذلك في حالة اقالة اي اتحادي من قبل حمدوك عبدالعظيم يحتكر الصفحة الاولي للمنبر يسقط حمدوك وفي حالة تعيين حمدوك والي للاتحاديين يحتكر كل مواضيع المنبر شكرا حمدوك
لا تهمه قضايا الوطن والمواطن ، تم تنبيه اكثر من مرة قلنا له لاتستخدم اساليب الكيزان الفاشلة كل من يكتب حقيقة تصبغ عليه صفة الشيوعية نفتخر بذلك كل من يكتب الحقائق شيوعي ، المهم واصل في كتاباتك حول هذا الحقل الصحي الهام لا تلتفت لكل من يسعى الي ايقاف قلمك وتهمة الشيوعية

Quote: صلاح الزبير حمدلله على السلامة أها أخبار المستشفيات شنو؟ ومشكلة الدواء إن شاء الله متوفر وبأسعار في مقدور الجميع :)

الله يسلمك ويخليك دكتور عثمان ...
مستشفيات ودوا شنو يا دكتور ... انا لست
بكادر طبي وليس لي علاقة بالحاجات دي ...
لولا ما حصل لعمي الشفيع محمد خير في
شوارع الخرطوم وبعد ذلك حضور ومشاهدة
الكثير من التدهور الصحي الذي صار السمة
الغالبه في كل الخدمات الطبية في الفترة
التي قادها كوزير صحة د. أكرم ... كنت سوف
اكون مثلي والناس التانيين ...
اليوم يظهر انو الامور عال العال والدليل
افتح كل وسايل الميديا المشاهدة والمكتوبه
لن تري إبراز لأي قصور في الخدمات الطبية ...
السبب لأنو ببساطه يمكن أن تصل لكل المستشفيات
ويمكن أن تفتش للمعدوم من الأدوية وتلقاهو ...
مسألة الغلاء والوفرة دي مشكلة كل الحاجات
في البلد ... مع ملاحظة اخيرة وهي انحسار
ال rate بتاع الوفيات نتيجة تواجد أخصائي
الأمراض المزمنة في أقسام الطواريء المتوفرة
الآن ...
https://sudaneseonline.com/msg/board/510/msg/1589717926/rn/59.html ... هل اتاك حديث الغاشيةالمدعو د. اكرم علي التوم

Quote: شيوعى ونص وخمسة .. هذا رأيك الشخصي لا يغير من الواقع والحقيقة شيء.

رأى شخصى كيف بعد سياق مداخلتى، خليك معقول ومنطقى شوية
المسألة ما تسديد كلام والسلام .. والبتقول فيه إنت يا ريت يكون رأى شخصى
ولكن للأسف مغالطة لحقيقة بائنة كعين الشمس عاوز تحجبها بمغالطات
وتظن ا،ها مفحمة (الحزب الشيوعى قال .. الحزب الشيوعى نفى)
بالنسبة للشارع والرأى العالم السودانى الشفيع خضر شيوعى ولو فصل
من الحزب. فبدل الدفاع عن أكرم بأنه ما شيوعى، فند االإنتقادات
حول انه فشل فى إدارة وزارة الصحة، والإدعاءات أنه ركز على
تعيين أطباء شيوعيين فى الوظائف القيادية والمفتاحية بوزارة الرى
بس ليس بنكران شيوعيتهم لأن الحزب الشيوعى قال ما شيوعيين،
بل نكران شيوعيتهم لأنهم فعلاً ما شيوعيين (والفارق كبير)، أو لأنهم
فعلاً الأجدر مقارنة بباقى الموظفين وخاصة من أعفى من المنصب.

* لست مع أو ضد السجال حول أكرم فى هذا البوست، بل لست متابعا
له، ولكن فقط متاوقتى بالأمس وقعت على إفادتك حول شيوعية أكرم
فكان تعليقى عليها بما أعرف.

Quote: اليوم يظهر انو الامور عال العال والدليل افتح كل وسايل الميديا المشاهدة والمكتوبه لن تري إبراز لأي قصور في الخدمات الطبية ...

هلا صلاح
ماهو ده مربط الفرس والكلام البنقول فيهو من فترة طويلة !
لن ترى ابراز لأي قصور مع إنو منذ مغادرة الوزير إلى الآن لا يوجد جديد في الوزارة !!
ملف الدواء زي ماهو ما حصل فيهو أي جديد من حيث التوفر ومن حيث الأسعار بل تضاعفت!
المستشفيات ياها زاتا مافي مستشفى جديد ولا جوا أطباء وكوادر جديدين ونفس الحال
الوفيات مش ياها زاتا بل عددا في زيادة !
عشان كدة قلنا وسايل الميديا و وكل الكانو شايلين الطار غرضم ما صحة ولا معاناة مريض بل كانت
هجمة ضد د أكرم وبعد الوزير مشى زي ماقال عبدالعظيم الصحة ملحوقة !!

Quote: السبب لأنو ببساطه يمكن أن تصل لكل المستشفيات ويمكن أن تفتش للمعدوم من الأدوية وتلقاهو ... مسألة الغلاء والوفرة دي مشكلة كل الحاجات في البلد ... مع ملاحظة اخيرة وهي انحسار ال rate بتاع الوفيات نتيجة تواجد أخصائي الأمراض المزمنة في أقسام الطواريء المتوفرة الآن ...

هل سمعت انو كان في إضراب في مراكز العزل !
هل سمعت إنو حاليا" في اضراب في مستشفى ام درمان !
هل عرفت ليه المعدوم من الأدوية بتلقي؟
هل عارف انو لا زمان لا هسه مافي اخصائيي امراض مزمنة موجودين في أقسام الطواريء!
ومافي انخفاض في معدل الوفيات!!

الحقيقة هي إنخفاض في الإهتمام بأخبار الصحة زاتا !
وإنخفاض في الناس الكانت بتروج وبتنشر المعوقات اللسة موجودة بل و أكتر عشان د أكرم !

هلا نادر

Quote: ود. أكرم لو ما شيوعى أو محسوب شيوعى، لم يكن سيرشح وزيرا للصحه ولم يكن سيتقلد هذا المنصب. ولما تباكى عليه الشيوعيين وإنحازوا إليه حينما تم نقده وتم إعفائه من منصبه، ومصحوبا بدعون أنه ما شيوعى!! شيوعى ونص وخمسة .. ويبقى تقييم أدائه كوزير للصحة أمر آخر!

كيفية ترشيح دكتور أكرم تمت كيف والرشحو منو زي بقية الوزراء ما عندي عنها معلومة قاطعة
لكن الحقيقة المتأكد منها تماما" لا يوجد من ينافس دكتور أكرم كوزير للصحة خبرات وشهادات وحتى كاريزما
لو كان اكرم شيوعي علي الشيوعين أن يفخروا بيهو لأنو أكتر وزير إشتغل وأكتر وزير كان عارف بعمل في شنو
وهسه كل يوم بتظهر أسباب الهجمة المسعورة الكانت عليهو .

هلا عبدالله حسين

Quote: يا دكتور عثمان عبد العظيم ده مهوووس بالحزب الشيوعي لازم ياخد حبة الترامادول الشيوعية الصباحية اليومية بشرط أن تكون كبسولات حمراء فاقع لونها ( لونه أحمر زاهي باهي، يلفت انتباهي )

طبعا" عبدالعظيم بعيد جدا" عن ما يدور في وزارة الصحة وياهو بيكتب وبينشر البجيهو من ناسو الإتحاديين
لكن الهجمة دي حتى قبل ما تكون ظاهرة للعيان بدوها الإتحاديين الأطباء البنعرفم ! ناس كانو بتكلموا عن الكفاءة وفجاءة بدوا يلفقوا القصص الكاذبة!!
كانو بيتكلمو عن وطن للجميع وفجأة بقوا يتكلمو الشيوعين أشرار الكيزان اشرار الصادق المهدي, الحركات المسلحة أشرار الإتحاديين هم الحل :)
هم مفتكرين الحكاية كلها في الفترة الإنتقالية دي وبعد داك القيامة حتقوم عشان كده بيتجاروا وراء الكراسي والمناصب لكن كل ما يمر يوم بينكشفوا أكتر.

يا نادر

العجلة في شنو ...

ياخي أعمل الهوم ويرك بتاعك، الكتابة والردود ملحوقة، حتى يكون الحوار سهلاً على المتحاورين، لهذا السبب لم أعلق على بقية مداخلتك، وعلقت فقط على الجملة التي تقول" شيوعي ونص وخمسة "، رجالة وعنقالة كده ساي منك، لكن بسبب مداخلتك الثانية أنا مضطر لعمل هوم ويرك لمداخلتك الأولى، والتي تقوم حجتها على أن دكتور أكرم على التوم هو ابن الشيوعية حاجة كاشف بدري، وأنه اشترك في الحملة الانتخابية لمرشح الحزب الشيوعي في العام 1986، لذلك فهو عضو الحزب الشيوعي.
فالراحلة الأستاذة حاجة كاشف بدري غادرت صفوف الحزب الشيوعي مع انقسام عوض عبد الرازق عام 1952، فبعد 68 عام فهي ما زالت شيوعية في نظرك، وحتى إذا افترضنا أنها إلى حين رحيلها ظلت عضوة في الحزب الشيوعي، فإن منطقك القائل أن ذلك دليل يثبت بالضرورة أن ابنها عضو في الحزب الشيوعي هو منطق عجيب وغريب حقاً، لأن وفقاً لهذا المنطق يمكننا القول على سبيل المثال أن الصديق عبد الرحمن المهدي هو كوز لأن ابنته وصال المهدي كوزة وزوجة الكوز حسن الترابي، وأن الراحلة الأستاذة سعاد إبراهيم أحمد هي حزب أمة لأن والدها الراحل إبراهيم أحمد حزب أمة، وهكذا بالإمكان أن نسوق كثير من الأمثلة. أما حجة مشاركة دكتور أكرم في الحملة الانتخابية لمرشح الحزب الشيوعي في عام 1986 فهي أعجب، فقد غادر الكثيرون صفوف الحزب الشيوعي خلال فترة الـ 34 عاماً هذه، بالموت أو الفصل أو الاستقالة أو الانقطاع، وهذه الحالات يعرفها أعضاء الحزب الشيوعي، هذا فضلاً على أن المشاركة في الحملة الانتخابية لمرشح الحزب الشيوعي ليست دليل في حد ذاتها على أن الشخص المحدد بالضرورة عضو الحزب السوداني، فللحزب الشيوعي جماهيره التي تصوت له، وهناك الديمقراطيين المتحالفين معه وأصدقائه، وهؤلاء جميعاً غير منظمين في الحزب الشيوعي، وهذه هي الحقائق المجردة التي يعرفها حتى الذين خرجوا من الحزب الشيوعي وعادوه، ويستطيعون تأكيدها.
مسألة أن فلان أو علان عضو في حزب من الأحزاب أو غير عضو، فهي أمر لا يستطيع أن يثبته أو ينفيه إلا الشخص المعني والحزب المعني، وليس أي شخص آخر، مثل قول أحدهم، والله الزول ده أنا بعرفو جارنا ما كوز، أو الزول ده أنا بعرفو مستقل ما عندو علاقة بالأحزاب، وغيرها من الشهادات التي درجنا على سماعها، وخير مثال هنا اللغط الذي دار حول عضوية مصطفى سيد أحمد في الحزب الشيوعي، حيث نفى بعض أصدقائه المقربين عضويته في الحزب الشيوعي، حيث يعتقدون أن من المؤكد أن مصطفى قد أخبرهم بكل شيء عن حياته وخيارته وانتماءاته، وهذا أمر لم يحدث ولن يحدث أبداً، فأنا عضو الحزب الشيوعي السوداني، هناك من يعرف ذلك في أسرتي الصغيرة والممتدة، لأنهم أعضاء في الحزب الشيوعي أو يهتمون بالسياسة، وهناك من إخوتي وأخواتي من لا يعرف ذلك لأنهم لا يهتمون أصلاً بالسياسة، ولذلك فحتى أخي لا يستطيع أن يثبت أو ينفي أني عضو في الحزب الشيوعي، إلا إذا قلت له أنا ذلك وأثبت ذلك الحزب المعني، لذلك عندما سأل صحفي الأستاذ صديق يوسف عن ما إذا كان دكتور أكرم عضو في الحزب الشيوعي، قال له أنه ليس عضو في الحزب الشيوعي وأن بإمكانك سؤاله، وهي الإجابة المنطقية الوحيدة، فالذي يستطيع إثبات أو نفي العضوية هو الشخص المعني والحزب المعني فقط، وليس أي شخص آخر.
مع ذلك يظل الدكتور أكرم علي التوم هو ابن الشعب البار، المنحاز لفقراء بلادنا، ويتشرف الحزب الشيوعي بعضويته فيه، وليس هناك ما يستدعي إنكار عضويته، إذا كان ذلك حقيقة، مثله مثل أبناء الشعب البررة، الحاج مضوي والحاج نقد الله ومحمد يوسف أبو حريرة.

Quote: أما حجة مشاركة دكتور أكرم في الحملة الانتخابية لمرشح الحزب الشيوعي في عام 1986 فهي أعجب، فقد غادر الكثيرون صفوف الحزب الشيوعي خلال فترة الـ 34 عاماً هذه، بالموت أو الفصل أو الاستقالة أو الانقطاع،

سلام عبد الله حسين

الإنقطاع من أهم أسباب غياب الديمقراطية وبالذات المصحوب بالإغتراب

عندما يصنف شخص أنه إسلامى أو كوز أو ناصرى أو شيوعى أو أمة أو إتحادى
فهذا ليس بالدعمسة الشيوعية بتاعة عضو رسمى ومسجل .. وكتار حايمين
بيقولوا شيوعيين لكن ساعة الجد قد ينكرهم الحزب الشيوعى (المجلس الرسمى)
لكن فى الساحة العامة للسياسة يظل مصنفا. الشفيع خضر عندما ركز على مطاريد
الحزب الشيوعى أو الذين لا نشاط لهم فهو يسعى لتكوين كتلة بسارية جديدة
ممن (فكرهم شيوعى)، وإستقطاب آخرين شيوعيين (وأيضاً بمعايير الشيوعيين
قد يكون بعضهم غير شيوعى) .. فى مداخلتى الأولى أشرت (للمؤلفة قلوبهم)
وهذه ربطها بأكرم التوم أنه شيوعى بالممارسة بتاعة إنتخابات 1986 وليس فقط
مؤلفة قلوبهم (والدته السيدة حاجة كاشف) . لا تستطيع إنكار شيوعيته العملية
عام 1986، وإذا محوتها بمرور الزمن، فيظل من المؤلفة قلوبهم. فهو خيار
مفضل للشفيع خضر. .. أكان ما شيوعى قلب كوز؟

عن كفاءته وأنه أفضل الكفاءات والخبرات والخيارات هذا صعب قوله ولا تزكيه
الأعفاءات لسبع وزراء وعدم الرضاء بمعظم أداء الآخرين بما فيهم حمدوك ..
قد يكون فعلاً مستوفى الكفاءة حسب السيرة الذاتية، لا أود النظر والخوض فيها
إلا إذا كان الغرض الإستفادة من التجربة لكيفية إختيار مرشحين لوزارة الصحة
وغيرها سواء وزراء أو وظائف اخرى، رغم أذكر مما قرأته قبل فترة فى هذا
البوست فى تمجيد لخبراته النوعية مقارنة بدكاترة أخصائيين كبار بالسودان.
إعادة تقييم الرزمى أراها يقوم بها مختصين.

فكما قلت لك الفيصل تقييم أداء أكرم فى تصريف مهامه (إداريا أولاُ وفنيا ثانيا)،
وعن حقيقة تعيناته وإعفاءته لموظفين فى وظائف قيادية ومفتاحية هل كانت
منحازة لموظفين (محسوبين) شيوعيين، وليس إعتماداً على شهادة شيوعيتهم من
عدمها بواسطة الحزب الشيوعى!

ياخ ما تجرنى للبوست دا وكلام هوم ويرك ما عاوز أخوض فيه .. لأسباب عديدة
وأنا فقط دخلت لقيت مداخلتك آخر مداخلة وأفدتكم بمعلوماتى عن شيوعية أكرم
(المنكورة).

مافي طريقة يا عثمان لي تمكين شيوعين
في وزارة الصحة او أي وزارة ثانية
الشعب السوداني عمل ثورة عظيمة وشال الكيزان
يقوموا المواهيم ديل عاوزين يرثوا الكيزان
ويمارسوا نفس ممارسات الكيزان القبيحة في التمكين
َ
مافي طريقة.. تمكين علي حساب الثورة
دي تشموها قدحة
الشعب حارس ثورته
وأي إنتهازية وتمكين وكلام فارغ مافي ليه سكة

ما تنتظروا الإنتخابات وتورونا فلاحتكم عبر الصناديق
ولا شغالين تخططوا لي إنقلاب

Quote: ما تنتظروا الإنتخابات وتورونا فلاحتكم عبر الصناديق ولا شغالين تخططوا لي إنقلاب

تمكين إتحاديين بس :)
نفس الحنك بتاع الكيزان أي واحد بشيلوهو كانو بقولو شيوعي ! وأي واحد كان بقيف ليهم في تمكينم كان بقولو شيوعي!
الفرق الكيزان جوا قلعوا الحكومة بانقلاب و سلاح وقالو الزارعنا غير الله يجي يقلعنا ! هسه انتو نفس النظرية لكن بالكذب
فالحكاية ما تمكين شيوعيين لأنو نحن عارفين الشيوعيين منو والاتحاديين منو والكيزان منو الحكاية هي انتهازية من الإتحاديين بس
وأهو البغلبك قول شيوعي :)

Quote: أصدر رئيس مجلس الوزراء د. عبدالله حمدوك اليوم “الأربعاء”، قراراً بإنهاء تكليف د. سارة عبد العظيم حسين من مهام الوزير المكلف لوزارة الصحة وقبول استقالتها من وظيفة وكيل وزارة الصحة وتعيين د. أسامة أحمد عبد الرحيم وكيلاً لوزارة الصحة وتكليفه بمهام الوزير إلى حين تعيين وزير للصحة. ووجه القرار وزارات شؤون مجلس الوزراء والمالية والتخطيط الاقتصادي والصحة والعمل والتنمية الاجتماعية والجهات المعنية الأخرى، بإتخاذ إجراءات تنفيذ القرار.

تعيين د أسامة وكيلا" لوزارة الصحة وتكليفه بمهام الوزير !

عشان تعرف أصل الحكاية لازم نرجع لي اللستة ! أو الشلة !!

Quote: في اسمين من اللستة ظهروا باسم مدير عام وزارة الصحة ولاية الخرطوم ، عشان تعرف المشكلة نبداها من الأول . كان المدير العام من زمن الانقاذ هو د. بابكر محمد على ، بقرار وزاري من وزير الصحة أصدر د.أكرم قرار بتعيين د. محمد الحاج مديرا" لمستشفى ام درمان التعليمي بعد يومين اصدر د.بابكر قرار باقالة د. محمد الحاج متحديا" القرار الوزاري ده !! الخطابين منشورات في الميديا ، بعد اعفاء د بابكر تم تعيين د. اسامة أحمد (برضو ترشيحات المكتب الموحد) عند اصدار الوزير قرار بعودة بعض المستشفيات الولاﺉية للوزارة الاتحادية ( أصلا" مستشفيات اتحادية حولا مامون حميدة للولاﺉية) رفض د. أسامة القرار ده و تقدم باستقالتو !! فتم تعيين د الفاتح عثمان ! وتخيل انو د الفاتح ده زاتو من اللوبي المشى للبرهان لاقالة د. أكرم !! الحرب الواجها وزير الصحة في القطاع الصحي ده لم يواجهها أي وزير في الحكومة دي ! كل واحد بما انو دكتور عاوز يضع برنامج لوحدو وكأن وزير الصحة مفروض يكون ليهم زي ابوقردة أي كلام يقولو ليهو ينفذو ويبصم عليهو !!

المكلف بمهام وزير الصحة د أسامة طبعا" ما إسم جديد وهو نفسو كان مدير عام وزارة الصحة ولاية الخرطوم و تعيينو تم عن طريق المكتب الموحد (مطبخ الشلة)
وطبعا" ما غريب على الوزارة فهو شغال في الوزارة الولائية والتأمين الصحي من زمن الإنقاذ , بل مؤيد و داعم لخطة بروف مأمون حميدة بتحويل المستشفيات الفي الخرطوم لوزارة الصحة ولاية الخرطوم
وقدم استقالتو كمدير عام الصحة بالخرطوم لرفضه قرار الوزير السابق بعودة مستشفيات الخرطوم وام درمان وبحري لوزارة الصحة الاتحادية !
و زي ما قلنا في الأول الهدف من اللوبي ده هو استمرار الصحة بما هي عليه أيام الإنقاذ فالمصالح كتييرة والتغيير الأحدثو د أكرم هدد هذه المصالح .

Quote: و زي ما قلنا في الأول الهدف من اللوبي ده هو استمرار الصحة بما هي عليه أيام الإنقاذ فالمصالح كتييرة والتغيير الأحدثو د أكرم هدد هذه المصالح .

الشلة كلها لا تجمعها غير المصالح : شلة الإستشاريين وفي مقدمتو علاء نقد الظهر فجأة وإتقلد منذ الثورة أكتر من ستة مناصب وكأن الصحة لا يوجد بها غيره وهو سبب كل هذه المماحكات
وشلة الإتحاديين و ديل ناس فتة ساي أقصى طموحهم تعيينات لهم في الوزارة (طبعا" موضوع سياسات صحية و خطط استراتيجية ده شعرا" ما عندهم ليهو رقبة) وواضح جدا" تهافتهم على الوظائف
في قطاع الصحة بل حتى أمثال د محمد الحاج البقوا اتحاديين في 2019 دي أصبحوا من رموزهم في الصحة !
الإتحاديين في لجنة الأطباء المركزية شغالين عرقلة لقيام النقابة و أصبحت قطاع للأطباء الإتحاديين حتى إضرابات مستشفى ام درمان و مشاكل الأطباء مع إدارة مستشفى ام درمان ما جابوا سيرتها وعن قصد !
الإستشاريين بيعملوا على المحافظة على نفس سياسات مامون حميدة السابقة وضد ايلولة المستشفيات الكبيرة للاتحادية وطبعا" ضد تحسين أوضاع صغار الأطباء لأن الموضوع ده بيمس عياداتهم ومراكزهم الخاصة

طبعا" أيام د أكرم وحتى في هذا البوست كان اصحاب الغرض كل يوم يولولوا الطوارئء مقفولة , مستشفى شنو ما شغالة ورغم معرفتهم التامة ان لهذه
المستشفيات ادارات كانت تلجأ للأغلاق المؤقت في عز ازمة الكورونا وليس للوزارة أمر مباشر بإغلاقها ! منذ إقالة د أكرم لم نسمع هذه الولولة !

بل نذيدكم من الشعر بيت هل يعلم هؤلاء ان كوادر طواريء أطباء مستشفى أم درمان مضربين ما يقارب ال15 يوم !!
هل سمعتم لجنة الأطباء الاتحادية جابت سيرة للاضراب ده ولا مطالبم شنو !!
يجيبو سيرتها كيف ومديرها الفي إجازة اتحادي والمدير بالانابة الجاء مخصوص من ابن سيناء عشان يحجز الكرسي هو علاء نقد ( رأس الحية)!

الحاصل كالآتي:
أطباء طواريء مستشفى أمدرمان مضربين من يوم 13/8 لعدم صرف مرتباتهم و عدم وجود عقود عمل تحفظ حقوقهم وتم صرف مرتبات شهر 7 يوم 22 /8 !!

/IMG]

https://top4top.io/

https://top4top.io/

https://top4top.io/

https://top4top.io/

https://top4top.io/

في التعليق الفوق مرفق صور للعقودات العملها علاء نقد للأطباء للعمل في طواريء مستشفى أم درمان !

عقود أقل ما يقال عنها أسوأ من عقود المستشفيات في عهد النظام البائد ! وتنافي كل حقوق العمال وكأن إضرابات الأطباء وكفاحهم السابق كان لكي
يأتي أمثال هؤلاء الإنتهازيين !والقصد منها تشريد الأطباء للعمل في مستوصفاتهم الخاصة فلن يأتي طبيب لينفذ شروط هذا العقد بما يعادل 130 ريال في الشهر !!
وعندما عمل د أكرم لتسكين نواب الأخصائين في وظائف (قريب 7000) وظيفة و بمرتبات حسب الدرجات الوظيفية قادوا حملة و أدخلوا فيها مجلس التخصصات
من أجل مصالحهم الخاصة وإعترضوا عليها !

17 يوما ومستشفى أمدرمان التعليمي لي اول مرة في تاريخها مغلقة... مغلقة أبواب الحوادث و الاصابات ......
ونظرا للوضع الإداري الحالي في المستشفي وفي الوزارة لا يوجد امل انها حتفتح قريبا......
إلى متى والى أين لا نعلم.... العلم عند الله ثم عند إدارة مستشفي أمدرمان التعليمي وعند وزارة الصحة الولائية....
17 يوما ولم يدخل اي مريض الحوادث التي تعتبر الأكبر في ولاية الخرطوم ولا ابالغ ان قلت الأكبر في السودان بأكلمه.....
ولا حياة لمن تنادي....
#إرجاع_فتح_حوادث_مستشفى_امدرمان_التعليمي
#الجمعية_العمومية_لاطباء_مستشفي_امدرمان_التعليمي
#النقابة_هي_الحل

هذا هو الحال الآن في مستشفى طواريء مستشفى ام درمان وهذا البيان من لجنة أطباء طواريء امدرمان

ده حال المستشفى والمدير نزل اجازة !! والمدير بالانابة علاء نقد عاوز يلوي يد الاطباء!
هل في زول لاقاهو خبر عن ان الطوارىء مغلقة تماما" لي ١٧ يوم !! وباسباب ادارية ولسخرية القدر المدير هو علاء نقد
صاحب الحملة الشعواء على د اكرم !!

صور مستشفى امدرمان وهي مغلقة تماما" منشورة من لجنة اطباء طواريء المستشفى

http://[url=https://top4top.io/]" target="_blank">http://[url=https://top4top.io/][/URL]

http://[url=https://top4top.io/]" target="_blank">http://[url=https://top4top.io/][/URL]


http://[url=https://top4top.io/]" target="_blank">http://[url=https://top4top.io/][/URL]

http://[url=https://top4top.io/]" target="_blank">http://[url=https://top4top.io/][/URL]

http://[url=https://top4top.io/]" target="_blank">http://[url=https://top4top.io/][/URL]

http://[url=https://top4top.io/]" target="_blank">http://[url=https://top4top.io/][/URL]

http://[url=https://top4top.io/]" target="_blank">http://[url=https://top4top.io/][/URL]

http://[url=https://top4top.io/]" target="_blank">http://[url=https://top4top.io/][/URL]

Up

لحد ما نجي نشوف جغمسة شفع صحن الفتة بعد خمسة شهور من استلام الوزارة.

Quote: في التعليق الفوق مرفق صور للعقودات العملها علاء نقد للأطباء للعمل في طواريء مستشفى أم درمان !

يا د. اسامة ده عقد شنو ده ؟
- كلو التزامات على الطرف الثاني . .!!!!!!!!
- ويحق للطرف الاول . .!!!!!!!

يا عثمان إنت مُصِر تواصل التضليل البتعمل فيه دا
متين الإتحادين إستلموا وزارة الصحة ؟
خليك حقاني وقول الحقيقة واللي هي تصدى الاتحاديين
َرفضهم تمكين الشيوعين في وزارة الصحة
دي الحقيقة الإنت شغال تطمس فيها

Quote: يا عثمان إنت مُصِر تواصل التضليل البتعمل فيه دا متين الإتحادين إستلموا وزارة الصحة ؟ خليك حقاني وقول الحقيقة واللي هي تصدى الاتحاديين َرفضهم تمكين الشيوعين في وزارة الصحة دي الحقيقة الإنت شغال تطمس فيها

يا عظمة نحن بنكتب في الحقائق دي من قبل الفأس يقع في الرأس وبنكشف في التضليل البعملو
فيهو شفع الاتحاديين ده .
البوست ياهو ده قااااعد ارجع للصفحات الأولى عشان تتذكر كويس ، الخساسات العملوها الاتحاديين مع لجنة الأخصائيين ضد د أكرم التوم هسه قاعدة تنقلب عليهم والقطاع الصحي كلو باستثناء الاتحاديين و السلفيين وبقايا الكيزان وبعض منتفعي لجنة الأخصائيين اتاكدوا تماما" منو الكان بضلل في الناس ومنو الكان بركب مكنة المناضل عشان يوصل لمصالحو الضيقة.
لجنة الاطباء بتاعت شيخي الأصم راحت في خبر كان ونقابة الاطباء الحقيقية في الطريق .

Quote: يا د. اسامة ده عقد شنو ده ؟ - كلو التزامات على الطرف الثاني . .!!!!!!!! - ويحق للطرف الاول . .!!!!!!!

هلا عمر سعيد
طبعا" العقد ده العملو د.علاء نقد قائد الحملة الشهيرة برفقة شفع صحن الفتة
أها ليهم خمسة شهور ماسكين المستشفيات والوزارة والحاجة الوحيدة الاتغيرت انو الوضع ماشي اسوأ وكل
يوم الأطباء مضربين وبيستجدوا في حقوقم .